رواية بنت الهدي والمجنون الفصل الرابع 4 بقلم مرج البحر

تخدعنا البدايات ونفرح 

وتصدمنا النهايات 💔

بنت الهدى... صارت علاقته وياي زينه صار ما يتاخر يرجع من الساعه 12 ويهتم بيا ودايماً يكلي ويذكرني انو مستحيل اتركج صدكيني كلش احبج 

اني صدكته لانو فعلن صادق وياي بذاك الوقت 

ف صارت تمشي الايام ورجع نفس، اول صار يتاخر وبس يريد يتعارك وياي من غير، مشاكل اخته اللي ما تخلص اني لعب قلبي حسيت اكو شي لانو تغير 180 درجه الى الاسوء وياي اني صار يكرهه وجودي من يدخل للبيت بس يغلط عليا ويكلي اكرهج اني مليت من هل وضع صار يطلع من البيت من المغرب بعض مرات حتا يتعشا عدهم جيرانهم ذولا ويضل لصبح اني صرت ما احجي شي كلت يجي او ما يجي طكاك بعينه 

صرت انام وما يهمني ف ثاني يوم كعدت من وكت عزلت البيت وسويت ريوق جان ادوخ ومعدتي تاذيني كلش كلت لعمتي كالت اصبري اكول لعمج ونروح على المستشفى رحت جهزت نفسي ونزلت ومشينا وصلنا سلمت على الدكتوره وسحبت دم مني وراحت تحلل طلعنا برا ننتظر النتيجه طلعت الدكتوره جان تكلي الف مبروك انتي حامل كلش فرحت حتا امه فرحت جان تبارك الي وابوه همينا وطلعنا ووصلنا للبيت وعرفو كلهم حتا هوا عرف وفرح وكلي الف مبروك اتصلت على اخواتي وكلت الهم كلش فرحو وباركو الي كلهم بابا وخواتي نهيت الاتصال ويا اهلهم جان يجي يمي ما حجيت وياه وبنفس الوكت تعجبت ليش مو رايح لجيرانهم 

وسام... هدى

بنت الهدى... نعم 

وسام.. شبيج 

بنت الهدى... ما بيا شي 

وسام... بشنو تفكرين 

بنت الهدى... هههههههه افكر ليش مو رايح لجيرانكم 

وسام.... هههههههههههههه تحششين هاه 

بنت الهدى.... لا منو كال هيج 

وسام... كلامج يدل على هيج 

بنت الهدى.... اني تعبانه واريد انام تصبح على خير 

وسام.... تلاقين الخير ايي انهزمي 

بنت الهدى... لا تعليق 

صارت تمشي الايام وحملي صار عليه شهر ونص ومع هذا لهسا اكو مشاكل. علاقتي ويا وسام متوتره كلش ف بيوم من الايام جنت اعزل غرفتي جان يرن موبايلي باوعت هاي اختي تسنيم رديت عليها 

وخلصنا سلام جان تكلي حددنا موعد عرسنا

بعد 10 واريدج تجين حتى تهزين وياي 

بنت الهدى : ليش هذا الاستعجال انتم مو متفقين

لحد ماهو يتخرج هاي نهاية سنة

تسنيم مو ابو وامه طلع اسمهم بالحج ف 

كالو استعجلو نزوجكم قبل لا نسافر 

بنت الهدى: ان شاءلله حبيبتي الله يسهل

ويقدم بي الخير 

تسنيم يعني تجين باجر حتى نلحك تجهيز 

وهم وتغيرين جو ويانه

 بنت الهدى: اي والله حبيبتي محتاجه اجي عدكم

لان اني هم كلش تعبانه

 تسنيم: شكو هداوي بيج شي شو احسج مو على بعضج

بنت الهدى: لا حبيبتي ماكو شي بس تعرفين مو متعوده على اجوائهم ولهسا ما تعودت واني هم 

بالي يمكم انتي وسلسبيل وابوية 

تسنيم: هداوي كلبي لا تفكرين بينه احنه كبرنا

واعتمدنا على نفسنه واختي اني دايره بالي عليهه

واذا على ابويه لا تخافين اني قريبه عليه و احمد

خوش ولد هو ابد ما يعارض انو ادير بالي على بابا واختي ف ياعمري لازم كل وحده منا تشوف حياتهه وتعتمد على نفسها وبابا هو من يشوفنا

مرتاحات وسعيدات هو من يمه يرتاح ويفرح

اذا انتي بقيتي واني واختي هو بالعكس راح

ينقهر اكثر ياعمري انتي 

بنت الهدى: ان شاءلله حبيبتي الله يسهل عليج

وعلى سلسبيل واشوفكم بااحسن مكان واني راح 

اشوف عيالي و وسام حتى اجي عليكم وارتب وياج الامور

تسنيم: تمام حياتي اذا تريدين اني اتصل بزوجج

واكله اريد اختي وياي خاف مايقبل تجين

 بنت الهدى: لا حبيبتي اني اكول 

تسنيم: تمام على راحتج

بنت الهدى : نهيت الاتصال ونزلت جان الكاهم كلهم موجودين وكلت الهم اريد اروح لااهلي

وابقه اسبوعين لان اختي زواجها بعد 10 ايام

واريد اجهز وياهه تعرفون امي ميته ومحد لهم

 بنت الهدى: محدا عارض كالو روحي كلش فرحت صعدت وجهزت اغراضي وكلت بكلبي احسن همينا ارتاح من المشاكل وبلكي وسام يتغير شوي صار الليل واجا وسام للغرفه 

وسام... هاه مااشاء الله مستعجله متحضره من العصر 

بنت الهدى... وليش ما افرح اني رايحه لبيت بابا

 

وسام.. ايي والف نعم من بابا حقج واني ما كلت شي 

بنت الهدى.. شحدك تكول شي على بابا

وسام.. لا تخليني اغلط عليج انتي

بنت الهدى. ههههههههه اغلط مو شي جديد انتا كل

يوم جاي تغلط وتفش حركتك ومشاكلك بيا 

وسام... اخ يا هدى والله ما جاي تحسين بيا

بنت الهدى.... ايي غير تحجي اني شلون راح اعرف شبيك 

وسام... لا ماكو شي اتشاقا وياج يلا كومي نامي باجر وراج طريق طويل 

بنت الهدى... كل عاده انهزم من الكلام ما حجيت شي كمت ورحت نمت كعدت من الصبح لبست فستان وتمكيجت وطلعت اغراضي برا وجت السياره وسام حط الجنط وركبت ومشينا هما كلش بعيدين عن اهلي وصلنا الضهر شفت بابا واخواتي وبجيت كانو صار لي سنين مو شايفتهم 

دخلت جوا وشفت خواتي يربي كلش مشتاقه الهن 

تغدينا وجان يصيحني بابا كال وسام يريدج 

دخلت عليه وصار يوصيني على نفسي والبيبي 

باسني براسي وحضني وراح جان تنزل دموعي وراه لا ارادياً ما اعرف ليش مسحت دموعي ورحت للبنات 

صار لي ايام عند اهلي خلصت تجهيزات العرس

 صار موعد العرس اللي قلب حياتي فوق تحت 💔

كعدنا من الصبح تجهزنا اني وخواتي راحن للصالون اني بقيت بالبيت يم بابا لحد العصر

 بدت تجي النسوان واجني صديقات اخواتي

شويه واجت تسنيم من الصالون اباوع عليه 

ما شاءلله طالعه كمر الله يسعدج يارب 

 اختي سلسبيل مثل الملاك نفس ملامح ماما

الله يرحمها اتذكرت امي بجيت 

اجني عليه البنات مسحن دموعي وحلفوني

 بروح ماما ما ابجي اني هم سكتت مااريد اكسر 

فرحت اختي 

البنات كامن يركصن وخلني بنصهن واني هم 

ركصت لمن تعبت نسيت نفسي اصلن وانو اني حامل خلص العرس هو كانت الحنه والزفه نفس 

اليوم اجت الزفه واخذو اختي ف كال بابا روحي

وياهه لان هيه باجر من الفندق تروح تسافر شهر

عسل وصلنا اختي على الفندق

ورجعنا بليل صار يجيني وجع مو طبيعي سلسبيل يمي كل الليل جان الوجع خفيف بعدها زاد الوجع وجاني دم مو شوي صرت اصرخ وواختي راحت كالت لبابا 

بابا خطيه مايعرف شنو يصرف كام اتصل 

على رجال جيرانا هو دائما يكعد وي ابويه 

يمه بالبسطيه ويسولفون هم رجال كبير 

وكله على حالتي خطيه شويه ودز زوجته هم 

مره كبيره وابنه هو الي يسوق سيارة 

اختي رادت تروح وياي كتلهه ابقي يم بابا 

ماقبلو صديق بابا اجه يمه 

واخذوني على المستشفى 

دخلت فحصتني الدكتوره كالت ماما انتي مسقطه

الطفل وهسه نسويلج كوردش حتى انظفج

دخلوني الصاله وسولي

 بس طلعت روحي يالله خلصن ومنا صرت افكر با وسام واهله هسا يكولون متعمده اعرف بيهم متت قهر رجعنا للبيت واني احس بس جثه امشي وياهم تمنيت انو حلم ويخلص بس لا حقيقه ومستحيل اكدر اخلص نفسي منها 

صار لي ايام و وسام عرف انو سقطت واهله عرفو بس ما كالو شي اثاري جاي يتفقون عليا 

اجا اخوه وياو واخذوني لمن وصلنا سلمت على امه جان تكلي شبيج مخبله تركصين ما رديت عليها صعدت لغرفتي جان يدخل وسام عليا ودك رزايل وسب وغلط بكل لغات العالم وما كفاه هذا الشي هجم عليا وكتلني جان يكلي ابداً ما تضلين يمي والله اذا ما طلقتج اني مو وسام طلع من الغرفه بعد ما خلص عليا صار ايام وهوا يريد يطردني وابو هم يحجي عليا وزعلان مني المهم العائله كلها ضدي ما بيهم اللي كلي الله يعوضج والله هوا اللي يرزق البشر والله هوا يعطي وياخذ لا كلهم اتفقو عليا صح ومثل ما كلبي جان يكلي 

صار ايام والوضع تازم كالو ابداً مالج كعده اني تخبلت اخذوني ورموني على اهلي جان يكلي انتي طالق تخيلو زعلانين هوا وابو حتا كعده ما كعدو وبابا انصدم واختي مسويه الهم الغداء عبالها يكعدون ولا تدري بل مشكله كلها 

انصدمت وانهاريت لان ما توقعت يصير هيج ابداً 

بقيت كم يوم عند اهلي 

بابا واخواتي يكولون الي هما اللي خسروج 

بس ما يفيد الكلام ويا كلبي وعقلي ابد 

كرهت البشر صرت ما احب اطلع او اشوف احد 

صارت تجيني اخبار من عدهم تخيلو مطلعين كلام عليا انو اني مخبله بليل انام بليل بحذائي 

واحط بصل وياي وملابسي ما اغسلهم وكلام كثير 

ما جنت اكول بس شي واحد انو حسبي الله ونعم الوكيل بيكم بس هيج ) مرت سنه على طلاقي جان يجيني خبر زواج وسام من بنت جيرانهم اللي جان يضل عدهم ضحكت وبجيت بنفس الوقت لانو هوا من اول ما رادني واني جنت ضحيه بينهم .. 

شكرا لزيارتكم عالم روايات سكيرهوم