رواية ازهار والوحش الفصل الثالث بقلم جمانه السعيدي
كريم الوحش...اهلي شبه عرفو اني وزينه ماكو بينا توافق
ومبينه هي ماتحبني ولا تريدني
امي حاولت تدخل بلموضوع بس بدون فايده البنيه كارهتني وكارها وجودي وياها بلغرفه
المشكله مااكدر انفصل عنها هاي بت عمي وعرضي
ومااقبل اي احد يمسها بكلمه وحده
بعدين البنيه ماغلطانه يعني ماتريدني
ترا مو غصب
لازم ننتضر يفوت وقت حتى نكدر ننفصل عن بعض
ابوي....بابا كريم ليش ما تحاول ويا بت عمك
بلكت تغير رائيها ترا ولله مايصير هيج كل واحد منكم نايم بغرفه
كريم...اني راح احجيلك الحقيقه البنيه جانت رافضه هاي الزواجه من البدايه وعمي جبرها
ترا حرام علي مايصير زواج بلغصب
هسه اني وياها لا احنا مزوجين ولا مامزوجين
يله هسه هاي المشكله شلون تنحل
ابوي....انت حاول وياها بلكت بلكلام الحلو تلين وتتقبل
هذا الزواج
كريم...راح احاول أمري لله
بليل دخلت عليها الغرفه بس شافتني طبكت الباب ودخلت
زينه...هااا خير شكو
كريم...نحجي اني وياج لو مايصير نحجي
زينه...وليش قفلت الباب ترا عادي نحجي واحنا فاتحين الباب
خاف عندك نيه ولله اكتل نفسي وما تقرب عليه
كريم.. انتي ليش كارهتني ولله مايصير هيج
زينه...اموت منك مستعده اموت نفسي ولا تقرب عليه
مابقى غيرك انت تعرف الناس كلها تسميك الوحش لو ماتعرف
اكو بنيه تزوج وحش
جمانه السعيدي
كريم....اي بس نحجي ايجوز تغيرين رائيج
زينه....ابد هاي السالفه طلعها من دماغك
كريم...صار اكثر من شهر مزوجين وانتي ماطايقه وجودي
زينه...وبعمري مراح اطيقك
كريم...زين باجر اخذي ملابسج وروحي بيت اهلج
كولي ضربني كولي يغلط عليه
اي كلام تردين كولي وبعد لا ترجعين واني احاول
اطلكج
شوفي نفسج ليش باقيه هنا لا انتي مزوجه ولا مامزوجه
زينه...ؤعني عادي احجي واغلط عليك
كريم...عادي بس نخلص
فعلا ثاني يوم زينه حضرت ملابسها وأخذتها بنفسي وصلتها بيت اهلها
بس بيت عمي تخبلو شلون شهر واحد وجايه زعلانه
عمي ماصدك كلام زينه لان هو اكثر واحد يعرفني ويعرف طبعي زين
وجان حاس بفرحتي بلعرس
ابد ماصدك كلام زينه رجعها للبيت بنفس اليوم
بليل رجعت لكيتها بلغرفه
كربم..هاا شو رجعتي
زينه...ابوي تخبل يكول انتي جذابه كريم مايسوي هيج
ولله مصيبه
كريم...اني راح احجي وياا
ثاني يوم رحت العمي مكان شغله
كريم...شلونك عمي
عمي...هله هله بكرومي شلونك انشاء الله بخير
كريم.. الحمد لله
بقيت كاعد اريد يكول ليش مزعل زينه
ليش تغلط عليها
ابد عبالك مايعرف شي
قررت اني احجي
كريم...عمي اني اليه عندك عتب
عمي. كول وليدي اسمعك
كريم...بلنسبه الزينه ليش جبرتها على هاي الزواجه
ترا حرام الغصب بلزواج
عمي...خل تولي شنو جبرتها بعدها طفله هسه تتعود
شنو تلكه واحد احسن منك
لو تموت مراح تلكه واحد بااخلاقك
جمانه السعيدي
كريم...ماتريدني حاليا اني وياها لا احنا مزوجين ولا مامزوجين
عمي...شلون يعني انت ماقربت عليها
كريم...ماتريدني حتى بلغرفه ما تقبل انام يمها
عمي...لا صدك تحجي
انت رجال وكلمتك لازم تمشي عليها تقبل لو ترفض
كلمتك هي الماشيه
اخذها غصبا ماعليها واذا ما قبلت ايدك الك اضربها
خليها تمشي عدل
كريم...شلون اضربها مايصير
عمي...شنو هو الي مايصير ترا اني اجي اموتها تموت
هي شايفه نفسها
وين تلكه واحد مثلك بلدنيا كلها
كريم...عمي قافل مايقبل يفهم الموضوع
عمي مستحيل يتقبل فكرة الانفصال بيني وبين زينه
زينه خلال سنه وحده من بعد زواجنا يمكن زعلت اربع مرات وعمي يرجعها للبيت
الحد مامات عمي وولد عمي بس طلع الأربعين باعو البيت
وكلمن اخذ حصته
اخوها الجبير جبر امه تتنازل عن حصتها اله
وتسكن ويااا بلبيت
اخذ بيت زغير يادوب مكفي عائلته
اصلا امه كاعده بلهول
بعد زينه وين تروح منو الها ماعدها مكان تروح علي
بطلت تخلق مشاكل
كعدت وسكتت بس اني طابت روحي منها
بعد مااكدر اتخيلها زوجه
كل واحد منا ينام بمكان
بعد بس صلة الرحم تخليني اتحمل وجودها بحياتي
زواج كريم الوحش قبل زواج ازهار من وسام بسنتين
هسه نرجع الازهار
ازهار....كل الكلام الي جنت محضرته
نسيته مااعرف شنو صار وياي
وسام....مارديتي عليه
ازهار...دنكت شويه وكتله بدون مااباوع بوجها لان اخاف انسى الكلام الي محضرته
اني مااريد ازوج عسكري وخلاص
وسام...اي ممكن اعرف السبب
ترا العسكري اهم عنصر بلدوله لو ما العسكري منو يحمي
الوطن
ازهار....اي كل وقته بلجيش مايحضر اغلب المناسبات
اذا زوجته تمرضت منو يعتني بيها
يمكن ينولدون أطفاله وهو ماموجود
وسام....اكو تليفونات اكو اجازات اكو عطل
على هذا رائيج كل العسكريين مايزوجون
يبقون عزابيه
ترا كلامج ابد مو منطقي
ازهار....من كلامه انعجبت بي اكثر واني هنا يله عمري ١٨ سنه يعني بعدني مراهقه
وهو يحجي بأسلوب حلو ومقنع
وسام... انتي خلصتي سادس
ازهار...اي
وسام...انشاء الله اذا كملتي وتخرجتي اكيد راح تفيدين الوطن اذا كنتي مدرسه او معلمه او مهندسه
دورج ما يقل اهميه عن دور العسكري
خليج منطقيه ترا هذا تفكريج مو معقول
اذا كل بنيه ترفض ترتبط بواحد عسكري هيج محد.راح يقبل يدافع عن الوطن
لان كلهم يردون يكون عدهم أسرة واطفال
اني راح اعوفج ورا كم يوم ادز امي وانتضر منج خبر حلو
واذا رفضتي اكيد راح احترم رائيج
اتمنالج التوفيق
وسام....وكفت عدلت نفسي والتفت على ابو ازهار
شكرا عمو شكرا لانك تفهمت موقفي وانطيتني مجال احجي وياا ازهار
ازهار...طلع وسام بس صورته وحجيه وابتسامته
بقت صورتهن بعقلي
اكيد اني اقتنعت بي بس مستحيل اكله اني موافقه
هسه يكول بس شافتني غيرت رائيها
يومين واني بس افكر بي عبالك سحرني
مايطلع من دماغي ابد
اجت امه لليوم الثالث تشوف شنو الرد
جمانه السعيدي
دخل عليه ابوي للغرفه
ابو ازهار...بابا ازهار ليش ما تو افقين مبين خوش ولد
هاي امه اجت تاخذ ألموافقه
ليش اضيعين من ايدج هيج فرصه
واني راح اشرط على تكملين دراستج ترا ماكو واحد يرفضو هلكد ويرجع يطلب ايدج مره ثانيه وثالثه ورابعه
مناقصه شي يكدر يتقدم الاي وحده راح تقبل بي فورا
هااا شكلتي
ازهار. انت تشوف هيج بابا
ابو ازهار... اي اني اكول خوش فرصه
ازهار...انت اكبر مني واعرف الي تكول علي هاي هيه
باسني ابوي براسي وطلع انطه الموافقه الام وسام
حددنا يوم المهر قبلها بيومين طلعت النتائج معدلي ٧٥
يعني ممكن انقبل معهد
بيوم المهر جانت
حفله المهر تخبل وهو طالع بلمهر فد شي
كل اقاربنا بقن يسئلن علي هذا وين عرفتو
شلون اجا أتقدم الازهار شكد حلو
اني لبست بدله حمره منفوشه وشعري ام الصالون سوت
بي تسريحه اجنن
خلتلي غصن ليلو بشعري
وحفافه وخصل طلعت حلوه بشكل
بس دخل حضني وباسني بكصتي دنك عليه وكال
هااا العسكري كدر يغير رائيج
اذا مااخليج تموتين عليه مااسمي وسام
طول الحفله الابتسامه مافاركت وجها فرحان عبالك
محصل كنز
لبسني الذهب وكعد بصفي لازم ايدي بقوه
خلصت الحفله وابوي صمم يبقون للعشى هو وامه واخو
اني ويا كعدنا بلغرفه
وباقي العائلتين كعدو بلصاله
وسام...مبروك حبيبتي
ازهار.. الله يبارك بيك
وسام....تعرفين اني كلما كنتي ترفضيني اتمسك بيج اكثر
ازهار...ليش
وسام...مااعرف حسيتج مميزه مو مثل باقي البنات
اني خطبت ثنيين قبلج
بس من رحت بلشوفه الشرعيه ماحسيت نفسي مرتاح
بس انتي غير من جانت امي تحجي عنج
اكو شي اتحرك بداخلي
اول مره رجعت امي وكالت ماتقبل بلعسكري
حسيت هذا سبب تافه
رجعت دزيته مره ثانيه رجعت على نفس السبب
كلت خلاص اني اريد هاي البنيه
دخلت بتحدي ويا نفسي
اني اروح احجي وياها ولازم تقتنع
من شفتج دخلتي مدنكه عجبتيني
من سئلت اول سوال كان قصدي اشوف ردت فعلج
من رفعتي عيونج
كلت خلاص اني اريد هاي البنيه اليوم لو قاتل لو مقتول
لازم اقنعها جمانه السعيدي
ازهار. .اني الي جنت داخله عليك اريد اتعارك وياك
حتى تهج وبعد ماترجع
بس رفعت راسي واجت عيني بعينك اتخربطت
ضاع الكلام مني
وسام...اي ليش بقيتي تكابرين ليش ماكلتي موافقه
ازهار...غير افكر بلاول
وسام...اي وفكرتي زين اعرف انتي تخبلتي عليه لو باقي يوم واحد جان اتقدمتيلي
ضحك وغمزلي
ازهار...يااا شنو اتقدملك لا ولله لو ماابوي يلح عليه
ماوافقت
بعدين تعال هنا انت شسويت الابوي
ليش هلكد معجب بيك
وسام...بس هو معجب لو اكو واحد ثاني عيونه فاضحته
ازهار...شنو قصدك
وسام... ترا مبينه تحبيني كولي لا تخافين
ازهار...يااا ولله
وسام.. اي ولله
ازهار بقينا شهرين مخطوبين بس شنو ٢٤ ساعه نحجي بلتليفون
حتى من انام يبقى الخط مفتوح بينا
عشت احلى لحظات بعمري ويااا
فعلا ايام ما تنسي
حددنا يوم الزواح
كنت احسب يوم يوم يمتى ننجمع سوا
شكرا لزيارتكم عالم روايات سكيرهوم
