رواية ازهار والوحش الفصل الرابع بقلم جمانه السعيدي
ازهار....يوم عرسنا كان يوم مميز بلنسبه اليه
كعدت الصبح على صوت وسام وهو يصبح عليه
شويه جابلي ريوك واجا تريكنا بعدين اخذني للصالون
اني وامي
ام الصالون تخبلت لان التليفون مفتوح ونحجي اني ويااا
حتى سئلتني شكد صارلكم تحبون بعض
مبين هواي الأهل جانو معارضين هذا الزواج
تفاجئت من عرفت صارلنا شهرين مخطوبين وزواج تقليدي
بلزفه اجا قبل الناس اخذني للاستوديو أخذنا صور
شكد فرحان بيه
بس اني شعوري غير مامصدكه ولا عبالك صار فتره زغيره من عرفته
عبالك صار سنيبن منتضرته
بعدين اجت الزفه من كدام الاستوديو
تخبل زفتنا جانت
ليلة زواجنا كانت حلوه كنت اتمنى هاي اللحظات ماتخلص ابد
عشر ايام مرن مثل الحلم كل لحظه بيهن
تسوه عمري كله
بيوم الي خلصت اجازته كمت ابجي
مو بجي عادي لا نهاريت من البجي شلون راح يروح عشر ايام مااشوفه
من كد مابجيت حلكي طكك وصخنت
هو تخبل عليه
وسام...هاي شنو صخنتي بابا اني وين رايح كل دقيقه اتصل اطمن عليج
ازهار...شوف مو كتلك اني ماارؤد عسكري هاي انت راح تروح وتعوفني وحدي
وسام....ههه الهلدرجه تحبيني
ازهار....اهييي اي احبك
وسام...راح احاول اقدم اجازه وارجع لا تبجين
هاي اني راح التحق هيج تبجين لو استشهد شلون
ازهار....اني سمعته كال استشهد واني انهاريت من البجي
وسام...شنو القصه اشاقه وياج حبيبتي اعوف الدوام واكعد كبالج شلون
ازهار...اهييي اي
وسام...وشلون نعيش
ازهار... اشتغل اي شي بس لا تعوفني وتروح
وسام....حبيبتي مايصير هيج
ازهار بيومها بقيت ابجي وهو طول الطريق يحجي وياي
هاي كانت اول وأصعب مره نتفارك بيها
كلشي كان ماشي تمام اله عمتي عمتي من اول شهر
شنت حرب عليه
مو لان اني موزينه لا بلعكس اني من نوع ماأحب المشاكل
ومن اول اسبوع شلت شغل البيت كله
بس تغار شلون وسام هيج يحبج
تتصور اني راح اخذه منها وسام بلنسبه الها ابنها اخوها وصديقها وشايل حمل البيت والمسؤليه كلها عنها
راتبه كله للبيت هلكد ماوتشوفه يحبني ومتعلق بيه
تخاف اخذه منها
لان تشوفه كل شويه يتصل عليه
يتصل مره وحده باليوم على عمتي واني أكثر من عشر مرات يتصل عليه
من يجي كله لهفه عليه
وهي تخبلت رغم اني شايله البيت شيل
وابد ماعندي طلبات اذا اريد شي انتضره يجي مجاز واطلب منه
اما بلنسبه للراتب
اول مايسلتم ينطيني مصرف يكفيني وياخذ هو على كد الي يحتاجه وينطي الباقي العمتي
مصرف البيت كله معتمد على راتب وسام
حماي طالب بلاعداديه وكل سنه بسنتين ولا شغل ولا
عمل مخلصها نوم جمانه السعيدي
اول مشكله صارت عمتي اعترضت على المصروف الي اخذه
ماتقبل ينطيني مصرف
عمتي...شدعوه هيج تنطيها مصرف هي وين رايحه
اني اتسوك للبيت ولاوتطلع ولا تدخل
انطيني مصرفها واذا رادت شي اني انطيها
وسام...لا مايصير هذا حقها تريد تصرفه تريد اضمه
بكيفها هي حره
عمتي...انت راح تخبلها شنو مره تلعب بلفلوس لعب
وسام...امي ترا الراتب كله عندج عوفيها
عمتي ما قتنعت بكلام وسام وبدت أضيق عليه
شويه شويه اول شي سوته
الصبح من اكعد مالكه ريوك
من اسئلها تكول عندج فلوس واشتري ريوك لو حتى الريوك عليه
بقيت منا لمن رجع وسام اتريك خبز وجاي
بينما عمتي حماي يتريكون أشكال جبن قشطه مربى بيض
اي شي يعجبهم يجيبون
اني مااكدر اطلع اشتري ريوك الصبح
من اجا وسام حجيت وياي
راح جابلي ثلاجه زغيره
وهي تخبلت شلون تشترينها ثلاجه
تريدها تعزل اي هي هاي الي اني جنت خايفه منها
ذابح نفسك عليها
اي شي تكول اتصدكه خبلتك ساعه السوده الي دخلت بيتنا
وسام...مو الها اليه هلي الثلاجه اريد اخلي بيها
حلويات ريوكات
عمتي...هااا تعزل نفسك عنا تاكل واحنا نباوع عليك
مو اكلك تغيرت من يوم دخلت ازهار للبيت
بس وسام مجان يقبل تحجي عليه ودائما يوكفها عد حدها
من ثالث شهر طلعت حامل من عرف وسام طار من الفرح
احتفال سوا راح جابلي تراجي ذهب زغار هديه
كل ما يلتحق يملي الثلاجه فواكه وحلويات وشغلات اشكال واللوان
جمانه السعيدي
شكد عمتي موزينه وياي بس اني صابره ومتحمله الخاطر وسام
وسام شايلني شيل يكلي اذا امي اتضوجج روحي بيت اهلج منا لمن ارجع واجببج للبيت
صح كنت انقهر من تصرفات عمتي
بس حب وسام يهون عليه كلشي
جبت اول بطن بنيه سميتها نور
من بعدها حسيت نفسي كبرت واكدر اتعامل ويا المشاكل
وما انقهر مثل قبل
لان اني مسندوه وسام ساندني ويقويني
كلشي اطلبه ممكن ينفذه اليه اله شغله وحده
ابد مايقبل اكول نعزل بيت وحدنا
يكول امي معتمده عليه واخوي بعده زغير وطايش
مااكدر اعوفهم
اذا تحبيني صدك اتحملي الخاطري
اصبري لازم يوم يجي الفرج
عمر بنتي صار سنتين وطلعت حامل للمره الثانيه
وهلمره هم جبت بنيه سميتها سراب
عمتي من سمعت اتكدرت هم بنيه شنو وسام خلفته بس بنات
ازهار......سامعين المثل الي يكول مكروها وجابت بنيه
هاي اني هي منا شكد تكرهني تموت مني النوب جبت بنات ثنيين
رغم وسام شكد فرحان بيهن يكول نعمه خير من الله
احن احسن من غيرنا ناس تتحسر على ريحة الطفل
شبيها البنات هنا الحلوات والحنينات
كلما تتمرض وحده وياخذها وسام للطبيب تكلي
شنو كل يوم مريضات
شنو حاير بيهن
هم بنات وهم متخبل عليهن
وسام...يمه ذني بناتي شنو اشمرهن بلشارع شبيهن
ليش انتي هيج شاده وياهن
حرام عليج ازغار ليش تحجين عليهن
عمتي.. اي خبلتك خبال الرجال إذا زوجته اجيب بنات يطلكه وياخذ وحده اجيب ولد
وانت حاير بيها هي وبناتها
وسام....يمه رحمه الوالديج اسكتي مالج شغل بناتي
اذا وسام يلتحق وتسمع وحده بيهن تبجي تتخبل
تبقى تغلط وتحجي
بهاي الفتره ابوي وكع مريض التشخيص ورم خبيث
شكد عالجنا بي واخذنا مستشفيات ودكاتره
بس بدون فايده ست اشهر ومات
لان المرض كان منتشر بجسمه والتشخيص اجا متأخر
اني كنت كلما اضوج اشرد بيت اهلي ابوي اكثر واحد يخفف عني ويكول ميخالف زوجج كنز
لا تخلين خلافات بسيطه تخرب حياتكم
مادام يحبج وواكف وياج اصبري وتحملي
لا تصعبين الدنيا علي تعرفين شنو جندي على الحدود
تعرفين شنو متحمل هو من تعب وقهر
لا تكملين علي خلي ساتر عليج انتي وبناتج
شكد بجيت على ابوي فواكه ابد مو هين ايام واني ابجي بحركه احس كل الأحزان اجمعت عليه
مجاي اكدر اقاوم اخواني عدهم جهال
جهالهم كبار يضربون بناتي من اروح عليهم انقهر بلزايد
كمت مااروح بيت اهلي
اروح ساعه وارجع لان مااكدر احجي
اخاف اصير مشاكل والمشكله الأكبر امي مريضه
ماتكدر
امي من يوم وفاة ابوي وهي حالتها بلنازل
بعد كل مشاكل عمتي وياي علمود البنات كمت اخذ مانع
اخاف يصيرن اتلاثه
منا عمتي شلونها وياي
واحنا كاعدين بغرفه بعد ما نتحمل نفر زايد
البيت زغير اذا نصير خمسه الله يستر شلون راح تمشي الامور
واخاف تجي بنيه ثالثه بعدشيسكت عمتي
كمت اخذ مانع بلكت وضعنا يتغير شويه
جمانه السعيدي
بعد سنه من وفاة ابوي امي ماتت
هيج كملت الهموم عليه بعد منو اليه وين اروح من اضوج
الخوان كلمن حاير بزوجته واطفاله
واني بطلت اشتكي الوسام خطيه يجي كم يوم ونلاكي بلمشاكل كافي علي بعده عنا والجيش
قابل شراح يصير
كعدت وسكتت لو شما تحجي عمتي ماافتح حلكي
ووين اروح منو يحملني اني وبناتي
صار مصرفنا اكثر اني وبناتي
ووسام زود المصرف لان يردن يشترن يردن لعب
يردن ملابس مرات يوكعن مريضات
عمتي هنا جن جنونها شلون تنقص من مصرفي وتنطيها
كلشي لا تنطيها
كافي تترس الثلاجه أشكال واللوان
النوب تعوفلهاومصرف
تخبل وسام
وسام....... يمه شببج وياها ترا اني ساكت مايصير هيج
خلي البنيه كاعده وساكته ليش تسوين مشاكل
عمتي.. اي فوك مااجيب بس بنات النوب انت واكفلها وكفه
خليه تولي اطردها البيت اهلها هي وبناتها وتعال ازوجك وحده احسن منها
على الاقل اجيب ولد مو بنات
وسام...يمه الخاطر الله ذني بناتي واني اموت عليهن
ليش هيج محاربتهن
صدكي بس اسمع بعد تحجين عليهن اخذهن واطلع
كافي حياتنا صارت جحيم
عمتي...يااا حياتك صارت جحيم بسببي ولله تحجي صدك
هذا الي اني جنت خايفه منه
كول اريد اشمرج بلشارع
كول بعد مااكدر اتحمل مسؤليتج
اي اعرف هاي بت الحرام خبلتك عليه
ازهار...شكد انقهر من اسمعها تسب اهلي
اني اهلي بعمرهم ماادخلو بمشتكلنا ولا حجو على عمتي
بلعكس ابوي كان دائما يكول اصبري وتحملي
امه قابل يشمرها بلشارع
شجعي زوجج يبر باامه حتى أطفالج يطلعون بارين بيج
تالي هي تكعد تسب وتغلط
ولله مالازمني عنها غير وسام مااريده يزعل مني
شكرا لزيارتكم عالم روايات سكيرهوم
