رواية من القاتل الفصل الرابع
*_دخلت الخادمة واخبرت مراد.. خرج مراد من الliving room وذهب لـ يريد من يريد رؤيته وتفاجأ بـ شاهيناز '._*
مراد / انتي ايه اللي جابك .
شاهيناز بتمثيل / الاول البقاء الله .. انا جيت اقولك بجد اسفه علي الطريقة اللي اتكلمت بيها معاك امبارح .. انا معرفش ازاي قولت كده .. بس انا جيت انهارده عشان اصلح غلطتي و.....
مراد بـ غضب / تصلحي اي وزفت اي !!.. اللي انتي قوليتيه امبارح ده ميتقالش مهما كانت الظروف اللي بتمري بيها .. لو كان حاصل معاكي ايه وقتها .. ازاي سمحتي لـ نفسك انك تقولي كده علي واحده ماتت .
شاهيناز بدموع مزيفة/ انا اسفه بجد يا مراد .. صدقني دي اول واخر مره هعمل كده .. انت عارف ان انا بحبك صح .. فضلت اليوم كله ارن عليك وانت مش بترد فـ كنت هتجنن واول ما رديت عليا اتعصبت عليك ومدرتش باللي انا بقوله .
مراد بضيق/ خلاص يا شاهيناز اللي حصل حصل .
شاهيناز بتمثيل/ يعني انت مش زعلان .
مراد بـ تتويه / تشربي ايه .
شاهيناز / شكرا مش عاوزه حاجه .. انا بس جيت عشان اعتذرلك و اعزيك واعزي زين .
مراد بضيق/ سعيكم مشكور ... وقولتلك انا مش زعلان .. وبعدين انتي المفروض تعزي زين مش تعزيني انا .
شاهيناز / انت عارف ان انا معرفش اخوك اويي ... ابقي انت قولوا .
مراد / طيب .
*_خرجت شاهيناز من قصر الدمنهوري وهي تبتسم بـ خبث لـ نجاح خطتها''._*
_______________________________
*_لم رجع حازم الي القصر وظل بالشركة للعمل.. و عمار بـ الشركه لانه كان يفكر في شئ ما....._*
_____________________________
_ذهبت شاهيناز الي النادي بعد أن تركت مراد ووجدت شادي وعمر وهايدي '._
شادي / ها عملتي اي .
شاهيناز / زي ما توقعت لسه قالب وشوا .. بس انا عملت زي ما قولت وهو اكيد هيكلمني وهينسي الموضوع .
شادي / طب كويس .. انا قولت لـ عمر وهايدي .
شاهيناز / اوكي ما لازم يعرفوا اصلا .
عمر / طب وانتي كده ناوية علي ايه يا شاهيناز ؟!.
شاهيناز / ولا حاجه هستني مراد واشوفوا هيكلمني ولا لا ولو متكلمش هشوف حاجه اعملها عشان اخليه ينسي اللي حصل .
هايدي / ممكن ينسي علي فكره.. لان كفايه انك روحتيلوا بعدها بـ يوم ولابسه اسود وعزيتيه واعتذرتيله .. بيتهيألي كل ده كفايه أنه يسامحك .
شاهيناز بتفكير / تؤ .. مش كفايه خالص .. لأن مراد مش من النوع اللي ممكن يفكر بالطريقة دي .. وبعدين متنسيش أن ده مراد الدمنهوري يعني لازم يكون تقيل وهو بيتعامل مع اي حد .. هو ممكن يكون سامحني بس هيبين بالسرعة دي .
شادي / كلامك صح يا شاهي .. خلينا نصبر ونشوف هيعمل اي .
____________________________________
*_فـي بيت نادر الغندوري ''._*
بسمه/ فرح انا هنزل بسرعه وجايه .
فرح / رايحه فين؟!.
بسمه / رايحه عند زين عشان عاوزاه فـ موضوع مهم .
فرح/ موضوع مهم .
بسمة / بعدين هقولك يا فرح .. المهم بابا دلوقتي نايم لو صحي عرفيه انا فين بس انا أن شاء الله هاجي قبل ما يصحي .
فرح / ماشي يا بسمة بس خلي بالك من نفسك.
بسمه بابتسامه حزن / حاضر يـحببتي .
*_خرجت بسمة من البيت وركبت سيارتها واتجهت الي قصر الدمنهوري '._*
___________________________________
*_فـي قسم الشرطه'._*
الظابط / تعرف شهد من أمتي ؟!.
اسلام باستغراب / شهد !.. شهد مين يا باشا .
الظابط / انت هتستعبط .. شهد الغندوري خطيبه زين الدمنهوري اللي ماتت امبارح ؟!.
اسلام بتوتر/ اه يا باشا افتكرت .. ما.. مالها ؟!.
الظابط / تعرفها منين .
اسلام / انا معرفهاش اصلا يا باشا انا مقبلتهاش غير مرتين بالكتير .. ومعرفش عنها حاجه .
الظابط / لو انت متعرفش عنها حاجه .. ايه اللي يخليك تقتلها .
اسلام بصدمه / اقتلها !!!.... اقتلها ايه يا باشا ده انا لسه قايلك اني معرفهاش ومشوفتهاش الا مرتين .. ايه اللي يخليني اقتلها.
الظابط / انت الكاميرات صورتك امبارح وانت دخل قصر الدمنهوري قبل معاد وصول عيله شهد القصر بـ حوالي ربع ساعه وكنت بتلف حواليك زي الحراميه .. تقدر تفسر ده .
اسلام بخوف / ععع...عادي يعـ.. يعني يا باشا كان في حاجه واقعه مني وبدور عليها وانا ماشي .
الظابط / انت هتستعبط عليا .. ايه اللي وداك قصر الدمنهوري فـ الوقت ده يا اسلام ؟!.. وانت مقعدتش معاهم علي الغدا .. وزين الدمنهوري اعترف بـ ده أن انت مكنتش موجود .
اسلام بتوتر / ايـ ايوه ما انا مكنتش رايح عشان اتغدي معاهم .. انا كنت رايح لـ عمار فـ حاجه وروحت علي طول .
الظابط بخبث / روحت أمتي ؟!.
اسلام بتوتر وكدب / بعد ما وصلت بـ حوالي ١٠ دقايق.. قبل ما يجوا اصلا .
الظابط / بس الكاميرات صورتك انت وريهام وعمار وانتوا طالعين من القصر بعد وقت طويل من دخولك .. تقريبا بعد ما عرفوا أن شهد ماتت .
اسلام بتوتر / انـ... انا يـ.
الظابط / انت يا استاذ اسلام هتشرف معانا هنا شويه لحد ما تقول كل حاجه .. ولحد ما نلاقي اي دليل يخرجك .. قبل كده سعدتك هتفضل هنا .
اسلام بصدمه / يا باشا صدقني انا مليش دعوه بـ حاجه .
الظابط بتجاهل / خدوا يا بني علي الحجز .
*آتي العسكري ووضع الكلبشات فـ يد اسلام وذهب به الي الحجز''.*
*_هل اسلام هو القاتل فعلا ؟!._*
_______________________________________________________
*_بعد نصف ساعة وصلت بسمة الي قصر الدمنهوري وفتحت لها الخادمه (داده سعاد)`_*
بسمة / السلام عليكم.
داده سعاد بابتسامه / ازيك يا بنتي عامله اي دلوقتي .
بسمة / الحمدلله يا دادا انا كويسة .
داده سعاد / ربنا يصبركم يا بنتي والله .
بسمه بحزن/ يارب يا داده ... هو زين هنا صح ؟!.
داده سعاد / اه يا بنتي اتفضلي لحد ما اندهو .
*_دخلت بسمه وهي تنتظر زين ودخلت داده سعاد لـ تخبر زين أن بسمه تنتظره ولكن أوقفها مراد._*
مراد باستغراب / في اي يا داده مين بره .
داده سعاد / دي الانسه بسمه اخت شهد الله يرحمها وعاوزه زين بيه وانا طالعه اندهلو .
مراد بابتسامه عند سماع اسمها / طب اطلعي انتي اندهي لـ زين وانا هطلع اقف معاها بدل ما تقف لـوحدها.
داده سعاد/ حاضر يا مراد بيه .
*_صعدت داده سعاد الي الطابق العلوي لـ تخبر زين أن بسمة تنتظره واخبرها أنه سيغير ملابسه وينزل '._*
*_خرج مراد ووجد بسمه واقفه تنتظر زين'._*
مراد / عاملة ايه يا بسمة.
بسمه بمحاوله الابتسامه / الحمدلله يا مراد ازيك .
مراد / تمام الحمدلله .. انتي عامله ايه دلوقتي وباباكي وفرح ؟!.
بسمه / اهو الحمدلله كويسين .
مراد / معلش يا بسمه أن شاء الله فتره وهتعدي.
بسمه بحزن/ يارب يا مراد .. انا بجد نفسي اعرف مين اللي عمل كده فـ شهد والله ما هرتاح الا لما اعرف مين اللي عمل كده .
مراد بحزن / هنعرف والله بس انتي خليكي واثقه فـ ربنا وان شاء الله حق شهد هيرجع .
بسمه / ونعم بالله .
مراد بفضول/ هو انتي كنتي عاوزه زين فـ اي؟!.
بسمه / عاوزاه عشان اعرف عمل ايه مع الظابط وكمان كنت عاوزاه فـ موضوع تاني .
مراد بغيره ولكن هو يعتقد أنه فضول/ موضوع اي ؟!.
بسمه / قريب هتعرف .
*_نزل زين في تلك اللحظه ._*
زين / ازيك يا بسمه عامله ايه وعمي عامل اي .
بسمه / الحمدلله يا زين كلنا كويسين .. انت اللي عامل اي .
زين / انا تمم الحمدلله .
بسمه / معلش لو جيت من غير معاد بس انا كنت عاوزاك فـ موضوع مهم .
زين / ولا يهمك يا بسمه البيت بيتك .. تعالي المكتب نتكلم .
بسمه / ماشي اتفضل .
*دخل زين وبسمه الي المكتب ووقف مراد وهو ينظر لهم ويشعر شعور غريب جداً ولا يريد أن يتركهم وحدهم .. خرج من القصر وهو يحاول أن يوقف تفكير .. وظل يتمشي في حديقة القصر '.*
*" " " " " " " " " " " " " "*
_فـي مكـتب زيـن|•_
زين / خير يا بسمه اؤمري .
بسمه / الاول انا عاوزه اعرف انت وصلت لـ اي مع الظابط .
*_حكي لها زين مع حدث وان اسلام الان مقبوض عليه ؛_*
بسمه بحيره / طب اسلام ده يعرف اختي منين .
زين / ما هو ده اللي هيجنني .. اسلام ده ميعرفش شهد اصلا .. ايه اللي يخليه يقتلها وفـ نفس الوقت هو مكنش ظاهر وقت الغدا رغم أن هو كان فـ الفيلا .
بسمه / مش عارفه فعلا بس لازم نوصل لـ حل تاني غير ده .. اكيد في ادله تانيه .
زين / اكيد .
بسمه بحرج / بصراحه انا في موضوع تاني مهم عاوزه اتكلم معاك فيه .
زين / اتفضلي يا بسمة .
بسمه / انا بدور علي شغل الفتره دي ومش لاقيه حاجه مناسبه خالص يا زين .. ومعظم الشغل برجع منه متأخره وانت عارف ان انا بروح الجامعه .. صحيح مش بروحها كل يوم بس لازم اثبت حضوري ف الجامعه .
زين بتفهم / انا فاهم والله .. انا هشوف عندي ف الشركه الظروف وان شاء الله الاقي ليكي شغلانه مناسبه ليكي ولـ جامعتك وللمذاكره وهكلمك اكيد اول ما اوصل لـحاجة .
بسمه / بجد شكرا جدا يا زين مش عارفه اقولك اي .
زين بابتسامه هادئه / متقوليش حاجه يا بسمه انتي زي اختي ولازم اقف جنبك .. ومتقلقيش حق شهد هيرجع والله .. وانا اي حاجه اوصلها هبلغك بيها .
بسمه / تمام يا زين .. عن اذنك .
زين / اتفضلي .
*_خرجت بسمة من مكتب زين وقام زين بـ توصيلها الي الباب و وهي خارجه وجدت مراد يتمشي في الحديقه ذهاباً وإياباً._*
بسمه / انا ماشيه مش عاوز حاجه .
مراد بابتسامه / لا عاوز سلامتك .. خلي بالك من نفسك .
بسمه / حاضر .. يالا سلام .
*_خرجت بسمه وركب سيارتها واتجهت الي منزلها`_*
_____________________________________
*_فـي شركة الدمنهوري '._*
*_انهي حازم عمله وذهب الي مكتب عمار ._*
حازم / انا هروح يا عمار .. أنت قاعد ولا اي ؟!.
عمار / لا يا عمي انا مش هروح دلوقتي .. عندي كام حاجه كده ف الشغل هخلصها وبعدها هروح علي مشوار مهم .
حازم / ماشي يا بني ربنا معاك .. انا هروح وانت خلي بالك من نفسك .
عمار بابتسامه مزيفة / حاضر يا عمي .
*_خرج حازم من مكتب عمار وركب سيارته واتجهه السائق الي القصر .. اما عمار .كان حائرا بين أن يذهب لـ اسلام القسم .. ام يتركه._*
_________________________________________________________
*_في الزنزانه'._*
اسلام بخوف في داخله / يارب اعمل ايه فـ الورطة دي انا لازم اتصرف واطلع من هنا بـ اي شكل .. لازم اكلم عمار عشان يطلعلي محامي عشان يخرجني من المصيبه .. انا مهما حصل مش هينفع اقول انا كنت رايح لـ عمار لي .
*_قام اسلام بـ نداء العسكري وطلب منه أن يقابل الظابط ووافق العسكري وأخذه الي الظابط ._*
الظابط / ها يا اسلام في حاجه عاوز تقولها .
اسلام بنفي / انا اللي عندي قولتو ف التحقيق يا باشا .
الظابط باستغراب / اومال طلبت تشوفني لي ؟!.
اسلام / عاوز اعمل مكالمه .. بيتهيألي ده من حقي ولا اي .
الظابط / ماشي يا اسلام بس مكالمه واحده بس .
اسلام / ماشي .
*_اتصل اسلام بـ رقم وكان رقم عمار واجاب عمار بعد لحظات'._*
عمار / الو مين ؟!.
اسلام / الو انا اسلام .
عمار بخوف / هو انت مش ف القسم؟!.
اسلام / ايوا بس كلمتك عادي من مكتب الظابط .
عمار / تمام .. انت حد سألك علي حاجه .
اسلام / مش وقتوا الكلام ده .. اهم حاجه تجيب محامي وتجيلي بكره الصبح .
عمار / ايوه بسـ..
اسلام بصوت واطي لكي لا يسمعه الظابط / مفيش بس.. تجيب المحامي لو خايف علي نفسك .
عمار بتوتر / طيب ... سلام .
*_اغلق اسلام معه الخط وأخذه العسكري مره اخري الي الزنزانة::._*
*_ما هو الشئ الذي يخبئه اسلام يا تري ؟!._*
_________________________________________
*_في قصر الدمنهوري "._*
مراد / هي بسمه كانت عاوزاك فـ اي ؟!.
زين باستغراب / اشمعني يعني ؟!.
مراد /عادي يعني بسأل.
زين / ابدا كانت بتكلمني علي الظابط والتحقيق وكده .
مراد / بس !.
زين / لا وكانت عاوزه شغل وقالتلي اشوفلها.
مراد /طب وانت عندك شغل ليها ؟!.
زين / ما انا كنت عاوز اكلمك بالموضوع ده .. انت مش كنت عاوز سكرتيره غير اللي عندك .
مراد بتفكير / اهه.
زين / طيب ما تعمل لها اختبار ولو كده يبقي مبروك عليها .
مراد بابتسامه / اكيد طبعا مفيش مشكله .
زين / تمام يا مراد .. شكرا جداا .. انا هكلمها الصبح واقولها .
مراد / تمام .. انا هطلع فوق انام وبابا نام برضه وانت كمان اطلع نام.
زين بحزن / هحاول .
*_ابتسم له مراد بحزن وصعد الي غرفته ._*
________________________________
*رجعت بسمه الي المنزل وعندما دخلت الي المنزل تفاجأت بـ....*
