رواية رهينة لضباط الفصل الرابع 4 بقلم مرج البحر

مو اول خساره

خسرت گبلك ناس !!

شي مهضوم

شي ھمزين خاسرها

اكو وادم اتونسک وانت فاگد روح

واكو بعرسک تجي وتنصب چوادرها

......

مو عقد احسه جنازتي قررو يشيعونها لا ام لا خوات يمي ونباعيت لخاطر مرة عاجبه ابوي وشارده وياه برضاتها هم مو مغصوبه .... مروة صارت تصيح عليه وتحجي حجي غير اخلاقي ... سكتتها عمتي ام سند بس هيه ماكو مستمره تصيح طلع سند وعاط ...

سند...بنت الاوووادمممم صوووتج منا العاالم بس خل يررحووون وانه اعررف اتصرررف وياااج

مروة... هاي جزاتي سند تتزوج عليه ومنوو هاااي الهمجييه التارسسها الوصخ بحياتها ما شايفه الماي واليفه

سند.... افهمممي ما متزوجهاا ع سواد عيوونها انتي تدرين وانه ادري ليشش راح اعقد عليهااا بسس لا تخافين نفسسي ما راح تدنه ع هيج ناااس تبقين انتي الاساس وهيه بس لتلبيت هاجاتي من اكل وملابس وتخدمني

جنت اسمع وكلبي ينغز بيه ياربي طلبتك شنو راح يصير بيه وهما مبينين يردون ياكلوني وانه عدله .. حضنته كدامنه مروة هو هم حضنها وباسها من راسها وكف يم امه ما ادري شنو حجه وبدون ما يباوعلي طلع وراح ...اجت امه يمي وكفت وعاينتلي بنضرات غريبه ..

ام سند.... روحي مروة جيبي حجابي الاسود خلي تخلي ع راسها بالكت الله يجيها الحظ الحلو

ما فعمت اي شي راحت مروة جابت الحجاب واجت وخلته ام سند ع راسي وكفتني يم باب الديوان وبده السيد يعقدلنه ...

نزلت دموعي ع خدي اريد اصررخ بالعله صووتي لا مووو هيج الزوواج اميي ما كالتلي هيج امي وضحتي الزوواج بصوررة احلى بمراسيم وطقوس خلتني ابتسسم بس من مجررد سماعها بسس هذاا مو عررس هاي جنازه ...

فززيت من صفنتي ع عمتي كرصتني من كف ايدي رفعت راسي عليها اريد اسئلها شكو واجاني صوت الشيخ يردد كلماته ...

الشيخ.... بنتي هال تقبلين الزواج

هزيت راسي بلا ودموعي تنزل اجتني خزره من عمتي وتكرصني من خاصرتي شاغت روحي...

نور.... نعم اقبل

سمعته الشيخ يبارك لسند وانه دموعي صارر يتسابقن دخل سند وخوانه وانه وكفت ع صفحه اعاين عليهن ... نزلت حميده والعلج بحلكها تطك بي وصلت يمهم وبيدها جنطه زغيرة لازمتها بجتفها...

حميده... جنطي فوك نزلوهن وينه حبيبي حدوري نبض نبضي وحياتي كلها وعمري وباقي عمري

انصدمت من حجيها تحجي هيج كدام خوانها وتتغزل بابوي ولا كنو اخوانها واكفين خزرها سند هيه ما مهتمه باوست امها ومروة وكفت كدام سند...

                                          

              

                    

حميده....اول ما يصير ابني حبيبي راح اسممي وتميم حتى يتمم حياتي اني وحب عمري وانته ابقه بحياته ما راح يصير عندك طفل يالمعاق

صدمه بعد صدمه تعتليني معاق شنو يعني معاق سندل لزمهااا من ركبتها وخنكهاا ورفعها عن الكاع صارت صرخاتهم وصوتهم عالي حتى يبعدون سند عنها اجه ابوي من شفتها شلون يدافع الحميده...

تمنيت انه بمكان حميده وهيج يدافعلي سند طرد اخته وطلب من ابوي ما يراويهم وجها واذا حميده اجت وعتبت باب بيتهم يكتلها وهيه حيه والي قهرني رد ابوي ....

حيدر.... اختك مستحيل تشوفها بحياتك بس انته هم تسديلي معروف بنتي راح اعتبرها ميته ماا اريدك بيوم ترجعها الي وتكول ماريدها لو تكتلوها ما يهمني

ركضت ع ابوي ولزمت ايده استهترت من هذا حجيه انه بنته شلون جاي يحجي هيج...

نور.... يابه فدووه اخذني وياك لا تخليني هنا رجعلهم حميده وخذني ماريد ابقه هنا اريد امي وخواتي وحتى خواني شتاقيتلهم

دفعني دفعه قوويه خلتني اطيح بالكاع رفعت راسي عليه وابجي لعله ادموعي يشفعلي بس هو ما فكر بيه ولا بالي راح يصيرلي وانه هنا...

حيدر... من هاي الساعه انتي مو بنتي ولا اعرفج وبيتي يتعذرج وجهرتج ما اريد اشووفها يلا حميده مشينه

طلعت اركض ورا وتوسل بي ما يعوفني هنا جنت مفكره راح ارجع الامي ويخلص هذا الكابوس بس واضح ما اله نيه يخلص ... مره بعد مره ومحاول تعيد نفسها بس ما جبت جدوه وياه ابوي بكل مره الزم ايده وحاول اخلي ياخني يكون رد فعله النتر واليدفعني ...

جراني سندد من ايدي ودخلني للبيت وانه ابجي ما ابجي ع ابوي لا بعكس ابجي ع حظي الجابني هنا وبعدني عن امي واختي وخواني ...

سند... مروة انتي وحازم حظرولها المخزن الجوه الدرج حتى تنام بي للاسف ما عدنه غرف زايده حتى ننطيها

محمود.... بس اكو غرفتين فارغه انطيها وحده ترا مو زين المخزن بشته يكص برد وبالصيف يموت حر 

ماعرف بوقتها ليش رفعت عيوني ع سند شفته خازر محمود ومحمود سكتت ما حجه ... بقيت شويه كاعده بالصاله واجت مروة تتمخطر ... 

مروة... يلا يبرنسيسه جهزنالج الغرفه الملكيه محد عنده مثلها تلوك لخدم واهل الخدم امثالج ومثال اهلج 

ما جاوبتها اكتفيت بالسكوت رحت للمخزن الي راح يصير غرفتي ودخلت بي باوعت عليه مترب ومفرقيرلي مساحه قليله بس لنوم عليها ... 

كعدت ع الفرشه ولحميت نفس ع حضني شنو مضموملي بعد غير هذا الجاي يصير حسيت بنغززه بكلبي رفعت راسي وجر نفس انفتح الباب بقوه عدلت كعدتي ولزمت نفس كوه حتى لا ابين وجعي.. 

سند... اسمعيني زواجنننه زواج خدمه وبس وغيرها ماكو اذا سمعتج جايببه طاري تردين حقوقج لو تدورين مصرف لو اي حجه حتى تسوين هذا الزواج فعلي راح اكتلج ودفنج بارض السلام 

            

              

                    

ما كدرت احجي هزيتله راسي مدري شعجب ما كال شي طلع وسد الباب ورا جريت نفس بسرعه وخاله ايدي ع كلبي ... 

جريت نفس بسرعه بسرعه شهيق زفير شهيق زفير شويه وهداء نغزات كلبي عدلت ملابسي ولفيت حجابي عدل وطلعت اسوي الغده بديت اشتغل بسكته وقررت ما اختلط بيهم خاطر لا يذوني ولا اتعب نفسي وياهم ... 

خلصت غده وحضرته الهم ونفس يوميه مديت السفره ونكلت عليها الاكل وهما بدو يلتمون وانه رحت اسوي الجاي خليتلي بصحن تمن وكاسه مركه بديت اكل بستعجال حتى اخلص قبلهم ... غسلت صحني وهما بدو يخلصون ويجرون واحد ورا الثاني رحت الم بالمواعين ولميتهن كلهن وبديت اغسل ...

بعدني واكفه ع السنك جاي اغسل وحسييت شي لزم متني فزززيت التفتت بسرعه ... 

مروة... هييي انتي هااي الملابس راح اخليهن هنا بس تخلصين تاخذيهن تغسليهن وتنشفيهن وتكويهن وتجيبيهن فهمتيي 

نور.... تمام 

مروة.... سند عنده طلعه اليوم ويريدهن جاهزات وحذاء لمعي اله ما اريد اي اترابه بي من تخلصين تصعدين تنضفين غرفتي وتعيدين تصفيط الملابس بالخانات واضح

هزيت راسي وهيه طلعت تتمضحك جريت حسرره وسكتت كملت المواعين توني نشفت ايديه من الماي شفت الملابس كدامي اخذتهن ودخلت للحمام شغلت الغساله وخليت الملابس بيها ... 

بيقت يمها انتضرها تخلص ومروة تروح وترجع ما اعرف شعدها بدت الغساله تفرهن مره ثانيه واجت مروة للحمام ... 

مروة.... شعندج باقيه بالحمام ما ناويه تطلعين 

نور.... منتضره الغسالة تخلص حتى انشفهن وروح اشرهن تطكهن الشمس شويه 

مروة....روحي ارتاحي انه باقيه يمهن 

نور.... ما عندي شي والله بس ينشفن واخذهن 

هيه خزرتني وطلعت هاي شبيها صدك مريضه نفسياً نشفت الملابس وخذتهن شريتهن ومروة بس تباوع عليه وين اروح وين اجي ... 

نور.... وين الحذاء الترديني المعه لسند 

مروة... منا وجاي ما تكولين سند 

نور..... جا شكول 

مروة.... لو تكولين السيد سند لو تكولين صاحب البيت 

حسيتها جاي تهيني غلست ما جاوبتها اشرتلي ع الحذاء اخذته لمعته وكملته ورحت جبت الملابس حتى اكويهن طلعتلي اوتي بخار بقيت صافنه عليها 

نور.... ما اعرف شلون استخدمه شلون تستخدمونه 

مروة.... كلشي ما رايدله حطي ومشي ع الملابس 

نور.... اخاف يحتركن والله ما اعرف ولا مجربته 

مروة.... هو انتم فكور منين تجيبون هيج اوتي بخاري خلفله ع سند جابج هنا وشفتي لو باقيه عد اهلج كلشي متشوفين وجه الفكر 

            

              

                    

عافتني وراحت بقيت محتاره حطيته وشلته اخاف تحترك الملابس وتورط بقيت اخذه منا اجيبه منا ما اعرف حسيت ع شخصص حمحم درت وجهي... 

محمود.... محتاجه مساعده مرت اخوي 

نور.....هااا لا شكرا 

محمود.... ترا صار ساعه اباوعلج تاخذين الاوتي شمال ترجعينه جنوب 

نور.... ما اعرف اله اخاف يحترك القميص وسند يموتني 

محمود..... الشي الحلو نقذتي روحج لان سند يتخبل اذا احد من ملابسه يحترك لو ينشك 

نور.... جا الحمدالله ما خاطرت وورطت روحي 

محمود..... اي عفيه خليج نبها لا تبليج مروة وديري بالج توثقين بيها حيه ام ارسين تكرص وتضم راسها 

بتسمت هو اخذ الاوتي وبده يشرحلي طريقة استعماله جنت حل مندمجه حتى اعرف وهو يعلمني خطوه بخطوه وبسرعه عرفتله ... راد يطلع صاح عليه .... 

محمود.... نور 

نور..... هاااا صحتني 

محمود.... اي اريد انبهج ع شغله لا تصيرين ضعيفه ولا تخلين مروة تستغل طيبت كلبج تغدي بيها قبل لا تتعشه بيج 

نور.... تمام راح اصير اخذ حذري منها 

محمود.... اي عفيه وشنو تردين انه حاضر وحسبيني اخوج الي ما جابته امج 

نور.... الي الشرف تصير اخوي 

محمود.... الصراحه وايد خجلتيني 

ضحكت ع لهجته بالكلام هو راح وانه رجعت اكوي كويتهن كلهن واجت مروة تضحك وكفت يمي شافت الملابس مكويات ومتعلكات ع حافت الميز فكت حلكها .... بس ما حجت شي دارت وجها وصاحت... 

مروة.... صعديهن فوك سند حبيبي ينتضرج ومن توديهن صعديله الحذاء 

اخذت الملابس وديتهن اله وصعدتله الحذاء الحمدلله جان ما موجود جاي يسبح ... دخلت للمخزن جسمي تعبان توني خليت راسي ع المخده وعدل بضهري دخللت مروة للغرفه وهيه تحجي ... 

مروة..... كوومي سووي الغرفه تلحكين ترتاحين اشو اربعه وعشرين ساعه مرتاحه ومن كتلج نضفي غرفتي ورتبي الملابس تعاجزتي 

جريت شالي وكمت جان سند بعد موجود وكدامه اشرتلي ع الكنتور فتحته وطلعت ملابسها بديت اصفط جانت متقصده كدامي تحضن سند رغم انه ما هتميت بس احسه عيب ...

ما خليت عيوني عليهم لهيت نفسي بالملابس بالي مو يمهم بالي يم ابوي شلون نفسيته كدترت تخلي يترك بنته ويروح والله ااعلم شنو راح يكون حالي ...

درت راسي احاجي مروة علمود الرف التحتي شنو اخلي بي ... باوعت مروة مخليه ايد ورا ركبه سند والثانيه ع صدره وشفايفهم قريبه من بعض بسرعه كمت اري اطلع بس الصدمني حركة سند من خله مروه ع الباب وباسها من شفتها كدامي ...

            

              

                    

وانه شبه صايره بنصهم تبعدت عنهم بسرعه وركضت للحمام دخلت وسديت الباب ما يستحون شلون يسون هيج شي كدامي والله عيب ..

مروة.... يلا اطلعي ترا سند راح

طلعت ورجعت اصفط بالملابس وهيه كالت راح اروح اخابر امي ما اهتميت والها بديت اصفط بملابس سند وريحة عطره تفوح بالملابس....

بدون وعي مني خليت ملابسه غريب ع خشمي استنشق عطرة بس من استوعبت الجاي يصير بعدهن ورجعت اصفط بيهن بسرعه ... الحمدلله خلصت وطلعت من الغرفه ....

........ 

حاضنه امي وابجي وادموعي عشرة عشرة من يوم الاخذ نور واحنه حالتنا حالة مجتبى يلوم نفسه ليش راح للجامعه ما بقه يمنه جان ما خلاهم ياخذون نور محمد كضاها بس صفنات ويزفر حسرات ... امي جانت فرحانه بولدها وشلون خايفين ع اختهم ويردون يرجعوها ... انه مصدومه وكل ما يحجي مجبتى شي ومحمد يكله نرجعها غصبن عليهم افتح حلكي من الصدمه ... 

راحو كم مره هدو عليهم بس كل محاولاتهم ما جابت نتيجه غير التعب والقهر وامي توسلت بيهم ما يرحون بعد لان اخر مره راحو بيها مهددهم اخو البنيه الاخذها ابوي ... 

اول مره احس بشعور الاخوه جنت دائما اشوفهم نفس ابوي متسلطين ويعتبرون المرة خدامه الهم وبس لتلبيت حاجاتهم واي حق ما الها بس اتكشفلي العكس شكد حلو الرجوله من تكون اخويه ... 

مرت الايام وجنود لازمين بابنه وابوي فص ملح وذاب لا من شاف ولا من دره عنه ... امي خطيه روحه بنور تكول خاف اموت وانه ما شايفتها وانه اطك من البجي مشتاقتلها حيل ... 

اندك الباب وكام محمد يشوفه شويه ودخل وجهه ما يتفسر صاح ع مجتبئ وطلعو اخذولهم وفك الساعه يلاه رجعو اول ما دخلو تلكتهم امي ... 

ام محمد.... بشررروني لكو ابووك راح يردولي بنتي 

مجتبى.... يمه ع كيفج هذا ابوي جايبينه اخون البنيه الناهبها وراح يسون كعده ع مود هذا الموضوع حتى يحلون سوء التفاهم ويرجعولج نور 

امي من فرحتها هلهلت وجانت هاي اول مره اشوفها تهلهل حضنها محمد وباس راسها ومجتبى كذالك .. 

ثاني يوم راحو اخواني للكعد وطولو يلا اجو بس من رجعو خيبته الامل بينت بملامح وجههم امي بس شافتهم ساكتين وما حجو شي صارت تدك وتلطم 

مجتبى.... راحت نوور يمههه ومالها رجعه نهه حياااتهاا ابوووي العااار فرررط بيهااا الخاطر مررة لا نعرف اصلاها من فصلها 

محمد يفرك وبوجه بعصبيه وساكت ما حجه شي ومجتبى حضن امي ويبجي وياها صرت ابجي بحركت كلب شنو بعد ما ترجع ... 

حسيت ع محمد حضني حضنته وصرت ابجي وناشق والبيت النكلب كلاب صارت امي تبجي اخواني عيونهم حمر من القهر عدلت امي كعدته وانتجت ع الحايط ... 

ام محمد.... احجو شنو صار وياكم وابوك وين ليش ما اجه ارررتاح هسسه من ضيع بنتي وداها ور الشمس يمه رااحت بنيتي وشرجعها اليه 

محمد..... نور عقد عليها ابنهم 

شهكت امي ودكت ع صدرها وصاارت تصررخ واول مره تسب وتغلط ع ابوي انواع الغلط وخواني ساكتين وانه ابجي ع الساكت ... 

ام محمد..... الله لا يوفقك حييدر ولا يراويك يوووم حلووو وهوووبتي مااتتعداك ضيييعت بنات ثنين من قبل وهسسه دررت ع الثلاثه شدعييي عليييك بسس حسسبي الله ونعمه الوكيل ربي يااخذك ويخلص الناس منك من بلوواك 

حضنتني امي وتمسح ع راسي ودموعها ما نشفن من البجي باوعت ع خواني وهيه حاضنتي ع صدرها ... 

ام محمد.... ابوك اخذ ثلاث بنات مني وكلهن شوفتهن صارت شوفتهن بحسره عليه ما بقالي بس هالبنيه اريدكم توكفون بوجهه ابوكم لو راد يذيها لو فكر ياخذها مني 

جلبت بامي حيل خاايفه ع نفسي ومقهورة ع نور الضاع عمرها ومحد يدري هما شنو ما شنو... 

محمد.... لا تخافين يمه ولد امس راحو احنه ولد اليوم وطغيان ابوي وضلمه راح ينتهي ودخله لهذا البيت بعد ماله ورجله بس تعتب الباب احشها ... 

مرت الساعات وامي كاعدة وتنعه ع نور وخواتي الي تزوجن وما شفتهن بعد ... اندك الباب وكام مجتبى للباب ومحمد لحكه شويه وما نسمع غير عيطت محمد رحنه انه وامي نركض صوب الباب ... 

امي شافت ابوي واكف كدامها وهيه انهدت بي وصارت تضرب بي ومحمد ومجتبى صفو وياها وضربون بابوي الي حرام اسمي ابوي ... 

باوعت ع البنيه التصررخ وتريد تبعدهم عنه جانت بدون عبايه لابسه ملابس ضيكه مبينه مفاتن جسمها .. خواني بعدو امي عن ابوي ومحمد كومه وطلعه بره هيه دفعه وهيه وكعه ...

محمد....كاافي لهناا حدك هذا البيت بعد ما الك حق بي وامي تطلكها غصبن ع الجابوك وختي متبريه منك وما تريد ابوها وانه ومجتبى متبرين منك ليوم الدين ترا ما ناسي السويته بيه والحد هالحضه يرن بذني وحارك كلبي ولاجمني بس والله ما افوتها الك اذلك ذل حتى لو افوت للنار تاليتي 

حيدر..... تريد تشمت العالم بيه لو تفضحنه ولا تنسسه البيت بيتي انه الطاب وانتم الطالعين البيت بيت ابونه والكوم حاربونه 

مجتبى.... عفوا البيت بيتي وانه الامر الناهي هنا وشور محمد قبل شوري كلامه معنا كلامي 

حيدر.... ولد الزماايل وقعت مغصووب عليه مو برضاتي ترجعولي بيتي ترجعونه وبيناتنه المحاكم ولد الكلب يردون يبوكوني وانه عدل 

محمد.... مو مشكله المحاكم راح تعرف اغتصبت منو كتلت منو اذيت منو بكت منو هجولت منو وكل هذا تحت قناع الدين عمامه الشيوخ

ابوي تبلعم وما حجه شي جان رد محمد قوي من قوته امي لزمت كلبها ... ابوي جر البنيه الوياه واجه يطلعون وصااح محمد ...

محمد....قبل لا تروح طلك امي ولا تراوينه بعد وجههك وبيناتنه تبقه المحكمه وباجر من الصبح تجي للمحكمه نطلك 

ابوي دار ع امي وكلها انتي طالك وعافنه وراح دخلنه للبيت وامي تبوس بمحمد ومحمد يبوس بيديها وراسها ... جريت نفس براحه ... واكفه اباوعلهم ومجتبى خله ايده ع متني وحضني وكال... من الصدمه تخربطت ... 

شكرا لزيارتكم عالم روايات سكيرهوم