رواية ايلا الفصل الثالث
في المساء في فيلا البحيري....
إيلا..... ايه يا بابا مالك من بدري وانا حاسة انك مش متظبط في ايه..؟؟
ميرفت.... في ايه يامنصور
كان منصور يفكر ماذا سيفعل وكان لابد يخبر إيلا فهو لا يوافق عليه كزوج لابنته الوحيدة ولكن لابد أن يخبرها....
منصور... ريان الصاوي عايز يتجوزك وطلب ايدك النهاردة مني
إيلا بصدمة.... ايييييه (فهي تعرف سمعته وتقرأ كل ما تكتبه عنه الصحف والمجلات).....
ميرفت بتأكيد.... ريان الصاوي صاحب شركات الصاوي العالميه...؟؟
منصور.... ايوا هو
ميرفت..... وانت قولتله ايه اَوعي تكون وافقت
منصور بحزن.... قولتله هاسأل إيلا
إيلا بعصبية خفيفة...... وهي دي محتاجة سؤال طبعاً مش موافقة يعني ده غير اني مابفكرش ف الارتباط انا مستحيل ارتبط بواحد زي ده....
ميرفت... ايوا طبعاً مش موافقين انا مش هوافق على عريس زي ده لبنتي
منصور بخوف مما سيحدث ولكن يحاول أن لايظهره أمامهم.... خلاص انا هاقوله انك مش موافقة.....
ميرفت بتساؤال.... ومالك زعلان كدة انت كنت موافق ولا ايه...؟؟
منصور.... لأ طبعاً انا اكيد ماكنتش هوافق
إيلا... طب انا هاطلع انام بقى تصبحوا على خير
ميرفت ومنصور.... وانتي من اهلوا ياحبيبتي
مرت ثلاثة أيام على تلك الأحداث....
في مكتب ريان الصاوي
سليم بصدمة.... ايه عايز تتجوزها..؟! ومن امتى وانت بتفكر ف الجواز اصلا ده انت عايش حياتك بالطول والعرض وعمرك مافكرت ف موضوع الجوز ده....
ريان.... انا عايزها ومش هاقدر اطولها غير بالطريقة دي
سليم.... وهو معقول تاخد خطوة كبيرة ومهمة زي الجواز لمجرد انك عايزها علشان شهوتك....
ريان... وهو انت فاكر يعني اني هافضل متجوز طول العمر
سليم بتساؤال.... ازاي يعني مش فاهم..؟!
ريان.... هاتجوزها شهرين تلاته لحد ما ازهق منها وبعدين هاطلقها (ولم يكن يعرف انه سيكون أثير عشقها وهي مأثورته التي سوف تمتلك فؤاده الذي تمرد على جميع النساء لتملكه بعد ذلك هي... هي فقط)...
سليم.... طب مش حرام كدة يا ريان دي البنت ماتستاهلش كل ده
ريان باستهزاء.... حرام...؟!! ومن امتى واحنا بنمشي بالحرام والحلال ده
احنا ب........ ليقطع كلامه رنين هاتفه
ريان بابتسامة بعد أن نظر للمتصل...... ده منصور
سليم بفضول..... طب رد
ليجيب ريان...... الوووو
منصور.... أهلاً يا ريان بيه ازيك
ريان... انا تمام
منصور ببعض الخوف وبدون مقدمات.... انا اتكلمت مع إيلا ف الموضوع وهي رافضة....
لم يتوقع ريان انها سترفض الزواج من ريان الصاوي الرجل الذي تتمنى اي امرأة أن ينظر إليها فقط......
منصور..... ريان انت سامعني
ريان بخبث...... وانت رأيك ايه ف الموضوع..؟؟
منصور بتردد... انا ماقدرش اغصبها على حاجه وخصوصا ف الموضوع ده وانا قلتلك قبل كده ان هي مش عايزة ترتبط و......
لم يكمل منصور كلامه فقط قاطعة ريان
ريان... تمام ثم أغلق الهاتف قبل أن ينتظر رد من منصور
سليم باستغراب شديد... ايه ده رفضت
ريان بتحدي..... لسه ماتخلقتش اللي ترفض ريان الصاوي
سليم بتساؤال.... ناوي على ايه...؟؟
ريان بابتسامة ماكره....هاحجز على كل ممتلكاتهم من بكرة الصبح
ليتصل بمنى السكرتيرة بعد ذلك.....
مني...ايوا يافندم
ريان.... اطلبي عزت المحامي وخليه يجيلي دلوقتي حالا على مكتبي
مني.... تحت امرك يا ريان بيه
سليم..... ده انت كدة هاتخليها تجيلك راكعة
ريان بثقة..... هايحصل
