رواية حور الفصل الثالث
*بعد مرور ثلاث ساعات ، جهزت حور اغراضها و نرمين كذلك و اتجهوا الي السنتر*
نرمين بضيق / بجد مليش خلق احضر حصة مستر مروان دة خالص .
حور / لية بس كدة والله حصتوا جميلة اوي .
نرمين / جميلة !! اه طبعاا .. م احنا بقينا معجبين .
حور بضحك /يبنتي بس بقي و بالله عليكي مش عاوزة كلام خالص ف الموضوع دة قدام اي حد ف السنتر عشان الحربيات اللي معانا بيركزوا معانا اويي .
نرمين / لا يختي متخافيش بس ربنا يستر منك انتي ، عشان لسانك بيفلت كتير .
حور / لا يختي متخافيش ، اسكتي بقي عشان وصلنا .
*- دخلوا الاثنين الي السنتر و جلسوا في اماكنهم ولكن لم يكن هناك ماعدا بعض زميلاتهم '*
نرمين باستغراب / غريبة يعني ؟ محدش جه غير الكام بنت دول و المستر مجاش دة ع طول بيجي ف معادوا و ساعات قبل معادو كمان.
حور بهمس / يالهوي يبت ينرمين لو حصلوا حاجة .
نرمين بهمس و بعض الانفعال / ونبي يختي ارحمينا شويةة .. مكنش موقف دة اللي عشقتيه منو .
حور بابتسامة وهمس / طب اسكتي بقي عشان الحربيات جم .
*دخلت داليا و الاء و ملك القاعة و جلسوا بعيد قليلا عن حور و نرمين .*
نرمين/ كويس انهم قعدوا ورا ، مش زي كل حصة بتلاقيهم لازقين ف قفانا .
حور / يالا ف داهية ... صح عاوزة اقولك حاجة .
نرمين / قولي.
حور بحيرة / عمر متصلش بيا من امبارح و مفتحش خالص و انا بصراحة مجربتش ارن عليه او ابعتلوا .. و هو برضة مش من عادته معايا انه ميكلمنيش كل دة .
نرمين بهمس/ هو انتي قولتيله ع موضوع مروان اسماعيل دة ؟.
حور / اه طبعا ، انتي عارفة ان انا مش بخبي عليه حاجة .. بس هو رد فعلوا كان غريب شوية، بس طبيعي يشوف الموضوع كدة .
*سكتت نرمين لانها دائما تلاحظ اعجاب عمر بحور ولكن لم تتأكد من مشاعره تجاه حور`*
نرمين بضحك / بكرة يتعود ، و ممكن مكلمكيش و كدة عشان ورا مذاكرة او حاجة، الله اعلم بس اكيد هيتصل بيكي .
حور بتتويه / خلينا نركز ف الحصة ، اوحش حاجة ف الحصة الاسيستنت ( المساعد) الرخم دة اللي اسموا كريم .
نرمين بضيق / ياااا ساااترر بجد مش بطيقوا .. اعوذ بالله بجد .. حرفيا بني ادم رخم اويي و صوته يجيب لاخر الشارع.
حور بضيق / حصل والله ربنا يستر بقي و يحل عني انهاردة عشان هو كل حصة يفضل يبصلي و يزعق .
نرمين بتذكر / انتي عملتي الواجب صح ؟! .
حور / هما كانوا صفحتين انا عملت الصفحة الاولي و اول سؤال ف الصفحة التانية .. و الباقي حاسة ان احنا مخدناهوش .. حاولت فيه كتير بس معرفتش حاجة .
نرمين/ انا برضة في حاجات وقفت معايا بس حليتهم كدة بالبركة عشان ميطلعنيش برة.
حور / اية يبنتي مش للدرجة .. هو اه رخم بس مش لدرجة انه يطلعك برة علي كام سؤال مش فاهماهم دة كفاية انك حاولتي ف الواجب بس .
نرمين بتوتر/ ربنا يستر بجد يحور .. عشان اللي اسموا كريم دة مش برتاح له .
حور بابتسامة/ خير ان شاء الله .
*" " " " " " " " " " ".*
*ع الناحية الاخري .. كان عمر قد انتهي من معظم محاضرته و لكن كان يبدو ع وجهه الضيق و الغضب .*
زياد باستغراب/ مالك في اي .
عمر بضيق / زمانها دلوقتي قاعدة ف حصتو .
زياد / يوه يا عمر ، والله انا حاسس بيك و كل حاجة بس حاول تفهم ان كل دة هبل والله .. دة مجرد وهم و خلي بالك هي اول ما يبدا يشرح هتركز ف الحصة و شكرا ع كدة .. و مفتكرش انها هتفكر ف الموضوع الا لما تكون فاضية ... عشان دة كلوا لعب عيال .
عمر / معرفش بقي يا زياد .. بس برضة فكرة انها قاعدة هناك دي دلوقتي مستفزة و انا اصلا مكلمتهاش من امبارح و لا قادر اتكلم و مش عارف اية اللي بيحصل معاها .
زياد / انت بجد مكلمتهاش كل دة ؟؟! دة انت عمرك ما عملتها .. ما هي لازم تضايق .. اومال عاوزها ازاي تفكر فيك يا فالح ! لازم تبقي معاها طول الوقت عشان متشوفش غيرك و كمان حاول تخليها تغير فكرة انك اخوها ديي .. يعني حاول تبين مشاعرك بس بطريقة غامضة شوية و هي مع الوقت هتفهم .
عمر / ياريت ي زياد .. كمان ساعتين كدة هتصل بيها و اشوف عملت اية.
زياد / طيب .. قوم يالا ناكل حاجة .
عمر بابتسامة/ انت علي طول همك علي بطنك ؟!.
زياد بضحك / قوم يا رخم و بطل رخامة و يالا ناكل عشان جعان .
عمر بضحك / يالا ياخويا.
```ذهبوا الاثنين لتناول وجبة خفيفة قبل تكملة محاضرتهم'```
*" " " " " " "*
*بعد حوالي عشر دقائق آتي كريم ' مساعد مروان '*
نرمين بضيق / يااا ساااتر .. اهو جه يختي ربنا يستر .
حور بتوتر / خير ان شاء الله .
كريم بجدية للجميع / كلوا يطلع الواجب بتاعو و اللي معملش الواجب يقوم يقف .
*فتح الجميع المذكرات لتصحيح الواجب و وقف من لم يقوم به .*
كريم بجدية / كل اللي وقف دة يطلع يستني برة .
*خرجت بعض البنات و الشباب الي خارج القاعة و ظل كريم يفتش علي الواجب و اتي دور نرمين و حور '*
كريم لحور / هاتي الواجب .
حور / اتفضل .
*اخذ منها المذكرة و نظر اليها*
كريم بغضب / هو انا مش قولت اللي معملش الواجب يطلع برة؟! .
حور باستغراب / ايوة بس انا عاملة الواجب .
كريم بانفعال / و اللي انتي سايباه دة اية ؟.
حور / اكيد انا مش هعمل الواجب كله و هسيب الكام سؤال دول رخامة يعني .. انا مش فاهماهم و مش عارفة احلهم .
كريم بغضب / طب اطلعيلي برة .
حور ببعض الغضب / اطلع برة لي ... انا مش فهماهم علي فكرة .
تدخلت داليا بكل استفزاز / لا يا كريم طلعها انت مع اي حد بتعمل كدة .
كريم بغضب / محدش طلب رايك اقعدي مكانك .. وانتي اتفضلي برة.
*نظرت حور ل داليا و كريم بغضب شديد ثم خرجت من القاعة '*
كريم بغضب/ الباقي يفضل مكانو لحد ما ارجع اكمل .
*خرج كريم من القاعة و اتجه الي الطلبة الذي طردهم '*
كريم بشدة / كلو يطلع رقم ولي امره .
*- اتصل كريم ب جميع اولياء الامور و اخبرهم ب ان ابنائهم غير مهتمون بالمذاكرة .*
*امرهم كريم بالدخول الي القاعة ماعدا حور `*
حور / طب ممكن تكلم ولي الامر بقي عشان عاوزة احضر الحصة و المستر جه .
كريم/ قولي الرقم .
*قالت له حور رقم والدتها واتصل به كريم واجابت بعد لحظات .*
كريم / ألو .
هدي / ايوة مين .
كريم بجدية / مع حضرتك كريم اسيستنت مستر الفيزياء .
هدي باستغراب/ خير اتفضل .
كريم بجدية/ حور جاية مش عاملة الواجب و مش مذاكره .
حور في داخلها بصدمة / يا ابن الكدابة !!!
هدي / انا بنتي طول عمرها بتعمل واجبها و بتذاكر كويس و انا متاكدة انها لو في حاجة مش حلاها يبقي العيب مش منها .
كريم ببعض الغضب لانه شعر بالاحراج / طب ياريت يكون في متابعة اكتر من كدة ف البيت مع السلامة .
هدي / سلام .
*' اغلق كريم الخط .*
حور / ممكن ادخل بقي .
كريم بغضب/ لا .
حور باستغراب/ نعم ؟! لا لي ؟! .
كريم / لما تردي عليا ب ادب هبقي ادخلك زي ما دخلت الباقي و اعملي حسابك ان انا حطيتك ف دماغي و هستني اي تقصير منك و هصفيكي من المجموعة.
حور بابتسامة واستفزاز / تمام .. اعمل زي ما تحب .. عن اذنك عشان ادخل حصتي .
*دخلت حور الي القاعة مرة أخري و كان مروان لم يبدأ بالشرح بعد و لكن تفاجأ كثيرا بأن حور كانت ف الخارج من اجل الواجب ؟!*
*عندما بدأ مروان بالشرح كان تركيز حور كله علي الشرح و لم يكن في رأسها اي شيء آخر `*
*بعد مرور ساعتين من الحصة '*
مروان / حصة انهاردة كدة خلصت كلو يروح ماعدا حور تستني .
نظرت حور الي نرمين باستغراب و همست لها / هو انا عملت اية ؟! .
نرمين بتوتر / مش عارفة .. روحي شوفي عاوز اية؟! .
*بعد ان ذهب الجميع اتجهت حور لمعلمها مروان`*
مروان / معملتيش الواجب لية انهاردة يحور ؟!.
حور / يا مستر والله انا عملته بس اخر كام سؤال مش عرفاهم حتي اوريك المذكرة ..و حضرتك انهاردة مراجعتش ع الواجب و لو شوفته هتعرف ان الاسئلة لسة متشرحتش .
*اخذ مروان منها المذكرة و نظر ع الاسئلة ووجد ان كلامها صحيح `*
مروان / انا فعلا لسة مشرحتش الجزئية دي بس باقي واجبك صح .. اومال كريم طلعك لية.
حور / طلعني عشان مش حلة اخر كام سؤال و اتصل ب ماما و قالها ان انا مش حلة الواجب و مش مذاكرة .
مروان / طب استني .. يا كرييم .
*اتي كريم في تلك اللحظة .*
كريم باستغراب/ نعم يمستر ؟! .
مروان بجدية / هو انت مش المفروض بتبص ع الواجب و عارف اية اللي اتاخد و اية اللي متاخدش ؟! .
كريم بإيماء / مظبوط .
مروان / و مخدتش بالك ان الاسئلة اللي حور سايباها انا لسة مشرحتهاش ... و كمان اتصلت ب ولي امرها !! .
كريم بتوتر/ مخدتش بالي والله انا اسف ع العموم .
مروان بجمود / اتفضل و ياريت ميحصلش كدة تاني .
*نظر كريم لحور بغيظ وخرج `*
مروان / حصل خير يا حور ياريت متزعليش من كريم .
حور بابتسامة/ لا يا مستر مفيش حاجه .. عن اذنك .
مروان بابتسامة/ اتفضلي.
*خرجت حور من السنتر ووجدت نرمين تنتظرها ف الخارج '*
نرمين بقلق / في اي يا بنتي ؟! .
*حكت لها حور كل شئ من بداية طرد كريم لها و عندما طلبها معلمها مروان '*
نرمين باستغراب/ طب و انتي لية مقولتيش لمستر مروان ع اللي كريم قالو .
حور بحيرة / مش عارفة ي نرمين بس ممكن يكون قال كدة و خلاص يعني فبلاش اعمل مشاكل .
نرمين / يالا حصل خير .. يالا نمشي عشان بجد فصلت .
حور بتعب / اه ونبي يالا .
*ذهبت كلا منهم علي بيتها `*
" " " " " " " " " " " "
```بعد يوم طويل من المحاضرات ، اتجه عمر الي بيته بعد ان ودع صديقه زياد '```
عمر وهو يجلس في غرفته / اكلمها دلوقتي ولا اي؟! لالا استني شوية كدة زمانها لسة راجعة او ف الشارع لازم استني شويةة و كمان عشان اعرف اكلمها .
' ' ' ' ' ' ' ' '
*_ع الناحية اخري ... وصلت حور الي المنزل ولكن لم تجد احد به ، والدها مازال في عمله و والدتها و اخواتها لم يرجعوا بعد !._*
حور بابتسامة/ والله مفيش احلي من القاعدة لوحدي ... اية الحلاوة دي ؟! .
*بدلت ملابسها و ارتدت بيجامة من اللون الوردي مزينة ببعض الزهور البيضاء و رفعت شعرها كعكة و انزلت بعض الخصل علي وجهها وكانت جميلةة جدا .*
*قامت حور بإقامة وجبة سريعة لتناولها و فتحت هاتفها لتتصفح وسائل التواصل الاجتماعي `*
حور في داخلها / يا تري مروان اسماعيل اسموا اية ع الفيس؟! و لو في ب اسمو يبقي انجليزي ولا عربي ؟!
*جربت حور ان تكتب اسمه باللغة العربية و لكن لم يظهر ايي شئ !! حاولت ان تكتب باللغة الانجليزية و عندما وجدت حسابه الخاص دخلت عليه وظلت تشاهد العديد من الصور له وهي تبتسم '.*
*قطع لحظتها تلك اتصال من ' عمر ' ... انتظرت قليلا و بعدها اجابت '*
حور / لسة فاكر تتصل .
عمر / و متصلتيش انتي لية ؟! .
حور / دة انا قولت عمر هيكلمني و يطمن عليا و يسألني عملتي اية مع المستر بس ازاي !!! البيه مش عاجبو .
عمر بغيرة / حوور .. انا بتصل اطمن عليكي .. فعشان خاطري سيبك من موضوع مروان اسماعيل دة دلوقتي عشان عاوزك ف موضوع اهم .
حور باستغراب/ موضوع اية ؟! .
عمر / عارف انك زعلانة مني عشان مكلمتكيش بس كنت مشغول شوية .. علي العموم متزعليش مني .
حور/ اية يا عم مالك مكبر الموضوع كدة ليي ؟!! دة انت اخويا يعنيي يعمر .. يعني لا يمكن ازعل منك .
عمر بحزن/ تمام يحور .. حبيت اطمن عليكي هقفل دلوقتي عشان مشغول .
حور بابتسامة/ تمام ولا يهمك .
*اغلقوا معا الخط '*
حور في داخلها/ احساس غريب كدة بحسو بعد ما بكلم عمر او بعد م افكر فيه؟! بس بس انتي كل حاجة هتفكري فيها بالطريقة دي .. لما اقوم اذاكر شوية .
*نهضت حور لتكمل مذاكرتها و ع الناحية الاخري كانت عمر غاضب جدا من كلمة " اخويا " التي قالتها له '.*
" " " " " " " " " " " " "
*- في بيت الاء صديقة داليا و ملك ، كانوا يجلسون الثلاثة ويتحدثون عن حور '*
ملك / استغربت اوي بجد .. تفتكروا مستر مروان كان عاوز حور ف ايي ؟!.
داليا بحقد / انا هتشل بجد .. مستر مروان معلق لية مع البت دي ؟؟؟ ياربييي بجد نفسي اخلص منهاا بقي .
الاء بضحك / كان شكلك وحش اويي يداليا بجد لما كريم احرجك و قالك محدش طلب رايك .
ملك بضحك هستيري / بالله حصل انا كنت هموت من الضحك .
داليا بغضب / اخرصوووو بقي ... انتوا معايا ولا معاها ؟؟؟ هو دة اللي جه ف دماغي مكنتش اعرف انه هيجي ع دماغي .
*سكتوا الاثنان ولكن كانوا يكتمون ضحكهم بشدة '*
*- الي سيصلون بحقدهم ؟! .*
" " " " " " " " " " " " " .
*اتصل زياد بعمر ليخبره بشئ.*
زياد بابتسامة / عندي ليك خبر حلو اوي .
عمر / خير .. قول ؟!
زياد / مروان اسماعيل هيخطب انهاردة .
عمر بفرحة / بتهزر !! طب و عرفت منين ؟!.
زياد / اتصلت بواحد اعرفو و قالي و كمان الخطوبة ع الضيق يعني هتخلص ع 8 لانها هتبدا علي 5 كدة .
عمر بفرحة / كويس اوي بجد ... انا مش عارف من غيرك كنت هعمل اية .
زياد / يالا يا عم اي خدمة .. روح بقي شوف كنت بتعمل كدة انا هروح انام شوية .
عمر / ماشي يصحبي .. يالا مع السلامة .
*اغلق عمر معه الخط وهو سعيد جدا '*
" " " " " " " " " " " " "
*مر حوالي ست ساعات و حور تجلس وحدها وقد اتت الساعة التاسعة مساءً .. والدتها قررت ان تبقي عند جدتها و والدها سوف الي بيته في حوالي الساعة العاشرة و حور تجلس وحيدة كل هذا الوقت '*
حور بزهق / اوف بقي .. اية الملل دة .. انا هخش اكمل فرجة ع صور مستر مروان
*دخلت علي حور علي الفيس بوك و فتحت حساب مروان الخاص وتفاجأت ب..........*
