رواية عشك أل فراس الفصل الرابع بقلم زينب نور
،،،،،،،،،،،،،،،،،،،،،،،،،،،،،،،،
ابو فؤاد :أنا من زمان اكره علي بدون سبب واكره ابوك
الشيخ :تكره ابوي ؟
ابو فؤاد :اي اكره بسبب جدك الي هوَ ابوي جان دوم يقارن ابوك بيه شما اسوي يكلي احسن منك صرت اكره وما اطيقة اريد اسوي كلشي يأذي
الشيخ :تكره ابوي افتهمت لان ابوك يقارنك بيَ علي شكو ؟ تكره على كره ابوي
ابو فؤاد : علي من زمان اكره بدون سبب واضوج منة وين ما اشوفة اضربة اهينة اغلط عليَ وبعدين خليت فؤاد يسوي شغلات موحلوة وقوية علاقتي بأبوك حيل وصرت قريب منه وايدة اليمين وخليتة يثق بيه حيل ويصدك بكلشي احجي وصرت اخلي فؤاد يسوي شغلات واخلي يذبها براس
علي وجان علي ينضرب ضرب ما صاير وجنت افرح بهذا الشي خليت فؤاد يكره علي مثل ما أنا كرهت ابوك
من صار عمر علي عشر سنوات انخطف بسبب ثار بين ابوك وذولك وانا اتفقت وياهم على فلوس مقابل يدزولي صور مفبركة على انُ علي يريد يبوك فلوس ابوك
الشيخ :وابوي صدك ؟
ابو فؤاد :اي بسرعه صدك وصار يكره اكثر
الشيخ :ههه والله سالفه اذا احجيها لطفل ميصدك كمل
ابو فؤاد : ورا سويت نفسي ادور على علي ويَ ابوك ومن رجع علي ضليت اترس براس ابوك عليَ واكلهه مايستاهل ترحمة وهواي كلام لحد ما خليتة يكره ويحقد عليَ بشكل مو طبيعي ويضربة بدون رحمة وكل ما اجيكم اكله
فلان يشكي من علي ابن فلان ضربة علي
، سالفة المعرض كعدت ويا وحجيت ويا وكتلك ابوك ياخذ كلامي بسرعة ويصدك ترست راسة انُ احنه اللي نكعد بالمعرض حتى نمشي الشغل والبساتين هم وبسرعة اقتنع وصارن النا
سالفة الفلوس ،اخر مره من اجيناكم خليت فؤاد يدخل الغرفة وياخذ مبلغ جبير ثاني يوم خابرت ابوك كتله اريد هيج مبلغ وكنت اعرف بس علي بالبيت كال صار ورا رجع خابرني كلي فلوسي ناقصات كتله منو داخللكم كال محد كتله منو بالبيت كال بس علي كتله هوَ اللي بايكهن مو جديده عليَ واذا ما طلعهن أطردة من البيت هيج بشر مايستاهل يعيش بخيرك . وهذا كل الصار
الشيخ :الله واكبر على راسكم شنو من بشر انتم بس مو صوجككم صوج المصدك بيكم شلون مادري ، الأوراق والصور والفلوس وين ؟
ابو فؤاد :بالبيت
الشيخ :كوموا وياي بس لا تفرحون طلعتوا منا انا الكم هناك
حسام :ها انطلعهم
الشيخ :طلعهم
طلعنا لبيتهم دخلوا همَ جابوا الاوراق والصور الاصليه والمفبركة والفلوس سجلت كل كلامهم بتيلفوني حتى يصدك سيادة الوالد
الشيخ :اندمكم على كلشي ، تعال وقع يلاا
ابو فؤاد:صار بس شنو هاي
الشيخ :هاي حلالنا يرجع بأسمنا يلا
وقع واخذت كلشي ورجعت للبيت باوعت على ساعتي بـ3ونص الفجر طار الوكت اول مادخلت لكيتهم كلهم كاعدين الكُل كام عدا الوالد
الجد :هلا بويه بشر شسويت
ام فهد بدموع :ولك يمه اخوك وين
الشيخ :يمه عوفي اخوي هسه ،اريد منكم هدوء وماكو صوت حتى تسمعون زين
الكل سكت وصار هدوء تام شغلت التسجيل خلص كتلهم
الشيخ :هاي الاوراق مال المعرض والبساتين رجعن النا
الفلوس ،هاك يابه هاي فلوسك
الصور هاي الصور الاصليه وهاي المفبركه
شوف ابنك شلون متعذب شوف شصاير بيَ شوف ابنك شتحمل من وراك ،انتَ شنو من بشر شنو من اب ما خليت احترام لنفسك بسبب واحد كواد هيج تسوي بأبنك وين جان عقلك ترا كلامة محد يكدر يصدكة !!
المهم خلصت وحقنا رجع هذا بيتك بعد مالنا كعدة بيَ خلي ابو فؤاد يجي يكعد يمك وتنسئ بعد عندك عائلة
يلا بويه توكلوا على الله
طلعوا كلهم انا ضليت اخر واحد اجيت اطلع كال
ابو فهد .:مو كلكم ترحون لا تعوفوني وحدي اصلح كلشي !
الشيخ :شصلح؟ ابنك تعرف وين تعرف بهل الليل وين راح وهوَ مايندل شي
ابو فهد :بويه والله تندمت ومادري وين جان عقلي من سويت هيج بيَ ارجعوا وانا اصلح كلشي
الشيخ :الندم شيفيد زينه الك هاي ارتاحيت هسه ابنك وراح شيفيد الندم لا تبچي خلص راح ارتاح مو كتلة ما اريدك هاي راح شيسوي الندم وابنك راح شدكول لربك اذا صار بيَ شي ادكلة تندمت ؟ كلشي مايفيد بعد
تركتة وطلعت يمكن تصرفي غلط ! ويمكن صح لكن ابوي طلعها من ماعونها ومن سمعت كلامهم مستحيل احد يصدك يعني وين عقلك بويه وين
دخلت للبيت كلهم كاعدين والساعه بـ5 وانا لازم بـ7اطلع حتى مالحك انام ساعه
الشيخ :روحوا ناموا شوية
ام فهد بدموع :شناام منين يجيني النوم وابني ماكو ومادري بيَ عدل لو ميت
الشيخ :كولي يالله لا تخافين علي سبع ما ينخاف عليَّ كومي يلا
كلمن راح لغرفتة صعدت سبحت وصليت وبدلت ملابسي وحضرتهم غرفنا موجودة لان سبق جنه عايشين هنا اتصلت على علي اكثر من مره مغلق ، كملت ونزلت لجوا لكيت
وردة بنت عمي عشك الطفوله وردتي
الشيخ :صباح الخير
وردة :ها ! صباح الورد
الشيخ :شعندج هنا
وردة :ها مو شسمه هيَ
الشيخ :ياهيَ ؟
وردة :باع بيبي كالت سوي ريوك لشيخ يعني الك
يمه دبرت
الشيخ : ليش فاهية انتِ!
وردة : أني فاهية
الشيخ :اي اجرين الكلمة جر وشبيج ترجفين بعبع كدامج ؟
وردة:احم يلا اكعد اتريك
الشيخ :خوش
كعدت وهيَّ خلت الريوك كدامي وكفت فوك راسي كوه كاتم ضحكتي على شكلها
شبيج واكفه تعالي اكلي
وردة :اكل وياك ؟
الشيخ :لا ويَ خيالي لج بويه شبيج ثوله
وردة : شكد صريح لا بالعافية مااريد
الشيخ :لا إلا تجين تعالي اكلي واكفة فوك راسي تحسبين لكم
وردة :جبت كوب وكعدت كوه اكل ممتعودة اكون قريبة عليَّ هيج ولا نضل وحدنا ابد اصلاً بس اشوفة اشرد فـ هاي اول مره نكعد سوا قاطع صفنتي
الشيخ :اصفني بعد اصفني
وردة : اكلت لكمتين وطفرت سويت نفسي اغسل مواعين هوَ شرب بس چاي ولازم تيلفونة ويتصل بمدري منو ويتأفاف صار عندي فضول اشوفة منو افتريت منا رجعت منا ماكو مشفت شلت المواعين شفت الاسم ارتاحيت يتصل على علي كملت كُلشي كتلة
وردة :فهد بعد تريد شي
ابتسم وكال
الشيخ :ياحلات أسمي بالسانج ،لا بويه سلامتج مشكورة روحي
طفرت فوك واني ادردم على نفسي
ثول حتى ثول فهد لججج شلون ادكولين فهد كولي الشيخخ
عسل :سولفي وحدج لج خبلة
وردة :وجع وكعتي كلبي
عسل :وين جنتي
وردة:جنت اسوي ريوك لشيخ
عسل وهيَ تغمز :قصدج لحبيب القلب
وردة :عابتلج انجبي ولي ولي
رحت للغرفه صفنت خرب حضي صح احبه بس اخاف منة
ريم:تحبين منوو
وردة:الله ياخذجن كُل ساع طالعة وحدها موكعة كلبي
رسل : هههه احنه شكو انتِ تحجين بصوت عالي تحبين منو
وردة :راح احجي لان شنو صدك تعبت
ازل:اوي تعبت هيّ احجي احجي يبعد عيون عيوني
ريم :ليش عيونج هم عدها عيون
ازل :اكيددد لعد شلون تشوف
غزل :ولجن الله مخليلجن عقل لو شنو
ازل :لا مخ ههههه
وردة :هههه انجبن خل احجي
البنات :احجي
وردة :شوفن اني احب شسمه فهد بس اني اخاف منة
اباوع عليهن كلهن صفنن بوجهي
شبيجن ؟
غزل :كولي والعباس
وردة :والعباس
ازل :تخافين منه لج هذا فهد الحباب وحنون وقاسي وعصبي وهادئ وصاك ومصكصك وشيخ وضابط ويشك حلك المطي وادكولين اخاف من اجيبج بنعال هم اكو نعال يكولي ليش كولن ليش ولجن
ريم :ازل انجبي واسكتي تتغزل بأخوها امداج
وردة :بنات حقي يعني اول شي اني ممتقربة منة ولا عندي علاقة بيّ وشلون ما اخاف وهوّ بـ4مدري 5 ساعات رجع كلشي وخاط الوادم خوط لا تخلنييي انتحر
عسل : اسم الله اسم الله على اخوي لا تحسدينة
وردة :انجبي ما احسد اني
رسُل : اي وتصير وردة مرت الشيخ فهد ويصير عدنه عرس
كعدت علينا شهد جنها مخبل
شهد :يبووو ياخذجن الله ولجن نريد انام يا عرس يا عرس من الصبح انطمرن نامن الله و اكبر على راسجن
رسُل :وجع الوجعج السانج شطولة شعندج يمنا كومي روحي جوا
شهد :هوّ صوجي امداجن
ريم :غمتنا وراحت شويه واجه شاهين
شاهين :صباح الخير
البنات :صباح الياسمين
شاهين :ما تنزلن راح نروح نريد نودعجن
رسُل:اي اي نازلين
نزلنا لجوا سلمنا عليهم وراحوا كلها تنعس محد نايم صعدنا لغرفتنه وكُل واحد حط راسة ونام فزينا على صوت جدو بـ2وهوّ يصيح علينا
الجد : بويه بنياتي وينجن يبويه ما تنزلن
رسُل:هااا جدوو
الجد :كعدي اخياتج بويه وانزلن
رسُل:صار من عيوني
الجد :يابعد عيوني انتِ
كمت وكفت ذني نايمات ومبيه حيل افتر عليهن وحدها وحدها رحت للحمام غسلت وجهي رجعت لبست شالي وفتحت باب الغرفه وشغلت الضوء وصحت
رسُل:بنات احتركك البيتت
يمه كلت هيج وذني كلهن طفراً حرفيًا شكلهن يموت ضحك
ازل :شكو شكو منو احترك
رسُل:محد بس جدو كال كعديهن يلا اكعدن الساعه بـ2وجدو يريدنا جوا يلا وراي بسرعة
ريم :شكد حقيرة امداج
رسُل :يلايلا كومن
ازل :صباح الخير مساء الخير
الجد :مساء الورد بويه
رسُل :تردون غده
الجده :راحوا جسار واسد يجيبون غده اكعدن لا اسون شي
ريم وهيّ تنزل : منكم من الشيطان شعجب
الجده :ام اللسان شنهي احنه مانجيب اكل ولوو انا ما احبه شحلات اكل البيت نسوي بيدنا مو مثلهم مدري شيخلون بيَ
ريم :اكلتني وشربتني خل احجي
الجد :ههههه عوفي جدتج وروحي جيبي ماي
رحت جبت مي واجوا اسد وجسار جابووا الغده لـ4ونص العصر خلصنا كُلشي وكعدنا كلنا بالحديقه دك تيلفوني اسد
اسد :الو
الشيخ :اسد روح لبيتنا بسرعه بس لا تروح وحدك شوف شنو بيَ بسرعه بدون نقاش
اسد :خوش رايح
الجد :شكو بويه
كتلهم هيج السالفه وهمَ كلهم طفروا
اسد :مو كلكم ترحون جسار وصهُيب ومحمد تعالوا وياي وانتم ضلوا هنا يلا بويه
رحنا للبيت فارغ وابوي ما موجود
صهُيب :البيت فارغ !
محمد :هوَ شكو بالبيت خل ندخل لجوا
جسار :بيت راكبة جني فارغ كلشي مابيَ عمي وين
اسد :انتم ما تعرفون تسكتون تعالوا نطلع للحديقه الورا
طلعنا اول ما دخلنا صارت مقابيلنا جثه بشر
اسد :دخيل الله شنو هاي منو هذا
محمد:منو لك هذا اللي خطف علي وعذبا ؟الي عدنه ثار ويا
اسد :القانون وين الناس وين شلون قتلوا ومنو يصدك شنو هاي
جسار :أنا لله وانا اليه راجعون شنسوي هسه
صهُيب:جسار راح اجيبك بدفرة
جسار:ليش؟
صهُيب:بعد ترحم عليَ وسويله فاتحة
جسار :ميييت ميتتت مايجوز بس الرحمة
صهُيب:اششش يلا هسه شنسوي
جسار :شوفوا احنه كلنا قانون ناخذة ندفنة ونرجع لا من درة ولا من شاف
محمد :حلاها النادر لا من درة ولا من شاف چا والتحقيق يالمحققق
جسار:يااخي انجب
خابر الشيخ كال اطلعوا من البيت وهسه يجي ولد ضابط هوَ يتكفل بكلشي
اسد :زين منو قتلة وابوي وين
صهُيب:ياابه امشي شمدرينا احنه
رجعنا للبيت لليل كاعدين دك تيلفوني علي !!
___
علي: كعدت ثاني يوم متكسر تكسر وجوعان واكل ماكو لازم انزل اجيب اكل ، بدلت ملابسي وطلعت اريد اقفل الباب مقابيل الشقة مالتي شقة ثاني واكفين بالباب رجال ومراة
من طلعت حديثهم صار عليه واذتني كلمة غريب !
المراة :يا هذا الغريب منين ؟
الرجال :علمي علمج غريب
تركتهم ونزلت المحلات جانت جوا قريبة وابين انُ واحد يعرف الثاني وفترة طويلة محد نازل عليهم او مااعرف بس صدموني يعني من يشوفوني مباشرةً تتوجهه الي كلمة غريب
ابو المحل :انتَ غريب هنا مو
علي :اي
اخذت الاكل وصعدت فوك على منو اذب السبب مادري
اجت ببالي قصيدة بأسم الكربلائي هذا الغريب منين
فتحت التيلفون محترك حرك بس من امي 40 مكالمة شجاكم متت
ما جاوبت احد شغلت القصيدة وكعدت اكلت
مدرستي لازم انقل ،الفلوس العندي ما يكفن لازم اطلع اشتغل ! باجر اطلع ادور شغل والله كريم
بـ9ونص بليل بدا رقم غريب يتصل عليه وما جاوب كنت مغلس بعدين مليت وازعجني جاوبته
اجاني صوت ! ما انسى هذا الصوت لو بعد الف سنه نفس الصوت واعرفة من بين الف صوت ! العذبني وضربني ويضحك على بجيي ، الخطفني ؟
_شلونك ولك
علي:شتريد ولك
_هههههه سمعنا بيك شارد عبالك نعوفك تحلم قتلنا صاحبنا وراح نشمرها براس ابوك
علي:اتونس هاي سنواتك الاخيرة اذا ما اندمك واعدمك على ايدي غلقت التيلفون واتصلت على اسد
اسد :الو
علي :تروح لبيت ابوك تاخذ ابوك اطلعة من البيت
اسد :ليش شكو ابوي مو بالبيت
علي:انتَ وين
اسد :ببيت جدي
علي : ومنو بالبيت طلعهم ؟
اسد :محد بالبيت
علي :رحت للبيت شفت شنو بيَ
اسد :چثه
علي :هذا الكلب اصدقائه قتلوا وعدهم خطة يذبون التهمة براس ابوك هوَ محد يصدك لان ما معقولة يكتل ويعوف الجثة بالبيت بس طلعهم واطلعوا من البيت ولاكانوا تدرون وخلوا القانون يصرف
اسد :خوش انتَ وين
علي: بعدين تعرف مع السلامة
سديت التيلفون من عنده مباشرةً اتصل الشيخ
علي:الو
الشيخ :ياهلا شلونك بويه
علي:الحمدالله انتَ شلونك
الشيخ :الحمدالله ، وين انتَ
علي:ارض الله واسعة
الشيخ :والنعم بالله ،وين انتَ جاوب بدون عناد
علي:بالعاصمة الحبيبة
الشيخ:اوو شوداك هناك وين كاعد
علي:شقة
الشيخ:تحديدًا
علي: منطقة الــ...
الشيخ :خوش منطقة من انزل اجيك ويصير خير
علي:هلا بيك
الشيخ:مع السلامة دير بالك على نفسك
علي:الله وياك
وصلتني رسالة من راهب صوتية بالكروب
راهب:تدري كعدنا البارحه الفجررر ويَ الاذان دعينا على ابوك وخالك وابن خالك تزعل ما تزعل مشكلتك ولك كلها من وراهم وربك يمهل ولا يهمل شسوا بيهم هههه ااخخ لك ليش عفتنا
بعدني اريد اجاوب وصلت رسالة ثانيه من نمر استلمني غلط
نمر :الكلب الخاين ناكر العشرة ولك مكابلين شارع بيت خالك وكاعدين بلكي يطلعون ونكتلهم ،لك شوكت ترجع اذا ما رجعت الم هدومي واجي وراك چاا اعوفك وحدك .مشتاكلك يابعد باب كلبي
جاوبتهم وصعدنا اتصال حجيت وياهم وبعدهي راحوا ضليت كاعد لصبح صليت صلاة الفجر ونمت فزيت بـ7 على التيلفون
علي:الو
_اووو نايم نوم العوافي بس روح احضر فاتحة ابوك يا حبيبي
كال هيج وغلق التيلفون عقل ما ضل براسي اتصلت على اسدد جاوبني
اسد:شبيك ولك شصاير
حجيتلة الموضوع وسديت التيلفون
بعدين ما كدرت انام كمت بدلت ونزلت ادور شغل
لكيت عمالة من الـ5الفجر لـ3الضهر يوميتي 10 اتفقت ويا واخذت مسواك ورجعت للبيت
اذكرت المدرسة بعدني ما مسوي نقل اتصلت على الشيخ
علي:الله يساعدك
الشيخ :هلا بنور العين ويساعدك شلونك
علي:الحمدالله انتّ شلونك
الشيخ :الحمدالله
علي:اريد منك شغلة
الشيخ :كول بويه تأمر أمر
علي: تسلم تاج ، اريد اسويلي اوراق النقل
الشيخ :نقل شني ؟
علي:المدرسة
الشيخ :ليش انتَ ماترجع بعد
علي :اي اريد هنا تحولهن
الشيخ :شبيك بويه تخبلت
علي:شيخ البصرة ما ارجع لو شيصير سويلي الاوراق
الشيخ :يصير خير
غلق الخط وتيلفوني شمرتة وكمت افتر وحدي بالشقه وين اروح هم وحدة وهم تعب شسويت بيه يمحمد دمرتني بدون سبب وبدون ايي ذنب
حتى ما اعرف احد هنا بس ابن اخو جدي بس ما اندل بيتة بالضبط فززني صوت الباب كمت فتحتة الحارس
_السلام عليكم
علي:وعليكم السلام تفضل
_شكرًا اريد الفلوس مال الايجار
علي :اها اي هسه اجيبهن
دخلت جبتله الفلوس اخذهن وراح هسه وين اروح ارجع انام احسلي نمت وكعدت العصر كُلش ضليت بفراشي الى ان صار وقت الأذان كمت صليت وقريت قران ورجعت سويت عشة وتيلفوني قفلتة ورا ما خابرت الشيخ وبعد ما فتحتة
ثاني يوم بـ5طلعت للشغل تعلمت وياهم تعب موت وكع سمنت بعيوني حسيتهن ضلن يذبن ناار غسلتهن يلا انطاني الخلفة نضارة لبستها حتى ما يطيح بعيوني
خلصنا شغل بـ3وربع ريوكنا وغدانا على ابو البيت بس العشة على ما وصلت لشقة الساعه بـ4ونص سبحت وبدلت ونمت هلكان من التعب كعدت بـ6 جوعان سويت اكل ورا صليت
كعدت على التلفزيوني اندك الباب ولد يصير بعمري ...
.....................................................
تصبحون على خير ❤️
علي : فتحت الباب انصدمت بولد يصير بعمري كان لابس تيشيرت اسود نص ولابس جنطة بـ ضهرة وابين البرد كاصة كص حتى ايدية صايرة حمر
الولد : السلام عليكم
علي :وعليكم السلام
الولد :اريد منك مساعدة
علي :اي تفضل
اشرتلة انُ يدخل دخل لجوا جبتلة مي وكعدت
علي :أمرني بشنو اكدر اساعدك
الولد :بدايةً أنا اسمي عمر من الناصرية اريد بس اليوم ابات يمك لان ماعندي احد والله بس الليلة واطلع
علي :هلا بيك وحياك الله هاي الليلة وكُل ليلة
عمر :اشكرك ،انتّ وحدك مو
علي :اي
عمر : طلعت من الناصريه بسبب والدي والدتي ما يردوني قبل فترة وكنت ساكن الشوارع وماعندي مصرف كافي علمود اكدر اكعد بمكان طلعت بس ملابسي ومستمسكات و100الف خلصن ! لحد ما شفتك تصعد وتنزل صار كم يوم حاولت احجي وياك بس كنت متردد سئلت الحراس كلي محد ويا بس هوَ وجذبت عليَ كتلة انُ أنا كرايبك وهسه اجيتك كنت متوقع ما راح تستقبلني اصلاً اسف لان جذبت هيج جذبة بس مابيدي شي
علي : لا مو من ثوبي ما استقبل خطاري وعادي لا تعتذر، بس ليش اهلك ميردوك
عمر : يمكن تصدك ويمكن لا
شوف احنه ست ولد أنا اصغر اخواني امي وابوي يردون بنية كانوا متوقعين انُ أنا بنيه ! ومن صرت لحد قبل فتره انا ابدًا ما حسيت اهلي يردوني يضربون بيه يكرهوني حتى الاكل ما يخلوني اكل وياهم تعبوني واخير شي طردوني من البيت الله يشهد كنت اخلص وقتي يم عمتي وبيبتي وعمامي اهلي اذا اروح يمهم انضرب ضرب ما صاير وقبل لا اطلع بيوم عرفت امي حامل تركت البيت وطلعت اجيت لبغداد وأنا جاي قبل جاي واندل بس مشكلتي فلوس ما خلوا عندي وأنا بجيبي بس 100 وحاولت اشتغل بس محد يقبل
وهاي قصتي بالمختصر عانيت هواي ويَ اهلي واخير شي انطرد من البيت ومن ديرتي كلها !!!
علي : الله يساعد كلبك ، المهم خويه الشقة شقتك والدار دارك تعتبرها ومن اليوم تكعد وياي وترتاح فترة وان شاء الله ندور شغل سوا واهلاً وسهًلا بيك
عمر :ما اعرف شلون اشكرك
ضلينا كاعدين لـ12ونص بليل يسولف عن اهلة وعذابهم ويا مر على وجود عمر يمي سبوع انا كل يوم اطلع لشغل بـ5وارجع بـ3 نهار شتاء بـ5 بعد ليل
كل مره عمر يريد يسئلني شنو قصتك ومنو انتَ وليش كاعد وحدك بس كان جدًا متردد بيوم من الايام انتهى صبرة وكال
عمر :أنا فضولي وما اعرف شلون لهل الوقت صابر بس اريد اسئلك وما اريد تزعل
علي :اعرف تريد تسئل شنو قصتي ، لا عليمن ازعل
عمر : اي ليش كاعد وحدك انتَ يتيم ؟
علي : لا مو يتيم اهلي عايشين بس انا طلعت من البيت بسبب ابوي
عمر : ميريدك؟
علي : اي ، يكرهني بدون سبب شوفني الويل مليت منة اخذت غراضي وطلعت من البيت تريد احجيلك بالتفصيل ؟
عمر : ياريت
علي :هههه خاف تتعب
عمر : لا ابد احجي
علي : شوف يخوي ، عندي خال هذا يكرهني من أنا وصغير يتخبل مني يشوف دم سنونة ولا يشوفني يترس براس ابوي عليه يخلي يضربني يهيني يغلط عليه وابوي كان يستمعلة
ويسوي مثل ما يكلة ما ضلت عندي شخصية لا كدام اصدقائي ولا اخواني ولا حتى اهلي بالمدرسة اسمي الحقيقي نسوا صار اسمي العار المعقد المنبوذ المنهان هواي كلمات وغير كلام ابوي
عمر :بدون سبب ؟
علي:بدون سبب انضرب وانهان وانخطفت بعمر عشر سنوات شفت انواع واشكال لو واحد غيري يمكن مات شفت اشياء هواي من ضمنهن الاغتصاب وحرق الانسان وهوَ عايش كانوا يخلوني بغرفه ضلمة وبيها ضوء جدًا خفيف واسمع اصوات التعذيب وصوت بزونة يمي او جلب هواي شغلات مره ذبوا عليه حية دمروني دمار بسبب سيادة الوالد عنده عداوة وياهم وكعت بيها انا
عمر :انتَ عندك اخوان اكبر منك مو
علي:اي عندي 3 اكبر مني
عمر :ليش انتَ بذات
علي:هههه هوَ هذا السؤال لازم اسئل بيّ الي اسمة خالي ليش انا بذات
اخير شي منها وطلعت لبغداد اتهمني انُ بايك فلوس من عنده اخذت غراضي وطلعت
عمر :وامك؟
علي :عمر امي تخاف من ابوي وتخاف توكف بوجهة وحتى اذا وكفت ما راح تكدرلة
تعبت وانا بهذا العمر اللي لازم نفرح ونتونس بيَ بين اهلنا مو نشتغل عمالة ونتعب ما نلكي خبزة ناكلها ولا ملابسنا مغسولة ماعدنا احد يدافع علينا وحيدين بين ناس وحوش بس اشوفك وكالوا غريب
عمر :الله يساعدك صدك لو كالوا اليشوف مصايب غيره تهون عليَ مصايبه
علي :النا الله
عمر : والنعم بالله
في المرحلة الذي من المفترض
إن أتلذذ بها بطعم الحياة ،
ألا إنّي وجدتُ نفسي أصارعني للنجاة مني،
فالشَيبُ أخذ ينَتشرُ في رأسي ،
إصابني شُحوبُ،
بَدأت أشيائي بالأنسحاب مني تدريجيًا ،
الحُزن أمتَقعَ جَسدي
أنا على وَشكُ الهَلاك .
تيلفوني كان مغلق عشر ايام يلا فتحته مباشرةً اتصل عليه الشيخ وصدمني من كال
......
الشيخ : بعد فترة كدرت اتصل بعلي وعرفت مكانة لكن عاند انُ ما يرجع
وهنا صرت بين نارين نار امي وكلبها التريد ابنها وتبجي ليل ونهار ونار علي وعناده !
اسيد : خيرك شيخ شو صافن
الشيخ :ماكو هيج شغلة
اسيد :مو عليه هاي سوالفك
الشيخ :صافن بحال علي وين راح تشمرة الدنيا بعد
اسيد :ربك كريم خابرت انتَ
الشيخ :خابرته وعرفت مكانة بس ما يرضة يرجع يكول حول مدرستي هناك
اسيد :حقة ترا الصار ويا مو شوية عمي مصخها كلش
الشيخ :ادري بس على الاقل يرجع للبصرة مو هناك كاعد وحدة وسادس ورا شلون يدبر عيشته تصير صعبة وتعرف نفسة عزيزة ما يركع بس لـ الله
اسيد :وليش كلبي بارد لان اعرفة كفو ، اخوك سبع ماينخاف عليَ ومن ننزل نروحلة ونحجي ويا قبل ينزل خير على خير ما قبل ناخذ مفتاح بيت عمي ابو جاسر القديم وننطي اله يسكن بيَ احسن من الايجار والشقق وربك يفرجها
طلعنا للواجب كان مطاردة ورا تجار مخدرات !
وكدرنا نلقي القبض عليهم ونفكك شبكتهم رجعت اتصل عليه صهُيب سلمت عليَ ورا كال
صهُيب:شوكت تنزل
الشيخ:بـ12نطلع شبي صوتك شو جنك تعبان
صهُيب:ابوي سوا حادث وحاليًا بالمستشفى
الشيخ :حادث!!! شوكت وشلونه
صهُيب:اليوم المغرب ، زين
كلي طلب انُ يشوف علي اتصلت على علي مغلق ! انتظرت تصير بـ12حتى نطلع كاعد على نار طلعنا من الموصل للبصرة خابرت صهُيب اخذت اسم المستشفى واتجهنا مباشرةً الهم
ابو جاسر : الدكتور يكول اتعدى مرحلة الخطر بالغرفة قبل شويه طلعوا كالوا خل يرتاح يلا ادخلون يمة .
هزيت راسي وسكتت بعد علي منين اجيب علي وتليفونة مغلق رب مال عناد
ساعة ودخلنا يم أبوي شافنا ضل يبجي!
الجد :تندمت ااخخ منك
الشيخ :إشرت لجدي انُ يسكت مو وكت هذا الحجي باوع بينا كلنا دموعة على خدة بعدين كال
ابو فهد :اريد علي
الكُل سكت بس صهُيب كال
صهُيب:بس هوَ ما يريدك !
من كال هيج ضل يبجي بصوت عالي خزرت صهُيب حتى يسكت
الشيخ :بويه كول يالله مو ما يريدك لكن هوَ بغير محافظة وبعيد خل يهدأ ويجيك
صُهيب بعصبية :لا والله كله جذب ما يريدك واذا اجه فـ هوَ حيوان هسه شفت الموت بعينك كتلتك المحنة على علي ليش وين ابنك فؤاد وصديقك وكفولك اجوك ؟ مو جنت ادكول للعلي فؤاد تاج راسك هسه كتلتك المحنة على علي من شفت الموت .
الشيخ بعصبية:صهُيييييب كاافييي
صهُيب :هذا الصدك تبجي هسه ومتندم كون اضل طول عمرك هيج ومثل ما عذبتة وضربتة كون الله يسوي بيك اكثر
الشيخ :اطلع بررا لككك كافي تخبلت امشي اطلع وكت هذا الحجي
اسد : طلع صهُيب كتاهن كلهن وطلع
الشيخ :جسار ادم اطلعوا ورا بوية
اسد :بوية ماعليك بصهُيب عصبي وحجة هيج كافي موزين عليك
الجد :كافي بوية مادري بيك هيج كول يالله
ابو فهد :اريد اشوف علي لو بس اسمع صوتة وهاي هيَ
اسد :دخل صهُيب راد يحجي الشيخ صار اسرع منه وسد حلكهة
الشيخ :ولكك اششش كافي تخبلتت
صهُيب : خل ابرد كلبي صار سنين كلبي مشتعل نار منك خل احجي
الشيخ :كافي شبيك لايصير بيَ شي ابوك هذا اسكت روح اطلع
جسار :طلع صهُيب وعلي اذا انهد عنده اللسان يسكت عشيرة
ورا راحوا كلهم ضلينا انا واسد يم عمي
جسار :عمي دكول يالله شعليك بصهُيب ماتعرفه شني
ابو فهد :ياعمي كلامة صدك
اسد:لا صهُيب عصبي هسه وحجة هيج ارتاح ولا تفكر بـ شيء
......
صهُيب : طلعت من المستشفى روحي مشتعلة نار وكفت بالباب
واجوا وراي جدي والشيخ وعمامي بس جسار واسد ماكو
الشيخ :لك انتَ خبل شبيك
صهُيب:ليش جذبت بشيء
الشيخ:لك مو وكت هذا كلامك صغير انتَ شبيك
صهُيب :تعرف من اجاني الخبر سجدت لـ الله شكر حتى شوية يتأدب قليل الي سوا مو شوفة الموت من الصبح لليل يدك عليَ شنو عبيـد عندة س ربك يمهل ولا يهمل وهذا خالك وابنة اانا وياهم والزمن طويل
الشيخ :كال هيج وراح لسيارة راح يخبلوني واحد اضرب من الثاني
رجعنا للبيت تلكتني امي بالباب سلمت عليها وعليهم كلهم وصعدت فوك ورا ما طلعت من المستشفى ضليت بين الديوان والبيت والدوام والمستشفى واتصل على علي ما يجاوب حضرتة!
اتصلت على علي واخيرًا جاوب
الشيخ بعصبيه :الله يطيح حظك ياطايح الحظ ليش ماتبطل سوالفكك ما ادكول اكو خرا بالة يمي
علي:ليش عصبي
الشيخ :لا يابه حقك عليه ،وينكك صارلك فوك الاسبوع اتصل وماكو
علي:جنت قافل التيلفون ومشغول
الشيخ :ابوك يريد يشوفك
علي:نعم !؟
الشيخ :سوا حادث وحاليًا بالمستشفى
علي:شنوو شوكت وشلونة
الشيخ :قبل سبوع ،زين
علي:الله يشافي
الشيخ :افتهم منك ما تجي ؟
علي:شلون ما افتهمت
الشيخ :يعني قافل ماتجي
علي:اكيد
الشيخ :ابوك تعبان يريد يشوفك
علي:ليش هسه اذكرني
الشيخ:تعال شوفه وارجع
علي:ثق بالله لو يموت ما ارجع
كال هيج وغلق التيلفون !
............
علي :غلقت التيلفون وكمت
هسه اذكر علي من شاف الموت صار عزيز ولازم يشوفني چا وين جان
عمر كان بالمطبخ مدري شيسوي
عمر :شبيك ادردم
علي :مابيه شي
عمر :كُل هذا ومابيك شي براحتك
علي :ابوي مسوي حادث ويريد يشوفني
عمر :اي روحلة
علي :عمر ليش ما تنجب
ضل يفتر وراي ويحجي لحد ما كتلة انجب واسكت يلا سد حلكة ورا كملن راح لفراشة نمت وكعدت بـ3ونص صليت وسويت ريوك صارت بـ4 وربع بدلت ملابسي وكعدت عمر اليوم عندة استراحة جمعة
علي :عمر
عمر :هاا
علي:راح اروح لشغل والهيتر يشتغل بالمطبخ شويه وكوم طفي مو تنسى وتاخذك النومة
عمر :خوش بحفظ الرحمن
راح علي وأنا نمت طفرت بـ6 طفيت الهيتر نسيتة وبعد ما كدرت انام كمت صليت ولكيت علي مسوي اكل وجاي تريكت ورجعت كعدت إقرأ قران لـ11 اندك الباب
عبالي علي بس اذكرت علي مايجي هيج وكت ! فتحت الباب ولد شباب ثنين عرفتهم كرايب علي لان تقريبًا نفس الجمال ويشبهوا حيل
الشيخ ،جاسر :السلام عليكم
عمر :وعليكم السلام
الشيخ :بوية علي موجود ؟
حكيت راسي ابين ولد شيوخ من لبسهم وابين ما يدرون يشتغل عمالة
عمر :ليش منو انتم
الشيخ :اخوانا
عمر :حياكم الله تفضلوا هسه يجي راح يجيب غراض
دخلوا لجوا اخذت تيلفوني اتصلت على علي
علي : ها عمر شكو ؟
عمر : اخوانك اجوا يردونك
علي :منو
عمر :واحد اسمه الشيخ فهد والثاني جاسر
علي :شكلتهم
عمر :كتلهم راح يجيب غراض ويجي
علي :خوش كلهم يكول لكيت شغل لـ3 يجي عمر دبرها ما اكدر اجي
عمر :خوش روح
رجعت يمهم كتلهم ما يكدر يجي بس ابين ما صدكوا ولا اقتنعوا اصلاً بس يسلكولي
الشيخ :شغلة شنو ؟
عمر :مادري علمي علمكم
جاسر :جا احنه نروح من يجي علي نرجعلكم
عمر :شنو السالفة يابة والله ما تطلعون الشقة شقتكم وشقة ابنكم تتغدون وتشربون چاي ويجي علي
الشيخ :لا بوية احنه هم عدنا شغل هنا نكملة ونرجع
عمر :عيب علينا يابه والله ما اطلعون
كوة كعدوا نزلت على السريع جبت غداء حضرتة على ما توضوا نوب صلينا كلنا سوا وتغدينا وشربوا چاي وضلينا كاعدين لـ3 كوه لهيتهم بـ3 وربع يلا اجة علي بويه انشك كلبي واخيرًا
علي :السلام عليكم
عمر :كد الصدمة من شافوا ملابس علي شلون مدمرة وكلها صبغ ما ردو السلام أنا تركتهم ونزلت جوا يم الحارس
.........
علي: طلعت لـ شغل تعبان ونعسان وصلت متأخر هم بس ماحجة شيء بلشنا بالشغل والتعب موت بس اهم شي الجو بارد مو حار
خلصنا البيت كال الخلفة
الخلفه :شباب بعد ماكو شغل أنا لكيت محل مال ملابس اشتغل بيَ وبعد ما اطلع هاي هيَ
ماحجينة شيء خلصنا شغلنا لـ11 اتصل عمر وصدمني اخواني اجوا واذا شافوا ملابسي اعرف ردة فعلهم خلصت الشغل وطلعت بسرعة وازدحامات بغداد ما تخلص
دخلت سلمت ما ردوا حتى السلام كد الصدمة عمر طلع ضلينا بس احنه
الشيخ :شني هاي ملابسك ؟ وشني هاي الشغلة
جاسر : شني شغلتك بهل الساعتين هيج سوت بملابسك
اباوعلهم الاعصاب بينت واحدهم يريد ينفجر
علي:اشتغل عمالة أنا
الشيخ :تحجي صدك
علي:اي والله ليش عيب حرام
جاسر :لا عيب ولا حرام بس مو عمالة انتَ وينك وين العمالة
علي:بعد اشتغلت عمالة
صار بينا نقاش حاد وانتهى بالاخير انُ
ابطل عمالة واكعد ويوصلي مصروفي بس ما اقتنعت انطوني مفتاح بيت عمي ابو جاسر حتى نكعد بيَ احسن من الايجار وراحوا
عمر: ليش ما ضلوا
علي:عدهم دوام
عمر : اخذ كلام اخوك وأستچن وعوف الشغل
علي: يااخي انتَ الخ انثبر وسد حلكك
عمر :انجب لك
ثاني يوم نزلت سلمت المفتاح للحارس واريد اصعد صارت بوجهي مراة متوسطه العمر
_خاله انتَ منين
علي:ليش
_ جديد حطيت هنا ونوب اجه ذاك الولد وشقتكم يم شقتنا وأنا عندي بنات
علي:ليش مأذينكم بشيء لو شفتوا من عدنه شيء؟
_لا خالة لا هاي ولا هاي بس شباب وحدكم واني بس اني وبناتي ما ترهم
علي: هيَ شقق ما مسجلة بأسمكم واول مره اشوفج أصلًا ولا اعرفج ولا اعرف بناتج ولا شايفهم اذا شفتي من عدنا شيء ذيج الساعة الج حق انُ تحجين احنه نطلع من الصبح للشغل نرجع العصر
تركتها وصعدت يمكم كرباكم بس ناس غثة ماعدنا غراض هواي بس ملابسنا كل واحد لبس الجنطة مالتة ونزلنا
الحارس :الله وياكم عمي ديروا بالكم على نفسكم وهم مروا عليه
علي:ان شاء الله حجي في امان الله
ناخذ تكسي
عمر : لا غالية خل نصعد عبرية
علي :تعب ونتأخر
عمر :خلينا نشوف الوادم اصعد عبرية
علي:ديلا امشي
بين منطقتنا والمنطقة الراح نكعد بيها اذا عبرية نصعد ثلاثه صعدتت
المهم وصلنا وكعدنا بالبيت اللي هوَ بيت عمي ابو جاسر .......
................
الشيخ : غلق التيلفون وراح لا يا زمال
نزلت جوا لكيت امي وعماتي وبيبتي
ام فهد :شبي صهُيب
الشيخ :مابيَ شي
الجده :جا شمالة يحجي على ابوك اللسانة شطولة
الشيخ :محروك كلبة على علي ويحجي هيج
ام فهد :ااخخ يعلي
الجده :وهذا وين كاعة اخوك شنهي مايرد
هزيتلها راسي بلا
طلعت لديوان لكيتهم كلهم كاعدين هم سئلوا على علي ونفس الجواب سئلت على صهُيب كالوا طالع
فتحوا موضوع الزواج
الشيخ :بويه الحجي مو وكتة اخوي حالة تعبان وماندري بيَ بيا كاع وابوي بالمستشفى اروح انا اعرس
ترخصت منهم وطلعت للبستان لكيت وردة واكفه تشم بالورد
الشيخ :اول مره اشوف ورد يشم بورد
وردة بفزه :يمه الشيخ
الشيخ :اي شعندج هنا
وردة : مو شسمة ضوجه وطلعت هنا
ابتسمت على كلامها صفنت بيها وبعدين كتلها
الشيخ :يلا بوية روحي يم البنات لا اطلعين وحدج
راحت هيَ وتحجي بصوت عالي جذبني كلامها ! تغار !
وردة :امداني حضي الزفت ابن الزفت خرب لابس جوزي (بني) ابن التاج مال خنك كول اكو مطي يغار
الشيخ :محشومة بويه محشومة بعد ما نلبس جوزي
طكتها ركضة من البستان للبيت ضحكت ورحت يم الشباب لكيتهم كاعدين
اسد :هسه ذكرنك
الشيخ : ان شاء الله بالخير
صهُيب:ليش نكدر نذكرك بالشر
الشيخ :لا شحدكم
اسيد :امير وعصابتة مالهم صوت
اسد :يلعبون طوبة بذاك البستان
...
وردة : طكيتها ركضة من البستان للبيت من الفشلة عزا بعيني
دخلت من باب المطبخ صارن بوجهي البنات
عسل :اسم الله اسم الله شبيج عبالك حرامي يركض وراج
وردة :عززااا بعيني عززاا بعيني لج تفشلت فشلة
ازل:ولج احجي شكو
سولفتلهن والحقيرات طكنها ضحكة
ريم :تغار امداج
وردة :ريمو انجبي لا اسحلج
سبأ: تستاهلين حتى بعد تبطلين تحجين بصوت عالي
وردة :التووبة بعد
اسيل :يلا يلا كومن نروح للبستان شنو بس همَ يرحون
ازل :يلا كومن
نور :اكعدن لا تترزلن
رسل:كومي كومي خل نروح والله ضوجة واليوم الجو يجننن
ازل :ماما راح نروح للبستان شوية ونجي
ام فهد :روحن بس لا تتأخرن
رحنا كعدنا شوية واجوا الولد وعمامي وخالي ابو ادم
ريم :اوي تجمع عائلي صار بعد صيحوا البقيه خل يجون
ابو جاسر :ها طلعتن
ازل : اي ملينا ضوجة
الجد :حقجن
ازل:شوكت يطلع الوالد العزيز
اسد :السانج ،العصر يطلع
ازل :شبي الساني يخبل
اسد:جنه اللسان دلالة
ازل:شكرًا
اسد:بالخدمه
نص كعدوا يسولفون ونص بقوا واكفين
عائلة الشيخ فراس :
متكونا من اربع ولد وثنين بنات
محمد ،احمد ، جمال ،جميل
وبنات ، جنه ، وجنات
محمد اكبر ولد فراس : عندة الشيخ فهد واسد وصهُيب وعلي وغزل وعسل وامير وازل وشهد
احمد الابن الثاني : عندة شاهين ومحمد واسيل وايمن وسبأ ورسل
جمال الابن الثالث : عندة اسيد واسر وياسر ووردة وفرح واسيأ
جميل الابن الاصغر : عندة جاسر وجسار ونور ومهند وهوس وريم ومرح
اما جنه العمة الاكبر فعدها : علي الاكبر ومنتضر والحسن وهدئ ونور الهدئ
اما جنات اخر العنقود عدها : رضا ومصطفى وحوراء
...................
غزل : ثاني يوم طلع ابوي من المستشفى مقبل انُ يجي لبيت جدي بس بعد معاناة كدروا يقنعوا
اجه كان جدًا تعبااان والتعب حيل ابين عليَ استقبلتة امي بالباب وسلمت عليَ
الجده:الحمدالله على سلامتك
ابو فهد :الله يسلمج يمه
امي صح استقبلتة بس كان وجها ثكيل وبيبي كذلك بس كالت الحمدالله على سلامتك وسكتت حتى ما باوعت بوجهه كلنا سلمنا عليَ وكعدنا يمة
شوية والشيخ اترخص وصعد فوك
ابو فهد :يمه بعدج زعلانة مني
الجدة: حيل يمحمد شني ذنبة ابنك وشني ذنبها مرتك الليل ما تنامة على ابنها ليش يمه مو چم مره كتلك عوف الولد ما مسوي شي ذول ما يخافون الله ما تاخذ الكلام لحد ما هج وما نعرف هسه هوَ وين بهل البرد والولد صغير وما يندل ش
شكرا لزيارتكم عالم روايات سكيرهوم
