رواية أرض الخناجر الفصل الرابع والأربعون بقلم ايلول
تكلي احَميك
وانتَ ملثم مَن الخوُف
وتسُولف عِلى الندى
وتحِرك بساتيني
تكِتل ناس چي ماكدرَوا يحَبوك
ودرَس عن الحُسين تريد تنطِيني
تدليني الدرَب
مَاتدري دربَه منين
لك أندل الدرَب بَعدين دليني .
══━━━━✥◈✥━━━━══
رنـــه :: اعاين بينهم روحـــي رايحه من الشمس وگلبي يوجعني اثنينهم خازريني واني تمنيت بيه حيل واعاركهم اثنينهم.
مشيت لسيارة مازن اريدن اصعد يم عفراء وبريا صاح بعصبية
بريا:: رررنه تعاي.
مادرت عليه فتحت باب السيارة من يم عفراء صعدت گـــلبي ممرود وعفراء تحجي وي بريا
عــفراء:: راح اوصلها انه ويجوز أنزّل وياها.
وبريا توه يرد عليها مازن شخط السيارة ومشه، سلمت على عفراء واخذت بطل الماي من أيدها اشرب وگوه اتنفس من گد ما الحر مرد روحـــي وهيه تسأل
عــفراء:: الولد وين شلون تردين مشي ووحدج؟
سديت البطل ايديي يرجفن ملتفته عليها وأحاجيها بتعب
-ما ادري طــروادة راح يمتحن وعلى اساس عبود يجيني تالي ولا واحد منهم اجه والمدرسة حاره ماگدرت اضل بيها.
احجي وياها وكاضه ايد شمس بأيدي وهيه نايمه بحضن عفراء من استقر نفسي گتلها
-مو تكليلي لا تتعاركين شفتيه لبريا خازرني ويصيح؟؟
ووي حجايتي دك هورن ورانا التفتنا اثنينا شفنه سيارته وره سيارتنه اريد احجي عليه ومازن گال
مازن:: اذا انزله الا اكسر ظهره يتعاند وياي اخر حيوان.
-هييي هييي تكسر ظهرمن ياهو الحيوان؟
دفعت الكرسي اصيح بحرگه وعفراء تسد بحلكي
نتر ويعاينلي بالمرايه البالنص
مازن:: ماتشوفينه لازك بالسيارة أقل شمره يدعمنه شلون يصير الحيون بعد أصفر اخضر.
وهدينه اثننيا إنه وعفراء هيه تحجي وياه بهدوء بس انه العلع عادي اغلط عليهم انه ادعي عليهم بس لو غريب جاب اسمهم يمي اتسودن احجي بحرگة
-انتَ الحيوان لا تغلط عليه لا أشك حلگك
جرّتني عفراء ساده حلكي بأيدها وانه مفرفحة مناه السكر مناه مازن حرگ گـــلبي وهو يگلها بحرگه
-لأجل عينج كاض روحـــي انا ماتغلط علي مره سكتيهااا.
جريت ايد عــفراء من حلكي
-وغلطططت شتسويلي هاااه شتسوي؟
جرتني مره الثانية سدت حلكي حيل خانگتني وتحجي وياه، لمن وصلنه لبيتنا بس صف السيارة طبك بريا بصفنه نزلت رگعت الباب حيل وهوه هم نزل من سيارتة واجه عليَّ سيده توني أحاجي عفراء وهوه بلا تفاهم كضني من ايدي يجرّني للبيت وعفراء تصيح وراه امشي بأيده فاتحه عيني كلها مصدومة بيه بس طببني للبيت طلع صاح على مازن
-يللله
مازن::. يصيررر خير.
واكفه بنص الحوش أعاين عليه عفراء تسكت بيه وشمس بأيدها تبجي طلعوا حسين وزهره يركضون اخذوا شمس من ايدها وبريا اعصاب ويصيح على مازن وانه من صدمتي بأسلوبه بس واكفه واعاينله وعرفت صار عندي هبوط بالسكر من گمت ما اگدر احجي واركز زين ، اول ما مازن حرك السيارة رد بريا طب للحوش بعصبية اجه عليَّ وجهه أحمر ويتراجف وانه ثابتة بمچاني كل ما اريدن احجي واغلط اذكر طــروادة وابلع الحجي اعاين ساكته
مد ايده بحرگه على زندي جراني منه ينتر يهزني ويصيح بغضب
بريا:: من انا اصيحلججج شلون تصعدين ويااااه؟؟؟
يصيح وياخذني مناه ويجيبني مناه وانه بس فاتحه عيني لأول مره ماكو فعل يعبر عن حرگة گـــلبي وصدمتي دايره وجهي لأيده القابضة على زندي، مد ايده الثانية بعصبية على وجهي كضاني من حنچي يصيح
بريا:: عااااينيلي احاجيججج.
عاينت لوجها لعيونه الحمر من العصبية ورجفت اعصابه، وعفراء تجر بأيده من عدي وتصيح عليه
عــفراء:: هدهااا برياا.
وهو عينه بعيني ويصيح بغضب شلون ما ارد عليه حجيت بهدوء من بيّن اصواتهم العاليه كوه كدرت انطق
-اذا ما اخلي طــروادة يكسر ايدك الكاضني بيهاا.
عتني من ايدي حيل يصيح ويغلط على طــروادة وانه عبالك ما مستوعبة هذا التوني ادافعله ومارضيت مازن يغلط عليه، عفراء بنفس اللحظة الغلط بيها على طــروادة جرتني منه حييل خازرته صاح بوجهاا
-وووخري.
شالت ايدها بغضب طكته راشدي فتح عينه بصدمة وهيه حطت اصبعها على حلكها خازرته
عــفراء:: اكسر ايدك منّ تمدها وصوتك عليَّ لا تعليه، اااطلع برررا.
بساع بين اثر أصابع عفراء بوجهه وهو ما مهتم دار عليَّ خازرني وشال ايده يهدد
بريا:: رجلج اكسرها النوبه لو صعدتي وياه.
عــفراء::اطلععع بره گتلك.
دفعته من صدره وهوه يصيح عليَّ اندفع باب الحوش وطب طــروادة مصدوم وراه مــيثم لمحته واكف بالباب، جر بريا من گدام عفراء
طــروادة:: سلامات.
وبريا ما مهتم ما يدور عيونه من عدي شايل ايده ويصيح
بريا:: سمعتيني سمعتييي.
جراه طــروادة حيل طكاه راشدي ورد طكه مرتين وتلاثه يصيح
طــروادة:: اناا مو احاچيك.
طب مــيثم يريد يجره من أيده وعفراء تسحل بطرواده وهوه تسودن من بريا ضل يصيح بوجهه
الشمس تصگع بيه وواكفه بالحوش اعاينلهم دگات گـــلبي سريعه وحلكي ناشف عركتهم وصياحهم طــروادة متسودن وبريا ما يتنازل وميثم صاير بنصهم يريد يحمي بريا من طــروادة احس گمت ما اسمعهم شوي شوي رجليَّ ما اسيطر عليهن يرجفن طحت على اركبي أجر نفس بشهگه وحاطه ايديي اثنينهن على الگاع احسها تفتر بيه صرخت عفراء واجتني تركض
عــفراء:: يممممه رنـــه رنـــه.
غمضت عيني ايدي على گـــلبي واحس بطرواده شالني بين اديه طببني للبيت صوتهم هوسه براسي ما اسمعم زين افتح عيوني يغوشن وما اركز زين، احس بيه يقيس السكر ووراها كضني من وجهي حتى إفتح حلكي بأيده خاشوگة عسل، اكلتها ورديت غمضت عيني وطرواده يريد يطلع لبريا فتحت عيني عفراء مچلبه بيه وهوه يتراجف ويصيح وهي تشرحله شصار، رد عليَّ يمسح وجهي ويحاجيني عاينتله گوه على روحـــي وگوه احجي
-سكتت سكتت حتى محد يگول طــروادة ما يعرف يربي، بس اول واخر مره اسكت.
طــروادة:: اخذج للمستشفى رنـــه بويه.
هزيت راسي لا اجر بالغطا عليَّ وهوه وعفراء مگابليني وزهره وحسين واحد يعصر برجليَّ واحد يمسح على راسي واسمع عفراء تحجي بقهر متندمه وهي تگله
عــفراء:: طكيته مدري شجاني طكيت بريا كون جعل ايدي بالكسر.
طــروادة:: يطبه مرض اذا ما اكسر رجليَّه.
عــفراء:: طــروادة! بروح ابوي لا تحاجيه كافي صار الصار أنتم ليش ما اجيتوا عليها عبود وينه؟
طــروادة::هسه يجي.
حجاها بغصه، فتحت عيني وكعدت على حيلي ايدي على گـــلبي
رنـــه :: يمه يمه گـــلبي شبيه عبود.
عــفراء:: دخيل الحسين طــروادة حاجيني وينه عبود.
شوي بعد ونلطم وهو حار بينه يسكتني ويرد على عفراء يحلف
طــروادة:: والله مابيه شي مختنگ جنت يمه بالمستشفى يكضي البخاج ويجيبه سجاد، انا رديت علمود رنـــه، والولد ضلوا يمه عــفراء ولعباس هسه يجي ولج رنـــه مو احاچيچن.
ومن ماگدر يسكتنه خابر على سجاد گاله
-وين عبود بس خل يحاچي البنات ما يصدكني.
مسحت عيوني اركز بالتلفون حجه بتعب
عبود:: الو ها خويه.
رنـــه :: عبودي
عبود:: ها يابعد روحـــي.
عــفراء:: يمه عبود خويه.
عبود:: مابيه شي خويه حبيبتيّ هسه نص ساعة ونرد امي انتِ لا يضل بالجن.
سدينه التلفون آمسح عيوني وطرواده حاير بينه رد قاس السكر، گمت بدلت وتمددت بفراشي بساع نمت من التعب .
""
مــاسه :: طلعت من المطبخ فازه على صوت مــيثم وبريا، اعاينلهم مــيثم جاب بريا تدفع طببه للبيت ودفعه على غرفته بحرگة وهوه يصيح
بريا:: خل اشوفنه جاي صوبها الا اكتله.
وميثم محترك حرك من العصبية يصيح عليه
مــيثم::طب الغرفتك لا أكسر رجليك، شگلت الروحك من طبيت للبيت وتصيح بوجهه البت ياهي مالتك انتَ اخوها وتحاسبهاااا؟
وبريا عبر من يمي للمطبخ يغسل وجهه ويحجي يرجف
بريا:: هيه ضلّت عليك همّ اوكف ضدي.
وميثم مسح وجهه بحيره ميت من القهر، طلع بريا من المطبخ طب الغرفته ورگع الباب حيل، وانه ساكته من شفته كعد على القنفة منزل رأسه عفته مشيت للمطبخ اخذتله كلاص ماي بارد، وگفت گدامه مادتله الكلاص شال راسه متحسر اخذه من عدي وسأل بهدوء
-جبتي النتيجة؟
هزيت راسي اي
-طايحة بالانگليزي والرياضيات.
غص بالماي كح مختنك وانه مختنگه گال
-ميخالف لا تنقهرين على الدور الثاني تعوضين اشوفلج مدرسة تدرسج خصوصي؟
هزيت راسي لا ومشيت من يمه ولا چنه هذا مــيثم الاموتن عليه كارهته انغث من اشوفنه واختنك لو اجه يمي، ولمن يطلع من البيت ويبطي اضلن ابچي من شوگي اله.
اعاينله من باب الغرفة طلع للحوش ترس مبردة الهول وسد البردات حتى شوي يبرد، ووي اذان الظهر شفته توضه وراح الغرفة بريا دك الباب وفتحه اسمعه يحاجيه بهدوء
مــيثم:: گوم صلي.
طلع بريا ساكت راح يتوضى، وميثم. جر السجادة من يم التلفزون صارت عينه بعيني كاعده بباب غرفتنه مسح وجهه بحسره گال
مــيثم :: گومي صلّي سمسم.
گمت توضيت وطبيت الغرفتي اصلي مختنگه وعقلي افكاره متشوشه اي شي يصير وياي اذكر تهديد مــيثم بصوري وما يجي ببالي غيره، كضيت صلاة وطلعت وهوه بعده بالهول على السجادة يقرأ قرآن، وبريا راد الغرفته.
طبيت للمطبخ ثرمت زلاطه وصبيت الغده شلّت الصينية حطيتها بالهول وهوه گام لم السجادة وراح للمطبخ جاب دولكة ماي وكلاصات حطاهن يم الصينية وراح الغرفة بريا
-تعال تغده.
بريا:: ما اريدن
مــيثم :: گوم.
اجه بريا اثنينهم كعدوا يم الصينية ناكل ساكتين گمت گبلهم عزلت المطبخ وسويت چاي شويه واجه بريا جايب الصينية حطاها على السنگ وطلع، طب وراه مــيثم جايب دولكة الماي والكلاصات، وكفت يم السنك اغسل المواعين واحس بيه يم الطباخ يكمل الچاي، صب كوابه ثلاثة وده البريا ورد يمي يحجي بهدوء
مــيثم:: هذا چايچ مــاسه.
درت عليه اعاينله واعاين للكوب
-بعدني اغسل مواعين ما تشوفني؟
رفع حاجبه وانه احس حتى صوتي يرجف درت للسنك اغسل الصينية شلتها سديت الماي وجبت وصل المسح من يم الشباچ امسح الكاونتر واعاينله رجع الچاي للقوري ومشه للسنك غسل الكوب حطه بمچانه، اخذ كوبه وطلع من المطبخ، عفت المسح وكعدت على حيلي بالگاع أبجي مختنگه وگلبي معصور عصر.
مسحت دموعي وگمت كضيت المطبخ غسلت ايديي وطلعت اعاينله حاطله مخده وچرچف بالهول متمدد، شال راسه عليَّ عفته وطبيت للغرفة طفيت الضوه ومشيت اتمدد حتى انامن اغمض عيوني ودموعي تجري شويه وحسيت عليه طب للغرفة تمدد بصفي ومد ايده على زندي يحاجيني
مــيثم:: مــاسه يابه! عاينــي علي وحگ عيــونج تعبـــت سولفيلي شنو البيج، مو احاچيج.
جرني بهدوء عليه انگلبت على ظهري وهوه رافع راسه يعاينلي مد ايده الوجهي يمسح دموعي
-عليمن البچي؟
يحجي بقهر ويعاين لعيوني، دفعت ايده من وجهي گـــلبي يوجعني وصوتي مختنگ
-طلگني انه ما مرتاحه وياك.
سد حلكي بساع بچيت مختنگه وهوه نزل راسه على راسي
مــيثم:: اششش لا تعيدينها اموتن.
جريت ايده من حلكي حييل دفعتها أبجي بحرگه كعدت على حيلي
-ما تموووت ما تموت انه الراح اموت تعبـــت اريدن ارجع البيت اهلي.
نزل من الچرباية بعصبية شغل الضوه يعاين لوجهي محتركه اعصابه
مــيثم:: ليش رضيتي من الاول ليش رضيتي؟؟؟
طكيت ايديي بالفراش دموعي تجري واحجي بحرگه
-انتَ هدددتني انتَ هددتني بالصورررر.
شلت ايدي امسح وجهي من الدموع وهوه فاتح عينه على وسعها مصدوم طلع من الغرفة رگع الباب حيل، رديت تمددت ابچي ما ادري شني الاريده، نص ساعة مرت گمت شغلت قران گوه على روحـــي اسمع بلكن گـــلبي يرتاح
فتحت باب الغرفة على كيف اشوفنه مطفي اضوية. الهول ونايم بالگاع على الحصيرة، جرن دموعي وعيني لوجهه.
طلعت من الغرفة كعدت على اركبي گدامه امسح دموعي ويردن، جريت طرف الچرچف من يمه تمددت بحضنه ومديت ايدي على خده ابجي
-مــيثم.
فز يعاين لوجهي عيونه حمر قربت شفايفي لشفايفه ابوسنه واحجي بصوت مخنوگ من بين الدموع
-اسفه، والله انه احبنك بس لان راسبه مقهوره.
لماني على صدره يبوس راسي ساكت وانه ضامه وجهي برگبته ابجي وابوسه معتذره
مــيثم:: گومي نروح لغرفتنا.
-لااا لا خلي نضل هناه.
وخرت راسي من رگبته احط ايدي على خده دار وجهه يعاين لباب غرفة بريا لا يطلع، غمضت عيني اضم وجهي بصدره، سكت ولمني لحضنه متحسر، غمضت عيّني انامن وفزيت على صوت تلفونه، فز هوه هم جر ايده من جوه رأسي منمله ومطبع بيها اثر ترجيتي، كعد على حيله فرك عيونه ورد كوه يحجي
مــيثم:: ها جدي.. لا بعدني هسه اروحن.
تلفونه عالي اسمع صوت جدي يحجي وياه بعصبية ويغلط گاله
مــيثم:: عدي دوام شسوي يعني اطير رحت الفجر وهسه هم راح اروحن.
سدّ التلفون وگام، گمت انه هم شلت الچرچف والمخده غسلت وجهي وطبيت للمطبخ اسويله چاي بين ما طلع من الحمام نشف شعره وانه واكفه گدامه بأيدي كلاص الچاي، اخذه من ايدي ومد ايده يتلمس خدي
-بعدج مختنگه؟
هزيت راسي اي
-خل نكضي هالشهر ونزرع حتى اخذج للزياره
ضليت ساكته وهوه عينه عليَّ مقهور راح الغرفة بريا مالگاه طالع، لف الچفيه على وجهه متلثم بيها وطلع للگيعان.
من حصدوا الحنطه هسه راح يزرعون شلب الولد ما راضين لان ماكو هواي ماي وعلى ساعة ينگطع بس بعد السلف كله زرع وجدي گالهم تزرعون وياهم.
ردت اروحن البيت أهلي وتذكرت صــيهد گال وحدج لا تجين لو واحد منهم يجيبج لو انا اجيج، رغم مابيني وبينهم غير مسافة صغيرة.
للعصر طلعت كنست الحوش ورشيت الحديقة شلت راسي من طب بريا
-عبالي رحتي لبيت اهلج.
هزيت راسي لا طب للبيت وانه كعدت على البايات والصونده بأيدي ارش الحديقة وارش سياج الحوش شوية وطلع بريا سابح وبأيده كوب چاي وملزمه كعد على صفحة يقرأ درت عليه احاجيه.
-بريا
-ها خويه.
عفت الصونده تجري على الحديقة وكعدت عدل احجي وياه
-شبيها رنـــه؟
سكتت صافن شويه ودنك متحسر ويحجي بتردد
بريا:: علت گـــلبي.
-شمسويتلك؟
-اليوم هيه ما مسويه شي انا الغلطت.
حجاها ومسح وجهه بقهر يحاجيني صوته مختنگ
بريا:: كلهم ضدي حتى مــيثم يصيح ماتاخذها، وطرواده كل ما احاجيه يصيح وخر عن اختي لا ازفها گدام عينك.
اسمعله مقهوره وهوه زفر نفس مدنك يطوي الملزلمه بأيده گتله
-ليش تستعجل خل تكضي الثالث والله كريم.
شال راسه يحاجيني بقهر
بريا:: انا اوكف بوجهم كلهم لو رادوا يزوجونها بس اخافن لا هيه تهوه غيّري ساعتها لو گـــلبي لو گلبها الينكسر.
-من ليمت تحبها.
صفن يعاين للورد مبتسم همس
-من ساعة الحطيت الخنجر على رگبتها
حجاها وتحسر شال راسه يكمل حچيه بقهر
بريا:: حبيتها بشكل غريب جنت اموتن منها حرگت گلبها وحطيت الخنجر على رگبتها ذبحت اعز حيوان عدها تالي ربي عاقبني ومن هالساعة عشگتها.
ايام وليالي مرت وانا ما ناسي رجفتها وخوفها خايفه لا اذبحها لمسة ايدها الايدي وهي تجرها حتى انزل الحنجر من رگبتها وصوتها اليرجف ماگدرت انساهن، وما چنت ادري بروحي عاشگها
اول مره شافت جدي يتعارك وياي هدت هاسكي على جدي وتگلي تعال اشكرني حميتك وبدل ما اشكرها تعاركت وياها هددتها انهي عليها وهيه تردها الي وتصيح انا الانهي عليك، تغثني حيل وتحرك أعصابي يوم عن يوم گمت انا الادور على حركان الاعصاب انا الاروحن يمهم حتى تتعارك وياي.
اموتن عليها واموتن لو اخذت غيري
حجاها ودنك يمسح وجهه مقهور، اخذ ملزمته ومشه يريد يطلع صحت وراه
-اوكف وديني الاهلي.
ضل واكف بباب الحوش طبيت جوه لبست عبايتي اخذت تلفوني وطلعت وياه بس وصلني يم الحوش وراح اول ما فتحت الباب صار بوجهي وهـــب يريد يطلع وبس لمحني صاح
وهـــب :: هلا بروحي هلا بريتي هلا بتاج راسي وراس عشيرتي.
ضحكت مديت ايدي اسلم عليه يبوسني ويبوس راسي يسأل
وهـــب::شلونج؟
-الحمدلله انتَ شلونك نداوي شلونها.
-بخير بعد روحـــي طبي يمهن .
هوه طلع وانه طبيت للبيت لگيت رغد بالمطبخ تعجن وندى يمها تكصص سلك وتخلي بالجدر تسلكه علمود جده، سلمت عليهن وطبيت للهول جده كاعده بس سلمت عليها صاحت
-ارگدي ببيتج يوميه مسيره علينه.
مارديت عليها طبيت الامي ترد روحـــي من اشوفنها وابوسها وهي كاضه ايدي وتحاجيني بعتب
ايمان:: ضايگ خلكج وماترضين تحجين عليمن جا يمه تخليني ليل نهار شايله همج وافكر بيج.
دنكت أبوس ايدها
-مابيه شي يمه بعد روحـــي مسوؤليه الزواج ما متعلمه عليها وهل تشوفيني نوبات ضايجه هههه.
تعاينلي بقهر گالت
-كون مــيثم يحاچيچ؟
-لا والله يمه لا تفكرين بيه وعلي محد محاجيني انه هيج بوحدي اضوجن.
سكتت محتاره ضليت شويه يمها وگمت صعدت فوك اشوفن جــويريه اول ما فتحت الباب ضحكت وبدور تصيح
بــدور:: الله جابج تعاي اسمعيها لان انه انسطرت.
سلمت عليهن وكعدت يم جــويريه وهيه تحب تقرأ وواحد يسمعها تشرحله حتى تفهم ضلينه سوه لحد العشا خابرني مــيثم گمت من يمهن وجاوبته
-الو.
-الو ها شلونج.
-زينه.
-اجي عليج؟
-لا.
سكت وانه ايدي على رگبتي امسح بيها مختنگه گال
-يله براحتج ضلي تعشي يمهم بالتسعه اجي عليج.
-لا تجي.
سكت مصدوم وانه روحـــي ممروده
-لا تجي ما اريدن ارجع.
مــيثم :: لا حبيبتي عوفي هالحجي وروحي هسه يم البنات بالتسعه أجي عليج تمام؟
حجاها واسمع بريا يمه مدري شگاله وميثم نتر عليه بالروسية ورد بريا هم بالروسية سديت التلفون بوجهه اعصابي ترجف والخنگه ذابحتني رد خابر رديت بنتر وهوه اعصاب بس يحجي بهدوء مايعلي صوته
مــيثم:: مــاسه حبيبتي يابه ديربالج تعيدينها وتنترين بوجهي الساعة بالتسعه اجيج.
-ما اررررجع.
-ترجعين.
-والله ما ارجع.
رديت سديته بوجهه وطفيت التلفون، كمت للحمام اغسل وجهي وأبلل صدري گـــلبي ما يبرد، نزلنه جوه من صاحتلنه رغد صبن العشا وانه گوه اكل كلهن حسن بيه شي گمت من يمهن غسلت وصبيت چاي لجدي وابوي وجده گالت الابوي
واشيه:: عاين خايب وليد هاي بتك لو ما ركدت ببيتها ترد على گلبك.
هيه تحجي وانه مدنكه احط الچاي گدامهم گالها
وليد::ماعدي بت ترد اكسر ظهرها.
ضحك جدي ضحكته تقشعر الجسم وعاين الابوي بشماته گاله
شعلان:: مو هل ردت هذيج.
دار وجهه ابوي يشرب چاي ساكت وجدي عاينلي گالهم
شعلان:: ما ترد مويسه سباعيه چنها شمرت الحجيه امي هسه تخلف وتترس بيتّ خليل.
طلعت من يمهم للمطبخ ايدي على گـــلبي اجه يمي رضا رافعلي اديه
رضا::موسه غسلي.
شلت للسنك وفتحت الحنفية غسل اديه وحلكه ونزل راح يركض يريد يروح يم ندى تلاگت وياه سعاد نردم بيها جرته حيل تريد تطكه وتغلط اخذته من ايدها وهيه سوتها هوسه ندى اجت تركض أخذت ابنها نريدها بس تسكت ما ترتاح لمن خلتهم يحجون ويلغطون على ندى.
اخذت ابنها وراحت الغرفتها مقهوره رغد راحت وراها تحاجيها وانه وبدور عزلنا المواعين جاي نغسلهن وكفت يمي تحجي بقهر
بــدور:: تعبـــت من صــيهد؟
-ليش شبيه؟
-اول ما يطب للبيت، بــدور چاي، بــدور ماي هيي هيوو.
وكله صياح ويخزر ذاك اليوم يگلي لا تصيرين فاهيه لا اعمي عيونج، شمسويتلك وتعمي عيوني ادري تكرهني بس ما توصل تعمي عيوني.
غسلت ايديي ودرت عليها وهيه دايره وجها تداري دموعها حتى ما يطيحن جريتها عليَّ
-والعباس يحبج يموت عليج ذاك اليوم يگلي ترحن فـــدوه لبدور.
-لا والله ما يحبني مــاسه ما يحبني هذا وهـــب يشبگني يبوس راسي يگلي اختي واموتن عليج ويشاقيني، صــيهد بس يخلس بيه.
-بادري انتِ بــدور ! صــيهد ما يبين مشاعره لشخص الا اذا هالشخص بادر هسه هوه هم يحسج تكرهينه وراح يضل هيج الا انتِ تبينين مشاعرج وحبج اله يله يلين بتصرفاته وياج، عاينــي والله جان هيج وياي لمن ضليت احجي وياه واهتم بيه واعامله مثل ما اعامل وهـــب.
دنكت ساكته وتبجي
بــدور:: هوه انه انزل جوه لو ما جــويريه كاعد تدرس واكولن خطيه خل انزل اشوفنه شيريد.
-بــدور انتِ ما تحبينه؟
فتحت عينها حيل
بــدور:: انه ما احبنه؟؟ والله اموتن عليه غير اخوي شلون ما احبنه .
-سوي مثل ما گتلج وشوفي شلون يتغير وياج والله العظيم.
نحجي ودرنه اثنينا على فتحة باب المطبخ بس شافني ابتسم وراحت ابتسامته من شاف دموع بدور اجه عليها بساع خازرها ويحجي بغضب
صــيهد:: ياهو ويااج؟ ياهو محاجيج؟
وهيه مدنكه تمسح دموعها وتهز راسها لا ماكو شي جراها من زندها حيل شهكت موجوعه. حطيت ايدي بظهرها دفعتها الحضنه وحجيت بسرعة
-علمودك تبچي تگول صــيهد ما يحبني يكرهني.
واثنينهم يعاينولي بصدمة هز ايده وهو يگول
صــيهد:: نحمد الله ونشكره، اسب صــيهد بهالساعة ياهو الگام وصاح تكرهني.
حط ايده على جتف بــدور وهيه جنها امي هلكصراتها يمه لمها على صدره بچت بصوت مختنگه باسها براسها وهو يگلها
صــيهد::بس تتلفين دشداشتي اخليج انتِ تغسلينها.
ضحكت وهيه بحضنه وخرها مسح عيونه بأثنين اديه مبتسم
صــيهد:: اكو واحد يكرهه اخواته؟
هزت راسها لا باس راسها وهو يگلها
-بعد ما اريدن اشوفج تبچين اطيح حظج.
وخرت بــدور منه مديتله ايدي اسلم عليه
صــيهد:: اليوم هنا؟
سلمت ساكته وبدور گالتله
-اصبلك عشه؟
دار عليها مد أيده على راسها
صــيهد:: لا اريدن اروح بس سويلي چاي حطيه بالترمز خل آخذه للولد، ومن ارد اتعشه
حجاها وطب جوه اسمعه يحجي وي جدي وأبوي گالهم
صــيهد:: الليله نحرك، وانتَ شعلان لا تضل تهوس فوك روس الولد توديهم مناه وتجيبهم مناه اطنه صبر عدنه وكت مناه لشهر السابع
سكتت اسمعلهم يردون يحرگون الگاع وره ما حصدوا الحنطه حتى يكربونها (يحرثونها) ولازم گبل الكراب يشيلون الضال بالگاع من حصاد الحنطه واسهل حل حتى يخلصون منه الحرك.
جدي يحجي بحرگه ما راضي على صــيهد يحاچيه هيج وابوي وجده يگلوله يشاقيك، عافهم طب سلم على امي حضرنه ترمز الچاي والشكر بين ما اجه عاين البدور يسأل
صــيهد:: چا اهلي وين؟
بــدور:: فوگ تدرس.
-تعشت؟
-اي مداريتها انه لا تخاف.
ابتسم بطرف شفته اخذ الچاي وراح شويه وصعدنا للسطح نشوف الگيعان واجه النار بيها كلها حركوها، نزلنه جوه وانه ضل بالي يم الساعة عبرت التسعه وميثم ما اجه وانه كل ما احاول اقنع روحـــي ارد للبيت اختنك، طلعنه انه ورغد للمطبخ كعدنه نسولف وبس لحت وياي گتلها
-اريد اتطلك.
شهگت ولطمت على صدرها تتلفت
رغد:: شو تمسلتين انتِ؟
دنكت امسح بعيوني جرتني من زندي تحاجيني
رغد:: مــاسه لا تسودنيني شبيه مــيثم وتردين تطلكين حاجيني بله عليمن؟
شلت راسي احاجيها ودموعي تجري
-ما اريدنه تورطت ورضيت بيه متندمه بس اريدن احد يخلصني اريدن احد اگدر اكله يطلكني من مــيثم.
تعاينلي مصدومه اندفع باب المطبخ الخارجي على كيف واثنينا نعاين نريد نشوف ياهو وره الباب بلعت ريكي بخوف من لمحت عيونه ووجه رغد گامت بساع وهوه عيونه عليَّ خازرني مسحت دموعي ووگفت، طب للمطبخ مخلي اديه وره ظهره وگف كدامي وانه گـــلبي يدك حيل ورغد واكفه وراي خايفه لا يحاجيني
صــيهد:: الحجي الحجيته لو عدتيه اعدمج.
دنكت اناشغ الغصه تصعد وتنزل ببلعومي گال بعصبيه ويحاول ينصي صوته
-عاينــي مــاسه مو اطيتج وجهه وتضلين تزكحين حظج اطيحه فهمتي لو لاا.
مسحت عيوني ساكته جرني من زندي حيل ايده تطبك على العظم خازرني بغضب ويحجي من بين أسنانه
صــيهد:: احجي سولفيلي شني الغلط البميثم وانا احله ما تجين وتصيحين اريد اتطلك حلگج اشكه،سولفي شمسوي اخذ حگج مربع.
هزيت راسي ابجي
-ما مسوي شي
-لااا اكو شي احجي راح اصفگج راشدي افرر وجهج.
-ماكو شي والله ماكو شي انه مقهوره
-علييييمن
رغد:: اشش
شال عينه عليها خازرها جراني من ايدي طلعني للحوش دفعني يم حبل الهدوم ونتر
-احجي بيش مقصر مــيثم اكسر ظهره، حاجيني ماد ايده عليج.
-لا بس انه تعبـــت رسبت بمادتين، وهمه بالبيت يحجون بالروسي ويقهروني ما افهمهم احس يحجون عليَّ وميثم أربعه وعشرين ساعة بالشغل من الكليه للگيعان يجي بس بالليل وانه باقيه بين اربع حياطين
شال ايده اللي بيها السبحه رافعه بوجهي
صــيهد:: لا تجذبين لا اطكج على عيــونج، ولج مــيثم لو كضيناه يمنه للغده ما يرضى يضل ويرد للبيت علمودج جان يضل يمنه ل١٢ وهسه لو صارت بالعشره عافنه ورد للبيت خايسه تجذبين عليَّ.
درت وجهي منه امسح عيوني نتر
-جيبي عبااتج وتعاي بساع.
طبيت للبيت روحـــي محترگه حرك اخذت عبايتي ورغد بالمطبخ گالت
-اكعدي وياه وتفاهموا، مــاسه هم تجيج وحده للبيت سعاد ميلاد؟
هزيت راسي لا وطلعت صــيهد متانيني بباب الحوش مشيت وياه وگبل لا نوصل لحوشنه حجه بهدوء
صــيهد:: بعد ما اريدن تعيدينها مــاسه سالفة الطلاگ شيليها من راسج.
امشي ساكته تلاگه ويانه مــيثم جاي لبيت اهلي حتى يرجعني گاله صــيهد
صــيهد:: بطيت عليها هل جبتها انا.
وميثم يرد عليه متحسر
مــيثم :: مو ضايجة كلت خل تضل شويه يم البنات.
ومشوا وياي سوا طبيت للبيت وهمه ضلوا بالحوش ذبيت عبايتي بالغرفه ورجعت للهول طفيت الضوه ووكفت يم الباب اعاينلهم من الجام صــيهد كاعد على البايات وميثم واكف گدامه گاله
صــيهد:: وعلي اخذها منك ولو تموت ما اردها كلشي ولا تقهر مــاسه.
وميثم يبتسم ويحجي وياه ببرود ما يريد يبين اكو مشكلة
مــيثم:: والله ما قاهرها شعدي غيرها واقهرها هوه إنّا مصدك وجودها يمي حتى اقهرها.
صــيهد:: يلله لا تمسلت، لا تحجون يمها بالروسي هاي مثلي تضوج .
مــيثم:: صار تأمر امر.
ضلوا شويه كاعدين وراح صــيهد، وميثم ضل كاعد بالحوش يدخن، طبيت للبيت سبحت ورحت لفراشي شويه واجه شغل الضوه وهو بالباب گال
مــيثم :: اكعدي خل نسولف.
غطيت راسي
-نعسانه.
-اكعدي مــاسه.
مسحت وجهي وخرت الغطا وكعدت على حيلي راح يم الميز سند ظهره عليه يعاينلي بحيره
مــيثم:: شگايله الصيهد؟
-گتله اريدن اتطلك.
يعاينلي بقهر بلع ريكه وهز راسه خوش
مــيثم:: التردينه يصير بس انطيني سبب گليلي يابه هذا الغلط ألبيك هذا الخلاني اتندم لان تزوجتك.
-مابيك غلط مــيثم انه ما اريدك ما اگدر حتى اعاين لوجهك كارهتك.
حجيتها وغصيت من البجي غطيت وجهي بأثنين ايديي وهوه بلا حرف طلع من البيت، مارد الحد ثاني يوم الصبح طب سبح بدل وراح للكليه هوه وبريا، ومن ردوا بس تغدوا وطلعوا، وانه وكتي يكضي بچي وخنگه، للعصر اجني رغد وندى عبالي جايات يونسني گالت رغد
رغد:: سولفت الامي وگالت اغسلن البيت بماي وملح ودورن خاف وحده ماتخاف الله حاطتلهم شي.
-شي شنو؟
ندى:: سحر يحضي
وكامن على البيت شالن كل الفراشات ويدورن وره الميز وبكل زاويه، عفتهن اخذت رضا وطلعت للحديقة گطعتله ورده اخذها من عدي ومشه يم الباب ورد اجاني مدلي الورده ضحكت
-هاي منين متعلم رضاوي.
جريته الحضني ابوسه واشاقيه.
البنات كضن مالگن شي بس ورق محروك وره الكنتور ضلن شويه يمي وراحن، ضلت بس غرفة امهم وابوهم مالحكن يغسلنها عاينتلها متردده ما متوقعه بيها شي افتر بيها كعدت بالگاع يم الخانه فتحتها اعاين لغراضهم ولألبوم الصور طلعته وتربعت بالگاع حاطه الالبوم على رجليَّ واگلب بالصور
جانن بس همّه اربعتهم بريا وميثم وأمهم وابوهم، ركزت بصورة منهن عمر بريا تقريباً ثمانيه وميثم قرابة الاربعطعش أقل اكثر بهالحدود، كاعدين وهيه بنصهم، شلت راسي بفزه على فتحة الباب صار بوجهي بريا يريد يحاجيني ومن شاف البوم آلصور بأيدي صارت عينه عليه ساكت وانه بساع حجيت خجلانه
-بس ردت اشوفن الصور.
طبّ للغرفة مد أيده شلت الالبوم اطيته اله كعد على اركبه يعاين للصور ويتلمس ملامح امه عبالك گدامه عيونه غرگت بالدموع، جريت الالبوم منه طبكته اضمه وهوه دار وجهه يمسح عيونه. وطلع بساع.
كمت وراه اشوفنه كاعد على البايات يعاين للحديقة، طبيت سويتله چاي اخذته وطلعت انطيته اله وكعدت على صفحة اعاينله حيل مقهور دار علي يسأل
بريا:: خويه شبيج وي مــيثم؟
دنكت ساكته
بريا:: انتِ ما مرتاحه يمنه؟ اذا وجودي يخليج ما تاخذين راحتج وتتضايقين كليلي انا اطلع بس لا تقهرين مــيثم انا عمــري كله ماشفت اخوي فرحان ويضحك الا لمن تزوجتوا لا تردينه القهره.
-ما قاهرته تزاعلنه ومن يجي نتصالح وانتَ حالك حال اخواني شلون وجودك يضوجني لا تعيد هاي الحچايه.
تحسر مقهور
بريا:: اتمنى تتصالحون ومايصير بينكم زعل لان مــيثم حيل جاي ينقهر هو كضه عمره قهر بقهر لا تزيدينها عليه يرحم اهلج.
هزيت راسي اي گتله
-امك وابوك چانوا يطكونه لميثم؟
زفر نفس بحسره
بريا:: لا بس من أبوي اختفى مــيثم تعب صار مسؤول عني وعن امي گبل لا تروح.
-لو من البداية عمي خليل ماخذكم ومسافر احسن.
بريا:: جان رايد هيج بس جدي ما راضي انا ما اذكر مــيثم يسولفلي، ابوي راد ياخذنه ويروح لروسيا بس جدي ما يرضى گاله أحفادي وما اخليك تحرمني منهم.
-وره ما عمي خليل اختفى عمه ليش ما ضلت يمكم وميثم زين جان عمره يگدر يشتغل وتعتمد عليه.
ضحك بقهر هز راسه لا
بريا:: امي اختارت تعوفنه وتسافر شارده من القرية ومن ظلم جدي.
سكتت اريد اغير الموضوع حتى ما ينقهر اكثر گتله
-ما سألتك شخبار رنـــه هم شفتها.
بساع تعدل مزاجة وتغيرت حتى ملامحه گال
-لا ما ترضى تحاجيني اطيرها الحمام تبوكهن من عدي تضمهن وي حمامها بالقفص الخبيثة انا اعلمها.
-ههههههه
زفر نفس مسلطن صفن بوجهي يسأل
بريا:: انا عليمن اجيت؟
-والله ما ادري.
وگف يتلفت يفكر
بريا:: مــيثم وداني على شي بس مدري شنهوه.
-خابره اسأله.
طلع تلفونه خابر مــيثم وهم حجه روسي دنكت ساكته شويه وگاله
بريا:: اي يمي.
حجاها وعاينلي هز راسه خوش وهو يگول
بريا:: هاي هيه تأمر امر انتَ وياها.
وخر من يمي شغّل الماطور يجر الصونده للحديقة گاله
بريا:: نسيت عليمن وديتني انتَ، ها ها خوش.
سد التلفون وراح لسيارة مــيثم جاب منها شتلات ورد ذبلانات من الحر گال
بريا:: جايبهن وناسيهن بالسيارة خرب حظه يموتن هذن بعد حتى لو زرعناهن خيولن.
عافهن وطلع اعاينلهن، بيهن امل افتريت وره البيت جبت محراث الحديقة اختاريتلهن مچان حفرت زرعت اثنين منهن، جاي احفر بالثانية من شلت التراب احس شفت شي وياه، عفت الاغراض وكعدت يم التراب اگلبه بأيدي بارد ورطب من السگي
اودي التراب مناه وارده مناه لمحت جيس نايلون ملفوف شلته انكثة من التراب عفته على صفحة غسلت ايديي ورديت اخذته كعدت على بايات الدرج فتحته طلعلي جيس ثاني ووراه وصله ومن فتحته طلعتلي ورقة مشدوده بخيط فتحت الخيط منها شمرتهن وفتحت الورقة اعاينلها مستغربة
احرف ماتنقري ورسم دوائر وخطوط فوك وجوه وبالنص مكتوب توكلوا يا خدام الطلسم والاسماء بتفريق وكراهية ونفور مــاسه بنت ايمان لميثم ابن روزا.........
وراها كلمات عشوائية ما تنقري اعاين الايدي ترجف وجسمي مقشعر كله
طبكتها بأيدي وگمت للبيت اركض وارجف لبست عبايتي وخابرت مــيثم طول مارد عليَّ وانه من الخوف والرهبه اريد ابجي اول مارد عليَّ صوته تعبان
-الو
-الو مــيثم.
-ها
-راح اروحن البيت اهلي.
سكت فترة يله گال
-مو حتى البيت عفته وطلعت شبيج بعد ما تگليلي شبيج دخيل ربج شليتي حالي.
-ارجع بس اشوفن أمي وارجع.
-روحـــي.
سديت التلفون منه وطلعت بساع طبيت يم امي جــويريه تقرأ يمها تريد تبجي وامي بس شافت وجهي عرفت بيه شي طبت رغد وسدت الباب مديت الورقة الامي ارجف
-لگيتها مدفونه بالحديقة.
احجي وامسح على زندي جسمي يرجف وهنه مصدومات وامي حيره تجيبها وحيره توديها جــويريه حجت بخوف
جــويريه:: منو گال سحر؟
رغد:: هاي طلاسم سحر.
جــويريه:: مو اني ذاك اليوم لگيت بطل بيه ورق مگطع شنو يعني هم سحر اموووت والله اخااف.
ايمان:: اسم الله الرحمن اسم الله اشش صوتجن.
وجويريه ميته من الخوف گالتلها امي
-وين وديتيه البطل؟
-ضميته بالجرارات.
وامي عضت ايدها بحرگه
-المن ضااامته، أمشي جيبيه.
ركضت جــويريه للمشتمل جايت البطل ماي اصفر وببطنه ورق مگطع رغد تگلب بالبطل مناه ومناه تريد تقرأ المكتوب بيهن ما يبين ماينعرف اذا هم سحر لو غير شي، وبدور تگلها
بــدور:: يمه هذا البالبطل مو سحر يجوز صــيهد جاي يمتحن جــويريه ومن تجاوب غلط تنگع الورق حتى ما يلگفها.
طردتنه امي من يمها وخابرت على خالتي الچبيرة ، رجعت البيتي جسمي مكزبر من الخوف، شتلت الشتله وطبيت شغلت قران بالبيت سبحت وصليت رديت اقرأ قرآن، بس اريدن نفسيتي ترتاح، ضليت چم يوم نافره من مــيثم ما ننام بنفس الغرفة وامي ودتلي بأيد وهـــب بخور وماي غسلت بيه البيت وكل يوم اشعل بخور چم يوم عدن احس گمت اشتاقله واتعجب على روحـــي شلون جنت اكله اكرهك، بس هوه اخذ موقف وابتعد.
""""
ندى:: افتر بالغرفة بقلق اعاين لرضا نايم ووهب بعده ماجاي طول يله اجه اول ما فتح الباب ابتسم ومن شاف وجهي شلون قلق راحت ابتسامه
وهـــب:: شبيج؟
جريته من ايده سديت الباب وعاينت لوجهه بخوف
-وهـــب يمكن اني حامل.
اتسعن عيونه ضحك وشالني من خصري يفرني بفرح
-ووهب وهـــب اوكف خل نتفاهم.
وهوه يضحك فرحان نزلني من ايده عصر وجهي بين أديه يبوسني ويردد
-احلى خبر بطه احلى خبر.
-وجهييي وجهي انجعصت وووهب.
وهوه ما مهتم يجعص بيه لمن عافني احس حتى ملامح وجهي دايخات ويحاولن يرجعن المچانهن
-هيج هيه؟
وهـــب :: ليش ضاايجة؟
-رضا بعده صغير وما مسيطرة على تربيته شلون لو صاروا اثنين،
-خل يصيرون اثنين عشرة عشرين أنا اساعدج
-ما ادري خايفه وترى ما متأكده لا تفرح
جر وجهي عليه يبوس شفايفي ويحضني رفعني من الگاع على صدره ويحركني بهدوء بين أديه
وهـــب:: بطه اموتن عليج.
حضنته اضم وجهي برگبته بسته بلهفه
-اعشقك.
-هههه اعشگك چم دوب اعلم مثلي مثلي احجي خل اسمع حچايات مملوحه من حلگج.
نزلني للگاع ومد ايده يلزم حنجي رفعتله حاجبي
-مو انتَ گلت حلكج عسل معناها احجي حلو ما احجي مملوح مثلك.
ضحك حيل ورجع سحبني الحضنه
وهـــب:: ما اگدرلج ااخ بطه
وخرت من عنده اضــحك وهوه اخذ ملابسه يريد يروح للحمام باوع الرضا گال
-وديه يم رغد.
-نايم.
-ميخالف حبيبتي ما يصير يحس
-وهـــب والله استحي وترى طفل شيفهم.
-حرام گـــلبي حرام.
حجاها وراح للحمام اخذت رضا وطلعت انطيته الرغد وهيه تضحك وتغمز واني اكرص بيها، رجعت للغرفة ابدل وافكر بوهب، حتى لو رضا نايم ما يقبل يبقى ويانه بالغرفة اذا راد يتقربلي يگول حرام يشم نفسنا حتى لو جان طفل.
شغلت التلفزون ادور فيلم وحضرت حلويات وعصير بين ما اجه أشرتله على الفيلم
-لا تگول شايفه؟
باوع عليه ضحك
وهـــب:: لا ما شايفه.
حجاها واجه يمي جراني على صدره نباوع وناكل شهگت وصفگت ايد بأيد من مات البطل وهو بسرعة گالي
وهـــب:: لا تخافين ما ميت هاي خطه سووها هوه والضابط.
درت عليه رافعه حاجبي
ندى:: مو تگول ما شايفه!!!
دنك ياكل
وهـــب:: هذا العصير والله طيب.
ضربته على صدره جر ايدي تمدد ولمني على صدره يضحك
-شكد تغش انتَ.
مخليه ايديي على صدره واباوع لوجهه شال ايده يبعد شعري لوره اذني ويتلمس خدي
وهـــب:: يَترفه يماخذه روحـــي يَهيل ولايتنا
صافنه بعيونه ساكته وهوه يحجيهن بصوت ذايب ويتلمس خدي وشفايفي خله ايده وره راسي يقربني الوجهه يبوس داير ماداير شفتي ويباوع لعيوني بمكر عباله يگدرلي رفعت راسي وعيني بعينه
-المايقدر الشي ينحرم منه.
اريد اوخر اضــحك سحبني عليه بقوة
-مو هوه بكيفج.
ضحكت ويسد حلكي مبتسم
-احبن ضحكتج بس نصيها.
-واذا ما نصيتها؟
-ابوسنج وهي تنصى.
ضحكت بصوت عالي سكتني وهو يبوسني، جنت قلقة علمود الحمل وبنفس الوقت متحمسه أريد اعيش هالشعور بدون عذاب بدون خوف وضرب، ووهب يحاول بكل صورة ينسيني العشته بس ما گدر الاثار اللي بالروح ما تنمحي للموت يبقى أثرها، بس احاول اتناساها الخاطره الخاطر ضحكته.
كمت من يمه اجيب رضا يمي اخاف لا يفز ويكعدهن، فتحت باب الغرفة صارت بوجهي رغد
-وين رايحه؟
رغد:: أشرتلها اسكتي صوتج اتلفت
-سلطان راسلني على تلفون امي واذا ما اروح يجي للبيت واذا اجه صــيهد ما يسكت.
ركصتلي حواجبها وهي تگلي
ندى:: روحـــي روحـــي وهـــب يمي شويه واطلعه الج.
ضحكت طكيتها وطلعت گـــلبي يدك بخوف ولهفه من جهه مشتاقتله ومن جهه مرتبكه وخايفه، مشيت بساع وصلت يم شجرة التين واتلفت بخوف مالگيته
سلطان:: رغدي.
شهگت بفزه ورفعت راسي ليفوك وهو يضحك نزل من الشجره اول ماحط رجليَّه بالگاع جرني الصدره غمضت عيني گـــلبي يدك بقوة وهوه لامني بين اديه حيل زفر نفس بحسره، وخرت من صدره ورفعت راسي اعاين لوجهه واحاجيه
رغد:: شصعدك فوگ؟
فتح ايده گدامي بيها تين
سلطان:: جبتلج تين .
حجاها وجرني من ايدي يم الساگيه حط البساط كعدت وهوه دنك غسلهن واجه كعد بصفي شغل ضوه تلفونه فتح التينه بالنص شال نص منها وقربه الي عضيت منها ونفسه الجزء الضل بأيده اكله.
درت وجهي منحرجه تحمحمت وانه اگله
-شنو ردت سلطان؟ خوفتني.
عاينلي ومد ايده على جتفي يقربني اله
سلطان:: ردت اشوفنج خلص صبري.
سند راسي على جتفه، سكتنه اثنينا الليل هادئ من اصوات البشر وتتردد بيه بس اصوات الطبيعة ماي الساگيه وهو يجري بخفوت، صوت شصره بعيد عنه، وصوت حركة ورق الشجر الخفيفة بسبب نسمات الهوه،
رفعت عيوني للسماء النجوم متطشرة بيها مثل نمنم ناعم منثور والگمر صاير بالنص ضواه يسكن الروح غمضت عيني عايفه روحـــي تعيش كلشي بتفاصيله تتشبع من وجوده ومن الهدوء والطمأنينه الاني بيها.
ايده تصعد وتنزل على زندي وصوت نفسه عالي بأيده الثانية شابك اصابعه بأصابعي وقربهن الوجهه احس بنفسه الحار على ملمس ايدي وشفايفه ونغزات من شاربه تخللن بين اصابعي، قربني الصدره اكثر حجه بصوت ذبلان يرجف جسمي
سلطان:: اريد اتمدد واحطج على صدري، المج بين ايديي ايام وليالي، تعبـــت وانا اصبر والحد هاللحظة مصبر روحـــي اضل مشتاگلج ليوم عرسنه، بس راح اموتن نمرشة تعبـــت وانا اتخيل دفو وترافة شفايفج.
دار وجهه عليَّ لم وجهي بين أديه وسند راسه على راسي جسمي يرجف وگلبي يدك بقوة روحـــي ذبلانه حاطه ايديي على اديه وهو يحرك وجهه يم وجهي وأنفاسنا مختلطة صوته ذبلان يحجي همس
سلطان:: ترضين؟ رغدي.
همست صوتي يرجف
-ل.. لا.
تحسر رفع راسه باسني بكصتي وجرني الصدره وجهي برگبته گـــلبي ينتفض وبس وجهي لامس رگبته تنهد بحسره
سلطان:: بوسيني انتِ.
-سلطان
عافني مرتبك گام من يمي غسل وجهه بالساگيه وانه جسمي يرجف وصوت نفسي عالي شوي ورجع يمي گال
سلطان:: رغد شهر السابع راح يصادف رمضان، حاجيت شيخ حيدر عرسنا هالايام، المشتمل راح يكضي والاثاث بعدين نكمله شويه شويه.
-وصيهد رضى؟
هز راسه اي
سلطان:: يرضى بعدين مالج غرض .
سكتت محتاره ضليت شويه يمه ورجعت للبيت وثاني يوم من الصبح جدي وأبوي تعاركوا وي عمي شاكر هوه يغلط عليَّ وهمه يغلطون على سلطان شيخ حيدر وسيد عباس حرجوهم مايگدرون يكولون لا، حددوا العرس گبل رمضان بيومين يصادف جوري بعدها ما كاضيه امتحانات، العصر طلعوا كلهم وسعاد راحت لميلاد تواسيها لان انه صرت چنتها
وجويريه ساعة تصيح حرام عليج تسوين عرسج بامتحاناتي ومن ملت من الدراسة افترت عليّّ
جــويريه:: اعلمج تركصين هجع بعرسج؟
ايمان:: خايبه ام الهجع ردي لكتابج. اعوينت ابيهم لو رجلي صاحيه واكوملج.
جــويريه:: اوكفي اوكفي خاله احس روحـــي فاسقة بينهن ليش بس انه اعرف للهجع الا اعلمهن كلهن جيبولي مــاسه خل اعلمها.
رغد:: ضحكنا وبدور خابرت مــاسه اجت طاير گلبها امي تريد تكدر تكوم تكتل جــويريه وهيه عايفه كتابها وتصيح اعلمجن هجع
ندى:: تريد تنتحر مبينه ملت من الدراسة تريد تنتحر شكلك ماتدري دچت روحها وهيه تركص.
مــاسه:: انه انه علميني.
وامي تمددت مسطوره وتصيح
ايمان:: دهر طرجن فوك راسي بهجعجن.
بــدور جابتلها سچاچين وشغلتلها اغاني مكيفه وجويريه تطوه تتمايل وتحط السجاجين ببطنها واحنا كلساع صارخات وهيه تموت من الضحك درنه للباب كلنه على صوت صفكه واشوفنه صــيهد، جوري بساع شمرت السجاجين وكعدت كاضه الكتاب مگلوب تقرأ بصوت ومحد يفهم شگاعد تقرأ.
وبدور طفت التلفوت وتمددت بحضن امي تشخر
صــيهد:: ها ايمان هاي چنتج هاي دراستها.
ايمان:: يا يمه علمودك تگول اتدرب حتى من اكضي امتحانات اركص لرجلي هجع.
كحيت غاصه بالضحكه وجويريه فاتحه عينها على وسعها وصيهد وجهه ما يكصه السيف صاح عليها
صــيهد:: اگلبيه للكتاب اگلبيه.
عدلت الكتاب تقرأ بسرعة وما نفهم شتحجي طلاسم ولا حجايه مفهومه عاين البدور تشخر بحضن امي دغها برجليها
صــيهد:: كوم بدر كوم لا تسوي روحك نايم.
مــاسه:: احسك تتمنانه زلم من تسمينه باسماء ولد.
عيب على مــاسه
صــيهد:: امشن نظفن الديوان شيوخ بالليل جايتنا.
ايمان:: ماكو شي صــيهد؟
-جانت عدهم كعده وهسه رايحين زيارة مريض النوب يجون يمنه ماكو شي.
حجاها وطلع، مشينا نظفنه الديوان وردينه سوينه العشه صــيهد يضل قلق من يجون يمنه شيوخ يريد كلشي جاهز وماكو ولا غلط لوره العشه بساعة اجوا يمنه عده كلشي على خير، وبدينه نحضر للعرس القلق ماكل گـــلبي خايفة حيل، وبعقد المحكمه روحـــي راحت من صــيهد ما يحجي وياي وكلساع يجرني على صفحة
اعصاب وبس يخزر بسلطان وسلطان ساكت، كملنه العقد الحر ياكل الروح مشه جابنله عصير بارد مده الي اخذته من ايده، رجعنه للبيت تلاكت وياي ميلاد تغلط متحلفه
ميلاد:: والله اسووودنج
وسلطان نزللها متسودن سد حلكها يجر بيها البيتهم وصيهد صاح عليها
-اگربي صوبها الا احط چيله بكصتج.
طبيت للبيت رايحه روحـــي خايفه وفرحانة بنفس الوكت.
""""
ريـــمه :: ساعات اريد اكوم اسولف كلشي السلطان وساعات ابتعد حتى اخواني ما اريدن اتدخل بينهم ومالي خلك اي شي يخصهم.
الاء تبجي تتوسل بسلطان لا تتزوج لان امي خوفتها كل ما يصير شي يخص سلطان ورغد تگلهاا
ميلاد:: كله من وراج كون يحرك گلبج على ابنج.
والاء تتسودن تشبگ غيث تبجي وتصيح
الاء:: لا تدعين على ابني.
شالته وراحت للدوانيه مشيت وراها سلطان توه كعد جان يتعارك وي امي وابوي ومحترك گلبه واجته الاء تبجي وبأيدها غيث گالتهاا
الاء:: لا تتزوج سلطان لا تتزوج ابني اذا صار بيه شي من وره دعاوي امك أنه اموتن.
مسح وجهه بحسره اخذ غيث منها باسه وهو يگلها
-ما يصير شي بطليّ هالتفكير.
الاء:: لا تتزوج
سلطان:: تزوجت عقدت محكمة بعد شنو لا تتزوج.
اخذت غيث من أيده تبجي، وغيث مايرضى يروح فوك يريد يضل جوه يزحف لو يتجه على الحايط ويوكف وهيه فوك تحبسه بالغرفه.
مشيت وراها مرات تكسر خاطري خوفها على غيث من دعاوي امي يمرد گـــلبي، توني وصلت يم باب الغرفة اريد ادك الباب واسمعها تحجي وتبجي
-عساها بحضك وبختك كل فلس اخذته مني ما تتهنه بيه يا احمد.
وكفت بصف الحايط اسمعله ترسل بصمات تسجل وتودي
الاء:: اخذ الفلوس وردلي ذهبي.
لعبت روحـــي منها اكولن ليش بطلت وكامت ما تريد تتطلك حلفت وره عرس سلطان احجيله كلشي بس خل يكضي عرسه ما اريدن تصير مصيبة بهالوكت يوميه محترگ گلبه من سالفة.
سلطان اخذنه وياه انه وهاجر اختارينه الغرفة وچم غرض للبيت گال
سلطان:: نمشي بيهن حالنه بين ما يكضي العرس واجيب نمرشه تختار على ذوقها.
هاجر رفعتله حاجبها تضحك، كرصها من خدها، واخذنا للسوگ نشتري فساتين للعرس اشترينه وفرحانات بيهن لان نفس اللون هوه وصلنه للبيت وراح وي العمال يشدون الغرفة وامي بس شافتهن تسودنت طكتني بغضب وجرت العلاليك من عدنه مدت ايدها تريد تطك هاجر جريتها مبتعده اعاينلها تتراجف شعلت الطباخ وحطت الفساتين عليه.
ميلاد:: فرحانات ووولجن فرحانات اخذها گوه علينه.
ريـــمه :: يحبها وتحبه انتِ ليش ما راضيه جا مو جنتي تردين تاخذين من بنات عمي وليد.
اجتني بغضب مدت ايدها تجر شعري هو والحجاب
ميلاد:: تطيني الفضاله ايمان.
دفعتني من أيدها بحرگه اخذت هاجر وصعدت فوك امسح دموعها وهي ميته من البجي، سلطان حسيته مثل اليتيم كلشي لازم الام تجهزه جهزه هوه، بس سليم وسجاد واكفيله وحتى ولد عمي وياه كلهم بالاخص كهلان، واعاينله الفجر من يطلعون سوه كهلان يوميه يهوسله
-هاي الرادها وهاي التمناها بت وليد لابن شاكر جبناها.
وسلطان يضحك يمشون للگيعان سوه، للسبعة يرد طــروادة يروح للكليه يمتحن، ضل بالي يم رنـــه طول فترة امتحاناتها ماگدرت اروحن واشوفها امي ماخلتني، وحتى لو گلت الواحد من اخواني ياخذوني من ارد انكتل .
عرس سلطان ماضلاله غير يومين وحتى حنه ماخلوهم يسوون اثنينهم لا رغد ولا سلطان حرموهم من كلشي وصبروا إليوم العريس.
رغد:: ما گدرت اصبر اكثر گبل العرس بيوم رحت للمشتمل دكيت الباب فتحه إليّ مستغرب لان حتى جوري يمنه بالبيت ميلت راسي عيوني مدمعه
-اريدن احجي وياك.
طب بدون مايرد عليَّّ مشه للغرفة ومشيت وراه وكفت يم الباب اعصر اصابعي بحيره وهوه يدور على باكيت الجكاير حجيت بصوت مخنوك
-صــيهد.
ما دار عليَّ جرن دموعي هوه انه صارلي اشهر ما معتذره منه لا يتجاهلني هيج ويقهرني، شعل جكارته ودار وجهه عليَّ مضيك عيونه مسحت دموعي اعاين لوجهه
-انا اعتذر، ادري السويته شكد قهرك بس والله العظيم مو بأيدي ولا جنت ناويه اقلل منك واخليك بهيج موقف
دنك يجر نفس من الجكاره زفر الدخان وشال راسه مضيك عيونه
-چم غلطه اعديلج!
سكتت مدنگه گال
-من الاول لو جايتني وحاجيه چا ما خليت بشر يكسر گلبج
شلت راسي اله ابجي
-خفت!
ابوي وجدي چانوا يهددوني بيك وانه جنت صغيره وما اشوفنك اخو گد ما أشوفك جلاد وكل هذا بسببهم اذا اتنفس صاحوا صــيهد يذبحج، اي شي نسويه گالوا نحجي الصيهد ويذبحج، همه خوفوني منك من وانه طفله وانتَ وعصبيتك خلوني اصدك حچيهم وامشي وراهم للموت المهم ما يحجولك وتذبحني.
مو ذنبي وغلات امي مو ذنبي وروح ابني مو ذنبي.
مد ايده جرني من ايدي الصدره شبگته ابچي بصوت وحرگه
صــيهد:: انا روحـــي تروح لو بچت وحده منجن تسودنتن ياهي الگامت وصاحت تذبحني تردن تمووتني اشايفاتني انتن؟
وانه اشهك بحضنه جنت اتمنى اسمع منه حچايه حلوه وابد ما تخيلت يجي يوم وصيهد يخليني على صدره ابجي يمه ويواسيني بحب مو بعصبيّة وصياح.
وخرني من صدره يمسح عيوني بين اصابعه
صــيهد:: الله يسعدج ويهنيج.
-ما زعلان من عدي؟
هز راسه لا باسني براسي
صــيهد:: چنت ناوي من الاول اطيج السلطان بس ردت حل ما يخليج تنقهرين وتتأذين، انتِ اختاريتي الطريق الاسهل وهاي هيه اتمنى ما تتندمين لان ساعتها أموته لسلطان.
-ما اتندم والله.
-ان شاءالله، يله روحـــي نامي مو باجر عرسج.
ابتسمت اهز راسي اي حط ايده على راسي مبتسم عفته ورحت گـــلبي مرتاح من حاجيته، نمت وما مصدكه باجر عرسنا، من كعدتني مــاسه كتلها
-شكو؟
اريد اتأكد اليوم صدك عرسي گالت
مــاسه:: يله خل نروح للصالون.
گمت وياها بيتنا مخبوص ندى وبدور اكثر اثنين تعبن، جــويريه راحت الامتحانها وهي تغم بيه من السادس حتى تربية ماضلت عدها البنيه ياهو التكضه تغمه.
اخذنا مــيثم للصالون گد ما انه قلقه ومرتبكه حتى ماسه ارتبكت وياي للظهر دك تلفونها مــيثم گالها
-سلطان يريد يحاجي مرته.
اخذت التلفون منها الابتسامه شاكّه حلكي
-الو.
سلطان:: رغدي.
-هههه شلونك زوجي.
-خابرتج حتى اتأكد صدك اليوم عرسنا أنا وياج -ههههه.
ضحكت عيوني مدمعه وام الصالون تريد تنجلط من ورااي گتله
-خلي يكملون مكياجي.
-يله نمرشتي روحـــي ان شاءالله ماضل شي ونلتقي.
سديت الخط مغمضه عيوني البنيه تمكيجني وانه كل شوي ابتسم وحدي وماسه تضحك، وكفتني گدام المرايه، اعاين لروحي احس اشوف نظرات سلطان بعيوني شلون راح يشوفني وشراح يسوي، وكفتني مــاسه تصورني والبنات البالصالون صورنه انه وياها، دك گـــلبي حيل من اجوا
مجلبه بأيد مــاسه ارجف عبالك هي الچبيره وانه الصغيرة، طب سلطان شلت راسي اعايلنه مبتسمه وعيوني متروسه دموعي تقرب يمي يبوس راسي ويردد بصوت مخنوگ
سلطان:: الف الحمد والشكر لك يا ربي، رغد
عاين لعيوني ما مصدك عيونه تلمع بيهن الدمعه گد ما گبل بعدونا عن بعض ما مصدكين هاليوم عرسنا، طب وهـــب گبل نتر عليه
وهـــب:: شيل ايدك عن اختي، شني هالمسلته هاي ياهو الاجه وحط أيده على اخواتي.
ضحك سلطان اخذ البشت من ايد وهـــب غطاني بيه وطلعنه للسيارة كهلان اللي يسوق ومحد بالصدر، مشغل مواليد ومعليهن حيل، فرحان بسلطان لان هو أول شاهد على حبنا، وگبل لا نوصل القرية نصاهن گال
طــروادة:: بالمبارك خوية الله يسعدكم ويهنيكم.
-رحم الله والديك يوم الالك ونوكفلك بعرسك.
سلطان::. والله اكطعلك الشارع.
ضحكوا اثنينهم لمن وصلنه للقرية وكبل لا ينزلوني نزلوا الولد يهوسون ولدنا وصحبانهم وضلوا يصيحون على سلطان يردونه وياهم استحى نزل، وكهلان طبب السياره لحوشنه حتى ينزلني فشلانه شلون انزل وحدي النسوان طلعن يتلكني واحس بواحد فتح الباب شلت رأسيّ صــيهد مدلي ايده ابتسمتله نزلت وايدي بأيده طببني للهول وسط هلاهل النسوان وخالاتي كعدت وهوه طلع، وابوي بساع دك باب الهول وحجه بصوت عالي
وليد:: عمي لحد تهلهل وتركص شني شعدنا.
درت عيوني الامي هزت راسها بحسره ميخالف، سكتت
واجت يمي عفراء سلمت علي وانه اسألها على رنـــه
-خيه باجر امتحانها
-ليمت تكضي؟
-اول يوم رمضان.
-وجوري وراها.
-الله يسهللهن يا رب.
نزلت جــويريه شويه ضلت ويانه وصعدت، اعاين للنسوان يتهامسن يحجن ليش ميلاد ما حاضره العرس وسعاد تكلهن ما راضيه جا هيه ولا ترضى، اسمع وساكته، وريمه گد ما انقهرت مشت شغلت المسجل وركصت هيه وخالاتي بعناد سعاد، اجت يمي تعبانه من الركص باستني تهمس
ريـــمه :: اركصلج بعد لو كافي.
-هههههه بكيفج شگد ما تركصين اردهن بعرسج.
-جا خل اركص بعد حتى اخليج بعرسي تركصين للصبح.
ضحكت جرت ندى للنصّ اثنينهن يركصن، لمن جده كامت طفت المسجل خازرتهن وتگل. للنسوان
-وكت اذان
سمعت الولد صاحوا عليهم تسترن وطب سلطان مبدل لابس دشداشة بيضه و جفيه ابيض واسود وبشت اسود، السبحه بأيده أبتسمت كعد يمي وماسه صورتنا جر ريـــمه وهاجر صورنه وياهن، وامي رادت تحاجيه كام من مچانه حط مخده وكعد يم عربانتها وهي تحذره
-الا رغده حطها بعيونك عزيزة عيوني هيه.
سلطان:: احطها بروحي عمه لا توصين عليها .
سعاد:: كون تروح تراضي امك وتجيبها للعرس.
كام سلطان التفت عليَّ مبتسم ما مهتم لحچي سعاد وكفت باسني وطلع.
النسوان وره العشا ياهي اليودي عليها رجلها تطلع وجوه عبايتها علاكه لو جدر ماخذه بيه عشه، وبس كضن وضلن الگرايب طب جدي عاينلي بغضب وجده تسكت بيه ماتريده يحجي گالها
-يله خل تولي لبيت رجلها ما اريدن اشوفنها.
كومتني ريـــمه تغطيني واجه سلطان طلعت وياه بالسيارة المشتمل مالتنه گبال بيت عمي خليل، وفر عليه حوش خلاه ضمن حوش بيوت اهالينه، طبينه للبيت گـــلبي يدك حييل البنات وياي ريـــمه وماسه وندى وعفراء وريمه تريد تركص بعد والبنات يكضن بيها
عــفراء:: كافي ولج ماضل بيج حيل.
ريـــمه :: خلني فرحانه.
ضحكن البنات وياها، اجه وهـــب صاح الندى وماسه يسون الچاي لان شيوخ راح تضل كاعده بالديوان سيد عباس وشيخ حيدر ووادم هواي ما راحوا مشن البنات كلهن ضليت وحدي وكفت اعاين للغرفة مبتسمه شويه واندك الباب فتحه عاينلي يضحك زفر نفس براحة طب وفاتحلي اديه. مشيت بساع لمني وياه بالبشت رفعني من الگاع
سلطان:: يابعد روحـــي .
وانه شابگته حيل وماكدرت اضمن دموعي اكثر بچيت بفرح بجيت ما مصدكه روحـــي هذا حبيبي هذا عشگي وروحي اخيراً اليوم خلص كلشي وصار الي.
نزلني من حضنه يبوس وجهي
سلطان:: بله گولي عشگي.
ضحكت كاضه بأيده واعين لعيونه
-عشگي.
وبمجرد حجيتها جرني عليه يبوسني بشفتي شهگت جسمي يرجف، بوسته حب وشوگ وصبر مليانه مشاعر ولهفه، نزلن دموعي گوه اجر النفس سند راسه على راسي يحجي بصوت مخنوگ
سلطان:: اموتن عليج رغدي نمرشتي البيضه اموتن عليج.
وخرت من بين أديه اعاين للمرايه، وهوه نزع عگاله والبشت ضل بس بالدشداشة مسحت الحمره گال.
-ذبيها بدلتج حاره، حتى تتوضين ونصلي.
دكوا باب المشتمل بس طلع قفلت الباب انتَ لوتي غير ابدل وحدي، بالالف ياعلي گدرت انزعها لبست دشداشه عاديه واخذت الروب بأيدي فتحت الباب لكيته بالمطبخ ياكل ضحك من شافني
سلطان:: والله جوعان.
-والله مايصير هيج تاكل بالسكته.
-يله اسبحي تطلعين تلكيني مخلص الصينية.
-يصير نتعشا هسه وبعدين نصلي؟
-ااي تعاي.
شال الصينية يضحك، تربعنا بالگاع نتعشه شفته ياكل سريع انه هم اكلت بساع گال
-شو تاكلين سريع ما تستحين من عدي.
-مو شفتك انتَ هم تاكل بساع خفت لا تخلص العشه گبل لا اشبع.
ضحك يسويلي لفات
-اكلي يابعد روحـــي .
ضحكنا كملنه العشه سبحت وصلينه سوه ضل على السجاده يدعي وانه لفيت سجادتي ووگفت
-يله اكضي صلاة وروح.
كح وهو يدعي مسح وجهه يعاينلي
سلطان:: وين اروحن.
-للديوان مو شيوخ كاعده وانتَ يمي زحمه.
-خيولون.
وكف يريد يجي يمي دفعته اضــحك
-روح سلطان والله عيب.
مسح وجهه يستغفر يريد يخزرني وما يگدر بساع يضحك بدلّ وراح، بس طلع اجتني ريـــمه جايبتلي صحن من أكل العرس
ريـــمه :: طبيت للمشتمل مختله الصحن وهي بس شافتني ضحكت گالت
- تعشيت بس ولا اردج.
ريـــمه :: ضحكت وكعدنا بالمطبخ تعيشنا سوه گالت
-ريـــمه امج خوما تحاجيج من تردين لبيتكم؟
ضحكت عكس البداخلي وانه اكلها
-لا شسالفه عليمن تحاجيني غير اخوي وفرحانتله مالها غرض بيه.
ضليت يمها شويه وطلعت سجاد متانيني بالباب وصلني لبيتنا ورد وي الزلم بالديوان، طبيت لبيتنا اظلم اسمع امي بغرفتها، صعدت فوك هاجر ردت گبلي، ردت اطب يمها بس گـــلبي يوجعني على الاء مدري شبيه، رحت الغرفتها دكيت الباب ردت بصوت مبحوح من البجي
الاء:: تعاي.
فتحت الباب اعاينلها عيونها مورمه گد ما باجيه حجت وغاصه بالحجايه
-ليش ما ساعدتيني ريـــمه ليش خليتيه يتزوج.
سكتت اسمعلها وهي تبجي بقهر
-الاء انتِ تگدرين تتغيرين عوفي كلشي بظهرج اكسري رقمج وسلطان يجيبلج جديد، ديربالج على ابنج واهتمي بروحج وغرفتج. ونظافتكم والله سلطان ما يظلمج ومتأكده راح يعدل بينج وبينها، الاء عاينــي انه ما راح أحجي شي لسلطان على الولد الاسمه احمد بس اريدن كون ما تعيدينها.
وهي مدنگه تبجي اطراف اصابعها ترجف هزت راسها اي گالت
الاء:: ما اريدن شي حتى سلطان ما اريدنه بعد عدي غيث يسوه الدنيآ كلها كلشي ما اريدن غيره.
-الله يحفظه ويخليه الج، محتاجه شي اجيبلج عشه؟
هزت راسها لا تمسح دموعها گالت بصوت مخنوك
الاء:: بس جيبيلي غيث راح يم هاجر.
هزيت راسي خوش وطلعت مشيت الغرفتنا فتحت باب الغرفة مالگيت لا هاجر ولا غيث نزلت جوه فتحت غرفة امي وفزيت من لمحت شكلها ملامحها جانت تخوف وانه ارمش سريع اريدن صورتها ترجع بدون هالملامح سدت الباب بوجهي جسمي مقشعر دكيت الباب احجي
-هاجر يمج.
-لااا ولي مناه.
مشيت افتر بالبيت ادور وماكو لبست عبايتي وطلعت للحوش اريدن اروح لبيت عمي وليد خاف ردت يمهم، واسمع صوت ونين تلفتت ومشيت بساع بصف الدواينيه من يم السياج اظلم المجان واسمع واحد يون لمن تدنيت يمها وشهگت اصيح
-هاااجر هااجر يمه .
جريتها من الگاع كعدتها وهيه صرخت بصوت صدمتني بمنظرها وبصوتها وانه بكل حيلي جريتها اريد اخذها للضوه واشوفن شبيها كعدنه بالحوش يم الحوض اجر ببها لگلبي ارجف
-هااجر شبيج هاجر عاينيلي.
وهيه مثل السعفه ترجف بأيدي صيحت متسودنه اجتني فرح تركض، غسلت وجها وياي وطلعت امي تصيح
-شني شبيها.
صرخت هاجر بصوت تدفعني وخرت من عدي ترجف وكفت تمشي وتبچي مرعوبه تريد تصعد فوك وانه امشي وراها ارجف طبت للغرفة سدت الباب بوجهي ، وطلعت الاء من غرفتها گوه تحجي
ندى:: استغربت كعدت الشيوخ وليش وره العرس ضلوا ما راحوا بس اجه وهـــب جلبت بسه
-وهـــب ماكو شي؟
وهـــب:: طفيت الجكاره اهز أيدي شدراني شكو، المهم جدي وولده جارين بوش محد منهم فاهم ليش وره العرس ضلوا كاعدين، اطيناهم الماي وچاي وسليم وبريا التهوا بالگهوه، كعدنه وهمه يسولفون گال شيخ حيدر
-كهلان ماكو؟
سكتنا كلنه لان ندري بيه مايريد يدخل ديوان جدي گاله
شعلان:: تعب من العرس وراح يرتاح
شيخ حيدر:: صــيهد بلغه اريدنه خل يجي
شعلان:: چن شوفتنه ما تكفيك؟
سيد عباس:: لا ابو وليد بس شيخ حيدر تدري بيه يعد كهلان واحد من ولده انا من حجالي على صحبته وي شامل الله يرحمه عذرته وگلت حگه مفضل كهلان على الوادم كلها.
وهـــب:: طلعت وره صــيهد نخابر كهلان يگللنه انا مو هناه رحت
صــيهد:: لا تخليني اتسودن وين انتَ تعال
طــروادة:: ما اطبن ديوان جدك.
صــيهد:: خرب جدك تجي لو اكله ما يرضى يجيك.
تعاركوا وانا ساعة مأيد حجي هذا ساعة مأيد حجي هذا ربع ساعة واجه صفيت وي صــيهد ادفعه
-عاين شلون يمشي يريد يغثك.
-انچب.
وخرت من يمه اهز ايدي هوه هم مو صوجك لمن وصل يمنه طــروادة چلبت بسبحته اريده يبدل وياي ما رضى، طب للديوان سلم وانه بصفه عاينلي يهمس
طــروادة:: وخر عني جنك شاكر.
مشه كعد بصف صــيهد گبالي، اجوا بريا وسليم يمي، الوادم تسولف واحنا مغضوب علينه لو نتحمحم صــيهد يخزرنه، همس ســليم
ســليم:: انا چم مره كتلكم لا تكعدونه گبال هذا خليفة شعلان.
بريا:: ترى انتَ هم خليفة شعلان بس شوية محدث بيك مجال.
وهـــب:: ضحكت خنك وبس شلت راسي لكيتهم اثنينهم خازرينا صــيهد وطرواده درت وجهي منهم اركز وي سوالف الوادم وچذب جدي وهو يمدحنه لمن وصلوا العرس سلطان يحجون بيه ويمدحون بالطبخ والوادم ، وشيخ حيدر عاين الطرواده گاله
شيخ حيدر:: وانتَ كهلان ليمت ناوي تعرس؟
ضحك طــروادة وكلها تعاينله گاله
طــروادة:: بعد وكت الله كريم.
شعلان:: ازوجنه من يكضي كليه بعده يدرس هوه.
سيد عباس:: يدرس وفلاح وابو مسوؤليه سبع كهلان، اذا تزوج هسه لو بعدين ما ينخاف عليه.
شيخ حيدر:: ولهذا السبب بحضور هاي الوادم كلها كهلان بويه انا منطيك مره وعرسك من أوله الاخره عليَّ.
وهـــب:: صدم الكل بحچايته واحد يعاين بوجهه الثاني مصدومين وطرواده يعاينله مبتسم مايدري بيش يرد عليه بس متأكد منه ما راح يرده.
جدي وعمي شاكر وأبوي انصدموا واحد يخزر الثاني لان يعارفون لو كهلان ناسب شيخ حيدر بعد ما يگدرون يفكون حلكهم وياه ..
شكرا لزيارتكم عالم روايات سكيرهوم
