 |
رواية من القاتل الفصل الخامس بقلم يارا البرعي
*رجعت بسمه الي المنزل وعندما دخلت الي المنزل تفاجأت بـ فرح اختها تجلس علي بجانب والدها وتبكي .*
بسمه بصدمه / في اي يـ فرح .. ماله بابا ؟!.
فرح ببكاء / مش عارفه يا بسمه .. قبل ما تيجي بـ خمس دقايق بابا صحي وكان تعبان ومرضاش ياخد الدوا ولما جيت اديهوله رفض ومن بعدها وهو قاعد علي الحال ده .. وانا مش عارفه اتصرف .
بسمه بدموع/ بابا .. بابا انت كويس .. حاسس بـ اي طيب .
نادر بصوت متقطع/ شـ.. شهـ ..شهد .. ها.. هاتولي ... بنتي .
بسمه ببكاء / يا بابا شهد الله يرحمها خلاص ادعيلها بالرحمه .. وبالله عليك خد الدوا مينفعش كده هتتعب اكتر .
فرح / انا هتصل بالدكتور .
بسمه بخوف/ بسرعه يا فرح .. بابا بالله عليك خد الدوا .
*_اعطت بسمه العلاج لـ والدها رغماً عنه وهدي قليلا وآتي الدكتور بعد حوالي ربع ساعه وقام بـ فحص نادر ._*
الدكتور / بعد اذنك يا انسه بسمه عاوز اقولك حاجه .
بسمه / حاضر يدكتور.. خليكي مع بابا يا فرح .
*_خرجت بسمه مع الدكتور في الصالون'._*
بسمه بقلق / في اي يا دكتور .. طمني .
الدكتور / للاسف يا انسه بسمه باباكي الفتره دي تعبان نفسيا جدا وده هيأثر عليه وعلي المرض اللي عندوا ... وفاه بنتوا هو اللي مخليه فـ الحال ده ومش متقبل فكرة أنها اتوفت .. انتي لازم يا انسه بسمه تخرجيه من الحاله اللي هو فيها دي ف اسرع وقت .. ومتنسيش أنه مريض قلب يعني اي ضغط أو زعل زايد ممكن يأثر علي صحته .
بسمه بخوف / ايوه يا دكتور بس ازاي هنقدر نخرج بابا من الحالة دي .. شهد لسه متوفيه امبارح وكلنا فـ نفس الحاله !.
الدكتور / للاسف هو معاه الحاله اسوأ .. ده مريض قلب يعني الزعل ده كله مش حلو علشانوا .. حاولوا تخرجوه ف الزعل ده كله فـ اسرع وقت .
بسمه بخوف و حزن / حاضر يـ دكتور .
الدكتور / ولو في حاجه اتصلوا بيا .
بسمه / تمام يا دكتور شكرا .
الدكتور / عن اذنك .
*_خرج الدكتور من بيت نادر الغندوري وترك بسمه جالسه وهي حزينه وخائفة جدا علي والدها ... دخلت الي غرفة والدها ووجدته نائم وبجانبه فرح وجلست بجانبهم وهي حزينه جدا '._*
___________________________________
*في قصر الدمنهوري في غرفة مراد "*
_كان مراد نائما علي سريره ويتقلب يمينا و يسارا ولا يعرف النوم .. وهو في بسمة._
مراد فـِ داخله / في اي بقي هو الواحد ميعرفش ينام .. انا بفكر في بسمه لي بس دلوقتي .. ياربي.. لي بس بفكر فيها .. مفيش حاجه فـ دماغي غير شكلها وعينها جمالها .. لالا اللي فـ دماغك ده غلط يا مراد .. لازم تنام وطلعها من دماغك .
*_وصلت له رساله في ذلك الوقت علي الهاتف .. فتح الرسالة من الواتساب وكانت من `شاهيناز`._*
*"مضمون الرسالة 💬(عارفة انك زمانك لسه زعلان مني .. بس انا مقدرش علي زعلك يا مراد .. حتي عارفة أن انا غلطانه وعشان كده مش قادره اكلمك ولا اسمعك صوتي .. حاول تسامحني ارجوك .. بحبك يا مراد )"".*
*_قرأ مراد الرساله وهو يفكر في إعطاء شاهيناز فرصة واحدة واخيره .. و اخيره._*
*" " " " " " " " " " " " " " " " " " " "*
*_في غرفة زين |`_*
زين بحزن وهو ينظر لـ صوره شهد / اول يوم يعدي عليا ومن غير ما اكلمك .. لو تعرفي وحشتيني قد ايي!...كل حاجه فيكي وحشتني يا شهد .. ضحكتك ،صوتك ،كلامك ،عصبيتك ، عياطك ، كل حاجه بجد كنتي بتعمليها وحشتني .. ربنا يرحمك يا اجمل حد فـ حياتي .. واوعدك يا شهد حقك هيرجع و البني ادم اللي عمل كده والله لـ يتعاقب .. بحبك يا شهد .
*_نظر لـ صورتها نظره اخيره ووضعها بجانبه .. ودخل في نوم عميق'._*
*_" " " " " " " " " " " " " " " " " " "_*
_مرت الليلة علي الجميع .. وكانت عادية للبعض وحزينة للبعض '_
_في قصر الدمنهوري كان الجميع نائم ومنهم زين .. ورجع عمار الي المنزل في وقت متأخر ودخل الي النوم وقرر الذهاب لإسلام ومعه محامي في الصباح '._
_في بيت نادر الغندوري ظلت فرح نائمة هي و والدها ونامت بسمه بجانبهم وكانت تفكر في اختها شهد وغلبهاا النوم '._
_في بيت شاهيناز ابو حطب .. كانت تجلس علي المهد (السرير) .. وكانت تفكر في الرسالة التي ارسلتها الي مراد وهي متأكده أن مراد سيغفر لها وسيسامحها'_
_في الزنزانة..كان اسلام يجلس علي الارض وهو خائف من مصيره اذ لم يأت له عمار بـ محامي ولكنه قرر أن لم يأت عمار بالمحامي سوف يخبر الظابط بـ كل شيئ._
*_" " " " " " " " " " " " " " " " " " " " " "_*
*_آتي الصباح علي الجميع ._*
_*في بيت نادر الغندوري'*_
*_استيقظت بسمة ووجدت نفسها نائمة بـ جانب والدها واختها .. نهضت بسمة من السرير دخلت الي المطبخ وقامت بـ تحضير الأفطار وبعدها بحوالي ١٠ دقائق استيقظ نادر وفرح ._*
بسمه بخوف / عامل ايه دلوقتي يا بابا .
نادر / الحمدلله يبنتي .
بسمه بمحاوله الابتسامه/ خد يا بابا ده العلاج اللي قبل الاكل .. خدوا وإفطر وبعدها خد العلاج اللي بعد الاكل .
نادر/ حاضر يا بنتي .
بسمه / قومي يا فرح خدي معايا الأكل.
فرح / حاضر .
*_نهضوا الاثنان وقاموا بـتجهيز الفطار .. و فطروا الثلاثه وذهب نادر الي الشركه وذهبت بسمة الي الجامعة وذهبت فرح الي المعهد لـ تتابع دروسها '._*
_______________________________________________
*_في قصر الدمنهوري''._*
_استيقظ زين و مراد وحازم وجلسوا علي السفرة لتناول الإفطار`_
مراد / صباح الخير يا جماعة.
زين وحازم / صباح النور.
مراد / نمت كويس يا زين .
زين / اه يا بابا.
حازم / طب الحمدلله .. هو عمار مجاش البيت لسه ؟!.
مراد باستغراب /ليه هو مجاش معاك امبارح !!.
حازم / لا هو قالي أنه وراه شغل وبعدها عندوا مشوار تقريبا .
_اتت داده سعاد ووضعت باقي الفطار علي السفرة '._
مراد/ هو عمار هنا يا داده ولا مجاش من امبارح ؟!.
داده سعاد/ لا يا مراد يبني عمار بيه فوق بس هو امبارح جه متأخر وطلع علي اوضته علي طول .
مراد / تمام يا داده شكرا .
داده / العفو يـ بني .
*_ذهبت سعاد الي المطبخ._*
مراد / انا هطلع اصحيه.
زين / ليه يعني هو ميعرفش يصحي لوحدوا .
مراد / اسكت انت بس وشوف انت رايح فين .. اه صح ومتنساش تكلم بسمه عشان الشغل.
زين / اه صح فكرتني .. هبقي اكلمها .
حازم باستغراب/ شغل اي ؟!.
*_صعد مراد الي غرفة عمار وشرح زين لـ والده الموضوع؛._*
حازم / والله يا بني فكره كويسة انها تشتغل معانا .
زين / اه فعلا فكرة كويسه .
*_انهي زين فطوره وصعد الي غرفته وقام بـ تبديل ملابسه وركب سيارته وهو متجهه إلي الشركة.''_*
_' ' ' ' ' ' ' ' ' ' ' ' ' ' ' '_
_في غرفة عمار''._
مراد / عمار اصحي يالا .
عمار بنعاس / ايه يـ مراد في اي .. الساعه كام للهليله اللي انت عاملها دي !.
مراد / قوم الساعه ٨ ونص .
عمار بـ فزعه وهو يتذكر اسلام / ايه يا نهار اسود .
مراد بـ شك/ انت وراك حاجه ولا اي .
عمار / لالا هيكون ورايا ايي .
مراد / انت عرفت انهم قبضوا علي اسلام صاحبك .
عمار بـ توتر / اه طبعا عرفت .
مراد / وناوي تساعده ولا تسيبه ؟!.
عمار / والله يا مراد انا هشوفلوا محامي وهو بقي اللي يقول إذا كان مظلوم ولا هو اللي عملها فعلا .
مراد / طيب يا مراد .. انا هنزل دلوقتي و اروح الشركه وياريت لو وصلت لـ جديد تكلمني .
عمار بخوف / اه .. اكيد طبعا .
*_خرج مراد من غرفة عمار وهو بدأ أن يشك فيه أكثر وقرر أن يظل يراقبه حتي يصل الي الحقيقة'._*
_اتصل عمار بـ ريهام ._
عمار بغضب / انتي فين من يوم اول امبارح يا ريهام .. تلفونك مقفول ومحدش عارف يوصلك .
ريهام بنعاس / ايه يا عمار حد يصحي بدري كده .
عمار / انتي فين .
ريهام / انا فـ المنصوره عن قرايب ماما كام يوم وهرجع.
عمار / مفيش كام يوم .. انتي لازم ترجعي انهارده .. اسلام اتقبض عليه .
ريهام بصدمه / اييه !.. امتي حصل الكلام ده .
عمار / ما انتي لو فاتحه تلفونك كنتي عرفتي .. اتقبض عليه امبارح بتهمه قتل شهد .
ريهام بخوف / انا هاجي انهارده ونشوف حل .. طب انت شوفت محامي كويس ؟.
عمار / ايوا وهروحلوا انهارده علي الضهر كده .
ريهام / طيب انا قبل كده هكون وصلت أن شاء الله.
عمار / طيب .. سلام بقي دلوقتي .
*_اغلق عمار معها الخط وهو خائف من شيئ ما ؟!... فـ ما هو؟!._*
*ارتدي ملابسه واتصل بالمحامي واتجهه الي الشركةة.*
*" " " " " " " " " " " " " " " "*
_كان زين يقود السياره ومتجهه الي الشركه واتصل بـ بسمة لـ يخبرها بالشغل.'''_
زين / الو .. ازيك يا بسمة .. صباح الخير .
بسمه / الحمدلله يا زين .. صباح النور .. انت ازيك ؟!.
زين / انا تمام الحمدلله .. بقولك .
بسمه / نعم ؟!.
زين / انا لقيتلك شغل زي ما اتفقنا .
بسمه بفرح/ بجد .. الف شكر يا زين بجد .. طب ايه التفاصيل .
زين / العفو بس علي اي انتي اختي يا بسمة .. بصي بقي بعد ما تخلصي جامعتك تيجي عندنا الشركة وتروحي تقابلي مراد وهو هيفهمك علي كل حاجه .
بسمه / تمام يا زين بجد مش عارفه اشكرك ازاي بجد .
زين بابتسامه / علي ايه بس يا بسمة متقوليش كده .. يالا روحي بقي شوفي اللي وراكي .. عاوزه حاجه .
بسمه / لا عاوزه سلامتك .
*_اغلق زين معها الخط واتجه الي الشركه'_*
__________________________________
*_في الجامعة عند بسمة ''._*
_كانت تجلس بسمة في كافيتريا الجامعه وتفكر '._
بسمه مع نفسها بـ بعض السعادة / يعني انا هشتغل مع مراد في الشركة .. لا وهو اللي هقابله كمان ... يا سلااااااااام ... بس ايه الفرحه اللي انا فيها دي يعني .. عادي يعني بصراحة حاسه ان انا تقريبا كده معجبة بيه ... او بحبوا .. معقول فعلا .. حتي لو الكلام ده صح ..هو مستحيل يبصلي اصلا .. مراد حواليه بنات كتير اويي واكيد مش انا اللي هلفت نظروا يعني ... بس كفاية اوي اني هكون جنبوا فـ الشركة ويمكن يحصل حاجه .. مفيش حاجه بعيد عن ربنا .
*_انهت تلك الأفكار التي تدور في رأسها ودخلت الي المدرج لـ تتابع محاضرتها "._*
______________________________________
*_في بيت شاهيناز ابو حطب ''._*
شاهيناز / انا هنزل يا مامي.
والده شاهيناز (احلام)/ ماشي يا روح مامي .. استناكي علي الغدا ؟!.
شاهيناز/ لا يا مامي والله ما عارفة بي هتصل بيكي واقولك .
احلام / ماشي يا روحي .. خلي بالك علي نفسك .
شاهيناز / حاضر يا مامي .. باي .
احلام / باي .
" " " " " " " " " " " " " " " "
*_احلام رأفت "..هي والدة شاهيناز..سيده اعمال معروفة ولكن ثروتها ليست كبيره مثل ثروة عائله الدمنهوري..احلام تبلغ من العمر ٦٥ عام ..ولكنها تهتم بشكلها دائما وكأنها فـِ العشرين من عمرها .. تحب دائما ارتداء الملابس القصيرة و اللبس الشبابي عموما .. وهي مغرورة قليلا وتحب أن تسعد ابنتها الوحيده شاهيناز بـ اي ثمن حتي لو علي حساب الاخرون '_*
*_احلام وشاهيناز عايشين لوحدهم و والد شاهيناز مسافر خارج البلد •_*
" " " " " " " " " " " " " " " "
*خرجت شاهيناز من المنزل وذهبت الي النادي لـ مقابلة اصدقائها وقررت بعدها الذهاب لـ مراد الشركة وتضعه أمام الأمر الواقع''.*
_____________________________________________
*_في النادي""._*
شاهيناز / هاي يا شباب .
شادي / هاي يا روحي .. حمدالله علي السلامه .
عمر / متاخرتيش يعني ؟!.
هايدي / اه صح يا شاهي مش عواديك تيجي فالمعاد .
شاهيناز / اصل ناويه اروح لـ مراد الشركه فـ قولت اقعد معاكوا قبل ما اروح لـ مراد .
شادي باستغراب / هتروحي ايه دد هو مش انتي روحتي البيت عندوا وعزيتيه وبعتيله المسدج امبارح زي ما اتفقنا .. رايحه لي تاني انهارده .
شاهيناز/ فكرة كده جت ف دماغي وهتجيب نتيجه .
عمر باستغراب / فكره اي ؟!.
شاهيناز / لما ارجع هبقي اقلكم .. هنتقابل هنا تاني بعد ما اخلص .
هايدي / تمام ماشي .
*_ظلوا الأربعة يتحدثون معا لـ وقت طويل ''._*
_____________________________________
_بعد حوالي ٤ ساعات'._
*في الزنزانه ||.*
اسلام / عمار لـحد دلوقتي مجاش وانا مش هفضل ساكت اكتر من كده .. انا هروح واقول للـظابط علي اللي عندي .. انا حظرت عمار بس هو اللي مهموش.
*_طلب اسلام من العسكري أن يقابل الظابط .. واخذه العسكري الي الظابط_*
الظابط / خير يا اسلام .
اسلام / يا فندم انا عاوز اقول حاجه مهمه .
الظابط / خير ؟!.
اسلام / بصراحة أنااا...
*_طرق الباب في تلك اللحظه ودخل عمار ومعه المحامي ''._*
عمار / انا جيت يا فندم ومعايا محامي لـ اسلام .
الظابط / تمام اتفضل .
المحامي (حسن)/ موكلي يا فندم مفيش اي دليل علي إدانته .
الظابط / طب انا عاوز دليل واحد يثبت أنه بريئ من العامله دي .
المحامي/ يا فندم انا موكلي مش معني أنه راح متخفي علي البيت يبقي هو اللي عملها .. وكمان يا فندم اسلام وعمار متعودين أنهم يتقابلوا ف البيت من غير ما حد ياخد باله ويمكن ف الوقت اللي هما كانوا بيتغدوا فيه ده اسلام كان في الحمام أو ف اي مكان تاني ف القصر عشان كده محدش شافوا .. وغير كده يا فندم ..اسلام ميعرفش شهد اصلا يا فندم ف اي اللي يخليه يقتلها أو يحطلها السم فـ الاكل ؟!.. لو سمحت يا فندم تدور علي المتهم الحقيقي وتفرج عن موكلي بـ كفاله ماليه والبحث عن المجرم الحقيقي .
الظابط / اكتب يبني .. يفرج عن المتهم اسلام المنشاوي بـ كفاله ماليه وقدرها ٢٠ الف جنيه وبـ ضمان محل إقامته .
*_كتب الظابط المحضر وخرج اسلام من القسم هو وعمار بعد أن دفعوا الكفاله وذهبوا الي الكافيه لان كانت ريهام تنتظرهم '._*
__________________________________
*_في شركة الدمنهوري.. كان مراد يجلس في مكتبه وهو ينهي بعض الاشغال وينتظر بسمة ولكن تفاجأ بـ......_*
