رواية اغفري لي الفصل الرابع بقلم أوتار حزينة
ليلى
تمشيت بالكراج ،،،،،رحت للمطبخ
ماما ماكو بس سمعت
صوتها بالصاله
مشيت كم خطوه وكفت من سمعتها
كالت
«،،،هي الكم ماتصير لغيركم
طبيت شافتني ترخصت وسدت الخط
سالت
«،،،هاي منو
كامت وكالت بارتباك
«،،،هاي ام ياسر
«،،،اي وشتريد ام ياسر
ترددت للحظه بعدين جاوبتني
«،،،تريدج لابنها
ذبيت جنطتي وكلت
«،،،،ارفضي
«،،،ليش ماما الولد خوش ولد ونقيب بالجيش
«،،،مااريده ولا اريد ازوج
«،،،ليلى بنتي فكري زين الولد رايدج وميت عليج
من شافج وياي وهو يحجي بيج وكال
شتريد اني حاضر بس خلي
ادكول اي
«،،ماما كتلج مااريد ازوج وتعرفين بيه كلش
زين اتخبل من اجبين هالسالفه
«،،،ليش بنتي قاابل انتي اول وحده تخرب
قسمتها
مارديت مشيت وكفت كدامي وكملت بتوسل
«،،،،،بنتي اقبلي بي وفرحي گلبي اريد اشوفج
عروس وافرح بيج اريد اشوف جهالج قبل
لااموت
«،،،كااافي ماما كافي تره مليت من هالسالفه
الي اسمعها منج كل فترة
بابا طب سمعني سال
«،،،خير بابا ليش صوتج طالع على امج
«،،ماكو شي فاروق
اجه ليمي كال
«،،،شنو ماكو شي واني سمعتها تصيح عليج
ماحجت شي،،،، شلت جنطتي ومشيت للدرج صعدت،،،لفوك طبيت لغرفتي شمرتها على الجربايه
كعدت ضايجه من هالسالفه وره مشوار
اجوي من شفتهم نزلت راسي اجت
كعدت يمي وكالت
«،،،لاتقهرين روحج الي تريدي يصير
سمعت بابا ذب حسره اجه كعد يمي من
الجهه الثانيه كال بحنيه
«،،،،بنتي لاتضوجين ماتريدين الولد نرفضه
اني اهم شي عندي راحتج ومااريدج تنقهري
او ضوجين من اي شي
«،،،بابا ااني ماريد ازوج الله يخليكم لاحد يضغط
عليه خلوني يمكم اني ماراح الكه احد بحنيتكم
ولا راح ارتاح غير بس بحظنك انت
وماما
سكت للحظه بعدين
كال بصوت متغير
«،،،،واني هم مااكدر بلياج والي تريدي اسوي الج
باوع لماما وكمل
«،،،ندى بعد اي واحد يحجي وياج
على ليلى سدي الموضوع من يمج ولاتسمعيها مااريدها تنغث ولا تقهر روحها كاافي
سكت ماكمل رددد اكثر من مرة
«،،،استغفر الله يااربي
«،،،هاهيه فاروق بعد مااحجي وياها بهل السالفه
اني هم مايهون عليه ازعلها مني
حجت وكملت
«،،،كومي غسلي وجهج وانزلي تغدي وي ابوج
«،،،مالي نفس
«،،،لا بابا ازعل عليج بله اني اظل لحد هالساعه
جوعان حتى اجي اكل وياج وانتي
تضربيني بوري وماتتغدين
ويايه
مارديت كمل من كام هو وماما
«،،،كومي ست الكل تره مااتغده وتظل خطيتي
بركبتج
«،،،،هسه اجي بابا
«،،،يله علمود انام ساعه وراها نطلع اني وياج
وماما نروح نزور الكاظم نتعشه هناك
ونرجع
اخذ ماما وطلعو من يمي بهل السنين اجوني
هوايه بس جنت ارفضهم الجرح الي
خلاه قائد بگلبي جان جبير
وخلاني افقد الثقه
بشي اسمه حب
او اثق بعد
برجل
قائد
وصلنا مطار بغداد نفس المكان الي هجيت منا
ورحت لتركيا ومناك بدت رحلتي الي
فرتني الدنيا خمس سنين
ورجعتني لنفس المكان
«،،،قائد اخذ الجنطه
اخذتها من حسين سالته
«،،،منو راح ياخذنا
«،،،ابن شريك عمي اسمه انس انطاني رقمه
بس خلي اخذ سيم كارت اسيا واخابره
«،،،تمام
كمل كلشي وخابره الولد جان بره وينتضرنا
مشينا للمكان الكال علي حسين شفنا ولد ضعيف لابس مناظر ياشر النا
«،،،ذاك شوفه ابو الازرك
«،،،اي شفته
اجه بسرعه علينا سلم مبتسم وكال
«،،،الحمد لله على السلامه
«،،،الله يسلمك
«،،،اكيد تعبتو من الرحله
«،،،اي والله وتكسرنا تكسر
حسين جاوب وسأله
«،،،عندك سياره مو
ا«،،،ي لعد شلون تعالو ورايه سيارتي بره
مشينا ويا كل واحد شايل جنطه وحده
لان ماجبنا شغلات جثيره ويانا كلنا نشتري منا
جانت سيارته حديثه جكسارة صعدت ليوره
حتى اخذ راحتي وحسين يمه الولد
كال
«،،،ابويه كال خلي اليوم يرتاحون وباجر
عازمكم على الغده
«،،،اي والله لان نريد نسبح ونام
«،،،جبتلكم عشه وياي لان الساعه متاخره كلش
انتو وصلتو متاخرين وكلت اكيد
جعتو هسه
حسين شم بنفس طويل وكله مبتسم
«،،،كباب مو
«،،،اي اكيد مشتاقين لكباب العراق
حسين دحك للشوارع ورد مبتسم
«،،،والله اشتاگينا لكلشي بيها
«،،هلا بيكم بغداد واي شي تحتاجو اني حاضر
وموجود بالخدمه
تسلم ماتقصر
جان الحوار بينهم اني ماادخلت سأل
من دحك عليه بالمرايه
«،،انت قائد
«،،اي
«،،،كالو عليك فني تحفه وتفصخ اكبر مكينه
وتشدها بلحظه
«،،،ههه ويصنعلك وحده اذا تريد
«،،،يعرف بالسيارات
اي ويعجبك بيهن
دحك عليه باعجاب رد
«،،،بس،،،عبالك الاخ مايحجي هوايه
«،،بهاي هم اي هو حجيه قليل كلش هههه ناقوط
حب وتسحب الكلمه منه سحب
«،،،ههه كاعد اشوف هالشي مو اجتماعي الاخ
بگلبي كلت
«،،،شوكت نوصل للمكان حتى اخلص من لغوته
«،،بغداد متغيره وصايره حلوة كلش
«،،،عبالك صارلكم فتره طويله مو جايين الها
رد على حسين الي جاوبه
«،،،صارلنا خمس سنين مو شايفيها
«،،،والله فتره طويله زين انت اهلك هنا مو
«،،ابويه وامي ميتين بس عندي اخت جانت
بعقوبه ساكنه وهسه گاعده بتركيا
«،،،ها الله يرحمهم والاخ
سال عني هو رد
«،،،اهله هم بعقوبه
«،،،اذا تريدون تروحون الهم اني حاضر اوديكم
عليهم
«،،،لااااا تسلم
جاوبته بحزم صفن عليه حسين رد
«،،،مو هسه نروح نرتاح كم يوم ونروح عليهم
«،،،براحتكم ها صدك الحجي اشترالكم سياره نفس هاي واكفه بكراج بيتكم
گفو،،،،من عمي والله ماقصر ويانا بشي
لا هو ولا انتو
«،،،ادللو انتو والحجي
انتبهت احنا صرنا بساحه بيروت قريب من حي المهندسين الجانت ساكنة بي
سألت
«،،،شنو بيتنا هنا
«،،،،اي بذاك الفرع
وكف يم بيت حلو
من بره ومرتب ومبين عليه محدث جديد نزل
وكال
«،،،تفضلو هذا بيتكم
«،،،والله حلو مو قائد
هزيت راسي لحسين طبينا وره الولد فتح باب
الاستقبال وعلك الاضويه
جان مأثث افترينا بي دلانا على الغراض
كلشي موجود حتى مسواك مسوكين النا كال
«،،،،اترخص هسه ارجع للبيتنا وباجر نلتقي
محتاجين شي
«،،،لا تسلم ماقصرت سلامنا للولد
«،،،يوصل في امان الله
«،،،الله وياك
ليلى
بابا وفى بوعده اليه واشترى اليه السياره
الي ردتها جنت اعرف اسوق وعندي اجازه لان
دخلت دورة تعليم سياقه
ونجحت بيها وهم من جنت اطلع ويا يخليني
اسوق سيارته وعلمني هوايه
شغلات
اخذت غادة،،،،للدوام فرحانه بسيارتي
اكثر مني كالت بفرح
«،،،،الله واخيرا صارت عندج سياره حتى نطلع
براحتنا
«،،،بفلوس عيني لاتفكرين اني راح اخذج بلاش
«،،،ههه ادللي انطيج ربع
«،،،قليله سويها خمسميه
رديت هالرد وسكتت من شفت قائد بين عيوني
جاوبتني
«،،،ههه ادللي انطيج وامري لله
اخذت نفس وذبيته رديت
«،،،خليها مال قوطيه وكيكه
«،،،هم ادللي بس حبابه خلي نطلع اليوم نتعشه
بره اني وياج وخواتي والله
صارلهن فتره يلحن عليه
واني اجل بيهن
«،،،تعرفين بابا مايقبل اطلع لوحدي
«،،،اعرف وراح احجي ويا واقنعه
«،،غدو،،،،شتريدين تخربين عليه الحجي هسه
يكول ها ست الكل بدينا بسوالفج انتي وياها
«،،،اي والله خاف يفشلني خلي اكعد واسكت
«،،،اي اكعدي واسكتي وخليها من تجي مريم
وهيفاء اخذجن ونروح هو اذا نطلع وي خواتج
الكبار مايحجي شي
«،،،تمام بس وعد مو
«،،،وعد بس ،،،،،انتي رتبي الطلعه وياهن حتى
نطلع بسيارتي وسياره هيفاء
«،،اوكي متفقين لعد بس يجن هالجمعه نطلع
للسوك ونتعشه بره
«،،،صار سوك قبل شويه جان بس عشه
«،،،ااوي صاير اوفر ليلو وادققين مثل العجايز
ابتسمت ووكفت من صارت الاشاره حمره
سالت
«،،،شخبار معاذ سمعت من ماما هم رايحين
على اهل البنيه الي رايدها ورافضي للمره الثانيه
ذبت حسرة وجاوبت
«،،،اي يمعوده هم رفضوا وتعالي شوفي حاله
مقهور وحتى اكل كام ماياكل
«،،هي اسمها زهرة موو
«،،،اي والبنيه تخبل وشايله اخلاق حلوه
وتلوك اله بس اهلها صعبين
«،،،شلون يعني صعبين
«،،،السمعته من ماما هم سكن ارياف عدهم بستان
باطراف بغداد ويشتغلون فلاحيين
يعني مو من اهل المدينه وعدهم
تشدد مايقبلون ينطون بنتهم
لغريب
«،،،ها اكو هيج ناس
صارت الاشاره خضره حركت هي كالت
«،،،،اي وهاي ثاني مرة نمشي عليها ومايقبلون
ومعاذ يوم عن يوم يذبل من وراها وبابا شابع
قهر من وراه
«،،،هم راح يلكون احسن من معاذ استاذ بالكليه
واخلاق وابن ناس
«،،بعد هم وتفكيرهم المعقد والله شنو بنتنا
لولدنا من طاح حظهم وحظ هالتفكير اليكول
البنيه ماعدها رأي ويريدوها مسلوبه
الاراده وبس ادكول نعم وحاضر
وكفت بالكراج مال المستشفى نزلنا سوه
كملت
«،،،هي هم خطيه تقهر
«،،،ليش
«،،،ليلو زهره يتيمه
وكفت من كالت هالكلام سالت
«،،صدك
«،،،اي ابوها وامها ماتو بحادث وربتها جدتها
معاذ يكول الحجيه تريدني اخذها وواكفه ويا
هي وعمتها بس جدها مو خوش معقد وصعب هو
وعمامها وخصوصا ابن عمها
مااعرف شاسمه
«،،،وهذا شنو يريدها
«،،،،مااعتقد لان ماسمعت من اخويه هو يريدها
اعتقد غيره بس الامر والنهي
بايد جدها وهذا المعقد
كال من يحجي حتى
عمامه تسكت
«،،،شغلتهم ادوخ كلش
«،،،اي والله
قائد
ماكدرت انام ولا غمضت عيوني الفجر طلع
واني كاعد حسين راح بسابع نومه
نومه المرتاح ضميره، ،، كمت من فراشي افتريت بالبيت انتبهت اكو سويج
يم التلفزيون
رحت بدلت اخذته طلعت افتر بشوارع شارع حيفا مخنوك وضايج من رجعتي
اردد
«،،،،شجابني لهنا هو اني هناك وماكدرت انسى
هنا شراح يصير بيه
كمت اشوفها بكل مكان وهالشي تعبني كلش
درت السياره وطلعت للعطيفيه وصلت نزلت ورحت
للشط كعدت ادحك على النوارس الي
طايره بالجو والمي يجري منظر
المي والزرع ذكرني،،،من طلعنا سفره للبساتين مال ابو صيدا رادو يغيرون جو وعزمو الكل وياهم
بالبدايه تعززو بس بعدين وافقو
من ورة خاله غزوة الي
جانت تريد تروح هي،،،،،ومرة خالي
اخذنا اكلنا وكلشي ورحنا
لهناك
اهلي بسياره وخالاتي وخالي واهله بسياره
جان بستان واحد من اصدقائه فتحه النا وكالو اخذو راحتكم بي
ماجنت مرتاح من ورة سرى وامي الي ظلت تاشر
اليه احجي وياها ومهند الي عيونه
ماوكعت من ليلى
«،،،قائد تاخذنا نفتر بالبستان
«،،،لا مااكدر
جاوبت سرى امي كالت
«،،،ليش،،كوم وياها انت واحمد وخواتها وشوفوهن البستان
«،،،كلت مااكدر شنو جبر
رديت بضوجه وكمت رحت ادخن بعيد عنهم
احمد اجه وكال بضوجه
«،،،،شجابني شورطني بهل الجيه
«،،،ها جلبت بيك اسماء
«،،،خرب بيهن حشاك وحدتهن ماعدها ذره خجل
ولا كرامه
اخذت نفس وذبيته كمل
«،،قائد هذا اخوهن تره عينه على ليلى وهي تره
فطيره وعلى نياتها وخايف عليها منه
«،،شحده يلعب عليها بالقران اشگه نصين
«،،،على كيفك صوتك طلع
«،،،وينها هي
دورت بعيوني عليها ماجانت موجوده الكبار
كاعدين وبنات خالتي غزوه وولدها وبنات خالي بعيد يمشون هي مو وياهم مهند
هم ماكو
«،،،شوفها بهذيج الجهه
«،،،تمام
احمد راح وين اشرت مشيت بالجهه الثانيه
ادور عليها مسافه سمعت صوتها
«،،،خطيه ليش يصيدو والله حرامات هالصوت
يخلو بقفص
وكفت من شفتها واكفه وي مهند جانت
ادحك لفوك النخل هو قرب منها كلش وحاول يكضب خصرها صحت
«،،،ليلى
اندار عليه ووخر بسرعه منها مشيت بخطوات واسعه اخزر بي هي جاوبت
«،،،ها قائد
«،،،ابوج يريدج
«،،،،اي هسه اروح علي
مشت من يمنا ظليت مركز عيوني بعيون هذا
العار دحكت صفح شفتها راحت
مسافه تقدمت علي
وكلت بغضب
مكتوم
«،،،،ولك ليش ردت تگضبها
«،،،ااني
«،،،،اااي انت
صحت بي وكملت
«،،،شفتك يول لاجذب
«،،،،شبيك انت تره كاعد تتهمني بشي مامسوي
«،،،،لا بله اعمى اني ماشفتك شردت تسوي
دحك عليه ولك والله ثم والله اذا دنت نفسك
عليها وحاولت اطخها بكلمه مو فعل
الا اسويك وصلتين وادوسك
برجلي هاااي
ضربتها بالگاع بقوه وكملت
«،،،شليها من راسك ولاتخليني اعيد الماضي
«،،،،وانت شعليك يجوز اريد اخذها وازوجها
عتيته من هدومه بقوه دفعني ماكدر يخليني
اهده عتيته بقوه اكبره وضربته
براسه كله خفيف وكلت
اكزكز من غضبي
«،،،سويها ولك الا اخلي طلقه براسك وازفك
للمقبره بايدي
هديته بدفعه وكع ليوره كام يخزر بيه رد
«،،،،تحبها مووو
«،،،،،ماايخصك ولك
جاوبته بصياح وكملت بتهديد
اعرفك شترريد بس اكلك بعيد عن شاربك
الي تريده
«،،،شااريد يعني
«،،،فلوسها
ابتسم وتقرب عليه جاوب
«،،،على اساس انت روحتك عليهم مو لهذا السبب
فقدت اعصابي وضربته بوكس خلاه يوكع
بالكاع الدم كام يفلت من خشمه
رحت علي عتيته بقوه
من قميصه الا انشك بأيدي صحت
بي
«،،كواااد عاار عبالك الكل مثلك وللك ااني قائد
خاف ماتعرفني وتعرف اني شنو
اعرفك هسه وجدام الكل
«،،،قااائد
احمد جرني منه مذهول من الشافه ذاك العار كام
يمسح بدمه كال
«،،،اني اعلمك الا اخلي ابويه يكسر ايدك
ضربت التراب جلاق وشمرته علي،،،،صحت
«،،،دووولي لك من طاح حظك وحظ ابوك
وياك
مشى من يمنا يهدد بيه احمد كال
«،،،ولك هاي شمسوي بي
«،،يستاااهل الكواد شفته يريد يحظن ليلى
«،،شنو صدك تحجي
«،،،ااي
«،،،وهي شسوت
مااااجانت منتبهه علي
صحت بي جاوب
«،،،ولك كافي تصيح وامشي خلي نشوف هذا
شراح يسوي
«،،،شيريد يسوي خلي يسوي طز بي وبالكل حشه
بيت عم فاروق
«،،،دمشي يمعود مااتلاكيت انت ويا الا وعلكت
بينكم
مشيت،،،،،، اغلط وافشر علي
وصلنا كلها ملتمه عليه احمد كال
«،،،وراح تعلك على راسك
بس محد حجه وياي شي العار كايل الهم
وكعت يحجي ويتجنب يدحك عليه بنص الهوسه
مالتهم عيوني ،،،التقت بعيون
ليلى صافنه عليه
والخوف بعيونها عضيت شفتي من غضبي
وخزرتها مشيت باتجاهها لمحت
الخوف بوجهها لزكت
بصف شجره فتت
من يمها وكلت
«،،،اني اعلمج
وعقابي الها جان التجاهل مارحت لبيتهم حتى
ادرسها خالتي خابرت كتلها مشغول
بشغله من افرغ اجيها وهم
كلت لابوها هالكلام
وره خمس ايام اجاني اتصال من رقم غريب عبالي
واحد من اصدقائي مبدل رقمه
جاوبت
«،،الو
«،،،هلو قائد
جانت هي مارديت
«،،،انت زعلان عليه
هم مارديت
«،،،كاعد تسمعني مو
«،،،اي
«،،،ليش لعد ماترد
«،،،شتريدين اكلج واني حذرتج منه
سكتت بعدين كالت
«،،،،انت ضربته مو
ماجاوبت
«،،ليش ضربته
ورثت جكاره واخذت نفس كملت
«،،،،كاعد اسالك قائد
بذاك الوكت ماجنت احبها بس اخاف عليها
من عنده ومن غيره وهذا الخوف
تحول لحب بدون ماادري
اذكر كلت
«،،،،روحي ليلى مالي خلك احجي وياج
سكتت وطولت بعدين كالت
«،،اسفه اذا ازعجتك
سدت الخط صفنت على رقمها تنهدت
وكلت
«،،،ماتعرفي هذا شنو واحد سسز وماعنده غيره
على عرضه
اني كاضب جهازي اجتني رساله من عدها
على الواتس فتحتها كاتبه
«،،،بعد ماااوكف ويا ولا احجي كلمه
بس انت لاتزعل مني
ليش ابتسمت مااعرف اشوفها تكتب وتمسح
«،،قائد اني مخنوكه وضايجه لان مااشفتك
كتبت
«،،،اهون عليك تبجي عيوني
بس قريت هيج اتصلت بسرعه جاوبت
بصوت مخنوك
«،،،والله وعد وداعه بابا بعد مااحجي
ولا اوكف ويا
«،،،يولي ديربالج منه كتلج هذا واحد مو راحه
«،،،وعد وداعتك انت بعد مااسويها
الفرح ترس گلبي وحسيت هي گضبته
بايد بارده
«،،راح تجي بليل موو
«،،،اي بس ياويلج اذا لكيتج ناسيه الدرسته الج
سكتت وبعدين جاوبت بتردد
«،،،الصراحه بهل الايام ماراجعت شي من
وراك
كملت
«،،،قهرتني من كمت ماتجي واطلع اعذار
«،،،انسي هالسالفه وركزي بدروسج
«،اوكي يله تعال سويتلك كيكه
جاوبتها مبتسم
«،،،خاف مثل ذيج الطاكه روحها
«،،،هههه لا طلعت توب وسويتها بالكاكو
وخليت عليها صلصله غير طلعت تخبل تصور بابا اكل قطعتين وهو مو هلكد بالحلويات
«،،،،لا اذا هيج معناها طلعت توب التوب
«،،،لعد تعال وشوف صنع ايدي
عشت وياها بالعسل يومي جان مااشوفه
حلو اذا مااسمع صوتها او اشوف وجهها حتى
فكره الهجره شلتها من راسي
من وراها وتالي هاجرت
بسببها
اخذت نفس وذبيته انتبهت الصبح طلع وصارت
حركه يمي مال صيادين كمت ورجعت
للسياره حركت رجعت للبيت
حسين بعده نايم كعدت لان ورانا روحه للرجال
وراها طلعنا تريكنا بره اخذت سيم كارت
اليه بس رقم حسين عندي والحجي
وابنه اوس
سالني
«،،،ماراح تروح لاهلك
«،،،لا
«،،،يول على الاقل خابر اخوتك خلي يجوك
لهنا
«،،،مو هسه
بعد ماحجه وصلنا للموقع الدزه اوس نزلنا
يم شركه بنص المنصور هو وابوه تلاكونا واستقبلونا خوش استقبال كعدن نحجي بالشغل تفاجأ من شاف معلوماتنا اني وحسين
وبين اله احنا مو غشمين
بالسوك ولا اسعاره هنا
بالعراق
لان او ماجينا سوينا بحث شامل وسالنا
جثير عن الشغل والمواد واني جنت
مهووس بشي اسمه مواد احتياطيه ومكاين
فضينا الاجتماع الظهر عزمنا على اكله مسكوف
يم الشط تغدينا ورجعنا لبيتنا وره المغرب رحت للمطبخ سمعته يحجي
بجهازه
«،،،والله اسف شبيج انتي تره اجينا بنص
الليل شلون ترديني اجيج عيب من ابوج اعرف
مايحجي شي ويفرح لشوفتي بس
غير ارتب روحي واجي اي
هسه اجيكم واتعشه
يمكم ماظل شي
ونجتمع بيت
عفته براحته يحجي وكلت خلي اطلع ويا
يذبني بالمنصور حتى اشتريلي
ملابس
من كتله كال
«،،،انت وصلني واخذ السياره اني ارجع وي
ابن عمتي
وصلت ليمهم وطلعت للمنصور اشتريت ملابس
وعطور وكم شغله احتاجها وراها اخذت
لفات صاج كص لحم كلت للعشه
افتريت بشوارع بغداد مااميز شي من ورة الافكار الي تروح وتجي براسي ماادري شلون
لكيت روحي قريب كلش من
منطقتهم الجانو ساكنين
بيها
درت السياره ورجعت للبيت كعدت هناك
لا مرتاح بره ولا جوه ولا بالغربه شوكت ارتاح
ماادري
جنت اكول خلي اسافر حتى ارتاح بس من
سافرت جان وياي جرح لحد هسه
ينزف
والوجع نفسه ماطاب منه شي
لا البعد نساني الجنت عايشه وياها ولا كدر
الوكت ينسيني الشفته منها
كمت افتر بالغرفه اردد بقهر
«،،،وين مااروح اشوفج بالوجوه الشارع ياخذني
لبيتج عيوني تلمح طيفج بكل روح
وصوتج لحد هسه يدك هنا
ضربت راسي بهداوه كملت
«،،،ااريد انسى بس شلون انساج وانتي
صرتي اليه جرح غميج بنص
گلبي
كعدت گضبت راسي اون من قهري كلت
«،،،ياربي رحمتك خمس سنين صارت عذاب اليه
انطيتني كلشي بس ماانطيتني
النسيان
رجعت روحي ليوره سندت نفسي صافن
بالفراغ واحس روحي جاي
تحترك من جوه
سالت
«،،،ليش حبيتج مو جنت اشوفج اخت شجاه
گلبي وغير هالشعور
ليلى
اني بالدوام اجه واحد شايله وصفه
كال
«،،،بلا زحمة اريد هذا الدوه
اخذته منه صرفته اله وكلت
«،،،،هذا تاخذه قبل الاكل مرتين باليوم
وهذا بس بليل وره العشه
«،،،تمام شكرا الج
انتبهت عليه يتمعن بملامحي كال
«،،،انتي يمكن ماعرفتيني
«،،،،لاااا
جاوبت مختصر كمل مبتسم
«،،،اني ياسر
«،،،ماااعرفك
غادة اجت يمي بس ماحجت شي
«،،،الوالدة تعرفني يعني ااني اجيت
ااريد ا
قاطعته بضوجه
«،،،اخي سوي مجال وراك ناس
جان ماكو بس مره هو دار راسه شافها بعدين
باوع عليه ابتسم وكال
«،،،اسف اذا ازعجتج
مارديت تحرك وراح صرفنا الدوه للمره من راحت
سالت
«،،،هذا منو
«،،،واحد
«،،ادري واحد قابل اثنين
ابتسمت وجاوبتها
«،،،شتريدين تعرفين
«،،،هذا يعرفج سمعته كال الوالده
«،،،اي
«،،،وعليييي ماتحجين ولج شنو اجر الكلمه
منج
«،،،اهوووو غاده شكد صايرة تلحين لخاطر الله
«،،،يريدج مو ورفضتي
«،،،اي ارتاحيتي هسه
غمتني وجاوبت
«،،،ولج ليش ماشفتي شلون حلو ومرتب
«،،،مايعجبني ازوج
«،،،،يعني شنو تريدين تعنسين انتي
«،،،اي
«،،،ياربي هسه اذا اقتلها منو يكلي ليش
«،،،بابا وماما ويجوز يقتلوج
«،،لا صدك ليلو احجي رفضتي
«،،،،اي يمعوده شبيج جلبتي
«،،الله يساعد خاله عليج اكيد هسه طكت
من قهرها
مارديت لهيت روحي ارتب بالادويه واسوي
جرد عليهن
طلعنا سوه مثل كل مرة رادت تشتري كم شغله
من الاسواق نزلنا قربين من بيتنا
اخذت الي تريده واني هم
اخذت حلويات بالطريق
سالت
«،،باجر تطلعون للشمال مو
«،،،اي من الصبح
«،،،حبابه جيبلي منا السما وحلقوم يعني
لمي شكو حلويات مال شمال وجيبها اليه
«،،،،ادللي كلشي راح اجيبلج
«،،،فديتج يااحن صديقه واخت اليه
ردت اسالها على معتصم بس كلت لو صاير شي
جان هي حجت اليه وصلنا وكل
وحده راحت لبيتهم
الفجر طلعنا للشمال بالطياره لان بابا مايتحمل
الطريق الطويل
هو كعد وي ماما كدامي واني وراهم يمي
رجال جبير بالعمر من طارت الطياره نام جنت
اريد اغفى لان كعدنا من وكت بس ماكدرت ظليت كاعده وصافنه على الجامه
الولد الي اسمه ياسر اجه بالي ابتسمت
بس بالم وكلت
«،،،،الراح ماخله ثقه بگلبي تجاه احد
هم رجعت سنين ليوره،،،،
بيوم ابوه عم صالح سوه عمليه مال مراره
رحنا النا وبابا اخذله طلي على
سلامته
هناك جان الكل مجتمعين البنات كلهن يحجن
وحده وي اللخ واذا جنت اشارك
بالكلام يتجاهلني
حتى جانن مسويات كروب الهن ومادخلني
بس جنات بنت خالي الجبيره مزوجه جديد جانت حبابه وتحبنا ،،،حتى اكثر من مرة اجت
علينا واختها اللخ
دانيه هم ،،،، مزوجه وعدها ولد ذني
ماشفت منهن غير كل خير
اني كاعده يم ماما خاله سعاد اجت
وكالت بضوجه
«،،،عيني بنت ندى ليش لازكه بامج ماتجين
تساعدين البنات،،،،،، بالشغل شنو بس
لا مسويه روحج خطار وحاسبتنا
غربه
«،،،ها اي هسه خاله
جاوبتها ماما كامت وياي طبينا للمطبخ هوسه
وهو صغير البنات،،،، واكفات يحضرن بالغده
رحت اجلف المواعين لان متكومه بالسنك
اجت كالت
«،،،بالاول نصب للزلم بعدين احنا نتغده
قائد واحمد اجوي من بره شايلين
علاليك كالو
«،،هذا الدجاج
سرى راحت تركض علي اخذته منا
وكالت مبتسمه
«،،،تعيش وتجيب
مارد رجع لبره هم جاب علاليك جنت
اجلف والباب اگبالي هي وكفت تاخذ منه الغراض
وتخلي على الكاونتر سالته
من طب
«،،،اكو بعد
«،،،لاااا
«،،،تريد مي
«،،،لااا
انتبهت على اختها جنات تخزر بيها
كالت
«،،،سرى روحي خلي مي بالصواني
تحركت بس عيونها ماوكعت من عنده
اجه ليمي وكال
«،،،اريد اغسل
«،،«اي
وخرت على صفحه غسل ايده ووجهه يردد
«،،اليوم حاره كلش
«،،،اي والله حاره كلش
احمد اجه كال فاحط
«،،،انطيني مي رحمه لجدج السابع عشر
ضحكت وجاوبته
«،،،ادلل هسه اجيبلك
قائد كال
«،،،اني هم
صفنت علي من كال هيج وهو قبل
شويه كال مااريد لسرى
رحت جبتله كلاصين من الحوض الخالين
بي المي انطيتهم هي اجت شايله الصينيه وكالت وهي تباوع علينا بضوجه
«،،مو سألتك تريد مي ليش،،،،،كلت لا
رفعت حواجبي من حجت بنتره ويا رد
نفس اللهجه
«،،،هسه عطشت
جاوبها ومشى من يمنا رجعت اجلف المواعين
هي اجت ورة دقائق وكفت يمي وكالت بهمس يم اذني
«،،،ليلى مهند يريد يحجي وياج
«،،،شيريد مني
«،،،سالفه يريد يحجيها وياج
«،،،مااكدر كاعده اشتغل
وعدي لقائد اجه براسي وهم خفت من زعله
ومن مهند الي مااعرف شيريد مني
«،،تمام
جاوبت بضوجه وراحت من يمي مااتغديت زين
لان ماجنت مرتاحه بيتهم وهم ظليت افكر
بمهند واسال بروحي
«،،،هذا شيريد مني
ماما من شافت ،،،خالتي سعاد كل ساع
تنغز بيه هي وخالتي غزوة ومره
خالي،،،،ضاجت من عدهن بس ماحجت شي ترخصت وطلعنا من يمهم بس مابينت
لبابا ولا كالت اله على سوالفهن
بليل كاعده احجي
وي غاده
«،،«مااعرف غدو احسهم مايحبونا رغم والله
احنا نحبهم وشكثر بابا يعزمهم
يمنا بس هم مااعرف شبيهم
ويانا
«،،،كلهم هيج
«،،،لا يعني شوفي ولد خالتي سعاد حبابين
ويحبونا بس هي وعمو صالح مااحسهم يحبونا
وخالي جاسم هم ومرته بس داانيه
وجنات يحبني اني وماما
بقيه خواتهن مايحبني وهم بنات خاله
غزوه نفس الشي
تنهدت وكملت بقهر
«،،الي مخليني متحمله الوضع هنا هو خاله رباب
وجنات ودانيه دائما يجونا واحنا
نروح الهن
«،،،بنات خالج مزوجات موو
«،،اي دانيه مزوجه وعدها بنيه وولد وجنات
صارلها سنه من ازوج وموظفه بالبنك
بس بعدها ماصار عدها اطفال
«،،بعد وكت يمعوده تلحك على دوختهم
ردت عليه وسالت
«،،،اكلج بعده ابن خالتج يدرسج
«،،،اي بس شنوو غدو نابغه عبقري وج مااعرف هذا
ليش ماصار مدرس رياضيات لان يشرح
بسهوله ومايصعب الموضوع
«،،هو مهندس موو
«،،اي
«،،جاي عليكم هنا شايفته يعني
«،،،لاا ماجان يجي علينا
«،،،ها بس شعجب هسه تغير وياج وانتي
كلتي من اول يوم رزلج وتعاركتي
ويا
«،،،ههه اسكتي بذاك اليوم صرت اني ويا
مثل الفاره والبزون بس بعدين
افتهمت هو شايف
شي من العمال
وسوه هيج
«،،عبالك عصبي
«،،اووه نار عكس احمد ومقداد هادئين بس
هو مخبل
«،،هههه وين ويسمعج الا تشوفين
خبالاته من صدك
«،،،ااسكتي غدو والله مرات من يدرسني اسال
نفسي شلون كاعد يتحملني اني وغبائي
كل ساع اكول راح انضرب بكتاب
لو بكفخه منه
«،،ههه احس راح يسويها
«،،،،لا شحده غير اموته
«،،وج عيب الولد اكبر منج ومتخرج
سكتت وبعدين سالت
«،،،،اكلج
هو حلو
«،،،ها ولج بدينا باللواكه
«،،،ههه لا ولج بس صار عندي فضول اشوفه
«،،،،ماعندي صوره اله
«،،،ماينشر صور اله بالفيس
«،،،تصدكين مااعرف صفحته ولا شايفتها
بس اوكفي احمد دزلي طلب صداقه
وقبلت خلي اشوفه بصفحته
رحت للفيس رحت لصفحه احمد دورت
باصدقائه لكيته كاتب اسمه
بالانكليزي
فتحت صفحته ظليت ادور ماينشر غير
مكاين وشغلات تخص تخصصه
«،،ها مالكيتي شي
«،،،لحظه كاعد ادور
اخر شي لكيت صوره اله واكف يم كليه
الهندسه صفنت علي جان لابس
قاط رصاصي طوخ وشكله
اسمن من هسه
مبتسم وعبالك غير واحد
كلت
لكيت
«،،،،،بله دزيها خلي اشوفه للعبقري المخبل
ابتسمت وجاوبت
«،،،مو كلتي عيب من حجيت قبل شويه
«،،،،هههه غلسي
دزيت الصوره شافتها وكالت
«،،،،والله حلو عبالي اجلح املح
بگلبي كلت هسه صاير اجلح املح جاوبت
«،،،،هسه هو مايشبه هالصوره
«،،،،يا ليش
«،،،،خطيه جان يشتغل عماله وتعرفين هالشغل
شلون يتعب
«،،،،يا صدك تحجين
«،،،،اي والله يس هسه بطل وكام يشتغل
وي بابا بالمحلات مالته
«،،،،،همزين لان هاي الشغله اتعب الواحد
سكتت وبعدين كملت
«،،،،ااكلج ليلو بله اني وياج اذا كملنا صيدله
وخلصنا ومالكينا تعيين شراح
نشتغل بله الولد يكدرون
يشتغلون اي شي احنا
شلون
«،،،،ههه نشتغل وياهم بس نشجع بيهم
«،،،،ههههه لا هوايه راح يكمل البناء غير يكعدون
ويصفنون علينا ويبدي الزحف
«،،،«ههه وهم اهم شي عدهم الزحف
«،،،نعم اجل يااختااه على سالفه الزحف تدرين
سامر ابن عمي كاعد يزحف لهيفاء
«،،،صدك والله
«،،،،اي ولج اعتقد راح يزوجون ويصير عدنا
عرس
جاوبت بحزن
«،،،يا ليش هسه من شلنا من يمكم
«،،،شنو يعني ماتجين
«،،،لا مااعتقد تعرفين الوضع وخوف بابا
علينا
ذبت حسرة وردت
«،،،،حسبي الله عليهم لذوله فرقونا اني وياج
حتى ماما مقهوره مثلي من وره غياب
خاله سوسن
اني احجي وياها بالواتس دك رقم غريب
كلت
«،،،،هذا منو
«،،،،خير
رقم غريب يدك عليه
«،،،،شوفي منو
«،،،،يله باي خلي اشوف منو كاعد يتصل
فتحت الخط جاوبت
«،،،الو
«،،،هلو ليلى
عبالي قائد مغير رقمه لان صوته يشبهه كلش
من حجه بالجهاز
«،،،هلو قائد
سكت بعدين رد
«،،«ليش هو يتصل عليج
سديت الخط بسرعه وگلبي يدك بسرعه
اردد
«،،،،يمه منو هذا
رجع اتصل ماجاوبت رساله اجت على الواتس
اب فتحت وقريت
«،،،اني مهند افتحي الخط
اتصل ترددت بس بعدين جاوبت
«،،،،الو
«،،،هاي شبيج فزيتي شنو ماعرفتي صوتي
«،،،لا
ضحك وكال
«،،،معقوله تره حاجي وياج جثير
«،،،ماعرفتك
سكت بعدين كال
«،،،،عبالج قائد بس تره صوتي وصوته
مايشابهون
مارديت سأل
«،،،يتصل عليج
«،،،لااا
«،،،لاجذبين عليه ليلى ترة اعرفه يدرسج
«،،،اني مااجذب واذا يريد شي مني يخابر
ماما
جاوبته بضوجه رد
«،،،هاي شبيج زعلتي تره سؤالي مابي شي
«،،،رايد شي مهند
«،،،اي
«،،،تفضل اسمعك
«،،،من دزيت سرى عليج ليش مااجيتي
«،،«جنت مشغوله بالشغل
«،،،ها زين راح احجي وياج هنا
«،،،،تفضل
«،،،يولي ليش محسستني اني،،،غريب عنج
تره اني ابن خالج يعني حالي
من حال قائد واحمد
لو اكو فرق
«،،،لا كلكم اخوتي
سكت للحظه بعدين سال
«،،،بس اني مااريد اصير اخوج
عكدت حواجبي من رد هالرد واجه كلام قائد
براسي كمل
«،،،اني معجب بيج واريد اجي اخطبج
هو يحجي اجتني رساله منه فز گلبي من
الخوف فتحتهن بدون شعور جان
واجب كاتب
«،،،اريدج هسه تحليهن
مارديت عقلي تشوش بينه وبين مهند الي
كمل
«،،،يعني بالمختصر اريد اتقدم الج
قائد كتب
،،،،كاعده
جاوبت
«،،،ااي
«،،،اي يعني موافقه
«،،،لاااااا
صحت بمهند وكملت
«،،،لااا مو موافقه انت مثل اخويه
قائد دز
«،،،يولي مو جاي تقرين الرسايل ليش،،،،ماجاوبين
من ذهولي كتبت
اوكف مهند ودزيتها اله انتبهت بس
بعديش بعد ماقراها تخبلت وكلت
«،،،مهند لازم اروح
«،،،اوكفي شبي انتي ليش،،،رفضتيني
قائد دك گلبي راد يوكف من الخوف رديت
على مهند
«،،،كتلك السبب احسك مثل اخويه
«،،،،بس اني مو اخوج
«،،،ياربي شبي هذا لزك وقائد من شاف الكتبته تخبل وهو يتصل عليه جاوبته
اريده بس يروح وبنترة
«،،،،شبيك اانت
كتلك مااريدك احسك اخويه والله يخليك
بعد لاتحجي بهاي السالفه
ولا تتصل عليه ابدا
سديت الخط بوجهه فزيت من دك
قائد بلعت ريكي
فتحت الخط سال مباشره
بصوت يخوف
«،،،،جنتي تحجين وي مهند
شكرا لزيارتكم عالم روايات سكيرهوم
