رواية اغفري لي الفصل الخامس بقلم أوتار حزينة
اكتب كلماتي هذه وأنا لا أصدق أنك
رحلت وتركتني لوحدي أُصارع قلبي الذي
يأبى أن يصدق أنك قد خذلته
ولكنه قلبي... وآهٍ من قلبي
ما زال يفتش في الليل عن دفء يديك،
ما زال يرتجف كلما مر اسمك في زحمة الحديث،
ما زال يتلعثم بين النسيان والانتظار...
وأنا؟
أنا التي أقسمت أن لا أعود لبكائك،
ها أنا أكتبك من جديد،
ها أنا أناديك بيني وبين صمتي،
كأنك لم ترحل، كأنك لم تهد كل هذا العمر...
ليلى
ردت انهزم من التفكير بي بس وين مااروح
هو بين عيوني وكلشي يذكرني
بي
تذكرت شلون سالني بصوت يخوف
«،،،جنتي تحجين وي مهند
«،،،،لااا
سكت وسكوته طول خفت وگلبي كام
يدك بسرعه ماجنت اريد احجي شي اله شفته
شسوه بي بالبستان بس هو
كال
«،،،وين الوعد مالتج
«،،،قاائد اسمعني ااني
«،،،اانتي شنوووو
فزيت من صاح بيه وكمل
«،،،،عاااجبج موو
«،،،لاا شنو هالحجي ااا
قاطعني بعصبيه
«،،،گلتي علي هو انيق ومرتب روحه ماحجيتي
هيج ماقارنتي بينا
ماعرفت بشنو اجاوبه صاح
«،،،ولج الصوج موو منج الصوج منييي اني الي
خفت عليج منه بس ااخ طلعتي
مثله ومثل شكوله الزفره
«،،،قااائد كاافي تره جاي تجاوز عليه هوايه
«،،اانجبي طايحه الحظ
انصدمت من غلط عليه وتفاجأت
كمل بعصبيه
«،،،عبالي من صدددك مو مثل بقيه البنات بس
انتي طلعتي حالج من حالهن
صحت بي بغضب
«،،وانت شعليك بيه هاااا وليش تتدخل بحياتي
احجي وي هذا لاتحجين وي ذاك منو اانت اسمك
ابن خالتي وهالشي مايخليك تغلط عليه
او يخليك تتحكم بحياتي
«،،،وولج ااني قندرة ابن قندرة من خفت عليج
«،،،لااتخاف عليه اني مو صغيره حتى تعلمني
روح علم روحك الادب وشلون تحجي
وي الناس
«،،اني ولج اني اتعلم الادب
«،،،اي انت يامهندس
سديت الخط بوجهه وكمت اشهك بالبجي
نار گبت بگلبي وحسيت مانطيته حقه بالحجي
اخذت جهازي كتبت بالواتس اب
«،،،ااسمعني زين اني مو مثل الي تعرفهن خاف
وحده ضاربتك بوري وعبالك الكل مثلها
احب اكله اني مو هيج لان بابا
رباني خوش تربيه وتعب
عليه بس الظاهر انت اهلك ناسين
يربوك لان طعنت بشرف
بنت خالتك الي هي شرفك
دزيتها وكتبت مرة اللخ
«،،،حسبي الله عليك حركت دمي واني جنت خايفه
عليك تتعارك ويا مثل ذيج المره
دزيتها قراها اتصل ماجاوبت اتصل
مره اللخ انطيته رفض
كتب بالواتس
«،،،جااوبي تره شعلتي صفحه ااهلي
مارديت كتب
«،،،ليلى جاوبي تره راح اطلعيني من الاسلام
تجاهلته بس كاعد يشوفني اقره رسايله
اتصل انطيته رفض
«،،،اذا مااجاوبين راح اجي هسه عليكم
ماعبالي يسويها طفيت جهازي دمعتي مانشفت
وانقهرت كلش،من حجه وياي
هيج
وره وين الباب اندك مسحت دموعي ماما
طبت كالت
«،،ليلو قائد جوه جايب ملازم ويكول خلي
تجي حتى افهمها كم شغله بيهن
جانت الغرفه ظلمه ماشافت شكلي كلت
«،،اخذيهن منه انتي
«،،لا كومي انتي علي حتى تفتهمين شيريد منج
الولد كلف نفسه وجابهن عليج بهل
الساعه
ماجنت اريد اشوفه وهم ماكدرت احجي السبب
كمت غسلت بالحمام مالتي نزلت
لجوه اسمعه يحجي
وياها
ترددت يم باب الاستقبال بعدين طبيت
ماباوعت اله ماما كالت
«،،،تعالي افتهمي منه اني رايحه اجيب شي بارد
فاتت من يمي انتبهت على وجهي بس ماحجت
شي ظليت واكفه بمكاني كام كلت
بنترة
«،،ليش اجيت
«،،ماكدرت الا اجي لان تجاوزت وياج
بالكلام
درت وجهي منه دموعي نزلت
كال بصوت متغير
«،،لاتبجين
«،،،روح مااريد اشوفك
«،،بس اني اريد اشوفج اريد اعتذر من الحجيته
تقدم خطوة وكمل
«،،،اسف والله ماادري شصار بيه من قريت
اسمه
«،،،اني قائد اني مو خوش بنيه
«،،،حشاج والله اني الي مو خوش ولد
باوعت اله وعتبت بدموع
«،،،،جنت خايفه عليك وجذبت
«،،اعرف والله بس،،،،اني اتخبل منه واخاف عليج
منه انتي ماتعرفين انتي شكثر غاليه
عليه
جنت زعلانه منه كلش لان طعن بشرفي
وغلط عليه وهالشي ماشفته
من اهلي ومن تسمعه من واحد تعزه
كلش تشوفها صعبه درت وجهي
منه رجعت خطوه ليوره
جاوبته
«،،،ياريت بعد ماتجي ولا تحاول تتصل بيه
«،،ليلى لاتسوين هيج
طلعت من يمه دموعي تجري صعدت لفوك
طبيت غرفتي اشهك وابجي وره
مشوار ماما اجت طبت شافت حالتي حجت
بسرعه
«،،،هاي شصااير بينج وبينه
ماكدرت ارد من الشهكه الي ترست صدري
«،،وج كافي وفهميني شبيكم وشبي مهند وياج
من هدأت حجيتلها الصار بالبستان وقبل شويه،بس
ماكلت قائد طعن بشرفي
صفنت عليه وكالت
«،،،هذا كله صاير وماتحجي اليه
«،،،ماردت اغثج
«،،،لا ماما غلط السويتي لازم اي شي يصير
بيج تحجي اليه
ردت هالرد وكملت
«،،،قائد مايحجي هيج الا اذا شاف منه شي
«،،ماما اني ماعندي شي ويا هو افتهم غلط
هزت راسها وجاوبتني
«،،،اعرف بس شافها صعبه تحجين
ويا وهو محذرج منه اني مااريد احجي على مهند هو ابن اخويه وماريد افرق بينه وبين ولد سعاد
بس اكلج هالكلام وخلي ترجيه
باذنج هالولد يختلف
هوايه عنهم
كملت من لزمت ايدي
«،،بنتي بعد اذا اتصل عليج لاجاوبين
«،،،ماعرفته ماما لان ماعندي رقمه
«،،،،اي رقم غريب لاجاوبين علي
هزيت راسي باي كامت وكالت
«،،،بس هم راح احجي وي قائد اني ماريد مشاكل وي بيت جاسم باجر يكلون الولد تذابحو من
وره بنتي،،،وتجيني سالفه
احنا لا بيها ولا عليها
ومهند مادام رفضتي راح يسد السالفه
من يمه
قائد ظل يتصل عليه ومااجاوب بطل يجي
حتى يدرسني عذره جان يم بابا من سأله مشغول
بشغل وي صديقه بس ماما جانت تعرف السبب بس ماحجت شي اله
ذيج الايام لان كمت مااشوفه حسيت بفراغ جبير
وحزن ترس وجهي وعيوني حتى
كمت مااشتهي بابا سأل
جاوبته
افكر بالسادس ماظل شي وادوام
بس السبب جان هو بيوم رجعت من المعهد
مقهوره وافكر بي طبيت بيتنا رحت للمطبخ
وكفت من شفته ،،،،، كاعد وي ماما
درت وجهي،،،من صارت عيوني بعيونه
مشيت بسرعه اريد
اروح من يمه وكف
وصار اگبالي
وكال
«،،،اسف والله بعد مااعيدها
ماما حجت
«،،،ليلى الولد اجه برجلي مرتين واعتذر منج
كافي زعل ماما وارضي ويا
باوعت علي بخزرة وكلت
«،،،مو كتلك ماريد اشوفك بعد
«،،،ليلى
صاحت واجت ليمي كملت
«،،عيب هالحجي
«،،،خليها خاله اني دست بطنها واذيتها بالكلام
بس والله من خوفي عليها حجيت
هالشي
وخرت منه سد الطريق عليه صحت بي
«،،رووح منااا كتلك مااريد اشوفك
«،،وج كافي عيب اتصيحين علي الولد اكبر منج
«،،الجبير يعرف حدوده بالكلام
جاوبتها وكملت ويا بغضب
«،،مو ااني يامهندس موو اني الي ينحجي
وياها الكلام الكلته اليه
«،،شتريدين اسوي حتى ترضين
رد بملامح حزينة ماجاوبته كمل
«،،،اعرف شحجيت وحگج عليه واسف واعتذر
منج ومااريد ابرر لروحي بس
اكلج خلي خوفي عليج
يشفعلي يمج
كلامه دك بگلبي صفنت علي بعيون مغوركه
كمل
«،،،احجي عليه وسوي شتريدين بس لاتبجين
ماما كالت
«،،،اخوج وغلط بحقج واعتذر بدل المره
الف شتريدين بعد
من كالت هالكلام مااعرف شصار بيه گلبي
كام يوجعني واختنگت صافنه علي مااشوفه
بذيج العيون الجنت اشوفه بيهن
كلت اعجاب مافكرت اني
بدايه حبي اله
انتبهت لاضويه بينت من الجو جانت اربيل وصلنا
ورحنا لشقتنا الي بابا مشتريها وخالها
من نجي نكعد بيها
قائد
ظليت ايام بغداد وماااتصلت على اي واحد
من اهلي وكتلهم اني رجعت ماردت
اي تواصل وياهم ولا ردت
احد يعرف اني هنا
رجعنا بليل تعبان وراسي مصدع حسين
يريد يروح لخطيبته،،، بدل وراح
ظليت وحدي سبحت،،،،، وكعدت اتصفح بالفيس
كاعد اگلب بي وكفت يم خاطره
مكتوبه
كنت بعيدا جدا ،،،،لا لأني تهت، بل لأن العودة كانت تعني مواجهة البداية التي أنهتني
لم أشأ الرجوع ،،، ومع ذلك عدت
عدت لا شوقا، بل بحثا
عن اخر نهايتي
صفنت على الكلمات وحسيت عبالك مكتوبه
اليه ورثت جكاره اخذت نفس
وذبيته
كمت طلعت بره وكفت بالحديقه كلت
من باوعت للسما
شوف العالم شكبره بس اني احس كاتم
على نفسي ،،،،وعبالك محصور بقوطيه
صغيره حتى هذا الصمت والسكون
كاتم على صدري
فركته بقوه وكملت
«،،،جنت اريد شي بسيط عالم يخصني اني
وياها ماكو ثالث بينا بس هي
المها بحظني من اتعب
ومن اريد ارتاح
بس
سكتت وكملت بقهر
«،،،بس الجنت عايش بي طلع سراب صحراء
وهم بلحظه تبخر وطلعت حقيقته
المره وخلتني اجرع سم
كاعد يگتل بيه بطأ
ردت اكمل الشغل بسرعه وارجع لالمانيا الموقع جان جاهز وبدينا نشتغل على بناء المخازن
وي شريك الحجي
التهيت بي،،،،،،وجان حسين كل مره يكلي
روح لاهلك وارفض هالشي بليل
من كعدنا على العشه كال
«،،،حضر روحك اخر الشهر امشي على مهى
«،،،مبروك وشايف كل الخير
«،،تسلم يوما الك
رد مبتسم ماحجيت شي كمل
«،،،اعزم اخوتك خلي يجون بالمشيه
«،،،مالها داعي
«،،،يول اني اريدهم ويانا وهم حتى يشوفوك
مارديت كمل
«،،،قائد تره اخوتك صارلهم خمس سنين
مو شايفيك ولا يعرفون وين صارت بيك
الدنيا
«،،،هيج احسن ابرد راسي اليه والهم
«،،،انت مايفيد بيك الحجي وراح تخليني
اروح لهناك بنفسي واجيبهم عليك
خزرته وجاوبت
«،،سويها شلون مااعوفك هنا وارجع لالمانيا
«،،ولك انت شنو اني ميت على اخ يسال ويدور عليه وانت عندك اثنين وماتريد تحجي
وياهم
صحت بي من كمت
«،،،انت شنوو الله مسلطك عليه كل مشوار
وگايل روح لاهلك
بالخير مو بالشر مسلطني عليك اكلك شي
صح ابوك وامك اذوك بس يظلون
اهلك وتتحاسب من وراهم
فاحسنلك روح عليهم
خليهم يشوفوك ويرضون عليك
«،،،ماراح اروح ولا اوصل لذاك المكان
«،،بكيفك قابل اني الي راح اتحاسب
رد بروده وشعلني بعد اكثر
«،،،خررب بيك ولك مو صوجك صوجي اني الي سمعت كلامك وااجيت لهنا
مشيت من يمه صاير نار اخذت السويج وهجيت
من البيت هم رجعت افتر بشوارع
بغداد ردت اشرب حتى
انصطر مثل كل مرة
وسويت هالشي
اشتريت مشروب ورجعت للبيت هو جان
ماكو كعدت بغرفتي شربت الما
كلت بس دخت وانصطرت
وهي نومه للصبح
غاده
يوم جمعه وخواتي يمنا مريم وهيفاء كلنا مجتمعين
بالصاله نسمع بابا يحجي وي
شيخ جبير حتى ياخذه لاهل زهره ،،،،معاذ
يباوع علي بتركيز كم كمل
ساله
«،،،ها يابه نروح
«،،،،اي يله كوم بدل حتى نروح
معاذ صعد بسرعه لغرفته مريم كالت
وهي صافنه علي
«،،،واذا ماقبلو شلون
بابا ذب حسرة ورد
«،،،والله يابنتي ماادري شراح اسوي هذا اخوج
شوفي شلون صافي النص وخايف
علي لا هم يكسرون بگلبه
ويرفضو مرة اللخ
معاذ جان هالواحد عدنا وي ست بنات
مدلل من هو صغير وشيريد بابا وماما يسوه اله
وجانو يخافون علي كلش هو بكفه
واحنا السته بكفه ثانيه بس
جان نعمه الاخ النا
ماشفنا منه اي تسلط او اذيه وكلنا جنا مقهورين
علي ونريده يفرح بهل البنيه الجان يريدها
طلعو واحنا ندعي اله
كعدنا ننتضر وخايفين من الرفض مثل كل مره
وره ساعه ماما خابرت بابا انطها
رفض كالت بخوف
«،،،مارد ولا خابر يعني اكيد رفضو مرة اللخ
محد حجه بداخلنا قهر وحزن علي مريم خابرت
محمد من وجهها عرفنا انرفض
الكل انقهر وماما كامت
تبجي
وره ساعه طبو معاذ فد مرة وبابا هم الي
صاح بي
«،،،،ولك اانت شلون توكف بنص اهلها وتهدد تاخذها بالقوه اتخبلت خما تخبلت
«،،،ااي تخبلت وماظل عقل براسي وراح اسويها
اذا مااانطوها اليه وشيريد يصير
خلي يصير
«،،وولك شنووو هالحجي شتريد انت تبلي روحك وتبلينا ماشفتهم شلون التمو علينا والخلقه
مگلوبه ويريدون بس يتعاركون ويانا
عوفها شنو الي خلقها
ماخلق غيرها اني ازوجك
الاحسن منها
«،،مااريد غيررها لو هي لو اااسوي شي مو صاير
معاذ جان يصيح ويفتر مثل الطير المذبوح
يردد
«،،والله الا اخذها من حلوكهم ااني مو ابن ابويه
اذا مااسويها
«،،محمد احجي شي
مريم حجت وي رجلها لزمه وكال
«،،بس اهدأ وامشي اكعد نلكي الها حل
«،،ياحل محمد انت مااشفت جدها شحجه
لا وكف بعينه شيخ ولا اي واحد جبير من الجبنا
عليهم
«،،يابه معتصم ذوله ناس شايفين روحهم وعقليتهم مو مثلنا عدهم بنت العم لابن عمها وهاهيه لازم ماتعترض ولا تحجي
كلمه
بابا حجه وهو رد علي
«،،،،اي شفته للرايدها بس يخزر بينا وراد يهد
عليك من هددت بس هذا الضخم لاف
وجهه بيشماغ
ماخلاه
«،،ماياخذها لا والله اقتله اذا سواها
اخويه صاح ماما كامت تلطم وصاحت بي
«،،،عزه العزاني ولك شتريد اخسرك ااني وابوك
من ورة مره تريد تضيع روحك معاذ
وتخليني طول العمر ابجي عليك
«،،ابني عوفها تره راح توكع روحك بمصيبه من وراها
«،،مااعوفهاااا
صاح بخبال وكمل
«،،،ااحرك الدنيا واهلها ومااعوف زهرة
جاوب هالجواب وصعد لغرفته
«،،شلون ابو معاذ ويا اذا سوه الي براسه
«،،خلي يهدأ واني احجي ويا واعقله
ثاني يوم دوامت مقهوره علي ليلو سالت
«،،هاي شبيج صاير شي
«،،هم رفضو معاذ
«،،ياا يعني هذوله الشيوخ مااسوه شي
«،،لا والمشكله اخويه تخبل وكام يهدد يخطف
زهره
«،،عزه صدك تحجين
«،،اي وخايفين علي منهم لان بابا ومحمد
ومعتصم كالو شكلهم يخوف والي رايدها راد
يتعارك ويا من هدد بهل الشي
«،،،هاي شلون سالفه وشلون راح تفض
ويا
«،،مااعرف گلبي ناغزني وخايفه علي كلش
«،،لاتخافين هو عاقل ماراح يسوي هالشي هاي
من حركه گلبه حجه هيج
«،،معتصم هم كال هالشي
ابتسمت بوجهي وسالت
«،،وانتي شوكت راح افرح بيج
سكتت من اجوي مراجعين انطيناهم الدوه
جاوبت من راحو
«،،الخطوبه والمهر اسبوع الجاي
فكت عيونها وصاحت بفرح
«،،صدك
«،،اي
اجت باستني وكالت
«،،،،مبروك حبي وشايفين كل الخير
ذبيت حسره وجاوبت
«،،جنت اتمنى الفرحه فرحتين اليه ولمعاذ
«،،الله كريم بلكي يغيرون رأيهم
«،،،لا مااظن
كعدنا سوه هي صفنت عليه وبين بعيونها
الحزن سالت
«،،،،هاي شبيج انگلب المزاج
«،،،راح تعوفيني وحدي
ابتسمت ورديت
«،،وين اعوفج يوميه راح تشوفيني هنا
«،،،اقصد بالمنطقه
«،،لاتخافين ،،هم راح اجي يوميه وانام على كلبج
«،،،ماراح يخليج معتصم
«،،،مو بكيفه عيني بكيفي اني
اشرت لراسي وكملت مبتسمه
«،،،محد يكدر ياخذني منج اني الج وبس
واذا حجه كلمه وياي اعوفه
واجيج
ضحكت وردت
«،،،والله تسويها اعرفج مفتريه وخبله
«،،،هههه وهو هم يعرف هالشي ولو تشوفي كلش
حذر وياي بيني وبينج خايف
لا اجفص ويا بكلمه
«،،،ههه الولد مشغل الحساس ماله ويعرفج
كلش زين
«،،اي نعم وحضري روحج راح اخليج تركضين
بيه هالاسبوع
«،،ادللي اني جم اخت عندي عيوني الج
«،،تسلم عيونج الحلوة
ليلى
جنت اشوف غاده شلون تحجي بحب
وهيام على معتصم وشلون عايشه ويا قصه
حب حلوه ومن طلب منها تتحجب مااعترضت
لبسته وهي فرحانه بي جنت من ارجع للبيت
واكعد وحدي اذكر قصه حبي
اني ويا
زعلي اني ويا ماطول لان ماتحملت مااشوفه
بليل دز على الواتس
«،،هلو ليلى
قريت مارديت
«،،اعذاري خلصت يم عم فاروق وراح اجي
وره العشه
اقره واغلس
«،،يولي جاوبي مو كاعد اشوفج متصله
وتقرين الرسايل
هم مارديت
كتب وطول بعدين اجت
«،،،تعرفين اني اليوم تعاركت وي واحد من
وراج لان كابات عندي وكمت مااتحمل حجايه
من احد يعني اذا قتلت واحد
من وراج خطيتي وخطيته
بركبتج
ابتسمت بعدين گلبت خلقتي
«،،ااضحكي ولج وخليني معطب ومحترك
افادي
«،،يمه هذا يمي
فريت راسي من كل عقلي هو يباوع
عليه دز
«،خبله اني بيت اهلي
هم ابتسمت كتب
«،،ام لسان اجي لو تطرديني وها على فكره
اني مامضروب بوري من اي بنيه
ولا حبيت احد لان مالي
خلك لهل السوالف
ورايه هجره مااريد اعلك جنطه بظهري
ذبيت حسرة من قريت هو بعده مصمم
على الهجره رجع كتب
«،،،حضري روحج الا اسويلج امتحان بكل الماده
وياويلج اذا اخذتي جوة التسعين
الا اشوي على اذانج
بصل
ماجاوبت وهو هم بعد مادز بس جنت متاكده
هو راح يجي فرحت بشوفته كلش
ونزلت لماما كتلها راح يجي
كالت مبتسمه
«،،،تراضيتي ويا
ماجاوبت كملت
«،،،ليلو تره قائد خوش ولد ويعزج هوايه
ويخاف عليج
«،،اادري ماما بس،يعني اني مو متعلمه واحد يصيح عليه ويغلط
«،،حقج بس هو دمه حامي مو مثل اخوته
«،،،قائد عصبي كلش ومن يعصب اخاف منه
«،،،هههه همزين لكينا واحد تخافين منه
جاوبتني تضحك ابتسمت وكلت
«،،،ديربالج ادكولين اله ازعل عليج والله
«،،،«لا مااحجي
«،،،وعد ماما
«،،،والله مااحجي
واجه جنت كاعده بالاستقبال مسويه
روحي زعلانه سمعت صوته سلم على بابا
ماما كالت
«،،،تفضل قائد
«،،،،شلونج ليلى
«،،،هلا
كال لماما بضحك
«،،،بنتج بعدها زعلانه
«،،لا رضت بس تبيع ثكل
«،،هاا
«،،اروح اسويلك جاي اكيد مو شارب
«،،،اي والله مو شارب
اجه ليمي كعد ماحجه شي طول رفعت
راسي صافن عليه ومبتسم كال
«،،،زعلج ثگيل كلش
«،،،،انت البديت
جاوبته بتحدي وعيوني بعيونه كملت
«،،،ديربالك بعد تحجي وياي نفس الكلام الكلته
لا تشوف مني شي مايعجبك
وجهه ضحك ورد
«،،،تهدديني خاتون
«،،،اولا اني اسمي ليلى مو خاتون ثانيه
سكتت من قرب وجهه والعيون تضحك هالحركه
خلت گلبي يدك بسرعه كمل
«،،،اي بله ثانيه شنو
درت وجهي منه وضيعت الي اريد
احجي
«،،،ماكلتي شنو ثانيه
قلمي وكع من ايدي بالكاع ردت اجيبه
هو دنك شاله مد ايده اليه
كال
«،،،ثانيه خلي ندرس لان ضيعنا وكت جثير
بده يشرح عقلي كل ساع يروح للحركه
السواها
«،،شوفي هاي مهمه بالوزاري كل سنه تجي
«،،ااي صعبه كلش
«،،،عجل ليش يجبوها غير صعبه
«،،اووف
«،،،ها عبالك اكو معاناه بالموضوع
«،،،اي قائد هاي وكم وحده ماجاي افتهمها
«،،باطل عجل اني شأسوي يمج غير افهمهن
الج
«،،تمام بس على كيفك ادري بيك
نابغه بس الي يمك استلامها بطيئ
ابتسم ورد
«،،ادللي راح اشرح مثل مشيه السلحافه
اوكي
سويت اوكي بايدي
رجع يشرح مره ومرتين وافتهمت صحت
«،،،وووصلت
«،،اهلهل
من رد هيج ضحكت وكتله
«،،،تعرف
«،،،لا
«،،،لعد اسكت
«،،سكتنا يابه حكم القوي على الضعيف
«،،،والله انت مو ضعيف وكح وابو لسان
سند روحه ليوره جاوب
«،،،وانتي عيني فقيره تره شفت لسانج
من هد عليه رشاش امريكي
ابتسمت ومارديت كمل بعيون
تضحك
«،،،بس استاهل مو
«،،،اي نعم
سكت للحظه بعدين سأل وهو منزل راسه
«،،،مافكرتي تتحجبين
«،،،لا ليش تريدني اتحجب
باوع عليه نظراته راحت لشعري بعدين
على عيوني ووجهي مثل واحد
يتمعن بملامح واحد
جاوب من داره لغير جهه
«،،،الحجاب اذا لبستي راح يلوك الج
من حبي اله لبست حجاب حتى يفرح
واشوف الرضى بعيونه جنت
اسوي الي يحبه بدون
اعتراض
هاي الايام الي جمعتنا سوه شلون اكدر انساها
شلون اكدر انسى العشته ويا
بكل تفاصيله
قائد جان بالنسبه الي الهوى الي اشتمه
روح الله خلاها وي روحي بجسد
واحد
يومي مااحسب يوم ومر عليه اذا مااشوفه
او اسمع صوته من حبيته مافكرت
شراح يسويلي ولا ردت منه
اي شي ردته بس هو
لان شفته اغلى شي
يقدمه اليه هو
نفسه
قائد
الشغل صار للراس ولازم انتابع كلشي وندقق
زين كاعد بيتنا اشتغل بالحاسبه
جهازي يمي اجاني اشعار
فيس دحكت اله
حسين مدري شنو النشره
مادرت بال كملت شغل ساعه وحده كمت
احرك بجسمي واثاوب فرگت رگبتي
بقوه رحت تمددت لان نعست
كلش
ثاني يوم جانت جمعه كعدت البيت
صنطه اخذت جهازي دحگت للساعه 11
الضحى رساله جايتني من عنده
فتحتها
«،،اني رحت لبيت عمتي حتى نجهز للمهر
«،،،تمام
دزيتها وظليت اگلب بالفيس فتحت الناشره
عكدت حواجبي من شفت صورتي
اني ويا بالموقع وكاتب
«،،،عدنا لارض الوطن مع احلام كبيره
فتحت التعليقات جانن جثيرات عيوني
صارت على صوره احمد كاتب
«،،حسين تعال خاص
«،،،خررب بيك خرب صفحه اهلك
صحت بغضب وخابرته جاوب
«،،هلا قائد
وولك طايح الحظ هاي ليش ناشر صورتي بالفيس
«،،،واذا نشرتها شصار يعني بنيه وتخجل من
خلقتك الزفرة
صحت بي بخبال
«،،،حسييين اخويه احمد شايفها وراسالك
يريد يحجي وياك على الخاص
«،،،اي شفته بس ماحجيت ويا
«،،،لاتحجي وانطي حضر
«،،،اكلك انت شبيك فهمني اخوتك اذوك بشي
«،،،،لاا
«،،،عجل شبيك وياهم تره الكاعد تسوي
حرام اافهم عاد هالشي
«،،،يول هم راح تحجي بالحلال والحرام وادوخ
راسي كاعد اكلك مااريد اي صله
بيهم خليهم بعيدين
عني
«،،اخوك كاعد يتصل عليه
سكتت كمل
«،،،راح اجاوبه واكله مايريد يشوفكم ولا يحجي
وياكم
مارديت سأل
«،،،مو هيج ترديني احجي
صراع صار بين عقلي،وگلبي وكمت مااعرف
شاريد
«،،الو قائد
«،،،هياانه صخام روح اني اتصرف
«،،،يول اعقل واحجي وياهم كافي خمس
سنين وانت رافض تحجي
او تتواصل وياهم حتى
اني منعتني من هالشي وحلفتني بالقران
«،،،كتلك اني راح اتصرف فلا تظل تلغي زايد
«،،،ماراح احجي شي بعد انت اتصرف صح اني
راح اجاوبه واكله هو يتصل عليكم
«،،،لاا لاتجاوبه اني راح اتصل علي
من يمي
«،،،تمام
سديت الخط،،،كمت اروح واجي بالاستقبال
دحكت لجهازي متردد اخابرهم، ، كعدت رحت لصفحه احمد جان خال صورته بالشمال كبران
وصاير سمين
نزلت ادور على مقداد شفته صورته كاعد
على ميز ومكتوب الدكتور
مقداد صالح
عرفته اخذ الدكتوراه بالتاريخ لان جان يحجي
بهل الشي
ترددت جثير بس صله الاخوه غلبت عليه
نزلت ماسنجر لان ماجان عندي ولا احب استعمله
اتصلت على احمد بسرعه رد
«،،،الو قائد
«،،،هلا احمد
اخويه صاح بفرح
«،،،مقداد هووو والله
«،،،وينه
اجاني صوته يحجي بلهفه
«،،،الو قائد هاي انت يول موو
«،،،اي مقداد
«،،،يارب لك الحمد
رد بصوت مخنوك وكمل
«،،انت وين تعال علينا نريد نشوفك
«،،،مااكدر
سكت من رديت هالرد كملت
«،،،مااريد اجي لهناك
«،،،احنا نجيك بغداد انت مو
«،،،اي بس مااريد غيركم بس انتو تعالو
«،،،تمام تمام نوصل ونحجي جايك هسه بس
دز الموقع لاحمد
«،،،اي
«،،،يول شسويت بينا لييش هيج
سكت بعدين كمل
«،،،مااريد اعتب اريد اشوفك اريد اخذك
لحظني
روحي اختنگت من كال هالكلام كمل
«،،،جايك يول اني واحمد
«،،،انتظركم
«،،،مع السلامه
«،،،الله وياكم
سديت الخط مهموم ومخنوك ومااعرف شلون راح
استقبلهم وخايف من رده فعلي
لا اتعامل وياهم بروده
صح هم مااذوني بس الخلل بيه اني كرهت
كلشي يذكرني بذيج الايام الي عشتها بذاك المكان
جنت احس بروحي مريض نفسي من كثر
الضغط الصار عليه ومن ورة
الصار بيه
ردت اطلع من البيت اطلع حجه الهم واكول
مو موجود ردت شي يخليني ماااشوفهم لان
شوفتهم راح تهيج جروح ماطابت
بس ماكدرت لان كتلهم تعالو كاعد وحدي كل
ساع ادحك للكامره وره جم ساعه شفت
سياره صغيرة لونها ابيض
وكفت احمد خابر
«،،،وصلنا بيتك بابه اسود
«،،،اي
«،،اطلع النا
«،،جاي
طلعت للكراج فتحت الباب من شافوني بسرعه نزلو
واجوي يركضون عليه اثنينهم
حظنوني كامو يبجون
عيوني دمعت بس مابجيت وخرت منهم
يتفرسون بملامحي بشوگ ولهفه
«،،،وولك شسويتي بينا
مقداد حجه ورجع حظني باسني اكثر من مرة
يردد
«،،الف الحمد لله والشكر من شفتك طيب
احمد هم حظني وباسني كال
«،،،يول ليش هيج مو احنا اخوتك
ماحجيت شي مقداد كله
«،،،مانريد نعتب خلينا فرحانين بشوفته لاخونا
«،،،تفضلو
طبينا سوه اخذتهم للاستقبال كعدنا مقداد
يمي يدحك عليه بلهفه سال
«،،،شلونك يول وشصار بيك بالغربه
«،،كل خير صارلي هناك
جاوبته احمد سال
«،،،وين جنت
«،،بالمانيا
«،،،يعني خمس سنين صارلك هناك
«،،،اي
اخوتي سكتوا كمت سالو
«،،وين
«،،،اجيبلكم مي
«،،اكعد مانريد شي شربنا قبل شويه
مقداد حجه رجعت كعدت كال
«،،يول ماتسأل على ابويه وامي
«،،،،شلونهم
سكت من سمع نبره صوتي وجاوب
«،،ابويه تعبان مو مثل قبل وامي ضربها سكر
وهم صايره فد مرة
مادرت بال احمد كمل
«،،،ماتروح ويانا تشوفهم
«،،،لاا
اخوتي واحد ظل يدحك للخ مقداد كال
«،،،قائد ذوله ابوك وامك والهم حگ
عليك
«،،،مالهم شي عندي
«،،،،يول حرام
«،،،حرام عليه مو عليك
جاوبته بضوجه سكت احمد كال
«،،مو هيج قائد تره ابويه وامي تمرضوا من
وراك
ابتسمت ورديت باستهزاء
«،،،،لا بله
«،،هاي شبيك يول اشو مدري شلون تحجي
ويانا
مقداد حجه بعتب جاوبته برودة
«،،،اني ماعندي اب وام اعتبرت نفسي يتيم من
طلعت من يمكم وعشت هيج طول
هالخمس سنوات
«،،،،بس احنا مااذيناك حتى تحجي هيج
مقداد رد جاوبته
«،،،،انتو مااذيتوني والحجي مو يمكم
«،،،عجل ليش،مااراسلتنا طمنتنا عليك خمس سنين
واحنا نريد بس نعرف انت باي بلد
ولك اني سافرت لتركيا
ادور عليك وراسلت
جثير ناس
واحد يكلي بعده بتركيا واللخ لا نمسا
و مااعرفت وين انت ولا كلفت روحك
ادكول اني بفلان بلد
احمد كمل
«،،،الصار بيك احنا مالنا ذنب بي اا
قاطعته بسرعه وبغضب
«،،،سدها لهاي السالفه ولاتحجي بيها جدامي
سكت ودحك لمقداد كلي
«،،،،ماراح نحجي باي شي احنا جاين نشوفك
ونرجع لاهلنا
ماكلت لا ظلو يمي هم حسو من وجهي وتصرفاتي
مقداد كام وكال
«،،،اني ماراح ااكلك ليش هيج استقبلتنا لان مبين
عليك انت ماناسي ولا طبت من الصار بيك
وراح نعوفك براحتك شوكت
ماحنيت النا ولابويه
وامي بابنا مفتوح
الك وكل الهلا
بيك
اشر لاحمد وطلعو من يمي ماطلعت وراهم ولا
حاولت اوكفهم شفتهم بالكامرة صعدو
سيارتهم وراحوا
حسين اجه سال عليهم كتله اجوي شافوني
وراحو
«««صدك تحجي ليش،،،،مااجلبت بيهم يبقون
يمنا كم يوم
«،،،ماقبلوا
صفن عليه بعدين رد
«،،،،يول جفصت بطنهم مو
مارديت
«،،،عرفتك والله بومه وراح تستقبلهم بروده
فزيت من مكاني وصحت بي
«،،ااانت شبيك نزلت عليه حاصل فاصل كاعد
ااگلك مااقبلو يظلون
«،،،قائد ذوله ااخوتك واجوي عليك برجلهم
ولك شلون وياك تظل هيج كاره
الدنيا وكاره روحك
«،،،انت ماعليك بينا اني واخوتي ننجاز
«،،،هااا هيج الحجي يول
«،،،ااي وبعد لاتتدخل بينا خليك بروحك
وبس
سكت مارد عليه مشيت من يمه وطلعت
مارجعت لنص الليل حتى الشربته ماخلاني
ارتاح ولا سوالي شي
جان كاعد من شاف وضعي هز راسه بعدم
رضى بس ماحجه شي كام وراح
لفوك كعدت
جنت جسد بلا روح
اريد السلام وهو ماكو
اريد الي يفتهمني ومجاي الكه
اريد واحد يگلي افهم البيك بدون مااحجي
بس اااخ الوجع هنا
دگيت على گلبي وكملت بقهر
مو بگلوبهم لان اني المكسور
اني الي اضحك وبداخلي بجي
اريد اصرخ،،،بس الصوت خان
اريد انهزم من الكل بس الدنيا سجان
ذبيت حسرة طلعت نار من جوة گلبي رجعت
راسي ليوره وغمضت عيوني
حتى النوم ماجنت ارتاح بي
لان جنت اشوفها
باحلامي
يمامه
واكفه كدام المرايه اشد بالشيله مال امي
على صدري حتى ماتبين معانيه
اختي يمي تسوي مثلي
كالت بحزن
«،،،يمامه شوكت نخلص من هالظلم
«،،،ماراح نخلص الا من يموت ابوج ومرته
دمعتها نزلت كملت
«،،واخوج هم لان اكبر ظالم بهل الدنيا
ماكو واحد يتمنى اخوه او ابوه يموتون الا ومسويلهم شي جبير وذوله الاثنين
وياهم مره ابويه ماجانو
بشر لا جانوو وحوش
ماتعرف الرحمه
«،،،ووولج يمامه ،،صخمانه اانتي اللخ حنينه
من لا حنيتي ولا عرستي وينجن ماتطلعن عاااد
سمعنا صوت منيرة مره ابويه جاوبت
«،،،ااجينا
لبسنا الشيله فوك راسنا وطلعت اني واختي
كاعده بالهول ولاويه رجل على
رجل ابويه يمها يشرب
اركيله كال
«،،،يله بوجهجن للشارع وماترجعن الا وره
الغياب واريد فلوس هوايه لاتجن وجايبات قليل
تره اذبحجن والله
جاوبته بتوسل
«،،يابه شوفلنا غير شغله الشارع صاير مو خوش
والشباب كامت تتحارش بينا لان كبرنا
«،،،ههههه
مرته ضحكت بصوت عالي ومكروه جاوبت
«،،اي عيني من جمالج انتي واختج يتحارشون
بيجن اشو الوجه اسود وزراكات طالعات
لامجن
هي جاانت سوده وزركه وسمينه واحنا من الشمس
والبهذله صرنا اني واختي سودات والبشره
يابسه جاوبتها
«،،،امي ماتت وارتاحت من هالعيشه
كملت بگلبي وهالشكول الزفره
«،،،،سمعت عواد سمعتها شلون جاوبتني
ابويه كام نظراته كلها شر حنين اختي لزمتني
من وره حسيت بيها كامت ترجف
وصل ليمي ضربني راجدي
وجرني من شيلتي علي
صاح
«،،،اااني جم اگلج لااتجاوبين منيرة من
تحجي وياج جم اكلج خلي قندرة
بحلكج ولا تغثيها
مارديت علي اعرف ثمن ردي كتله موت
سكتت وضميت قهري بگلبي دفعني اني واختي
لبره وكال
«،،ولن من انعل ابوجن لا ابو امجن وياجن
واريد من الله ترجعن ومو جايبات الي كتلجن
علي الا اكطع الكيبل على ظهرجن
اخذت ايد اختي ومشينا تبجي واسكت بيها
تلكانا سعيد بالتك توك اول ماشافنا
وكف نزل يضحك وعطوبه
الصفر طالعات من
الشفقه كال
«،،،هاي وين رايحات
«،،،للشغل وين يعني نروح
جاوبته بنتره فر عيونه عليه وعلى حنين
ركز عليها خافت منه وختلت
ورايه كلت
«،،،خير سعيد رايد شي
«،،،ولج يمامه اسمعي كلامي وتعالي وياي
انتي واختج والله اشغلجن بمكان تحصلن منه
كومه فلوس
«،،،روح منا لاكول لاخويه عليك
«،،،هههه
ضحك بصوت طلع سنه المكسور وزاد قبح
فوك قبحه جاوب
«،،منو قصدج ياهو منهم
جان عندي اخ جبير اسمه قدوري يصيحو
ابو التنك لان عايشين بحي باطراف
بغداد يم المقالع يسموه
حي التنك ،،،، بيوته كلها مبنيه منها
وبيتنا جان هم هيج واللخ منتضر هذا الصغير
فقير ويحبنا عكس قويدر جان انكس
من ابويه ومسوينا خدمات اله
هو ومنيرة
مارديت علي كمل يضحك
«،،،ولج اخوتج كلهم مابيهم خير من قويدر ابو التنك لذااك الطلي منتضر
مشيت وكف كدامنا وكمل
«،،،يمامه اسمعي كلامي ولج والله اخليج تلعبين
بالفلوس لعب انتي وحنين
«،،،خليهن لخواتك هذني الفلوس
سكت جريت اختي من ايدها ومشيت بشوارع
كلها وصخ وسيان وريحه الشعواط
تارس الجو احجي وادعي
بگلبي على اهلي
الي مابيهم واحد بي خير
بس الصغيره جان عمره 16سنه الي ذبه ابويه
بالشيخ عمر يشتغل هناك ويوميته كل
اسبوع يروح ياخذه منه وماينطي
غير كم فلس ومايكدر عليهم
قويدر واحد فاسد وعار يكبسل ويشرب
ومحد يكدر يحجي ويا حتى ابويه يخاف منه
ومسويلي ذاك الحساب
ماجان عدنا احد بهل الدنيا بي حظ وبخت
عم واحد ومات وهو شاب وخوالي من زمان گطعو
من ماتت امي اجوي على كد
الدفنه وراحو وبعد
ماشفناهم
«،،،يمامه ايدي
انتبهت من حجت حنين عفتها كالت
وهي تفرك بيها
«،،،وين راح نروح
«،،للمنصور هناك الناس راح ترحمنا وتنطينا فلوس
هوايه امشي خلي نصعد بهاي السياره
جانت فورتات صعدنا الناس تباوع علينا
باشمئزاز هالنظرات جانت تذبحني بسجين
عميه وتخليني اتجنب اخلي عيوني
بعيونهم
مره سالت من كعدت يمها
«،،ادري ماكو مي وتغسلن
جنا نظيفات بس هدومنا مشككه وجهنا
اسود ويابس من الفره بالشوارع ماجاوبت
كملت
«،،روحي ليغاد ريحتج تقتل
بعدت عنها اختي لزكت بيه من شافت نظراتهم
النا ظليت اسمعها تحجي علينا
ومانردها
من سياره لسياره الما وصلنا ساحه ابو جعفر
المنصور هناك نزلنا وبدت رحله
العذاب والرزايل
الظهر صار واحنا نفتر بالشمس الحر كتلنا
وعطشنا كلش كلت لاختي
«،،خلي اروح اجيب مي وكيك اليه والج
لزمتني خايفه ردت
«،،لاا مااريد خاف ابويه يعرف
ويكتلنا
«،،ماراح يعرف بس انتي اسكتي ولا تحجين
شي
هزت راسها باي اخذتها لابو اسواق من شافنا
طبينا گلب خلقته وكال
«،،،ولن منااا ماااانطي شي
«،،،جاين نشتري
سكت من رديت بعدين نتر
«،،،يله اخذي الي تريدي وروحي
اخذت بطل مي وبطل شربت وكيكتين
انطيته الف قلبه بايده وكال
«،،مو من خير ابوج جايبته
مارديت علي اخذت اختي وطلعنا اكلن
الكيك وهي شربت نص الشربت والي
بقى شربته وراها وهم شربنا مي
حسيت روحي ارتوت حنين كالت
«،،،راح اروح لذيج الصفحه اوكف يم الاشاره
الضوئيه
«،،،اي روحي بس ديربالج من تعبرين
الشارع
هزت راسها باي ظليت اباوع الها من راحت
جانت الاشاره خضره عبرت وفجأة
اجت سياره عاليه ضربتها
عطت مفجوعه
«،،،حنييين
شكرا لزيارتكم عالم روايات سكيرهوم
