رواية ليتنا نلتقي الفصل الرابع بقلم جمانه السعيدي
رتبنا غرفه عدنا زغيره خلينا بيها سرير ابو النفر وفرشناهه
والعصر بابا جاب علي من المستشفى واجا دخله بلغرفه
اني ما كدرت ادخل يمه
رحت البيتنا وجبت ثياب كلهن طوال وردن وجبت كم شال
لان بعد ما اكدر افتر بلبيت بهاي ملابسي وتراكاتي
بابا بيومها ماطلع للمحل بقا يم علي
وحتى بات يمه بلغرفه
وثاني يوم طلع للمحل وصاني اساعد فاطمه لان كلش تعبانه من المستشفى
وهبطة الحادث كلش ما ثره بيها
علي اغلب الوقت نايم بسبب المهدءات الجاي ياخذها
كعدته فاطمه بلتسعه حتى يتريك
بس شافه وشاف الكانونه بايدا
بدا يصرخ وشلع الكانونه وشمرها ويصيح اريد اموت اريد اموت اني قتلت ابوي
اني قتلته وهي جانت لازمه ادي وتهدي بي بعدين صاحتني
زينب تعاليلي وحدي ما اكدر
اني دخلت وحاولت الزم رجليه لان جان يرفس برجلي ويصرخ بس هو من شافني شويه هدؤء
يمكن استحه مني بس مابطل بجي
حمودي سمعه يصرخ وكام يصرخ خاف من الصوت
فاطمه زينب جيبيله ماي يشرب
زينب صار هسه اجيب ورحت جبتله ماي واخذته فاطمه مني
فاطمه يايمه اتعوذ من الشيطان وهاك اشرب ماي انت ماقتلت احد
كلمن ويومه ولوما طالع وياك جان طلع بلسياره وحده وسوا الحادث
كلمن ويومه انت جنت ويا بنفس السياره ولله نجاك لان بعد عدك عمر
ابوك ماجوز عليه بس الرحمه اترحمله يايمه
سكت واخذ الماي منه وشرب بس الدم ترس الفراش والكاع بسبب الكانونه
اني رحت جبت لاصق طبي وكطن لان الدم يجري مستمر
درت من الجه الثانيه لازمتهن بايد واشرتله انطيني ايدك
باوع عليه ونطاني ايده
اول مسحت الدم وبعدين خليت كطن وخليت الاصق على جاب ايده الثانيه وخلاها على عيونه
فاطمه ماما اكل اشويه علمود العلاج
علي ما اريد لا اكل ولا علاج عوفوني وحدي رجا
خلينا الاكل يمه وطلعنا
بيومها حسيت فاطمه حيل تعبانه ووجها اصفر
كتلها ارتاحي اني اشتغل بمكانج
اخذت حمودي بحضنها وتمددت
واني بديت انضف
نضفت المطبخ وطلعت دجاج خليته على النار ونكعت تمن
بعدين بلشت تنضيف بلبيت وغسلت الطرمه ورجعت طبخت التمن
ولميت الملابس الوصخه خليتها بلغساله
كمل الغدا وطفيت الجدور
رحت اباوع على علي لكيته ابد ماماكل اي شي الاكل نفسه بلصينيه باقي
دخلت اشيل الصينيه وهو مغمض صاح
اريد ملابس غير ذني ابدل
رحت اسئل فاطمه
زينب وين ملابس علي يريد يبدل ملابسه بيهن دم من الكانونه يريد غيرهن
فاطمه اي اني اشتريتله اتراكات اثنيين تلكيهن بلخانه الوسط رحت وجبتله اتراك واجيت
فاطمه اوكفي زنوبه مايكدر يبدل وحدا خل اجي اساعدا
اخذت التراك مني مشت اشويه ولزمت الحايط
فاطمه مدري شجاني دايخه اليوم
زينب خاف ضغطج هابط
فاطمه ما ادري واخذت الترك وراحت ساعدته يبدل ملابسه
وكدرت تقنعه ياكل شويه دجاج ويشرب سوب
حضرت الصينيه وهي اخذتها وراحت واني خضيت لبن واخذتا ورحت وراها
فاطمه لازم تاكل لان هذا طبخ زنوبه فدوه الكلبه تعبته وياي
زينب لا كل تعب ماكو انتو اهلي واخدمكم بعيوني هاج هذا اللبن علمودج حتى يتوازن ضغطج
التفت عليه علي وكال شكرا
زينب اذا تريد تشكرني اكل زين واخذ علاجك ترا الي صار قدر وحنا مانكدر نغير الاقدار من رخصتكم وخليت وطلعت وفعلا اكل علي واخذ علاجه
ومن اجه بابا الضهر اتغدا وراح جاب المضمد شد كانونه العلي
زينب بابا اربد احجي وياك
...اي كولي
...بابا فاطمه كلش تعبانه أليوم
...هسه اروح اشوفه
....ام حمودي شبيج تعبانه
...اي ولله من دوخت المستشفى هسه اصير احسن
...ليش ما اخذج المستشفى
...لا مابيه شي اني شاكه بنفسي حامل من تجي جيبلي وياك اختبار الحمل
..انشاء الله
زينب رحت سويت كيكه وخدرت جاي
واخذتهن ورحت الفاطمه وعلي
فاطمه ياحبيبتي تعبناج ويانه
زينب وين التعب اصلا اني مامسويه شي ابد
فاطمه اخذت وكالت شكرا
وعلي كال مااريد
فاطمه اخذتهن وخلتهن كدامه وكالت شوف كيك زينب شكد طيب
زينب اني طلعت برا
لليل موعد الابره
فاطمه زينب ماتجين تضربين علي ابره بلكانونه
زينب اي اجيت سحبت الابره وضربته وكتله بلعافيه
علي شكرا
ورا العشره شفت فاطمه كاعده يم علي وغافيه
زينب روحي نامي اني بعدني كاعده وادير بالي علي
فاطمه مااريد اتعبج
زينب لا اني كاعده متابعه مسلسل هسه يطلع واذا احتاجبتج اكعدج
فاطمه الله يرضا عليج
راحت فاطمه نامت واني كعدت بلهول وفتحت شالي
شعري كام يحكني من الشال كل النهار لابسته
خلص المسلسل
ورحت اطمن على علي
بس دخلت سمعته يووون
لزمت ايده مصخن زين هسه شراح اسوي اكعد فاطمه
درت وجهي لزمني من ايدي
وكال ماي اريد ماي
رحت جبتله مي وكعدته على كيف يشرب
جسمه مثل الجمره المشتعله
مصخن كلش
رحت جبت ثلج وماي بارد وكعدت اسويله كمادات
بس حرارته مجاي تنزل ابد
