رواية ليتنا نلتقي الفصل الخامس 5 بقلم جمانه السعيدي

جبت الماي والخاولي حتى اسويله كمادات

   بعدين كلت خل ادخل على النت اشوف اسرع طريقه اتنزل الحراره 

طلع نخلي الكمادات على الرقبه 

 والافخاذ والابط والبطن 

زين اني شلون راح اكدر اخليلى كمادات  

 بهاي المناطق بجسمه   

  قررت اروح اكعد فاطمه وتساعدني لان حرارته فد نوب صاعده  

 دخلت الغرفته 

وكعدته على كيف 

زينب اكعدي علي حرارته صاعده

فاطمه اي اجيت

جمانه السعيدي 

فاطمه ابنج مصخن لازم نخليلى كمادات واريدج اتساعديني

 

هي خطيه حيل خافت على وبديت اكصص بلخاولي 

واخلي بلمي وهي تخلي على جسمه 

ساعه تقريبا ونزلت حرارته    

 

تبلل فراشه وملابسه بسبب الكمادات 

غيرنا فراشه وامه بدلت ملابسه صارت الساعه بلثنتين ونص 

امه بقت سهرانه ويا واني رحت انام 

اني ماكدرت انام لمن شفت امه شلون تهتم بي اذكرت امي ونقهرت   

حيل اشتاقيتلها  

 وقررت لازم اشوف حل لازم امي ترجع    

ثاني يوم كعدت بلتسعه وفاطمه بس تتشكر مني وبس تسولف بيه كدام علي وبابا

صار يومين بدا الدوام النصف الثاني للسنه

طلعت ملابسي وحضرتهن ودك التليفون باوعت امي 

.....هلو يوم ولله مشتاقتلج 

.....حبيبتي اني الاشوق 

.....لو مشتاقتلي ماتعوفيني الله عليج ارجعي 

.....باعي خل اكلج شي سجلت للعمره اني وامي واخواني اثنينهم ويكولون ميصير اله زوجج يوافق 

  اريد تحاجين ابوج وتاخذين موافقته وتخابريني 

.....ميخالف ماما اني اكله ماما ولله تعبت ارجعي اشتاقيتلج 

....انشاء الله يصير خير داومتي بعدج 

.....باجر انشاء الله اداوم 

وبعدين حجينه اشويه وسدينا التليفون والضهر اجا بابا وفاطمه بس تسولف بيه شلون ساعدتها اتنزل حرارة علي 

ومن خلص الغدا 

.....بابا عدي موضوع اريد احجي وياك 

....اي بابا تفضلي 

.....مو هنا نكعد اني وياك وحدنا 

ورحنا كعدنا بلصاله 

....بابا الى متى يبقى هذاالوضع اريد امي 

....ولله يابابا اتصل عليها ماجاوبني ودزيت عليها ماتقبل ترجع 

.....زين هي تريد تروح عمره وصتني ابلغك 

فدوه بابا انت ماتحتاج وصيه حاول ترجعها   

سمعها هذا كلامك الحلو ترا اني اليوم حسيت بيها مجال ترجع 

....انطيني تليفونج لان هي ماترد عليه من اتصل 

وفعلا اتصل عليها من تليفوني  

  هي ردت عبالها اني متصله بيها 

.....الو ها زنوبه حبيبتي. 

.....احبج احبج احبج 

سكتت اشويه وما ردت 

...رجع كاللها احبج واموت عليج 

....جذاب لو تحبني ماتزوج عليه 

....اعتبريها غلطه واني نادم   

 مو نادم على الزواج نادم لان خليتج تطلعين من البيت المفروض احضنج واضمج بكلبي 

ارجعي ولله اخليج بعيني وابد ماتتغير معاملتج صدكي بلله وداعت زنوبه مشتاقلج 

  انتي عشرت عمري 

والهديه الي ترديها تجيج  

 تردين اشتريلج نيشان ذهب جديد وارجعج

  اجيج اني وزنوبه وترجعين شكلتي 

....خل اروح عمره وارجع ويصير خير انشاء الله 

....زين باجر ادزلج فلوس العمره ويدلل الحلو 

سد التليفون واني كمزت ها بابا راح ترجع امي 

....اي ترجع انشاء الله من تجي من العمره 

شبكت بابا وبوسته 

راح بابا للمحل واني رحت سبحت وحضرت ملابسي 

صاحتني فاطمه موعد الابره بلكانونه 

  ورحت دخلت يمهم 

سحبت الابره ولزمت ايدا ودخلتها بلكانونه خلصت وكتله بلعافيه 

علي الله يعافيج تكول ماما البارحه تعبتج وسهرانه وياي شكرا جزيلا تعبناج 

ابتسمت اول مره هلكد يحجي وياي كتله العفو وطلعت 

بقيت اساعد فاطمه على علاجه والاكل وبليل ابقى ويا للثنتين وبعدين انام لان عندي دوام 

علي اخذ تليفون فاطمه وبدا يتصل بحبيبته يريد يبررله

سبب تاخيره 

لان تليفونه بلحادث انكسر

بس يطلع تليفونه كل مغلق 

كمل اسبوعين عدنا واسبوعين بلمستشفى صار شهر للحادث

صار شويه احسن حالته الصحيه اما الكلام فقليل جدا يتكلم

   وقرر يروح الحبيبته يشوف وضعها وشنو صار وياها 

بس فاطمه ماتقبل تخاف على من السفر 

وخصوصا بعده ما متعافي كلش

   رجله رغم فكو الجبس بس مايكدر يمشي عليها حيل وراسه بعده مربوط 

فا بلكوه كدرت تاخره اسبوع  

  واجر سياره مرجع تاخذه وترجعه بنفس اليوم 

قرريروح الاهل حبيبته ويشرحلهم وضعه 

وفعلا اجر السياره وراح البغداد البيت حبيبته وفاطمه ضلت لازمه كلبها بايدها تخاف علي لايصير بي شي 

وصل البيتهم 

 اتفاجئ اكوووو سيارات ابابهم وهلاهل والامه مكلوبه 

شاف محل قريب وقرر يسئله 

....السلام عليكم 

.....عليكم السلام 

....مو هذا بيت ابو محمد 

...اي بيتهم 

...شنو اليوم عدهم مناسبه 

...اي ولله زواج بتهم زهراء اليوم 

....شنو بتهم انت متاكد

   خاف عدهم غير مناسبه 

...لاولله زواج بتهم شلون واحد الماخذها اموره توب انت ليش تسائل 

....لا ابنهم صديقي ومكطوعه اخباره واجيت اسئل علي شكرا رحمله والديك 

رجع للسياره وكال للسايق اطلع رجعنه الاهلنا احنا هنا مالنا مكان  

   وماكدر يتحكم بدموعه   

مامصدك الكاعد يصير معقوله زهراء تبيعه   

ليش مانتضرت حتى تعرف شصار وياي 

ايجوز غصبوها اكيد غصبوها زهراء ماتعوفني 

وضل الطريق كله حسبه اجيبه وحسبا تودي 

وصل و ماكادر يتحكم بمشاعره اول ماشاف امه حضنها وكام يبجي  

....شبيك يمه شصار  

.....ازوجت زهراء اليوم عرسها وصلت بلوكت المناسب عبالك عازمتني على عرسه

     كعد على الجربايه وهو يصيح ليش هيج ليش ياربي اني شسويت وهيج ايصير بيه 

افقد الناس الاحبهم واحد واحد رحمتك يا الاهي الطف بيه

وفاطمه تريد تسكته ماكو انهار فد نوب 

اني رحت سويتله عصير ليمون بلكت يهدا شويه 

سكت شويه بس تحس اكو بركان جوا يريد ينفجر 

انطيت العصير الامه وهي انطته اله جان يشمرا على الحايط

 ويكسر الكلاص ويصيح ما اريد كلشي ما اريد عوفوني 

شغلت قران بلتلفزيون بصوت هادء وهو تغطا وبعد ماحجا اي حجايه حتى ملابسه ما بدلهن 

شكرا لزيارتكم عالم روايات سكيرهوم