رواية ازهار والوحش الفصل الخامس بقلم جمانه السعيدي
كريم...بعد ست سنوات زواج
فقدت ابوي وبما ان خواتي كلهن مزوجات
بقينا بلبيت بس اني وامي وزينه
بس زينه مو القديمه صارت مزعجه بشكل
ادور مشاكل طول الوقت
وعلى كلشي تسوي هوسه
لغوه ومشاكل على اتفه الاسباب
كريم...زينه اذا تردين روحي الاهلج اني انطيج كل حقوقج
وخلصيني قبل جنتي تخافين من عمي
هسه حتى عمي ماموجود روحي يم اخوانج
اني مالي خلك للمشاكل وامي تعبانه
روحي واني راح اطلك وانطيج كل حقوقج
بلكت تجيج قسمه وتزوجين
زينه.. اي اروح انت شنو مان عليه ولله مسكني بيتك
على الاقل ارتاح من هاي الشكولات
اعيش حياتي ازوج اشوف نفسي
لمت غراضها وراحت بيت اخوها الجبير طبعا امها ماتت
بعد سنه تقريبا
راحت بيت اخوها
اخوها..... شني هاي الجنط
زينه...خلاص اني اريد اطلك
اخوها تطلكين تحجين صدك
زينه...لعد اتشاقا اتفقنا اني وكريم راح يطلك ويدزلي كل حقوقي جمانه السعيدي
راسا اخوها اتصل عليه
...هااا خير ليش زينه رجعت
كريم....احنا ماعايشين براحه من ورا زينه احسن حل ننفصل وكلمن يشوف نفسه
...لا شنو تنفصل هاي زوجتك بت عمك ووين تروح
اني عن نفسي مااكدر استقبلها بيتي
هي وزوجتي مو على حال والبيت زغير
رجعها بيتك واذا تحجي بالنعال على حلكها هاي بطرانه
كريم...خويه انت تعرف كلش زين اني وياها مو على وفاق
من زمان من اول زواجنا
عمي الله يرحمه هو الي دبر الهاي الزواجه
والف مره كتله احنا ما متفقين بس عاند
هسه كافي لا هي جاي تتحملني ولا احنا نكدر نتحملها بعد
كلمن يشوف نفسه
.اخوها...ابد لاوتحجي هذا الكلام زينه ترجع ورجلها فوك راسها
شنو اني عندي فندق قابل
ليش ماحجيت هذا الكلام من زمان ليش اني اتحمل مسؤليتها
ترجع وتكعد بيتها وتسكت
زينه ماعجبها الوضع ماتريد ترجع بيتنا
رغم هي عايشه ملكه بلبيت
تصرف بكيفها وتأكل بكيفها بعمري ما حاسبتها على شي
لمت غراضها وراحت الاخوها الثاني
اخوها الثاني عنده عمال كاعد يبني طابق ثاني وزوجته بيت اهلها هي وجهالها
ماعجبها الوضع راحت بيت اخوها الثالث
زوجت اخوها الثالث سمعت قصتها
سمعت هي تريد تنفصل سمعت هذا الكلام من زوجة اخوها الجبير
سمعت هي تريد تتطلك وتريد ترجع تكعد وياا واحد من اخوانها
خلتها ادك الباب ومافتحتلها
ملت من الوكفه
رغم هي تعرف زوجة اخوها جوه جاي تسمع صوت الجهال
بقت منتضره اخوها من رجع كاعده بلباب
جمانه السعيدي
بس وصل اخوها وشافها
...هااا شعندج
زينه....شوف زوجتك الحيه من الصبح لسه ادك بلباب
ومحد فتحلي تقبلها هاي
...وانتي شعندج جايه
زينه...اريد اطلك من كريم اني من البدايه ما اريده
وجنت كلما ازعل ابوي يرجعني
هسه كافي هذا الوضع تعبني اريد اطلك
بلكت ازوج ابن حلال ويصير عندي عائله
...اي بس اني مااكدر استقبلج بيتي بيتي زغير وزوجتي موضفه وجهالي مدارس
انتي اذا تجين يمنا حياتنا كلها تتخربط اسف مااكدر استقبلج بيتي ولا اكدر اتحمل مسؤليتج
زينه....هااا اتصلت عليك كالتلك اختك بلباب
كالتك مااريدها بيتي
كلكم هيج واحد انكس من الثاني الله لا يسامحكم
انتم وابوي الي بسببه اني وضعي هسه هيج
لا اني مزوج ولا ما مزوجه
قحط زلم مالكه غير الوحش يزوجني اله
بعمري مراح اسامحكم والي وكفه عظيمه وياكم يوم القيامه على هذا حالي
الله لا يرضا عليكم
جمانه السعيدي
ماعدها زينه مكان محد يقبل يستقبلها بعد ما بيت ابوها انباع وكلمن اخذ حصته
هي هم اخذت حصتها بس شي قليل كلشي مايسوي
لان اصلا بيتهم قديم وزغير
رجعت زينه البيت كريم
وهي حاقده على الناس كلها مو بس اهلها
وين تطلع حركتها ماعدها بس كريم رجعت للمشاكل مره ثانيه
كريم...شكد ضجت من رجعت زينه للبيت
اني اريد اخلص منها اني اكدر اطلكها بس وين تروح
اذا اخونها مايردوها ومحد يقبل يستقبلها بيته
الضاهر انكتب عليه اتحملها
هسه لو تغير اسلوبها شويه بس يله على الاقل تبقى ويا امي بلبيت امي مو مثل قبل ماتكدر
بس كون تكعد وتسكت
ازهار...المشاكل ويا عمتي ماتخلص عبالك اني شريجتها مو زوجة ابنها
بس ماعندي مكان اروحله متحمله الخاطر وسام
بعد خمس سنوات زواج طلعت حامل وهلمره تخبلت
ماخذه كل احتياطاتي
شلون حامل ياربي بسلا تطلع بنيه شلون بيه
عمتي هلمره تعرس عليه من صدك
ضميت خبر حملي
مااريدها تعرف ليش تبقى تسمعني كلام مو حلو من هسه
عاد من يقرب الموعد
اتصلت بوسام
ازهار...حبيبي خبر موحلو
وسام...بيج شي امي بيها شي
ازهار...طلعت حامل
وسام..خوفتيني الحمد لله ليش تكولين خبر موحلو
هذا رزق رب العالمين
ازهار...خاف بنيه
وسام...كولي الحمد لله والشكر نعمه كلشي من رب العالمين نعمه
ازهار...يعني ماتزعل اذا اجت بنيه
وسام...اصلا افرح هله بيها اذا بنيه هلمره اسميها فرح
ازهار...وعمتي شلون
وسام...امي شنو علاقتها ذني بناتي
ازهار.. هسه تكول ازوج ازهار اجيب بس بنات
وسام.... ههههه هههه انتي خايفه ازوج
ازهار...اكتلك واكتل نفسي شنو تزوج اني عفت الدنيا كلها علمودك حتى دراستي عفتها
اكول اذا عندي وسام بحياتي شلي بلمدرسه والتعليم
اكعد اربي جهالي واحافظ عليهم
وسام...ولله لو يجمعون كل نسوان الدنيا ماتملي عيني غيرج انتي الحب الاول والاخير
ازهار...ولله اني متحمله كلشي علمودك
وسام....غير انتي عويناتي الي اشوف بيهن
ازهار...تسلم عيونك اني ماكلت العمتي اني حامل
ماريدها تحجي عليه
خل اوصل للشهر الخامس واتاكد شنو يله احجي
وسام...براحتج
جمانه السعيدي
ازهار...بقيت بقلق اخاف تطلع بنيه ولله اني ما متبطره على نعمة رب العالمين
بس شسوي بلغضب الي نزل عليه
مو مره ضيم كاعدتلي كعده
منا لمن وصلت للشهر الخامس انتضرت وسام ينزل حتى اروح اسوي سونار اريد اعرف شنو نوع الجنيبن
من نزل وسام كال العمتي احنا طالعين نغير جوووو
عوجت حلكها عود ماعاجبها الوضع
وصلنا للعياده
دخل وسام وياي جوه
بس الدكتوره بدت تمشي الحهاز على بطني كالت
مبروك وضعه تمام
ازهار....دكتوره ولد
الدكتوره.. اي ولد والحمد لله
ازهار...ودي اكمز واحضن وسام الحمد لله
وسام.. مبروك حبيبتي
الدكتوره..ماعدكم اولاد
وسام.. عدنا بنات ثنيين خير من الله وهسه راح يجيهن اخ
الدكتوره...مبروك
من طلعنا وسام راح اشترا جكليت وعصير
رجعنا للبيت
بس دخلنا كام يصيح يمه يمه وينج تعاي باركيلنا
اجت تمشي على كيف هااا خير
وسام....ازهار بيها ولد
عمتي...يااا حامل ليش ماكالت خاف احسده همزين عندي ولد ثنيين مو واحد
ازهار...استغفر الله هاي كائن عجيب شلون ترضا ماادري
وسام..هاج هذا جكليت وعصير
عمتي...اني مااكل جكليت سنوني يوجعني جيبه اضمه الاحمد
حتى ماكالت مبروك حتى ابنها ماباركتله
ولله عجيبه
اني رحت كعدت بغرفتي وكمت ابجي
تمنيت امي وابوي موجودين حتى افرحهم
ماعندي احد يفرحلي اخواني كل واحد مشغول بنفسه
مراح يهتمون اذا جبت بنيه لو ولد
وسام...ليش تبجين ضجتي من امي
ازهار...لا بس اذكرت امي وكمت ابجي
وسام...الله يرحمها ويغفر الها
يله تعاي نختار اسم
ازهار....اني عاجبني اسم علي
وسام...خلاص علي هاي هيه مثل ما تحبين
كلما تكبر بطني فرحتي تكبر اكثر واخيرا بناتي راح يجيهن اخ
هنا هم فرحانات بي
ويبوسن بطني
وصلت للشهر التاسع جهزت كلشي
ازهار...حبيبي مااريد شي بس ساعة ولادتي تكون موجود
وسام...انشاء الله راح اكون موجود
بس انتي حاولي مو تستعجلين من اول اي يوكع
ازهار....وين ذاك البخت يوكع من اول اي
خاف يطلع روحي
وسام... لا ابني سبع اني اعرفه زين
اني وصيته ما يتعبج
ازهار...هااا انت وصيته تمام وين الله يطلع يشبهك
بلشكل وبلاخلاق
وسام....انشاء الله خير بس هسه اهم شي عندي تكومين بلسلامه
سلامتج اهم عندي من كل شي
ازهار...اي ولله اتمنى رب العالمين يكتبلي السلامه وننجمع على خير
شكرا لزيارتكم عالم روايات سكيرهوم
