رواية قتل عروس الفصل الرابع بقلم جمانه السعيدي
ليلى....يومين ودزت علينا ام عدنان
اجت مره جبيره بلعمر دكت الباب اني بس شفته عرفت هاي
دازته ام عدنان
دخلت للبيت امي استقبلتها اني ماطلعت عليها كاعده اشتغل عندي وصل قماش جابتها جيرانا البارحه
وكاعده اكصص بيهن واني اعرف الجواب ليش اروح
يمها
امي انطت الجواب النهائي الهاي المره
اخوها مايقبل ايكول ماتزوج اله سيد
اني بلنسبه اليه هذا الموضوع خلص حاله حال كل الناس الي خطبتني قبل اصلا اني مااعرف العريس منو
هسه العريس راح يعرفنا على نفسه
اني عدنان الابن الأكبر الابوي عمري ٢٥ سنه
خريج ولله الحمد
من اني زغير ابوي ياخذني وياا اي كعده اي مشيه
اي طلابه
كاعد يهيئني اكون شيخ من بعده
حتى فرض عليه البس دشداشه وعكال وعبايه من اطلع
من يوم تخرجت لليوم
اطلع الاي مكان بهذا الزي
مااحمد بنفسي ولله معدل وعقلي يوزن بلد بفضل حرص ابوي على تربيتي
عندي خوات ازغر مني ثنيين مزوجات
وعندي اخ بلمتوسطه
ابوي معروف وصيته واصل
رجال خير ويحجي كلمة الحق
مستحيل احد يجي علي بشغله ويرده
جمانه السعيدي
من يوم تخرجت لليوم امي تلح عليه ازوجك ازوجك
اريد افرح بيك
قبل عندك كليه وماتقبل هسه ليش ماتزوج
كل يوم كل يوم تعرض عليه عروسه شكل
واني ارفض مجاي اقتنع
مدري قسمتي بعدها ماجايه
طبعا الاقارب كل يومين اتلاثه جايات علينا
شكو وحده عدها بنيه جايبتها وجايه
لان يسمعن امي تحجي بزواجي
مااعرف ليش نفسي مسدوده من كل اقاربي
احس بعد وكت الموضوع الزواج هذا
الحد مايوم رحت للمتسوصف
عندي فلاونزا ورحت اجيب علاج اكو دكتور خاص أنف وأذن وحنجره
دكتور كلش زين
الدكتور كاعد بغرفه والدكتوره كاعده بلغرفه الي بصفه
اني واكف بسراي
اجت مره جبيره وياها وحده لابسه بوشيه
بس اسمعها تلوب من الوجع
كلامها وبجيها خلاني انتبه الحالتها خطيه تتألم شويه تخربطت
شفتها ملفلفه نفسها
طلبت من امها ترفع البوشيه لان البنيه تتلوا ومختنكه
خطيه هسه وكت بوشيه
فتحت امها البوشيه دخيل الله طلعت مو بنيه
تخبل النوب لابسه اسود عبالك كلوب ومشتعل
ماكدرت ابعد عيوني عنها
بس وضعها كلش موزين صحت على النسوان اجن ساعدن امها دخلت على الدكتوره
من طلعت البنيه رافع البوشيه ماكدرت ابعد عيوني عنها
شفتها بعدها تتوجع
حجيت وياا امها بعدين رحت جبت العلاج
من رجعت طلبت اوصلهن بس امها ما قبلت كنت اريد اعرف بيتهم وين جمانه السعيدي
مو عبالك صار اقل الساعه من شفتها
عبالك جنت انتضرها صار سنيبن
هي انتبهت اني عيوني عليها رجعت لبست البوشيه
ياسبحان الله جمال وكمال
ثكيله وحلوه ومستوره كلهن جامعتهن سوا
من طلعن اني عفت سراي ورحت وراهن لمن عرفت بيتهم وين بقيت اسئل الجوارين عليهم
الكل يكول احنا مانعرف اذا كانت عدهم بنيه
ماتطلع من البيت بقيت اسئل واتأكد لمن عرفت عدهم بنيه
وحيده عايشه وياهم بلبيت واسمها ليلى
رجعت للبيت فرحان عبالك لكيت كنز
عدنان....امي واخيرا لكيت عروسه
امي.. يالله اي هذا الخبر الي جنت منتضرته بفارغ الصبر
مني اني اعرفها اعرف اهلها
عدنان...يمه جمال واخلاق شوفي اني مراح ازوج وحده غيرها لو هي لو ابقى طول عمري بدون زواج
امي...اي يلله اني منتضره هذا اليوم
عدنان..اني راح اخذج البيتهم بس اريد تفتحين الموضوع وياا امها
اني متأكد اهلها راح يوافقون
امي....اي هي هم عوزنا يرفضون انت منو الي ترفضك
شيخ وابن شيخ اخذني البيتهم واني اخطبها اللك
يمه عدنان تحمست اريد اشوف هاي الي طيرت عقلك
عدنان....يمه ماشايف هيج خلقه سبحان الخالق المبدع
جمانه السعيدي
عدنان..اخذت امي شافت ليلى رجعت متعجبه من جمالها
عدنان...هااا امي
امي.. اي يمه تخبل عجبتني حتى امها مبينه حبابه
بس تكول اخوها ما يقبل اله سيد لان هما ساده
عدنان...مالج شغل اني اقنعه
امي..اي ان كتلهم يومين وادز عليكم
عدنان...متأكد اذا سئلو عنا راح يوافقون ايجوز ما عرفو احنا منو
امي...لا يمه ولله كتلهم احنا بيت شيخ فلان
عدنان..بقيت كاعد على نار يمته يخلصن اليومين حتى نروح نخطب اني متأكد راح يوافقون عليه
الله واخيرا لكيت الانسانه الي عقلي وقلبي اتفقن عليها
دزينا ام حمزه اجيب خبر الموافقه
اني كنت متأكد الف بلميه راح يوافقون عليا مستحيل
يرفضوني
وكعدنا اني وابوي نخطط للخطبه وناخذ منو ويانه
وشلون راح نتفق وياهم على تفاصيل العرس
بس اني شنو طاير من الفرح مامصدك عبالك جاي احلم
ولا كأني صار اسبوع من شفتها لا عبالك اعرفها صار
سبع سنيين مو سبع ايام
اجت ام حمزه
عدنان .....هاا خاله بشري
ام حمزه...اخوها مايقبل يكول العلويه ماياخذها غير سيد
طلبكم مرفوض
ابو عدنان....تحجين صدك هذا شبي تخبل يعرف احنا منو
عدنان....اكيد مايعرفون احنا منو اني باجر اروح علي اعرفه بنفسي
كنت متأكد هو مايعرف احنا منو لان مستحيل واحد مثلي ينرفض
ثاني يوم بدلت وتعطرت وصعدت سيارتي ورحت البيتهم
دكيت الباب
طلع اخوها سلمت علي
حميد...تفضل
عدنان...اريد احجي وياك بموضوع مهم ممكن نكعد سوا
حميد...اهلا وسهلا تفضل جمانه السعيدي
عدنان...دخلنا جوه
حميد...الله بلخير
عدنان...الله بلخير والعافيه
حميد...اني اعرفك
عدنان...لا اول مره نلتقي اني جايك بطلب
اني عدنان ابن شيخ فلان اني خريج ووضعي المادي كلش زين اني جاي اطلب ايد اختك للزواج
حميد...جيتك على راسي عيني بس العلويه ماتاخذ عامي
اله سيد هذا الشي ماشي بعشيرتنا
عدنان...منو بعد يمشي بهذا الوكت بهيج تقاليد
اني مستعد الكل طلباتكم
ترا احنا مو شويه سمعتنا بلولايه الناس تحلف بيها
واني هسه لو اخطب بت الوزير اخذها احنا ناس
الكل تحلف بينا
حميد..ولو العلويه ماياخذها اله سيد
عدنان...انت اسئل عنا بلاول
حميد..لا اتعبك ولا تعبني طلبك مرفوض
عدنان...زين فكر اخذ وقت اسئل عنا
حميد...منا واكطعها مالك يمنا نصيب
تعب عدنان وهو يحاول يقنع حميد طلع من بيتهم زعلان
من طلع لمحته ليلى من الشباك
ليلى...هذا اني وين شايفته ووين ياربي
كعدت اشتغل اريد اذكر وين شايفته
هااا اذكرت هذا الي ساعدنا بلمستوصف
يمه شجابه بسلا كال الحميد شفت اختك بلمستوصف
اليوم موتي حلال الله يستر
اجا حميد للغرفه كاعدين اني وامي
ليلى...كلبي كام يدك سريع لان حميد مبين ضايج
حميد...هذا مو امه اجت قبل كم يوم واني رفضت
طلبها شعنده رجع علينا
يمه انتي كلتي الامه طلبج مرفوض
امي...اي ولله يمه كتلها طلبكم مرفوض اخوها مايقبل
حميد...شنو ما يفتهم كل شويه وكال اسئل عني
اني ابن فلان شيخ واني شنو علاقتي بابوه
ولله هاي الناس ماعرف شبيها
اكله العلويه ماتاخذ غير سيد
يكول ماكو فرق شلون ماكو فرق اصلا الفرق من السما للكاع السيد وين والعامي وين
عدا الموضوع عادي باعتبار عدنان خلص رفضنا
وبعد مراح يرجع ابد
بس عدنان ابد مايقبل يستسلم
شكرا لزيارتكم عالم روايات سكيرهوم
