رواية قتل عروس الفصل الخامس بقلم جمانه السعيدي
ليلى....كلت بكلبي همزين ماحجا شي
كدام حميد جان اليله رحت سته بسبعه
حميد يكول ابن شيوخ الله لو تصير قسمتي ويااا
واخلص من سجن حميد
شلون اخلص اذا حميد لازم الا
يله هاي هيه كلشي قسمه ونصيب
امي....ليلى.مو هذا الولد الي جابلنا علاج بلمستوصف
ليلى...اي يمه هوو اسكتي بس يسمع حميد يموتني
امي....ماكو واحد يساعد لله كلها عدها مصلحه
اي مو اني كلت الامه لا والمره الي اجت هم كتلها لا
بعد شني جيته
يريد يشعل بيتنا نار هو احنا عايزين
حميد بليه كلشي محزم على المشاكل كون الله يهدي وبعد مايرجع
بس يرجع حميد يشك بيج
ليلى.. اطمني مراح يرجع حميد طرده
عدنان...رجعت للبيت كلش ضايج هذا شلون راح اقنعه
قاقل فد مره
شنو من عقليه منو بعد هيج يفكر
بس ابد مراح ابطل
ابو عدنان....هااا بويه شصار
عدنان....مثل ما كالت ام حمزه مايقبل يزوجها اله سيد
ابو عدنان....عوفها
عدنان...لا يابه شلون اعوفها تحجي صدك هاي البنيه اليه ومحد ياخذها غيري
ابو عدنان.. زين اخذ عمك ابو حارث وعمك ابو سعد
خل يحجون ويااا
وبس تتفقون ويا ناخذ مشيه ونروح علي
عدنان...اي هي هم هيج يجوز لان شافني وحدي
بلكت من يشوف هاي الناس يقبل
ابو عدنان...اني جان رحت وياك بس اذا ماقبل بهاي الخطبه
جبيره بحقي جمانه السعيدي
عدنان....اي بس كم يوم خل يهدء ويفكر زين بلكت يغير رائيه
ليلى..بقيت افكر بعدنان شلون دز امه وبعدبن هو اجا
يمكن اني ماعندي حظ بلاشياء الزينه
اكيد بعد رفض حميد مراح يرجع مره ثانيه
اسبوع ورجع اجا عدنان هو وياا زلم كبار بلعمر
ليلى..اني شفتهم من الشباك
رغم اعرف حميد زين اكيد مراح يوافق
بس ليش احس كلبي يفرح من يشوفه ليش كلبي مطمن اله
رغم اني ابد ماحاجيه ويااا
بس هلمره اكيد راح يطلع وبعد مايرجع من ورا حميد
كعدو عدنان وابو حارث وابو سعد
يتوسلون بي وهو رافض نهائيا
المشكله قافل عقله مغلق مايقبل يلين وياهم
لا غرته فلوس ولا منصب ولا وجهاء
متمسك برائيه لا يعني لا
حميد....هذا الموضوع بعد مااريد حجي بي ابنكم خوش ولد بس ماله قسمه عدنا
طلعو زعلانين منه ومتعجبين من كمية الا الي بكلامه
كل كلمه يكول لا
مابي مجال يقتنع ابد
مجرد ماطلعو من البيت حميد دخل علينا اني امي
حميد...يمه بتج هاي هم تطلع من وراي
امي... الله يستر وين تطلع هلمكروده النهار كله بلبيت
حميد...ليش عدنان يلح على موضوع الزواج هذا
خاف شايفها بمكان
امي...يايمه صدك تحجي هي هم تطلع من البيت
وين تروح هلمسكينه
حميد...شوفي اذا سمعت طالعه من وراي لو احد.شايفها ماتلوم اله نفسها
اموتها وادفنها هنا بلبيت سمعتي لو لا
ليلى...لزمت كلبي بايدي خاف زوجته نحجي على طلعتنا للمستشفى
وضجت بنفس الوكت ليش واحد مثل عدنان ينرفض
يعني اني مامكتوبلي اعيش مرتاحه
مو اخ غضب نزل عليه
ليلى...بليل ماكدرت انام صورته وهو داخل علينا البيت كدام عيني
كشخه وهيبه وشخصيه
حسيت نفسي احبه اي احبه لان مصمم يريد يخطبني
رغم هاي ثالث مره حميد يرفض
مره رفض امه وبعدين من اجا وحده رفضه
وهاي المره الثالثه
ليش هو هلكد مصمم عليه ويلح ياربي اذا بي خير اليه
خل حميد يقتنع ويقبل
ولو اكيد هو بعد مراح يرجع بعد هذا الرفض
جمانه السعيدي
عدنان رجع للبيت كلش ضايج
ابو عدنان...هااا بويه بشر
عدنان...شبشر قافل ايكول مو عقل قندره
اجيبه على رأسه يوكع على رجليه مااعرف باي منطق يحجي شنو من بشر هذا
ابو عدنان...عوفها ما مقسومه هي كوه
عدنان...لا مااعوفها اني اريدها احبها مستحيل اتخلى عنها
لو كل يوم اخطبها اخوها يرفض هم مااعوفها
عناد بي مااعوفها اله اطلعله من كل مكان اني يرفضني
صدك هذا لافهم ولا علم
ابو عدنان....اخذ سيد علي وسيد جاسم وروح علي
ذوله ساده واكيد ياثرون علي
عدنان...هااا هيج تكول اخذ ،ساده اروح علي
ابو عدنان...اني باجر احجي وياهم واخليهم همه يرحون يخطبولك
عدنان...اي خوش فكره
ليلى....اني بلنسبه اليه ماعندي امل عدنان يرجع
حميد سد كل الابواب بوجها
مااعرف ليش احس نفسي احبه بلكت يرجع وحميد يغير رائيه
اوووف اووف هاي ينرادلها معجزه
وزمن المعجزات راح نامي ليلى ولا تفكرين بمعجزه
المعجزه الوحيده حميد يموت واخلص منه
ماكو حل ثاني الوضعي هذا
فات عشر ايام ورجع عدنان وياا ثنيين ساده
هلمره حميد بس شافه عيونا نطن
هم رجع عليه عدنان صخمان شلون ويااا
سيد علي....شلونك سيد حميد
حميد. اهلا وسهلا
سيد علي....شنو قصتك انت ماتعرف عدنان ما تعرف ابو
شني كلما يجيك تفشله
عمي احنا ساده ونكلك اطي المره
ولله لو يخطب بتي من الصبح اكبعها وانطيها اله
صدك تحجي انت عدنان يريد مره وانت ما تقبل
عمي هذا شيخ ابن شيخ ومعدل
حميد...يمكن هو مجاي يفهمني هاي السالفه مابيها نقاش ابد
اختي ماتاخذ اله سيد
سيد جاسم...اي اني سيد وجاي اخطبها
حميد.. الابنك اي موافق العدنان لا اختي ماتاخذ واحد عامي ابد
سيد جاسم...انت ليش اتصعب السالفه وهي سهله
حميد..بلعكس اني واضح ويااا من اول يوم كتله اختي
ماتاخد اله سيد
كلامي واضح ومفهوم بس هو مايقبل يفهم كلامي
جمانه السعيدي
سيدعلي ....وهسه شلون
حميد...ماعندي كلام ثاني هذا اخر كلام احجي
اختي ماتاخذ اي واحد عامي
لا عدنان ولا غيره وبعد كدامكم مااريده يجي
ولا يجيب احد
خل ينسى هاي السالفه نهائيا
طلعو الساده وعدنان زعلانيين
حميد ماعنده غير هذا الكلام
بس طلعو اجا حامي على ليلى
حميد...وين شافج احجي ذابح نفسه عليج ما معقول
ماطالعه وشايفج
احجي لا اليوم اموتج خلاص
قرب على ليلى ولزمها من شعرها وضرب راسها بلحايط
احجي وين شافج شلون طلعتي
اني كواد كدامج تخليني اطلع وطلعين وياا الزلم
ليلى...وين طالعه بس حجيت راسا دفرني بصفحتي
حيل امي صارت بيني وبينه
حميد...وخري يمه وخري عنها اليوم اذبحها
هذا عدنان مايلح هيج اله شايفها
اني اختي تطلع من وراي اني اختي تشوفها الزلم
لاخير بيه اذا بقيتج عايشه
ادفنج هنا وما تاخذينه لو يبقى اخر واحد بلدنيا ما تاخذينه سمعتي لو لا
ليلى....راسي طلع منه دم وصفحتي توجعني
كمت اضمد راسي كوه امشي اخ ياربي شنو من حياة هاي
لو تاخذني لو تاخذ حميد
وين اشرد وين اولي منه
جمانه السعيدي
رجع عدنان هلمره روحه طافره حميد سد كل البيبان بوجها
شلون مصيبه
ام عدنان....يمه الي خلقها ما خلق غيرها عوفها
عدنان...مااعوفها لو انتضرها العمر كله مااعوفها
ماكو غير اكتل اخوها واخذها
ام عدنان...لا يمه دخيل الله عوفها اني ادورلك
وحده احلى منها شنو النسوان خلصن
عدنان....لو هي لو ماازوج
ام عدنان...خل ابوك يسمع يايمه كلشي قسمه ونصيب
هاي البنيه مو من قسمتك
ابوك من رجعو الساده لهسه يفور يكول عدنان جاي يقلل من قيمتنا
الناس كلها تتمنانا وهو مايريد غير اخت هذا الناقص حميد
عدنان...امي البنيه شنو علاقتها اني متأكد هي موافقه
بس هذا اخوها واكف سجينة خاصره
ام عدنان....ليش ادخلنا بمشاكل احنا بغنى عنها
عوفها مو من قسمتك
عدنان...مااعوفها اريدها يعني اريدها
هلمره شهر كامل وعدنان ماقرب على ببت ليلى
جاي يدور حل
ماخله واحد ماحجه ويااا
كله تكول عوفها مادام اخوها هيج عوفها حتلو تأخذها اخوها راح يخرب عليكم
بس عدنان يكول لا مااعوفها محد ياخذها غيري
هلمره عدنان فكر يروح على جماعة حميد الي يشتغلون وياا بلحلال
ويدزهم على حميد بلكت يوافق
جماعت حميد من شافو عدنان وعرفو هو ابن منو
تخبلو شلون حميد يرفض عدنان
عدنان.. اخوتي اريد فزعتكم لان حميد تعبني
كلهم كاللوله ماعليك عوفها علينا
فعلا بس اجا حميد الصبح للعلوه حجو ويااا وهو تخبل فد مره
وصلت بعدنان يجي يشهر بااختي كدام جماعتي
اكيد راح يكولون يحبها
يحبها يعني شايفها يعني طالع وياها يعني اكو اشياء اني مااعرفها جاي تصير من وراي
اليوم موت ليلى على أيدي
رجع حميد للبيت من الصبح مو مثل كل يوم يرجع الضهر
دخل كبل الغرفته وصاح على زوجته
حميد...تعاي اريد اسئلج سوال ليلى هم تطلع من البيت
سلامه.....لا
حميد...اذكري زين قبل اسبوع قبل شهر هم طلعت من البيت
سلامه....لا ماطالعه
حميد...اكعدي وسولفي عليه لازم طلعت من البيت
لان هذا عدنان اذا ما شايفها مايلح على هذا الموضوع هيج
اذكري زين
سلامه....بله خل افكر شويه وين طلعت
هااا اذكرت ذاك اليوم من طلعت الصبح رحت للعرب
علمود الحلال.هي كعدت راسها يوجعها
وخالتي اخذتها للمستوصف
حميد...بس هيج بعد ما طالعه من البيت
سلامه...اي ما طالعه بس هاي المره خالتي اخذتها وراحت
حميد...هسه عرفت اكيد عدنان شافها بلمستوصف
اليوم موتها على أيدي
شكرا لزيارتكم عالم روايات سكيرهوم
