رواية للحب فرصة اخيرة الفصل الرابع
ف الصالة
ماهر:انا اديت للشغالين اجازة وحظنا انهم مش بيفهموا عربى والا كنا اتفضحنا
فوفية:انا عاوزة ارجع مصر ياماهر..انا تعبت من القاعدة هنا..حاسة بغربة وانا قاعدة لوحدى عايزين نرجع لييت العيلة
ماهر:حاضر يادادة هنرجع
شوية لقوا ضحى نازلة وماسكة حمزة ف ايدها
ماهر بخوف:رايحة فين؟!
ضحى:ماشية مليش مكان ف البيت دة وهاخد حمزة معايا....انا هرجع مصر واعيش ف الحارة اللى جيت منها
ماهر بعصبية:دة كلام ناس عاقلين ياضحى؟! انتى مستحيل ترجعى للحارة لو عايزة تنزلى مصر مش همنعك بس هترجعى لبيت عمك
ضحى:بيت عمى اتحرم عليا من يوم مطردتى منه
ماهر:انتى مش عاوزة تنسى ليه اللى حصل بيننا...ليه مصممة تطلعينى ظالم وانى مستاهلش السماح والرحمة...ربنا بيسامح ليه انتى مش عاوزة تسامحينى؟!
ضحى:علشان انا بنى ادمة... ومش قادرة اسامحك
ماهر قرب منها جاى يمسك ايدها بس هى بعدت وقالت:اوعى تفكر كدة حتى انك تعملها...لو فكرت تلمسنى ب ايدك دى تانى صدقنى هقطعهالك
ماهر:انت زعلانة علشان طردتك من البيت ولا علشان اتجوزت عليكى؟!
ضحى:الاتنين
ماهر:ايه اللى وجعك اكتر؟!
ضحى سكتت وملقتش رد
ماهر:ردى عليا؟!
ضحى بتوتر:قولتلك الاتنين
ماهر:ضحى انا محتاج منك فرصة تانية ع الاقل علشان خاطر ابننا
ضحى بعصبية:انت بتقول ايه؟! اوعى تفتكر انى ممكن ارجعلك تانى؟! دة افضل اموت ولا انى اكون ع ذمتك لحظة دى
ماهر:يعنى بقيتى بتكرهينى يابنت عمى يالى من دمى؟!
ضحى غمضت عينها وبتحاول توقف دقة قلبها واتضايقت من نفسها ان لسة فى مشاعر جواها ليه
ضحى بصتله وقالت:انت خونتنى.. وخليت واحدة تشاركنى فيك وخبيت عليا موضوع جوازك كان لازم تقولى وانا من حقى ارفض او اقبل
ماهر:مكنتش عاوز اخسرك
ضحى:علشان ابنك مش كدة؟!
ماهر:مش بس علشان ابنى...انا حبيتك ياضحى ولسة بحبك وعايزك تسامحينى تفتكرى حبنا ميستاهلش فرصة اخيرة
ضحى:ماهر لو سمحت حاسب ع كلامك متنساش انى متجوزة
تليفون ماهر رن وكان صاحبه سامى
ماهر:ايوة ياسامى خير؟!
سامى بحزن:الله يصبركم ياماهر...تعى هلا العنوان هاذا................ لحتى تستلم جثة اخوك
ماهر:جثة مين؟!
ف عربية ماهر
ضحى كانت بتعيط بصوت عالى وماهر بيبصلها بحزن وعياطها بيوجع قلبه وروحه...عاوز يخفف عنها بس هى مش سامحة بدة
وصلوا لمكان الحادثة...وضحى لقت نفسها مسكت ف قميص ماهر جامد وقالت:هو انا ف كابوس وهصحى منه مش كدة؟!
ماهر بحزن:قولتلك متجيش معايا انتى اللى صممتى؟! لو حبة تكونى ف العربية لحد م اخلص الاجراءات خليكى لو هتكونى مرتاحة
ضحى بعياط:هو انا السبب ف موته ياماهر؟!
ماهر بسرعة:لا ياحبيتى متقوليش كدة دة قضا ربنا
ماهر تدارك نفسه وحمحم بحرح وقال:انا خارج وانتى خليكى
ضحى:لا انا جاية معاك
ماهر:بلاش ياضحى
ضحى بعياط:عايزة اودعه واقوله انى مسامحاه...كان بيعاملنى حلو ياماهر...ليا ذكريات معاه صعب انساها حتى لو عايزة....اكيد روحه تعبانة عاوزة اريحها...خدنى ياماهر لو ليا خاطر عندك
ماهر نزل من العربية هو وضحى اللى حست ان الارض مش شايلاه بس حاولت تتماسك ع اد متقدر
سامى حط ايده كتف ماهر وقال بحزن:شد حيلك يارفيق عمرى....هلا ضحى محتاجة اليك كتير هى ما ايلاه حد غيرك...والله يصبرك ع فراق اخوك...بس كيرمالى ما تخليها تشوف الجثة هى ما راح تتحمل
ماهر جاى يبص ع ضحى بس ملقهاش جمبه..قلبه انقبض بس لقاها قاعد ع الارض جمب جثة شهاب بتحاول ترفع القماش عنه بس ايدها بتترعش وقلبها مش مطاوعها
ماهر جالها وقعد جمها وبص ع جثة اخوه بندم وعينه بتنزل دموع غصب عنه بيحاول يوقفها بس مش عارف
ماهر:يلة ياضحى نمشى بلاش ترفعى القماش من عليه..ربنا يرحمه
ضحى اتشجعت وشالت القماشة ولما لقت الجثة متفحمة صرخت بوجع وخوف وجسمها كله اترعش ورمت نفسها ف حضن ماهر اللى خدها ف حضنه ولقا نفسه بيستغفر ف سره علشان هى مش حلاله
ضحى بتعيط وبتقول:مات شهاب خلاص ياماهر...اخوك مات...مين اللى موته اكيد دة حادث مدبر...يارب سامحه واغفرله انا مسامحاه يارب...يارب ارحمه برحمتك...مشينى ياماهر من هناك
ولقت نفسها صرخت بوجع واغمى عليها وكانت هتقع ع الارض بس ماهر لحقها وقعدها ف العربية لحد م اخلص الاجراءات والجثة راحت ع المشرحة
ماهر فوق ضحى اللى كانت بتعيط وبتدعى ربنا انه يرحم شهاب
ف القصر
فوقية بعياط:ياحبيبى يبنى..اصملة عليك وع شبابك..دى لو امه عرفت هتروح فيها..اسمع ياماهر احنا ناخده وندفنه ف مصر
ماهر:ايوة يادادة دة اللى هيحصل
فوقية خدت ضحى ف حضنها اللى بمجرد مغمضت عينها نامت
ماهر قرر انهم هيسافروا مصر تانى يوم
وفعلا جهزوا شنطتهم وماهر ابتدا اجراءات نقل الجثة لمصر علشان تدفن هناك
ف قصر فؤاد المهدى
هيام بعياط:ابنى مات يافؤاد
فؤاد:ربنا يرحمه ياهيام...شدى حيلك علشان لسة يومنا طويل
هيام:ضحى فين؟!
فؤاد:ف اوضتها..يلة بينا
وراحوا علشان يدفنوا شهاب
ورجعوا القصر بليل
ف الصالة
فؤاد:مش مصدق ياضحى انك معانا دلوقت
ضحى:ولا انا كمان مصدقة ياعمى
فؤاد:انتى اكيد تعبانة اطلعى نامى مع حمزة فوق
ضحى:حاضر
ضحى طلعت اوضة حمزة خدته ف حضنها ونامت
فؤاد:ماهر
ماهر:ايوة يابابا
فؤاد:لما ضحى تخلص عدتها تكتب كتابك عليها
ماهر بصدمة:حضرتك بتقول ايه يابابا
ايه رايكوا ف حلقات انهردة؟!
هل توقعتوا ان شهاب يموت؟!
المافيا هتسيب ضحى وماهر ف حالهم؟!
هل ضحى هتتجوز ماهر والقدر هيعطيهم فرصة تانية ولا هيظهر طرف تالت هيغير مجرى الاحداث كلها؟!
ايه اللى حصل بينهم زمان؟!
