رواية رهينة لضباط الفصل الخامس 5 بقلم مرج البحر

فوك مرضي رويحتي يتعبونها.. 💔

البارحه ادعي اليل كله وعيني ما مرها الوثن 

وبجي حدر اغطاي سكته .. 

...... 

دخلت للمخزن الي هما انطوني ياه تمددت بتعب احس ضهري متشلع تشلع شغله تجر شغله ما خلوني ارتاح اخذوني وليه ... 

جريت نفس براحه وغمضت عيوني واخيرا راح اخلي راسي ع المخده ورتاح ... توني غمضت عيوني وجااني صوووت عمتي تصييح دفررت الباب ودخلت ... 

ام سند.... نوووم بهااذا الموقت مااكو انتي هناا خدامه وتاللي الليل يلاه تناميين وهسسسه كوومي نضفي الطرمه وعزلي شكو شي بيها 

نور.... عمه دنيه ضهر خالي تطيح الشمس ونضفها الله وعدلها الج مثل ما تردينها 

ام سند.... عمه العماج وعمه عيونج وانه كلت هسسه تنضفيين يعني هسسه تنضفين وتكومي لو اصييح سندد يتفاااهم ويااج 

جريت حجابي ولبسته وطلعت رحت حتى انضف الطرمه الي محد متغربلها واكيد هسه نضيفه ... جنت هيج محسبتها بالي ... انطتني ادوات التنضيف الخاصه بالطرمه واشرتلي يلا روحي ... 

اخذتهن ع الساكت وطلعت فتحت عيووني ع وسعهن واني اشوف الطرمه عباره عن وصاخها صدت عيني ع حاويه الزبل تمشيت صووبها فتحت الغبق فاارغه واني متاكدة جانت متروسه منو ذبها .. 

عرفت هاي السالفه عمتي سوتها بس ماكو باليد حيله اشتغلت واني العبره ماليتني ونغزات كلبي تروح وترجع ...

صرت ادندن بالطميه حافضتها لباسم الكربلائي ياقروره ... دمه الغالي ع حبابي شغل بالي اراقب واني حذره الرسايل كلها خطر اول مراسيل الحزن نسمة هوا جايبته الي مخنوك اجه بصدر النفس شميته بي ريحت هلي ... 

استمريت اقر بيها وسوتلي واهس خلصت بسرعه رفعت راسي اعدل انحناء ضهري صارت نضري ع حذاء شخص رفعت راسي من رجليه لحد راسه .. 

عدلت وكفتي من شفته سند جان منتجي ع باب البيت ومرجع راسه ع الباب وصافن عليه .. اخذت الأغراض اريد ادخل للبيت منعني اجي منه هو يجي منا اروح منه يروح منه ... 

نور.... بس خلي افوت بعد شويه 

سند.... انه ما اريدج تدخلين 

نور..... ليشش؟ 

سند..... صوتج حلو يشرح الگلب 

نور.... اني؟ 

سند.... اي انتي اكو احد غيرنه هناا 

نور.... لا لتبالغ صوتي مو حلو ويصير هسه تبعد عني اريد ادخل 

سند.... لا تنسين انه هناا صاحب البيت مو انتي ف لذالك تسمعين كلامي وتنفذينه بالحرف الواحد بدون كلام زايد لو تراددين 

                                          

              

                    

هزيت راسي كاتمه العبره داخل قفصي الصدري هااي تاليتي انهان بسسب ابوي خانتني دمعتي ونزلت هو بعد عني واني طكيتها ركضه للمخزن وحضنت نفسي وصرت اشهك بالبجي واندب حضي ... 

ما ادري شوكت غفيت كعدت ع صووت مروه تصرخ باذاني عدلت كعدتي وهيه جرررتني من شعري قووي 

نور... ااااخ شبيييج

مروة.... اسمعيييي ولج تبعدددي عن سندد لا راسسج افلشه الج ما عاايزززني وحدة مثلج تخرررب مخططاتي من سنوات 

نور.....ااااااخ شعررري جاي تاذيني هددديني

دفعتني دفعه قووي انضرب جتفي بالحايط وهيه طلعت وركعت الباب وراها غمضت عيوني واني احس النغزات بدت ترجع تدك بنص كلبي كوه كدرت اتمالك نفسي وتمدد ... 

جنت حيل نعسانه رجعت نمت كعدت ع ايد تمشي ع خدي ذهاباً وياباً من فتحت عيوني سحب ايده بسرعه ونتر بيه بالحجي ... 

سند.... كووومي كاافي نوووم نررريد ناكلنه لكمه ماااكو صدددك ماابيجن فاايده نسوون بسس كثره لا نفع ولا دفع لا ونوب الناس حاسديني مزوج ثنين والله ياللله 

طلع وهو يدردم عدلت نفسي وكمت طلعت تمششيت ردت افتح الباب بس ما كدرت النغزات عرقلتني انتجيت ع الحايط اريد اوكف ما اكدر انفتح الباب قووي جاان سند راجع يكمل ارزالته من شافني كلب عيونه بنضرات معاجبه ... 

سند.... ترا عيارة نسوان حافضها عود تخربطتي وتردين تموتين مووتتهم بس بالاول سويلي لكمه وبعدها موتي براحتج خلصصصيني امششي ع المطبخ 

ما اكدر احرك ايد لو رجل هو واكف يحجي حجي طالع نازل ما كدرت اجاوبه اكتفيت بسكوت ومحتاره بنفسي اريد الكه حل لعلتي ماريد اضعف كدامه .. 

ويحسبها نقطة ضعفي ... حسسسيت ع دفعه قووويه شمرتني ع الكااع من اثرها غمضت عيوني وردد الشهادة بصوت ناصي ... 

هاي هيه اجت منيتي ورا اروح الربي تشاهدت وغمضت عيوني ... كعدت مفزززوعه ع مااي بارد تفررغ ع وجهي وجررراني وكفني ع رجليه 

سند..... كاافي تمثيلل لعبت نفسيي مننج تعررفي شنووو معناااتها لعبت نفسسي منج معنااهاا كاارهج مسستحقررج اموووت منج 

يحجي ويصرخ بووجهي واني روحي ذايبه من كثر الوجع هو مستمر يحجي ويرزل غمضت عيوني ع وهله وفتحتها مااا حسييت غيرر ع ضرربه بووجهي بااوعتله بصدددمه ....

سند.... هااااي اول مررة واخررر مرررة تغمضضضين عيونججج وانه احجييي وياااج فااااهمه لوو مااا فاااهمه 

هزيت راسي بي اشووو هذاا تخبل وجرررني من شعرري قووي كوه كدرت اطلع كلمة جاي تاذيني بس بصوت ناصي واني مخليه ايد ع ايده واليد الثانيه ع كلبي ... 

سند.... وتااالي ويااج تررردين تنكتلللين اليوووم هااي السوالف التعبانه بطليهااا تردين اشفق علليج وااخذذج بالحضااان وهدي بيج موو بسسس انصححج تششيلين هااي الافكار من بالج لان ماااراح تصير 

            

              

                    

هزيت راسي ما اكدر احجيي صار يجررجر بيه من شعرري ويجيبني منا ويوديني منا دخلني لللمطبخ وشمرررني شمرر عبالك شي جماد جاي يشمر بي ...

بعدني ع الكاااع دنك لزمني من شعري ورفع راسي اله وهوو ضاغط ع شعري حيل لزمت ايدي بايديه ثنينهن ... 

نور.... فدوه كاافي جاي تاذيني هيج 

سند.... هوو اريد اتفنن بتعذذيبج بس ما اعرف شلون اريدج تمووتي ع البطيئ مثل ما ابوج كتل طفوله اختتي وخلاها تصير وحده بدون شررف وتركض ورا شاايب 

نور..... بس اني مو ذنبي اذا اختك وابوي مشوا بدرب مو زين وتعنو ظهرك وشمروني عليك 

كوه اجر الكلمات احس روحي مخنوكه وكلبي ع ساعه يوكف من كثر نغزاته ... 

سند..... كوووومي سوووويلي ززززقنبوووت خالي اكلللي لكمه مثل باااقي البشششر 

ما اكدر اوكف ع رجله كوه جلبت بحافه السنك وانتجيت عليه هو ملامحه قاسيه تحمل العذاب والحقد درت نضري عنه وتمشيت بهدوء ما حسييت غير مدلي رجله وعثرني بيها ... 

هنا وكعت ع وجهي صووخت كل قووي من قووة الطيحه هو ما مهتم واكف ويضحك بطرف شفه كوه جريت روحي وعدلت نفسي وجريت رجليه الحضني وحضنتهن وخليت راسي وكمت اشهك تعبت .. 

جاي يعاملني مثل الحيوانات عباله لا تفهم ولا تهس رغم الحيوان يفتهم احسن منه ... 

ما كدرت الزم نفسي وصرت ابجي وناشق بكل قووتي احسس لهنا وانتهت طاقتي بعد ما اتحمل اي كلمه ... 

حسيت بي كعد كدامي بس ما نطيته اهميه هو رفع راسي بايده وصار يباوعلي غمضت عيوني ونترت وجهه من ايده ... 

مسحت ادموعي بسررعه ومديت ايدي للسنك حتى اكوم هو تبعد وفررك وجهه بعصبيه ... 

وكفت ع حيلي وصرت اردد بهدوء القوث القوث خلصنه من النار يارب ... مطيته ضهري وردد بيها .. خليت ايدي ع كلبي وغمضت عيوني وناجي ربي .. 

ياربي اني عبدك المضلوم التعبان المريض وناس ما جاي ترحمني وجاي تمشي ع دموع عيوني وجروح كلبي ساعدني يا اللهي طالبتك تخلصني منهم من شرهم وترجعني لحضن امي ... بفززتني كلماته هو يكول ... 

سند.... اذا تعبانه روحي ارتاحي لا تعبين نفسج اكثر من طاقتها اروح اجيب اكل من برا 

هو انته خليت بيها روحي ارتاحي ما جاوبته وتمشيت بهدوء فتحت الثلاجه طلعت سنبوسه مكمله وطرشي ومقبلات وبديت اشتغل بهدوء هو راح للصاله ... 

كلبي ارتاح شويه من انغزات استمريت اشتغل بسكته وبس انفاسي تصعد وتنزل هو كاعد مقابيلي ع القنفه وحسه يباوعلي .. لا شفت مروه ولا عمتي ما ادري شعجب كملت الاكل وشلته اله رحت بعدني باب المطبخ اجه شالها مني .. 

            

              

                    

بقيت مستغربه من هالتناقض بشخصيته غريب اطوار ابو وجهيهن ما خليت كلمه ما حجيتها بكلبي كعد هو كدام الصينيه واني واكفه ... 

نور.... تريد شي سيد سند 

رفع راسه مصدوم ومستغرب وعيونه مفتوحات ع وسعهن جان يريد يخلي الكمه بحلكه بس من حجيت نزلها ... 

سند... سيد؟؟ 

نور..... اي سيد مو اني خدامه والخدامه ما يصير تعله ع اسيادها ولازم تحترهم هم مو هذا الصح 

بعد الصينيه عنه بخطوات قليله وكام اجه صووبي اني من شفته تقدم طكيتها ركضه خفت من شكله بس هو لززمني ورجعني كدامه ... 

نور.... سند اااه اقصد سيد سند شنو تريد مني اترك ايدي اريد اروح 

سند.... اقسسماً عظاماً خلي اسمع كلمه سيد منج مرة ثانيه حساابي وياج عسير وقد احذر من انذر 

نور.... بس انته صدك سيد هذا البيت واني خدا.. 

سند.... كااااافي انتيييي مو خددددامه انه احجيها اي بس انتي تحجيها ع نفسسسج ممنوووع وااضح 

جفلت من عصبيته شهالانسان هذا هزيت براسي بمعنى اي هو دار وجهه ومشه وصل لباب الحمام راح يغسل فر راسه عليه وكال ... 

سند.... شيلي عشااج سديتي نفسي اكثر من ما هيه مزدوده والاحسن تاكلين نيابتن عني 

سد باب الحمام قووي وهو يدردم وما ادري شنو يحجي شلت الصينيه ومشيت للمطبخ شلت الصحن اريد افررغه بالزبل لزم ايدي وعصرهاا ... 

سند.... مو كتلج اكلي نيابتن عني لو هيه شغلت اعناد وتحبين تعاندين 

نور.... بس اني ما اشتهي 

سند... شي ما يخصني كعدي اكلي وتاكلين هاي الصينيه كلها بسررعه وبدون حجي 

نور.... ترا مو كلشي غصب ماا اريد اكل يعني ماا اريد 

حجيتها بشبه عصبيه خله ايده ع متني وعصررة توجعت بس ما بينتله غمضت عيوني من الالم هو هد متني يلا جريت نفس دفع ايديه عن الصينيه وشالها.. 

خلاها ع ميز الطعام وسحب الكرسي وجرني وكعدني غصب عني رغم حاولت ما اكعد بس لا حياة لمن تنادي ... 

هو وكف وانتجه ع الباب سده سد حتى خاف اريد اطلع جنت حيل جوعانه من عهد الغده واكلت ركض ركض باوعتله اشرلي بيده اكلي وخلي بحلكج ماعرف ليش بتسمت ع تشيره هو رجعلي الابتسامه بتسامه بسرعه غيرت ملامحي ومديت ايدي اكل اكلت لكمتين وكوه بلعتهن لان هو نضراته تلبكني 

سويت لفه ومديتها اله .. 

نور....تريد انته ما تعشيت 

......... 

كعدت ع ماي بوجهي امي محمد مجتبى بوجهي رفعت راسي من حضن امي وبتسمت .. 

فاطمه.... حلمت حلم حلو ما تصدكون 

كلهم ضحكو ما ادري ليش عدلتني امي من حضنها وانه هم عدلت نفسي وباوع عليهم شنو اليضحك .. 

            

              

                    

محمد....فاطمه حبيبتي الحجه مجتبى صحيح وهنا جنه مقررين من يمته بس ما صارت النه فرصه بسبب مشاكل ابوج العار ما لحكنه نحاجيج عليه 

مجتبى.... جان بالنه انتي ونور تمتحن سوه سادس خارج بس ابوج خرب الاول والتالي برمشت عين وماجنه حاسبين حسبابها

فاطمه.... يمه فدوه ضرربين راجدي اريد اكعد من هذا الحلم بعد ما اكدر استحمل اكمل لاخره 

مجتبى.... خيتي الحلوه هذا مو حلم هذا حقيقه بس التقديم راح يكون ع السنه الجايه وهيه هاي السنه راح تخلص صح المتحانات بعدهن ما متحنو بس انتي حتى كتابه وقرايه ما تعرفين تغرين وراح نجلج التقديم السنه الجايه 

كمت حضنت مجتبى ومن الفرحه صرت ابجي اجه محمد هم حضني وتحضنه وامي تباوعلنه ودموعها ع خدها كام محمد راح مسح ادموعها وباس راسها وحضنها ... 

ام فاطمه... الحمدلله الله خلاني اشوف هذا اليوم وشوفكم مهتمين بخواتكم ومستقبل خواتكم وتردون مصلحتهم بسس اخخ يبنياتي وين صفه بيجن الدهر 

محمد.... يمه فدوه الكلبج لا تقهرين نفسج راح تشوفينهن وحده وحده صديقي عنده سياره اذا تردين من باجر اخذج تشوفين نبأ حصلت عنوانها 

امي فررحت وانه فرحت وياها ع الواهس محمد خابر صاحبه وتفق وياه يمرهم باجر ... ابوي جان يكول النه مزوج نبأ بموصل ومن دخل داعش ع موصل ابوي كال ماتت وامي من عهدها تكره ابوي كره ما مشيوف بس تقيم بواجباته لوجه الله .. 

بس اليوم محمد كشفلنه انو نبأ عايش ويانه بنفس المحافظة وزوجه انسان زين وعنده محلات والله رازقه بنات ثنين الي هنا بنات اختي ... 

محمد سائل عن اخبار سكينه اختي الجبيرة بس الحد الان يكول ماكو اي خبر عنها وما ندري ابوي وين شمرها وين وداها ... محمد ريح كلب امي من كلها انو هو ما راح يعوف موضوع سكينه وراح يدور بالمحافظة خاف ابوي منطيها .. 

مر اليوم وانه الفرحه ما سايعتني من اسمع راح اكدر ادرس يوم من الايام يكولون جانت طالبه او جانت طالبه بحد ذاته هالشعور حلو... 

ثاني يوم محمد اخذ امي وراحو يتاكدون من عنوان نبأ وهل هيه نبأ لو تشابه أسماء الاباء والجد .. بقه مجتبى يمي وانه وياه نباوع تلفزيون ... 

مجتبى.... منا وجاي كل قوانين البيت ماتت ويه صاحبها هسه تكدرين تنامين براحتج تكعدين براحتج والتلفزيون الج براحتج وهم تكدرين تطلعين للحديقه يمته ما تردين 

فاطمه... صدك مجتبى يعني عاادي اطلع لحديقه وشوف تلفزيون ما تتضايقون 

مجتبى.... قواانين ابووج انسسيها وقيود ابوج ذبيها هسه اجه دور تعيشين ع الي يعجبج والي انتي تردينه مو الي ما يتسمه يخلي القوانين بس من هسه فاطمه كلشي بحدود 

فاطمه.... والله ما راح اسوي شي يزعجكم ولا يضركم ولا يذيكم يعني هسه عادي اتنفس براحه 

مجتبى.... هههههه اي عادي تنفسي براحتج

الفرحه غمرت كلبي واخيراً انفتحت القيود وصارت بعض الامور مسموحه مر الوقت وانه من كثر فرحتي بالتلفزيون ما عفته صرت اباوع بي ومسلسل يتبعها فلم تتبعها مسلسل لحد ما سمعنه الباب انفتح

كمنه جانت امي ومحمد رفعت راسي منتضره يكولون النه شنو صار نزعت امي عبايتها واجت كعدت واضح عليها فرحانه ومحمد هم وجهه يبشر بخير ... 

مجتبى.... اي بشرو شصار هيه مو هيه ترا كاعدين ع نار منتضرين جيتكم 

محمد....الحمدلله طلعت هيه كوه كدرت اجر امي منها واجيبها امي تريد تبقه ونبأ تريد تبقه بس زحمه من عيالها بقينه يمهم وهواي 

ام فاطمه.... كل هالوقت وما شبعت منها الله لا ينطيك حيدر وحبتي مل تتعداك يارب وتشوف الويل بعز الغربه ومحد يشيلك ولو يباوع بوجهك 

فاطمه.... ما جبتوها وياكم حتى اشوفها مشتاقتلها هواي 

محمد.... عزمتهم يمنه الجمعه بس باجر وعكبه الي وراها يجون استحملي 

فاطمه.... اوووف راح استحمل اي حجولي شنو ما شنو عدها جهال لا صدك عدها بنوتات ثنين 

ام فاطمه.... اي صاير عدها بنيات ياخذن العين وهسه هيه حامل وبيها وليد ربي يسهلها 

كامت امي لغرفتها وتمسح بدموعها باوعت ع محمد بستغراب شبيها امي هو كال خليها ترتاح تعبت هيه ونبأ وحده تعاتب الثانيه ....

راحت امي ارتاحت وخواني هم عدهم شغل ودراسه كلمن راح لطريقه ... انه رحت يم امي جانت كاعده وتصفن خليت راسي بحضنها وهيه خلت ايدها ع راسي وكالت بغصة گلب ... 

شكرا لزيارتكم عالم روايات سكيرهوم