رواية المجنون العاقل الفصل الرابع بقلم جمانه السعيدي
بكر....طلعت من بيت ابو حسين
ورحت البيت الشخص الي علي علامة استفهاموالي صار يومين امشي ورا لو بس اكدر ادخل بيته حتى اعرف تفاصيل أكثر عنه
طبعا اني اكو مخبر من اهل هاي المنطقه يحاول يتبع اخباري
يعني يتاكد اني جاي اشتغل مثل ما مطلوب مني لو لا
بليل رحت انام بلمكان الي متعود انام بي باب محل ابو حسين
اجاني ابو اركان
ابو اركان.. هااا الخبل شعندك هنا
بكر...من شفته عرفت اكو شي
دنك عليه على اساس يضحك عليه ويضربني
ابو اركان...الليله الساعه ٣ ورا المحطه تجي سياره تاخذك
بكر...وكف باوع منا ومنا ومشا وعافني
بعد اني ماكدرت انام خاف انام ويروح عليه الموعد
بقيت كاعد النوب جعت
ماكو احد يببع بلشارع بقيت كاعد لو انام انسى الجوع
بلكوه كاعد اغفى وافز
كمت ورحت مشي منا لمن وصلت للمحطه
رحت وراها وبقيت كاعد
مااعرف الساعه بيش كعدت وغفيت بمكاني
نمت مااعرف شكد نمت مااحس اله واحد يدفعني برجله
فتحت عيوني
...كوم يله ليش نايم كوم تعال وياي
بكر...كمت مشيت وياا
سياره مدنيه تكسي واكفه ورا المحطه صعدت وياا
ومشى
اكثر من نص ساعه تمشي بينا السياره
وصلنا بنايه قديمه بيها سياج
دخلنا البنايه ضلمه بس اكو غرفه بيها ضوه بلطابق
الثاني
صعدنا لكيت ثنيبن لا بسين عسكري كاعدين ينتضرونا
الاول شافني دخلت كال عرف عن نفسك
وكفت بلاستعداد
بكر...ملازم أول بكر محمد
...اكعد هنا واكتب تقريرك ودير بالك تنسى شي
بكر...حاضر سيدي
أنطوني مجموعه اواراق بيض كبار وقلم
وكعدو يسولفون واني على جهه اكتب
اول مره كتبت كم يوم صار واني بهاي المهمه
ثاني شي كتبت تقرير عن الكهوه والفئات الي تكعد بيها
ونوع الحديث داخل الكهوه
عباره عن الغلا والحصه والناس جاي تبيع كلشي
حتى تعيش وصل الحال الناس تبيع ملابسها
اما عن السياسيه محد يحجي بهذا الموضوع
اما للنسبه للشخص الي جاي اراقبه
بعدني ما وصلت الاي شي منتضر الكه فرصه حتى ادخل بيته او أقرب من احد يعرفه
حديث الشارع بصوره عامه عن الاوضاع الصعبه
الي جاي تمر بيها الناس
سلمت التقرير وبدا المسؤل يقرأ بي
...ليش ماذكرت شي عن بيت ابو حسين بلتقرير
انت جاي تدخل بيتهم وتأكل وتشرب معقوله ماشفت شي
موطبيعي ولا يحجون عن السياسه
بكر....لا سيدي مايحجون شي كدامي يمكن يخافون احجي عنهم
او لان بعد ما متعودين عليه
....ليش ساعدت بتهم بلشارع ذاك اليوم جان اكو احتمال تنكتل من قبل ابو الدراجه لو تنكشف شخصيتك
وين اكو مخبل يساعد احد
بكر....بلحظته مافكرت بهذا الموضوع شفتها خايفه
...هذا التقرير مامقبول راح اعتبر ماقدمت تقريرك الاولي
نريد معلومات اكثر
اي واحد يتنفس كدامك لو مجرد نفس ضد الحكومه
لازم تحفظ اسمه وشكله
هذا مو تقرير هذا لعب
جمانه السعيدي
بكر...ماصارلي هواي والمنطقه بعدهم مستغربين وجودي
ما متعودين عليه حتى يحجون كدامي
...هذا العذر ما مقبول ابو حسين معروف عنه شيعي
ويحب الحسين جماعت الحسين كلهم ثوريبن
مستحيل اقتنع بهذا التقرير
معقوله ماعدهم شي ابد ولا اكو شي شكيت بي من دخلت بيتهم
انت جاي اضيع وقت وجهد الدوله
احنا ماتعبنا عليك وعلى كل واحد بهاي الدوره علمود
حضرتك تلعب
هذا اخر انذار اللك فهمت لو لا
اريد تقرير حقيقي اقل شي بي عشرين واحد واكثر
يشتغلون ضد الدوله
فهمت لو لا
هلمره راح اعوفك مرة الجايه نلغي هاي المهمه
وتدخل سجن فهمت لو لا
جماعتك كل احد قدم تقرير واحد وثنيين
وانت هذا تقريرك
بكر....لزم التقرير وشككه كدامي
...هذا التقرير شكيته مااريدك ترجع هنا مره ثانيه
اذا ماعندك اكثر من تقرير
ترا ما معقول هاي المنطقه الي انت عايش بيها يحبون
النضام احنا نعرف هاي المناطق زين فهمت لو لا
بكر...حاضر سيدي
طلعت ورجعوني بنفس السياره للمحطه
علما مشيت الحد ماوصلت المحل ابو حسين
الجو كشف والنهار طلع
تمددت على الكارتون بس ماكدرت انام شلون ورطه هاي
معقوله ادخل بيت ابو حسين
ويعاملني هاي المعامله الحلوه
واكتب علي تقرير ااذي
ترا ماكو هيج الي ياكل من الزاد والملح وينكر ابن حرام
خرب حظي على هلدكه هاي شلون مهمه
الله يستر من الجاي
غفيت شويه واجا ابوحسين فتح المحل
طلبلي بيض وخبز وجاي اكلت وطلعت
سالم...انت ماتكلي شنو فلمك يوميه تريك هذا الخبل
خل يولي يوميه ريوك انت أولى بهذا الاكل
ابو حسين....انت صدك تحجي باب رزقي ينقص اذا ريكته
بلعكس الخير يكثر من تنطي منه
عمي الدنيا بعدها بخير جمانه السعيدي
بكر...رحت البيت هذا الرجال اراقبه
ماعنده اي نشاط يذكر يطلع الشغله ويرجع للبيت
بس اكو شخص كل يومين او تلاته يجي يكعد يحجون شويه ويروح
اليوم الي بعده الضهر واني اراقب بابهم من بعيد
شفت ابو اركان اجا وخله اذنه على بابهم
مااعرف شيريد يسمع
اني شفته بس هو ماشافني
بقه يسمع شويه بعدين صعد سيارته وطلع
ماكو اقل عشر دقايق اجو الحزبيين كسرو باب ذوله الناس
دخلو اني قربت اريد اسمع شنو القصه
اسمع الحزبيين يكولون انت تسمعون حسيني
وهذا الدليل كاسيت حسيني
اثاري ابو اركان وهو فايت سمع صوت قصيده حسينيه
الصوت ناصي شلون سمعها مااعرف
مصيبه مو رجال
راح بلغ الحزب
من اجو داهمو البيت فعلا لكو ٣ كاسيت حسيني
اخذو الرجال وابنه وبقن بس النسوان يعيطن بلبيت
هسه عرفتو شلون يردوني اشتغل
يردون شغل مثل شغل ابو اركان حار بحار بس اسمع لو اشوف شي ابلغ حتى يلزموهم
بعد هذا الحجي المسكين اقرو علي السلام
هو رجال حبير بس يضربو يموت كبل ما يتحمل
بكر...بقيت كاعد واباوع منضر زوجته وبناته يقهر
فعلا شي محزن علمود قصيده حسينيه
يصير بيهم هيج الله يلعنك ابو اركان على هاي الدكه
الناقصه
اني لو اعرف هيج فلا قبلت بهاي المهمه ولو هي انفرضت علينا فرض اي واحد يرفض اوامرهم كبل للسجن
عفت مكاني ورحت للسوك كله معزل والدنيا حاره
طلعت بس ربع عندي
انطيته الابو اللفات وانطاني لفه فلافل كعدت على صفحه وكمت اكل
يومين واني امشي احجي وياا نفسي
شلون راح تكتب تقرير شراح اكتب بي
ذوله مراح يقتنعون بلكلام العادي اذا التقرير مابي كسر ركبة كم واحد
مراح يرتاحون
شنو من بلوه هاي شلون راح اطلع منها ماادري
اني بعد ماعاشرت هاي الناس شلون اكتب عليهم
المشكله لو اني لو همه
اليوم الي بعده شفت شهد تمشي بلشارع وين رايحه مااعرف
مشيت وراها امشي واكول ليش اني متابعها
ليش اني مشدود الها ووين اريد اوصل وياها
هاي البنيه لا تصير اليه ولا اني اصير الها
والحب ممنوع عليه وخاصه وياها
كل واحد من طائفه كل واحد من محافظه
ايجوز اذا عرفت اني بلاستخبارات راح تكهرني اكثر
راح تكول هذا تابع للنظام الحاكم وراح تكرهني اكثر
تكول دخلناك بيتنا وانت تجسس علينا
اني اذا حاولت مجرد محاوله اخطبها
اكيد راح ادخل بالف سين وجيم وياا الدوله
وراح يكولون انت جنت متواطئ وياا هاي العائله وجنت اضم علينا معلومات عنهم
اني ليش مااختصر المسافه على نفسي
وابتعد مادام بعدني بلبدايه
الدوله عينها عليهم واكيد راح يوكعوهم اذا مو اليوم باجر
مااتمنى شي غير تضربني سياره وادخل مستشفى
حتى اخلص من هاي المهمه الحقيره
اني وين وهاي المهمه وين
شسوي الحظي الاغبر الي وكعني هيج وكعه
التفت شهد وشافتني امشي وراها
وكفت تنتضرني
شهد....هااا جمعه
بكر.. قربت عليها وكتله وين لايحه
شهد ....اجيب ملابس امي من الخياطه تجي وياي
بكر...اي ادي وياج جمانه السعيدي
بس مشينا شويه جان طلع هذا ابو البايسكل الي ضربته
ذيج المره
بس هلمره موجاي علمود شهد
لا جاي ياخذ ثاره مني لان راسه الحد الان مضمد
نزل من البايسكل واجاني طاير اني احجي وياا شهد ماانتبهت
مااحس اله واحد ضربني على راسي من ورا
وكعت على وجهي وشهد كامت تعيط
شهد.. عوفه شتريد منه عوفه خال عقلك وياا عقل هذا المسكين
بس هو ابد مايقبل يعوفتي مستمر يضربني
منا لمن فقدت الوعي
اخر شي سمعته عياط شهد
فتحت عيوني بلمستشفى
راسي مربوط وايدي من العكس مربوطه احس جسمي عبالك مكسر تكسير
ابو حسين واخوها وياي بلمستشفى حتى رجلي اليمنى توجعني
ابو حسين...الحمد لله على سلامتك ما تشوف شر
حسين...بويه هاي هي زين خل نعوفه همه هنا يحتارون بي
احنا عايفين شغلنا ومكابلين هذا المخبل
ابو حسين...روح انت اني مااعوفه ولك انكتل من ورا
اختك شلون اعوفه
حسين...انت ولله منطي حجم اكبر من حجمه
كله واحد خبل حتى اهله مايردو
ابو حسين....يبقى انسان وعنده غيره على عرضنا
مااعوفه روح انت الله وياك
من يطلع من المستشفى اخذه وياي للبيت
حسين....ولله هواي علي هاي المعامله اذا اهله نفسهم مايردو وانت كاتل نفسك علي
في امان الله
ابو حسين...الله وياك روح
شكرا لزيارتكم عالم روايات سكيرهوم
