رواية حرب الارحام الفصل الخامس بقلم جمانه السعيدي
زينب....زوجة عمي كثرت الحجي عليه
كل يوم تشمر كم كلمه كدام عمي حتى يشك بيه
اكيد هيج موضوع مو سهل يتصدك بس هي ابد ما استسلمت تحقد عليه على شنو مااعرف
رغم اني ساكته وابد مجاي ااذيها
بدت تكول العمي الجيران يكولون زينب تجي كل يوم ويا واحد
هاي لاشاعه مرت على مسامع عمي قبل
لمن الجيران كالو ام زينب اكو واحد يجي كل يوم للبيت
من يطلع زوجها
هيج عمي بدا يشك بيه فعلا
زوجت عمي....ابو رياض اريد احجي وياك
عمي...اي كولي
....اني جاي اسمع حجي واخاف على سمعت هذا البيت
زينب مو راحه
عدها سوالف مثل امها
الجوارين جاي يحجون حرامات هاي السنتين كلها الناس تحلف بسمعتنا وهسه زينب تجي بين يوم وليله
اضيع كلشي
البنيه جانت زينه من دخلت للجامعه تخبلت
صدك لو كالو البنيه على امها
انت منطيها حريه زياده على اللزوم وياا خوفي
لا تسويلنا مصيبه
همزين اخذت منها البيت
لا يجي واحد ياخذها وينهزم مثل امها ويضيع بيت اخوك
تصرفاته طايشه
همزين اخذت كلامي واخذنا البيت منها
اني الي يمشي ورا كلامي ما يخسر ابد
شلون بلله لازم تحجي وياها
كعدها من الكليه ترا الدراسه مو اهم من سمعتنا
احنا قابل شراح نحصل من دراستها باجر بس تتخرج وتتعين أدير وجها عنا
هاي ثمن سنوات واحنا نصرف عليها لو عشر بيوت مثل بيت ابوها
هم ما تكفي مصاريفها
اني اريدك تعرف كلشي وشجاي يصير حتى لا باجر
تكول انت وين جنتي
ليش ساكته اريدك تشوف حل
اذا تبقى ساكت ولله شنو بت اخوي يتيمه
اني اعوف البيت اني مااتحمل بعد كل هذا العمر سمعتي
تتطلخ
اليسوه والي ما يسوه يحجي علينا ولله شنو ست زينب
تدرس كليه
اي واني شعليه ليش احنا نشيل هذا الحمل وحدنا
هسه لو محترمه نفسها وتمشي عدل
جان كلت ميخالف نتحمل البنيه حبابه وهذا كله اجر وثواب لوجه لله
زينب.....هذا الكلام كان كفيل يخلي عمي يصير ضدي
حتى قبل لا يتاكد من كلام زوجته عليه
جمانه السعيدي
زينب....رجعت للبيت جان عمي يكول تعاي بعصبيه
زينب...هااا عمو
عمي...اني حذرتج قبل بس الظاهر انتي نسخه من امج
مايفيد ببج الحجي
زينب...ليش عمو شصاير
عمي...وعمه العماج تسوين نفسج فقيره
الجوارين يحجون كل يوم واحد يوصلج الضاهر انتي مو مال احترام
ولا مال دوام تردين تشوهين سمعتنا لحد هاي الحظه الناس تعيرنا باامج
وانتي جايه هسه تعيدين الماضي علينا
زينب....اي شباب عمو اني مجاي يوصلني احد منو كال هذا الحجي اي جيران
بيت منو تعال اني وياك انروح عليهم اريد احجي وياهم
ترا حرام يشمرون حجي عليه
كول بيت منو اني احجي ويااا ومنو الي يوصلك هذا الحجي كله ماصار
زوجت عمي من شافت ردي على الاتهام
وكمت اللح اريد اعرف منو الي حجا عليه
راسا عاطت بيه بصوت عالي
زوجت عمي....اس ولا كلمه النوب ترجع الكلمه بعشره
مو زين من الناس تحذرنا من تصرفاتج الخايسه
بس شنكول انتي منو امج
وشلون راح اطلعين مودبه عليمن
جمانه السعيدي
زينب...اني مؤدبه ومحترمه نفسي واي واحد يحجي عليه خل يجي يواجهني واني اخلي اصابعي بعينه
عمي...اس بلا كلام زايد بعد كليه ماكو تكعدين بلبيت وتسكتين فهمتي لو حتى باب الشارع ما توصلين
زينب...لا مااعوف دراستي لو تكطعوني اني ضحيت
بكلشي علمود مستقبلي
اني مااعوف دراستي ولو العالم كله يحجي عليه
زوجت عمي...مو كتلك كتلك نسخه من امها شفت شلون تكسر كلامك
تريد تمشي بكيفها تريد تركبنا العار
تقدم عليه عمي دفعني للغرفه واخذ المفتاح وقفل الباب عليه
عمي....بعد ما اطلعين من هاي الغرفه فهمتي لو لا
بعد ماعندي بس انتي تمشين كلامج عليه
حقيره ادبسز شلون ترادد
زينب....كمت ابجي اصرخ بصوت عالي بويه تعالي
بويه تعال شوف اخوك شجاي يسوي بيه
تعال شوف الدنيا شلون جاي تلطم بيه اخذو مني كلشي
هسه يردوني اعوف دراستي
الله لا بوفقكم ليش تضلموني الله لا يرضا عليكم
طلعوني منا رجعولي بيت ابوي اروح اعيش بي
حتلو اكدي واعيش طلعوني مااريد اعيش وياكم
انتم شتردون مني
حتى خدامه شتغلت عدكم حارميني من كلشي
ساكته وصابره علمود دراستي
مااعوف دراستي طلعوني مااريد اعيش وياكم
اله اشتكي عليكم رجعولي بيت ابوي اروح اعيش بي
ليش تتهموني بلباطل
الله لا يوفقكم
زوجت عمي....اش ولا كلمه فوك مصايبج تحجين
هسه احنا صرنا موزينيين
صار ثمن سنوات نصرف عليج شنو احنا ابتلينا بيج
بس عليمن نعتب وحده رخيصه مثل امج
تردين تمشين وتلعبين بكيفج
شنو بيجن مرض على الزلم انتي امج
جمانه السعيدي
زينب....كمت ابجي ابجي بحركه ليش اني هيج يصير بيه ليش ماعندي اهل عايشه وياهم يحبوني
ويعتنون بيه ليش اني اتحمل كل هذا الضلم
وين اروح ووين انطي وجهي كلها ضدي
زوجت عمي جذبت الجذبه وصدكتها
شكد مابجيت راسي يوجعني اتمنيت اموت
اموت واخلص من هاي الدنيا ايجوز بعد اكو مصايب تنتضرني شمدريني الدنيا ماجازت مني
قررت بس يفتحون الباب انهزم من هذا البيت
كلشي ولا دراستي مستحيل اسمحلهم يدمرون مستقبلي
هلكد مابجيت احس راسي راح ينفجر
تمددت نمت من كد ما تعبت من العياط هلكد ماانقهرت
من عمي وزوجته
كعدت بليل بلاعيمي مشحوطات من العياط
ماكو بكلبهم رحمه لا جابولي اكل ولا ماي
على شنو جاي يعاقبوني مااعرف اني شنو سويت
بس لو يفتحون الباب
جان اني رحت للجوارين اسئلهم شنو شافو مني ليش يحجون عليه
اني متأكده هاي قصه من زوجت عمي
محد حجا عليه بس هي كارها وجودي بهذا البيت
نجاحي يحسسها بفشلها بتربية ابنها
شلون ولد شاب وعندا ام وأب وبيت ومستقر يطلع فاشل
وحده لاام ولا اب ولا بيت ولا عيشه سهله
تطلع متوفقه وتنجح
اله ياخذ حقي منهم ضالمه
رجعت غفيت رغم عطشانه وبلاعيمي يوجعني من العياط
عمي اخذ مفتاح الغرفه قفل الباب وعاف المفتاح برا
حتى لا اطلع
من رجع رياض للبيت
وهو فايت بلصدفه لكه المفتاح برا
كانت هاي الفرصه الي ينتظرها من زمان
فتح الباب على كيف ودخل عليه
حسيت واحد شال الغطى عني وبدا يتلمس بجسمي
اتوقعت عمي جاي يطمن عليه
فتحت عيوني شفته رياض
اني شفت رياض قريب عليه هيج
واني كمت اعيط بشكل هستيري
اعيط واضرب بي وادفع جسمه عني
هو يحاول يسد حلكي حتى يكمل عليه
خاف امه وابو ذبحوني هو جاي يفترس جسمي
يردون يدمروني الاخر شي
حتى بعد ما تقوملي قائمه
جمانه السعيدي
بدا يضربني بقوه حتى اخاف واسكت واني ادفع بي اعيط يحاول يغتصبني
واني قررت مااستسلم
استمريت بلعياط بس صوتي مو قوي مشحوط من البجي
هو يضربني ويحاول ينزعني ملابس
راسا اجا عمي وزوجته على صوت العياط لان همه بلغرفه الثانيه يعني كلش قريبين عليه
عمي سحبه مني
عمي...شكوووو
رياض....مااعرف اني رجعت وهي صاحت عليه فتحت الباب
راسا كامت تضربني وتعيط
زينب...جذاب جذاب اكبر جذاب من زمان وهو يتحرش بيه جنت اقفل الباب عليه
راسا انشحطت وختنكت لان احجي بسرعه
احاول ادافع عن نفسي
زوجت عمي...انجبي النوب على رياض كوه تريدين
تلبسينه مصيبه
هو انتي كحبه وسمعتج على كل السان
تردين تسحبين هذا المسكين وتلبسينه مصيبه
رياض...حقيره عبالي محتاجه شي سمعته تصيح عليه
زينب....صوتي راح وتعبت ومااكدر احجي انشحطت
وتعبت هلكد مادفعت رياض حتى اخلص نفسي منه
جمانه السعيدي
زوجت عمي.... هاي البنيه بعد ما تبقى دقيقه بهذا البيت
يله اخذي ملابسج واطلعي
عمي... مادام وصلت بيج الهيج شغله بعد بيتي يتعذرج
يله اطلعي وبعد مااريد لا اشوف وجهج ولا اسمع اي شي عنج
يله اطلعي من بيتي
زينب ...حسيت الدنيا ضلمه إلى متى راح اصبر واتحمل
كمت امشي كوه ايدي توجعني هلكد مادفعت رياض حتى ابعده عني
هسه الدنيا نص اليل وين اروح بهيج وقت
جمعت ملابسي اخذت جنطتي وطلعت
الاخر لحظه كلت عمي هسه يرجع بكلامه يكول وين ترحين بهذا اليل
بنيه شابه الساعه ٣ ونص بليل وين تروح
منو الها بس هو دخل غرفته واسمع هاي الحيه زوجته
اجيب بلكلام وتشمر عليه
ما خلت فعل قبيح ماكالته بحقي
تحجي عليه وتقبح فعلي حتى عمي لا يحن ويرجع بكلامه
هي جانت منتضره هاي الفرصه حتى اطلع من بيتها
تخطط من زمان الهاي اللحظه
تحجي بسمعتي وسمعت امي الله يلعنها
لو ما امي مجان هذا حالي هسه
دمرتني الله يدمر حياتها
طلعت شايله جنطة ملابسي امشي بلشارع
بس صوت الجلاب
شلون بيه وين اروح اذكرت روان
طلعت تليفوني ماعندي رصيد عندي بس ترميشه
ياترى اذا ارمش عليها تكعد
كمت ارمش عليها بس بدون فايده
وين اروح ياربي
مشيت رجعت ارمش عليها وكفت بصف الحايط
وبقيت ارمش عليها
خليت جنطتي وكعدت عليها
بقيت لازمه التليفون وارمش منا لمن طلع الفجر
بدا الضوه ينزل على البيوت والشوارع
واني كاعده يم بيت ناس مااعرفهم وبيدي تليفوني ارمش على روان
مااعرف احد غيرها اريدها تجي تاخذني من هذا المكان
بدت الناس تمشي بلشارع
كل الي يفوت يباوع عليه
شكلي تعبان وضايجه وحالتي حاله
عيوني منفخه هلكد ما بجيت
صارت الساعه سبعه اكو محل كبالي فتح
رحت اشتريت رصيد ابو الالفين
اتصلت على روان من اول مره ردت عليه
بس كالت ألوو زينب
كمت ابجي ابجي بحركه
روان...ليش تبجين شكوووو
زينب.. تعاي اخذيني عمي طردني البارحه بقيت بلشارع للصبح تعاي بسرعه
روان...شبي صوتج
زينب...من كد.البجي تعاي بسرعه
روان...هسه نجي اني وبابا انتضري
