رواية ليتنا نلتقي الفصل السادس 6 بقلم جمانه السعيدي

نام علي بليلتها بدون اكل ولاحتى غير ملابسه   

ثاني يوم جمعه كعدت الصبح اتريك وفاطمه دخلت تسبح هي وحمودي    

كعد علي وطلع من الغرفه شافني بلمطبخ 

  ورجع دخل للغرفه

ورا اشويه طلع ورجع دخل شافني بلمطبخ ورجع

    حسيته يريد شي ويدور على امه

    كمت رحت الغرفته    

.....صباح الخير محتاج شي 

.....صباح النور بس راسي يوجعني اريد بندول 

....اي هسه دقيقه 

.رحت خليتله صمون وجاي وجبن وقشطه بصينيه وديتهن اله كتله اكل قبل لاتاخذ بندول راسك يوجعك لان ماماكل من امس  

جمانه السعيدي 

 خليت الصينيه وطلعت اجيبله بندول وماي 

جبتهن واجيت بس دخلت ما اعرف دست شي اذاني    

صحت اخ راسا طلع دم من رجلي  

  اثاري فاطمه من جمعت كزاز الكلاص الي كسره علي

 باقيه كزازه ماشافتها فاتت ابرجلي  

  راسا كعدت بلكاع 

وهو طفر

.....ها شبيج 

....ما اعرف يمكن كزازه دخلت الرجلي لزمت رجلي يجري الدم بس المصيبه ما اندل الكزازه 

....شو خل اشوف رجلج  

   

اني متت من المستحه 

     كعد على ركبته ولزم جف رجلي بايد والايد الثانيه يتحسس باصبعه على مكان الكزازه 

....اي دقيقه هاي كزازه دقيقه خل اطلعها وباضافره شلع الكزازه 

  وراح جاب معقم من المجر ولفاف وكطن مسح الدم وخله معقم بلكطنه ولف رجلي 

....شكرا 

جمانه السعيدي 

.علي ..اني الضاهر حتى الناس الي تحاول تساعدني ااذيها هاي انجرحتي بسبب الكلاص الكسرته البارحه..

....لا شلقصه جرح بسيط قابل مامجروحه قبل يله كمل ريوكك وهذا الماي والبندول  

   وكمت طلعت من الغرفه

 بس تردون الصدك ابد ماحسيت بوجع احس الوجع كله اختفى من شد رجلي بايده 

بدت حالته تتحسن اكثر واكثر 

بس كلامه قليل جدا   

علي ماما الى متى اني باقي هنا لازم ادور شغل وسكن شني ابو حمودي ابتلى بيه 

فاطمه يمه احد شكالك بيش انت ماثر علينا واذا على الشغل اني احاجي ابو حمودي تشتغل ويا ابين ماتلكه شغله توالمك 

ومرة الايام وجان اوكع بمشكله ابد ماتخطر على بالي 

اجاني طلب صداقه باسم ابنيه اني ما اصادق ولد ابد

 ولاحتى اقاربي بس بابا صديقي الوحيد على الفيس وتعرفون حالي حال البنات عندي مجموعة صور بموبايلي صحيح الصور مو خليعات بس اكو صور بدون حجاب وصور لابسه قصير واني وماما واني واختي صور عرسها 

المهم وافقت على طلب الصداقه دخلت صفحتها مابيه شي يخليني اشك ورا يومين طلبت مني ادخل بكروب مكياج وتسريحات وافقت اني هم مو كل وقتي للفيس لان اقرا واساعد فاطمه بلبيت بلمناسبه فاطمه طلعت حامل اله ثلاث شهور ا

اتفاجئت بهاي البنيه دازتلي صور تي اني واختي بلعرس 

وتكول اني ولد وصورج كلهن عندي اذا ماتفتحين كامرا وتنفذين طلباتي انشر كل صورج 

اني اتخربطت اوضاعي ما اعرف شسوي وين اروح تخبلت معقوله هذا الي يصير وياي 

انطاني مهله يومين اذا ما افتح كامرا وانفذ طلبه ينفذ تهديده 

تخبلت حسيت نفسي صخنت وراسي يوجعني 

جمانه السعيدي 

زين وين اروح المن اسولف بابا ماعنده خبره بهاي السوالف

 

واخاف على بابا شيصير بي من وراي ياربي فدوه ساعدني صاحوني للغدا ما اكدر اكل ولا اكدر انام 

  يربي شتكول عليه الناس واني من زغري عبايه وبوشيه 

زين اهلي شيكولون منو راح يخلصني من هاي المصيبه 

الشرطه الالكترونيه صح تلزمه بس اني انفضح 

صار المغرب واني ماي ماشاربه 

خليت سجادتي وكمت اصلي وادعي وابجي الاهي مو الخاطري الخاطر شيبات ابوي  

اجا العشى وصعدتلي فاطمه شبيج حبيبتي اليوم مو على بعضج شصاير حرت شاكللها 

كتله لا الدوره اجتني وبطني توجعني اتعشو انتو واني من اجوع انزل اكل وحدي 

....بكيفج حبيبتي 

....احس راسي راح ينفجر من الوجع ومالكيت اي حل شسوي ياربي وين اروح المن اسولف ويفتهمني 

ضليت كاعده قررت باجر ما اروح للمدرسه

نزلت بلوحده بليل لكيتهم نايمين بس غرفة علي مشتعل الضوه 

اجتني فكره اكول العلي بلكت يلكالي حل 

بعدين ترددت خفت ياخذ عني غير نضره 

زين شلون والحل  

    خل اكله بلكت يلكالي حل 

دكيت باب غرفته على كيف 

بعدين كلت لا موعيب مهما يكون غريب شلون اكله درت وجهي اريد امشي جان فتح الباب 

....ها زينب اكو شي 

اني كمت اعصر باصابعي وترددت الف مره 

....كولي زينب صاير شي 

....اكو موضوع اريد احجي وياك بي بس متردده 

....كولي شصاير خوفتيني 

....لا عوفه بعدين اجيت امشي 

....الله عليج كولي لوما موضوع مهم ما اجيتيني

....الصراحه اني اكو ولد مخترق صفحتي وبايك صوري وجاي يهددني

   ولله العظيم اني ما اصادق ولد بس هو دخلي بصفحة ابنيه وجاي يدزلي بلصوره ايريد افتح كامرا ويا ولله لويدري بابا ايموت بيها 

   فدوه تكدر تساعدني 

ما اعرف احد غيرك لاعندي اخ اكبر مني وابوي مايعرف بهاي السوالف واخاف يدري كامت ادموعي تنزل بلاوعي 

.....زين زين لاتبجين ما كو اسهل منها انطيني تليفونج واني انعلج والدي    

....فدوه صدك تخلصني من هاي المشكله وامسح بدموعي 

....ضحك وهاي انتي مختفيه من الصبح الهسه وتبجين على هاي بسيطه وماكو ابسط منها 

باجر ارجعلج تليفونج وهاي السالفه انسيها لاتفكرين بيها ابد

...شكرا الله يحفضك ويستر عليك مثل ماسترتني 

...لاتتشكرين ما اكدر ارد جزء من فضلج روحي ونامي وانتي مطمئنه 

جمانه السعيدي 

وفعلا صعدت الغرفتي واني كلش مطمئنه ما اعرف ليش كلامه كلش طمني وتمنيت الله يسعده ويحقق احلامه 

نمت وفعلا ثاني يوم مارحت للمدرسه احس نفسي مكسره من التعب ا

كعدت بلعشره احضر بلريوك وهو طلع من الحمام لاف المنشفه على راسه عدلت شالي واببتسامه 

....صباح الخير 

....صباح النور 

...احضرلك ريوك 

....لا شكرا تريكت قبلج اتقرب عليه وبصوت ناصي انشاء الله العصر يرجعلج تليفونج وكلشي يخلص 

....ابتسمت شكرا روح الله يسعدك ويهنيك 

وبدل وطلع عندا صديق خبير بلتهكير وكلش يفتهم بهاي السوالف اخذ التليفون وراح 

ما اعرف ليش نفسي جانت كلش مطمئنه

هو طلع واني عدي حماس موطبيعي بديت انضف لبست ترك البدي طويل ولفيت الشال مثل العمامه وطلعت الفراشات برا ونضفت الصاله ورجعت للمطبخ طلعت غراض الكاونتر وصعدت انضف الملحق واغسل بي ما اسمع غير 

.....السلام عليكم 

....التفت يمه علي واكف وراي بس داير وجها للجه الثانيه 

تخربطت شلون حظ 

حاولت انزل بسرعه وردن البدي دخلت بايد الكاونتر 

ولا اكدر اصعد ولا تكدر انزل

ضليت معلكه

هو سمعني واني اجرجر واحاول اخلص نفسي 

التفت عليه وبعدين دنك 

....دقيقه خل اساعدج واني ياكاع انشكي وبلعيني هسه ماتكلي شرجعك حضي 

اجه اتقدم عليه وهو مدنك وخلص ردن التراك من الباب ودار وجه وراح

   واني مدري ابجي على هاي اللقطه مدري اضحك 

ياوله من حظ الي رجعك

الفصل السابع من هنا