رواية من القاتل الفصل السادس
*في شركة الدمنهوري كان مراد يجلس في مكتبه وهو ينهي بعض الأعمال وينتظر بسمة ولكن تفاجأ بـ شاهيناز تطرق الباب وتدخل `.*
مراد بصدمة قليلا /شاهيناز !!! انتي بتعملي اي هنا ؟!.
شاهيناز بتمثيل / مقدرتش استني اكتر من كده عشان اتكلم معاك .
مراد / نتكلم ف ايي؟!.
شاهيناز بتمثيل/ انت لسه زعلان مني .
مراد / اظن أن ده مكان مينفعش نتكلم فيه .. أمشي دلوقتي ونتكلم بعد ما اخلص .
شاهيناز / مش همشي من هنا قبل ما اقول اللي عندي ... ولو عاوزني أمشي يبقي تمشي معايا ونتكلم دلوقتي .
مراد ببعض الغضب/ وانا قولتلك ده مكان شغل ومينفعش نتكلم هنا وكمان انا في ناس مهمه جايه دلوقتي ومش هعرف أمشي .
شاهيناز / ناس مهمه ؟!. مين دول بقي .. ما انت على طول بتسيب المقابلات دي لـ زين أو عمار !..اشمعني انت اللي هتقابلهم انهارده .
مراد / عشان أنـ.....
*_قاطعته دخول السكرتيرة (حبيبة)`_*
حبيبه (السكرتيرة) / اسفه يا فندم بس في انسه بره اسمها بسمه الغندوري بتقول انها عاوزه تقابلك .
مراد / تمام يا حبيبة استني بس خمس دقايق وهقولك دخليها .
حبيبه / تمام يفندم.
*_خرجت حبيبه وأغلقت الباب خلفها `._*
شاهيناز / ومين بسمه دي أن شاء الله .
مراد / والله ده شئ يخص شغلي اتفضلي بقي ونتكلم بعد ما اخلص شغل .
*_ذهب مراد ناحيه المكتب واتصل بـ حبيبه لـ تدخل بسمة`._*
شاهيناز / ماشي يا مراد عشان معطلكش .
مراد / تمام اتفضلي .
*_فتحت حبيبة الباب ومعها بسمة لتدخل وفي تلك اللحظه قامت شاهيناز بضم (بحضن) مراد وتفاجأ جداا من حركتها تلك وبسمه تقف بـ صدمه والدموع علي وشك السقوط من عينها ._*
ابعدها مراد ببعض الغضب / أمشي يا شاهيناز .. أمشي دلوقتي قولت .
شاهيناز وهي تنظر لـ بسمة/ حاضر يـ حبيبي .. هسيبك بقي تخلص شغلك .. يالا باي .
*_خرجت شاهيناز من المكتب بـ غرور ..وكانت بسمة تقف بصدمه من ذلك الموقف .. هل قالت تلك البنت حبيبي !! هل هي تكون حبيبه مراد !؟.. معقول ما سمعت .. هل مراد لديه حبيبه!!!._*
مراد ببعض الغضب مما فعلته شاهيناز/ اتفضلي يا بسمه .
بسمه وهي علي وشك البكاء / حـ حاضر .
*_خرجت حبيبة وأغلقت الباب خلفها '_*
مراد وهو يحاول أن يكون هادئ/ ازيك يا بسمه عامله ايي ؟.
بسمة وهي وتحاول التماسك / انا تمام الحمدلله .
مراد باستغراب / مالك انتي كنتي بتعيطي ؟!.
بسمه بحزن / لالا اعيط ليه يعني .. انا بس .. في حاجه دخلت فـ عيني .
مراد بعدم تصديق/ تمام.. الف سلامه عليكي .
بسمه / شكرا .
مراد / تشربي ايه الاول ؟!.
بسمه / متشكره م عاوزه حاجه .
مراد / تمام علي راحتك .. بصي يا بسمه زين كلمني وقالي علي الشغل اللي انتي محتاجه.. وانا بصراحه بقالي فترة محتاج سكرتيره تكون كويسه وشاطره وانتي من معرفتي عنك أن انتي متفوقه جدا فـ دراستك .. فـ انتي هتكوني السكرتيره هنا .
بسمه باستغراب/ اومال مين اللي كانت هنا ودخلتني قصدي علي حبيبه ؟!.
مراد / حبيبه السكرتيره بس هي قررت تقدم استقالتها لأنها هتسافر بره مصر فترة فـ عشان كده انتي هتكوني السكرتيره.
بسمه / تمام .. مفيش مشكله .
مراد / انهارده انتي مش هتشتغلي بس من اول بكره ان شاء الله انتي معانا ولـحسن حظك أن أنا تقريبا كل اليوم الصبح في اجتماعات يعني مش هبقي محتاجك غير بعد الظهر .. يعني بعد جامعتك .
بسمة / تمام .. شكرا جدا .
مراد / العفو .. دلوقتي انتي هتطلعي لحبيبه وهي هتفهمك كل حاجه .
بسمه ببعض الرسمية/ تمام يا مراد بيه .
مراد بإستغراب/ مراد بيه!!!.
بسمه / اه مش حضرتك هتكون المدير بتاعي وانا السكرتيره يعني حضرتك مراد بيه .
مراد ببعض الحزن / تمام يا بسمه بس ياريت مراد بيه دي تكون فـ الشغل بس يعني لو اتقابلنا خارج حدود العمل ابقي مراد بس .
بسمه / تمام .. عن اذنك .
مراد / اتفضلي .
*_خرجت بسمه من مكتب مراد واتجهت الي حبيبة لتخبرها بـ تفاصيل العمل "._*
______________________________________
*_بعد أن خرج عمار و اسلام من القسم اتجهوا الي الكافيه ووجدوا ريهام تنتظرهم ._*
ريهام / حمدالله علي السلامه... كفاره يا اسلام.
اسلام بعد اهتمام / متشكر .. المفروض بقي نعمل ايي .
عمار / ولا حاجه انت اخدت برائه علي جريمة معملتهاش والحمدلله .. الشرطة بقي تدور علي المجرم الحقيقي.
اسلام / متأكدين أن محدش فيكوا اللي عملها .
ريهام / ايه اللي انت بتقوله ده يا اسلام .. لو حد عملها اكيد مكناش هنخبي علي بعض .
عمار / يظبط وبعدين احنا ملناش دعوه بالموضوع خلاص الشرطه تكمل .
اسلام / طب وابن عمك اللي شاكك فيك ده ؟!.
عمار / والله شكوا ده مش فارق معايا اصلا .. البوليس عارف أن احنا ملناش علاقه يعني كلاموا ملوش اي دليل .. ولا اي ؟!.
ريهام / بظبط كده خلينا بقي بعيد عن الحوار ده خالص كل واحد ليه اهتماماته .
اسلام / طب يا جماعه بعد اذنكم بقي انا همشي عشان تعبان جداا .. سلام .
عمار وريهام / سلام .
_ذهب اسلام الي بيته وترك عمار و ريهام معا "._
ريهام / انا عاوزاك تساعدني .
عمار باستغراب/ ف اي ؟!.
ريهام./ انت عارف ان انا عاوزه زين ابن عمك .
عمار بسخريه / نعم انت هبله يا ريهام .. ده علي اساس أن أنا وزين علاقتنا كويسه يعني عشان اساعدك !!.. وحتي لو كلمتوا .. انتي فاكره أن زين هيقدر يكمل حياته بعد شهد !! يا بنتي ده كان بيموت فيها ومش هيرتاح غير لما يجيب اللي عمل كده ومستحيل يتقبل اي حد ف حياته .
ريهام / لا بقولك ايه انا كل ده مش فارق معايا اصلا .. انت هتساعدني ف اي شكل .. ده هيكون جزء كبير من الخطه بتاعتنا وكمان عشان تاخد الأملاك ولا اي ؟!.
عمار بتفكير/ مش عارف يا ريهام .. سيبيني افكر وهبقي اقولك .. انا همشي دلوقتي .. مع السلامه .
ريهام / طيب مع السلامه .
*_ترك عمار المكان وظلت ريهام جالسه`_*
_________________________________________
*_بعد أن تركت شاهيناز الشركة.. اتجهت الي النادي الذي يوجد به اصدقائها`_*
شادي / ممكن نعرف بقي عملتي ايي .
شاهيناز / طب ممكن اقعد الاول وبعدها نتكلم .
هايدي / اهدي يا شادي هي اكيد هتتكلم .
*_حكت لهم شاهيناز علي ما حدث ._*
شادي بصدمه / حضنتيه؟!.
شاهيناز ببرود/ اه فيها ايي .
شادي بغضب/ هو ايه اللي فيها اي احنا عاوزينوا يسامحك ويثق فيكي م ياخد عنك فكره مش تمام .
شاهيناز بغيظ / كان لازم اعمل كده بعد ما عرفت أن بسمه جايله المكتب .
عمر بصدمه / نعم .. بسمة اخت شهد ؟!. هو انتي تعرفيها اصلا .
شاهيناز / لا معرفهاش اوي بس مره قابلتها هي واختها وكان معاهم زين وانا كنت مع مراد وكانت نظراتها لـ مراد غريبه شويه حسيتها معجبه بيه وكمان مراد حساه بيحب يتكلم معاها م زي كل البنات .. فـ كان لازم اعمل كده انهارده عشان تشيلوا من دماغها .
هايدي / ايوا يا شاهي بس مراد حواليه بنات كتير وكلهم معجبين بيه مجتش علي دي يعني .
شاهيناز ببعض السخريه / لا طبعا .. دي بالذات لازم تعرف أن مفيش غير شاهيناز اللي مراد هيختارها .. وكويس اوي أن أنا عملت كده عشان لو مكنتش عملت كده كان زمانها دلوقتي مكاني .. وغير كده انتوا مشوفتوهاش لما شافتني وانا بحضنوا كانت عامله ازاي كان فاضلها شويه وتعيط وكمان قولت لـ مراد يا حبيبي يعني هي كان لازم تسمع الكلام ده عشان تشيلوا من دماغها وبالذات بعد ما عرفت من حبيبة السكرتيره أنها هتكون السكرتيره الجديده بعد ما حبيبة تسافر فـ كويس اوي اللي انا عملتوا.
شادي بسخريه / واضح اوي بصراحه حبك ليا يا شاهي .. من الواضح انك بتغيري علي مراد بيه ولا ايي .
شاهيناز بغضب / ايه اللي انت بتقوله ده يا شادي .. انا كل اللي خايفه منه لا مراد ينساني ويحب بسمة دي وساعتها احنا اللي هنخسر .
شادي / لا ما هو واضح بصراحه .. ممكن تطفشيها بـ اي طريقه مكنش لازم تحضني مراد علي فكره !!.
شاهيناز / يوووووووه يا شادي قولت ده اللي جه ف دماغي وعملتوا بلاش وجع دماغ بقي انت عارف كويس أن أنا بحبك انت وكل اللي عاوزينه من مراد فلوسه مش اكتر .. بلاش بقي لعب العيال وشغل المراهقين ده !.
عمر / اهدي بس يا شاهيناز في اي .. شادي بيحبك وغيران عليكي عشان كده هو اتضايق مش اكتر... اهدوا بقي و وحدوا الله .
الجميع / لا اله الا الله .
*_سكتوا قليلا وبعدها قال شادي_*
_همشي انا يجماعه عشان ورايا شغل .
عمر / استني يا شادي انا كمان ماشي.
هايدي / طيب مع السلامه.
شاهيناز وهي تمسك يد شادي / طمني عليك لما توصل .
شادي بعدم اهتمام / أن شاء الله .
*_غادر شادي وعمر المكان وظلت شاهيناز وهايدي جالسون `_*
______________________________________
*_بعد أن انهي زين عمله باكرا رجع إلي البيت ووجد عمار جالس ف البيت علي غير العاده ._*
*مر زين من أمامه دون أن يحكي شئ.*
عمار/ ازيك يا زين يا ابن عمي .
وقف زين بضيق / نعم عاوز ايه ؟!.
عمار باستفزاز/ عاوز اقولك أن انت كل شكوكك غلط من نحيتي واحب اقولك أن اسلام خرج انهارده من القسم والظابط بيدور علي المجرم الحقيقي.
زين بصدمه / ايه خرج ازاي !!.
عمار / تؤتؤ .. تصدق صعبت عليا .. خرج عشان هو بريئ ومعملتش حاجه وانا كمان بريئ وبكره تتأكد يا زين .. مش مصدقني روح القسم واتاكد .
*_خرج زين من القصر بغضب وبعض الصدمه وهو يتجهه الي القسم ويتمني أن يكون حديث عمار خطأ "._*
_________________________________
*_في الشركة في مكتب حبيبة الذي سيصبح لـ بسمة ''._*
حبيبه / بس كده انا كده قولتلك علي كل تفاصيل الشكل وده هيبقي مكتبك .
بسمة وهي تنظر للمكتب بانبهار/ ده هيبقي مكتبي ؟!.
حبيبة بابتسامه/ ايوا يا بسمه .
بسمه / ممكن اسالك سؤال .
حبيبه / اكيد اتفضلي.
بسمة / هي مين البنت اللي كانت مع مراد بيه لما دخلنا المكتب ؟.
حبيبه / دي اسمها شاهيناز ابو حطب .. بنت سيده اعمال معروفه اسمها احلام رأفت .. دي تبقي حبيبت مراد بيه .. هي بتقول انها بتحبه بس الحكايه مش مبلوعه بصراحه يا بسمه .
بسمة بحزن / وهو بيحبها ؟!.
حبيبه / بصي هو مراد بيه بيتعامل معاها عادي لان من حوالي سنه ونص كان فيه صفقه بينا وبين مامتها ف كانت بتيجي الشركه كتير بحكم أن مامتها ليها تعامل معاهم .. ومن وقتها الناس فاكره أن مراد بيه و شاهيناز مرتبطين .. حتي مراد بيه صرح مره أنه بيحبها للصحافة بس برضوا هو من معاملتوا ليها متقولش كده .. يعني تحسي أنه بيوهم نفسه بحبها .
بسمه / تمام يا حبيبه .. اسفه لو ازعجتك .
حبيبه بابتسامه/ لا يا يحببتي عادي انا اصلا حبيتك من اول ما شوفتك ودخلتي قلبي بصراحه.
بسمه بابتسامه / ربنا يخليكي .. وانا والله حبيتك وارتحتلك جدا .
حبيبة بفضول / ممكن انا اسألك سؤال ؟.
بسمه باستغراب/ اكيد طبعا .
حبيبه / انتي ليه بتسالي علي البنت دي ؟!.. انتي بتحبي مراد بيه ؟!.
بسمه بكدب/ لالا أحبوا ليه يعني .
حبيبه / باين فـ عنيكي أنك بتكدبي علي فكره .. بصي انا اللي خلاني اقول كده أن احنا لما دخلنا المكتب وشوفنا شاهيناز وهي بتحضن مراد بيه حسيتك هتعيطي وكمان لما سألتيني عنها دلوقتي ؟..ولما سألتيني إذا كان هو بيحبها ولا لا !!.
بسمه بحزن/ بصراحة يا حبيبه انا عرفت اني بحبوا بس للاسف مبقاش ينفع ؟.
حبيبه / بصي يا بسمه .. مراد بيه مش اي حد انا معاكي ده رجل اعمال كبير ومعروف وكل البنات بتجري وراه كفايه بس شكله أو ضحكتوا اللي ممكن تخليكي يغمي عليكي .. بس ده مش معناه أنه ميحبكيش!!. انا عرفت منك أن انتو كنتوا هتبقوا أهل قبل وفاه اختك الله يرحمها .. وبعدين يا حببتي مفيش حاجه بعيده عن ربنا وبعدين شغلك هنا وكونك السكرتيره بتاعتوا دي فرصه كويسه جدا ليكي بس انتي استغليها صح .. فاهماني يا بسمه ؟!.
بسمه بابتسامه/ فهماكي يا حبيبه انتي عندك حق ف كل حاجه .
حبيبه / ربنا يوفقك ف حياتك يارب وربنا يكتبلك اللي تتمنيه .
بسمه / آمين يارب .
حبيبه / يالا نمشي بقي ولا اي انا عندي طياره بكره ... بس هاتي رقمك عشان نتكلم
بسمه / اه اكيد .
*_اخذوا ارقام بعضهم وخرجوا من الشركه ولم يروا مراد فـ اي مكان واتجهت كل واحده علي بيتها "._*
____________________________________________
*_وصل زين بعد ربع ساعه الي القسم ودخل الي مكتب الظابط '._*
زين ببعض الغضب/ انتوا ازاي تفرجوا عن اسلام !.
الظابط بهدوء / لان مفيش دليل لإدانته .
زين / اومال مكنش باين ف البيت لي ؟.
الظابط / يا استاذ زين .. اسلام المنشاوي ميعرفش شهد اصلا وده علي حسب كلامك وكلام عمار والمحامي واسلام .. فـ مفيش اي دليل علي كده .
زين / لا انا متاكد انه اللي ورا الموضوع هو وعمار اللي خرجوا .
الظابط / احنا هندور علي اي دليل تاني عشان نجيب المجرم الحقيقي لكن منقدرش نقبض علي متهم من غير دليل .
زين ببعض الغضب/ تمام يا فندم .. لما نشوف الدليل .
*_خرج زين من مكتب الظابط بغضب ورجع الي البيت ولكن لم يجد عمار في البيت ._*
_____________________________________________
*_اتصل الرجل الذي يراقب عمار بـ مراد ليخبره بما رآه فما هو؟؟؟._*
