رواية اغفري لي الفصل السادس بقلم أوتار حزينة
لم ارد حياتي هذه
ولم اختر اهلي
لم اطلب ان اولد في هذا العالم المليء
بالخذلان
لم اريد ان اولد في هذا الجسد
او اختار هذا الطريق
كل مااريده الان
لحظه هدؤ
لايسكنها الندم
ولا يوقضها
الالم
،،،،،،،،،،،،،،
يمامه
صرخت
«،،،،،حنييين
رحت اركض عليها شفتها كامت وصلت
ليمها لزمتها اصرخ
«،،،،بيج شي تاذيتي
«،،،،لاا مابيه شي
جاوبتني وكامت تبجي ناس التمت علينا
يحجون علينا عبالك مو بشر
ووتأذه
«،،عوفهن هذني ماعدهن اهل دايحات بالشوارع
الخ كال
«،،،هذوله من يموتون يصير گراعهم طويل
ويطلعون اهلهم يدورن فصول
«،،،،،روح يابه شوفها كامت مثل الصل الابكع
باوعت على الي حجو ويا جان واكف يمنا
صاح
«،،،هسه اااذا اعتقلجن منو يكلي ليش
گلبي هبط،،، وخفت من شفته شرطي كمل
بغضب
«،،،ااخذي الوياج وولن مناااا من انعل ابوجن
لا بو الي خلاجن دايحات بالشارع
ماكدرت احجي شي خفت منه لا يعتقلنا اخذت
اختي ومشينا بسرعه من يمهم
سمعته كال
«،،،الله ياخذجن وياخذ كل وحده مثلجن
عبرنا للصفحه الثانيه اخذت حنين كعدتها
على دجه محل معزل دورت بطل المي شفته
ذابته مسافه من عبرت اركض
عليها
رحت جبته ورجعت عليها غسلت وجهها
وشربتها مي سالتها بخوف
«،،،ولج صارلج شي تاذيتي
ردت تبجي
«،،،رجلي توجعني
وخرت بجامتها شفتها مجروحه وتذب دم
«،،،كومي خلي نرجع
«،،،لاا راح يكتلنا ابونا لان ماجبنا اله دخل زين
«،،،من انعل ابوج لا ابو الفلوس كومي خلي نرجع
«،،،هي اانتي
انداريت شفته هو نفس الشرطي جاي
علينا بخطوات واسعه اختي
كامت وختلت ورايه
كلت بتوسل
«،،،،الله يخليك لااتاخذنا
وكف قريب من عدنا طلع محفظه اخذ
منها ضبه حمره مد ايدها بيها
وكال بوجه مگلوب
«،،،اخذي ذني
«،،،مااريد شي منك بس عوفنا
«،،ااخذي لج ولا تبعين ثكل براسي
ليش مااعرف ااختج هي الي شمرت نفسها
على سيارتي حتى
تاخذن كم فلس
جاوبته بدون تفكير
«،،تره الاشاره جانت خضره ومن حقها تعبر
انت الي خالفت مو هي
رفع حواجبه وابتسم ابتسامه
استهزاء رد
«،،،والله وكت الشاحوذه تعلمني القانون
«،،عمو مانريد شي منك واسفه والله ماشفت
سيارتك من عبرت
اختي جاوبته تبجي صفن عليها بعدين
عليه جنا توم بس هي اسمن مني
كال
«،،مره ثانيه اذا شفتجن هنا الا اعتقلجن
واذبجن بالسجن
ماجاوبت كمل بنتره من مد ايده
بالفلوس
«،،،هااج
مااخذتهن شمرهن بوجهي وراح
غاده
واكفه بالكوشه ايدي بايد معتصم خله
بيها الحلقه وباسها سمعت صوت
الهلاهل وشفت فرحه
اهلنا بينا
باوعت علي بخجل والفرح تارس
معتصم جان اشكر وعيونه عسليه يشبه خالي طويل بس ضعيف ومسوي لحيه جنت
معجبه بي من الصغر وتمنيت اصير
اله وصار هالشي
من راحو الخطار كعدت ويا بالاستقبال ساكته
ومنزله راسي من الخجل حجه
«،،طالعه تخبلين
مارديت سأل
«،،واني
رفعت راسي وجاوبته
«،،ها
ابتسم اليه ورد
«،،شلوني حلو مو
درت وجهي منه ضحك بصوت وكمل
«،،كالو الجماعه اني احلى منج
رفعت حواجبي وباوعت علي سالت
«،،منو ياجماعه
مال عليه ورد
«،،،امي غير وخواتي
ابتسمت وجاوبته
«،،منو يشهد للعريس غير امه
صفن عليه وطول گلبي كام يدك بسرعه
تهربت من نظراته ولهيت روحي
بفستاني كال
«،،تدرين جنت اتمنى هاي اللحظه من زمان
سكت وكمل
«،،،وتدرين اني احبج واموت عليج
گلبي كام يرفرف وحسيت بروحي راح
اطير بالجو كال
«،،واعرفج تحبيني مثل مااحبج
رفعت راسي عيونه بعيوني صفن بيهن
وره لحظه قرب يباوع لشفايفي راد يبوسني
بس درت وجهي باسني من الخد
وطول سحبت روحي منه
وكمت الخجل كاتلني
كلت
«،«اروح
كام مبتسم وجاوبني
«،،روحي بس اخابرج بليل
هزيت راسي وانهزمت منه ومن المشاعر الي
صيطرت عليه جنت فرحانه بي
كلش وعشت ويا اجمل قصه حب يوميا
نسهر نحجي سوه ونخطط
لاحلامنا وشلون راح
نعيش بحب وتفاهم
كال شهر ونزوج حتى يرتب اموره جهزت كلشي
حتى بدله العرس اشتريتها قبل
زواجنا بأسبوع العصر اني بغرفتي
ماما اجت كالت
«،،،معاذ تاخر
«،،،،اتصلتي علي
«،،خابرته يدك ومايجاوب هو گلي
عندي شغله وره الدوام اكملها واجي
«،،،ما گال شنو هاي الشغله
«،،،انتي تعرفين اخوج ماايحجي شي يخصه
ولا يكول وين رايح ووين جاي
كعدت تباوع للساعه القلق زاد عدنا من تاخر
فد مره ونتصل علي مايجاوب بابا
ظل واكف بالباب كل ساع
يخابره اجه ماما كالت
اله بخوف
«،،الولد وينه ليش نخابره مايجاوب
«،،رايح اشوفه بالكليه
بسرعه بدل وطلع
ظلينا كلنا بره نريده بس يطب علينا ماكو وخابرنا
بابا وره ساعه سال
«،،،مااجه
«،،شنوو مااجه ابو معاذ الولد وين صاار
كعدت تبجي وترجف اخذت جهازها سألته
بخوف
«،،،بابا معاذ مااجه
«،،،،ياااربي وين ادوره بالكليه ماكو طالع
من 3 العصر ماكال شنو الشغله الراح
عليها
«،،،،لاااا
ماما صاحت
«،،،ووولكم اابني وين راح اكيد صارله شي
«،،خلي اخابر محمد ومعتصم اشوفه يمهم
بابا سد الخط خابرت معتصم جاوب
«،،هلو حبي
«،،،معاذ يمك
«،،،لا خير صاير شي
«،،،مارجع لحد هسه حرس الكليه يكولون طلع
ب3 والمغرب صار وهو ماكو
«،،على كيفج لاتخافين يجوز راح بشغله ونسى
نفسه
«،،،اي هو كال رايح بشغله بس ليش نخابره مايجاوب
«،،،خاف مسوي صامت
«،،،ماادري معتصم خايفه لا سوه الكال علي
«،،،شنو ماجاي افتهم
«،،،من كال اخطف زهره
«،،لا يمعوده مايسويها هذا عمي كاعد يتصل عليه
«،،تمام
سديت الخط وظليت اتصل على اخويه ماكو
خواتي اجني لونهن مخطوف والدنيا انگلبت عدنا
لان الليل صار وهو مااجه
«،،،وج عيني ندى ابني راح مني
ماما ادك وتلطم خاله يمها تهدي بيها وليلى
يمي الولد وبابا كلهم بره يدورن علي
الوكت تاخر وهم مااجوي
ولا اخويه بين اله
اثر
ساعه 10 سمعنا سيارات وكفت بره طلعت
اركض ورايه ماما وخواتي فتحت
الباب وكفنا من شفنا رجال
ملثمه ،،،لابسين دشاديش ومسلحين رجعنا
ليوره من شفنا نظراتهم واحد اطولهم وضخم كلش
تقدم يخزر بينا صاح
«،،،ووينه هذا ابنكم العاار طلعو النا
«،،،اانجب ولك اخويه مو عااار
صحت بي ووكفت بوجهه من راد يطب
كملت
«،،اكسر رجلك اذا طبيت
«،،طبووو ولكم وشوفو وينه هو وعارنا
عرفتهم اهل زهره
الويا دفعونا وطبو لجوه كمنا نعيط جيرانه
طلعوا على عياطنا هو وكف بنص الشارع
ورمى بالجو صاح
«،،،الي يتدنى هنا افرغ هالشاجور براسه
اجه علينا دفعنا بسلاحه،،، على الحايط
ضربته راجدي من لزمني وتفلت
بوجهه صحت بي
«،،ياااعار الرجال تهد على نسوان ولك لو بيك
خير ظل هنا وشوف ولدنا شراح
يسون بيك
«،،،اانجبي ولج
ضربني راجدي شمرني من قوته على خواتي
كامن يعيطن ليلى وكفت بوجهها
وصاحت بي
«،،اانكسرت اايدك انت والوياك
خاله ندى بسرعه جرتها من كدامه
ذولاك طلعو من
جوه وكالو
«،،،ماموجود لا هو ولا هي
دار وجهه علينا يخزر بينا راح لماما وكفت بوجهه
اني ومريم صاح
«،،،،وين ابنكم
«،،،،،والله مااندري ابني وينه
اندار باوع للويا وكال
«،،ذوله شردو وراسنا راح يصير بالوحل
صحت بي
«،،،اخويه مستحيل يسوي هيج
باوع عليه بنظرات تخوف اجه
بسرعه جرني من ثوبي وسحلني لبره ماما لزمتني
هي وخواتي وليلى وامها العياط
كب للسما الويا دفعوهن عنا
وسدو الباب بوجهن
ضربته وخرمشته ولا اهتز خنگني بايد وحده
رفعني من الكاع وشمرني بسياره دفرته من راد يصعد يمي ضربني راجدي قويه صطرني وخله اذاني توش رجعت ليوره الدنيا تفتر
بيه
من تحركت السياره وعي رجعلي ضربته
الويا لزم راسي وضربه
بالگشن فقدت الوعي
وبعد مااعرف شصار
بعدين
معاذ
اهل زهره بطلوها من الكليه لان مشيت عليها
للمره الثالثه وهددت انهبها هالشي دمرني نفسيا
وجسديا اتصل عليها
حالها مثل حالي
حجيت وي عمتها مابيدها شي كالت الامر
كله بايد جدها وحمزة
الشوگ الها خلاني اطلب منها نطلع سوه
وهم حتى انطيها هديه جنت
مشتريها الها
خابرتني وكالت العصر راح اجي بفلان مكان
تعال عليه اخذت سيارتي ورحت
عليها وصلت وظليت انتظرها
زهره
واكفه يم باب غرفه حبوبتي اسمعها تحجي
وي حمزه هي وعمتي رقيه
«،،يمه لخاطري انه انطوها هالزلمه البنت مانشفت
الها دمعه وهي يتيمه والها حوبه
يم الله
«،،،زهره لعبيس ومن زمان وهلشي تعرفي
يايمه شلون تريدني انطيها لواحد
غريب مانعرف شنو هو ولا
شنو اهله
«،،الولد خوش ولد وزلمه زين واهله شفتهم
انت ناس فقرة وطينتهم طيبه واجوي عليكم بدل
المره مرتين وثلاثه
سكت عمه رقيه كملت
«،،،يبو جمرة انت جلمتك فوك الكل وحتى ابويه
يسمع منك اوكف لهل اليتيمه ولاتكسر
بخاطرها
«،،،الغريب ذيب ياعمه وماله امان هذا ابن
عمها ستر وغطه عليها لو سبها يسب روحه
«مايلوك الها
حبوبه ردته بغضب وكملت
«،،،يمه تره راح تظلموها من تنطوها اله هو وين
وهي وين البنت دارسه وهو اسمه
مايعرف يكتبه
رد بعصبيه
«،،،،الزلمه مايعيبه غير جيبه
«،،،،واخلاقه يبن اخويه
عمتي ردته وكملت
«،،،انت تعرفه هو شنو فويسد وابو نسوان
«،،،من يزوج يعقل
«،،،بخت منو يعقل بخت بنتي الي اني ربيتها وتعبت عليها تريدو يتغير
ردته تبجي وكملت
«،،،حمزة بروح الغوالي انطيها لهل الولد هو يحبه
وهي تحبه
فز وصاح بغضب
«،،،وتحجيها بوجهي ياعمه
«،،،العشگ مو حرام
حبوبه جاوبته صاح
«،،،لا حرام
«،،،چاا مو انت عشگت بنت عمك فاضل ليش ماكلت على روحك حرام
عمه جاوبته بعصبيه وكملت
«،،،حلال عليكم من تعشگون وحرام علينا اذا
سوينا مثلكم
جاوبها بصوت متغير
«،،البنت ازوجت ابن عمنا وعيب عليج اجيبين
سيرتها على لسانج
«،،ماجنت تريدها
صاح بغضب
«،،وهي مارادتني من ورة البيه تعرفين هالشي
وكلهن مايريدني من ورة هالبله
الي بلاني بي ربي
ماردن علي كمل بنفس اللهجه
«،،هاي اخر مرة اسمعج اجبين طاري بنت عمي فاضل واذا سمعتج تحجين بيها مرة ثانيه
راح تسمعين مني كلام يزعلج ياعمه
وبعد مااريدن تحجن وياي بسالفه
زهره هي لعبيس وانتهى
الكلام
جنت اريده يوكف وياي مثل كل مره من ردت
ادرس صار وياي ضد الكل وخلاني اكمل واروح
كليه وماقصر ويايه بشي ومن
جانو يشدون وياي ويريدون يبطلوني هو
مايقبل ويوكف بوجههم ويسكتون
لان جانت كلمته مسموعه
عدهم وعند جدي
من طلع رحت عليهن ابجي
حبوبه كالت بقهر
«،،،،شاسويلج يايمه حجيت ويبس ريگي
والكل ماتسمع الچلمه حتى حمزة الي يحبج
وحاسبج اخته الصغيره ويريد خاطرج
مايقبل ينطيج لهل الولد
ظليت بدمعتي وقهري ومن راد معاذ
يشوفني طلعت من يمهم بدون محد يدري
مافكرت بالعواقب ولا شراح يصير بعدين
ردت بس اشوفه لان جنت مشتاگه اله
وصلت للمكان الي كتله راح اجي بي
جان واكف بسيارته ينتضرني نزلت ورحت
اله
معاذ
زهره صعدت يمي خايفه وتتلفت كالت
«،،،اطلع معاذ لايشوفنا احد
«،،،لاتخافين هسه نروح لمكان بعيد عن عيون
الناس
حركت نحجي على وضعنا
مشينا مسافه بعيده منطقه مابيها بيوت هوايه وكفت سيارتي كالت من باوعت
عليه
«،،شلون معاذ وي جدي وعمامي والله خايفه
لايسوها ويزوجوني لعباس
«،،اذبحه والله اذا فكر ياخذج مني اذبحهم
كلهم وشيريد يصير خلي يصير
كامت تبجي ذبيت حسرة وكملت
«،،لاتبجين تره والله دموعج اتعب گلبي
«،،،تعبت واريد معجزه تخليني اصير الك
«،،اكلج انتي مو كلتي هذا ابن عمج الضخم
الي ملثم بيشماغ يحبج مثل
اخته شعجب واكف وياهم
ومايقبل اخذج
«،،حمزه صح يحبني ويخاف عليه بس عقليته
مثل عقليه جدي يعني نفس طبعه
ومايحب غريب يدخل
بينا
«،،شاسوي ياربي االمن ااا
عيوني صارت على المرايه شفت سياره
وكفت ورانا نزلو اثنين يباعون
علينا زهره شافتهم
كالت بخوف
«،،،ذوله شبيهم ليش يباوعون علينا هيج
«،،،راح اشوفهم شبيهم
نزلت وكلت
«،،تفضلو رايدين شي
واحد ابتسم وكال
«،،هاي صاحبتك لو وحده مطلعها كم ساعه
«،،،اانجب طاايح الحظ وامشي ولي منا
انت والوياك
«،،لا بله بكيفك نروح منا
الشر جان بعيونهم واكبر غلط سويته هو
نزلت من السياره تقدمو عليه
زهره نزلت وصاحت
«،،،معااذ ذوله شبيهم
«،،،ااارجعي للسياره بسرعه
ماتحركت الي حجه وياي مشى بسرعه عليها ركضت اريد اضربه اللخ ضربني
برجلي ووكعني كمت ،،،، اسمع صراخها
هديت علي وضربته بوكس وكع
ذاك عافها واجه عليه
شلت حديده شفتها بالگاع وهجمت
علي وكفت من وجه
سلاح عليه صاح
بصاحبه
«،،،ااخذها بسرعه لسيارتنا واني راح
اخذ سيارته
ذاك راح عليها صرخت
«،،،معاذ الحكني
كلت اموت ومااخليها تروح بايد ذوله
هجمت علي رديت ليورة من حسيت شي
ضرب صفحتي عيوني عليها
تصرخ مفجوعه رجعت
ليوره ووكعت بالگاع
وعي بعده سمعت ذاك يصيح
«،،،ولك هاااي شسويت
بنفس اللحظه سمعت صوت دوريه
غبت عن الوعي وبعد مااعرف شصار
غاده
كاعده بزوايه جسمي كله يرجف اسمع
صوت الجلاب تعوي بصوت زيد الرعب بگلبي
الي دكاته حسيتها بزردومي
تلمست شعري حجابي ماكو وحالي يبجي
الصخر فزيت من مكاني من باب انفتح بقوه
لزكت بالحايط وفكيت عيوني من
شفته هو نفسه طب عليه
ردت اصرخ
ماكو صوت عبالك واحد
لازم لساني مشيت بصف الحايط من تقدم عليه
ابجي واشهك وكف وكال بصوت يخوف
كله غضب
«،،مو حمزه الي يلعب بعرضه والسواه اخوج
باختي راح اردها اله بيج
صرخت مفجوعه
«،،،لاااااا
عرفت شيريد يسوي تحركت اريد انهزم منه
للباب،،،،، لزم شعري من
وره جرني عليه وشالني من جتفي
بقوه صرخت من حسيته
انخلع من مكانه شمرني
بالكاع وكعت على ركبتي ردت ااكوم
صار فوكايه كمت اضرب بي بخبال
اليشماغ وكع من وجهه صرخت برعب
من شفت وجهه خرمشته منه ومن وصدره
تخبل بعد اكثر وشالني من جتفي
وضربني بالگاع دخت وراسي
افتر بس وعي بعده لزم ايدي الاثنين
بأيد وحده وثبتهن فوك راسي
راسي
واللخ كام ينزع بثوبي صرخت وضربته
برجلي ماتحرك ثوبي شگه
على طوله
كمت اتلوى جواه فلتت ايدي من ايده
صرخت بي
«،،،،عوووفني حيوان
سحبت روحي جرني من رجليه ضربته
وعضيته من زنده بقوه من راد
يلزم ايدي
ضرب راسي بالگاع دخت من وراه كمت اغمض
وافتح كال
«،،،اليوم ادزج بعارج لاهلج واخلي راسهم يطيح
بالوحل مثل ماطيحو راسنا بي
انتهيت بين ايده وماظلت
عندي اي قوه صوتي طلع بشهكه
«،،،،عليك الله لاتسويها
ايده رخت على ايدي كملت بشهكه
«،،،عليك الله وبستر زينب وعبايتها
لاتكسرني
مااعرف شصار بي من كلت هالكلام حسيت
برد عاف ايدي سحبت روحي منه
استر بنفسي واباوع اله
كام بس تمايل يباوع عليه بنظرات حقد
ماحجه شي طلع من يمي وسد
الباب بقوه
صوتي شهكاتي ترس الغرفه وكمت احجي
على اخويه الي سوه الي براسه
وخلاني بايد ذوله
الذيابه
حمزة
رجعت من البستان شايل الكرك ولاف اليشماغ
على وجهي علي ابن عمي
اجاني يركض
يصيح
«،،،حمزه الحك علينا
«،،،خير ولك شصاير
«،،زهره مااهيه طالعه من بيتنا بدون محد يدري
فكيت عيوني والكرك وكع من جتفي رحت
اركض للبيت طبيت اسمع
صياح جدي وعمامي
شافني كال
«،،،ووولك وينك يالحيد تعال وشوف راسنا
طاح بالطين وشرفنا انداس
«،،،،زهره مااتسويها
جاوبته عباس ابن عمي الي يريدها
صاح بيه
«،،،لااااا سوتها وشردت وي العاشكته
رحت علي لزمته من خوانيكه وصحت بي
«،،،منو يكووول
امه هدت عليه ادفع بيه تصيح
«،،،،چاااا وين راحت وين ولت غير اله
تخبلت عاينت لجدي الي صاح
«،،ااغسل عارنا اگتلها هي ويا ولكم مو زلام
انتو اذا ماااغسلتو بهل الساعه
النار كبت بولد عمي وكلها تراكضت للسلاح
عم مهدي صاح بيهم
«،،،،ولكم خل نفتهم السالفه زين لا نطيح بمشكله
محد سمعه واولهم اني
هدينا اني وولد عمي على بيت اهله مالگينا
بدون تفكير سحبت وحده من خواته
واخذتها لبستان عمي
ردت اخذ شرفها واكسر عين اهلها مثل ماكسرو
عيونه بس من كالت
«،،،،عليك الله لاتسويها بستر زينب وعبايتها
لاتكسرني
جسمي باد وحسيت واحد سحبني منها
وخرت منها اتمايل عاينت الها
بحقد وطلعت من يمها
الصبح طلع والدنيا صارت نهار ولد عمامي
يمي وعدالهم اني كسرت
البنت
علي ابن عمي اجه يركض عليه وكال
«،،،،حمزة لكو زهره والاستاذ
فزيت من مچاني وصحت بي
«،،،،،مصخمها ولك
«،،،لاااا ماامسوي الها شي
«،،،ووينهم
مشيت بسرعه وكف چدامي وكال
«،،،زهره والولد بالمستشفى
صفنت علي من رد هالرد كمل
«،،،،يكول زهره رايده تنخطف والولد فاكها منهم
ومضروب جيله وهسه هم بالمستشفى
الكاع مادت بيه وحسيت شي ثگيل هبد راسي
درت وجهي على الغرفه ماصدكت
السمعته بسرعه خابرت عمي
من جااوب حجيت
«،،،،عم شنهي السالفه فهمني
«،،،وين انت
«،،،بالصريفه اليم النهر
البنت بيها شي
«،،،لاااا
يعني ماسويتو الها شي
«،،،لااا رد عليه شنهي الصاير ترة راح اطك
مرارتي
«،،،جايك انه حتى نرد البنت لاهلها
«،،مااتطلع منا الا اتاكد زهره مابيها شي
كوول احجي شصاير
«،،ولك شاحجي هي جانت ويا ورايده تنخطف
وهو واكف بوجه العصابه ومضروب
جيله وهسه هو بين الحياه
والموت والدنيا
مگلوبه يمه
صحت بخبال
«،،طبه طوووب اجعله لااايكوم منها هييي
بيها شي عرضنا ياعم خما انداس
منه من ذوله
«،،،،لاااااا
صاح بيه وكمل
«،،،،ماابيها شي بس ااخ ولك كسرت رگبتنا
بسوايتها هاااي وانت كسرت
بخت البنيه وكله من وره اخوها
ومن وراها لهاي الساقطه
غاده
فزيت من انفتح الباب عبالي الوحش نفسه
اجه عليه يكمل الي يريد يسوي
بس طب رجال جبير من
شاف وضعي
نزل راسه
بسرعه وملامح وجهه تغيرت صاح
«،،،ولكم جيبو شي حتى نستر البنت
«،،،عمو وديني لاهلي الله يخليك لاتخليهم
ياذوني
«،،محد راح ياذيج
ولد صغير طب شايل عبايه،،،،،ماباوع
عليه انطاها للحجي مد ايده بيها
وهو منزل راسه اخذته
منه وسترت شعري وجسمي اشهك بالبجي
«،،،امشي وياي بويه
خفت ورجعت ليوره سالته
«،،،وين
«،،،،لاهلج
«،،صدك لو اجذب عليه
«،،،لا بنتي ماجاي اجذب عليج امشي وياي
ومحد بعد يكدر يطخ شعره منج
حسيت بي صادق اشرلي امشي
مشيت وراه ماانتبهت لشي من
خوفي طلعت شفت
روحي بستان جبير كلش وكله اشجار
شفت كم واحد واكف يباوع
عليه رجليه جمدت
بالگاع وماكدرت
اتحرك
هو شاف وضعي وكال
«،،،،امشي بنتي محد راح يسويلج شي
جريت رجلي بصعوبه اتجنب اباوع عليهم
فتح باب سياره وكمل
«،،،اصعدي
صعدت ولفيت العبايه على جسمي اشهك
بالبجي
طول الطريق ساكت ويستغفر الله ماحجه
شي وصلني للشارع مال اهلي
شفت من بعيد دوريه
شرطه وهوسه يمهم كال
«،،،انزلي بويه
نزلت امشي واتعثر عم فاروق جان
يم الدوريه شافني اجه بسرعه
عليه ختلت بحظنه
الضابط اجه ساله
«،،،،هاي الي اخذوها
«،،،اي بس ها
سكت مصدوم بيه الضابط حجه
«،،،حجي اخذها لجوه وافتهمو منها الصار
طبيت عم فاروق يسند بيه شفت هيفاء اجت
عليه تملخ بوجهها بذيج اللحظه
وكعت وفقدت الوعي
كعدت اصرخ ايد لزمتني دفعتها اردد
بجنون
«،،،عوووفني لاااتأذيني
«،،،،غاااده هاي اني هيفاء
فتحت عيوني ارجف مثل السعفه وعي رجعلي
اختي كدامي لازمتني هي وخاله
ندى وليلى لازم ايدي
تبجي عليه
«،،،ااني وين
سالت
«،،،بالمستشفى
فريت راسي اريد اركز اختي سالت
بخوف ودموع والوجه اصفر
«،،،،ولج غاده سوالج شي احجي كولي
هزيت راسي بلااا وجاوبتها بدموع
«،،لااا لااا ماسوالي شي
سكتت تباوع لخاله ندى وليلى سألت
«،،،وين ماما
«،،،يم معاذ
صفنت على اختي من ردت عليه
انهارت يمي وخلت راسها على السديه تردد
«،،،ولك شسويت بروحك وبأختك
صحت بيها
«،،،ولج ااخوج مااافكر بينا فكر بس بروحه
صرخت بيها ليلى كالت بقهر
«،،،غاده معاذ جابو متصوب
جسمي كام يرجف بعد اكثر وحسيت راسي
ثكل خاله ندى كملت وهي تبجي
«،،اخوج الله فگه من الموت جابو بين الحياه
والموت
«،،،ااخويه شبي اااحجو
ليلى ردت
«،مابي شي هسه وضعه استقر
«،،،شبي هم نفسهم ضربو موو
«،،،لا ولج مو هيج
اختي ردت وسكتت كملت بوجه اصفر
«،،،شلون سويت هيج معااذ شلون طلعت
وياها وانت تعرف منو وراها جبت النا مصيبه
واختك مانعرف شصار بيها يمهم
ولا نعرف شلون راح تفض
هالسالفه وهي جبيره
كلت بشهكه
«،،،ماابيه شي محد تقرب مني اني بعدني
بنيه
ماما طبت وجهها ملخ وراها بابا اصفر كركم
يمشي بصعوبه من شفتهم زدت بالبجي اجت عليه
تخرمش بوجهها وادك على صدرها تردد
«،،،عزه العزاج سوسن منا الولد بين الحياه والموت
ومنا بنتج تصخمت وتعزت
كعدت بالگاع تضرب على وجهها وتصيح
«،،،هاااي الردتها يبعد امك ركضت وراها الما
تصخمت وصخمت اختك ويااك ولك لييش
مافكرت بينا اني وابوك خواتك
ذني الي هدو عليهن واخذو
غاده من وراك انت
وذيج البربوك
«،،،،،،ماابيه ماما والله محد سوالي شي
جنت اردد هالشي بس محد صدك بيه لا اهلي ولا الشرطه بالتحقيق لازم تقرير طبي
حسيت بالذل من فحصتني الدكتورة
وبجيت دم مو دموع ودعيت
على هذا الي راد يعتدي
عليه الف مرة
اهلي ماارتاحو حتى من كالت الدكتوره الهم
اني مابيه شي شفت كسره ابويه وامي بعيوني
من اجوي يحققون ويايه
حجيت الصار بصعوبه
واني اشوف نفسي بنفس المكان الي
راد يعتدي عليه بي
عرفت اخويه طالع وي زهره وعصابه
جايه عليهم ورايدين ياخذوها هي والسياره
وهو مو مخليهم ومضروب طلقه
اهلها رغم السوه بيه،،،، ماسكتو وبدت
المشاكل وياهم
رغم الحاله الجنت بيها بالي جان يم معتصم
خايفه علي لا يروح ،،،يتعارك وي هذا المجرم ويسويله شي سالت علي هيفاء كالت
«،،،،لا ماراح
«،،،زين وينه ليش مااجه
«،،،هو يجي ملتهي وي معاذ
جنت اباوع للباب اريده يطب يجي حتى احس بالامان بس ماااجه ولا شفته مريم طبت فد مرة
صايره شافتني كامت تبجي بصوت
قوي حظنتني ماسكتت
ولا اني
خاله ندى كالت
«،،،كافي ماما تره اختج مابيها شي
وخرت من عندي وكالت
«،،،ااعرف خاله ااعرف بس جيبي الي يقنع
ممم
سكتت كملت
«،،ياربي شاحجي والله مااعرف شلون اتصرف
ولا اعرف شراح يصير
خاله لزمتها وكالت
«،،،امشي وياي غسلي وجهج
اخذتها من يمنا تبجي سالت
بنص دموعي
«،،،ليلى صاير شي لمعتصم
«،،،لا
«،،زين وينة ليش مااجه يشوفني لحد هسه
«،،،والله مااادري
ردت بحيره ،،،رجعت اباوع للباب بگلبي
لهفه لشوفته وما شفته طلعت من المستشفى ثاني
يوم هو ماكو
حمزة
عگبت للدارنا اريدن زهره حتى
اچتلها واغسل عاري بس شفت دوريه واكفه
والدنيا محتركه يمنا سلمت روحي
الهم وشلت السالفه عن ولد عمي
كاعد بالسجن والعيون عليه وين ماروح اشوف منها هالنظرات وتعلمت عليها نزلت
اليشماغ على ووجهي صاير
نار من وراها لهاي الساقطه الي راحت
تلتقي الولد وصار بيهم الصار
رددت ونار مشتعله
بصدري
«،،،كله منج انتي السبب بالي سويته بيها
رحتي برجليج اله وخذوج لو كاعده ومجبوبه
بيتج جان لا انه سويت السويته
ولا انتي اجيتنا بسواد
الوجه
شنهي ذنبي انه ادفع ثمن غلطج شنهي
ذنب هالبنت الي ردت اعتدي عليها
سكتت وكملت بحقد
«،،ذنبها برگبه اخوها هو البده وداس عرضنا
صوتها اجه براسي من كالت وهي تشهك
«،،عليك الله وبستر زينب وعبايتها لاتكسرني
چن واحد جرني منها من كالت هالكلام
مي بارد ووكع على راسي
وفززني منها بس
هي ماراح ترجع مثل الاول وكله من
اخوها الگواد وهاي الي سودت
وجوهنا بين الناس
لميت ايدي بغضب اريد اطلع حتى اكضها
وابرد نار گلبي بيها
ورثت جكاره رجال جبير
كال
«،،،يرحم اهلك ماتنطيني وحده
ورثت وحده وانطيتها اله
صفن بوجهي وسال
«،،،هاي وحمه مو
«،،،اي
رديت مختصر مااريدن احجي چلمه
«،،،،بس غير ماخذ من وجهك النص ونازله
لركبتك
مارديت
«،،،ماتكدر تسويلها عمليه
«،،،لااا اعمى
«،،،هااا
اخذ نفس،،،،من الجكاره وكمل
«،،،حرامات والله لان مشوهه وجهك
مارديت التزمت الصمت ،،،صفنت للبعيد
شفت روحي جاهل يريد يلعب وي الولد ومايقبلون
يلعبون ويا ويصيحو المشوه
وغراب وطوير الليل واشكال
القاب ،،،،من
ورة الوحمه الي
بوجهي
من صغري كمت الف وجهي بيشماغ حتى محد
يشوف العيب الي بيه وزاد همي من
ابويه وامي ماتو بحادث وي
عمي ابوه زهره وامها
جنت اكبر منها بعشر سنين اعاين الها
صغيره بحظن عمتي رقيه لاتفهم
شنو الموت ولا شنهو فراگ
الاب والام
من الصغر حبيتها كاخت لان حسيت بيها
مثلي الزمن غدرها باعز الناس الها
وخلاها وحيدة لا اخ ولا اخت مثل حالي جنت الها سند وكلشي رادته سويته الها بس ااخ ماوكف
هالشي بعينها وكسرتني جدام
الاوادم
ثالث يوم،،،، اجه جدي وعمامي القهر
والغضب تارس ملامحهم
كالو
«،،،دزينا طارش لاهل الولد وكلنا الهم طلعو
ابنا سوايت ابنكم هي الي
خلته يسوي هيج
خليت عيوني بعيون عمي وسالت
«،،،زهره وينها
«،،،،بيتنا ومحد گاضني عنها غير رحمه ابوها
وجدتك فطم
جدي جاوب رديت
«،،،اطلع وانه واعرف شغلي وياها
محد رد
ثاني يوم طلعت رجعت لبيتنا مشتعل نار
عمامي كلهم يم جدي تلكتني
حبوبه وكالت بتوسل
«،،،بروح الغوالي لاتسوي بيها شي عليك العباس
يبو جمرة لاتأذيها لهل اليتيمه
«،،،وروح الغوالي الا اذبحها واغسل عاري
بأيدي
جاوبتها وصحت
«،،،وينها لهل العار الي خلتنا نصير سالفه
بحلوك الاوادم
هديت على غرفه حبوبتي لان عرفت خاتله
بيها عمامي گضوني وعم مهدي كال
«،،حمزه عگب يبعد عمك ولاتفضحنا بعد
اكثر من راح تچتلها راح تثبت عارها
علينا
يجرون بيه واني اضرب بالباب اريدن
اكسره انفتح سمعت صراخها حبوبه راحت
غطتها بجسمها هي وعمتي يصرخن
«،،،دخيل الله لااااتذبحها حمزه هاااي خيتك
هاااي الحنينه الي تحبك وحاسبتك
اخوها
گضوني منها ،،،صحت بجنون
«،،،ولج ليييش سودتي وجهنا مافكرتي بينا
مافكرتي بسمعه جدج بين الاوادم
ماااكسرت گلبج ااني
الي جنت الج اااخ
جروني منها اصيح
«،،،،بشنووو قصرت وياااج كلشي
سويت الج وكتلج خيتي عوفي
مايفيدج هذا غريب وعضته توجع لو اذاج
وانتي ماعفتي شردتي ويااا ونزلتي
راااسي
كمت افشر عليها فشار مو صاير
عمامي بصعوبه واخذوني من يمها كعدت انهد
مرة عمي فاضل صاحت
«،،،،كله منك اانت الصار من وراك انت وعمه
وذيج رقيه خليتوها
براحتها بحجه تدرس وهي رايحه
تتمعشگ،،،،، من وره ظهرنا وهاكم
شووفه شسوت بينا
فضحتنا بين العربان وراح سيرتنا
تصير على كل لسان
جدي رد صاير فد مرة
«،،،ولكم لمو هالسالفه شلون مااجان انه مو تالي
عمري انفضح وشيبتي تنداس
من اليسوه والما يسوه
اسمع حبوبه تصيح عليها
«،،،هيج ولج هاي تربيتي الج هذا حگ تعبي
وياج جازيتي بفضيحه وسواد
وجهه النا
كملت
«،،،،كسرتي بختج يالمعزايه وبخت البنت وياج
غاده
بداخلي عرفت معتصم تخلى عني لان
لا اجه ولا اتصل ولااني خابرت علي خفت لا
اسمع كلام يصدمني بي ويخليني
انهار بعد اكثر
ليلى يمي،،، كلت
«،،،معتصم راح يعوفني من وره الصار
«،،لا ليش هيج تحجين
«،،،ماشفتي مااجه عليه ولا اتصل
ماردت كملت
«،،،،شفتي شصار بيه انخطفت وتأ ذيت من
وراهم لذوله المايخافون الله وهو
ولا بين ولا اجه
«،،،،يجوز مايكدر يشوفج بهيج حاله
«،،،،اذا مايكدر يشوفني مايكدر يتصل
سكتت باوعت عليها وكملت
«،،،غيره يسمع بمرته صاير بيها هالشي يروح
يحرك الدنيا على راس السوه بيها
هيج بس هو ماسوه اي
شي
هيفاء طبت كعدت يمنا ليلى سالتها
«،،شصار على معاذ وذوله الي خطفو غاده
«،،،معاذ زين والي خطف غاده طلع
لان بابا تنازل عنه من ورة السواه اخوج
غمضت عيوني بقوه من اجه وجهه كدامي كملت
وهي تبجي
«،،،مااعرف شراح يصير وخايفه على معاذ ذوله
يخوفون وناوين على الشر وهو غلط غلطه جبيره من اخذ بنتهم وشفتي شسوه
بيها كسروها بعيون
الناس وبعيون مم
سكتت ماكملت الكلام صفنت عليها كامت
وكالت
«،،،اروح ارتب غرفته راح يجيبوه العصر
الدمعه مانشفت من عيوني وظليت عازله
روحي بغرفتي الظهر الباب انفتح
هو طب، ،، لازم صفحته ماما ويا صايره فد
مره وخواتي وياهم
قرب مني كعد ،،جرني علي زادت شهاكتي
ختلت بحظنه كال
«،،،والله لاخذج حقج من عيونهم
«،،،ياحق وانت طالع تقابل بنتهم من وراهم
بابا طب يصيح كمل
ياااحق وبيااا عين تريد تاخذه وانت ماخذ
بنتهم بدون مايدرون
سكت صاير فد مرة كال
«،،،ولك،،،،وكم مره كتلك جوز منها عوفها
رااح يصيرلك شي من وراها ومااسمعت
الكلمه ورحت سويت الي براسك
وووهاااك شوف نتيجه
عملك شسوت
بينا وباختك
گلي هسه ااني شلون راح ااخذ حقها
لاختك وشراح احجي يم الشيوخ
وانت الي بديت وهددت
كدامهم كلهم تخطفها لبنتهم
اشر عليه وكمل بوجه مطعون
«،،،ووومنو راح يصدك اختك رجعت مثل
مااطلعت
ماما حجت
«،،،ليش هيج يمه ليش كسرت بخت اختك
مافكرت بينا بعرضك الي اخذوه
بنص الليل
«،،،كاافي يمه كافي والله ماجنت اعرف راح
يصير هيج ولو اعرف والله ماادز
عليها
بابا طلع يردد
«،،،شراح اكول للناس وشلون راح امشي بعد
بالشارع وبنتي هااي شلون راح
اخذ حقها واخوها جان
السبب بالصار بيها
كلها اجتي،،،، علينا عمامي وولدهم خالو
فائز وولده بس خالو مجيد ومعتصم مااجوي
لا اتصل ولا سأل ردت
اتصل علي بس خفت لا اسمع
منه شي يموت گلبي
بعد اكثر
وصار هالشي سمعت صياح جوه ميزت
اسمه كمت رحت للدرج سمعت
بابا يصيح
«،،هي هاي المرجيه من ابن اخوج بدل مايجي
يوكف ويانا بهل المصيبه يروح يطلك
بنتي
جمدت بمكاني من سمعت كلامه وحسيت
واحد ضربني بگلبي بقوه
كمل
«،،،هذا من عدنا ولكم ابنا وشاف بعيونه التقرير
هي مابيها شي وراح طلكها الغربه
شراح ادكول وهم شافوهم
اخذوها بنص الليل
بس المن الووم وعليمن ادعي الصوج من ابني
الي مافكر شراح يصير بينا وبسمعتنا
من وره تصرفه
ماما ردت وهي تبجي
«،،ليييش هيج يامعتصم شنو ذنب بنتي
تظلمها فوك الظلم الصار بيها
معاذ حجه بصوت رايح
«،،،كله من ورايه ااني السبب بالصار بيها
«،،،خلي اخابر اخويه اگله هي مابيها شي
بنتي رجعت مثل الورده وهو يحجي
وي ابنه
ماما حجت بابا صاح بيها
«،،عووفي اصلا هو الي حجه وياي وكلي
ماكو قسمه بينا وخلي كل واحد يشوف
طريقه والشفيه ابنه كالها
بوجهي غاده طالگ
وكعت يم الدرج ووكعت المزهريه الجبيره بالكاع
خواتي الصغار اجني يركضن شافني
صاحن
«،،،ماما الحكي غاده
فاكه عيوني واهز راسي بلااا مو مصدكه هو
طلگني ماما لزمتني من كمت ارجف
بقوه اشوفهم يحجون مااسمع
شي حسيت روحي ماعت
وجسمي مات
اريد اصرخ ماكو صوت مي بارد صار بوجهي
صرخت بصوت وكمت اضرب بروحي
هي ومعاذ لزموني اصيح
«،،لييييش شنو ذنبي اااني والله مااسوالي شي
بابا حلفته بالله والله حلفته وعافني
جان واكف بعيد عني صاح بيه
«،،،ماااايفيد هالحجي انتي بنظر الكل صرتي
ماكمل صحت بي
«،،،موووو شريفه مووو
گعد لازم راسه صحت
«،،،هاااي انت ابويه هيج تحجي ليش
اعتب على معتصم
«،،ابويه مو هيج قصده
معاذ جاوبني صحت بي
«،،،كله منك ظليت تركض وراها الما اذيتني
ااني شوف شصار بيه شوفني
معاااذ صرت مو شريفه
بنظر الكل واولهم
ابوك وابن خالك
«،،،ولج كاافي تره جاي احترك من وراج
جاوبني يبجي كمل
«،،،شاسوي كولي اروح اقتله للي سوه بيج
هيج والله اسويها وابرد گلبج
وگلبي
انهاريت وكمت اشهك بصوت قوي ماما
وخواتي شالني من الكاع اسحل برجلي صعدوني
لفوك اسمع امي تدعي على زهره
واهلها
من من اول محنه بحياتنا تخلى عني وماوكف
وياي اختفى ،،،،عبالك جان ينتضر اول فرصه
حتى ينهزم ،،،،جنت بشده ورايدته هو يوكف
بصفي يحميني من كلام
الناس ونظراتهم ياخذني لحظنه ويگلي
«،،اني وياج لاتخافين
بس هو اول واحد خذلني ودار وجهه مني
وجانت صدمتي بي اكبر من
المحنه الصارت بيه
بليل اجتي ليلى سامعه
بالصار وصايره فد مرة من ورايه
صافنه لحلقتي دمعتي مانشفت كلت
«،،،شفتي شسوه بيه
طلكني ليلى وعافني بشدتي
«،،،لاتقهرين روحج من وراه وانسي
صفنت عليها وكلت
«،،،كدرتي تنسين قائد
وجهها تغير وماردت كملت
«،،،،مو جنتي ادكولين سهل الكلام من يطلع
من الحلك بس صعب اطلعين الي
تحبي من گلبج
وعقلج
ردت بملامح مطعونه
«،،،اي
«،،،شوفيها لحلقتي
مديت ايدي الها وكملت
«،،،،جنت فرحانه بيها كلش،،،وفرحانه بي
هو حلمت بيتنا بحياتنا وشكد
راح نجيب اطفال وشنو
راح نسميهم ،،بس
مو كلشي نتمناه
يصير
جانت تسمع وهي ساكته تباوع عليه بحزن
وقهر درت وجهي وصفنت
للبعيد كلت
«،،،شنو ذنبي ااني حتى يصير بيه هيج
جنت فرحانه وعرسي بعد اسبوع حتى بدله
العرس اخذتها
«،،،كافي غاده لايصير بيج شي
«،،،ليش ماصار سمعتي صارت على كل لسان
ومحد رحمني حتى اقرب الناس
اليه
الوضع توتر وسمعت اهل زهره كامو يهددون
بقتلها هي واخويه
معاذ التزم الصمت لا اكل ولا شرب وهم بابا
شال همه ونسى همي اريدهم
يحسون بيه ماكو بس
يفكرون بي وشلون
يطلعوه من
هالمصيبه الي وكع روحه بيها واذاني
اليه
بالكعده الاخيره اجوي عمامي وي ابويه
لبيتنا خواتي ،،،، يمنا مريم
وهيفاء صوت معاذ وصل لغرفتي
«،،،،،،ماااريدها ولا انطي اختي
شكرا لزيارتكم عالم روايات سكيرهوم
