رواية رهينة لضباط الفصل السادس بقلم مرج البحر
كن انته الرجل الذي يثبت لها
ان ليس جميع الرجال متشابهين .. 👌
........
يباوعلي ويرجع يباوع ع ايدي رفعت ايدي اله اكثر بمعنى اخذ هو صافن اجيت ارجع ايدي لمكانها بس هو سبقني واخذ اللفه مني بيد وايده الثانيه لزم بيها ايدي ...
جريت ايدي منه بسرعه ورجعت اكل هو جر الكرسي الي بصفي وكعد عليه ...
سند.... سديتي نفسي ع الاكل بس هسه اشو اشتهيت اكل
قدمت الصينيه بتجاها صارت بيناتنه بده هو ياكل واني انقش تنقش ... كل ما ارفع راسي الكه يباوعلي وساعه يصفن ساعه يبتسم ... خبلني اخر شي بقيت مدنكه راسي وعيوني بس ع اللاكل ما رفعت عيني عليه بعد ...
سند....امج هيج حلوه
نور.... شنو؟؟
سند.... اقصد انتي حلوه تشبهين امج لان ابوج الكواد ما ماخذه منه شي فكلت تشبهين امج
نور.... لا ما اشبه امي ولا اشبه ابوي اشبه خالتي ولو شفتنه سوه ما راح تفرق بينه ع كثر الشبه
سند.... وشمعنه تشبهين خالتج
نور..... هههه امي تحبها لدرجه من حبلت بيه امي جانت روحه بختها وخالتي تزوجت ونكطعت تواصلهن ويه بعض بسبب ابوي وهيه تبجي ع خالتي وحسب حجي امي من كد ما تتمنى تشوف خالتي اني طلعت اشبها
سند.... ابوج انسان ظالم شلون راح تكدر تعيش وياه حميده اااخ يا بويه عفت عليه الضيم والضلام ورحت وخليت امانتك تكسرة بكلبي كسرة
نور.....لتحمل نفسك السبب اختك هيه اختارت طرريقها بنفسها وهيه واعيه لتصرفاتها
تعصب وشال الصيني وركعها بالكااع فززيت وتبعد عنه هوو بسررعه تقدم جررني واخذنيي وياااه للصاله شمررني ع القنفه وراح سد الباب واجه عليه
حيل خفت من شكله كمت بسرعه عن القنفه وصرت ارجع ليورا هو خله ايده ع حزاام البنطرووون وجررره ....
صرررخت بكل قوتي من شفته طبك الحزام وعيونه تخوف وكنو ناوي ع شي...
نور.... لا سندددد لا واللله مو قصدددي احجي ع اختتتك لا تضررربني ما احجي ايي شيي عنها بعد والله
ما يسمعني فاصل عن العالم تقدم خطوة الي واني لزمني كلبي هذا راح يمووتني اليووم...
نور.... سااااااعدوووووني مرررررروة عمممممه محموووود ويييينكم ساااااعدونيييي
سند.... لحسن حضج محد اليوم بالبيت وبس انه وانتي يعني ما راح تخلصين مني لو شيصير
نور.... سسند فدوووة لا ترا جنت جاي احجي وياك حتى لا تضلم نفسسك بششي انته ما سوويته لتسوي بيه شي والله اخاف فدوه عووفني وشتريد اسويلك اعتذر منك هم اذا تريد
جسمي كام يرجف كوه تطلع من عندي الكلمات هو بقه يباوعلي رفع الحزام واني فزززيت كلت هاي هيه خلي اتشاهد ع روحي ...
خليت ايده ع وجهي وغمضت عيوني قوي محسيت خير حضني وضمني ع صدره ويربت ع ضهري
سند.... خلاص هدي اسسسف ما جان قصدي اخوفج لو اذيج بس من اعصبب افقد ما اعرف شنو اسوي تصير تصرفاتي ما محروزه
صرت اناششق كل قووتي ما اعرف شسوي وما اعرف ليش ابجي لان ما ضربني لو لان جان يحاول يضربني ...
بعدني عنه ومسح ادموعي وباسني من راسي ورجع ضمني ع صدره واني لا زلت اشهك من هول المشهد..
ردت اوخر عنه بس هو رجع حضني ..
شويه بعد عني وعافني وطلع كعدت ع القنفه مهدود حيل جريت نفسس براحه الان طلع رحت اتمشه للمطبخ شفته مدنك ويلم الكزاز ...
نور.... خلي اني الامه ماكو داعي انته تلمه
سند.... هو منو الكسرهن انتي
نور..... لا
سند.... جا ليش تردين تلميهن اسكتي انه المهن روحي ارتاحي انتي
نور....والله عوفهن اني المهن متعوده
سند.... ماكو شي اسمه متعوده الي يكسرر والي يوصخ هو يتحمل مو يجي غيره بلا ذنب ينضف عنه
جنت حيل مصدومه منه معقوله هذا سند الي هو طلع لقب الخدامه وخله مرته الامر الناهي عليه هيج فجأه تغير سبحان الله ...
عفته ومشيت كعدت بالصاله وتجيت راسي ع حافة القنفه ما ادري يمته سلهمت لنوم وخذتني الغفوه..
حسيت ع شخص شالني عبالي احلم ابتسم ...
كعدت جانت الغرفه بارده وضلمه اااخ شكد نايمه اني رفعت راسي وتمقطت ... اجيت اكوم واشتغل الضوه باوعت ع الواكف بالباب فززيت من شفته ..
سند.... هوب هوب ع كيفج شبيج فزييتي
نور....اني شسوي هنا شجابني هنا
كمت بسرعه عن الجربايه واريد اطلع بس هو سد الباب وجرني من ايدي عليه ...
سند.... وين رايحه
نور.... شعليك بيه منو كلك تجيبني هناا لو شاافنه واحد شررراح يكول علييينه عوووفني
سند... اشك حلكه اليحجي واحنه ماا مسوين شي رجال ومرته ليش تكبرين المووضوع اكبر من حجمه
نور.... شكبرر انته شاايف تصرفاتك سااعة احسسك شيطان بهيئة انسان وساعه ملاك نازل من السمه انتتته يااا شخصييه منهن
سند.... لا هاي ولا ذيج انه انسان عادي ما اختلف عن غيري بس من اتعصب حاولي تهديني
نور.... احتار اهديك لو احتار شلون اخلص نفسي منك انته انسان متناقض ما عندك شخصيه ثابته
سند....نور جنه طالع لسانج بعد ما عقدت عليج لو يتراوالي
نور.... لا طالع ولا راح يطلع الحمدالله اني شخصيتي وحده وسلوبي واحد ماكو داعي اكثر شخصيات بدون فايدة وضيع الناس وياي
سند....جنج جاي تبسمريني لو يتراوالي
نور.... انته شنو يعجبك تفصل البس
سند.... حلوو صايرة شرسه هو انه فقيرة وما متحمل لا ونوب تصيرين شرسه هيج ما متفقين
نور.... شنو؟؟ انته مضروب ع راسك لو خاف حرارتك مرتفعه
سند.... لا ما مضروب ولا مرتفعه حرارتي بس جني وكعت ومحد سمه عليه
نور..... وكعت يمته خاف متاذي مرحت لدكتور
سند... امددداج مششي من وجهي الفاااهيه المطفيه مو صوووجج صووجي انه الحمااره احجي ويااج اشووو يلا بررا
طلعني وسد الباب والله يا الله شبي هذا عديم الشخصيه واحد شاايف نفسسه ... دخلت للمطبخ جان منضفه ... كعدت اسوي عشه بس قبل لا اسوي تذكرت الصلاة خليت وركضت توضيت ورحت اصلي ..
صليت وخلصت ورحت اسوي عششه كملت العشه وردت اصعد اصيحه بس كلت يولي مو مساع طردني بعدين كلت خل اصعد اصعد بايه وانزل بايتين اخر شي غمضضت عيووني وصعدت ركض..
خلصت الدرجه وكفت اباوع ع روحي هااي صدك اني سويت هيج حتى خاف عقلي ينزلني صار صراع ما بين كلبي وعقلي كلبي يكلي دكي الباب وعقلي رافض ...
خليت ايدي ع الباب اريد ادكه وارجع اشيله وهسه ادك لو لا اشي واخلي اخر شي غمضت عيوني حتى ادك الباب محسيت غير خليت ايدي ع شي مو ملمس باب ...
فتحت عيوني ع كيف شفته واكف واني ايدي ع صدره وتحديدا جهة گلبه فززيت بسرعه وشلت ايدي
نور.... اسفه اسفه مو قصدي والله بس والله اجيت اصيحلك علمود اعشه بس هيج والله
سند.... اي شبيج فهمت ادري مو قصدج وهسه نزلي انه جاي وراج بس اغسل ايديه
نزلت وكعدت انتضره هو شويه واجه بدينه ناكل ثنينه والهدوء سيد الموقف هو ملتهي بجهازه واني عيوني ع الاكل ...
سند... امي ومروة راح يباتن عد اخت مروة وخواني رايحين لعمامي عدهم كعده يعني هما وليل يلا يرجعون فهمتي
هزيت راسي هو سكت بس اني كضتني الرعشه شنو يعني نبقه اني وياه وحدنه بالبيت منا لليل وهو كل ساعه طالعلي بسالفه شكل
اكلت ع السريع وكمت سويتله جاي هو خلص واجه يقسل انطيته الجاي خذه وياه وطلع رحت جبت المواعين وبديت اغسل بيهن ...
خلصت المواعين وطلعت اريد ادخل للمخزن واجاني صوته فززني لزمت كلبي اخاف ورا سالفه ...
سند.... تعاي كعدي هناا شعندج كاعده بوحدج بين اربع حيطان والغرفه تشوي شوي
نور.... ها لا شكرا عادي اني احب الحر مو مشكله لا تشيل همي
سند.... كلت تعاي كعدي هناا وصيري حبابه احسن ما اخترعلج شخصيه جديدة وحتمال تكون مضره بصحتج اكثر من غيرها
ما فهمت قصده بس بقيت ابلعم ما اعرف شسوي رحت كعدت ع القنفه الي كباله بس بعيده عنه هو يباوع ع التلفون مو يمي ابد ... وهو عيونه ع التلفون كال ...
سند.... شغلي التلفزيون وباوعي بي لا بقين تتلفتين منا ومنا جنج واحد بايك بوكه وخايف يلزم
نور.... لا بس اريد اروح للمخزن نعسانه
سند....صار الج فوك الثلاث سساعات نايمه ما شبعتي نوم لو هاي حجه حتى ترحين تكعدين وحدج
نور.... ليش ممنوع احد يكعد وحده
سند.... اي ممنوع احد يكعد وحده عجبج اهلاً واسهلاً ما عجبج يطبج مرض وفوك المرض مرضين
فتحت عيوني ع وسعهن هذا صدك انسان مو طبيعي تحسه بي انفصام شخصيه ويحتاجله طبيب مختص بهاي الحاله ...
ما جاوبته وكمت واني جاي امشي ما حسيت غير جررني من ايدي ورجعني المكاني وكعد بصفي تبعدت شويه عن القنفه هو يتبعد وياي كل ما اتبعد يتبعد لحد ما خلصت القنفه وصلت النهايتها اجيت اكوم رجع كعدني ....
سند.... صيري حبابه وبطلي طولت لسان وجري عدل وياي خاطر تشوفين شخصيتي الحقيقيه
نور.... ما اريد اشوف اي شي بس عوفني اريد اروح انام نعساانه
سند.... ماكو نوم راح تكعدين هنا حالج من حالي وطلعه من هنا ماكو لحد ما انه اقرر تطلعين ويمته تكومي
نور.... ليش جاي اتسوي بيه هيج اني سويتلك تره مو ذنبي اذا ابوي عافني هنا
سند.... لا دكيلي دراما ما عايز الدراما الي بحياتي كافيه تجين انتي تزودين البئس والضوجه
نور.... لا والله هسه صرت اني دراما جا انته شنو انته ابو الدراما كلها وربع وعشرين ساعه ما عاجبك العجب وعندك انفصام بشخصيتك
سند.... اليوم مزاجي حلو واتقبل كل حجايه تكوليها بدوان ما امل تدرين ليش لان عاجبني
نور.... شفت انفصام الشخصية وين وصلك لدرجه تسئل نفسك وتجاوب نفسك
سند.....هاي هيه راح اكلبها رومنسيه هيج تقبلين عليه
تقرب عليه ونضراته ابد مو راحه دفعته وكمت بس هو مجلب بيدي جررني قويي وصرت بحضنه قيدني بايديه ويضحك...
نور.... سندد جاااي تسوووي هدددني والله حرام عليك الجاي تسوي بيه ما يرضي الله ولا يرضي عباده
سند.... انتي هم جاي تعصين الله تمنعين رجال من حقه مو عييب علييج ما تخافين ربج
نور... حقه شنو ترا والله قايمه بواجباتي اطبخ ونضف وعدل غرفتك وملابسك وحتى دقيم بمسؤليات مرتك كل هذا وتكلي حارمتك من حقك
سند..... هههههههههه عود صدك انتي شكد فاااهيه الله يساااعدك كلبي هذا تاليتك عليك بس الفاهيات والي يشلعن الكلب
نور.....هدني سند واللله اخاف اذا ابقه كاعده يمك اصير حامل ونننفضح
سند..... ههههههههههههه ليش واذا بقيتي كاعده يمي
نور.... مو امي جانت تكول الي تبقه كاعده يم رجلها مده طويله تحبل واني ما اريد احب منك هسه
سند....امج بس هذا الحجته الج ما حجتلج شلون تحبل من الرجال
نور.... هيه كاالت اذا الرجال والمره بقو مده طويله وحدهم وكاعدين سوه المره تحبل من رجلها
سند.... اااخ يفطيره هسه يمكن حبلتي مني
صررت ادفع بيي وابججي هوو سكرران من الضحك حضني الصدره وكام يضحك...
سند.... هههههههههه والله امج عليها سوالف وانتي الفاهيه مصدكه المره اذا بقت كاعده بصف الرجال تحبل منه ولج امج جانت تستحي تشرحلج شيصير وطلعتلها يسالفه تخلص بيها منجن
نور.... يعني شنو امي ضحكت علينه جا انته كلي شلون تحبل المره وشلون تجيب
سند.... هههههه متاكدة رويحتي تردين تعرفين اخاف احجيلج وبعد ما اشوف هالوجه الحلو كدامي
نور.... ترا كلشي ما جاي افتهم من حجيك
سند.... لا تفتهمين احسلج انه شخص فاسدة انتي بنيه بريئه لا تخرب برائتج يمي خليج ع التعرفينه وبعدها لكل حادث حديث
نور.... جاا عووفني اريد اكووم ما اريد ابقه كاعده هيج
سند.... والله ما تحبلين بس كعدي ونجبي وخليني ماخذ راحتي هم حلال وهم جاي تحرميني.
نور... سند جاي تضايقني والله
سند.... تمام كومي بس ابقي كاعده بصفي خلي اشبع منج قبل متجي البومه مروة وتخرب عليه راحتي
نور.... شنو تخاف من مروة
سند.... ههههه لا بحياتي ما خاف من مره بس اراعي مشاعرها مهما تكون تبقه مرتي
ما عرف ليش اجتاهني شعور غريب وستهضمت دفعت ايده وركضت ابجي للمخزن دخلت وسديت الباب هو اجه يدك بالباب ...
سند.... نور شبيييج افتحي الباااب جاااوبيني شبييج حجيييت شييي اذاااج اسسف اذا حجيت شيي مو بقصددي بسس فتحي الباب
صرررخت بصوووت عالي واني احجي الي جوواي ارييد اطلع قهرري كله...
نور..... تخاااف بسس ع مشاااعر مروة بسسس ع مشاااعري مااا تخاااف انتتتهم الززززم نفسسس بعض تسستحقرررون المرة تردوونها بسس تخدمكم وتلبي حاجانكم ورااااحتكم واهتمامكم يممم مره ثااانيه
سند..... لا تخررربطين بالحجي اطلللعي خلي افهمج موو هيج قصدددي انتي هم مرتي ماكو فرق بينجن
نور..... لا اكووو فرررق فررق انو انته حبيتها وتزوجتها وقدستو زواجكم بسس انيي افررضت تتزوجني واطلقت عليه اسمم خدااامه هذاا الجنت ترريده شنوو الختلف هسه عوووفني سنددد اللله يخليك واني هم لازم اعرف حدودي وياك
ما جاوب واني كعدت بالكاع ابجي حيل جررحتني كلمته من كال ماريد اجرح مشاعرها ... جا واني شنو كاعد يتسله بيه ....
غمضت عيوني وابجي واني اتذكر امي جانت دائماً توصي خواتي الكبار قبل لا يتزوجن لا تخلن الرجال يلعب بمشاعرجن وكرامتجن مثل ما ابوجن سوه بيه صيرن عكسي وخذن حقجن ولا تسكتن عن الظلم بحق انفسسجن ...
صرت ابجيي وعصرر جهة كلبي ... ييمه انييي ما وصيتيني ولا علمتيني شنوو الحياة الزوجيه وكل ما نسسئلج عن مبادء الزواج تكتفين بكم كلمه معدودات ع الصابع ...
ازواج ستر وستقرار اطفال زوج ... بس هذاان ركزززتي عليهن مااا ركززتي ع الزوواج كرررامه الزوواج احتراام ازوواج مشاااعر الزوواج اهتمام كل هذااان ما كلتيهن ويين المتعه بالزوواج ...
اذا كل واجباتها تسقط وتبقه بس ستر وستقرار واطفال وزوج وين حققق المرررة من هذااا كله وييين ....
سند.... نور افتحي الباب لا تسووين بنفسسج شي وتاذيني ويااج افتحي الباااب وخلي نتفاهم
وكفت ع حيلي ومسحت دمووعي خلاص لازم اعرررف كلشيي ما انتضررر احد يعلمي اذا امي وابوي ما علموني الزززمن يعلمني ...
نور..... عندددي شرررط حتى افتتتح البااب اذاا ما تنفذهه مااا افتح ولا ارد عليك بعد
سند.... والله انفذه الج بسس افتحي بقه بالي يمج
نور.... تشرررحلي شررح مفصل عن الزووواج وكل عاداته وتقاليييده بدون ما تجذب عليه
شكرا لزيارتكم عالم روايات سكيرهوم
