رواية قتل عروس الفصل السادس بقلم جمانه السعيدي
ليلى...اني شفت حميد رجع من وكت بس توقعت جاي ياخذ فلوس يشتري حلال
مرات هو يجي ياخذ فلوس ويرجع يطلع
دخل غرفته شويه وطلع وهو يصيح ليلى ليلى
يصيح بعصبيه
كبل طفر عليه دفرني وكعت للكاع
بدا يضربني ويغلط علبه بس شنو ضرب بوحشيه
يعني وين ماكان على راسي على عيني على كلبي
ضرب بدون توقف
واني احاول احمي نفسي وامي تريد تفتهم شنو المشكله
كلما تقرب يدفعها
انهزمت منه للطرمه اجا وراي يركض
حميد.. حقيره تكولين لا طالعه ولا داخله
شلون اجذبين عليه اني شنو كدامج كواد حقيره
اليوم اموتج رايحه للمتسوصف هااا هناك شفتي حبيب
الكلب تتواعدين ويااا
تسوين نفسج مريضه وتاخذين امي المسكينه
امي تصدك بيج وتمشي وراج
اطلعين من وراي اي من يمتى تتواعدين ويااا
اني تخلين اليسوه والي مايسوه يحجي عليه
اليوم اموتج خلاص
ولج حتى جماعتي بلعلوه كامو يعرفون قصتج
شهرتينا
هو يضرب واني وامي نعيط اني كمت مااكدر اوكف على حيلي من كد الضرب
الجوارين سمعو عياطنا اجو كسرو الباب
زوجت حميد فتحت الباب
دخلن بس النسوان الزلم بقو واكفين بلشارع تقرببا بيهن اربعه نسوان
من شافهن حميد دخلن يله بطل يضربني
وكعت بلكاع وجسمي من كل مكان اتكسر الدم يجري من كل مكان
امي كابلتني وكامت تبجي
هو من شاف النسوان دخلن طلع برا
النسوان كومني من مكاني وحده جابت مي غسلت وجهي ووحده تكول ليش هيج
شسوت هاي المسكينه حتى من الباب ما تطلع
ليش هيج وياها هي منو شايف طولها منو يعرف اصلا عدكم بنيه جمانه السعيدي
ليلى....بس ابجي وكل جزء من جسمي يوجعني
من غير الدم الي يجري من وجهي
دخلني جوه النسوان راحن
واني كعدت وكمت ابجي وين اروح ياربي شلون بيه
مو اخ مجرم
امي خلتني على الفراش وغطتني
كلما اتحرك جسمي يوجعني مااكدر اكلب لو اتحرك
اون من كد الوجع
بقيت ابجي واعاتب بابوي ليش عافني
جان اخذني ويااا اني الموت اليه رحمه من الله
شنو وجودي بهاي الدنيا خدامه الحميد وزوجته وجهاله
وعلى لكمتي ياريت مطلعني مشتريلي
سألني شنو محتاجه
النوب الضرب على كلشي يضربني هسه على مره يموتني
بقيت يومين مااكوم من الفراش وكلشي مااسوي
مااكدر اوكف على حيلي يله اروح للتواليت
وامي زعلانه علي ما تحجي ويااا
لان ولله سواها بلا ملح مايصير هيج
رابع يوم هو بدا يحجي ويا امي شويه شويه
بس اني كلما يدخل للبيت اغطي راسي حتى لا اشوفه ولا احجي ويااا
لو ماعندي اخ ولا هذا الحيوان دمرني الله لايوفقه
حميد لمن ضربني وهو يصيح هذا حبيبج وين تتواعدين ويااا اني كدامج كواد اطلعين من وراي
الجواربن سمعو هذا الحجي
وبمكان ماجنت الشارع كله يحلف ماشايفين طولي
صار عليه كلام
بسبب منو بسبب حميد
حميد الي يخاف على نفسه من الكلام الزايد
وقافل البيت علينا بقفل
هو الي اكد للناس اخته موزينه اخته تطلع وتدخل وعدها صاحب
اخته شوهت سمعته
اكيد الناس اصدك الكلام الموزين
ونسو هما ماشيفين طولي ولا اطلع ولا ادخل
حميد الي يريد يحافظ على صورته كدام الناس
هو بنفسه الي شوه هاي الصوره
هو بنفسه الي خله الناس تحجي بسمعتي
رغم اني كلشي ما مسويه وبيضه ابيض من الثلج
بس عقليته المتخلفه هي الي دمرتني
جمانه السعيدي
مر شهر واني لا احجي ويا حميد ولا اباوع بوجها
اخلص شغلي واعزل نفسي بلغرفه
من يطلع حميد يقفل باب الشارع علينا ومن يرجع يفتحه
خاف نطلع من البيت
وعدنان بعد مابين اكيد بطل من هاي الزواجه شنو الي خلق ليلى ماخلق غيرها
هو ما مجبور يناسب واحد مثل حميد متخلف
شيخ وابن شيخ اي وحده تتمنى
ليش يضيع عمره وهو يتوسل بواحد مثل حميد
ام عدنان......يمه ليش ما تخليني اخطبج اسماء بت حجي عمران
عدنان...لو ليلى لو ماازوج
ام عدنان...شلون بليلى يمه فدوه ليش اتعبني وتعب نفسك
عوفها انساها شوف نفسك ترا انت مو زغير
عدنان...لو ليلى لو مازوج وعناد بااخوها اله اخذها
ام عدنان...اي شلون تاخذها كوه خوما كوه
هذا اخوها مبين واحد شراني ويدور مشاكل
عدنان...ولو اخذها يعني اخذها اني احبها وكلما اخوها يعاند اكثر اتمسك بيها اكثر
مستحيل اعوفها
ام عدنان...زين ازوج خل اشوف جهالك وبعدين ارجع اخطب ليلى لان على عقلية اخوها هاي البنيه راح
تبقى بدون زواج
مادام اخوها هيج يفكر منو راح يقبل يناسبه
اخته راح تبقى على كلبه
ازوج وخل اشوف جهالك عود اذا مات اخوها الله اعلم بعد كم سنه ارجع اتقدمله مره ثانيه
عدنان...لا اني راح ارجع اخطبها وغصبا ماعليه يوافق
مو بكيفه
ام عدنان...هاي السالفه يرادلها معجزه
واني اريد افرح بيك
عدنان...صدكي راح تفرحين بيه قريبا
جمانه السعيدي
عدنان...ليل نهار افكر شنو الحل لازم اكو حل
كل ما اشوف رجال جبير اسولف علي سالفتي واسمع منه
مابقى واحد مايعرف قصتي
ابوي اكثر من مره زعل عليه لان بس اسولف بليلى
اني نفسي مااعرف ليش اني هلكد متعلق بيها
واني ماشفته غير مره وحده
مااكدر اتخيل نفسي احب وحده غيرها لو ازوج وحده ثانيه
الحد مايوم طحت بواحد رجال جبير عمرها تقربلا ٨٠ سنه هذا الرجال من غير عشيرتنا
بعد ماحجيتله قصتي انطاني حل
الحل هو اجمع اكبر عدد من الشيوخ والساده والوجهاء
ونروح الاخوها وكون واحد يحجي ويااا
ونصمم كلنا ما نطلع من بيت اخوها اله يوافق
واذا وافق نعقد كبل وناخذ العروسه حتى اخوها لا يغير رائيه
رجعت على ابوي
عدنان...شخينا اني لكيت حل
ابوي...حل شنو قصدك
عدنان.......راح اخطب ليلى وهلمره عندي خطه تجبر اخوها يوافق
ابوي...انت ليش ما تعوف هاي البنيه
عدنان...ابد مراح اعوفها
ابوي....... اي اسمعك
عدنان.. اجمع اكبر عدد من الشيوخ والوجهاء والساده ونطيح على اخوها ونجبره يوافق على هاي الزواجه
مانطلع من بيته اله ناخذ الموافقه ونعقد عليها
ابوي....ولله بايويه مااعرف ليش ذابح نفسك عليها
بس ميخالف بسيطه
بس هلمره اذا اخوها رفض تعوفها وبعد ماتحجي بيها ابد
تعرف اذا اخوها هان هاي الزلم كلها وطردها
شكبرها هاي السالفه
ابد مو هينه عليه يعني الزلم تنهان بسببي
عدنان.. موافق هاي اخر محاوله
بس اريد ناس واصله شيوخ سمعتهم بكل العراق
حتى يطيحون حظه ويوافق غصبا ما علي
بدا ابو عدنا يتصل بلشيوخ وحدد موعد تجمع اببته
بنا اربع مضايف وحضر الذبايح
للشيوخ الي جايين من غير محافظه
طبعا زلم العشيره ماقصرو كل واحد اتبرع بطلي
وواحد جاب تمن وواحد جاب مضيف ونصبه
اجمعو الشيوخ والساده
وابو عدنان حجا قصة عدنان ويا حميد كدامهم
وكلهم كالو بسيطه
روح عدنان اليله هاي البنيه عروستك اليله تنام بحظنك
هذا كان كلام كل الحاضرين
طلعو بعد الغدا متوجهين البيت حميد ولو حميد ما يستاهل هاي المشيه الضخمه بس الاجل عيون عدنان
اندكت الباب طلع حميد بقا واكف ومصدوم
الشارع عباره عن زلم عكال على عكال
اربع شوارع ما كفن السيارات المشيه سيارات المشيه وصلن للشارع العام
بقا حميد واكف وصافن صاح بي سيد جبيرعمره تقريبا ٧٥
سنه هااا ماتضيف
هو ياا يضيف كل بيوت الشارع ماتكفي الهاي الناس
دخلو الزلم للبيت وحميد فاهي هاي الزلم كلها شنو
وين راح يكعدهم شلون راح يضيفهم وحده
بداو يحجون ويااا مجموعه تدخل ومجموعه تطلع
وهو قافل اخير شي كالو احنا اليله نبات بيتك
روح اطبخلنا عشه ماونطلع اذا ما توأفق على هاي الزواجه
تحت إلحاح هاي الناس والعدد الغير طبيعي
شيوخ صيتها بكل العراق منو حميد ويرفض طلبهم
اضطر يوافق مكره على هاي الزواجه
بلبدايه كال اني موافق متوقع يرحون حتى يغير رائيه
لان ذوله اذا يكعد يسلم عليهم ينراده يومين يله يخلصون
اله يبقون بيته هو اصلا بيته مايكفي الربع ربع عددهم
جمانه السعيدي
راسا ابو عدنان تقدم
كال نعقد هسه
حميد.. لا بعدين
ابو عدنان... ما نطلع اذا ما نعقد هسه
ليلى اني كاعده ابجي لان بعد هاي المشيه راح حميد يموتني شلون بيه
اجمعو كلهم وضغطو علي علمود يعقد بهاي اللحظه
لان يعرفون اذا طلعو احتمال يغير رائيه
وهاي الزلم جايه من بعيد من كل محافظات العراق
حميد حس نفسه محرج ماكو اي مجال للتراجع
دخل على ليلى
حميد...اوكفي ورا الباب علمود العقد الله ياخذج
اني اعلمج خل يطلعون واني اليه وياج تصرف ثاني
ليلى بقيت صافنه عود صدك راح اعقد مستحيل
راسا حميد صاح ليلى اوكفي ورا الباب
اجا الشيخ وكف ورا الباب واني بعدني مامصدكه حميد وافق راح ازوج عدنان هاي صدك معجزه
عقدلي الشيخ ورجع عقد العدنان
ليلى...اسمع الزلم كله تبارك العدنان واني بعدني ما مصدكه
شلون حميد وافق اني هسه حاليا زوجت عدنان ولله مااصدك
عدنان.. اخذ عروستي وياي
حميد.. لا ما تأخذها هسه اجهز نفسها بلاول
عدنان. .اني اجهزه
حميد...شنو تريد الناس تكول عني ماصدك يخلص من اخته
انت شلون تقبل اختي تطلع ويا هاي الزلم
هي بعد صارت زوجتك اجهز نفسها وتعال اخذها
حميد بكلية نية سوء بس عدنان صدك كلام حميد
طلع عدنان ويا الزلم وهو الكاع ماشايلته من كد ما فرحان
واخيرا ليلى صارت زوجته
حميد اتأكد الزلم كلهم طلعو والشارع صار فارغ
دخل الغرفته طلع المسدس
وراح على ليلى ضربها سبع طلقات
بنات قسما بلله سبع طلقات شاف دمها طلع
اخذ المسدس وطلع سلم نفسه للشرطه
اني حميد قتلت اختي وجاي اسلم نفسي هذا المسدس الي قتلتها بي
شكرا لزيارتكم عالم روايات سكيرهوم
