رواية رهينة لضباط الفصل السابع 7 بقلم مرج البحر

الشوگ دولة بلا حرس

يحكمها شي اسمة العشگ

السفر الها أكبر صعب

لازم جوازك من ورد

لازم إحساسك مو خشن

و بصمات ايدك تنفحص

كون انت ما كاطع غصن

........

فتحت الباب وصرت كدامه منتضرته ينطيني جواب ع كلام فرك نهايه شعر وباوعلي ...

سند.... تمام احجيلج بس عوفي الخبال منين اكو وحده تسوي سوايتج هاي كله لان كتلج اخاف ع مشاعر مرة بس لا تغارين

نور.... يعني شنو اغار؟؟ 

سند.... هيج لا تدققين امشي خل اسولفلج احسن ما اجرم بيج بهالوقت

نور.... اي ادخل وسولفلي

سند.... تعاي فوك نسوالف بغرفتي

نور.... هاا لا ما اريد سوالف هنا

سند.... مو بكيفج يلا كداميي بدون حجي زايد 

لزم ايدي وجررني وياه وصعدني الدرج واني خايفه هذا شنو باله خلصنه الدرج وصرنه بطابق الفوك وكفت اباوع ع باب غرفته هو مروه ..

سند.... يلا تعااي وين صفنتييي

باوعت عليه فاتح باب غرفه ثانيه وياشرلي ادخل تمشيت صوبه ودخلت هو دخل وراي وسد الباب كعدت ع حافت الجربايه هو كعد قريب عليه

نور.... يلا احجي اسمعك

سند... بس عندي سؤال انتي متاكدة تردين تعرفين كلشي وبتفصيل الممل اخاف احجي اول كلمتين تشردين وتختفين عن الوجود

نور.... اي متاكدة اريد اعرف كلشي وليش اشرد اذا اني من ذاتي اريد اعرف عن الحياة ازوجيه 

سند..... احم احم 

عدل وضعيته ورجع جسمه ليورا وصعد رجل ع الجربايه وخله رجل بكاع واخذ نفس ... 

سند.... الحياة الزوجيه مو مثل ما مفكرتها انتي يعني بعيده عن تفكيرج حيل حيل وانتي بريئه وفطيرة وما تعرفين شي غير يتزووج وتحبلين هاي اقصه حد عندج 

هزيت راسي بي هو رجع كمل ... 

سند.... شوفي نور امج الي سوته صح ما علمتجن يمكن خالت السالفه بيوم تتزوجن تشرحها الجن وانه اشجعها ع هاي التربيه بس مع ذالك اكوه اشياء لازم تعرفيها اساسيه بالحياة ع العموم انه راح احجيلج االزواج ما يتم اله الزلم ينام ويه مرته 

نور..... اي شلون يعني ينام ويه مرته غير 

بصفها وبعدها تحبل 

سند... انتي كاتله روحج بالحباله موتتيني تحبل وما تحباَل لا ومو بس ينام اكو شي هم بس اسمعي راح اسولفلج بس والله لو خلصت كلامي وشردتي وصرتي تتشردين مني اشوفج شي ما شايفته 

                                          

              

                    

نور.... لا ما اتشرد بس حجيلي 

سند... الرجال لازم يبوس مرته ويحنضنها ووووووووووووو

تطفرررت بسرررعه من سمعت حجيه رجفف كلبي شنووو هاااي معقوووله الزووواج هيييج لا لا ماااصدك جنتتت ماخذه عنه نضرره تختلف تماماً.. 

جسمي صار يرجف ركضت للباب ارريد افتحه بس سند وكف كدامي حيل خجلت منه صار ساعه الح عليه ووهسه من عرففت اتمنى ماا عرفت 

سند.... اكعدددي ترااا حجي بعدني ماا كملته 

نور.... شتكمل هو بقه شي ما حجيته واللله عيب علييك مدخلني هنااا علمود تشررحلي هييج والله بس تجي عمه اله اكل الهاا 

سند.... اشوو انجبي لا هاي العايزه تتبلين عليه هوو منوو الاجه ولحح وضل يلح ويلح حتى يعرف اسمممعي ولججج انطيتج اهمييه اكبرر منج امشييي وليي عن خللقتي مااا اريد اشووف وجههج كدامي تتتمسسكن لحد تتتمكن وانه المطييي امشيي وراااهاا

تعصب كلش واني هم طكيتها ركضه ونزلت ع الدرج اركض دخلت للمخزن وسديت الباب وجريت نفسس اوووف اني شبيه استفزيته لو بيه خيرر جان ما لحيت حتى اعررف السالفه .. 

كعدت وحضنت نفسي وحجيه بعد يدور بالي لا وامي تكلي بس تكدين تحبلين طلعت السالفه اكبر مني ومنها ولا وهو بعد ماا مكمل عززززا العزززاني ان شالله اصخااام بعينج نوييرة شلون تباوعين بوجه الرجااال بعد .. 

بقيت اروح وارجع بالمخزن خااايفه ومتلبكه بنفس الوقت خجلانه من نفس حيل شلوون راح اكدر احط عيني بعينه بعد الي صاار ... 

اندك الباب كمزززت وكمت اتمتم بالحجيه ما اعرف شسوي لساني انعكد اريد اكول منو بس ما اكدر 

سند.... اطلللعي فضيهاا راح ياذن شوكت نااويه تسووين العششه حضرررتج 

ما جاوبته انتضرت الصوت يختفي لفيت حجابي عدل وفتحت الباب ع كيف شفت محد كطيتها ركضه للمطبخ حتى لا يشوفني ما بيه انحرج كدامه ... 

سمعت صوت ضحكاته درت وجهي جان منتجي ع السنك ومجتف ايدي ع صدره اجيت اطلع بس هو لزمني وخلاني ع الثلاجه وخله ايدي منا وايد منا ايرد اوخر ماكو ما يخليني ... 

نور.... سس سند وخر 

سند....انه شحجيت مو كتلج اذا احجي الساالفه ما تتحربين وهاي انه ما حاجي شي لو احجي شيصير يمكن بعد وجهه ما اشوفه بالكرة الارضيه كلها 

ما جاوبت ونزلت راسي خجلانه كلش وهو ماكو يتقصد يخجلني رفع راسي بيده وخله عيونه بوجهي سديت عيوني وريد ابعد راسي عن ايده ما خلاني 

سند.... وتاللي وياااج ست نوررر 

نور... شسويت 

سند... خلي عينج بعيني لا افكسس عيونج الج 

            

              

                    

نور... سند فدوه عووفني ما اريد 

سند... اششش كلت خلي عيونج بعيوني لو اتصرف وياج غير تصرف وخليج تندمين لان ما خليتي عيونج بعيوني 

بلعت ريك وهو بعد ايده وانتضرني رفعت راسي شفته واكف يباوع عليه صارت عيني بعينه خجلت هو ابتسم ابتسامة نصر ... 

بعدت عنه اريد اطلع من المطبخ صاااح ... 

سند.... وينننن رايحه 

نور.... اغسسل 

سند.... هذاا مااي هنا غسلي وسووي عششه الولد ع ساااعه يجوون وانتي ما مسويه 

هزيت راسي ورحت غسلت وطلعت الأشياء الاحتاجهن للعشه وهو منتجي ع بالباب المطبخ وعيونه عليه درت وجهيي ونطيته ضهري وبديت اسوي بالحشوه اريد اسوي سنبوسه ... 

حسيت بي صار وراي مهتميت وغلست عنه بس هو ما يكعد راحه كل ساع طاخني بيده لو يكرص خدي بصابيعه ... 

صارت تصرفاته تنرفزني بس ما حجيت شي خاف ينفجر بيه ... اريد بس اخلص العشه حتى اطلع منا وما اشوفه 

لف ايده ع خصري وخله راسه من ورا بركبتي كمزززت ودفع بيي ماكوو كوه لزمت دموعي اخاف ابجي بس تمالكت نفسي .. 

نور.... سنددد بعددد جاااي تسوووي عوفني فدوه 

سند.... اششش مرتي وحلالي وحر بلي جاي اسوي انه توه شارحلج مسئله حلوه ع الاقل خلينه نطبقها يمكن تستوعبينها اكثر 

نور.... لا الله علليك سند لا لتسووي بيه هييج فدووه عووفني بعد ما اسئلك ع شي ولا اريدك تشرحلي شي بس عوفني الله يخليك 

ما هتم الي وبعد اطراف الحجاب عني ونزل طرف الدشداشه وطلع متني محسيت غير شفايفه طخت بمتني ... 

قشعر جسمي من لمسات شفايفه بس هو ما كتفه بوسه لا عضني هم طفررت هو ابتسم وبتعد .. 

كمت اشتغل بسرعه بسرعه ونضراته تلبكني هو ما ناوين يروح اروح منا ورجع منا هو يراقب حركاتي .. 

لزم ايدي بطرف ايده ودارني عليه.. 

سند.... ع كييفج شبيج متوتره وما تعرفين شتسوين حتى الاكل راح يصير ما بي نفس 

نور.... من وراك اي متروح شعدك لازك 

سند.... ولجج اشوو طلع لساااانج 

نور برتباك.... هاا شنو لا ما اقصد بس انته ما عندك شغل تروح عليه 

سند.... وانتي شعليج عندي ما عندي ترا كاعد بيتي ما كاعد بيت الخلفوج ولا تنسين نفسج انتي ضيفتي مو انه ضيفج 

نور.... ترا ما كلت شي شبيك تعصبت لووو انته بسس تدوررلك حجههه حتى بسسس تعصصب ع كائن من يكون

سند.... انتي جاي تصيحين عليه لو يتراوالي ولجججج نوررر تردين اطيييح حضج هسسه ترا ما عندي مانع مو نطيتج وجههه تتمادين

            

              

                    

نور.... ما تماديت بسس هاي الحقييقه انته بسرعه تتعصب وبسرعه تبرد شنو موضوعك ما اعرف

سند.... احتمي بشغلج وبس لا تدخلين بأشياء ما تعنيج واضح

شفته تعصب هزيت راسي وسكتت هو اني هم صوجي احجي وياك واخذ ونطي بالحجي هو راح واني تنفست براحه وبديت اشتغل ع راحتي خلصت الحشوة وجبت السنبوسه وكعدت الف بيها ..

خلصتها عفتها ورحت صليت ورجعت للمطبخ طلعت طماطه وكليت وياها وشويه مقبلات وسويت لبن وزودت عليه حبات الليمون وخليته بالثلاجه ..

كليت السنبوسه وزعتها بالصحونه واني جاي اخلي الجاي ع النار فرد نوب دخل سند باوع ع الطاوله ..

سند.... انتي خوش ام بيت بس لسانج ساعات يفلت ويحتاجله كم تعديل تصيرين توب وتلوكين تصيرين مرتي

عقدت حواجبي معاجبني حجيه ودرت ع السنك اغسل المواعين السويت بيهن هو صار وراي استغفرالله ربي وتالي ويه هذا الرجال ...

سند... شبيج عيني رافعه خشمج خاف ما عاجبج كلامي لذالك لويتي بوزج

نور... اي ما عاجبني وياريت تبعد عني اشو اخذك الواهس كلساع وجفتت عليه يمته تجيي مروه وتريحيني من تصرفاتك

سند.... راح اسوي روحي ما سمعت شي ما اريد اذيج ومنا انه جوعان ما اريد افوت الاكل يشهي

عافني وطلع جرريت نفسس بضيق ورحت فرشت السفرة التمو خوانه وهو كعدو ع السفرة عفتهم ودخلت للمطبخ شويه ودخل محمود ...

محمود.... اكلج نور ماكو بعد لبن لو هذا كله

نور.....اكو بالبراد تريد

محمود.... تسوين فضل كلش طيب عاشت ايدج 

نور.... وانته العايش 

فتحت البراد طلعتله باقي اللبن وفرقته اله بالدولكه واخذه وراح بقيت كاعدة انتضرهم يخلصون سويتلي لفه سنبوسه وطماطه وكلتها اسد جوعتي .. 

دخلو الولد غسلو وسند ما اله حس تانيته يكوم حتى اروح دخل هو بيده مواعين العشه نزلهن بالكاع وشال صحن خلاه ع الطاوله بدون ما يباوعلي كال 

سند... تعشي مو مسويه ع روحج حصار ترا مو فكوره احنه حتى نعوفج بدون اكل واذا مروه تمنعج من الاكل لو امي انتي اكل بعنادهن اريد لسانج مو بس كبالي لا حتى كبالهن 

انصدمت بحجيه هذا شبي يدور المشاكل ادواره معقوله يريدني اتعارك .. غسل وبعد عن السنك واني بعدني صافنه تكرسني من ارنبة خشمي وكال.. 

سند... بعافيه گليبي العشه طيب لا يفوتج صنع ايديج 

فكيت حلكي عزااا هذا شنو وصرت كليبه شهالحجي باوعت ع الصحن وبتسمت بعدني ع بتساامتي ورفعت راسي شفته واكف ضحك عبست وجهي ودنكت الم المواعين هو اجه وجررني ...

            

              

                    

سند.... كلت تعششي لاحكه تغسلين يلا كدامي تعشي لا تصير مو خووش

نور.... اهووو انته ليش حجيك كله تهديد احجي وياي بهدوء اكثر لو ما يصير

سند.... انتي ملاحضه روحج اليوم هواي حجيت لو بس انه هيج لاحضت

خفت من نضراته هو يتقدم صار مقابيلي ما يفصلنه شي بس كم سانتيم ...

سعد..... سنددد بدددت العبه تعااال

جريت نفس براحه من شفته تبعد عني ومشه وكف كدام الباب وكال ...

سند... هالمره نقذج سعد المره الجايه امي ما تخلصج مني فهمتي بنيتي لو اجي افهمج

غمزلي وطلع هذاا شبي اليووم درت وجهي ع الصحن ميته جووع كعدت اكل وضايجه من تصرفاته خلصت عشه وكمت اغسل المواعين وخلصتهن واجاني صوتت سنددد ...

......

امي من اجت من نبأ وهيه تدك وتبجي واني ابجي وياها نبأ حاجيه الامي كايلتلها ابوي بايعني الخاطر جم فلس حتى يشرب بيهن والي اضرب من هذا كايلهم بنتي لو تموتونها احنه ما نطلع وراها شتردون تسون بيها سوو ...

ردت احجي لمجتبى ومحمد بس امي حلفتني ما احجي واني هم سكتت الخاطرها بس هيه مقهور ع نبأ وتفكر بخواتي وشايله همهن ...

مرن يومين وامي شويه شويه تعايشت ويه الوضع ورجعت طبيعيه وتقبلت فكره بناتها ما عدهن حظ نفسها كعدنه اني وياها نتغده وخواني عدهم محاضرات ما يجون من وقت ...

فاطمه.... يمه برايج شلون نور هسه عايش لو كتلوها

ام فاطمه....اختج نور تعايشت ويه حياتنه الصعبه ما تكدر تتعايش ويه حياتهم

فاطمه.... خايفه عليها حيل

ام فاطمه.... لا تخافين نور تعرف تاخذ حقها ولسانها متبري منها كم مره رادت تكتل ابوج وهو نايم ومنعناها بتواسيل خافي ع عيالها منها

فاطمه..... هههههههه بس بنفس الوقت تتجنب المشاكل ما اتوقع تذيهم بشي

ام فاطمه.... اعرفها ما تحب المشاكل وما تحجي هواي بس صبرها مو طويل وهذا المخوفني عليها 

فاطمه.... صح يمه تحب المشاكل بس تابت وصارت خوش بنيه بس اخاف عليها لان مريضه لا تتمرض ومحد الها هناك  

ام فاطمه.... يا يمه شبيدي وما سويته الها الله لا يوفق ابوج دنيا ولا اخر محد زاد المرض عليها وخلاها تتعب هواي غير ضربه الها 

فاطمه.... تذكرين يمه شلون كتلت مجتبى من راد يضربها علمود خبثت عليه وابوي كتلها وراواها الويل وبطلاع الروح خلصت من ايده 

ام فاطمه.... يا طلابت هاي السالفه تالي ما تالي انكتلت كتله خلتها تصير تخاف حتى من مجتبى 

فاطمه.... اووف يمه هسه لو هيه هنا جان ما صدكت اخواني بهالحنيه هاي ويدورون رضاها عكس ذيج الايام البشعه 

            

              

                    

ام فاطمه.... طلبت من ربي ياخذ حقي وحق خواتج من ابوج وما يراوي يوم زين بحياته بهذلنه تبهذل راوانه الضيم بعز الضلايم 

فاطمه.... يمه لو يرجع بيج الزمن وعندج فرصه تخلصين منه راح تسوينها 

ام فاطمه.... اذا اجتني فرصه اخلص من ضيم راح استقلها بس مال اوصخ ايديه بدمه ما اكدر خل يضل يضلمني ولا اكتله ودخل بخطيته 

فاطمه.... يمه محتاجه اشوف نور مشتاقتلها اريد احجيلها عن حياتنه شلون بدت تتحسن وهسه جانت كل ما اكلها يمكن تتغير حياتنه تهز ايدها الي وتروح 

ام فاطمه... المؤمن مبتله يا يمه بس تفرج والله قادر ع كل شي واصبروا ان الله مع الصابرين 

هزيت راسي وهيه سكتت بس مع هذا اكو بكلبها حجي بس ما تريد تحجي والحزن طاقي ع عيونها صح هيه تكول نور تعرف تتصرف بس بنفس الوقت هيه خايفه لا نور تورط روها ومتكدر تطلع من ضلمهم نفس ما امي انضلمت ... 

نورج جانت شرانيه تسوي المشاكل وتضم راسها وكل مشاكلها ويه مجتبى ما تحبه تشوف ابوي مددلله تضوج منه وتريد بس تكتله .... 

من بدت تكبر وامي تنصح بيها تتجنب مجتبى حتى لا يصير موتها ع ايد ابوي ... بس مع كل هذا هيه هدوءها يحمل عاصفه جوه روحه ... 

وهاي العاصفه اذا انفجرت تعم عليها ما تريحها لو حجت ... اذكر مره تجنبت مجتبى وهو يموت منها هم جان يحب يغيضها ويستفزها وهيه واعده امي تبعد عنه ما تختلط بي بس مجتبى ع الخباثه يغثها 

سكتت عنه يوم يومين ثلاث ايام بعد ما كدرت تستحمل وتعااركو وابوي اجه وشافها هيه مجتبى متلازمين اخذ نور وكتلها موتها من الكتل بشفعات يلا خلصها محمد من ايده ... 

وهيه حقدت ع ابوي حقد اكثر من الي قبل وبليلتها اخذت سجين ودخلت تريد تكتله بس امي لحسن الحظ جانت تصلي ولحكت عليها وخذت السجين منها بس هيه ما تابت ... وحولت كذا مره تكتله بس امي تتوسل بيها ما تسوي هيج وسجنونها ... 

بعمرها ب18 اخذت البانزين ورادت تحرك البيت وصيح اريدد احرررك كلب ابووي ومحمد خطيه احتار وياها يجيبها منا يرجعها منا حتى لا تتخبل وتسوي شي وتحرك روحه لو تحرك البيت ... 

ابوي جان طالع خارج المحافضه عنده مجلس حسيني وهيه تخبلت علينه ... 

من بعدها نور تغيرت صارت تحجي قليل ما تختلط بمجتبى وشويه شويه كفت مشاكلهم وهيه هم تركت سوالف التكتل وجرام وصارت انعزاليه وامي خطيه تلوب عليها واني اباوعلها تغيرت حيل شنو الغيرها محد يعرف بس ابوي هم ما عافها ... 

بحالها ع الطابه والطالعه يضرب بيها والعجيب صارت ما تحجي ع ابوي من يضربها ... يمكن تعودت ع هذا الشي وابوي من شافها تسكت من يضربها صار ما يضربها اله من يتعصب يجي يطلعها بيها ...

بعدنه كاعدين اني وامي ع سفرة ودخل مجتبى ومحمد باسو راس امي وباسوني وكعدو ...

مجتبى... ست الحبايب جاهزه تسمعين الخبر الحلوو الي راح يخليج تفرحين

ام فاطمه....شنو الخبر يا يمه حتى راح يفرحني 

محمد.... اليوم ع العشه راح تجي نبأ ورجلها حضرو نفسكم وتفقت ويه رجلها يخليها تبات يمه كم يوم والولد ما قصر كال خليها يمكم شهر اذا تردون 

ام فاطمه....روح يا جاسم ربي ينور دربك ويدزلك الرزق من حيث لا تحتسب وينور طريقك بجاه الحسين سيد شباب اهل الجنه 

ابتسمت ع دعوات امي ... لرجل نبأ كامت هيه بسرعه وعافتنه وكالت روحو تسوكولي اريد اطبخ كلشي بخاطر بنتي والي تحبه ... 

صدك خواني ما صدكو راحو تسوكو واحو وامي بدت تطبخ واني اساعدها ... واجه موعد جيت نبأ الي اني مجتبى جنه حيل متحمسين نشوفها صار النه فوك الثلاث سنوات مشايفيها ... 

دخلت نبأ واني فتحت عيوني مصدومه كبررانه وبنفس الوقت حليانه وصاير عدها خدود وجسمها مليان من الفرحه حضنتها وبوستها وسلمت ع الكل واني شفت بناتها تخبلت عليهن شبعتهن بوس ومجتبى يضحك عليه ... 

دخل رجل نبأ وسلمت عليه وكعدنه نتعشه وسالفه تجر سالفه وراح زوج نبأ وبده مشوار معانات نبأ وهيه تحجينه عن معاناتها ....

شكرا لزيارتكم عالم روايات سكيرهوم