رواية المجنون العاقل الفصل السادس بقلم جمانه السعيدي
بكر...قررت باجر من اطلع اروح الابو اركان
يتصل بيهم يجون ياخذوني اني بعد مااكدر اتحمل
اكثر حتلو اسوي نفسي مريض اشوفلي شغله ولو همه ما تمشي عليهم هاي السوالف
كعدنا الصبح اتريكنا شهد اجت يمي وخلت الف بجيبي
شهد...اشتري بي وتعال وياا ابوي الضهر لان علاجك بعده ما خلص
بكر...باوعت عليها وتخيلت اذا تعرف شخصيتي الحقيقيه
ياترى راح تفرح لو اضوج اذا عرفتني على حقيقتي
ايجوز تقدر وضعي وتعرف اني مجبور على هاي الشغله
شهد...سمعتني
بكر...اي اي اااجي اني اااجي
طلعنا اني وابو حسين
بس طلعنا من الشارع بديت ابطئ مشيتي الحد ما ضيعت نفسي منه
رحت للسوك بلكت اشوف ابو اركان
شكد دورت علي مالكيته
كعدت باب الكهوه بقيت انتضره ماكوووو
الضهر رحت كعدت باب بيت ابو حسين لان تعبت
اريد اتغدا وانام وارجع العصر ادور ابو اركان
لان اريده ضاع عليه
شويه واجا ابو حسين وياا علي ابنه
ابو حسين....هااا ليش كاعد هنا محد فتحلك الباب
وكف وكام يدك بلباب
فتحت الباب شهد
دخلنا كلنا للبيت
علي...يابه انت طمعته هذا بعد حتى مايفتر بلشارع
معتبر بيتنا بيته
ياكل ويشرب وينام حتى ملابسك خلصهن
ابو حسين....ولله اني متعجب عليكم الولد ما خسرنا اي شي لا جاي نطبخ علموده
ولا ضيك علينا المكان ليش هيج انتم كارهينا
وين يروح الدنيا حاره وماعنده مكان يروح علي
نعتبر هذا العمل صدقه عن اعمارنا
مانعرف باجر شراح يصير نضم عمل الخير
لليوم الاسود ايجوز يفيدنا
جمانه السعيدي
بكر...كلت بكلبي ولله انت يابو حسين ماكو اطيب من كلبك
اني اليوم لو لاكي ابو اركان
مجان شفتو وجهي
بس شسوي الحظي الاغبر ضاع عليه هذا الشيطان
العصر ادوره لازم الكي اني بعد ما عندي اي طاقه اتحمل اكثر
تغدينا ونمت والعصر طلعت وياا ابو حسين
رحت ادور على ابو اركان هم مالكيته
يوميه مثل الجلب كل شويه طالع من مكان
واليوم ماكوووو
لا حاشا الجلب على الاقل الجلب يصير وفي وياا الناس الي يعيش وياهم بس ابو اركان عايش بينهم وكاعد يبلغ عليهم
قررت ماارجع البيت ابو حسين ولده مايردوني بلبيت
رحت انام بلمكان الي متعود علي
خليت كارتونه ونمت
احنا هسه تقريبا بداية شهر العاشر الدنيا بليل بارده
غطيت نفسي بلكارتونات ونمت
مانمت زين كل شويه افز منا لمن طلع الصبح
اجا ابوحسين كعدني
ابو حسين...ليش نايم هنا ليش مارجعت للبيت
لو زعلت من الولد
لا تزعل يتشاقون وياك
جمانه السعيدي
بكر.... جابلي ريوك اتريكت وطلعت لازم الكه ابو اركان
بقيت صبحيتي كلها ادور علي ماكو
تعبت من الفره كعدت بلسوك يم واحد بكال
انطاني مخضر كمت اكل
بيذنجان وشجر وخياره اكلت ونمت يم البسطيه
لان هو راش على الزرع ماي واكو فوكا سقيفه
نمت اقل الساعه
رجعت العصر افتر بلشارع
رحت كعدت باب الكهوه بلكت يجي واشوفه للمغرب ومااجه
واحد شافني من الي كاعدين بلكهوه جابلي لفه فلافل جاي
اليوم اني مارحت بيت ابو حسين
احس نفسي صرت حمل عليهم
وهم وجودي بيتهم ياثر عليهم يردون مني تقرير عنهم
والحجه انت موكاعد بيتهم
لازم شفت لو سمعت شي
جمانه السعيدي
رحت نمت باب المحل وتغطيت بلكراتين لان بليل بارده
الصبح اجا ابو حسين
ابو حسين....هااا جمعه ليش نايم هنا ليش ماتجي ببتنا
حتى علاجك ما كملته اليوم تروح وياي تسبح
وتتغدا صاير شعرك طويل وانت وصخ
بكر...ماحجيت اي شي اني مصمم الكه ابو اركان
ابو حسين....ممنوع تروح ابقى هنا اخذك وياي للبيت
تريكت بس اشويه انشغل عني ابو حسين
طلعت رحت للسوك
افتر بلسوك وارجع للكهوه للساعه عشره شفت ابو اركان
اشرتله براسي
طلعت من السوك هو اجا وراي
وكفت اجاني
ابو اركان...هااا لكيت شي بيت ابو حسين اذا لكيت شي كول بسرعه
بكر...اي لكيت بس مااحجي اله كدام النقيب المسؤل عني
ابو اركان...كول اسمعك
بكر...لا مااحجي تروح توصل الخبر ويكولون بكر ماجاب اي معلومات
اله كدامهم يله
ابو اركان....راح اتصل عليهم وارجعلك خبر
اشوف يمتى تروح تشوفهم انتضرني يم الركن مال المدرسه
بكر...اريد ورقه وقلم اكتب الاشياء الي شفتها خاف انساها
ابو اركان....اي هاي الورقه وهذا القلم
انتظرني الساعه ١٢ بركن المدرسه يعني بعد ساعه تمام
بكر...تمام
بكر... فتحت الورقه وقررت اكتب رساله احذر بيت ابو حسين
اني مااريد اكشف شخصيتي كدامهم واطيح من عينهم
السلام عليكم رساله من فاعل خير
ارجو اخباركم أن جميع تحركاتكم مرصوده من قبل الحزب
حتى الهاتف مراقب
يجب عليكم بأسرع وقت التخلص من اي كاسيت حسيني
موجود داخل المنزل
واذا يوجد لديكم كتب دينيه سارعوا بلتخلص منها
انتم تحت مجهر الحزب
تأكدوا اني اخاف عليكم من السلطه اخاف ان تبطش
بكم انتم ناس طيبون ولكم معزه خاصه بقلبي
اخيرا احذرو من المدعو ابو اركان لانه عين من أعين الحزب
فاعل خير
بكر...اخذت الورقه ورحت ربطتها بحجاره وشمرتها عليهم من ورا السياج
سمعت صوت شهد برا تغسل بلطرمه راسا ركضت
مااريدها تفتح الباب وتشوفني
باقي ربع ساعه على موعدي وياا ابو اركان
رحت وكفت بركن المدرسه
الحد الساعه ١٢ ونص يله اجا ابو اركان وكف السياره واشرلي تعال اصعد
صعدت ويااا اول شي سويته اشاهدت
اشهد ان لا اله الا الله وأشهد أن محمد رسول الله
هاي دوله قائمه على الدم اكيد مراح يرحموني
بس اني أملي برب العالمين جبير
اكيد مثل مااني ساعدت بيت ابو حسين وحذرتهم
رب العالمين مراح يتخلى عني
اللهم اني استودعك نفسي اللهم لا تسلط علي من لا يرحمني
رحنا النفس المكان مكان بعيد عن الولايه
اي بنايه ماكو قريبه علي
وصلت دخلنا للبنايه دخل ابو اركان قبلي وكال انتضر هنا
اكو كراسي برا كعدت عليهن
واكو حراس تقريبا خمسه مسلحين واكفين
بقيت كاعد واني اشوف الموت قريب عليه
استذكرت امي وابوي وخواني
صار اكثر من سبع اشهر ما شايفهم ويجوز مااشوفهم بعد
اللهم اني اللوذ بحماك ياكريم
اللهم لا تسلط عليه من لا يرحمني
تقريبا نص ساعه اني انتضر برا
بعدين طلع ابو اركان وكال يله تعال
دخل هو قبلي واني دخلت ورا
اكو ثنيبن واحد ضابط وواحد برتبة عميد كاعدين
نفسهم الي ذيج المره شككو التقرير وياهم مسؤل الفرقه الحزبيه للمنطقه
وكدامهم شكد تقارير
العميد...عرف نفسك
بكر... ملازم أول بكر محمد
....شنو المعلومات الي عندك
بكر...ماعندي اي معلومات اعترف سيدي اني فشلت بهاي المهمه ومستعد الاي إجراء او حكم عليه
...ليش فشلت شنو الاسباب
بكر...ماعندي خبره كافيه بلتعامل وياا الناس
مااعرف اخذ منهم اي معلومات
...ليش انت مو متدرب
بكر...نعم سيدي متدرب بس مااعرف اتعامل ويا الناس تنقصني الخبره سيدي
...نعطيك فرصه ثانيه
بكر...لا مااكدر اني اعرف نفسي زين لو مو فرصه لو عشره
مااكدر ارجو اعفائي من هاي المهمه
...راح تتعاقب
بكر...اي سيدي اعرف واني مستعد الاي عقاب
لان اني خيبت ضنكم بيه
...ليش ما تحاول مره ثانيه
بكر..قبل لا احجي
ابو اركان....هذا اكيد متواطى ضد الدوله لان هو جان عايش بيت ابو حسين واني طلبت منا معلومات عنهم
هذا متواطى وياهم ضد الدوله
يستحق أقسى عقوبه
بكر...سكتت ودنكت
...اخذو للسجن وباجر يترحل على بغداد حتى ينحكم هناك
بكر اخذوني خلوني بسجن موجود بنفس البنايه
لا اكل ولا شرب الثاني يوم
كل دقيقه اشوف الموت بعيوني
بعد من ارجع البغداد الله اعلم شمنتضرني
شكرا لزيارتكم عالم روايات سكيرهوم
