رواية المجنون العاقل الفصل السابع بقلم جمانه السعيدي
بكر...رحلوني ثاني يوم البغداد
صار يومين اني ماماكل شي حتى ماي محد انطاني
بس دخلنا بغداد كمت ابجي
اريد اشوف اهلي قبل لا يصير وياي اي شي
عبالك طفل زغير ابجي وبكلبي حركه بسلا يقتلوني واني ماشايف اهلي
وصلنا للوحده العسكريه الي انطلقت منها قبل لا اطلع بهاي المهمه
كبل دخلوني للسجن الحد ما يحددون يوم محاكمتي
بغرفة السجن وياي اربعه غيري
خلص اول يوم تمام وقت العشى جابو اكل للمساجين
صمون يابسه وشويه مرك يقطين يلعب النفس
امتنعت عن الكلام وياا اي احد يمكن اكو واحد بلسجن
يراقب كلام المساجين وينقله الهم
احسن شي اسكت بلكت هذا الشي يخفف الحكم عليه
رغم همه شكد حاولو وياي يعرفون شنو قضيتي بس اني ابد كلشي ماحجيت
تمددت ...ياترى شهد شافت الرساله
حذرت اهلها لو تعبي هذا راح حرامات
بلكت تكون شافت الرساله ياترى راح يفتقدوني ويدورون عليه لو لا
يمكن بس ابو حسين راح يدور عليه
امي شنو موقفها من تسمع اني دخلت سجن مدري انحكم سجن مدري اعدام مااعرف مصيري شنو
رب العالمين موجود ومراح ينساني
شهر اني بلسجن ومامقدميني للمحاكمه بعد
كلما توصل محاكمتي يااجلوها مرتين اوصل للمحاكمه وتتاجل
الحد ما بلصدفه اجا ضابط صديقي للسجن بماموريه
طبعا احنا دائرتنا وحد والسجن وحد
نفس البنايه بس اكو مسافه بين دائرتنا والسجن الخاص بهاي الدائره
تقريبا عشر كيلوات بين الدائره والسجن
جمانه السعيدي
المهم صديقي صلاح اجا بمهمه للسجن ابن عم صلاح مسول عن السجن الي احنا موجودين بي
اجا صلاح يسلم على ابن عمه
اني جنت مدد سمعت صوت واحد يسلم على مسول السجن الصوت ابد مو غريب عليه
كمت اريد اشوف منو باوعت مااكدر اشوفه
بس صوته ابد مو غريب عليه بعدين سمعت مسؤل السجن يكول صلاح عود هم اذكرنا مو تنسانا ولله فرحت بجيتك هاي
بكر...راسا عرفت هذا صلاح صديقي يداوم وياي بنفس المكان
صحت بصوت عالي صلا ح صلاح صلاح
اني بكر صلاح تعال اريد اسلم عليك
صلاح اني بكر محمد صديقك صلاح
بكر...بقيت اصيح باسمه اريد اشوفه اريد اشوف اي واحد اعرفه
...صلاح تسمعني
صلاح....من رخصتك اشوف منو هذا الي يصيح عليه
بكر...سمعت صوت خطوات صلاح عبالك مدري شسامع
ودي اركض علي واحضنه لوما بلسجن
صلاح...منو
بكر...صلاح اني بكر شلونك
صلاح...بكر هاي شجابك هنا ليش انت بلسجن
بكر...تخاذل بلمهمه الي طلعت بيها
مااكدرت انفذ ونسجنت
صلاح...دقيقه خل ارجع ابن عمي يفتح الباب اريد احجي وياك
راح صلاح واسمعه يطلب من ابن عمه يفتح الباب
اجا وياا شرطي وفتح الباب
اشرلي اطلع طلعت بس شفت صلاح عبالك شايف اهلي كلهم حضنته حيل
الشرطي كال اطلع هنا احجي ويااا
طلعنا اني وياا برا اكو مسطبه كعدنا عليها
صلاح...احجيلي شنو صار وياك
بكر...احجيلك بس يبقى سر بينا
بديت احجي الصلاح كلشي مر عليه من اول المهمه لليوم
صلاح...ليش مانفذت انت مأمور مابيدك شي
بكر....لا هاي ناس طيبه ليش ااذيهم مثل مااني احس مضلوم داخل السجن همه اذا بمكاني راح يكونون مظلومين مثلي ليش الشي الي مااقبل على نفسي اقبل على الناس جمانه السعيدي
صلاح...اني بيش اكدر اساعدك
بكر...اريد توصل الاهلي وتنطيهم خبر اني داخل السجن
صلاح....راح اوصي ابن عمي عليك يداريك
بكر...الله يحفظك مشكور اخوي فدوه اهم شي اهلي يعرفون اني وين
لان صار ثمن اشهر واكثر ماشايفهم ولا شايفيني
يرحم والديك لا تنسى
صلاح...ابد مراح انسى بس انزل اروح عليهم كبل
بكر...اهلي بهاي الفتره كانو باسوء حاله امي من كد القهر صاير عدها ضغط
متوقعه اني متت اثناء المهمه والدوله ضامه خبر وفاتي
اما ابوي مامخلي مكان ماسائل عني
البيت صاير حجيم
هسه نرجع البيت ابو حسين
شهد....كاعده اغسل بلطرمه ووكعت علينا طابوكه
بلبدايه خفت بعدين باوعت اكو ورقه مربوطه بيها
فتحت الورقه قريت الرساله
شصار بيه من الخوف هاي مو رساله عاديه هاي تحذير
رحت الامي
شهد...يمه تعاي شوفي هاي الرساله
امي...رساله شنو رساله
شهد..انشمرت علينا من الشارع اسمعي شنو مكتوب
قريت الرساله الامي
امي....يااا صدك عود هذا منو الي يعرف الحزب مراقبينا
وليش يحذرنا
شهد.. يكول احبكم واخاف عليكم
شهد بقيت انتضر ابوي لمن اجا هو والولد
وانطيتهم الرساله
ابوي.... الله اليستر همه الحزب محتاجين كاسيت
لو كتاب اي واحد يعجبهم يعلكونه
يله بسرعه طلعو شكو كاسيت عدكم واكو كتاب مفاتيح الجنان
احركوهن بلتنور بسرعه
حتى اكو رأيه للحسين ام حسين ضامته هم حركوها
الخوف سيطر عليهم
لان بيتهم مراقب التنور بلسطح النار طلعت من السياج
والوقت مو وقت خبز الدنيا ليل
يعني عده وقت العشى
راحت هاي الاخباريه للحزب وهنا الشك عليهم صار اكثر
من حسن حضهم بعد ما طفت النار اخذو بقيا النار وشمروها بعيد بوقت متأخر من اليل
ثاني يوم ابو حسين اجا للمحل مالكه بكر باب المحل
استغرب لان هو ابد مايعوف هذا المكان
كل يوم الصبح يتواجد بي بقه يترقب للضهر ماكو
الضهر الحزب داهمو بيت ابو حسين
وبدو يفتشون البيت كلبو البيت بس كلشي مالكو
حتى رماد داخل التنور ماكو
اخذو ابو حسين وولده وياهم وراحو
بدا التحقيق وياهم بس كانو متماسكين
جابوهم منا ردوهم منا كلشي ماحصلو منهم
...اكو نار البارحه طالعه من بيتكم بلسطح
ابو حسين...هاي وصاخه حركتها شهد
...ليش هيج وكت
ابو حسين...هي هم الها وقت هيج يعجبها اني مارضيت بس هي صممت
تكول انتم من تجون ما تقبلون تشمرون الزباله وهي شغلات زايده حركتها
....مثل شنو هاي الاشياء
ابو حسين....كتب مدرسه مشككه كراتين فارغه
ملابس قديمه
الحزب رجعو سئلو نفس هذا السوال الحسين
بس على انفراد
حسين...مااعرف شنو الشي الي حركته شهد
ماادري بيها
وعلي ...نفس الجواب
ام شهد راحت للمختار وطلبت منه يروح وراهم يشوف شنو السالفه
مختار المنطقه رجال خير راح ورا ابو حسين ادخل بهذا الموضوع جزاه الله خير الجزاء
بلاضافه الحزب مالكو اي شي يدين بيت ابو حسين
لو بس لاكين شي واحد جان ماطلعو كلهم
جمانه السعيدي
ثاني يوم طلعوهم من السجن
بس شنو شهد وامها بااسوء حاله من الخوف والقلق
ابو حسين....لو بس اعرف منو هذا الي شمر الرساله
الف رحمه على والدي الله يكشف كربه مثل ماكشف كربنا يارحم الراحمين يالله
ابو حسين يوم عن يوم بدا يفتقد جمعه الي اختفى فجئه
وبعد ما بين
قرر يسئل عنه كل الي يسئلهم مايعرفون عنه شي
الحد ما التقى بابو اركان
ابو حسين....الله يساعدك
ابو اركان....يساعد بختك هله بيك
ابو حسين....هم شايف جمعه شو ماكو ادور علي وما خليت واحد ما سئلته محد شايفه
ابو اركان... جمعه اي اهله عرفو هو هنا واجو اخذو
رجعو البيتهم
ابو حسين.... اي همزين اطمن علي مسكين لاحول ولا قوه عاد كون يحبسونه حتى لا يرجع يطلع مره ثانيه
ابو اركان...اطمن مراح يرجع مره ثانيه هنا
ابو حسين....شمدريك
ابو اركان...هااا اي اكول اكيد اهله مراح يعوفونه بلشوارع مره ثانيه
صلاح بعد يومين نزل الاهله واليوم الثالث
راح البيت ابو بكر حتى يعرفهم بمكان بكر
دك الباب طلعت ام بكر
صلاح...السلام عليكم شلونج خاله
ام بكر...هله خاله هله بيك تفضل
صلاح...اني صلاح صديقي بكر
ام بكر.... ياعيوني هله بيك بس بكر ماموجود عمت عيني علي يايمه صار اكثر من ثمن اشهر مانعرف اخباره
صلاح..اي اني جاي اكوللكم وين هو
ام بكر...يمه فدوه تحجي صدك فدوه الكلبك وين وليدي
صلاح...بكر بلسجن
ام بكر...يمه وليدي
راسا ام بكر ماكدرت توكف على حيلها وكعت ليوره
كوه سيطرت كعدت على حيلها
لزمت الباب وكعدت
صلاح...هااا خاله سلامات سلامات الف سلامه عليج
ام بكر...ضغطي كمت مااشوف تعال ساعدني ادخل جوه
دخل صلاح وساعدها توكف على حيلها ودخلو جوه
صلاح...ارتاحي اكو علاج شي تاخذي حتة تتحسن حالتج
ام بكر.. عوفني هسه اصير زينه احجيلي بكر وين
صلاح...بكر دزو بمهمه وماكدر ينفذها وخلو بلسجن
يردون يحاكمو بسبب تقصيره بأداء الواجب ووصاني انطيكم خبر
ام بكر....جيب التليفون الارضي هنا خل اتصل على ابو
واحجي ويااا
يمه راسي راح ينفجر
ام بكر كوه تشوف الأرقام رنت على ابو بكر
ابو بكر...هااا خوما اتخربطتي
جمانه السعيدي
ام بكر...اهييي اهييي اهييي
ابو بكر..ليش تبجين
صلاح.. خاله انطيني اني احجي ويااا
صلاح...السلام عليكم شلونك عمو
ابو بكر....عليكم السلام منو انت
صلاح.. اني صديق بكر واجيت اكلكم على مكانه
ابو بكر.. انت تعرف مكانه
صلاح...اي مسجون داخل الوحده بلسجن تهمه التقصير بأداء الواجب
ابو بكر...الف رحمه على والديك انت شلون عرفت
صلاح...اني رحت بمهمه للسجن ابن عمي مسول عنهم هناك
وبكر سمع صوتي وصاح عليه
وحجالي قصته كلها
ابو بكر....تكدر تروح وياي أدخلني عليه اريد اشوفه اطمن علي
صلاح...من تخلص اجازتي اروح وياك واخذك اشوفه
لان هسه مااكدر ارجع امس نزلت
ابو بكر.. عندك تليفون السجن يعني تتصل بابن عمك اريد احجي وياا بكر
صلاح...اي عندي تليفونه
ابو بكر.. اريدك تتواصل ويااا وتنطيني الرقم اريد احجي ويا بكر
صلاح صار تدلل من عيوني
ابو بكر...الله يحفظك ويسلمك
شكرا لزيارتكم عالم روايات سكيرهوم
