رواية ديب الفصل السادس بقلم حياة محمد
دخل وليد غرفة المراقبه لقى صفيه بتراقب الديب وهو نايم على الأرض
وليد: هو إنتى مالكيش بيت تروحى فيه؟ ده أنا باجى ألاقيكى هنا واروح وانتى هنا.
صفيه وهى لسه بتراقب الديب: مش عايزه ابعد عنه عايزه ابقى جنبه اطول وقت
وليد: دكتوره صفيه ممكن اسألك سؤال.انتى ليه متأكده أوى ان ديب ده يبقى اخوكى؟ يعنى فيه حاجه معينه تخليكى متأكده انه اخوكى؟
صفيه: تصدقينى لو قلت لك معرفش بس فيه حاجه حسيت بها اوى اول ما شفته.تعرف زى احساس الام لما بتحس بإبنها وهو بعيد عنها
وليد: الأم بس انتى بتقولى اخوكى مش ابنك
صفيه: أنا عارفه بقولك احساس وهو ده اللى بحسه ناحية خالد كأنه حته منى لما بيكون نايم ومرتاح بحس بفرحه.لما بينبح وهو متوتر بحس بضيقه أصله مش عارف يفهمنا ولا احنا عارفين نفهمه.فبحاول انى أهديه واحسسه بالأمان .
وليد: هو بصراحه موضوع الديب ده ملخبطنا كلنا.امتى هيجى الوفد الأجنبي عشان نرتاح من هم الديب.؟
صفيه بغضب: ليه أن شاء الله كان مدايقك في ايه الغلبان ده.وبعدين انا مش عارفه كلكوا مستنين الوفد الأجنبي ليه على اساس هيجيبوا الديب من ديله ماهم زيهم زينا شويه عمى بيسحبوا خرس لادول شايفين دول ولا دول فاهمين دول.
يضحك وليد اوى على كلامها ويقول: بزمتك دى لغة دكتوره معاها ماجيستير وبتحضر في الدكتوراه
صفيه بضحك:: هو أنا كده لما بيجى موضوع خالد بتحول.
دخل عليهم دكتور سعيد وقال: يا دكتوره صفيه العلماء الأجانب هيجى بعد يومين ان شاءالله وانا أدرجتك ضمن الفريق المصري اللى هيساعد الفريق الأجنبي فياريت تتعاونى معاهم ومايشتكى حد منك
صفيه: وهيشتكوا منى ليه ؟؛
دكتور سعيد: اعتبرى كلامى نتبيه وتحذير برضوا لان دول علماء وباحثين على أعلى مستوى.
صفيه: حصل يا ريس مادام هدفنا واحد ومصلحتنا واحده فانا في الخدمه..
دكتور سعيد: طيب استعدى واتعلمى منهم عشان أكيد هتستافيدى انتى وكل اعضاء الفريق المصري.
&&&&&&&&&&&&&&&&&
وبعد يومين كان الكل في استقبال الوفد الأجنبي المكون من عشر رجال وبعد التعارف دخل رئيس الوفد مستر: هارى ماك ومعه الوفد غرفة المراقبه عشان يشوفوا الديب ويراقبوا سلوكياته.
صفيه: هذه هى الملاحظات التى دوناها لخالد أقصد للذئب من أول يوم.
قرأ مستر هارى الملاحظات بدقه ثم قال: حسنا مجهود رائع دكتوره صفيه وسنبدأ من اليوم العمل على الذئب ولكنى أريد ان ادخل غرفته وأراه بصوره مباشره.
دكتور طاهر: إذن انصحك ان تدخل مع الدكتورة صفيه لأن الذئب يرتاح معها
دكتور هارى: اذن انتى مدربته
صفيه بصوت غاضب: انه ليس حيوان حتى أكون مدربته.
دكتور هارى: اعتذر لا اقصد حسنا هل تسمحى ان ترافقينى لنشاهد الذئب انا وفريقى
صفيه: افضل ان يأتى معنا واحد أو اثنان فقط لأن الذئب يتوتر من الأعداد الكبيرة.
دكتور هارى: حسنا فلتتقدمى سيدتى.
اخدت صفيه الدكتور هارى ومعه اثنين من العلماء الأجانب ودخلوا الغرفه وأول ما شافهم الديب بدأ في مهاجمتهم وحاول عضهم لكن صفيه مسكته من كتافه بقوه وبدات تهدئه: ماتخافش يا خالد.ماتخافش يا حبيبي مفيش حاجه دول مش هايأذوك اهدا يا حبيبي مفيش حاجه وبدأت تمسح على شعره لحد ما هدأ وسكن لها
دكتور هارى: مدهش لقد هدأ فعلا هذا رائع.ماالذى قلتيه له حتى يهدأ.
صفيه: لم أقل شيء مهما.
&&&&&&&&&&&&&&&
كان أعضاء الفريق المصري بينفذ التعليمات اللى طلبها منهم رئيس الفريق الأجنبي وفجأة سمعت صوت أخوها بينبح بصوت عالى جدا
فقامت بسرعه تشوفه وفجأة سكت الصوت ولما وصلت لغرفته لقت اتنين من العلماء واقفين ومعاهم مسدس تخدير وهما واخوها واقع على الأرض ومضروب اكتر من ثلاث حقن مخدره.فصرخت فيهم: ماذا فعلتم؟
دكتور هارى: اهدئى دكتوره الامر بسيط فنحن خدرنا الذئب
صفيه: لما ؟ وكيف تخدروه بدون ان أعطى موافقتى؟.وما نوع المخدر و...
دكتور هارى: اهدأى دكتوره الامر بسيط فاليوم سناخذ الذئب لإجراء اشعه مقطعية على كامل الجسد ليقوم الفريق بفحص جميع أعضاء الذئب الداخلية ومعرفة اى التغيرات التي طرأت على جسده
صفيه: ولم التخدير
دكتور هارى: انتى تعلمين ان الذئب خطير ولن يهدأ وهو داخل الجهاز لذا وجب علينا تخديره
صفيه: أعلم هذا جيدا لكنى أقصد لما ثلاث حقن فهذه كميه مخدر عاليه جدا اخشى ألا يتحملها جسده
هارى: لا تقلقى ففريقنا مدرب وذو خبره عاليه.
صفيه: حسنا لكنى سأتى معكم والمشفى
هارى: لما !؟ فهذا ليس تخصصك
صفيه: اى شئ له علاقة بالذئب فهو يخصنى.
وبعد اكتر من ساعتين كانت صفيه بتتكلم بصوت عالى وغاضب: كيف ؟ مرت ساعين كاملتين ولم يفق حتى الأن ؟
دكتورچورچ: اهدئى دكتوره الامر بسيط
صفيه بنفس الغضب: تقول بسيط الحاله تحت تأثير المخدر من اكثر من ساعتين ولم يفق حتى الان وتقول بسيط لقد اعطيتوه كميه كبيره جدا قد لا يتحملها جسده انتوا تعرضوه للخطر
دكتور هارى: اهدأى دكتوره لقد بدأ يفق الذئب
جريت بسرعه تتابع على الشاشات كان الذئب بيفتح عيونه ويقفلها وبعدها حاول الحركة لكنه كان بيتطوح بصوره شديدة وواضح انه دايخ أوى
كان العلماء بيتابعوا على الشاشات وهما بيضحكوا على حركاته الغير ثابته فبصت لهم صفيه بغضب وقالت: لا اظن في الامر شئ يضحك.(( فسكت العلماء بخجل))
صفيه: الامر ليس طبيعيا انظر معى دكتور هارى
طاهر: فعلا يا صفيه حركاته مش طبيعيه وواضح انه دايخ وممكن يأذى الديب نفسه وهو مش حاسس.
خافت صفيه وجريت بسرعه لغرفة الملاحظه شافها الديب فحاول يهاجمها.لأنه مش شايفها كويس.لكنه كان ضعيف.فقربت منه صفيه بهدوء وقالت: أنا يا خالد ماتخافش انا معاك
هدء الديب لما سمع صوتها لكنه كان بيتطوح فقربت منه ومسحت على راسه زى ما اتعود منها وبعدها قعدت على الأرض وحطت راسه على رجلها. وبدأت تكلمه بهدوء: معلش يا حبيبي انا عارفه انك دايخ بس معلش شويه وهتبقى بخير.فرفع راسه لها.وهو بيحاول يشوفها كويس.
صفيه: تعرف بابا هيفرح اوى لما يشوفك.بابا بابا تعرفه ..طيب تفتكره..استنى كده هاوريك صورته وخرجت المحمول من جيبها وفتحت على الصور وبدأت تفرجه: ده بابا ودول اخواتى أقصد اخواتنا ده شوقى الصغير..ودى كريمه..ودول أولادها محمد وعلى ودول بناتى: توأم حور ونور والاتنين هيجننونى كان الديب بيسمع لها وبيشوف الصور لحد ما راح في النوم.حطت راسه على الأرض وغطته وبعدها خرجت.ولما رجعت غرفة المراقبه لقت الفريق الأجنبي بيصقف لها ودكتور هارى بيقول: رائع دكتوره كيف صنعتى حبل تواصل مع الذئب.
سابتهم صفيه من غير ما تجاوب .
&&&&&&&&&&&&&&&&&&&
دكتور هارى بغضب: هذا ليس طبيعيا دكتور سعيد
سعيد: ما الأمر دكتور هاري
دكتور هارى: صفيه تفسد علينا كل تقدمنا وتعطلنا عن عملنا.
دكتور سعيد: الأمر حساس بالنسبه لها لانها تظن انه أخيها.
دكتور هارى: لكنها تتدخل فيما لا يعنيها وهذا لا يناسبنا فلو سمحت اطلب منها أن تتوقف لان الامر اصبح شديد الازعاج بالنسبة لنا.
دكتور سعيد : اعتذر دكتور هارى وسأنبهها على هذه الملاحظه..
&&&&&&&&&&&&&&&&&
رجعت صفيه من مأمورية وكلها بها دكتور سعيد لجمعية الرفق بالحيوان.وهناك اكتشفت انها مأمورية ساذجة جدا ومفيش اى داعى انها تروح اساسا لك.وبالرغم من أنه أعطاها باقي اليوم اجازه إلا إنها حست بوجع في قلبها فقررت انها ترجع تطمن على اخوها وبعدها تروح بيتها.وفعلا دخلت المركز وهى في الطريق سمعت صوت عواء أخوها فأسرعت ودخلت وهناك شافت منظر عصر قلبها وحطمه .
كان الديب مربوط بسلسله في عنقه وقمع وبلاستيكى محاوط راسه عشان ما يعرفش يأذى حد وفيه واحد ماسكها واتنين من العلماء عنده واحد ماسك كوبايه ميه والتانى ماسك الطبق البلاستيكى اللى بيشرب منه وكل ما يحاول يقرب من الطبق يصعقه الدكتور هاري بجهاز يشبه الصاعق
صرخت في وشهم: بتعملوا ايه في اخويا
دكتور روبرت: اهدأى دكتوره صفيه فنحن نعلمه السلوك الادمى.بان يخاف من الطبق البلاستيكى ويلجأ للكوب
صفيه بزهول: بتكهربوه عشان يتعلم السلوك الأدمى.ان شالله ماتعلم
دكتور هارى: لا افهمك دكتوره لكننا احرزنا تقدم مزهل فلو سمحتى اخرجى حتى
زقته صفيه بعنف بعد ما سحبت منه الصاعق وبعدها صرخت فيهم: هل تعلمه الانسانيه ام الخضوع للذل والمهانه تضع في عنقه طوق قمع مثل الحيوانات وتقول إنسانية
دكتور جورج: انه يهاجم ما
صفيه بصريخ: لأنه يخاف منكم يتصرف بسلوك حيوانى فأين سلوككم الانسانى.تهين كرامته وتقول تقدم حلو هذا الطوق من عنقه.
وانت دكتور هارى تصعقه هل تصعق الحيوانات عندكم حتى تصعق الإنسان
دكتور هارى: بتبرير انه تيار كهربائي قليل ولا يؤذى جسد الحيوان
صفيه بذهول: لكن امامك انسان ايه العالم الاعمى اخرج من هنا انت وفريقك الفاشل وإلا صعقتك انت وهم .
وبدات في طردهم من الغرفه وبسرعه فكت السلسه من على رقبته فأسرع الذئب لطبق الماء واستمر يشرب بشده فبكت صفيه عليه وقالت: حارمينه من الميه ربنا ينتقم لى منكم.
&&&&&&&&&&&&&&
دكتور سعيد: صفيه الدكتور هارى بيشتكى منك عملتى ايه
صفيه بنفس الغضب: ماعملتش حاجه انا قلت من الاول انى مش هسمح لاى حد أنه يسيئ لاخويا
دكتور سعيد: يادى اخوكى اللى وجعتى دماغى به حصل إيه ؟
صفيه بغضب: هما دكاترة على راسى من فوق لكن يلبسوا اخويا طوق في رقابته وقمع لأ وألف لأ اخويا مش حيوان عشان يلبس طوق ومش مسعور عشان يحطوه له قمع.
دكتور سعيد: ما أمر هل وضعتم طوق على عنق الذئب
دكتور هارى: تعلم انه متوحش ومفترس قد يقتلنا كما قتل اثنين من قبل وما فعلته كان لحمايتنا انا وفريقى
صفيه بصراخ: اخى ليس قاتل يا دكتور
دكتور سعيد: اهدى يا صفيه بالرغم من أن تصرفهم غلط بس معذورين الديب مفترس وممكن فعلا يقت،لهم زى ما قت,ل احمد ومازن
صفيه: اخويا مش قاتل ومفيش دليل واحد انه قتلهم وحتى ولو هو الاسد اللى قتل مدربه في السرك حققوا معاه ولا الفيل اللى دهس صاحبه في الهند كانوا حاكموه دول حيوانات
دكتور سعيد: دلوقتي بقى اخوكى حيوان
صفيه: اخويا سلوكه حيوان لانه مايعرفش غيره لكنه انسان ويتعامل كإنسان مادام بينا ولو عايزين تحاسبوه على افعاله ابقوا علموه الصح من الخطأ وبعد ما يعرفهم بجد ابقوا حاسبوه.
وبعدها قالت بالانجليزيه: ده ضد الإنسانية يا دكتور اخى ليس حيوان حتى تعامله كحيوان
&&&-&&&&&&&&&-&-&&&&&&
دخل شاب في اواخر العشرينات وبيسند في ايده راجل كبير في السن.
رجب: وانا فين فين يا شوقي ؟
شوقى: عند صفيه يا بابا طلبت انك تروح عندها في الشغل
سكت الرجل ومشى شويه وبعدها سأله: انا فين يا شوقي.
رد شوقى برحمه على حال والده: عند صفيه يا بابا فاكرها ((فكر الاب شويه وقال: صفيه بنتى فين هو احنا فين يا شوقي.
شوقى: خلاص وصلنا صفيه اهى مستنيه عند المكتب.
صفيه بابتسامة حلوه: أهلا اهلا ببابا منور يا حاج وباست ايده و رأسه.
رجب: انا فين يا صفيه
صفيه: عندى فى الشغل يا بابا
شوقى:يعنى الترحيب كله لبابا وانا لأ
صفيه بحب: إزاى ده انت الحب كله وحشتنى يا شوقي.
شوقى: انتى ليه طلبتى بابا يجى لك الشغل وانتى عارفه حالته.؟
صفيه: غصب عنى والله لو كنت اعرف اجيبه انا كنت جبته بس مستحيل
شوقى بإستفسار: جيبتى مين؟
صفيه: هاحكى لك بعدين انا دلوقتي عايزه بابا وتقدر انت تروح وانا هجيبوا بالليل بعد ما يتعشى معانا.
شوقى: ماشى.خدى بالك منه وأوعى تسيبيه انتى عارفه حالته.
صفيه حاضر مع السلامه انت.
وبعد مامشى اخوها سندت ابوها لحد غرفة الملاحظه وقالت له استنى لحظه.
وبعدها دخلت غرفة المراقبه وشدت كابلات الكهرباء واغلقت كل الشاشات وقالت اصل اللى هيحصل دلوقتي مالوش علاقه بالعلم ولا العلماء بس له علاقه بالإنسانية.وخرجت
واخدت والدها ودخلت على الديب اللى نبح أول ما شاف راجل غريب داخل لكنها قربت منه وقالت: اهدى يا خالد ده بابا
رجب: مين ده يا صفيه ؟
صفيه: ده خالد اخويا يا بابا
بص له الاب بتركيز وقرب منه خافت صفيه على والدها ليعضه الديب لكن الديب كان في حاله سكون غريب لما قرب منه الراجل مد رجب ايديه المرتعشه لمس شعر الديب ووشه
وكأنه بيستكشفه فغمض الديب عيونه وبعدها قال.مين ده يا صفيه ؟
صفيه بصوت مرتعش وعيونها مليانه بالدموع: ده أخويا اللى اخده السيل ربنا رجعه لنا يابابا.
سحب رجب الديب وأخده في حضنه ولأول مره يشعر الديب بمعنى حضن انسان.فمهما كان الحيوان متوحش إلا ان لمسه الرحمه بتأثر فيه.
كانت صفيه خايفه بجد وحاسه بالندم انها جابت والدها عند الديب لكن ندمها اتبخر بعد لحظه.مسك رجب وش الديب بين ايديه وقال: مين ده يا صفيه ؟
صفيه: ده خالد اخويا ابنك يا بابا
وبعدها سندت ابوها لحد ما خرجوا من الغرفه وهناك لقت مهاب كان غاضب جدا: انتى بجد اتجننتى وعقلك راح منك الأجانب كان عندهم حق لما قالوا انك مجنونه
صفيه ،: ليه كنت عملت ايه يعنى ؟
مهاب: انتى مش عارفه عملتى ايه بقى تجيبى ابوكى هنا عند الديب مش خايفه ليعضه ولا يموته
صفيه: اب وجه يشوف ابنه ايه اللى حصل جريمه حصلت يعنى
مهاب: انتى الكلام معاكى ضايع اب ايه وابن ايه هو والدك في حالته دى عارفك عشان يعرف ابنه ده لو كان ابنه
صفيه: قلت لك اخويا وانا عارفاه
مهاب: ده مش فاكرنى هيفتكر ابنه اللى مات من ٣٠ سنه وبعدين بتخاطرى بأبوكى عشان تثبتى ايه.
صفيه: انا ما بثبتش حاجه خالد اتعرض لاسوء معامله النهارده فكان لازم أجيب له حد يحس بحبه بجد ومفيش حد هيحبه اكتر من أبوه.
مهاب: لا اله الا الله وياترى حس الديب بأبوه ولا الأب حس بإبنه ولا انتى يتوهمى نفسك
صفيه: طب تصدق والله ما هجاوب على سؤالك وانا هاخد بابا أروحه
رجب: انا فين يا صفيه ؟
مسكه مهاب وقاله: تعال معايا يا عمى عشان نروح سوا
&&&&&&&&&&&&&&&ــ
في اليوم التالي دخلت صفيه المركز وقبل ماتدخل غرفة الملاحظه لقت الدكتور هارى بيمنعها من الدخول وقال: دكتوره صفيه انا أنحيك من عملك معنا.
صفيه بتإيه انت بتنحينى انا مش من حقك.
دكتور سعيد: لأ من حقه لأن انا بصفتى مدير المركز بأعفيك من المشاركه معاهم في أبحاثهم اللى لها علاقه بالديب.
صفيه: مش من حقك
دكتور سعيد: ده من صميم حقى.
صفيه بغضب: ده اخويا ومش هسمح لحد انه يبعدنى عنه
مهاب: لأ يا صفيه مش أخوكى
صفيه بغضب: تقصد ايه بمش اخويا
مهاب: دى ننيجه تحليل الDNAاللى بتأكد ان الديب مش أخوكى
&&&&&&&&&&&&&&&&&&&
