رواية قتل عروس الفصل السابع بقلم جمانه السعيدي
حميد بعتقاده اخته جابلته العار
اي جابتله العار شلون تطلع وواحد يشوفها ويجي يتقدملها
لا وجايب شيوخ عشائر العراق كله
حتى عدنان مايستاهلها لان مو سيد
العلويه اذا اخذت واحد مو سيد يعني جريمه بحق الساده
يعني هو بعد مراح يكدر يرفع عينه بلناس
يعني هو عار على الساده
مالتزم بلقوانين الي ابو واجداده كانو ماشين عليها
صدكو لو المسدس بي عشرين طلقه جان كلهن فرغهن عليها
بس المسدس ماكان بي غير سبع طلقات
بقا يضرب عليها طلقات لمن المسدس خلص طلق
وشافها سابحه بدمها اتأكد هي ماتت
قرر يسلم نفسه باعتبار هو غسل عاره بايده
عنده تموت ولا تزوج عدنان
من اللحظه الي انفرض علي يوافق على هاي الزواجه
هو قرر يقتلها لان برائيه هاي الزواجه مراح تخلص اله اذا قتل ليلى
هيج حميد راح يكدر يرفع راسه كدام الناس
مثل الي اخته تخطئ يقتلها حتى يتخلص من عارها
حميد قتل ليلى حتى يتخلص من عارها للابد
احنا بلمنطقه كنا متعجبين بلمشيه الي جابها عدنان
ماشايفين هيج مشيه كل عمرنا
الشوارع انسدت بلسيارات والكل جان يكول هاي مشية اخت سيد حميد
يكولون هذا الي خطبها يحبها وذابح نفسه عليها
هاي عاشر مره يمشي عليها واخوها يرفض
جمانه السعيدي
الناس كلها اسبشرت خير من المشيه طلعت من بيت حميد
حميد وافق وهذا الي يحب ليلى راح ياخذها
هذا كان الحديث بلشارع بذيج اللحضه
ماكو بس طلعت السيارات من الشارع سمعنا صوت
طلق ناري الطلق كان هواي
الكل كال سبع طلقات وبعدين بدا الصريخ بصوت عالي
الصوت طالع من بيت سيد حميد
الناس كلها ركضت عليهم النسوان دخلن
لكن ليلى سابحه بدمها وامها تعيط ماتت بنتي ماتت
الناس الخيره نقلوها للمستشفى لان هاي الجثه لازم
يتم فحصها داخل المستشفى والتأكد من وفاتها
نقلوها للمستشفى والكل يكول الله يرحمها
شكد شريفه ومحد شايف طولها
ليش اخوها يقتلها بيوم مهرها
دخلوها للمستشفى حتى الدكتور يشوفها ويكتب تقرير الوفاة
لكن رحمة رب العالمين جانت حاضره بذاك الوقت
مجرد ما فحصه الدكتور لكا عدها نبض
راسا دخلوها غرفة العمليات
بس شنو يعني ماكو امل اكيد سبع طلقات مو شويه
الإنسان يموت من طلقه وحده
شلون لو كانن سبع طلقات
استمرت العمليه اربع ساعات وهمه يحاولون يطلعون الرصاص الي ترس جسمها
كانت محتاجه نقل دم الجوارين ما قصرو
اكثر من واحد اتبرعلها بدم
جمانه السعيدي
واحد من الجوارين ترك ليلى بلمستشفى وراح
العدنان حتى يبلغه ليلى انقتلت وهي حاليا بلمستشفى
بيت الحياة والموت
....انت عدنان
....اي اني عدنان
... اني جاي اكولك ليلى انقتلت اخوها قتلها مجرد ماطلعتو من البيت
عدنان ترك كلشي واجا بسيارته حتى يتاكد من وضعها
معقوله لمن صارت زوجته وتحت اسمه تموت
معقوله هو يكون سبب موت ليلى
شلون حميد انطا كلبه يقتل اخته
بقا عدنا واكف برا ينتضر رحمة الله
كان حاسس بلذنب اتجاه ليلى اكيد هو السبب
بمقتل هاي المسكينه
وامها كاعده تبجي خسرت بتها وابنها بنفس الوقت
البنيه ماتت وابنها انسجن
بعد اربع ساعات طلع الدكتور
عدنان...دكتور فدوه الكلبك طمني
الدكتور...حالتها حرجه ننتضر ٧٢ ساعه يله نكدر نطمن عليها لان نزفت دم هواي
كعد عدنان بلكاع وهو منهار
ساعه يكول اني قتلتها ساعه يكول لو ماخذها وياي
بنفس اللحظه الي عقدنا بيها
مجان ماتت اني اعرف اخوها انسان مريض
ما يفتهم شلون عفتها وطلعت
اني كل السبب مني اني اذا ماتت ليلى خطيتها بركبتي
طبعا الكل كان منتضر خبر وفاتها
لان سبع طلقات مو شي قليل شلون راح تطلع سالمه
اكيد محتاجه معجزه
ام ليلى....كله بسببك اذا ماتت بنتي انت السبب
الف مره كلنالك هاي الزواجه ماتصير
اخوها مايقبل اني راح اخسر بنتي وابني وانت السبب
عدنان....لا مو اني السبب حميد وعقليته المتخلفه هي السبب ابنيه اجت قسمتها عوفها تزوج
بعدين اكو واحديقتل اخته
امي....انت دمرت عائله كامله روح الله لا يسامحك
عدنان قرر يسكت لان يعرف هاي ام وكلبها محترك
بقه كاعد ويدعي رب العالمين ينجي هاي المسكينه
الكل راح اله امها وعدنان باقين كاعدين باب الغرفه
الدكتور نقلها للعنايه المركزه
ممنوع اي احد يدخل عليها
بلاضافه الشرطه دزو ثنيين حرس يوكفون بلباب
بعد مااخوها اعترف هو الي قتلها
ممنوع احد يدخل عليها غير الدكتور والممرضات
ابو عدنان...دز علي واحد حتى يرجع للبيت
عدنان...ماارجع اله زوجتي تطلع سالمه مستحيل اعوفها هنا وحدها
خاف حميد يدز احد يقتلها
كانت الايام تمر بطيئه وعدنان ترك كلشي وصار مقيم بلمستشفى هو وامها
منتضربن رحمة الله جمانه السعيدي
رب العالمين جان اله رائي ثاني بهذا الموضوع
الموت مو بكيف حميد
الموت بيد رب العاامين هو يقرر منو يموت ومنو يبقى عايش
حميد يريد يمشي الناس بكيفه
بس رحمة رب العالمين جبيره وليلى مسكينه
لا حول ولا قوه
بدت حالة ليلى شويه تتحسن تحت عناية مركزه من المستشفى
بس ممنوع احد يدخل عليها
بعد مرور ٧٢ ساعه ليلى عبرت مرحلة الخطر
بس مراح تطلع من المستشفى لان محتاجه عنايه وعلاج
اما حميد بقا بلسجن بس منتضرين يتأكدون من حالة
ليلى حتى يحكمون علي
عدنان كاعد باب الغرفه والشرطه بعدهم بنفس مكانهم
حتى يحافظون على ليلى
بعد ٣ ايام سمحو الامها فقط تدخل تطمن عليها
على شرط تكون المعاينه عشر دقايق فقط حتى لا تأثر عليها نفسيا وجسديا
عدنان لمن اطمن على حالتها وهي عبرت مرحلة الخطر
رجع للبيت سبح وغير ملابسه
ام عدنان....يمه خلاص مادام صارت زينه عوفها
عدنان...من جانت بيت اهلها ماعفتها اعوفها هسه لمن صارت زوجتي بعدين كل الي صار وياها اني السبب بي
حضري مكان بس تطلع اجيبها هنا بيتنا
بعد ماترجع بيت اخوها ابد
رجع عدنان للمستشفى حتى يطمن على ليلى ويبقى وياها
بعد ليلى صارت من مسؤليته مالها احد غيره
مايكدر يعوفها وحدها
خلص اول اسبوع وليلى بلمستشفى
وضعها شويه احسن
تكدر تحجي وتعرف اي واحد يجيها بس الحركه صعبه
عليها
بسبب كم الطلقات الي انضربت بجسمها
جمانه السعيدي
عدنان بعد اسبوع كامل وهو واكف باب الغرفه
كدر يستأذن من الدكتور حتى يدخل عليها يشوفها
بصفته زوجها
هذا كان اللقاء الأول بينهم بعد زواجهم
دخل للغرفه وعيونه كلها لهفه حتى يشوفها
عدنان....قربت عليها اباوع وجها الحلو صاير اصفر
هلكد مانزفت دم
عدنان...شلونج شلون صرتي
ليلى....بصوت ضعيف الحمد لله احسن
عدنان...شفتي حتى الموت مايكدر على حبنا احنا انتصرنا على الموت
ليلى...اني مامصدكه بعدني عايشه كلما افتح عيوني
اتوقع اني ميته
عدنان...حتى الموت مايكدر يقرب عليج واني موجود
حبيبتي الحمد لله اجيت اتخبل عليج
شلون بيوم زواجنا تموتين
بس الذنب ذنبي لو ماخذج وياي مجان حميد كدر يقرب عليج
ليلى...اني كنت خايفه من البدايه
عرفته اذا وافق راح توكع مصيبه على راسي
عدنان....شلون متحمله وعايشه ويااا
هذا مجنون ابد ماعنده عقل
ليلى...حابسني بلبيت وقافل عليه بلمفتاح وبعده يشك بيه
يكول وين تشوفين عدنان
عدنان....خلاص لا تفكرين بعد ماكو رجعه للبيت اهلج
راح نطلع كبل البيتنا بس انتي تصيرين شويه احسن
ليلى...الله كريم بس اخلص من هذا الالم
عدنان...دنكت عليها بستها براسها وطمنتها وطلعت
لان ممنوع الكلام بكثره يااذيها
شكرا لزيارتكم عالم روايات سكيرهوم
