رواية غموض الحب عائلة الرفاعى الفصل الثانى و السبعون بقلم لولا
سيف تنهد بوجع وتابع هل مده المهمه معلومه ??
عبد العزيز لا للاسف بس الاكيد انها شهور فعايزك تشبع من اهلك الكام يوم دول وتجمد وتقوي قلبك ياسيف علشان الله اعلم هترجع امتى
سيف تنهد بعمق وتابع تمام يا فندم تحت امرك
عبد العزيز بابتسامه يلا باي
سيف باي وتنهد بعمق فجاتله زينب وتابعت بستغراب ايه يحبيبي في ايه حد قالك حاجه ضايقتك ??
سيف بابتسامه ابداا ده واحد صاحبي بيعزمني على فرحه فاعتذرت منه لاني هكون سافرت بس
زينب بابتسامه اه يعمري تتعوض في البيبي باذن الله متزعلش نفسك
سيف بحب يارب يحبيبتي
زينب بحماس تعالى بقى علشان انت واحشتني والبت امنيه والجيش خدوك مني ومش عارفه اتلم عليك وعايزه احكيلك بقيت شاطره في الرز بلبن ازاي
سيف بضحك يخراابي على الشطاره يانااس وبعدين انا محدش يقدر ياخدني منك يا زوزتي ده انتي بنتي الاولى
زينب حضنته وتابعت قلب بنتك والله ويارب ينورعيني يكرمك ببنوته وينولك اللي في بالك يارب
سيف بحب اللهم امين يارب وضحك وتابع بس ده علشان احقق اللي بتمناه ولا علشان عايزه عروسه لابنك
زينب فضلت تضحك وتابعت الاتنين بصراحه
سيف بضحك بنت كلب والله طب ايه رايك هرفضه
زينب شهقت وتابعت بضحك اخص عليك يا سيف يهون عليك ابني تنزله من بيتك مكسور الخاطر
سيف بضحك لا يعمري ازاي مقدرش
وفضلوا يتكلموا واحمد كان بيرقص مع صحابه وشهد مع صحابها ومبسوطين جداا وامنيه واقفه بحسام بتتفرج عليهم فتابعت نرمين بحب اهي استني اوريهالك تعالي يا امنيه
امنيه بصتلها وتابعت بستغراب ايه يا ماما
نرمين بحب تعالي طنط عفاف صاحبتي من مصر جات وعايزه تتعرف عليكي
امنيه راحت معاها وتابعت بابتسامه اهلا وسهلا
عفاف باعجاب وابتسامه بسم الله ما شاء الله يازين ما اختارتوا يا ام سيف ايه الحلاوه دي
امنيه بضحك حبيبتي بجد تسلميلي يا طنط
نرمين بضحك شوفتي قولتلك مرات ابني ملكه جمال وزي القمر
عفاف بضحك لا حقك ودي بيسيبها ويسافر ازاي دي
نرمين وامنيه ضحكوا فتابعت امنيه بضحك شوفتي معندوش قلب
عفاف بضحك ده حقيقي يلا شدي حيلك كده والحقيه قبل مايسافر وفرحينا بعوضكم
نرمين بضحك ما حاامل ياعفاف اسم الله عليكي ياما منا قيلالك انها حامل دي داخله في اول التالت اهو
عفاف بضحك والنبي صحيح حامل ??
امنيه بابتسامه اه الحمدلله
عفاف بضحك ده انا نسيت خالص والله الف الف مبرووك يابنتي والله
امنيه بحب الله يبارك فيكي يارب يحبيبتي
عفاف بضحك هتطلع بت طلما حامل ومش باين عليكي ومحلويه كدده
امنيه بضحك يارب بجد اتمنى
عفاف بحب يارب يديكي اللي تتمنيه يعمري وابن مين السكر القمر ده صحيح
نرمين بضحك حفيدي ياختي ابن زينب
عفاف بضحك وفرح : لا بجد ده ابن زينب ده الله اكبر عليك يابني وريني اشوفه بسم الله وشالته من امنيه وابتسمت بفرح وتابعت يخراشي علي السكر ايه الحلويات دي الواد بسم الله ما شاء الله زي القمر وزينب جميله طبعا بس مش شبهاا خالص معرفتوش
نرمين بضحك هو شبه ابوه فعلا مش شبها هي خالص
عفاف بضحك وياختي بنتك متجوزه راجل قمر كده ??
نرمين بضحك اه ياختي ومتتجوزش ليه دي زوزا ست البنات تعالي اوريهولك
عفاف بضحك وحرج : بس يانرمين ميصحش يقول ايه
نرمين بضحك تعالي بس ده عمر ده ابني وراحت عند عمر وتابعت بابتسامه عمر سلم على طنط عفاف صاحبه قديمه ليا جايلنا زياره من مصر
عمر قام وقف وتابع بابتسامه اهلا وسهلا يا امي نورتي الصعيد كلها والله
عفاف بضحك منوره ب ناسها يحبيبي ايه الحلاوه دي ده ابنك شبهك صحيح
عمر بضحك تسلمي يا امي والله
عفاف بضحك لا عرفتي تنقي لعيالك يا نرمين سواء عمر ولا امنيه الاتنين جمال واخلاق بجد
امنيه بضحك يحبيبتي ربنا ميحرمناش منك
عمر بضحك تسلمي يا ست الكل والله
عفاف بابتسامه ايه ياختي الرجاله الحلوه اللي طالعه من التلفزيون دي
كلهم فضلوا يضحكوا فتابعت نرمين بضحك شوفتي كاريزما زي سيف اهو علشان زوزا قالت مش هتجوز الا حد زي سيف
عفاف بابتسامه سيف ده امير والله والحمدلله جالها حد زيه صحيح وبجد الاتنين قمراات وانتي عارفه من زمان ان انا لو كان عندي بت مكنتش سبت سيف ده خاالص وامنيه بصتلها بذهول فعفاف ضحكت بشده وتابعت اقصد قبل مانتي تيجي طبعاا انما هو قسمتك ونصيبك محدش يقدر يعترض
امنيه بضحك ايه يا طنط ده انا حبيتك مش كده
عفاف بضحك وانا والله حبيتك بهزر عيب عليكي ربنا يديمكم لبعض يارب يحبيبتي وبصت لنرمين وتابعت بحب ربنا يحفظهوملك يارب يا نرمين وتفرحي بعيالهم
نرمين بحب يارب يحبيبتي اللهم امين
حسام كان باصص على عمر ومركز معاه وهو بيتكلم مع عفاف اوي
فامنيه ضحكت وتابعت يغوتي ياناااس على العسل كلم يا بابا وشاورت لعمر
عمر بص لحسام فرح جدا لما لقاه مركز عليه وفضل يضحك وتابع قلب ونورعين وحياه باابا انت وشاله من عفاف وفضل يبوس خده
عفاف بحب شد حيلك وخاويه بقى عايزين بنوته كده معااه
عمر بضحك يعني امه تقتلنا لو سمعتك
عفاف بضحك ليه ان شاء الله فينها القرشاانه دي وانا هقنعهاا تجيبهم ورا بعض وترتاح مره واحده ودي زيها زي امنيه الحزينه هتبعدوا عنهم فتستغل الوقت
امنيه بضحك يا طنط متفكرنيش بقي يووه
عفاف بضحك حاضر ياقلب طنط هنضحك عليكي ده لو كان ينفع كنت قولتلك خدي عيل كمان جنب اللي في بطنك واكسبي وقت
كلهم فضلوا يضحكوا فتابعت امنيه بضحك انتي ليه محسساني اني اتوبيس مش انسانه اخده جنبه فين يعني
عفاف بضحك ماهو مش هينفع يحزينه للاسف فينها زينب بقى
عمر بضحك هناك اهي قاعده مع سيف بيحبوا في بعض
امنيه بضحك احنا بنتخاان وعيني عينك وفي عز الضهر الساعه 2 اهو
عمر بضحك حصل بجحين اوي ياشيخه
عفاف بضحك انا هروح اشوفهم تعالوا معايا واحشوني ولاد الجزمه
عمر بضحك يلا
امنيه حست بدوخه بس ابتسمت وتابعت طب رايحه الحمام وجيالكم تاني
نرمين بحب روحي يحبيبتي ومشيوا وامنيه طلعت شقه الجد كانت مفتوحه ومنصور قاعد مع العمده بيتكلموا فخبطت ودخلت بسرعه جري على الحمام وشغلت الحنفيه وفضلت تستفرغ
منصور وهو بيتنسد على عكازه تابع بقلق معلش ياعمده حجك عليا هجوم اشوفها وچايلك تاني
العمده بتفهم : لا روح روح طبعا يا منصور دي مرت حفيدك ميصحش بردو
منصور بابتسامه تسلم يا كبيرنا ومشي ناحيه الحمام وتابع بخوف وهو بيخبط: امنيه .. انتي سمعاني يابنتي ?? امنيه انتي كويسه
امنيه بتعب اه يا جدو كويسه وفتحت وتابعت بارهاق متخافش علياا مفيش حاجه وحست بقرف فرجعت تستفرغ تاني
منصور بخوف لا يابنتي مخافش ازاي بس ده انتي شكلك لوحده بيتكلم انا هروح انادي جوزك
امنيه بقلق لالا ياجدو ارجوك متقلقهوش على الفاضي انا كويسه والله بس طبيعي اللي انا فيه ده علشان حامل متقلقش عليا
منصور بحزن ربنا يقويكي يابنتي ويسندك والله لسه قايل لستك صافيه امبارح واحنا بنتكلم البت امنيه دي هي اللي صعبانه علياا حملها واعر اوي
امنيه ابتسمت بتعب وتابعت هعمل ايه بقى يا جدو الحمدلله على كل حال وضحكت بتعب وتابعت مش بجيب لابنك حفيد علشان متقولوش العيب مني
منصور بضحك قطع لسانه اللي يقول عنك كده ده انتي بطله وربنا بيحبك انك متجوزه سيف وحملتي والله
امنيه فضلت تضحك وتابعت علشان بيسافر صح
منصور بضحك اه هو ده حد بيشوفه وابتسم وتابع بس خدتي زين الرجال والله يابنتي
امنيه بحب عارفه والله ربنا ميحرمنيش منه ابدا
منصور بحب اللهم امين يارب وضحك وتابع ويهدي ابن الكلب اللي مغلبنا من قبل مايجي ده
امنيه بضحك يارب ياجدو والله يلا هنزل انا عايز حاجه ??
منصور بحب سلامتك يابنتي اظبطي طرحتك بس علشان الحيوان ميصدعناش وصوتكم يجيب اخر الصعيد
امنيه فضلت تضحك وتابعت حاضر من عيني
وطلع منصور وكان محمود حفيد العمده والوسطاني جيه وعنده 25 سنه وقاعد مع جده وبيتكلموا فقعد منصور معاهم وتابع بابتسامه يا اهلا وسهلا يا محمود يا ابني نورت مصر والصعيد كلها
محمود بابتسامه منوره باهلها يا غالي انا والله لسه راچع من لندن على الفچر ولما چدي جالي ان احمد هيكتب جولت اچي ابارك بنفسي
منصور بابتسامه فيك الخير يابني والله
وطلعت امنيه وتابعت بابتسامه ظبطنا الطرحه اهو يا جدو انزل بقى
منصور بابتسامه روحي يقلب جدك وخلي بالك وانتي نازله بس
امنيه بحب عيوني وخرجت ومحمود من لحظه ماشافها عينيها عليها معجب بيهاا جدا وسرح
عند امنيه على السلم كانت نازله وسيف طالع فابتسمت بحب وتابعت حبيب قلبي رايح فين
سيف ضحك وتابع بالله بعشق حياتي لما تكوني رايقه وشدها ليه وتابع بحب رايح اجيب كانز من شقه جدي ونازل كنتي فين انتي فضلت ادور عليكي
امنيه حطت واحده من ايديه على بطنها وتابعت بضيق اسال المصيبه اللي هببتها بيعمل فيا ايه
سيف فضل يضحك وتابع كنتي بترجعي صح ?? انا قولت لامي كده والله
امنيه بضيق اه نقول ايه في ابنك بقى
سيف فضل يضحك وتابع ابن سيف الرفاعي يعمل اللي هو عايزه يابت وشد وسطها ليه وتابع بحب وهيام وبعدين ايه المصيبه اللي هببتها دي !! دي جمله تتقال !! وغمز وتابع ما هو كله بمزاجك هنمثل
امنيه فضلت تضحك وتابعت بالله متربتش انا عارفه
سيف بضحك طب بما اني متربتش هاتي بوسه على السريع بقى ورايح يقرب فامنيه بعدت بوشها وتابعت بضحك بس بس انت بتعمل ايه سيف اتلم
سيف بضحك مبهزرش بجد هاتي بوسه واخلصي
امنيه بضحك انت بتهزر على السلم !! ولما حد يشوفنا يعني
سيف بضحك ما اللي يشوف يشوف مراتي ومحدش ليه حاجه عندي
امنيه بضحك لا عشان خاطري اتربى وانا والله هعوضهالك بالليل
سيف بضحك وحياه سيف ??
امنيه بضحك وحياه سيف
سيف بضحك خلاص اتفقنا هطلع انا اجيب الحاجه الساقعه ونازل
امنيه باشتهاء : في فوق سڤن ??
سيف برفعه حاجب اه في ومش هتشربي اي مشروبات غازيه فريحي نفسك
امنيه وهي بتطبطب على صدرها تابعت بحزن علشان خاطري يا سيف نفسي فيه بجد
سيف باس جبينها وتابع بحب خاطرك غالي عليا والله يا قلب سيف بس صحتك اهم حاجه في الدنيا فعلشان خاطري انتي بلاش هو مش افضل حاجه ليكي العصاير الطبيعيه احلى بكتيير فزقي معايا الكام شهر دول يا امنيه عشان خاطري
امنيه نفخت بضيق وتابعت بحزن حاضر
سيف بابتسامه برافو عليكي يحبيبي وتعبانه ولا بقيتي احسن بعد ما رجعتي ??
امنيه ابتسمت بحب وتابعت الحمد لله بقيت احسن
سيف بحب الحمد لله طب لو مش هتعبك يحبيبي معلش ممكن تعمليلي كوبايه قهوه في شقه جدي علشان حقيقي دماغي مصدعه ومش قادر متطلعيش فوق مش لسه هتطلعي
امنيه بحب ده انا عيوني ليك يعمري والله حاضر هعملهالك
سيف بحب تسلم عيونك يحبيبتي
وطلعت امنيه تاني فتابع منصور باستغراب الله طلعتي تاني ليه تعبانه ??
امنيه بحب لا يجدو متقلقش هعمل لسيف كوبايه قهوه
منصور بحب ماشي يحبيبتي
محمود بابتسامه ممكن انا كمان واحده معاكي
امنيه بابتسامه طبعا تحت امرك بتشربها ازاي
محمود بابتسامه مظبوط
امنيه بابتسامه تمام حاضر عيوني ودخلت فهمس محمود تسلم عيونك ودخل سيف و هو بيتشات في الفون و تابع ايه يا عمده ازيك وازيك يا محمود
العمده بابتسامه الحمد لله يابني والله بخير
محمود بابتسامه الحمد لله بخير يا حضره الظابط وبص لمنصور وتابع بابتسامه هي بنت مين في عيالك الانسه اللي دخلت تعمل القهوه دي يا حج لانها بصراحه عجبتني وانا راجل دوغري ومحبش اني اخبي فكنت عاوز اطلبها
منصور اتوتر وبص لسيف وسيف كان اتفاجئ بشده من الكلام لدرجه بطل يكتب في الفون وحطه في جيبه ورفع نظره ليه وتابع برفعه حاجب وبحده: نعم ياروح امك هي مين دي اللي عجبتك ??
منصور بتوتر بس ياسيف يا ابني ميصحش
سيف بعصبيه ميصحش ايه وزفت ايه انت مش سامع بيقول ايه وراح مسكه من قميصه وتابع بعصبيه هي مين دي اللي عجبتك يااالا ده انت هيطلع عين اهلك انهاارده
محمود بعصبيه في ايه يا سيف ماالك عملتلك ايه انا للاسلوب ده
سيف بعصبيه شديده : لا معملتش يا روح امك كل ما في الحوار ان الانسه اللي عجبتك وعايز تتقدملها دي مراتي وام ابني ايه راايك بقى
محمود بصدمه مراتك !!
العمده بحرج الله يخرب بيتك يا محمود حجك عليا يا سيف ياابني هو كان في لندن ومهيعرفش اي حاچه والله
سيف بعصبيه شديده : يعرف ولا ميعرفش ده واحد دخل بيت وحط عينيه على اهله ودي حاجه تانيه ملهاش علاقه بانه يعرف ولا لا ومش مرات سيف الرفاعي اللي يتقال عنها عجبته هو عبيط في دمااغه ولا ايه
محمود بحده يا عم جولت مكنتش اعرف انها مرتك خلصنا خلاص في ايه
سيف ضربه بالبوكس بقوه فمناخيره وجابت دم ونقطت على الارض وتابع بعصبيه خلصنا خلاص دي عند امك انما متنفعنيش
منصور بقلق خلاص يا ابني عشان خاطري انا كبرني يا سيف عيب اكده جدك واقف
العمده بحرج حجك على راسي انا يا ابني غلط انا عارف
سيف بعصبيه يا عم الحج ده كسر اصولنا اساسا بانه يدخل بيت ويحط عينيه على اهله ويظهر عيشته في لندن نسته يعني ايه راجل صعيدي محترم بس الوساخه اللي اتعلمها هناك دي متنفعش مع اهل بيتي مع احترامي ليك يا جدي بس محمود مهيعتبش بيت الرفاعي تاني واذا كان هو ابن عمده فانا سيف الرفاعي وكلمتي سيف على اي حد
منصور بقلق حاضر يا ابني والله هنعملك اللي انت عايزه بس سيبه عشان خاطري وامنيه طلعت على الصوت وهي ماسكه صينيه عليها كوبايتين القهوه وتابعت بخوف يانهاار اسود ايه ياسيف اللي انت بتعمله ده
سيف بعصبيه شديده اتفضلي اطلعي فوق يا امنيه الله يخليكي دلوقتي
امنيه اتخضت وتابعت بخوف في ايه هو حصل ايه مش فاهمه
سيف بعصبيه قولت اطلعي انتي اتجننتي ووافقه تجادليني ??!!! وبعدين انتي عامله كوبايتين لمين??
امنيه خافت جدا من عصبيته وتابعت بخوف الاستاذ اللي حضرتك ماسكه بتضربه ده هو ده طلب مني
سيف اتعصب جداا وزق محمود في الحيط بعنف وراح ضرب الصنيه من ايديها وقعها اتكسرت فاتخضت وخافت جداا فتابع بعصبيه مفيش زفت ومش بنضايف الاشكال دي ومسك ايديها وطلع على شقتهم
فتابع منصور بحرج انا والله مش عارف اجول ايه يا عمده وبص لمحمود وتابع يعني انت يا ابني ملجيتش الا مرت سيف
العمده بحرج متجولش حاچه يا منصور الغلط چيه من عندنا
محمود بضيق جولت مكنتش اعرف اكيد مش هكون عارف وهتجدملها يعني ونفخ بحزن وضيق شديد وحط ايديه على مناخيره بألم ونزل فتابع العمده بحرج عن اذنك يا منصور وهبجى اجيلك ان شاء الله يوم فرح احمد وشهد
منصور بتنهيده اذنك معاك يا عمده
عند سيف وامنيه سيف كان طلع ودخل شقته ورزع الباب ووقف في الصالون وهو ماسك دراعها وتابع بعصبيه انا عايز افهم بس تعرفي اهله منين ده علشان تعمليله يطفح ???
امنيه بخوف في ايه يا سيف عادي يحبيبي محصلش حاجه لكل ده ضيف عندنا وطلب مني كوبايه قهوه عملتهاله
سيف بعصبيه ماشااالله ما عنه طفح هو مفيش غييرك
امنيه بتوتر طب ممكن تقولي في ايه طيب
سيف بعصبيه في ان الحيوان ابن الكلب ده بصلك وبيقول لجدي الانسه دي بنت مين عايز اتقدملها علشان عجبتني عجبك كددده
امنيه بصدمه يانهار ازرق انت بتهزر صح
سيف بعصبيه امنييه متخلنيش اغيب عليكي وربنا فايق انا للهزار والكلام الفااضي ده
امنيه بتوتر طب حقك عليا خلاص علشان خاطري وبعدين بتتعصب عليا ليه مال امي انااا
سيف غمض عينيه بغضب ورمي دراعها وتابع بعصبيه امنيه سبيني لو سمحتي انا ههدى لوحدي خلاااص
امنيه بحزن يحبيبي والله فاهمه وحقك تزعل حقك عليا بس انا عايزه افهمك اني معملتش حاجه تخليه يلتفت لياا انا طلعت مكنش في حد ولما خرجت مبصتش اصلا على اللي قاعدين ونزلت لما شوفتك
سيف بحده امنيه انا مقولتش انتي عملتي حااجه لفتته وعارف مراتي بتحترمني في غيابي قبل وجودي بس انا غيرتي صعبه حبتين متاخديش عليا وسيبيني دلوقتي وقعد وحط راسه مابين ايديه بعصبيه وضيق
فامنيه وطت على ركبتها قدامه ومسكت واحده ايديه بين ايديها الاتنين وباستها بحب وتابعت حقك عليا انا ياسيدي افرض وشك بقى
سيف غمض بضيق وتابع بحده قولتلك سبيني لوحدي ههدى وانا مغلطكيش في الموضوع كله بس لما اقولك تطلعي فوق يبقى الكلمه تتسمع من اول مره وتطلعي علشان ورحمه اخوياا انا كلمتي لو متسمعتش بعد كده من اول مره همسكك اكسرك خالص
امنيه كانت عايزه تمتص غضبه ومتكبرش المشكله فابتسمت وتابعت حاضر يحبيبي اي اوامر تانيه
سيف استغرب هدوئها وانها متعصبتش وهو هزقها كلعاده وابتسم غصب عنه لانه متوقعش انها تهديه بكلامها ودي مش طبيعه امنيه وتابع تمام خلاص محصلش حاجه
امنيه بضحك شوف يخواتي لما بتضحك بتبقى قمر ازاي ووقفت على ركبتها وباست خده لانه قاعد فشدها ليه وتابع بابتسامه بعدين بنرجع نزعل هاا
امنيه بضحك انا قولتلك بالليل نتلم بقى خلاص ده اتفاق وانا عارفه انك مبترجعش في كلامك
سيف بضحك مين قال كده انا مش فاكر حاجه اصلا
فامنيه ضحكت وقبل ماتتكلم شدها ليه وباسها بحب وايديه على ضهرها بيشد السوسته ببطئ وامنيه فكت اول كام زرار من قميصه والباب خبط فاتنفضوا بعيد عن بعض وسيف غمض عينيه بضيق وتابع حبكت يعني عالم تزهق حقيقي
امنيه قامت وتابعت بضحك ماقولتلك من الصبح مش وقته انت مش مصدقني
سيف نفخ بضيق وقام فتح ونسي خالص ان قميصه مش متظبط حتى امنيه مخادتش بالها وراحت معاه وكانت نرمين اللي بتخبط فتابعت بذهول: ايه يقلب امك انتوا كويسين ??
سيف بستغراب اه كويسين اشمعنا مش فاهم وساب الباب فدخلت وقفلت وتابعت بضحك اصل جدك قالي اطلعي سلكي بين ابنك ومراته علشان البيت قام حريقه بسبب حفيد العمده وطالعه اجري اسلك بس واضح ان الدنيا سالكه لوحدها وفضلت تضحك
امنيه اتحرجت فتابع سيف بضحك مالك يا ست الكل مش مرتاحلك انتي بتلمحي على ايه
نرمين بضحك لا ابدا ياقلب امك ولا حاجه المهم اتصالحتوا مش كده
سيف بضحك لا مش اوي الواد ده معصبني بجد
نرمين بضحك اومال لو اوي كنت عملت ايه هاا
امنيه بحرج سيبك منه يا ماما ويلا احنا ننزل
سيف برفعه حاجب هو ايه اللي سيبك منه يا ماما دي يابنت الجزمه اتجننتي ولا ايه ??
نرمين بضحك ماحقها صحيح يعني بعد كل ده واقولك اتصالحت تقول مش اوي هو ده اسمه كلام
سيف بضحك ليه ان شاء الله وفيها ايه لما اقول كده
نرمين بضحك وغمز ياواد اشحال مش طالعلي ونص زرايرك مفتوحه كنت قولت ايه
سيف بص على نفسه وفضل يضحك وامنيه اتحرجت جداا وتابعت انا هنزل اسبقكم هاا
سيف شاف ضهرها وتابع من بين ضحكه لالالا خدي هنا يابنت الجزمه رايحه فين وشدها ليه
امنيه بحرج سيف بالله عليك سبني
سيف بضحك لا خليكي هحسن موقفنا دلوقتي وبص لامه اللي عماله تضحك وتابع قسما بالله ماحصل اكتر من اللي انتي شيفاه
نرمين بضحك ولو حصل يحبيبي هو انا هكرهه ما ربنا يسعدكم
سيف بضحك حبيبتي والله ياست الكل
نرمين بضحك ماالك يابت واقفه مكسوفه وكمشانه في نفسك كده ليه ماهو جوزك وحلالك صح
امنيه بحرج لالا انا زي الفل متقلقيش
نرمين بضحك طب هدخل انا شقتي اجيب الفون من على السفره وجيالكم ننزل علشان ولاده بنت عمك
سيف بحب ماشي يحبيبتي مستنيكي
وراحت قدامه تفتح الباب
فتابعت امنيه بحرج سبني بالله عليك عايزه انزل مكسوفه من امك اوي
سيف بهمس حااد اتلمي واصبري ضهرك كله باين ففهمت امنيه وغمضت بحرج وتابعت عجبك كده يعني ياسيف
سيف بحده وفيها ايه يعني محسساني ليه اني شاقطك متعصبيش ام الواحد على المساا ولفي عدل كده فامنيه لفت بضيق وسيف رفعلها السوسته ونفخ بضيق وبقى يقفل زراير قميصه
ونرمين جات وتابعت بدهشه الله مالكم في ايه ده انا سبتكم دقيقتين حصل ايه بس قالبين وشكم ليه
سيف بضيق بالله عليكي ياما بعد كده لما تعوزي تهزري كلميني انا بس علشان دي مخها تعبان
نرمين اتفاجئت وفضلت تضحك وتابعت يخيبك بت ماهو جوزك ده بدل ماتفرحي اني مش من الحموات اللي بتغل وتغير وعايزاكم تتهنوا ببعض
امنيه بحرج لا مانا عارفه انتي مش زي حد ربنا يخليكي لينا والله
نرمين حضنتها وتابعت بحب ويخليكي يابنتي والله يا امنيه ربنا يعلم محبتك في قلبي قد ايه
امنيه باست ايديها وتابعت بحب انا عارفه والله ربنا ميحرمنيش منك ابداا يا ماما
نرمين بحب ولا منك يقلب ماما وضحكت وتابعت وعايزين نشوف حل في جمالك ده مش كل شويه يجيلك عريس الواد بيغير
امنيه اتفاجئت وبصت لسيف بتوتر فتابع برفعه حاجب لا لحظه بس كل شويه ده اللي هو ازاي يعني ??
نرمين اتفاجئت بكلامها وتابعت بضحك مصطنع علشان ميتعصبش: مفيش ياقلب امك اصل امنيه كل مابتروح لاهلها واحد بيتكلم عليها مع عمك محمد يقوم يقولوا نصيبها جيه
سيف بعصبيه ليه ان شاء الله وهي بتتنيل تلبس ايه وتعمل ايه في خلقتها في غيابي علشان كل شويه واحد يعجب بلهانم
امنيه غمضت بضيق وتابعت شايفه يا ماما !!! انا بالله مش عايزه اتعصب وارد عليه
سيف بعصبيه لا ردي ورايح يمسك طرحتها فوقفت نرمين في النص وتابع بنفس العصبيه لا ردي يابنت الكلب يا جزمه ولا اقولك تعالي اديني قلمين علميني الادب يا امنييه
نرمين بحده بس خلاص اسكت احترم اني واقفه
سيف بعصبيه انتي مش سامعه بتقول اييه
نرمين بحده متقدرش ترد عليك بس كلمه الحق تتقال ده مش منظر سؤال تسأله ما انت عارف انها مبتحطش ميكاب كتير وهي نازله من البيت وهدومها هي هي اللي انت راضي بيها فا لازمته ايه الكلام ده يابني
سيف بعصبيه ياما يعني هي خلاص بنات الدنيا خلصت علشان مراتي انا اللي يتبصلها في الرايحه والجااايه
نرمين بضحك مش انت اللي نورت وشهاا وخليتها نفسيتها ارتاحت فشكلها احلو وجسمها اتظبط بتزعل ليه دلوقتي
سيف نفخ بضيق وتابع بحده بالله يااما انتي فايقه ورايقه اوعوا كده علشان الواحد دمه محروق وبعد نرمين وعدا من جنبها ونزل علي تحت
امنيه بدموع شايفه اسلوبه يا ماما ??
نرمين بضحك بيحبك ياهبله وغيران عليكي مش شايفه من بياضه وشه احمر وهيطق ازاي
امنيه بدموع ايوه بس ده مش معناه اني بتزوق وبنزل في غيابه
نرمين بابتسامه وهو عارف بس من عصبيته بيقول اي كلام اللي هو لما هو مفيش حاجه تلفت الناس دي ليكي طب بيبصوا على ايه ?? وضحكت وتابعت ماهو حاجه تغيظ بصراحه ان مراتي تمشي مش ملفته للنظر وكله يعجب بيها طب يعمل ايه يحبسك في البيت ??
امنيه ضحكت من بين دموعها وتابعت سيف غيرته صعبه وبجد بيضايقني
نرمين بابتسامه سيف تستغربيه انه كبر لجدك وساب محمود عايش بعد اللي قالوا هو صعب على كل حاجه تخصه مبالك انك مرااته وحبيبته ففكره ان راجل غيره بصلك بنظره انك تكوني معاه دي موتته
امنيه ضحكت لما افتكرت موقف كريم وتابعت اه اشهد فعلا حصلت قبل كده مع ابن خالتي
نرمين بضحك شوفتي بقى
—–
بعد شويه في المستشفى مع ياسمين كان الكل متجمع معاها في الاوضه بعد ما لبست هدوم العمليات وقاعده على السرير وخايفه اوي ومازن واخدها في حضنه وبيحاول يهديها وشهد واحمد كانوا غيروا هدومهم بس شهد سابت الميكاب وتسريحه شعرها لانهم سيمبل عادي والدنيا كانت هادية بشكل غريب بس قلبها كان عامل زي طبل بيدق بسرعة كأنها سامعة صوت دقات عقرب الساعة جوه صدرها ومازن حاسس بدقاتها جدا
فتنهد بعمق وتابع طب و اخرتها هنفضل نعيط كده كتير ??
ياسمين بدموع وتوتر مش قادره يا مازن مرعوبه بجد حاسه اني هدخل مش هخرج
مازن غمض عينيه بضيق وتابع يحبيبتي طب ليه الكلام اللي مالوش لازمه ده الف بعد الشر عنك متتعبيش اعصابي بالله عليكي وفضل بيمشي ايديه على كتفها بيطلعها وينزلها وبيحاول يطمنها ويهديها
زينب ابتسمت بتفهم وتابعت بحنان : يحبيبتي انا اكتر واحده فاهماكي وعايزه اقولك حسيت بكده جدا بس عمر كان معايا والموضوع عدى والحمد لله قومت بالسلامه وحسام بالنسبالي هو تاني احلى حاجه حصلت في حياتي بعد باباه صدقيني هتعدي وهتفرحي اوي لما تقومي وتشوفي ابنك بين ايديكي
عمر ابتسم وحط ايديه على كتفها وضمها ليه وباس جبينها بعمق
فتابعت ياسمين بعياط وخوف : لا لا انا مش قادره والله مش قادره دماغي مش راضيه تبطل تفكير مرعوبه اوي مش بحب العمليات وبخاف منها والاوضه نفسها بترهبني والفكره نفسها مخوفاني
مازن حضنها اكتر ومسك إيديها بحنان وصوته هادي لكنه مليان قوة:
انتي قوية وهتعدي كل ده وأنا هنا جنبك ومعاكي ومش هسيبك لحظة لان سيف ظبط الدنيا وهدخل معاكي زي ما طلبتي ومجرد ما نسمع صوت زين ونشوفه صدقيني هننسى كل الرعب ده وابتسم بحب وتابع سمسم انتي قدها هاا … متكسفنيش وتخافي وانا جنبك عيب اوي لما مازن يكون جنبك وتبقي خايفه كل ده
ياسمين كانت بتحاول تبتسم بس عينها كانت أصدق من اي كلمة مليانة خوف وقلق ويمكن شويه اقتناع بكلامه بس الرعب كان مسيطر عليها بدرجه كبيره لدرجه ان مازن حس بإيدها بتترعش بين ايديه فشد عليها أكتر كأنه بينقلها هدوء وامان من قلبه لقلبها وبيحاول يطمنها بنظرات عينيه وتابع هقولهالك تاني انتي مش لوحدك وانا متأكد انك هتخرجي انتي وزين احسن واقوى بعد شويه وهتنسي كل التعب ده وهتبقي جنبي وهنفضل نضحك على اللحظة دي ونفتكر قد ايه كنا قلقانين على الفاضي اجمدي هانت ونحقق حلمنا ونشوف ابننا احنا تعبنا اوي عشان نوصل للحظه دي
ياسمين عيطت وحضنته جامد فغمض عينيه بتأثر وفضل يطبطب على ضهرها وتابع بصوت بيحاول ميعيطش: هتبقي كويسه والله العظيم اهدي بقى متخوفنيش عليكي
ياسمين بدموع وحب مش هخاف علشان انت معايا خلاص بس بالله عليك متسيبنيش
مازن الدموع اتجمعت في عينيه من شكلها وخوفها وغمض عينيه وباس جبينها بعمق وتابع والله مش هسيبك وغلاوتك انتي وابني مش هسيبك
امنيه كانت باصه عليهم وبتبتسم اوي وسيف باصصلها من غير ما تاخد بالها وخايف جدا يجي اليوم ده وميكونش جنبها يدعمها كده
و دخلت الممرضه وتابعت يلا يا مدام ياسمين
ياسمين خافت جدا في اللحظه دي وحست ان قلبها وقع في رجلها وان كل اللي مازن قالوا اتمسح باستيكه وجسمها سقع في لحظه ولونها اتخطف فبصت لمازن برعب فطبطب عليها وابتسم بحنان وتابع متخافيش والله والله ما تخافي هدخل معاكي وهتبقى كل حاجه زي الفل وهي ربع ساعه ولا نص ساعه وهنطلع والكابوس ده هينتهي فكري في انك هتشوفي زين مش في حاجه تانيه
ياسمين بعياط مش عايزه اموت بالله عليك مش عايزه اموت يا مازن وحضنته
نرمين بحزن لا حول ولا قوه الا بالله يا بنتي ايه جاب سيره الموت بس
يونس راحلها وخدها في حضنه وفضل يمشي ايديه على ضهرها وباس راسها وتابع بس يابابا بس يحبيبتي اهدي ومتقوليش كده الف بعد الشر عليكي يا حيوانه بصي انا عارف ان اكيد ده طبيعي بس والله العظيم هتبقي كويسه وابتسم وتابع والدنيا كلها بتخلف هو انتي بس ياسمين
ياسمين بعياط انا بخاف من العمليات وانت عارف
عز دموعه نزلت بقهر وتابع بصوت مليان وجع : انا هنزل المسجد اصلي لما تخرج كلموني
وخرج وكلهم فهموا سبب خروجه فتابع يونس بوجع : اهدي يا بابا اهدي يا حبيبي عشان خاطري ومسح دموعها وباس جبينها وتابع والله هتبقي كويسه بصي انتي خليكي ماسكه ايد مازن واتكلمي وركزي معاه لان مش هتبقي متخدره كليا ومش هتحسي بحاجه بتحصل اصلا وهي نص ساعه بالكتير هتخرجي متخافيش انت مش لوحدك
صافيه بحزن اهدي يابنتي صحيتي وجع ابوكي
شهد اضايقت جدا من فكره حب باباها لمريم اوي كده بس حاولت متبينش علشان مش وقته واختها في موقف صعب واحمد لاحظ وشاورلها تهدى شويه
ايمن الف بعد الشر عنك يابنتي هتطلعي وهتفرحينا والله
ياسمين بخوف يارب بجد يارب فباس يونس ايديها ونيمها على السرير ووطى فضل يمسح على شعرها بحنان وباس جبينها وتابع بحب عايزك جامده هاا انتي قد اي حاجه ودي عمليه سهله جدا بالنسبه لبنت من بنات الرفاعي احنا جامدين اوي ولا ايه
ياسمين ضحكت من بين دموعها وتابعت بحب اكــيد .. مش عشت واتربيت في بيت انت السند فيه لازم اكون جامده
يونس ابتسم بحب وباس جبينها فتابعت شهد بضحك كدابه يا بت ده انتي خايبه ولا جامده ولا نيله انا اللي بجيبلك حقك
كلهم فضلوا يضحكوا وحتى ياسمين فتابع مازن بضحك ياه يا شهد فينك من بدري مشوفناش الضحكه دي من ساعه ما جينا
شهد بضحك قاعده مستنيه الوقت الصح بس واديني اتكلمت اهو
مازن بضحك لا هو ده الوقت الصح فعلا برافو
الممرضه بابتسامه طب مش يلا ولا ايه اتاخرنا
مازن بحب يلا اهو
وبدات الممرضه تحرك السرير فياسمين فضلت تبص على مازن بتتلفت عليه
فمازن قرب منها ومسك ايديها وتابع بحب متخافيش معاكي والله
ودخلوا اوضه العمليات والعيله كلها فضلت بره متوتره جدا وبتدعي لها والشباب طلعوا القران على الفون وبداوا يقروا وعز كان في المسجد تحت المستشفى
بعد نص ساعه في اوضه العمليات ياسمين كانت متخدره نصفي ومازن ماسك ايديها وبصاله وبتتكلم بتقل شويه بسبب توترها وتابعت مازن هي هتخلص امتى انا تعبت
مازن ضحك بخفه وتابع احنا هنمثل هو انتي حاسه بحاجه ما تخلص وقت ما تخلص ما انا معاكي اهو
ياسمين بابتسامه لا انا تعبت من الانتظار بجد عاوزه اشوف ابني
مازن ابتسم بحب ومشى ايديه على شعرها بحنان وتابع بذمتك مصدقه اللي بيحصل ??!! يعني انا فاكر يوم ما طلعتي تصحيني من فوق السطح وخايفه حد يشوفك معايا كانه امبارح ودلوقتي بعد كل ده فاضل دقائق ونشوف ابننا انتي مستوعبه ??
ياسمين ابتسمت بحب والدموع اتجمعت في عينيها وهي بتفتكر كل المعاناه اللي عاشوها وتابعت الحمد لله الف مره بجد مش قادره اتخيل فعلا اننا وصلنا لهنا
مازن قرب وهو ماسك ايديها وسند جبينه على جبينها وتابع بحب ربنا يديمكم ليا يارب وميحرمنيش منكم ابدا
ياسمين ابتسمت ورايحه تتكلم سمعت اول صوت لابنها في الحياه واللي بيعلن عن ولادته اخيراا فهي ومازن في ثانيه كان نظرهم على الدكتوره وهي رافعاه فا الدموع نزلت من عينيها بشده وتابعت ينورعيني يحبيبي وفضلت تعيط بفرح فمازن ابتسم ودموعه نزلت وحس مشاعر كتير متلغبطه ..ازاي الوقت جري كده وياسمين بقيت معاه ودلوقتي ابنهم وبقى اب فحس بمشاعر كلها حلوه بس مش قادر يستوعبها ووطى باس جبينها ودموعه بتنزل زيها وتابع مباارك لينا ياست البنات
ياسمين بدموع الله يبارك فيك يحبيبي هاتهولي اشوفه والنبي
الدكتوره بابتسامه استني هيحموه ويلبس وهتشوفيه
ياسمين بدموع فرح بسرعه والنبي
الدكتوره بضحك حاضر حاضر متقلقيش
وبالفعل دقايق والممرضه جات وادته لمازن اللي سمى قبل مايشيله ودموعه نزلت لما بصله وتابع بهمس ودموع الله واكبر ده ايه الحلاوه دي ووطى باس جبينه برفق
ياسمين بدموع وتعب : مازن وريني بالله عليك
مازن وطي وقرب زين منها فشافته عيطت اكتر مش قادره تصدق وباست راسه وتابعت بعياط وحب يحبيبييي يقلب ماما انت وضحكت من بين دموعها وتابعت شايف يا مازن صغنن ازاي بص ايديه
مازن ضحك من بين دموعه وتابع بحب صغنن زي امه
وقام وقف بيه
ياسمين بضحك لا بالله عليك عايزاه شبهك انت متقولش كده
مازن وطى راسه باس جبينها وتابع بحب ومالها امه دي ست البنات
ياسمين بحب لا بس عايزاه زيك انت بردو وريني مناخيره كده دي اول حاجه بتبان وحاولت تبص
مازن بخوف لالا خليكي انتي عبيطه مينفعش تقومي دلوقتي هوريهولك ووطى زين قدامها فضحكت من بين دموعها وتابعت ياخلاثي ياناس صغنن اوي بس زيك انت والله يا مازن
مازن بضحك عارف خدت بالي
ياسمين بابتسامه وحب الحمدلله والله
مازن بضحك توقعتها على فكره من قبل ما اشوفه
ياسمين بضحك ما لازم تتوقعها ده امه بتعشقك بس انا صوتي هيفضل ضعيف وحاسه اني بتكلم بالعافيه كده لحد امتى
مازن ابتسم بحب وتابع بضحك ده علشان البنج بس متخافيش ده انا دافع شي وشويات علشان متتعبيش مش قولتي عايزه قيصريه بدون الم غرمت علشان خاطر عيون ام زين اهو
ياسمين ابتسمت بتعب وتابعت بذمتك خساره في حبيبتك ??
مازن بحب فكره اني شايفك انتي وابني كويسين دي بالدنيا وتخليني ادفع مال الدنيا وانا مستريح
ياسمين ابتسمت بحب وتابعت بهمس بحبك
مازن ابتسم بحب وتابع وانا اكتر
ودقايق وياسمين خلصت وطلعوها على السرير والممرضه بتمشيه ومازن شايل زين ودخلوا الاوضه اللي فيها الاهل ومجرد ما الاهل شافوهم زغرطوا بفرح شديد والرجاله اتنهدت بارتياح
وتابعت عايده بدموع فرح : يا قلب تيته يا ناس هاته يا مازن بسم الله وشالته منه وفضلت تزغرط بفرح وتابعت بسم الله ما شاء الله ايه الحلويات دي وكلهم اتجمعوا يشوفوه معادا يونس راح على سرير ياسمين ووطى مسك ايديها وتابع بقلق طمنيني عليكي يحبيبتي انتي كويسه ??
ياسمين ابتسمت بتعب وباست ايديه اللي ماسكها بيها وتابعت كويسه ينورعيني متخافش عليا زي الفل
يونس تنهد بارتياح وباس جبينها وتابع الف حمد وشكر ليك يارب الحمد لله على سلامتك يا ست البنات
ياسمين ابتسمت بحب وتابعت الله يسلمك يحبيبي
سيف ابتسم بفرح وبص لياسمين وتابع الف حمد لله على سلامتك يحبيبتي زي القمر ربنا يخليهولكم
ياسمين بحب الله يسلمك يا غالي عقبال امنيه يا رب
امنيه بحب ودموع بجد يا سمسم ابنك عسل خالص ايه القمر ده
ياسمين بضحك مش هتتراجعي متاكده ??
زينب بضحك اتلمي يا بت ابنك زي القمر اه بس بنت اخويا محجوزه يحبيبتي
امنيه فضلت تضحك وتابعت شايف يا سيف بيتخانقوا عليها ازاي من قبل ما تيجي
سيف فضل يضحك وتابع طبعا مش بنت سيف الرفاعي
امنيه بضحك والله مغرور
سيف بحب يا باشا يحقلي الغرور مش البطل ده بيحبني
امنيه ابتسمت بكسوف وتابعت بضحك ثبتني للاسف
سيف فضل يضحك بشده وتابع شوفتي بقى بتظلميني
عمر بضحك لا يا باشا بس بردو احنا اللي حجزنا بيري الاول
سيف بضحك حصل يا غالي وانا موافق وانتوا يا سمسم استنوا التانيه
ياسمين ضحكت بتعب وتابعت خلاص هنستناها بس شد حيلك
امنيه بذهول: التانيه ايه يا شيخ اتقي الله ده انا بموت
كلهم فضلوا يضحكوا فتابع سيف بضحك لا لا يحبيبي متقوليش كده الف بعد الشر
امنيه بضحك اه حقك طبعا عليك ايه انت
سيف بضحك طب ما بلاش الكلام ده قدام الناس
يونس فضل يضحك وتابع امنيه شدي بلاستر لو لسه عايزه تفضلي واقفه من غير ما تتكسفي
امنيه بحرج ما انا حسيت فعلا فهسكت احسن
كلهم فضلوا يضحكوا فتابع منصور بحب الف مبروك يا ولاد فرحتوا قلبنا والله
مازن بحب الله يبارك فيك يا سيد الناس
شهد شالت زين من عايده ودموعها نزلت بفرح وابتسمت وتابعت يخرابي يا ناس على القمر اللي هيقولي يا خالتو
احمد وقف جنب شهد وبص عليه وابتسم بفرح وهمس بحب جنب ودنها عقبال ابننا
شهد ابتسمت اوي وبصتله بحب من بين دموعها وهمست بحب يارب يحبيبي بجد
نرمين بحب زي القمر الف حمد لله على سلامتك يحبيبتي
ياسمين بحب الله يسلمك يا ست الكل
و شهد ادت زين لصافيه اللي فضلت تبوس جبينه برفق وبتعيط بفرح وعز طلع بسرعه لان يونس كان بعتله مسدج وراح على ياسمين وتابع بقلق انتي كويسه يا حبيبتي طمنيني
ياسمين بحب متخافش يحبيبي خلاص انا بخير
عز تنهد بارتياح وتابع الحمد لله يحبيبتي الف حمد لله على سلامتك
صافيه جات وتابعت بدموع فرح امسك يا عز اول حفيد ليك عقبال عيال يونس وشهد
عز سمى وشال زين ودموعه نزلت وتابع الله واكبر بسم الله ما شاء الله ربنا يديمه ليكم وتخاوه يحبايبي
مازن بحب اللهم امين يارب يغالي
احمد ابتسم بحب وتابع مازن انت اذنتله ??
مازن بتذكر لا حقيقي نسيت
احمد بحب طب هات عنك يا عمي اذنله
عز ابتسم بدموع وتابع امسك يحبيبي عقبال ابنك انت وشهد
احمد ابتسم بحب وتابع اللهم امين يارب ومسكه وفضل ياذن بصوت حلو جدا وشهد واقفه مبسوطه بيه اوي راحت حضنت ياسمين جامد وباست خدها وتابعت بفرح الف حمد لله على السلامه يا قمر يا اللي جبتلنا قمر
ياسمين ضحكت من بين تعبها وباست خدها وتابعت يعمري انتي عقبال عيالكم يارب
شهد بحب يا رب يعمري
سيف بابتسامه وغمز يلا يا مازن شد حيلك اللي بعده
ياسمين نعممم لا طبعااا مع نفسه
كلهم فضلوا يضحكوا فتابع مازن بضحك ما لو مع نفسي هتزعلي
ياسمين ضحكت بتعب وتابعت والله يا مازن مش فايقالك مش وقته انكد عليك عشان والله متنكده خلقه ومش حاسه برجلي وحاجه قرف
مازن بيضحك شوف ياخي الواحد دفع اللي وراه واللي قدامه علشان ميسمعش الجمل بتاعت التعب دي وبرده ياسمين مصممه تشتكي
سيف بضحك طبعا ده هو لازم مش ولدت فحتى لو مش متوجعه عندها ايحاء ان اللي بيحصل ده متعب فبتشتكي
كلهم فضلوا يضحكوا فتابعت ياسمين بضحك ماشي يا سيف ماشي لما نشوف مراتك ياخويا
سيف بضحك انا مراتي سترونج ومن وحط ايديه على كتف امنيه وضمها ليه وتابع مش كده يا عمري
امنيه بتمثيل اممم طبعا كده .. كده اوي
كلهم فضلوا يضحكوا فتبع سيف بضحك لا امنيه بتكلم جد
امنيه ابتسمت بحب وتابعت لو انت معايا فانا اقوى واحده في الدنيا كلها
اجابتها كانت حلوه جدا وعميقه الا انها خوفت سيف اكتر فابتسم بحب وحاول ميبينش توتره وخوفه وحضنها وباس جبينها وتابع بحب اكيد هكون معاكي
وبعد ما احمد خلص يونس شال زين وابتسم بحب يحميه ويحفظه
نور بحماس يونس بالله عليك وريهوني مشفتوش كويس
يونس بحب امسكي يعمري فنور شالت زين وتابعت بفرح يا خرابي بجد على العسل والله مش مستوعبه اني بقيت عمتو
شهد بحب عقبال ما تبقي ام وتخليني انا عمتو
نور ابتسمت وبصت ليونس فابتسم بحب وتابع بما ان الفرحه النهارده كانت اتنين واحمد اتجوز شهد وياسمين جابت زين اخيرا بالسلامه فنكملها ونخليها تلاته واقولكم ان نور حامل
كلهم اتفاجئوا جدا وفرحوا اوي فتابع سيف بضحك لا بتهزر !!! يونس بتتكلم جد ولا بتهزر ???
يونس بضحك لا والله حامل في الشهر الاول
شهد فرحت وفضلت تعيط وقامت من جنب ياسمين وجريت بسرعه على يونس وحضنته وتابعت بدموع فرح :يحبيبي يحبيبي الف الف الف مليون مبروك والله مش مصدقه وفضلت تعيط فيونس حضنها اكتر وتابع بضحك اهدي طيب اهدي كل ده عياط
شهد بصتله وعينيها مليانه دموع وحطت ايديها على خده وتابعت بعياط وفرح انا مش مستوعبه انك اتجوزت اللي بتحبها وبقيت مبسوط علشان استوعب انك خلاص هتبقى اب انا بجد مبسوطه اوي ان كل دعواتي استجابت وفضلت تعيط بفرح فيونس خدها في حضنه وباس راسها بعمق وتابع ربنا يديمك نعمه في حياتي يا نن عيني بجد
شهد بدموع فرح بجد مش قادره اوصف فرحتي يا رب الشهور دي تجري بسرعه وبصت لنور وتابعت بدموع فرح ربنا ميحرمناش منك بجد دخلتي حياه يونس وجبتلنا الفرح
نور الدموع اتجمعت في عينيها وتابعت بحب عايزه اقولك انا معرفتش يعني ايه فرح غير مع يونس
يونس قرب باس جبينها ربنا ميحرمنيش منك ابدا يا ام نوران
مازن راح حضن نور وباس جبينها وتابع بدموع فرح ايه الاخبار الحلوه دي الف الف مليون مبروك يا روح قلبي من جوه عقبال ما تشوفيه او تشوفيها على ايديكي يارب
نور بدموع فرح يا رب يحبيبي وتفرح بزين
عايده فضلت تعيط وتابعت ايه اليوم الحلو اللي كله اخبار حلوه ده يا ناس تعالي يا قلب امك في حضني وحضنتها وفضلت تعيط وتبوس خدها وهي فرحانه جدا بحملها وتابعت الف الف مليون مبروك يا نن عيني
صافيه فضلت تعيط بفرح وراحت حضنت يونس متابعه بعياط مبسوطه ان انت حققتلي حلمي ووريتني يوم زي ده وطمنتني عليك قبل ما اموت يا يونس
يونس باس ايديها وجبينها وتابع الف بعد الشر عليكي متقوليش كده ينور عيني ده انتي الخير والبركه كله بدعواتك انتي وشهد والله
شهد بدموع فرح ايوه جدع كنت هزعل لو نسيتني
يونس بضحك لا مقدرش انسى ان قيام الليل اللي انتي صممتي عليه هو اللي جوزني حبيبتي
صافيه حضنت نور وتابعت بعياط وفرح الف الف مليون مبروك يا قلب ستك خلي بالك من نفسك بالله عليكي يا بنتي
نور بدموع فرح متخافيش والله في عيني
سيف حضن يونس وفضل يطبطب على ضهره بفرح وتابع الف الف مليار مبروك يا قلب اخوك ده احلى خبر سمعته في حياتي وسكت ثواني وتابع بعد خبر حمل امنيه عشان مش ناقص نكد
كلهم فضلوا يضحكوا بشده فتابع يونس من بين ضحكه ولا يهمك يا باشا كان لازم يتقال كده فعلا الله يبارك فيك يحبيبي
عمر بضحك الف الف مبروك يا صاحبي والعه معاك اهو
يونس بضحك تولع فيك يا بعيد ده انا اخر انسان المفروض يتحسد
كلهم فضلوا يضحكوا فتابعت زينب بضحك اخص عليك بعد الشر عليه ولما يحصله حاجه وانا اموت فيها هتنفعوا ابننا
كلهم فضلوا يضحكوا فتابع سيف بضحك يا بت بس محن مش عايز اجيبك من شعرك قدام الناس
زينب فضلت تضحك وتابعت بنسى كتير ان مينفعش اتكلم قدامك
سيف بضحك لا حاولي متنسيش عشان معلقكيش انتي وهو وهتبقوا متعلقين سوا بردو
زينب بضحك المهم اننا سوا
سيف بضحك شوف البنت بردو مستغنيه عن عمرها هي وجوزها
امنيه بضحك لا سماح يعمري عشان خاطري انا
سيف بضحك علشان خاطرك انتي بس يحبيبي هسكت
يونس بضحك البنت امنيه دي قنبله جدعنه ماشيه على الارض مره تخلي نور تتصور معايا الصوره ودلوقتي تدافع عن عمر وزينب
عمر بضحك ده حقيقي حصل
امنيه بضحك عشان تعرف انت بس وصح ازاي نسيتوا ده كده يونس كسب الرهان من شهد ولحق نفسه قبل التسع شهور
شهد فضلت تضحك وتابعت تصدقي صح قلتله لو محملتش قبل التسع شهور هناخدها منك تسع شهور بس الحمد لله يارب انا فرحانه اني خسرت
كلهم فضلوا يضحكوا فتابع يونس بضحك طب الحمد لله انا كده ربنا نصرني مقدرش استغنى عنها تسع دقايق مش تسع شهور
كلهم فضلوا يضحكوا فتابعت شهد برفعه حاجب اتلم وبلاش محن ها
يونس بضحك امرك يا فندم فكلهم فضلوا يضحكوا فتابعت ياسمين بحب الف الف مليون مبروك يحبيبي والله العظيم فرحتوا قلبي
يونس بحب الله يبارك فيكي يا ام زين يا غاليه
واحمد كان حاضن نور وباس جبينها وتابع بابتسامه مليانه فرح الف الف مليون مبروك يا نور عين قلب اخوكي من جوه
نور نامت على صدره وتابعت بحب الله يبارك فيك يحبيبي
وفضلوا كلهم يباركوا لنور ويونس ومازن وياسمين على البيبي وصلاح ومراته وعياله جم بعد شويه وقعدوا مع ياسمين واطمنوا عليها وبعدين احمد خد زين علشان يسجله ومازن فضل قاعد مع ياسمين بعد شويه كانوا رجعوا البيت وكل الناس روحت لبيوتهم
—–
بعد شويه عند عمر وزينب زينب كانت خدت شاور وخرجت لابسه البورنص وبتنشف شعرها بالفوطه وعمر كان فارد جسمه على السرير وحسام نايم على صدره وبيطبطب عليه
فوقفت قدام المرايه وبصت عليه منها وتابعت وهي بتنشف شعرها غلبك وهو بينام ??
عمر ابتسم بحب وتابع لا هو مصحيش اصلا لما اديتيهوني بعد مارضعتيه فتح عينيه كده ونام تاني
زينب بضحك طب الحمد لله والله ريح
عمر بابتسامه كنتي عايزاني في ايه بقى من امبارح ونزلنا لقينا احمد تعبان ونسينا نتكلم خالص في الموضوع اللي كنتي عايزاني فيه اللي كلمتك فيه صاحبتك
زينب بلعت ريقها بتوتر وتابعت وهي بتسرح شعرها وبتبصله في المرايه هتسمعني للاخر ولا هتتعصب وصوتك يوصل اخر الدنيا ??
عمر ابتدى ميستريحش وتابع والله على حسب لو حاجه هتعصبني مش هعرف متعصبش
زينب بضيق اووف خلاص يا عمر مش هقول حاجه
وراحت جابت كاش مايوه من الدولاب حمالات قصير وبتلبسوا فتابع عمر طب ما تتنيلي تقولي يمكن اوافق
زينب وهي بتلبس تابعت بضيق لا انت اصلا مش هتوافق دي كانت محاوله بس المحاوله هتخليك تقوم تولع فيا والدنيا تخرب والواد يتصرع ويصحى واسماء تيجي تتفرج علينا فعلى ايه ??
عمر فضل يضحك وتابع وانتي حفظتيني يعني
زينب لبست وتابعت بضيق اه والله خلاص لان انت فيك من سيف كتير وانا متعوده على اسلوب سيف وراحت تظبط نفسها قدام المرايه فتابع عمر بضحك طب اعتبريني رفضت فعلا لان معنى كلامك ده يبقى هي فعلا حاجه هتعصبني بس كفضول عرفيني ايه هي
الباب خبط بتاع اوضتهم فتابعت زينب ادخلي يا اسماء
اسماء دخلت وتابعت انتوا هتناموا ولا ايه
عمر بابتسامه لا يحبيبتى مش هننام هنحط حسام دلوقتي على السرير وطالعين
اسماء بابتسامه طب تمام احلى طقم عصير مانجا من ايدي بقى
عمر بضحك جدعه برافو عليكي كنت لسه هقولك فعلا
زينب بتنهيده اسماء اقول لعمر ولا لا ??
اسماء بصت لعمر بتوتر وبصتلها وتابعت انا عن نفسي قولتلك لا
عمر الله هو انتي كمان عارفه وانا العبيط اللي في النص مش كده ???
زينب بضيق يخرابي على قلب الترابيزه من قبل ما اتكلم
عمر بحده زينب اخلصي مش عايز حوارات هتقولي ولا لا
زينب نفخت بضيق وسابت المشط وبصتله وتابعت بصراحه كده حفيد العمده الكبير اللي هو فريد عمل حادثه صعبه ودخل المستشفى بس مراته صممت ان يرجع القصر بتاع العمده ويجيبوله ممرضه مخصوص تلاات اربع ساعات في اليوم والمدير بتاع المستشفى رشحني انا وقال لـسهر تكلمني واديني هكون بشتغل شغلانتي اللي بحبها وتعبت علشان انجح فيها وفي وقت قليل وبعيد عن المستشفى خالص ومش بقصر في حقك وحاجه تسليني في غيابك
عمر كان متفاجئ جدا من كلامها وتابع بحده نعم يا روح امك ?? قولتي ايه ?? سمعيني تاني كده عايزه تشتغلي فين ???
اسماء بتوتر بص علشان خاطر اختك اعتبرها مقالتش حاجه
عمر بعصبيه مقالتش حاجه ايه دي بني ادمه مستفزه وبارده وبتتكلم بكل بساطه كأن اللي هي بتقوله ده اهون من المستشفى عايزه تروح تشتغل عند ابن العمده الكبير اللي هو قد يونس ابن عمهاا يعني شااب وتبقي الممرضه الخاصه ليه في اوضه واحده دي اتجننت رسمييي
زينب بحده ودموع وفيهاا ايه ما ده شغلي وكنت طول عمري بشتغله هو رايح يلمسني ولا ايه ????
عمر اتصدم جدا بكلامها وانها ازاي تقول كده فضربها بالقلم بقوه لدرجه وقعت على الارض وفضلت تعيط فاسماء جريت عليها بخوف تقومها فتابع عمر بعصبيه : انتي قليله الادب ومشوفتيش ربايه علشان انتي لو اتربيتي صح فا دي مش كلمه تتقاال لجوزك
اسماء بدموع حقك عليا انا غلطت بس متقصدش والله هي قالت ان المستشفى بتخليك تغير بسبب تعاملتها الكتير مع الناس فا ده شخص واحد وكام ساعه وخلاص
عمر بعصبيه يا اسماء متعصبوش ام الوااحد بقى المستشفى بتخليني اغير على اساس ان هي كده بتقلل من الغيره بتاعتي عليهاا بانها مش هتتعامل كتير مع رجاله بس عاادي تروح تشتغل لراجل لوحده في اوضته كل يوم وتفضل قاعده جنبه !! ده الطبيعي والعادي المفروض اني متعصبش يعني ولا اييه وبعدين دي متعرفش حاجه ده اخوه انهاره بصبص لامنيه وسيف حكالي وكانت ليله فعلشان بغير وبخاف عليها يتقالي بكل وساخه وبجاحه هو رايح يلمسني ?? لا بنت ناس ومحترمه
زينب بحده ودموع انت اللي تفكيرك غريب وغلطت لما وافقت ورضيت في الاول فمتغلطش في تربيتي علشان قسما بالله اتصل بسيف يجي ياخدني واسبيهالك واغور
عمر بحده اتصلي بسيف قومي يلاا وقوليله انا قولت لجوزي ان راجل غيره يلمسني واتعصب وتابع قوومي شوفي هيقولك ايه وفكل الحالات متقدريش تخطي عتبه باب البيت قسما بالله اكسرهاالك خالص وماهتصعبي علياا
زينب بعصبيه هو انت فاكر نفسك اشتريتني
اسماء بخوف ودموع يابنتي بس وحطت ايديها على بوقها
عمر بعصبيه لا سيبيها سيبيها لان شكلها نهايتها على ايدي زينب واه اشتريتك ومتقدريش تكسري كلامي وامشي عليكي وعلى اهلك كلهم وريني اخرك
وحسام عيط من الصوت وعمر خرج ورزع الباب وزينب فضلت تعيط فاسماء حضنتها وفضلت تطبطب عليها وتابعت بدموع بس بس حقك عليا ابوس ايديك
زينب بعياط ووجع شايفه يا اسماء شايفه عمر بقى قاسي ازااي ده مد ايديه علياا وعيطت اكتر وتابعت ده عمره ماعملهااا
اسماء بدموع وهي بتطبطب عليها بس بس يحبيبتي اهدي بقى عشان خاطري ابنك عمال يصرخ يا زينب قومي شوفيه ياما عشان خاطري وعمر والله العظيم قلبه حنين وطيب وانتي عارفه ان عمره ما يعمل كده بس انتي استفزتيه اوي يا زينب انتي زي كانك بتقوليله ايه انت مش عايز توديني على اساس هو رايح ينام معايا ?? فمينفعش يا ماما مينفعش تقولي لجوزك حاجه زي كده ومينفعش اللفظ ده نفسه يتقال عليكي ده انتي محترمه وست البنات هو خايف عليكي منه وبيغير عليكى وبيحبك انما ميقدرش يتكلم عن شرفك بالاسلوب ده تقومي انتي تقولي كده على نفسك
زينب بعياط انا مقصدش كل ده بس هو عصبني اوي وقافل عليا بطريقه خنقتني وبيسافر ويسيبني بالشهور ما دي مش عيشه بردو يا اسماء
اسماء بدموع معلش حقك عليا قومي رضعي دلوقتي بس ابنك علشان خاطري الواد مش راضي يهدى خالص
زينب قامت قعدت على السرير وهي بتعيط وشالت حسام وبدات ترضعوا فسكت وتابعت بعياط انا هتصل باخويا يجي ياخدني انا مش هقعد هنا
اسماء بخوف استهدي بالله يا زينب متكبريش الموضوع انتي غلطانه مينفعش تعملي كده
زينب بعياط وعصبيه وانا مش مقطوعه من شجره علشان اخوكي يستقوى عليا ويعلم ايديه على وشي بالمنظر ده انا بنت ناس مش جايه من الشارع واتعصبت اكتر وتابعت وهي بتعيط : ومش معنى ان واحد من اللي بتسند عليهم مات ان انا ضهري اتكسررر .. سيف عايش ويقدر يجيبلي حقي من اي حد في الدنيا
اسماء بخوف يا زينب بالله عليكي وطي صوتك لو سمعك هيجي يبهدلك ويكمل عليكي ومش هعرف اوقفه
زينب بقهر وعياط : حقه اصل انا مستنيه ايه من واحد عاش طول حياته جامد وبيعرف يقسى وشغلانته علمته القسوه اكتر ويوم ما يمد ايده بالطريقه دي تبقى عليا انا .. اللي عيشت اكون الراجل والست في غيابه وصعبت عليها نفسها اوي وفضلت تعيط وهي بتهز ابنها عشان ميعيطش
اسماء بدموع وحزن حقك عليا والله عمر بيموت فيكى وبرغم قسوته مع الكل احن واحد في الدنيا عليكي بس هو كان غيران من فكره انك حطيتي نفسك جنب واحد تاني باللفظ ده فاتعصب ومشافش قدامه ولو كان اي حد مكانه كان بردو هيتعصب بس انتي ردك واسلوبك كان غلط اكبر ومش بقول كده علشان هو اخويا ربنا يعلم غلاوتك عندي قد ايه انتي عارفه بس احنا من البدايه عارفين انه هيرفض وقولتلك بلاش تقولي فصممتي تقولي ولما شوفتيه اتعصب بدل ما تهدي الموقف وتتراجعي كملتي انك تعصبيه يعني الواحده بتدلع على جوزها عشان يوافق وانت جايه تستفزيه كنتي عايزاه يعمل ايه
زينب كانت دموعها بتنزل بصمت وبصه قدامها بشرود وتابعت بوجع لا يمد ايده عليا صح .. تجيلي الضربه من الايد اللي كنت شايفه فيها الامان
اسماء بدموع وحزن حقك عليا والله هيصالحك وكل حاجه هتبقى زي الفل
زينب مسكت فونها وتابعت ولا تتصلح ولا تتنيل انا هتصل باخويا واتصلت بسيف
اسماء بخوف يا زينب لا هتعملي مشكله بينهم دول صحاب وانتي بردو غلطتي
زينب بوجع مش بيقولي همشي عليكي وعلى اهلك اجيبله اهلي بقى ما انا مش عارفه اقف قدامه
وسيف كان رد وتابع ايه يحبيبتي
فزينب عيطت جامد لما سمعت صوته وتابعت سيف لو سمحت تعالى خدني
سيف اتخض عليها جدا وتابع مالك يا بت في ايه ??
زينب بعياط لما تيجي هبقى اقولك بس عمر مد ايده عليا وورم وشي واتخانقنا خناقه كبيره
سيف اتصدم وتابع بحده نعم ??!!! عمل ايه ???
زينب بعياط هستيري : اه والله العظيم زي ما بقولك كده .. ضربني
سيف بعصبيه ضربك ايه هو اتجنن !! ده انا هاجي اطلع عين اهل اللي خلفوه انهاارده
زينب بعياط ومش راضي ينزلني يا سيف وحالف عليا لو نزلت ليكسر رجلي
سيف اتصدم اكتر وتابع بعصبيه طب انا هاجي وهاخدك وننزل ويبقى يوريني هيكسر رجلك ازاي وانا اكسر دماغه هو واهله كلهم اقفلي يا زينب سلام هلبس وجايلك
زينب بعياط سلام
عندي سيف امنيه كانت مصدومه جدا من كلامه وتابعت بذهول هو ايه اللي انا بسمعوا ده يا سيف !!
سيف وهو بيلبس تابع بعصبيه ده قسما بالله انا هخسر عمر النهارده علشان مش اختي انا اللي يمد ايديه عليها ده انا اكسرله ايده وايد اهله كلهم هو فاكر انها ملهاش حد يقفلها ولا ايه لا اهلها موجودين
امنيه بصدمه بقولك ايه اسمع من صاحبك الاول هو مش جديد عليك ومعنى ان توصل بيه المرحله انه يمد ايديه يبقى اختك عملتله حاجه اكيد مش ملاك بريئ ولا انت نسيت لما انت ضربتني بردو كنت انا غلطانه
سيف بعصبيه يعمل حساب انها اختي يا امنيه يجي يقولي وانا اكسرها تحت رجلي انما ما يمدش ايده عليها زينب انا جوزتها لعمر لاني قولت هيحافظ عليها لو انا غورت مُت في 60 داهيه لان حياتي على كف عفريت ودلوقتي هي سندها الاولاني راح ليه يوصلني لمرحله اني اخاف لو مت متكونش في امان
امنيه بوجع ودموع بالله عليك ما تقول الكلام ده الف بعد الشر عنك ربنا يديمك ليا وللي في بطني واسمع منه بردو متحكمش عليه علطول
سيف بعصبيه هسمع منه بس يا ستي كان على الاقل قال اخوها زفت عشره عمري انما مش بالاسلوب ده ليه هتكون قالت ايه وصلوا لكده طب انتي وجبتي سيره اخويا انك بتحبي اخويا وانك عايزه حضن اخويا هي قالت ايه يعنييي
امنيه بدموع روح واسمع من الاتنين وقرر بس متخربش بيت اختك يا سيف خراب البيت مش بالساهل ده في بينهم طفل وعمر اخوك وعشره عمرك
سيف قفل اخر زرار من قميصه وسرح شعره بسرعه قدام المرايه وتابع حاضر يا امنيه متقلقيش انتي وانا هروح وهبقى اطمنك
ونزل وامنيه تنهدت بعمق وتابعت جيب العواقب سليمه يارب
——
في شقه احمد وشهد كانوا بيتفرجوا عليها بعد ما اتشطبت وقربت تكمل الفرش وتابعت شهد بابتسامه بالله مش قادره اصدق انها خلاص قربت تخلص
احمد ابتسم بحب تابع بالله مش هي بس اللي قربت تخلص
شهد باستغراب مش فاهمه
احمد شد وسطها ليه وتابع بهيام يعني انا كمان خلصت وجبت اخري على فكره
شهد اتكسفت جدا وتابعت احمد احترم نفسك واتلم وبتحاول تبعد عنه وبتزقه في صدره بس ماسكها كويس
احمد بضحك بس بس متستعبطيش انتي عماله تضربيني في صدري خدي بالك وانا مريض قلب وبتلكك
شهد بخوف لا لا بعد الشر عليك متقولش كده خلاص مش هاجي جنبك بس بالله عليك سيبني
احمد ابتسم بحب وتابع مراتي اسيبك ليه يعني عايز اجابه مقنعه
شهد بضحك الاصول يحبيبي تمنعك
احمد بابتسامه الاصول تمنعني اكمل جوازي منك دلوقتي انما متمنعنيش اصبر نفسي
شهد وشها احمر جدا وبصت للارض وتابعت احمد بالله عليك عشان خاطري وقلبها فضل يدق جامد
احمد فضل يضحك على شكلها وتابع طب بالله لو اديتيني بوسه هسيبك
شهد بحرج وبحده مستحيل انسى الكلام ده
احمد بضحك الله اومال انا كاتب ليه
شهد بحرج ابوس ايديك سيبني علشان خاطري
احمد بابتسامه خبيثه لا بوسي حاجه تانيه وانا هسيبك وعد
شهد اتحرجت جدا وتابعت بضحك والله انا اللي غلطانه اني متجوزه واحد مش متربي
احمد فضل يضحك وتابع شوفتي قولتي ايه متجوزه يعني حقي
شهد بضحك كسر حُقك يا بعيد
احمد فضل يضحك وتابع يلا يا شهد اخلصي بجد ورايح يقرب فبعدت وشها وتابعت لا لا علشان خاطري استنى للفرح لو بتحبني استنى
احمد بحب مانا علشان بحبك مش قادر استنى والله
شهد ابتسمت بحب وتابعت لا هتقدر انا حبيبي قوي وقدها
احمد فضل يضحك وتابع مين قالك كده انا قولت ليونس اني اضعف من الريشه واخلصي بجد
شهد طب غمض عينيك وسيبني وانا هبوسك انما كده لا
احمد بضحك وهتفرق ايه يعني ما النهايه واحده
شهد بضحك لا بالنسبالي تفرق كتير لانك مش هتشوفني عشان وعد مش هتفتح
احمد غمض وتابع بضحك ماشي يا ستي اما نشوف
شهد بضحك لا اوعدني انك مش هتفتح واوعى ايدك دي موتراني
احمد شال ايديه من على وسطها وتابع بضحك وعد مش هفتح اخلصي بقى يا شهد بجد
شهد بابتسامه حاضر عيوني وقربت منه وابتسمت بخبث وزقته في كتفه بخفه وطلعت تجري على الباب وفتحت وخرجت وتابعت بضحك باستك عقربه يابعيد
احمد اتفاجئ وفضل يضحك بشده وتابع بصوت مسموع نسبيا ماشي يا بنت الجزمه انا الغلطان اني صدقتك مسيرك تقعي تحت ايدي ومش هحلك
شهد فضلت تضحك وهي طالعه لانها سمعته
——
عند زينب وعمر كانت زينب قامت لبست دريس خروج وطرحه وقعدت في الصالون مع اسماء اللي لبست دريس بيتي وطرحه علشان سيف اللي جاي وبتحاول تهديها والباب خبط
فتابعت زينب بدموع قومي افتحيله يا اسماء
اسماء بحزن حاضر اهدي بس وخير باذن الله
وراحت فتحت الباب اتصدمت من اللي بيخبط فخرج عمر وتابع بستغراب مين يا اسماء
سليم بابتسامه : سليم عبد العزيز صاحب اسماء الروح بالروح
اسماء وزينب اتصدموا جداا وبصوا لبعض بخوف شديد واسماء دموعها نزلت برعب
فمسكه عمر من قميصه بعصبيه وتابع نعم يا روح امكك صااحب ميين ???
سليم بضحك مالك بس في ايه انا مكنتش اعرف انها مش قايلالك وجاي اتعرف عليك بحسن نيه عادي لانك اخو صاحبتي بس واضح ان في حاجات كتير هي مش قايلاهالك انا حتى مستغرب هي ازاي دلوقتي محجبه ومعايا كانت بتسيب شعرها وبتلبس قصير وكت عادي
