رواية غموض الحب عائلة الرفاعى الفصل الثالث و السبعون بقلم لولا
سليم بضحك مالك بس في ايه انا مكنتش اعرف انها مش قايلالك وجاي اتعرف عليك بحسن نيه عادي لانك اخو صاحبتي بس واضح ان في حاجات كتير هي مش قايلاهالك انا حتى مستغرب هي ازاي دلوقتي محجبه ومعايا كانت بتسيب شعرها وبتلبس قصير وكت عادي
اسماء اتصدمت وحست انها هيغمى عليها من كتر الرعب وزينب زيها وافقه خايفه اوي
فعمر ساب الباب مفتوح وشده من هدومه دخله وخبطه في الحيط بعصبيه وتابع هي مين دي يا ابن الكلب يا زباااله اللي بتلبس كت وقصير وبشعرهاا
سليم اهدى يا عمر بيه انا جاي اوعيك وقلبي عليك ولو انا واحد مش كويس كنت فضلت سايبها ماشيه على حل شعرها كده بس احنا رجاله زي بعض فعرفتك وربنا يسترها على ولايانا
عمر ضربه بالبوكس بقوه وقعه على الارض فاسماء شهقت برعب وكانت بتعيط وزينب حضناها وبتهمس بخوف ودموع: بس بس اخرسيي متعيطيش يا متخلفه هتثبتي كلامه عليكي
وتابع عمر بعصبيه شديده اختي انا يتقال عنها ماشيه على حل شعرها قسما بالله ماهسيب فيك حته سليمه انهارده وفضل يضرب فيه بكل قوته بالرجل تحت صراخ سليم وقومه وضربه بالراس فصرخ سليم بوجع وتابع عمر بعصببه انت مين يحيوان يا ابن الكلب وتعرررف اسماء منيين انططق
سليم بعصبيه انا مقدر صدمتك والله بس بدل ماتفتري عليااا اسالها كده ده حتي المثل بيقول اللي تفتكره موسي يطلع فرعون واهي عندك ومتقدرش تنكر كانت بتيجي معاياا البار وبتعمل كل ده
عمر زقه جامد خبطه في الحيط وبص لاسماء اللي مرعوبه ووشها اتخطف بنظره مطننش ابداا وشاورلها وتابع بهدوء مخيف: تعالي هنا
اسماء دقات قلبها عليت اوي وخافت جدا وبصت لزينب وعيطت
فتابع عمر بعصبيه: قولت تعاالي بدل ماقسما بالله اجي اكسر عضمك زينب طبطبت عليها وتابعت بدموع روحي لاخوكي متخافيش
اسماء خافت جدا وراحتله وهي بتحاول تجمد ومتبينش انها مرعوبه من سليم وتابعت نعم ياعمر
عمر مسك دراعها وتابع بعصبيه: تعرفي الواد ده منين يا اسمااء وايه الكلام اللي بيقولوواا ده
اسماء عيطت ورايحه تتكلم فتابع عمر بعصبيه ومتكدبيش علشان ورحمه ابويا وامي لو كدبتي في حرف وانا اكتشفته بعد كده ماحد هيحوشك من تحت ايدي
اسماء خافت اوي وتابعت بعياط وتقطع معر فوش يا عمر
سليم بضحك الله نسيتي الايام اللي كانت بينا بسهوله كده طب علشان اثبتلك ان المحجبه مش محجبه في حسنه في رقبتها ماليه للناحيه اليمين شويه
زينب لطمت برعب من غير ماعمر يشوفها واسماء اترعبت وعيطت بخوف شديد وعمر اتصدم واتعصب جداا وكور ايديه بغل وراح ضربه تاني ومسكه من قميصه وتابع بعصبيه شديده : قسما بالله الكلام ده لو طلع صح يبقى ادعي على نفسك بالرحمه انت وهي يا ابن الكلب يا زبااله وبصلها وتابع بنفس العصبيه: تعالي فكيلي طرحتك دي على جنب
اسماء بعياط وخوف ياعمر ده كدداب صدقني كدااب انا معرفوش و
عمر بعصبيه شديده: انتي سمعتي انا قولت ايه ???
اسماء اتخضت وتابعت بعياط حااضر وراحتله فشدها شويه على جنب وفك طرحتها من قدام وشال الجزء اليمين شويه وشاف الحسنه فعلا فاتصدم بشده وتابع ايه ده يا اسماء ???
اسماء بعياط ورعب : ابوس ايدك اسمعني وهفهمك كل حاجه بس متفكرش فيا كده علشان خاطري
عمر اتعصب وضربها بالقلم بقوه فصرخت وعيطت بوجع فمسكها من طرحتها وتابع بنفس العصبيه: اييه ده يابنت الكلب يا حيواانه ردي عليااا
زينب راحت تفك بينهم وتابعت بعصبيه ودموع اوعاا كده متمدش ايديك عليهاا
عمر بعصبيه وانتي ماال اهلك انا واختي متدخليش ومسمعش حسك نهااائي
زينب بدموع وعصبيه يا عمرر اسمع اختك ده ابن كلب وزبااله بطل افترى
عمر بعصبيه شديده: ملكييش دعوه ..متدخليش وقسما بالله يا زينب وغلاوه ابني لو فكرتي تدخلي تااني هتشوفي مني وش احقر من ما تتخيلي
اسماء عيطت وبعدت زينب وتابعت علشان خاطري خليكي انتي فزينب عيطت عليها ومسك عمر اسماء من طرحتها اكتر تحت صراخهاا وتابع بعصبيه انتي ده انتي هيطلع عين اللي خلفوكي انهاارده
وبيشد على شعرها اكتر وفاجاه دخل زياد بيجري لانه سمع صوتهم لما قرب يوصل الدور وراح وقف في النص بين عمر واسماء تحت صدمه سليم وتابع بعصبيه بس ياعمر انت اتجننت بتعمل ايه في اختكك
زينب فرحت جداا انه جيه وحمدت ربنا واسماء اتفاجئت جداا من وجوده وعيطت لانها فعلا محتجاه وغصب عنها بقيت ماسكه في قميصه من الضهر بتتحامى فيه فرجع ايديه ورا ضهره وطبطب على ايديها وده خلاها عيطت اكتر وصعبت عليها نفسها كأنها كانت مستنيه الطبطبه دي ولف وشه ليها يطمنها وهمس بحب حقك على عيني اهدي يحبيبتي متخافيش خلاص
عمر بعصبيه انت ماال اهلك انت كمااان انت مجرد زميلها في الشغل مش اكترر ولف وشه ليه وتابع بنفس العصبيه وبصلي انا كده انت اتجننت يا زيااد
زياد تنهد بعمق وتابع حاضر هبصلك بس اكيد نظرتي لاخت صاحب عمري مفيهاش اي نيه مش كويسه بس هي خايفه فكنت بطمنها
عمر بعصبيه وانت مالك بيهاا اصلاا
زياد بتنهيده بحبها يا عمر
وهنا اسماء اتفاجئت اوي وعيطت بشده من كتر فرحتها وهي سانده جبينها على ضهره وزينب فرحت اوي ودموعها نزلت
عمر بصدمه وده من امتى ده ان شاء الله ???
زياد بابتسامه انا عارف انك متعصبتش لما قولتلك اني بحبها لانك عارف صاحبك وواثق فيه وكنت جاي عشان مبدائيا اطلبها منك بس لما سمعت الحوار قولت ننهي الجدال ده بعدين نتكلم في الجد
سليم اتصدم جداا وحس بغيره وعصبيه وتابع بسخريه وهو انت عاادي كده تلم عك غيرك يا زيزو ??
زياد اتعصب جداا وكور ايديه بغل وحاول يهدى فعمر اتعصب وتابع يا حيوان يا زبااله ورايح يضريه فزياد مسك ايديه وتابع ولا تعصب نفسك قوله يثبت .. بعيدا عن ان اسماء ست البنات وانا بردو عايزها وعارف الهري اللي قالوا كله عنها بس خليك ذكي وقوله اثبت
عمر بص لاسماء بخذلان شديد فدارت وشها منه بوجع فتابع بكسره: قالى على الحسنه اللي في رقبتها يا زياد يعني مش بيكدب بس انت عرفت منين
زياد بابتسامه هقولك عرفت منين بس مش الحسنه دي اللي مايله ناحيه اليمين شويه ??
عمر اتصدم وتابع اه فتابع زياد بتنهيده هفهمك اسماء نزلت صوره ليها مره على انستا والطرحه كانت مش مظبوطه ورقبتها بانت فشوفت الحسنه وساعتها انا فهمتها بهدوء ان كده غلط وحرام فمسحتها علطول يعني مقالش دليل ولا حاجه
سليم اتعصب جداا وتابع طب قسما بالله كل كلامي صح ده كداب وبيكدب كلامي علشان يداري عليها وبيستغفلك والاسم صااحبك
زياد بابتسامه ياباشا انا منطقتش ولا قولت انت كداب انا قلت اثبت
زينب واسماء خافوا جدا علشان الصور فهمست اسماء بعياط بصوت زياد بس اللي سمعه : زياد الصور ابوس ايديك اسكت عمر لو شافها هيموتني
فزياد رجع ايديه ورا ضهره وطبطب على ايديها تاني وهمس قولتلك متخافيش
سليم اتعصب جدا لانه مش معاه الدليل فعلاا واتاكد من ثقه زياد انه هو السبب في اللي حصله زي ما كان شاكك فتابع عمر بتنهيده ولنفترض هو كداب هي مدافعتش عن نفسها ليه ???
زياد بابتسامه لا اكيد كانت هتتكلم وهتدافع وخوفها منك والخضه اللي كانت فيها سكتتها مؤقتا واسمحلي احكيلك اللي حصل كله
عمر بتنهيده احكي يا زياد
زياد الحيوان ده بقاله فتره بيحوم حواليها والله اعلم بقى نيته كويسه ولا مش كويسه بس هي رفضته مره واتنين ومليون وقالتله خرج بره حياتها وبدايه معرفتهم اصلا علشان هو بيجي الصيدليه عندنا فانا لما لاحظت ان كل شويه يضايقها وهي تتعصب قولت اعرف منها مين ده يمكن قريبها ولا حاجه بس قالتلي ان هي متعرفوش خالص وان ده واحد بيجي يفضل يضايقها بالكلام وعاوز يرتبط بيها من ورا اهلها لحد ما يشوف هيكمل معاها ولا لا ولما رفضت المبدا ده قالها طب انا جمعت عنك معلومات وعرفت عنك كل حاجه وهروح اقول لاخوكي عمر انك بتلبسي مش كويس وبتيجي معايا اماكن مشبوهه علشان تتجرئي ترفضيني وهي خافت بس انا قولتلها كبري دماغك متشغليش بالك بالكلام ده معاه دليل يثبت مش معاه دليل اخوكي مش عبيط عشان يصدق واديني قدامك اهو طلبت منه دليل وهو القط شكله بلع لسانه وبص لسليم اللي واقف متعصب جدا وغمز بخبث وتابع ولا يكون معاك صور ليها او فيديوهات تثبت اللي قولته وهتكسفني وتغير كلامي دلوقتي هاا ?? وضحك وتابع لو معاك متستخسرهاش فينا اصل احنا عايزين نعرف الحقيقه بردو
سليم اتعصب جداا لانه ممعهوش دليل فعلا وكان نفسه يمسك زياد يولع فيه وعمر اتعصب من كلام زياد ومن ضربه لاسماء بسبب سليم فتابع بعصبيه يا ابن الكلب يا زبااله ده انت هيطلع عين اهلك انهارده وراح ضربه براسه وقعه على الارض وفضل يضرب فيه بكل غل وزينب واسماء كانوا واقفين مرعوبين وزياد بيحاول يحوش عنه وتابع بخوف بس ياعمر خلاص سيبه علشان خااطري هتودي نفسك في داهيه مش كده
عمر بعصبيه ده اتهبل في دماغه واتجرا وكلم اختي انا وجاي لحد هنا وبيفتري عليها وبيظلمها قدامي وخلاني ضربتها وعايزني اسيبه ده انا هطلع روحه في ايدي النهارده وفضل يضرب فيه جامد وزينب حاطه ايديها على بوقها برعب وحسام صحي وفضل يعيط من الصوت لانه كان نايم على الكنبه فجريت عليه زينب بسرعه شالته وفضلت تطبطب عليه
زياد بص عليه بخوف بعدين بص لعمر وبقى يشده وتابع بعصبيه يا عمر خلاص ابنك اتخض وصحي مفزوع مش كده سيبه ده ابن كلب ميطولش اصلا ان انت تحرق دمك بسببه
عمر مكنش مهتم بكلام زياد وفضل يضرب سليم تحت صراخه فزياد مسك عمر جامد وبعده عنه بالعافيه فتابع عمر بعصبيه يا عم اوعى يا عم سيبني
فتابع زياد بعصبيه لسليم يلا غور في داهيه بسرعه اخلص
وفعلا سليم قام بسرعه وهو متوجع جدا ونزل جري فبص زياد لاسماء وتابع اقفلي الباب بسرعه
اسماء هزت راسها ب حاضر وبسرعه وراحت بالفعل قفلتها فتابع عمر بعصبيه يا عم مسكتني ليه كنت عايزه اطلع روحه وارتاح ده واد ابن ستين كلب
زينب وهي بتهز ابنها علشان يسكت تابعت بدموع اه وماله وتسيبني انا وابنك لمين ان شاء الله لما تموته تحت ايديك
عمر مسح على وشه بغضب وتابع بعصبيه خليكي في حالك ومتتدخليش مسمعش صوتك نهائي علشان بيعصبني
زياد طبطب على كتفه وتابع اهدى طيب مراتك عندها حق يا جدع… انت فعلا لو كنت زودتها معاه كان مات ولا اتصاب جامد وراح بلغ عنك وكنت ساعتها هتودي نفسك في داهيه وسُمعتك في الحربيه هتبقى زي الزفت ومش بعيد يوقفوك عن العمل كمان اصل انت ظابط محترم مش بلطجي
عمر بعصبيه حقي اعمل كده واكتر من كده كمان انت يرضيك اللي اتقال على اختي ???
زياد بتنهيده قولتلك اني بحبها وعاوزها وهتبقى مراتي باذن الله بعد موافقتك فاكيد حاسس بيك وموجوع زيك وميرضينيش بس انا وانت عارفين انها ست البنات خلاص كب ميه على الكلام ده كله بقى
عمر تنهد بعمق واستغفر الله في سره وبص لاسماء اللي كانت بتعيط بصمت وفتح واحده من ايديه وتابع تعالي
واسماء كانها كانت مستنيه منه يقولها كده فراحت بسرعه واترمت في حضنه وفضلت تعيط فقفل دراعه عليها وباس راسها بعمق وتابع حقك عليا كانت تتقطع ايدي قبل ماتتمد عليكي
اسماء بعياط لالا يعمري متقولش كده ومسكت ايديه بين ايديها الاتنين باستها وتابعت بعياط ده انت ابويا واخويا وصاحب عمري هو انا ليا غيرك !! فحقك لما تسمع عني كده تربيني على غلطي
عمر شدها لحضنه وفضل يطبطب عليها وهي بتعيط ومسح دموعها وباس راسها وتابع لا انا غلطت في حقك المفروض كنت اسمع منك الاول
اسماء بصتله وتابعت بدموع اي راجل مكانك لو سمع الكلام ده كان صدق عادي علشان الحسنه فانا والله مش بلومك وعيطت جامد وتابعت انت اللي حقك عليا علشان معرفتش اصون اسمك كويس في غيابك وخليت واحد زي ده يجي يشمت فيك
زينب اتفاجئت من كلامها واتصدمت جدا وزيها زياد تحت استغراب عمر فتابع زياد بسرعه بيصحح غلطها : نفسي تقتنع يا عمر ان هي ملهاش ذنب في الموضوع كله وان هو اللي واد ابن كلب علشان مشيله نفسها فوق طاقتها لمجرد انها معرفتش تقف قصاده فاتجرأ اكتر عليها وكل ما اكلمها تعيط وتقولي انا معرفتش اصون اسم اخويا علشان سايبه كلب زي ده يجي يهددني كل شويه ومش انا اللي اتهدد انا اخت عمر فازاي واحد زي ده يقولي كده اللي هو انت بمركزك مينفعش واحد يهدد اختك وهي معرفتش تخليه يبطل يهددها بس ما هي غصب عنها كانت هتعمل ايه يعني
عمر ابتسم وحط واحده من ايديه على خدها وقرب باس جبينها بعمق وبصلها وتابع بالعكس ده انتي اللي حقك عليا لتاني مره علشان بسبب غيابي عنك الكلب ده اتجرأ وعمل كده
اسماء ابتسمت من بين دموعها ولفت ايديها حوالين رقبته وحضنته وفضلت تعيط وتابعت ربنا ميحرمنيش منك ابدا يا سندي ومتقولش كده والله في غيابك ووجودك اسمك مخليني في امان ينور عيني وبصت على زياد اللي واقف ورا عمر فابتسملها وغمز وبعتلها بوسه في الهوا فضحكت من بين دموعها
فحس عمر وبعد عن حضن اسماء ولف يبص وراه فزياد ابتسامته اختفت
فتابع عمر برفعه حاجب انت عملتلها ايه ياااالا
زياد بتوتر ولا حاجه كبير انا عملت حاجه يا اسماء ??
اسماء فضلت تضحك وتابعت لا يا عمري معملش حاجه
عمر برفعه حاجب لا يا شييخه
اسماء بضحك اه عيب عليك انت عارف اختك
عمر اممم قولتيلي طب عموما ايه رايك في الطلب اللي جاي يطلبه زياد النهارده ??
اسماء ابتسمت وبصت للارض وتابعت بخجل اللي تشوفه طبعا انت هو اللي هيحصل
عمر بضحك لا يا شيييخه اشمعنى ادم رفضتيه وقومتي اتعصبتي وخربتي الدنيا دلوقتي اللي اشوفه !!
زياد برفعه حاجب ادم مين ??
عمر بضحك بس يا حيوان اخرس انت وبص لاسماء وتابع اشمعنا يا اسماء ها ??? عارفه يا اسماء لو كنتي بتستغفليني هعمل فيكي ايه ??
اسماء بتوتر والله العظيم ما حصل
زياد بضحك لا والله العظيم مفيش اي ارتباط بيني وبينها بس انا بحبها وحسيت ان هي كمان مايله ليا فجيت اطلبها بالحلال
اسماء فرحت جدا والدموع اتجمعت في عينيها وعمر فهم نظرتها وتابع اعتقد ان العروسه موافقه ولا ايه يا ساسو
اسماء وعينيها بتلمع تابعت انت كبيري واللي انت هتشوفه هو اللي هيحصل زي ما قولتلك
عمر رفع ايديها باسها بحب وبص لزياد وتابع خلاص يا زياد مستنينك انت واهلك بكره ففرحت جدا اسماء وزياد مكنش مصدق اللي بيسمعه وزينب زغرطتلها بفرح بعد ما سمعت عمر قال كده وراحت حضنتها وتابعت بفرح الف الف مليون مبروك يا حبيبت قلبي انتي
اسماء بدموع فرح الله يبارك فيكي بجد ينورعيني
زياد ابتسم بفرح وتابع تسلم يا عم الناس ايوه كده يا جدع صاحب صاحبك بجد وحضنه بفرح فعمر طبطب على ضهره وتابع بابتسامه ربنا يسعدكم يحبيبي وتنهد بعمق وتابع انا مليش غير اسماء يا زياد فخد في بالك انك خدت كل اهلي وكل حياتي فحطها في عينيك واياك تزعلها
فاسماء حضنته وعيطت بفرح وهمست بحب ربنا ميحرمنيش من وجودك ابداا يحبيبي
زياد بابتسامه مليانه فرح اسمحلي اقولك في قلبي وفي عيني وفوق راسي كمان والله
عمر ابتسم وتابع ربنا يفرحنا بيكم يا رب يا غالي
زياد بحب اللهم امين يا رب ممكن بقى اقولها كلمتين في البلكونه ولا عندك اعتراض ??
عمر بحب لا يا حبيبي عادي قولها وبص لاسماء وتابع بابتسامه روحي معاه
اسماء ابتسمتله بفرح وراحت مع زياد فعلا
فتابعت زينب بسخريه ووجع: غريبه انك بتوصيه وصيه سيف وحسام الله يرحمه قالوها ليك وانت معملتش بيها
عمر غمض عينيه بعصبيه واتنفس بصوت عالي وتابع انا رغي كتير مش عايز فشدي بلاستر علشان مزعلكيش
زينب بدموع لا هشد بلاستر متقلقش وهريحك مني خالص سيف جاي ياخدني
عمر مسك دراعها جامد وتابع بعصبيه جاي ياخدك ازاي ان شاء الله انتي عبيطه في دماغك ولا ايه انا قولت مفيش نزول يعني مفيش نزول ولا سيف ولا غيره هيحكم عليا ووريني هتنزلي ازاي يا زينب ورمى ايديها جامد ودخل الاوضه ورزع الباب وزينب قعدت على الكنبه وفضلت تعيط
في البلكونه عند اسماء وزياد
اسماء بدموع لا انا حقيقي مهما اشكرك مش هعرف اوفيك حقك يا زياد ربنا ميحرمنيش منك ابدا
زياد مسح دموعها وتابع بابتسامه بس هبل بقى تشكريني على ايه عبيطه ده احنا هنبقى واحد
اسماء بعياط والله مش قادره اصدق اصلا
زياد باس جيبنها وتابع لا صدقي كفايه يا اسماء احنا الاتنين تعبنا اوي لحد ما وصلنا لبعض جه وقت ربنا يعوضنا بقى
اسماء بدموع انت ازاي اتكلمت بالثقه دي وانت عارف ان معاه الصور وجيت ازاي اصلا
زياد بابتسامه انا جيت علشان حضرتك مش بتردي على الفون كنت عايز اوريكي ان انا فعلا شاريكي وبحبك وهتقدملك مبدائيا زي ماعملت كده بس لقيته صدفه والحمد لله ان انا جيت بجد وبالنسبه للصور طلع فون سليم من جيبه وداس على الباور فبانت صوره سليم وابتسم وتابع جبته لست البنات تعمل فيه ما بدالها
اسماء شهقت بتفاجئ وحطت ايديها على بوقها وفضلت تعيط بفرح متابعه بانهيار وفرح : زياد انا بحبك اوي اوي بجد .. اوي وحقيقي ربنا عوضني واداني شخص فيه كل اللي اتمنيته واكتر
زياد الدموع اتجمعت في عينيه وابتسم بحب وتابع طب خلاص بالله عليكي كفايه عياط انا معملتش حاجه يعبيطه انتي هتبقي مراتي يعني شرفي وطبيعي ابقى عاوز اخفي اي حاجه ممكن تضر بسمعتك واللي حصل ده هننساه وكان درس اتعلمتي منه وعمر مش هيعرف عنه حاجه وخلاص كده خلصت
اسماء بعياط يعني عمرك ماهتندم ولا هتعايرني ??
زياد اتفاجئ من تفكيرها بس قدر انها اكيد خايفه فحاول يطمنها وتابع بابتسامه وهو حاطط ايديه على خدها : يا اسماء يا حبيبتي اما انا مفيش بيني وبينك اي رابط غير القلب وعملت كل ده واتحديت الدنيا علشانك يوم ما تبقي مراتي وشرفي وشايله اسمي وهيبقى بينا اطفال كمان اجي اقولك انا ندمان وانتي فيكي وفيكي ده انا لمؤاخذه ابقى راجل ناقص لاني بعيب في شرفي مش في شرفك انتي لوحدك وبعدين انتي محدش لمسك اه اتصرفتي غلط بس عرفتي انك غلط ورجعتي زي الاول واحسن وربنا يباركله سيف هو اللي فوقك وهو اللي جمعنا
اسماء بعياط من الفرح اه والله ده حقيقي وحقيقي مش عارفه اقولك ايه يا زياد انت حاجه اكبر بكتير من ما اتمنيت كنت زعلانه اني عندي 25 سنه ولسه متجوزتش بس لما انت جيت حمدت ربنا 1000 مره ان محصلش كده
زياد ابتسم بحب وتابع ومكنش هيحصل عارفه ليه ??
اسماء بصتله بحب وتابعت ليه ??
زياد حط ايديه الاتنين على خدودها وابتسم بحب وتابع علشان ربنا كان شايلك لزياد
اسماء دموعها نزلت وتابعت ده انا يا بختي فعلا وربنا بيحبني اوي انه جعلك نصيبي ..وافتكرت وتابعت بس صحيح انت عرفت منين موضوع الحسنه انا منزلتش صور زي ما انت قولت
زياد رمى الفون على الارض وفضل يدوس عليه برجله وهو بيتابع ولا حاجه لما وريتيني صورك معاه مراحتش من بالي وخدت بالي ان الحسنه بتاعتك باينه جدا
اسماء بحرج وانت حفظت الصور في دماغك من ساعتها يعني يا زياد
زياد بصلها وهو مكمل يدوس على الفون وتابع زياد مقدرش ينساها يقلب زياد ومش عشان انا وسخ وماصدقت ابص عليكي لااا طبعاا بس علشان انتي حبيبتي ففكره اني شوفتك لابسه كده وحد تاني شافك بالمنظر ده فمنسيتش المشهد ولا تفاصيلك اللي ظهرت ساعتها
اسماء دموعها نزلت بندم وبصت للارض بحرج وتابعت لو مش هتقدر تتقبل حاجه زي كده انا والله مش هغلطك انك مش عاوز تكمل
زياد بابتسامه اعقلي يا اسماء انا مش عيل صغير انا عارف بعمل ايه ولو غيران ومش طايق نفسي فده علشان بموت فيكي مش حاجه تاني
اسماء بدموع ووجع : بس انا مش هستحمل طول الوقت احس اني مذنبه
زياد وطى جاب الفون المتكسر وتابع وهو بيديهولها في ايديها : ومين قال انك مذنبه ?? وانا مين علشان احاسب ?? وبما انك هتبقي مراتي فانا بالنسبالي كل حاجه انتهت مع بوظان الفون ده وابقى مش راجل لو فتحتلك السيره تاني فانسي انتي كمان زي ما انا بنسى
اسماء بصتله بحب واضح وتابعت انت سيد الرجاله كلهم متقولش كده
زياده ابتسم بحب وتابع طب كفياكي حلاوه بقى علشان خاطر شكلي هقوله بكره نكتب مش لسه هنتكلم
اسماء فضلت تضحك وقعدوا يتكلموا شويه بعدين زياد نزل وقالها انه هيكلمها قبل ماتنام واسماء طلعت قعدت جنب زينب في الصالون
والباب خبط فقامت اسماء تفتح فكان سيف اللي اول ما زينب شافته قامت جري عليه وحضنته وفضلت تعيط فاتصدم من شكل وشها وعياطها في حضنه وتابع بس بس اهدي مالك في ايه
زينب بعياط هحكيلك في اوضتي عند بابا دلوقتي يلا نمشي علشان خاطري
عمر خرج وتابع بهدوء انا قولت مفيش نزول فكري كده تعتبي عتبه الباب
سيف تعصب جدا من بروده وتابع بعصبيه وهو بيطبطب على زينب انت ايه الاسلوب بتاعك ده يا عمر انت اتجننت ولا
جرى لمخك حاااجه ????
اسماء راحت قفلت الباب وتابعت بخوف يا جماعه اهدوا صوتكم والناس مش كده
سيف بعصبيه انتي مش شايفه اخوكي عمل في وش اختي ايه ده انا جاي وحالف اني هساوي وشك بالاسفلت علشان مش زينب الرفاعي واخت سيف الرفاعي اللي يتعمل معاها كده
عمر بحده مع احترامي ليك يا سيف انا مش عايز ازعلك علشان انت في بيتي وانا ابن اصول وبينا عشره سنين بس واجبي لما مراتي تغلط انا اللي اربيها مش انت فمتتدخلش بينا يا ابن الناس عشان منخسرش بعض
سيف بعصبيه لا هتدخل ولما تيجي على اختي يبقي لازم اتدخل وانا معنديش اغلى من اختي الصحاب تتعوض انما هي بالدنيا كلها بالنسبالي وبص لزينب وتابع بعصبيه اخلصي حصل ايه
زينب بعياط احنا شدينا قصاد بعض وهو فضل يقولي لو نزلتي هكسر رجلك ومحدش من اهلك كلهم يقدر يمشي عليا انا امشي عليكي وعلى اهلك وانتي قليله ادب ومشوفتيش ربايه
عمر بابتسامه اه انا قولت كده حصل مقدرش انكر بس من غير سبب علشان انا راجل مجنون ومخي تعبان فاهي قاعده ساكته روحت قولتلها تعالي لما اديكي قلم يعلم على خلقتك واهزقك
سيف اقتنع بكلام عمر جدا لانه منطقي وفهم ان اكيد اخته عملت حاجه لان عارف صاحبه مش هيتعصب من فراغ فبص لزينب وتابع برفعه حاجب عملتيله ايه يا زينب ???
زينب بيعياط وتوتر هقوللك بس ايا كان مينفعش يمد ايده عليا ويقولي كده
سيف بحده منا مش هعديهاله بس قولي
عمر قعد وتابع وانا يباشا مش هنطق خالص في اكتر من كده بقى ?? فخليها هي اللي تحكي وانا راضي بحكمك
سيف بص لزينب وهو شبه متاكد انها فعلا الغلطانه بسبب اسلوب عمر فتابعت بعياط وتوتر انا قولتله عايزه اروح ابقى ممرضه خاصه فقصر العمده لفريد حفيد العمده الكبير عشان عمل حادثه زي ما انت عارف وعايزين ممرضه والمدير بتاعي رشحني
سيف برفعه حاجب واولا كده هو مش جوزك قايلك متفتحيش موضوع الشغل ده تاني ولا هو اي نكد وخلاص ??
عمر بضحك لا استنى التقيل جاي ورا ما هو انا متعصبتش من كده بس ياريتها جات على كده وبص لزينب وتابع مش جيباه يا زينب علشان تشكيله وعملتي مشاكل بيني وبين صاحبي احكي بقى
سيف بص لزينب بعصبيه وتابع كملي كملي شكلي انا اللي هديكي علقه
زينب عيطت وسكتت فتابع سيف بعصبيه ماقوولت كمملي
زينب بعياط مش متنيله بس
عمر اقولك انا يا غالي مش عايزه تكمل ليه .. لان ببساطه قالتلي ايه انت رافض ليه ما دي طبيعه شغلي يعني هو رايح يلمسني !! اللي هي بمعنى يعني هو رايح ينام معايا ?! بس بشياكه فضربتها بالقلم
سيف اتصدم جداا من اللي سمعه وتابع بعصبيه يانهااار ابوكي اسوود انتي اتجننتي ايه اللي قولتيه ده هاا وضربها بلقلم فعيطت اكتر ومسك دراعها جامد وتابع بعصبيه ايه الوسااخه وقله الادب اللي بتقوليهاا لجوزك دي جيباني اعملك ايييه انتي عاايزه تحررقي دمي ????
عمر راح شدها منه وتابع بحده بس بس يا سيف متمدش ايديك عليهاا قدر اني واقف
سيف بعصبيه ده انا هكسرها خالص مش همد ايدي وبس بنت الكلب الحيووانه دي كلمه تقولها على نفسهااا وبيحاول يطولها فبتستخبى ورا عمر وهي بتعيط بقهر وتابع سيف بعصبيه دي رخصت من نفسها ومن شرفنا بكل سهوله ومتصله بياا عايزاني اجي اجيب حقهاا البجحه
زينب بعياط وقهر وعصبيه : حتى انت جيت علياا وبدل ماتدافع عني وتعرفوا ان ليا ضهر جيت كسرتني قدامه اكتر وهتخليه بكل قسوه يكسرني تحت رجله علشان ماليش سند .. الله يرحمه حسام ولا عمره كسرني ولا مد ايديه علياا ولا اهان كرامتي قدام حد بس انت عيشت بعيد عننا وبقيت شخص قااسي حتى على اختك الصغيره وعيطت اكتر وتابعت فينه حسام لو كان عاايش كان زمانه مقويني مش زيك
عمر واسماء اتصدموا جدا من كلام زينب عكس سيف اللي تقريبا كان مغيب وحس انه بيحلم ازاي سامع من زينب الكلام ده ??!! من بنته واخته الصغيره .. اللي فضل طول الوقت يدلعها ويحبها ويهتم بيها وجبلها فون حتى في عز شغله علشان مهتم انه يفرحها بكل الطرق فازاي هي اللي تقول عنه كده فا الدموع اتجمعت في عينيه ودي مش بسهوله تحصل وتابع بصوت مليان وجع: من انهارده اعتبري التاني مات
ورايح يمشي عمر مسكه وتابع بوجع سيف .. سيف استنى حقك عليا وباس راسه وتابع بتوتر: حقك على راسي دي هبله متاخدش على كلامها ورحمه اخوك
سيف ابتسم بوجع وتابع لا عادي هي قالت مشاعرها مغلطتش في اي حاجه انا فعلا مش زي حسام
زينب اتوجعت اوي وندمت ان ازاي توجع سيف بكلامها كده فعيطت بشده وجريت لفت ايديها حوالين رقبته وحضنته جامد وتابعت بانهيار انا اسفه .. اسفه والله بالله عليك حقك عليا يارب انا اللي اموت لو زعلتك يحبيبي لالا متقولش على نفسك كده ابوس ايدك انا ماليش غيرك
سيف رفع ايديه حطها على ضهرها وضمها ليه اكتر وطبطب عليها وتابع بوجع بس بحيوانه قطع لسانك بعد الشر
زينب بعياط لالا بالله عليك قولي انك مش زعلان مني انا اسفه بجد مش فاهمه ازاي قولت كده والله
سيف بوجع خلاص يا بابا اهدي محصلش حاجه وفضل يطبطب عليها
زينب باست جبينه وحضنته اكتر وتابعت بعياط انت عارف انك اغلى حد عندي في الدنيا حتى حسام لما كان عايش انا كنت بجري عليك انت واشكيلك واحكيلك كل حاجه وبيبقى يوم عيد عليا لما اعرف انك نازل اجازه ولا المكالمه اللي كنت بتكلمهالنا كل فين وفين وبطمن فيها عليك لما بسمع صوتك كنت بستناها بفارغ الصبر فانا مفيش كلام جوايا يعبر انا بموت فيك قد ايه بس انت اكتر من كونك اخويا وسندي وصاحبي انت كل حاجه ليا ياسيف ومقصدش احسسك بكده ابدا وياريته كان اتقطع لساني قبل ما اقول كده بس انا كان غصب عني اعتبر اني غلطت بس انا اتصلت بيك علشان محتاجه حد يقف جنبي وياخدني في حضنه ويطبطب عليا ويقول لعمر ميعملش كده تاني انما انت جيت ضربتني قدامه وانا مش بنكر غلطي بس كنت محتجاك جنبي وعادي اختك الصغيره يا سيدي وبتربيها بس فكره انكم كلكم عليا وجعتني
سيف حضنها جامد ففضلت تعيط وتابعت ورحمه اخوك يا سيف ورحمه اخوك وغلاوه حسام عندك لتسامحني
سيف باس راسها بعمق وتابع مقدرش ازعل منك انتي بنتي وعارف انا بالذات عندك ايه وعلشان كده اتصدمت وخدت على خاطري لاني متوقعتهاش منك انتي
زينب عيطت اكتر وباست خده ورجعت نامت على صدره وحضنته جامد وتابعت حقك عليا ينورعيني ده انا اموت فيها لو زعلت مني والله
سيف طبطب على ضهرها وابتسم وتابع الف بعد الشر عنك مش زعلان والله خلاص راضي جوزك بقي وانا هبقى زي الفل
زينب تنهدت بحزن وتابعت لا يا سيف علشان خاطري متخلطش انا مش هقدر اتكلم معاه دلوقتي وفعلا عايزه اروح معاك واريح اعصابي شويه
عمر بحده وانا قولت مش هتروحي في حته
زينب بصت لسيف عشان يتكلم فتابع بابتسامه طب انتي بتبصيلي ليه دلوقتي ?? هو انتي عايزه يبقى جوزك راجل طول بعرض وبقى اب كمان وانا اقف ابجح واقوله هاخد مراتك غصب عنك لمجرد انها اختي??
زينب بحزن مش كده بس اقنعه ان انا امشي معاك
سيف تنهد بعمق وتابع طب علشان خاطري يا عمر سيبها تيجي تريح اعصابها يومين
عمر خاطرك غالي ياسيف بس طول ما انا في البيت مراتي متبااتش برا مقموصه تترزع في اي اوضه مع نفسها وانا كده كده مش هحتك بيها في اي حاجه واذا كان على الطفح هقول لاسماء
سيف بغمز وضحك :وغير الطفح ??
عمر لا ماليش نفس .. اتسدت بعيد عنك
سيف بص لزينب بعتاب وتابع ينفع كده ??
زينب بضيق بقولك ايه سيبك منه مش انا اللي هموت عليه يعني بلا قرف ودخلت الاوضه بتاعتها وقفلت
سيف اضايق جدا من اسلوبها وبص لعمر بحرج وتابع حقك عليا الغلط جاي من عندنا وحقيقي مش عارف زينب مالها انت عارفها وواخدها متربيه وعارفه الاصول
عمر بسخريه لا وانا اللي كنت بقولك فعلا عمرها ما تعلي صوتها ولما بتعصب عليها بتتخرس المره دي زودتها على الاخر
سيف بتنهيده زينب غلطت اه بس متنساش من كتر حبها ليك وافقت باسلوب حياتك وضحت بشغلها اللي هو كان اول حاجه في حياتها وبتحبه جدا وتعبت علشان توصله فجيه في بالها انك ممكن توافق بالفكره دي انما الجمله اللي هي قالتها غلط وانا لو مكانك هتعصب وهعمل كده واديني قدامك ضربتها وجيت معاك لانها فعلا غلط بس انا هقولك كلمتين يا صاحبي ومش هقولهم تاني .. انا مش ضامن حياتي ولما اديتك زينب اديتهالك علشان انا بثق فيك اكتر من اي حد فكوني ان انا يجيلي فون ان انت مديت ايدك عليها واجي اشوف وشها بالمنظر ده تخليني اخاف وارجع افكر في اللي انا عملته ده كان صح ولا غلط لان انا لو مُت زينب هتبقى بطولها
عمر تنهد بعمق وتابع كلام ليك انا ندمان اني مديت ايدي عليها وفضلت ادعي على نفسي قد كده وبقول ياريتها اتقطعت ولا علمت على وشها بالمنظر ده ومش فاهم ازاي قدرت اعملها بس هي عصبتني اوي وداست على حته بتوجع اي راجل فمشوفتش قدامي وحقك انت كمان على راسي وعارف انت اديتني زينب ليه واوعدك ان انا هفضل قد ثقتك بس دي غلطه بره ارادتي ومش هتتقرر والف بعد الشر عنك متقولش على نفسك كده تاني عشان مزعلكش
سيف حضنه وطبطب على ضهره وتابع تسلم يا غالي هدخلها انا بعدين انزل
عمر وهو داخل اوضه حسام تابع بلاش عبط البيت بيتك يحبيبي خد راحتك
سيف بحب تسلم يا غالي وراح اوضه زينب وخبط فأذنت بالدخول فدخل وقفل الباب لقاها غيرت وقاعده لابسه بيجامه ربع كم وبرمودا ولامه شعرها في شكل كحكه فوضاويه فابتسم وتابع ايه يخواتي الحلاوه دي زي القمر حتى وانتي بومه ومكشره كده
زينب ابتسمت بحزن وتابعت تشكر
سيف بضحك مانا اشكر طبعا وغمز وتابع بضحك قومي يا بت غيري هدومك والبسي حاجه عدله بدل القطط اللي لابساها على البيجامه دي وصالحي الراجل اللي بره ده
زينب ضحكت وتابعت انت مش المفروض بتغير علياا مالك حصل ايه ??
سيف فضل يضحك وتابع طب نعمل ايه ما انتي بنت كلب زعلتي الراجل عايزين نراضيه
زينب بضحك وهي لازم قله الادب يعني
سيف بضحك احنا كرجاله كلنا بنتصالح بقله الادب
فزينب فضلت تضحك وتابعت لا انا مش هعمل كده وابتسمت بحزن وتابعت سيبك منه يا سيف انا فعلا مقفوله اوي ومش هسامحه بسهوله انت فاهم يعني ايه تجيلك الضربه من الايد اللي بتشوف منها الامان
سيف ابتسم بحزن وتابع حسيت بكده النهارده لما انتي وجعتني بكلامك بس سامحت عشان بحبك وانتي نورعيني وبنتي ومقدرش استغنى عنك فانتي كمان لازم تسامحي
زينب نامت على صدره وفضلت تعيط وتابعت ندمي الوحيد على اللي انا قولته في حقك بجد انما عمر انا بجد مقهوره منه
سيف بضحك يا بنت الكلب مقهوره منه ايه بس ده انتي استخبيتي مني وراه
زينب بعياط ما ده اللي قاهرني لاني فعلا بشوف اماني فيه
سيف خدها في حضنه وفضل يطبطب عليها وباس راسها وتابع اللي قولتيه يا زينب غلط وانا مرضتش اطبلك وجيت عليكي علشان انتي صدمتيني حرفيا وانا كنت جاي شايط ومتعصب وهخسر صاحب عمري علشانك وكان بالنسبالي عادي المهم انتي ومحدش يجي عليكي فاتصدمت ومبقتش عارف اتكلم اقول ايه لما عرفت اللي حصل واحرجتيني وحطيتي وشي في الارض منه وامنيه قالتلي والله اسمع من اختك عشان اكيد غلطت عمر مش هيضربها كده من فراغ بس انا مكنتش شايف قدامي غير ان انتي بتعيطي ووشك مورم انما لو هكلمك علشان انتي بنتي واختي بجد يبقى انتي غلطتي وغلط كبير كمان مينفعش اصلا بعيدا عن عمر زينب الرفاعي تقول على نفسها كلمه زي دي كنت هجيبلك حقك من نن عينيه لو غلط انما اللي انتي عملتيه خليتيني واقف ساكت مش عارف اقوله ايه اصلا علشان اللي انتي قولتيه ده معناه اننا معرفناش نربيكي فعلا وسمعنا كلام صعب بسببك وعمر اه غلط لما مد ايديه عليكي بس ندم وقالي انا الكلام ده وكاني ما قولتلكيش حاجه هاا … زينب هزت راسها بحاضر فتابع سيف ودعاا على نفسه ان ايده ياريتها اتقطعت بس ميعملش فيكي كده فاعمر بيموت فيكي يا زينب بجد بس انتي يا بابا عصبتيه فاهدي كده وروحي صالحي جوزك ومتنسيش من البدايه هو قالك شغل لا وانتي رضيتي فمتجيش دلوقتي تعندي قدامه وتعصبيه .. فكلمه جوزك يا بابا تتسمع من اول مره مش كل شويه نعمل حاجات بتعصبه طالما انتي عارفه ان هو رافض خلاص احترمي رغبته ورايه وبلاش كلام من جو ان هو حبسك وان انتي مقفول عليكي وان انتي مخنوقه علشان انتي بنفسك اللي اختارتي الحياه دي وانا كنت محذرك منها لانك شوفتيها معايا بس انتي قولتي مستعده اعيشها فمينفعش دلوقتي تعملي كده فانا همشي بس انتي تروحي تصالحي جوزك يا زينب والا والله العظيم هزعل منك
زينب بدموع حاضر يا سيف اهدي شويه بس وهروحله
سيف بحب ربنا يهديكم يحبيبتي ووطى راسه باس حسام اللي نايم جنبها وتابع بضحك ربنا يهدي امك وابوك المجانين
زينب بضحك من بين دموعها يارب
فسيف مسح دموعها وتابع بحب وغلاوه سيف عندك خلاص متعيطيش وباس خدودها الاتنين وتابع وحقك عليا اني ضربتك
زينب ابتسمت وتابعت لا يحبيبي متقولش كده انا اللي غلطت لما جبتك تتخانق مع عمر مع اني غلطانه من البدايه فانت اتحرجت منه انما انا عارفه انك حنين عليا
سيف ابتسم بحزن وطبطب على ضهرها وتابع وهو بيحاول يخليها تضحك اديني بوست الخدين اهو عشان مش فاكر ضربتك على انهي
زينب ضحكت مشاوره على خدها الوارم وتابعت نفس بتاع عمر والله
سيف باس خدها تاني وتابع بضحك يا شيخه ضربه في ايدي وايد عمر
زينب بضحك لالا بعد الشر عليكم
سيف بضحك شوف بنت الكلب اللي عامله فيها تقيله قدامي هو انتي ماصدقتي اني هادي ومش بنكد واغير ولا ايه
زينب بضحك لا يعمري هتلم خالص اهو
سيف بضحك لا مش اوي راضي الواد هاا نفسيته مش متظبطه بسبب ضغط الجيش وقربنا نرجع ميبقاش انا وانتي عليه هنكره الراجل في عيله الرفاعي
زينب فضلت تضحك وتابعت لا متقلقش ميقدرش يكرهك عمر يموت علشانك والله
سيف بحب عارف والدنيا جربته كتير قبل كده وكل مره بينجح نجاح احلى من اللي قبله ده اخويا مش صاحبي وقام باس راسها وتابع وهو بيبص في فونه لانه رن: طب هنزل انا عشان ام بيري بتتصل فهروحلها
زينب بابتسامه ماشي يحبيبي خلي بالك من نفسك
سيف بتنهيده حاضر وهدي اللعب يا زينب هاا .. عيب يا بابا اللي انتي بتعمليه بيعكس تربيتنا ليكي
زينب بابتسامه حاضر والله
فباس راسها وخرج وبص لاسماء اللي كانت قاعده بتتكلم في الفون وبتضحك وشاورلها تيجي فاتوترت وقامت راحتله وتابعت ايه يا قائد اؤمرني
سيف برفعه حاجب انتي بتكلمي مين يابت ??
اسماء بهمس ده زياد وقال لعمر انه هيجي يتقدملي بكره
سيف بضحك وفرح: فعلا !!!
اسماء بضحك اه والله
سيف بابتسامه ربنا يسعدكم ويتمملكم بخير يحبيبتي والله فرحتيني
اسماء بحب تسلم يا غالي بجد الفضل بعد ربنا يرجعلك انت اللي عرفتني بيه
سيف بحب لا يحبيبتي انا معملتش حاجه ده هو اللي نصيبك وربنا كان كاتبه ليكي ومستني الوقت المناسب علشان يجمعكم انا مجرد سبب وانا هبقى اكلمه بكره اباركله المهم عايز اطلب منك طلب
اسماء بحب تحت امرك قول
سيف بهمس ادخلي لبنت الكلب اللي جوه دي وخليها تلبس حاجه حلوه وتتظبط وتروح تصالح جوزها بس استنوا شويه عشان عمر دلوقتي متعصب ودماغه ناشفه انا كنت ممكن اصالحهم انا قبل ما انزل بس انا عارف عمر هيعمل ايه وزينب هتشوف طريقته هتضايق اكتر فتسيبه يهدي شويه
اسماء بضحك من عيوني كنت هعمل كده فعلا عارفه نقطه ضغف اخويا
سيف فضل يضحك وتابع مش اخوكي بس بالله يا اسماء وابتسم وتابع بس جدعه مش هوصيكي بقى
اسماء بضحك عيب عليك يا قائد متخافش
سيف بضحك مبقتش خايف فعلا ومشي وهو بيفتكر محاثته مع امنيه
امنيه بستغراب طب وهتستفيد ايه لما تخلي زياد يسيب صيدليته ويشتغل مع اسماء
سيف بابتسامه انا عارف زياد وعارف اسماء والاتنين شبه بعض بطريقه متتخيلهاش في التفكير والاتنين اتخذلوا بسبب الحب اكيد مش هينفع احكيلك تفاصيل عن القصص بتاعتهم لان دي حاجه متخصنيش بس انا شاهد فعلا انهم اتوجعوا وميستاهلوش كده و يصعب عليا اشوف صاحب عمري كده واخت صاحب عمري كده فنفسي اوي ربنا يفرحهم ويعوضهم ويهدي وجع قلوبهم وحقيقي بدعيلهم كتير فانا هجمعهم ببعض بطريقتي والباقي بقى بتاع ربنا لو ليهم نصيب في بعض هيكون نفسي يكونوا عوض لبعض بجد يا امنيه
امنيه بحب وابتسامه روح يا رب يحبيبي ربنا يسعدك على قد حنيتك دي
وفاق من تفكيره وهو بيبتسم وبيركب عربيته
—-
عند زينب واسماء
زينب بضيق لا طبعا اتلمي شاالله ما عنه اتصالح انا مستحيل البس المسخره دي اللي خلاني ملبستهاش وانا عروسه هلبسها دلوقتي
اسماء بضحك زينب بطلي افوره ده جوزك وابو ابنك انا مصدومه انك ملبستيش من دول اول جوازك اصلا
زينب بحرج انتي عبيطه البس ايه ده لانجري شفاف فين اللي يتلبس اصلا !! هي امي اللي جابته اقول عليها ايه
اسماء فضلت تضحك وتابعت معلش خليها عليكي مش اول مره يشوفك يعني البسي الروب فوقيه مش شفاف
زينب بحرج والله انتي مهزقه لالا مش هلبس كده بجد
اسماء بضحك وغلاوه عمر عندك يا شيخه لتلبسي بجد هيبقى تحفه عليكي
زينب بضحك ما انا عارفه انه هيبقى تحفه بس مينفعنيش انا الكلام ده يا بابا انا عمري ما لبست كده ادخل اصالحه وانا لابسه كده انتي عايزاه يقول عليا ايه
اسماء بضحك ما يقول اللي يقوله احنا فعلا قاصدين اللي هيجي في دماغه
زينب فضلت تضحك وضربتها في كتفها وتابعت عايزه تتربي انتي بكره تتجوزي ونشوفك ياختي علشان كلها شاطره في الكلام
اسماء بهيام وحب ياختي ياااارب وانا ادلع زيزو والبسله كل حاجه مش هبقى زيك بومه وفقر
زينب فضلت تضحك وتابعت شوف البت اللي مبتتكسفش
اسماء بضحك اتكسف من مين يعمري انا عايزه اتجوز من بكره اصلا ده لو زياد بيسافر زي عمر والله لادلعه اخر دلع
زينب بابتسامه انا ست مفتريه
اسماء بضحك ده حقيقي على فكره ومسكت اللانجري واديتهولها في ايديها متابعه وهي بتزقها للحمام يلا يحبيبتي البسي يلا يا بابا
زينب بحرج اسماء بالله عليكي لا
اسماء بضحك هتلبسيه يعني هتلبسيه ولونه احمر وانتي بيضه فا الدنيا زي الفل واقفلي الروب كويس يستي وانتي طالعه عشان متتكسفيش مني يلا اخلصي بقى وقفلت عليها باب الحمام وزينب خدت شاور بعدين نفخت بضيق وتوتر كانها اول مره تكون قدام عمر بدات تلبسه بالفعل واعجبت جدا بشكلها بس في نفس الوقت اتكسفت اوي من فكره ان عمر هيشوفها كده وخدت نفسها بعمق وتابعت لنفسها اهدي اهدي ده جوزك عادي مفيش اي حاجه وغمضت عينيها واتنفست بهدوء ولبست الروب فوقيه وقفلته كويس وكان لحد ركبتها وطلعت لاسماء اللي ابتسمت وتابعت زي القمر والله
زينب بحرج اخرسي بجد انتي ووقفت تحط روج ومرطبات وبادي سبلاش ولما خلصت حسام عيط فتابعت يا قلب امك ياابني بالذمه اسيب ضنايا واروح للمرقعه دي
اسماء راحت شالت حسام وتابعت وهي بتهزه روحي لجوزك واتلمي انا هنام معاه النهارده
زينب بتوتر ماتجيبي الواد وتتلمي انتي واخوكي احسن ??
اسماء بضحك اخويا كارفلك كارفه سودا ده انا بحاول افرضك عليه عشان يتصالح
زينب شهقت وتابعت نعم يعمري طب هوريكي انا مين اللي مكروفلها دي ابقي قابليني لو موقعتوش ميقدرش يقاومني اصلا
اسماء بضحك معتقدش بجد لانه متعصب وزعلان جدا
زينب بتحدي طب هتشوفي ده جوزي يحبيبتي وانا حافظاه
ولما لقيت حسام سكت في حضنها خرجت وراحت لعمر فتابعت اسماء بابتسامه مليانه انتصار ييس ( علشان كانت قاصده تستفزها علشان تروح لعمر )
وعند عمر فتحت زينب الباب وهي متوتره جدا وقفلته وفتحت النور فعين عمر انكمشت بضيق وبصلها وتابع بضيق يادي ام القرف بتشغلي النور ليه عايز اتخمد طيب واتعدل في قاعدته وبصلها بتركيز ملامحها كانت تسحر بس حاول ميبينش وتابع زينب بالله عليكي انا مش طايق نفسي فاطلعي برا كده واطفي النور
زينب راحت قعدت قدامه على السرير وحطت واحده من ايديها على خده وقربت باسته بحب وبعد ثواني بعدت وهمست قدام شفايفه: حقك عليا
عمر غمض عينيه بتأثر شديد وحاول ميبينش وتابع اوعي طيب ونتكلم بعدين انا جايب اخري وعايز انام
زينب بابتسامه ماهتنام يعمري انا مش همنعك بس نتراضى
عمر بضيق لا مش هتنيل وحلي عن نفوخي يلا
زينب بضحك عمر مبهزرش بجد كفياك تقل عماله اصالحك واتدلع عليك وده مبيحصلش في العادي وقربت نامت على صدره وباست رقبته بحب وتابعت حقك عليا بقى
عمر غمض عينيه وخد نفسه بعمق وتابع مش هقدر اعديها للاسف يا زينب اللي قولتيه صعب وياريتك سكتي لا روحتي كمان جبتي سيف وكنتي هتخسريني صاحبي
زينب ابتسمت بحزن وتابعت عارفه اني غلطت والله حقك على عيني خلاص بقى
عمر بضيق طب نتكلم بكره قومي بقى علشان عايز اتخمد ومش طايق نفسي
زينب برفعه حاجب يعني بردو مش هتتصالح يا عمر ??
عمر بحده اه مش هتنيل كفايه رغي بقى
زينب قامت وقفت وتابعت بغرور خليك شاالله ما عنك اتصالحت بس عارف مابقاش انا لو….
وسكتت ف عمر استنى تكمل بس لقاها سكتت فتابع برفعه حاجب اه متبقيش انتي لو ايه كملي
زينب ضحكت وتابعت زي ما الفنانه اصاله قالت كده وتابعت وهي بتغني : لو معرفتش ان حنااانك سره حناااني .. وان الحب في قلبك كان مخلوق علشاااني .. وانك مهما بعدت هترجع تتمناااني .. مابقاش انااا وربعت ايديها بغرور
عمر بصلها بسخريه وتابع وهو بينام وبيشد الغطا غوري في داهيه اطلعي بره بس واطفي النور
زينب اتفاجئت من رده فعله وفضلت تضحك وتابعت يا عمر بطل بواخه بجد
عمر بحده قولت اطلعي براا
زينب بحب لا مقدرش اسيبك يعمري وضحكت وتابعت زي فيلم ابو علي وتابعت وهي بتقلد الممثله: احنا مفيش حاجه تقدر تفرقناا عن بعض ابدااا
عمر ضحك غصب عنه من شكلها وتابع زينب بالله عليكي بطلي عبط على المسا واعقلي واطلعي برا
زينب بحب ولو مطلعتش
عمر برفعه حاجب هقوم انا اطلعك
زينب وهي بتفك رباط الروب تابعت بضحك اهون عليك يا موري
عمر بضيق اه تهوني طلما غلطتي يبقى … وسكت من الذهول بشكلها بعد ما رمت الروب كانت جميله اوي لدرجه متوقعهاش وخد نفسه بعمق وغمض عينيه وتابع بصوت مسموع بلعافيه: يابنت الناس مش حرام عليكي اللي بتعمليه فيا ده
زينب كانت محرجه جدا من نظراته اللي بتعدي باعجاب عليها بس حست انها فعلا حلوه وراضت غرورها وحاولت متبينش كسوفها وقعدت قدامه وتابعت وهي بتقرب منه وحاطه ايديها على صدره: ايه اللي حرمه ما انت حلالي وبعدين مكملتش كلامك ليه قولت يبقى وسكت
عمر قلبه دق بعنف ومبقاش عارف يسيطر على مشاعر وتابع بصوت ضعيف : بالله نسيت كنت عايز اقول ايه
زينب بضحك وماله ما هو ده المطلوب انك تنسي الدنيا كلها
عمر غمض عينيه وتابع زينب انتي تعبتي اعصابي قسما بالله
زينب بضحك وهي ايه اللي يتعبهاا بس مانا حلالك يحبيبي بطل تكابر بس ووافق نتراضي
عمر بصلها من فوق لتحت باعجاب واضح بيها وتابع بهمس: مش قادر موافقش بصراحه وقرب باسها بحب وعمق وهي ايديها حوالين رقبته بتقربه اكتر ونزلت ايديها على اول تشيرته اللي بترفعه وقرب منها اكتر
وبعد شويه كانت نايمه في حضنه وهو بيمسح بايديه على شعرها وباس راسها بعمق وتابع ريحتك تجنن
زينب بابتسامه طب كويس البرفيوم هير بتاعي جاب بفايده
عمر بستغراب هو انا ترجمت صح ?? برفيوم للشعر ??
زينب بضحك اه ايه رايك
عمر بضحك اول مره اعرف ان الشعر ليه برفيوم وخد نفسه بلقرب منها وهو مغمض عينيه وتابع بس حقيقي جميل
زينب بابتسامه تسلملي يعيوني
عمر بس مش غريبه حسام معيطش كل ده
زينب بصتله وتابعت بضحك مع اختك هي اللي هتربيه انهارده
عمر بضحك ده ياريت تربيه طول الاجازه العمه زي الام بردو
زينب فضلت تضحك وتابعت بس ياعمر اتلم واحترم نفسك شويه
عمر بضحك لا بتبقي رايقه وانتي مش شايله همه فعلا
زينب ابتسمت وتابعت يعني صافي يالبن ??
عمر بحب حليب يا قشطه .. يا قشطه انتي ووطى راسه باسها بحب
زينب بحب حقك على عيوني بجد مش هفتح اي موضوع يضايقك تاني
عمر بحب ده ياريت بجد وحضنها كويس وطفى نور الاباجوره وتابع نامي بقى يلا
زينب طب مانقوم ناخد حسام وننام في اوضتنا بدل اوضه الواد
عمر وهو مغمض بارتياح تابع لالا خلينا مودي رايق وحبيت المكان ومش قادر اتحرك بصراحه
وزينب ضحكت ودخلت في حضنه وفونه رن فتابع استني يعمري اشوف مين واتعدل وهو واخدها في حضنه ومسك الفون وتابع اخوكي
زينب رد شوفوا عايز ايه
عمر رد وتابع ايه ياغالي
سيف بضحك طلما رايق كده يبقى زوزا صالحتك
عمر فضل يضحك وتابع لا مش اوي
زينب كانت سامعه لان الدنيا هدوء والسماعه عاليه فضربت عمر في صدره وتابعت بضيق لا والله
عمر فضل يضحك وتابع بهزر يعمري مالك في ايه
سيف فضل يضحك فتابعت زينب بضحك نكار جميل بجد
عمر بضحك لا الشهاده لله صالحتني وباس راسها وتابع واخد ست البنات والله
سيف بضحك طب الحمدلله ربنا يهديكم يا مجانين
عمر بضحك يارب اللهم امين
وفضلوا يتكلموا شويه بعدين عمر قفل معاه وخد زينب في حضنه ونام
——-
بعد مرور 6 ايام وتحديدا يوم حنه شهد واحمد الصبح كانت كل الاجواء في العيله مبسوطين وفرحانين وشويه مشغولين بشقه العرسان ومفيش اي احداث جديده غير ان اسماء اتخطبت لزياد
في شقه يونس ونور
نور وهي واقفه قدام باب الحمام تابعت بضيق وهي بتخبط يحبيبي اخلص عايزه اخد شاور علشان انزل اقعد مع البنات
يونس من جوه: خلاص يانور قولت طالع كفياكي رغي على الصبح
نور بضيق ياابني بقالك ساعتين بتقول طالع ايه في ايه كل ده
يونس بضحك دققتين وطالع والله خلاص
ونور نفخت بضيق وراحت وقفت قدام المرايا تسرح شعرها لانه اتعقد وهي نايمه وبتتاوب لقيت يونس خارج من الحمام عاري الصدر ولافف على وسطه فوطه وبينشف وشه بفوطه تانيه فسابت المشط وتابعت كل ده يحبيبي
يونس نزل الفوطه من على وشه وتابع حقك علياا ادخلي يلا
نور اتصدمت بشكله وشهقت وصوتت بخضه
فيونس اتخض وتابع بحده ايه في ايه يخربيت اهلك على الصبح صرعتي اللي جابوني
نور بصدمه وتقطع: انت .. انت ايه اللي عملتوا ده هااا ??
يونس فضل يضحك وتابع ايه عملت ايه مش بذمتك كده احسن ??
نور بصدمه لالا احسن ايه انت مين ها ?? فين جوزي ??
يونس فضل يضحك وتابع نور بطلي افوره بالله عليكي مالك في ايه
نور شدت طرحتها من العليقه ولفتها بسرعه وتابعت لالا انت بتقول ايه انا مش هقلع الحجاب الا لما ترجعلي جوزي بالله ايه اللي هببته ددده
يونس بص لنفسه في المراياا حلق دقنه ووشه منور وزايد وسامه وصغر جدااا فبصلها وتابع بضحك بالله انتي مابتفهمي لان كده احسن
نور بدموع احسن ايه بجدد انا كنت بحب دقنك اه انت كده قمر اكتر بصراحه بس انا بحبه وحساك حد تاني بجدد
يونس فضل يضحك وحضنها وتابع بضحك يانور اهدي الله يلعن هرمونات الحمل دي يحبيبتي ماهيطلع تاني مالك في ايه وبعدين شيلي ام الطرحه اللي لابساها على كاش مايوه دي وشد الطرحه وهو بيضحك
نور بدموع لا بجد اسكت انت صدمتني بالله حاسه معرفكش دي عمرها ماحصلت
يونس بضحك ما بنغير بقى اختي هتتجوز وعايز ابقي شكلي مختلف
نور بعياط يا يونس ده انت معملتهاش في فرحنا هتشلني وتنقطني والله وازااي اصللا تعمل كده من غير ماتقولي
يونس بضحك يااك هستأذنك ياااك انتي عبيطه انتي يابت ولا ايه
نور بحده ودموع اه اشمعنا انا مقصش شعري يعني طب ايه رايك هقطمهولك قطمه تزعلك علشان تحس بيا
يونس بضحك متقدريش ده انا اقطم رقبتك فيهاا دي
نور ضربته في صدره وتابعت بحده يبقى اشمعنااا هاا اشمعناا
يونس حط ايديه على وسطها وشدها ليه وتابع بابتسامه انا الراجل يحبيبتي فمتخلطيش وتعلي صوتك عليا علشان منكدش عليكي والهزار يقلب جد
نور بصتله بحزن وتابعت بدموع طب انا حاسه انك مش جوزي اتصرف بقى
يونس فضل يضحك وتابع تعالي طيب اثبتلك وبيشدها ليه فضربته في صدره وتابعت بحرج ودموع اتلم بجدد واصلا مش هتلمسني وانت كده مش بهزر بس فعلا مش عارفه اتقبل
يونس بضحك وغمز خلاص انتي انوي وهنبقى نركب دقن متشيليش هم انا هتصرف
نور بضحك من بين دموعها يونس بجد اتربى وشوف حل اولا حلاوتك زادت ثانياا حساك 20 سنه بجدد فا الموضوع معصبني
يونس بضحك انتي زعلانه ان جوزك احلو وصغر اقولها ايه دي يارب
نور بغيره اصل خلصانين وانت بدقن علشان تشيله وتحلو اكتر وتصغر
يونس فضل يضحك وتابع سيبك من الكل المهم انتي بجد مش عاجبك ??
نور ابتسمت بحب واعجاب واضح وتابعت انا بحب دقنك بس والله العظيم شكلك قمر اووي حساك بقيت نفس هيئه سيف
يونس بضحك شوفتي انا قولت هيعجبك والله خصوصا علشان مش هضايقك تاني
نور بستغراب تضايقني ازاي مش فاهمه
يونس ضحك وشدها ليه وباسها بحب وبعد ثواني بعد وتابع بضحك زي كده مش بذمتك احسن
نور فهمت ففضلت تضحك بشده وسندت راسها على صدره وتابعت لا بجد عايز تتربى فعلا الوضع بقى صعب
يونس بضحك مبعرفش معاكي للاسف
نور بضحك اسكت بقى علشان انت هتفضحني في الكليه وهتخلي الطلاب كلها تقول دكتور يونس اتجوز عيله صغيره جننته وخليته يحلق دقنه
يونس بحب طب مانتي جننتيني صح هي دي فيها كلام
نور بضحك يونس انا مبهزرش بجد هيبتك هتروح قدام العيال هيفكروك طالب داخل
يونس فضل يضحك وتابع مش بالدقن قسما بالله انتوا اتعودتوا بس انما عندك سيف بيرعب البيت كله وحالق علطول
نور بضحك انت هتقولي على سيف
يونس بضحك شوفتي المهم يلا روحي خدي شاور علشان ننزل
نور بحب حاضر بسرعه اهو
ودخلت بالفعل ويونس بدا يلبس
—-
تحت في الجنينه كانت متزينه وورد وزينه وانوار والاغاني فكل مكان وشهد كانت لابسه لبس صعيدي وبترقص مع احمد وهو لابس جلابيه صعيدي بلعصايه وشكلهم يجنن
امنيه بضحك وربنا سكرر سيف سبني اروح الف حواليهم زي البنات دي بلييز
سيف بضحك روحي يا مجنونه
فامنيه راحت بحماس وزينب كانت قاعده جنب سيف ومغطيه نفسها وبترضع حسام وبتبص على شهد واحمد وتضحك من فرحتها بيهم وحسام كان بيحاول يشيل الطرحه شويه فبصلها سيف بحده وتابع انتي يا زفته
زينب بانتباه هاا ايه يحبيبي
سيف بحده اتنيلي اطلعي رضعي فوق الواد بيبين جسمك وعمر محذرك من حركه الطرحه دي وهو معاه مكالمه برا لو دخل دلوقتي هيهزقك
زينب بضيق يووه قايمه وقامت فتابع سيف بضحك قومي قامت قيامتك وبص على احمد وشهد
وشهد كانت بترقص قصاد احمد والبنات بتلف وتسقف حواليها واحمد حاطط العصايه على ضهرها وبيقربها منه شويه وبيرددوا مع الاغنيه : رجوله وشهاامه .. صعيديي بصمه وعلامه الصعيديي وكرريم وحنين يابويااا .. بيحب بذمه صعيديي عليه ربطه عمه صعيدييي ودي تااج على راسه يبوياا وفضلت ترقص معاه وهي فرحانه جدا وبعد شويه طلعت تغير علشان تلبس الطقم التاني فاحمد طلع وراها وتابع شهد فين لبسي انا مش فاهم
شهد بضحك هتلاقيه في الرف الاول في دولابك اجري يلا
احمد بضحك بتضحكي ليه هاا مش مرتاحله الطقم ده
شهد بضحك قولتلك شخصيه من ديزني فهتلبسها يعني هتلبسها متنكدش عليا بالله عليك
احمد بضحك انا عمال اطاوعك اهو وغمز وتابع يخش يطمر بكره
شهد اتحرجت وتابعت بضحك لا مبيطمرش واتلم
نور فتحت الباب مع يونس فشافوا احمد وشهد واقفين يتكلموا فشهد ضحكت بشده واتفاجئت وتابعت اييه ده يخرب عقلك
نور بضيق شايفه المرار الطافح اللي اخوكي عمله فيا
شهد بضحك ده زي القمرر بجد الله واكبر عليك يعمري صغرت واحلويت وحضنته وفضلت تضحك
يونس فضل يضحك وتابع علشان تعرفي غلاوتك بس التجديد كله ساعه فرحك انتي قولي لمرات اخوكي حاجه بقى علشان منكده علياا
شهد بضحك لا قمرر اوي بجد سيبك منهااا ده هي علشان عارفه انك هتتعاكس الضعف
يونس فضل يضحك فتابعت نور بضيق بالله هشتمك
شهد بضحك شوفت انا صح
يونس بضحك ايوه منا عارف وبصلها وتابع ايه الحلاوه دي قمر في الزي الصعيدي
شهد بضحك ده انت مشوفتش رقصتنا بجد خربناهاا
يونس بضحك شوفت من البلكونه يابنت الكلب منك ليه وعمال يشدك بلجامد الحيوان
احمد بضحك مرااتي ياباشاا ومن بكره عد 9 شهور هخليك خال العيال كمان
شهد اتكسفت ونور فضلت تضحك بشده فتابع يونس بضحك ياابني مش عايز امسكك اكسرك انت محتاج صحتك بكره فاتلم احسنلك علشان متكسفناش
شهد بحرج انتوا متربتوش انا هروح البس طقم الاميره ياسمين
نور بفرح ااييه ده جبتيه زي ماقولتلك
شهد بضحك اه طلع تحفهه
احمد برفعه حاجب لا لحظه بس انتي سبتي كل الاميرات اللي في الدنيا وجبتي ياسمين يعني انا مفروض طقمي اللي فوق طقم علاء الدين اللي هو بنطلونه شبه بتاع التمر او الهنود ولابس كتايه مبينه صدره مش كده ??
كلهم فضلوا يضحكوا فتابعت شهد بضحك وطاقيه شبه الطبق يعمري نسيتها
احمد بضحك ده عندها اني البس كده ..عارفه عندها ?? عن اذنك انا هنزل بجلبيتي تاني انا راجل صعيدي محترم ملبسش المسخره دي
يونس مسكه وتابع بضحك خد استنى بس ماله علاء الدين يعني ماهو حلو علاء الدين متزعلش البت في يوم زي ده
احمد بضيق يعني هي ملقيتش غير علاء الدين الحرامي اللي تختارلي طقمه بلذمه ده كلام
شهد بحزن مانا كنت عايزه ياسمين او ربانزل لاني هعمل نفس تسريحه الضفيره بس حسيت لبس ياسمين احلى فجبته
نور بضحك بردو يوجين بتاع ربانزل حراامي مش قادره هموت
يونس فضل يضحك فتابع احمد بضحك ااه دي مصممه هو حد قالك عني سبت وظيفتي كمحاسب وبقيت نشال يا شهد ??
شهد فضلت تضحك وتابعت لا يعمري مقدرش بس الفكره اني عالجت شعري الحمدلله وطول شويه فتسريحه الاميرتين دول هتليق عليا
نور بحب خصوصا ياسمين لان شعرها اسود
شهد بحب وحماس اه بالظبط
يونس برفعه حاجب هي ياسمين دي مش اللي انتي كنتي مشغلاها امبارح يانور اللي بطنها باينه ??
نور بضحك اه هي بس متخافش جايبينه مش باين حاجه
يونس بضحك طب تمام عيشي وانا هطلع مع الحرامي علشان يلبس .. قصدي احمد وفضل يضحك
احمد بضحك شايفه يا مهزقه .. طب حقيقي مش هلبسه لو السما اطبقت على الارض ريحي دماغك بقى
شهد بحب احمد
احمد بضحك متحاوليش بجد
نور بضحك اخلص ياحمد وبطل نكد
احمد قولت لا يعني لا فككم مني بقى
شهد بحب علشان خاطري ياحمد وحياتي عندك ماترفض وبعدين مانت حرامي صح وسرقت قلبي الله
احمد بحب دققتين وهتلاقيني جاهز يا ياسمينتي
كلهم فضلوا يضحكوا واحمد طلع مع يونس ودخلت شهد اوضتها كانت ياسمين فيها بترضع زين وفرح جهزت الميكاب واللبس علشان تجهزها
فتابعت نور بحماس يلا بينا يا مزتي
ياسمين وهي بترضع زين تابعت شهد انتي رسمتي حنتك ياما ولا هتستني لاخر اليوم
شهد وهي بتقعد على الكرسي تابعت لا انا رسمت اسم احمد على اول صدري بس انما ماليش في الكلام ده بصراحه خلاص
ياسمين بحب تتهنوا ببعض يحبيبتي
شهد بحب تسلميلي ينورعيني وبصت لزين من المرايه وتابعت ها نام ولا لسه
ياسمين اهو يعني
فرح انتي بقيتي كويسه يا ياسمين ??
ياسمين تنهدت وتابعت احسن كتير طبعاا بس حاسه اني تايهه حبتين ولسه مش مستوعبه المسئوليه دي
نور بضحك متخوفنيش بقى وبعدين انتي قدها وقدود والله
ياسمين بضحك يارب يقويني ويقويكي يعمري
وبالفعل شهد لبست لبس الاميره ياسمين وفرح جهزتها وعملتلها تسريحه الاميره وحطت توق اصفر وبقيت زيها بالظبط فتابعت ياسمين باعجاب يخربيت القمر بجددد
شهد بفرح بنفسها حقيقي واو تسلم ايديكي يفروحتي
فرح باعجاب وحب يعمري ده انتي اللي مزة
نور بضحك مرات اخوياا الجمرر بالله هتتاكلي من حلاوتك
شهد بقلق مابلاش المصطلحات اللي توجع البطن دي
ياسمين بضحك بس يا نور اخرسي انا وزوزاا حالفين نسيبها تتفاجئ
شهد بقلق اه سبوني بس اخرسوا مش بطمن بكلامكم نهائي
نور بحب بقولك ايه كله بيعدي انا كنت زيك واكتر لاني مكنتش كمان مقدره يونس وبحبه زي دلوقتي بنفس الدرجه وعدت الحمدلله ده بالعكس احمد حبيب عمرك
شهد بحب وفرح روحي الهي ربنا يطمنك شايفين الناس اللي تشرح القلب وحضنتها وتابعت الغاليه مرات الغالي دي
نور بضحك حبيبت قلبي والله يلا ننزل بقى
ونزلوا كلهم وشهد مجرد ماشافت احمد فضلت تضحك وتابعت يخربيت السكررر ايه ده
احمد بحرج بالله الواحد ما عارف طاوعك ازاي الهيبه اتمرمطت بيها الارض ده سيف مسكني تريقه بسببك
امنيه بضحك سيبك من سيف ده روبوت مش انسان بذمتك الباقي قالك ايه
احمد بضحك اه قالوا حلوه
شهد بضحك شوفت بقى علشان تعرف بس
احمد ابتسم وتابع بحب بالله ده انتي اللي ابهرتيني ياسمين ايه وزفت ايه انتي اجمل بمراحل
شهد ابتسمت بحب وتابعت حبيب عيوني والله وجات ناس تسلم عليهم ويتصوروا فوقفوا معاهم
على جانب تاني كانت ياسمين واقفه مع مازن وتابعت طب يحبيبي هو الشغل ده مينفعش يتأجل دي حنه اخوك
مازن وهو بيشرب سجاير تابع بالله ماعارف اعمل ايه ماهو مش بمزاجي بردو انا دلوقتي بقيت صاحب مشاريع سواء الفندق ولا المطعم ولا الكافيه فمش قادر اوفق قوليلي انتي اعمل ايه
ياسمين طبطبت على كتفه وتابعت بابتسامه متشغلش بالك هتتحل باذن الله وهتلاقي ناس تعينهم مناسبين يشيلوا عنك شويه دلوقتي روح شوف شغلك بسرعه وتعالى بس استأذن اخوك علشان ميزعلش
مازن ابتسم بحب وباس جبينها وتابع ربنا ميحرمنيش منك ابداا دايما سنداني وبتدعميني كده
ياسمين بحب والعمر كله يا ابو زين
مازن وطى باس زين اللي نايم في حضنها وتابع بحب حبيب وعيون بابا ده يلا هروح انا اقول لاحمد هاا
ياسمين بحب ماشي يعمري
وبالفعل راح مازن قال لاحمد ورجع باس راس ياسمين ومشي
وياسمين دخلت قعدت في الحنه وعند سيف وامنيه كانوا قاعدين وامنيه بتوريه في الفون فستان هي جابته جديد ولابساه قدام المرايا وتابعت بفرح اهو ده اللي هلبسه بكره
سيف بص عليه وتابع بحده ده عند امك الكلام ده ..ده مش هيتلبس لو اطبقت السما على الارض
امنيه بصدمه سيف متهزرش انا مشترياه ب 1800
سيف بحده محدش قال لاهلك اشتري قبل ماتوريني انا مبتحطش قدام الامر الواقع الفستان ضيق وخرا وميتلبسش اصلا فشوفي كده هتعملي فيه ايه واعملي انما انسي انه يتلبس
امنيه بضيق اوووف بجد متهزرش هلبس ايه كده يانهار اسود مفيش وقت افكر
سيف هاخدك ونروح نجيب انما ده لا ارميه زي ماهو كده لان بجد مش هيتلبس
امنيه بضيق بقولك ب 1800 ارمي ايه بتهزرر بجد وبعدين انت زوقك بيخنق مش هروح معاك في حته
سيف بحده احسن بردو انا قولت فعلا المفروض انتي تعبانه متنزليش من البيت
امنيه بذهول ياسيف متعصبنيش بجد
سيف بعصبيه امنيه خلااص متخلنيش اغيب عليكي بقى قولت زفت مش هيتلبس يبقى مش هيتلبس صعبان عليكي اووي بيعيه لاي حد من صحاابك انما مش هيتلبس مش عايز رغي كتير
امنيه نفخت بضيق فتابع بحده طب متنفخيش علشان مهزقكيش
امنيه بضيق اتخرسناا وثواني ورفعت فونها تصور فيديو وتابعت فيه: ازيكم يابناات جوزي بعد ماجبت فستان ب 1800 جنيه مش عايز يخليني البسه وبعتلكم صوره الفستان حرفيا تحفه ومفيهوش غلطه انا مش عارفه رافض على ايه المهم اللي عايزاه هو ابيضاني وطويل وعينيه عسلي وشغال ظابط جيش وبصتله وتابعت للفيد تاني اه وعصبي ومستفز
سيف اتفاجئ انها تقصده هو مش الفستان فتابع بتفاجئ يابنت الكلللب وفضل يضحك بشده وتابع انا يا امنيه !! بتعرضيني للبيع لصحاابك !! اخص متوقعتهاش منك انتي بالذات
امنيه فضلت تضحك ودخلت في حضنه وتابعت بضحك لا يعمري مقدرش انا بهزر وبنكشك ده انت نورعيني واللي تفكر تبصلك بس اموتها
سيف بضحك اه منا بقول بردو انتي مجنونه فمن امتى مسالمه كده
امنيه بضحك لا انا زي مانا متقلقش
سيف بابتسامه طب بالله عليكي ماليش مزاج انكد عليكي بلاش الفستان ده وانا والله هلف معاكي لغايه ما تلاقي واحد يعجبك وتقتنعي بيه 100%
امنيه تنهدت بعمق وتابعت حاضر يحبيبي
سيف بحب يحضرلك كل خير ياست البنات
وبعد شويه جيه لياسمين رساله من رقم غريب استغربتها جدا وعصبتها اوي ومكانتش مصدقه بس مقدرتش تبطل تفكير وخدت ابنها وقامت من غير ماخد ياخد باله وطلعت ركبت تاكسي وقالتله عنوان فندق جوزها
وطول الطريق متوتره جدا وخايفه وبعد شويه وصلت ونزلت بتوتر وهي بتفكر معقوله ده ممكن يكون حقيقي
فوق في الصاله اللي كان فيها الاجتماع كان الكل مشي وميرا مستنيه ياسمين تدخل علشان تنفذ خطتها
مازن وهو بيقوم يلم الاوراق تابع خليها معاكي يا ميرا ورجعيها مكانها وحاسبي تضيع بالله عليكي
ميرا قامت وقربت منه وتابعت خليك يا استاذ مازن انا هلمهم
مازن استغرب قربها منه وبعد خطوه وتابع بتنهيده تمام
وميرا ادته ضهرها وبدات تلمهم فوق بعض وسابتهم على جنب وفتحت اول كام زرار من شميزها وبهدلت روچها وفضلت مدياه ضهرها لحد ما شافت ياسمين جايه في الطرقه فابتسمت بفرح وخبث ولفتله كان ماسك فونه وبيتشات فيه وفاجئته لما قربت منه وحضنته وهو اتصدم بشده واتفاجئ وملحقش يتكلم سمع صوت صدمه جداا
ياسمين اتصدمت بشكلهم وتابعت مازن !!!
