رواية غموض الحب عائلة الرفاعى الفصل الرابع و السبعون بقلم لولا
وفاجئته لما قربت منه وحضنته وهو اتصدم بشده واتفاجئ وملحقش يتكلم سمع صوت صدمه جداا
ياسمين اتصدمت بشكلهم وتابعت مااازن !!
مازن اتصدم بشده لما لقاها واقفه قدامه وبصاله ومصدومه واتوتر اوي رغم انه معملش حاجه وزق ميرا بعدها عنه بسرعه وتابع وهو مرعوب انها تشك فيه: ياسمين وغلاوتك عندي انت وابني اللي فهمتيه غلط سبيني اشرحلك
ياسمين ومين قالك فهمت غلط ده كل حاجه واضحه زي الشمس ولو مفهمتش لوحدي ابقى مغفله
مازن اتصدم بشده وميرا ابتسمت بخبث وتابع ياسمين انتي بتقولي ايه ?? انتي واعيه للي انتي بتقوليه ??
ياسمين اتقدمت تقف قدامهم وهي شايله ابنها وتابعت طلقني يا مازن
مازن اتصدم اكتر وميرا فرحت اوي وتابع بحده نعم !! انتي اتجننتي ولا اييه
ياسمين بابتسامه يا مازن ماتقولها وتفرح ميرا يعني معقوله تعمل كل الحوار ده وانا اجي لحد هنا واشوفكم زي ماهي عايزه ونفضل مع بعض بردو ??
ميرا اتصدمت بشده فتنهد مازن بارتياح ومسك كتافها بايديه الاتنين وتابع ياسمين انتي مصدقاني صح ?? مصدقه اني عمري ما اخونك وحقيقي هسمع كلامك وبنت الكلب دي هتطرد من الشغل خلاص
ميرا شهقت وتابعت نعم يااعمري هو انت علشان متتفضحش وهي فاكراك الملاك البريء عايز تفتري عليا انا وتطردني واشيلها لوحدي ???
مازن اتصدم وتابع بعصبيه انتي عبيطه يا بت انتي ولا اتجننتي افتري عليكي ايه هو انا ببص في خلقتك اصلا
ميرا عيطت بتمثيل وتابعت قول كده بقى روح يا شيخ يارب ينتقم منك طلما بتحبها اوي كده مكنتش تلمسني وتضيع شرفي وتوصلني لاني اشيل عيل منك وتجبرني انزله وانا بطاوعك علشان بحبك ادي اخرتهاا بس حقيقي انا اللي استاهل
مازن اتصدم بشده وبص لياسمين لقاها ساكته وقبل مايتكلم كانت ياسمين ضربتها بلقلم بقوه خليتها صرخت بوجع وتابعت بعصبيه وهي بتمسكها من شعرها حسك عينك سيره جوزي تيجي على لساانك تاني علشان قسما بالله هجيبك من شعرك اللي فرحانه بيه ده وامسح بيكي سلم الفندق سلمه سلمه
مازن بخوف ياسمين قسما بالله دي كداابه انا عمري ما
ياسمين رفعت واحده من ايديها بمقاطعه وتابعت متكملش يا مازن انا عارفه ان كل ده هري واتعصبت وتابعت وعارفه انها من زمان حاطه عينيها عليك وعملتلها بلوك مره والف وحذرتك منها بس انا بثق فيك اكتر من اي حاجه احنا مش لسه عارفين بعض امبارح انت ابن عمي وصاحبي وحبيب عمري وجوزي وابو ابني فمش على الاخر الزمن واحده شمال زي دي هتخليني اشك فيك
ميرا بعياط وعصبيه خليكي واثقه فيه بكره تعرفي اني صح وهتندمي
ياسمين بضحك والله العظيم بتموتيني ضحك .. عارفه يا ميرا انتي اللي بكره هتعرفي صح ان العين اللي تيجي على ياسمين وتحبها عمرها ما تقدر تتلفت من عليها مش لاني بثق في مازن بس .. بس كمان لاني ياسمين يا بت … ياااسمين عايزاكي تحفظي الاسم ده كويس اوي او انتي اصلا حافظاه اصله جايبلك تروما وفضلت تضحك ومازن كان مبسوط بيها جدا ووقف جنبها وباس راسها وميرا بتبصلها بغل وبتعيط فتابعت ياسمين بابتسامه كفاياكي يحبيبتي متبصليش كده اتحسد انا واحده لسه قايمه من ولاده وتعبانه وسبحانك يا رب برده زي القمر اصل الغزال غزال ومتفضليش تسالي نفسك انا ناقصني ايه عنها او فيها ايه حلو علشان متمسك بيها كده اصل انا سحراله وفضلت تضحك وتابعت اه والله زي مابقولك كده .. فاهو مش شايف ياسمين احلى واحده في البلد بس لا دي احلى واحده في العالم كله .. بيحبني وانا منكوشه ووانا حامل وبطني مترين قدامي فمتحاوليش ومتفكريش الجيبه الضيقه القصيره والشميزات اللي محدده جسمك هتخليه يسب مراته حبيبت عمره وام ابنه ويبصلك لا تبقى بتحلمي وجوزي اصلا بيغض بصره ومبيعرفش يشوف غير ياسمين وانتي اللي زيك الرجاله اللي بعيدا عن جوزي بتاخدها ليله مش يخلوها تشيل اسمهم
ميرا اتعصبت بشده ورايحه تضربها بالقلم فمازن مسك ايديها وتابع بعصبيه ده انا اكسرهالك قبل ماتفكري تمديها على ستك يا زباله يظهر فعلا سكوتي عليكي خلاكي اتجرأتي وطموحاتك عليت ولولا اني متربي اني ممدش ايدي على حريم كنت كسرتك تحت رجلي دلوقتي وزقها وتابع بعصبيه غورري مشوفش وشك تاني والا قسما بالله هتشوفي مني وش عمرك ماشوفتيه
ميرا عيطت فتابع بعصبيه شديده قولت غووري يلاااا فاتخضت وطلعت بسرعه وهي بتعيط وبتقفل هدومها وزين اتخض من صوت ابوه وياسمين فضلت تهزه وتابعت بس يحبيبي بس حقك عليا يا نورعين ماما
مازن بابتسامه وهو بيلاعبه لا يعمري لا مقصدش اخضك يحبيبي حقك على عيوني بسم الله وشاله وفضل يبوس خده ويطبطب على ضهره براحه لحد ماسكت فاياسمين ابتسمتله وتابعت اب حنين سكت معاك بسرعه
مازن ابتسم بحب وتابع بحبك
ياسمين بصتله بحب وتابعت مش اكتر مني
مازن حط ايديه التانيه على وسطها وقربها منه براحه وتابع لا اكتر منك ومن الدنيا كلها وخدها في حضنه وتابع ربنا يباركلي فيكي وميحرمنيش منك ابداا يارب وباس راسها وبصلها والدموع اتجمعت في عينيه وتابع انا بجد مش عارف اقولك ايه لساني عاجز عن انه يوصف اللي انا حاسه دلوقتي بس كل اللي عارفه اني عشت اسند الكل ولما بميل مبعرفش غير اترمي في حضنك انتي واسند عليكي وحقيقي انتي عمرك ما خذلتيني ربنا يديمك شريكه لكل حياتي
ياسمين بدموع وحب ايه ياسيدي الكلام الحلو ده والله بموت فيك وبعدين انا معملتش حاجه انا مراتك يعني نصك التاني وطبيعي سندك ومش واحده زي دي هتخليني اشك فيك انت يا مازن وابتسمت بحب واضح وتابعت ده انت كبرت قدامي وكبرت على حبي وعارفه ياسمين جواك ايه وانا علشان اختارت صح فعندي الثقه دي في حبك لياا اللي تخليني اقف قدام اي واحده بتحاول توقع بينا واحط ايدي في عينيها الاتنين لاني واثقه اني ماليه عينيك يا مازن وحقيقي ده اجمل احساس انا بحسه في علاقتي بيك وهو الامان اخيراا بعد سنين الخوف من ان نتفرق في اي لحظه وزين جيه وبقى ثمره تعبنا اللي طرحت وكلل حبنا بوجوده ونور حياتنا وكملنا
فابتسم مازن بحب ووطى راسه باسهاا بعمق وحب وبعد دقايق بعد وسند جبينه على جبينها وهمس حقيقي مغلطش لما قولت ربنا جعل عوضي كله فيكي
ياسمين ابتسمت بحب وتابعت بس مننساش ان الارض ساعدتنا نقف في مكان زي ده دلوقتي وهو ملكك فربنا عوضك في المال بردو
مازن ابتسم وتابع الحمدلله طبعا بس مازن وهو ممعهوش كل ده ومعاه ياسمين اغنى واحد في الدنيا ولو معاه كل ده من غير ياسمين فاهو افقر واحد في الدنيا علشان انتي كل اللي يُملكه يا ياسمين كل ده يتعوض بس حبيبت عمري متتعوضش
ياسمين دمعت بفرح وحضنته وتابعت بحبك اوي بجد
مازن ضمها ليه اكتر وتابع وانا اكتر والله العظيم
ودخل وائل عامل في الفندق فاكر مفيش حد فعايز يقفل صاله الاجتماعات فشاف مازن حاضن ياسمين فاتحرج
ومازن بعد عن ياسمين بسرعه فتابع وائل بتوتر اسف يا مازن بيه مكنتش اعرف ان حضرتك لسه هنا ومعاك المدام وبص للارض
مازن احمم لالا ولا يهمك انا ماشي خلاص
ياسمين سابت مازن وخرجت من كتر كسوفها فضحك وتابع همشي انا اقفل الصاله يا وائل خلاص
وائل بابتسامه امرك يا فندم
ونزل مازن ورا ياسمين وتابع بضحك انتي يابت متمشيش لوحدك استني
ياسمين مكانتش سمعاه علشان كانت قدام اوي فتابع بصوت مسموع: يا مااازن
فوقفت ولفت بصتله فضحك وشاورلها تستنى وثواني ووصلها وحط ايديه على كتفها وتابع بضحك ايه يابابا اتكسفتي ليه انا كنت حاضنك ده نحمد ربنا مدخلش في البوسه هيبه الواحد كانت هتتمرمط في الارض
ياسمين زغدته بايديها وتابعت بضيق والله ده كل اللي همك وبالنسبه لاني اتحرجت
مازن فضل يضحك وتابع خلاص يا سمسمه بقى عيب انا المدير هنا وليا وضعي امشي وانتي ساكته
ياسمين بضحك اصل بجد هيبه ايه الموقف محرج احنا اتفضحنا
ومازن فضل يضحك وخرج معاها وهو شايل زين وحاطط ايديه على كتفها وركبوا العربيه ومشيوا
—–
والليل جيه الساعه 9 والحنه خلصت والكل كان قاعد في الجنينه عاملين دايره على الارض الا فرح وشهد كانوا في شقتها واحمد راح يجيب بدلته لان اتاخرت جداا
امنيه بضحك هي نامت زينب صح ??
عمر وهو واخدها في حضنه تابع بضحك اه في عالم تاني وباس جبينها
نرمين وهي بتطبطب على حسام النايم على رجليها تابعت بابتسامه بيغلبها حسام الله يعينها والله
عمر تنهد بعمق وتابع اه والله ياما ربنا يقويها بتتعب جامد معاه
سيف طب متروحوش اطلعوا فوق انهارده مشواركم طويل
عمر بتنهيده لالا مش هعرف اسيب اسماء في الشقه لوحدها يا سيف وانت عارف خالتي مش هنا
سيف هي فينها اسماء ??
عمر مع خطيبها برا
سيف ياعم متشغلش بالك انا هكلم زياد اقوله يجيبها هنا وتقعد مع شهد في اوضتها مفيش حد في شقه عمك عز
عمر لالا مالوش لزوم خلاص هصحيها ونروح
نرمين بحب طب والله ازعل منك دي اسماء بنتنا زيها زيك وسيف هيخلي زياد يجيبها وتقعد مع شهد كده كده هي هتحضر الفرح
يونس بابتسامه مالك يا عم عمر في ايه احنا مفيش بينا الاحراج والجو ده .. ده احنا عيله ومن زمان ده بيتك وبيت اختك
عمر بحب تسلم يا غالي والله
سيف بضحك بس بذمتك مش كده احسن ده قسما بالله وشك نور
يونس بضحك قول لبنت عمك بقى علشان منكده وقالبه وشها من ساعتها
كلهم فضلوا يضحكوا فتابع عمر بضحك دي عبيطه وربنا
نور بضحك تسلم ياغالي
عمر بضحك يابت يا نور والله مابهزر بس فعلا كده احلى
نور بضحك يجماعه مش متعووده حاسااه مش جوزي كل ماببصله بتصدم بجد اللي هو انت مين انت
سيف فضل يضحك وتابع تغيير علشان متزهقيش من الروتين
نور بضحك مكنتش بتنيل بس غفلني البااشاا
ياسمين بضحك ده هو اسم الله عليه كده هيتعاكس اكتر فانتي غيرانه بس
يونس بضحك يا بنتي اسكتي يا بنتي وخليكي محضر خير
ياسمين بضحك انا عارفه هي مش موافقه ليه اصل ميفهمش الست غير ست زيها وانت حلاوتك زادت صح وشك نور على راي سيف
نور بضيق اه والله ده حقيقي بس اللي هتقول حاجه متعجبنيش هجيبها من شعرها وميهمنيش نتقابل عند العميد
كلهم فضلوا يضحكوا ويونس بصلها بذهول وتابع طب وسمعه جوزك الدكتور اللي في الجامعه طيب ??
نور ربعت ايديها وقبضت بين حواجبها وتابعت والله مكنتش تحلق بقى
يونس بضحك ربنا يهديها يارب علشان خلاص
عايده ضحك معلش يا ابني اعتبرها هرمونات الحمل
يونس بضحك ما المشكله اني معتبرها كده لان لو ده الطبيعي فانا ربنا معايا بجد
سيف ضحك لا هرمونات حمل ايه يا باشا اللي شاده حيلها من اول شهر كده ?? دي طبيعتها وغمز بضحك لنور
يونس بضحك لااا طبيعه مين متهزرش انا كده يجيلي السكر
نور بذهول نعم هو انا مش عجباك كده بجد ???
يونس بص لسيف وتابع بضحك اتفضل ياعم مش خربتها ?? اتفضل حلها
سيف فضل يضحك وتابع يابت بيهزر يخربيت اهلك على المسا
مازن بضحك لا دي مخها تعبان انا عارف واحد زي يونس وحكمته وعقله حبها ازاي
يونس بضحك الحلو مبيكملش يا غالي ما هو مينفعش ربنا يدي كل حاجه لبني ادم وتبقى حياته سهله من كله كده لازم يبقى في شويه تعب على شويه غباء يوقعوه في بلاوي
كلهم فضلوا يضحكوا فتابعت نور بذهول يونس انت بتقول ايه ?? والدموع اتجمعت في عينيها وتابعت انا كنت عارفه انك هتندم والله ورايحه تقوم فشدها قعدها في حضنه وباس راسها بعمق وتابع بضحك بس بس رايحه فين وابتسم وتابع ياهبله ده انتي الحاجه الوحيده الحلوه في حياتي هو انا اقدر اعيش من غيرك يا نور
نور بدموع اومال بتقول ان حياتك مش سهله وانا بتعبك ليه
يونس ضحك ومسح دموعها وتابع يجماعه بالله عليكم بلاش هزار معاها تااني
مازن بضحك مابقولك مخها تعبان حايل بقى
يونس بضحك وايه الجديد منا طول عمري بحايلها وبدلعها ومسح دموعها وباس جبينها وتابع بحب دي بنتي دي وهي عارفه اني قبلها مكنتش عايش واني عشت عمري كله مبعرفش اوقف اني ادعي واقول يارب اجعلها نصيبي فكل سجده لدرجه حتى بعد ماتجوزنا وانا بصلي الفجر وهي كانت تعبانه ومقدرتش تصحى تصلي معايا يعني فاكر اهو اني جربت اصحيها بس بردو من التعود داعيت نفس الدعوه بعدين استوعبت وابتسمت كده ولما خلصت صلاه قومت نمت جنبها وخدتها في حضني وانا لسه بحاول استوعب انها معايا خلاص تقومي تقوليلي اندم !! ده انا اموت من غيرك اصلا
نور دموعها نزلت بحب وحضنته جامد وتابعت بدموع بعيد الشر عنك ينورعين نور متقولش كده ومحدش ليه دعوه بينا لوسمحتوا وشيلوا عينيكم من علينا شويه كفياكم حسد انا بعشق جوزي وعارفه عمره مايندم
كلهم فضلوا يضحكوا فتابع سيف بضحك هو احنا نكرهه يابنت الجزمه
عمر بضحك لا وسيبك من كده محدش فتح بوقه وحسد والله
يونس فضل يضحك فتابعت نور بضحك من بين دموعها لا جواكم مش حلو انا حاسه
ايمن بضحك بنت كلب والله
يونس بضحك بنتي مبتقولش حاجه غلط طلما حست يبقي حست صح
نور بعشق واضح في عينيها: نبض قلب بنتك انت والله وباست خده
ياسمين شهقت وتابعت بضحك يامضرووبه .. عاادي كده قدام ابوكي واخوكي ده انا مقدرش اعملهاا فيونس فضل يضحك وخدها في حضنه جامد وباس راسها وتابع بضحك براحتها يحبيبتي مراتي
سيف بضحك الشهاده لله زينب متقدرش تعملها وبتستأذن لو عملتها
مازن بضحك بتسخننوني بقى وكده ??
نور بضحك لا ياغالي دول سوس ولا يهزك وقولهم جوزها انا موافق
مازن بضحك ورفعه حاجب وافرض مش موافق ??
نور مسحت خد يونس بايديها وتابعت بضحك اختفت اهي يا كبير احلامك اوامر
يونس بذهول يا بنت الجزمه !!
وكلهم فضلوا يضحكوا فتابع مازن بضحك لا عادي يعمري ربنا يسعدكم انا بهزر
نور بضحك حبيبي والله ارجعها للراجل بقى علشان زعل وباست يونس
فضحكوا كلهم وتابع يونس بضحك ايوه كده شاطره
سيف بضحك بتستغلي غياب شهد انتي
يونس بضحك اه ده حصل
وفاجاه قامت امنيه وهي حاطه ايديها على بوقها بسرعه فسيف قام وراها بقلق فمعرفتش تصبر واستفرغت في السله اللي في الجنينه وسيف فضل يطبطب عليها بقلق وتابع حقك علياا يحبيبتي سلامتك
امنيه فضلت تستفرغ فقام مازن ويونس قلقانين فتابع مازن بخوف طب نوديها المستشفى ولا ايه
سيف تنهد بعمق وتابع دكتورتها قالتلي ده طبيعي انا مش مقصر معاها والله يا مازن ادويه وكشف واهتمام بس حملها ده تعبني نفسياا ونفخ بضيق وبص للسما
يونس اداه ازازه المايه وتابع بقلق امسح وشها بس ومتشغلش بالك خير والله
سيف فتح الازازه وخد منها وبص لامنيه لقاها خلصت وبتنهج بتعب فمسح وشها بمايه وخدها في حضنه وباس راسها وتابع حقك علياا بجد
امنيه ابتسمت بتعب وتابعت قولتلك انا مبسوطه بطل تحط في بالك تعبي يا سيف
سيف بوجع سيف تعب ومش عارف هيمشي بكره ويسيبك ازاي
امنيه افتكرت فعينيها دمعت بوجع وابتسمت غصب عنها وتابعت متشيلش همي بالله عليك انا كويسه
سيف تنهد بوجع وتابع كأني معرفكيش يا امنيه
امنيه بابتسامه فيها وجع انا قدها صدقني وهتشوف متقلقش علياا
ونرمين نادتها فتابعت بابتسامه هروح لماما عايزاني ومشيت وسمحت لدموعها تنزل بوجع فنفخ سيف بضيق وضرب رجليه في الشجره اللي في الجنينه وتابع بحده بالله عايز اقدم استقالتي من الحربيه انا اتخنقت
مازن بتنهيده اهدى طيب وفكر صح انت كده كده مش هتعرف تستقيل فعلشان انا اخوك كبير دوري اني اقولك حاجه تريح بالك في خلال المده اللي هتغيب فيها عننا لان ده كده كده اللي هيحصل غصب عننا كلنا
يونس بحزن مازن عنده حق انا عارف انت حاسس بايه والاجازه اللي كنت فيها هنا اكدتلك ان مراتك فعلا بتتعب جامد ومينفعش تتساب لوحدها وده وترك وقلقك وطبيعي بس والله العظيم مراتك فعنيا انا ومازن زي ما طلبت مننا ومع اننا مش مرتاحين لانك مقولتلناش مدى خطوريه المهمه بس احنا واثقين فيك يا سيف وعارفين انك قد اي حاجه وهترجع لمراتك ولابنك بألف خير
سيف بوجع امنيه لو حصلها هي او اللي في بطنها حاجه انا مش هتردد ثانيه اني اخرب الدنيا كلها فابوس ايديكم خلوها في عينيكم وقولت لمازن امبارح علشان ميبقاش الحمل كله عليك فانتوا الاتنين تكونوا معاها اي حد منكم عادي بس متبقاش لوحدها خالص في اي حاجه حتى لو رايحه للدكتوره حد منكم يوصلها
مازن بحب والله العظيم ماتخاف من قبل اي حاجه وامنيه انا بعزها وبعتبرها زي نور واكتر ولما كنتوا متخانقين انا وقفت في صفها علشان انا وياسمين اكتر ناس نعرفها من البدايه فحاسس انها موجوده في البيت ده تبعي فمتخافش دي اختي وهتفضل في عيني وتحت رعايتي انا ويونس والله .. خليك انت في شغلك علشان تخلصه في اسرع وقت وماتشغلش بالك باي حاجه
سيف بحب ربنا ميحرمنيش منكم ابداا يارب
يونس بحب ولا منك ياغاالي
وراحوا تاني قعدوا فلما شافته امنيه جيه دخلت في حضنه وسندت راسها على صدره فحط ايديه على كتفها وضمها ليه وباس جبينها بعمق فتابعت ام رغد خاله مازن : هي مراتك مبتاكلش كويس صح ??
سيف بستغراب لا بتاكل طبعاا انا بغصب عليها حتى لو مش قادره بأكلها بس ليه ??
ام رغد بتنهيده اصل جسمها ضعف اوي مكانتش كده اول مااتجوزت فبقولها مش بتاكلي بتقولي لا باكل فقولت اسالك انت انت اكيد اللي بتاخد بالك اكتر منها
سيف بتنهيده لا للاسف فعلا بتاكل ياريتها اكل والله كان بالي يرتاح وكنت خليتها تاكل اكتر والمشكله اتحلت انما هي تعبانه في حملها شويه
ام رغد بابتسامه ربنا يطمنك عليها يارب هتطلع حامل في ولد باذن الله
سيف بحب اللي يجيبه ربنا كله فل بس انا عايز بنت
ام رغد بصدمه غريبه اووي ان الراجل يكون نفسه في بنت رغم انك وحيد امك وابوك فعايز راجل يشيل اسمك
سيف بابتسامه الراجل هيشيل اسمي اه انما البنت يوم ماا اكبر انا وامها ونتعب ومنعرفش نعمل اللقمه ناكلها هي اللي هتشيلنا احنا الاتنين
ام رغد بضحك بس الواد واد بردو
سيف بحب انا ميفرقليش الكلام ده ونفسي والله ربنا يراضيني ويديني بنت زي امنيه كده وانا اديها عنياا اصل واحد زيي عاش طول حياته بيشد وتعاملاته جد اوي حتى شغله بيجبره يبقى كده مكنتش برخي وبحس بهدوء ولطف غير لما انزل اجازه واشوف زينب كانت حرفياا بتفصلني عن القرف ده كله ولما اتجوزت امنيه الدنيا بقيت غير الدنيا في عيني اصلا فا البنات في حياتي سحر بجد مش مجرد مراتي واختي وبنتي لاا دول بيعلموني ازاي اكون حنين وبضعف عندهم رغم جبروتي
يونس بابتسامه ايش الحلاوه دي كلهاا بجد
سيف بضحك يا ابني البنات دول المؤنسااات الغاليااات
امنيه بدموع وحب بالله هتقلقني اني مكونش حامل في بنت
كلهم فضلوا يضحكوا فتابع سيف بضحك لا طبعاا هفرح بس بردو هنجيب بنت انما مستحيل ازعل كله حلو ونعمه انتي عبيطه ولا اايه
امنيه بدموع وحب بس نفسي اوي افرحك واحققلك طلبك
سيف بحب انتي مش بتختاري ولا انا بختار وقولي يارب يجعله او يجعلها صالحين ويجوا بالف سلامه وانتي تقوميلي بخير دي بالدنيا بس انتي عارفه لو ربنا رزقني بالبنت هبقى في مشكله حرفيا
امنيه بستغراب مشكله ايه ??
سيف تنهد بعمق وابتسم بحب وتابع عارفه يعني ايه اخلف بنت ?? يعني لما ارجع من سينا هلاقيها معاكي اول واحده واقفه تستقبلني وتجري في حضني وهي بتقول بابي جيه ولما اصحى الصبح علشان اوديها الحضانه بما اني اجازه ومعاكم بقى هلاقيها بتعيط علشان صاحبتها زعلتها في الفصل وعضت الاستيكه بتاعتها وانا طبعا مش هستنى وهسمعها بكل جديه ونحل المشكله الصعبه دي .. حتى الاكل تشد حيلها كده وتلاقيها جايبالي اصناف كتير وحطاهم على صينيه وتقولي بص يا بابي كل ده طبخي هاكلك من ايدي النهارده وضحك وتابع ايوه طبعا هنجرب فينا الاكل ولان البنات تعشق الشياكه وهتطلع لامها طبعا فكل ماتجيب طقم هتيجي بسرعه اوضتي وتقف قدام الشاشه وتقولي بابي ايه رايك فياا فساعتها انا هسيب اللي كنت بتفرج عليه وهفضل اوصف في جمالها في هدومها الجديده وبعد كل ده هيجي راجل يطلب ايديها وياخدها مني بقيت العمر فابالله عليكم قولولي ازاي هقدر اسمحلها تتجوز وقلبي هيبقى اتعلق بتفاصيلها ازاي ساعتها هقدر امنع وجع قلبي وانا بسلم عليها وبحضنها قبل ماياخدها من بيتي فعلشان كده هبقى في مشكله لان حقيقي رغم قوتي مقدرش اواجه الشعور ده .. شعور اصعب من انه يتحكي ده انا مغرم بها من قبل ما تيجي اصلا
نرمين بحب وابتسامه طول عمرك حنين يا ابني والله ربنا ينولك كل اللي في بالك قادر يكريم
امنيه دموعها نزلت بحب وتابعت انا فخوره بنفسي عرفت اختار اب صح لبنتي
سيف بصلها بحب وتابع بضحك ان جيتي للحق انا اللي فرضت نفسي عليكي انتي مكنتيش مختاراني
امنيه ضحكت وضربته بخفه في صدره وتابعت لا متقولش كده وابتسمت وتابعت انا حبيتك من ساعه ما شوفتك وانت احلى حاجه حصلتلي في الدنيا كلها يا سيف
فسيف ابتسم بحب واضح وباس جبينها
يونس بحب ربنا يسعدكم ويهنيكم ويكرمكم بالبنوته يارب
سيف بحب تسلم يا غالي والله وعقبال ما ربنا يطمنك على نور
يونس بحب اللهم امين ياارب
عمر بضحك بعيداا عن المشاعر الحلوه دي بس انا ابني يعمل اللي هو عايزه فمتحطوش في دماغك من دلوقتي لو سمحت طبيعي هياخدها منك اومال هتخلل جنبك ولا ايه
سيف بضحك يابني خد بالك انت بقيت تتجرأ قدامي كتيير وانا مش عايز اقوم اديك علقه وامرمط بكرامه اهلك الارض قدامهم فشد بلاستر احسن
امنيه بضحك اه يلا والنبي ياسيف عايزه اتفرج
عمر بضحك يلااا ايييه ياما هو انا ماليش اهل يسألوا علياا بعدين ميوقعنيش بسهوله واساليه
امنيه شهقت وتابعت الحق يا سيف
سيف بضحك الحق ايه انتي عايزه تسخنيني وخلاص ماهو فعلا ميقعش بسهوله ده من كتيبتي يا غاليه لو وقع عيبه في حقي
امنيه بضحك حتى لو انت اللي بتدربه يعني تبقى اكفئ
سيف بحب لا مينفعش اكون اكفئ ولو متعادلناش في القوه وتعبنا من الاشتباك لحد ماوقفنا واحنا الاتنين موقعناش يبقى كـأني معملتش حاجه
عمر بضحك ده بيحاكم اللي بيوقعه اكتر من 3 مرات
كلهم فضلوا يضحكوا فتابع سيف بضحك هما عايزين كده بجد
وفضلوا بيتكلموا ويهزروا شويه بعدين سيف خد امنيه وراح يجيبلها الفستان
فوق في شقه شهد واحمد
فرح قعدت بتعب على الكنبه اللي في اوضه شهد وتابعت انا مش عارفه انتي مخك كان فين وانتي بتغيري حاجات عملتيها بمزاجك ليله حنتك
شهد بتنهيده لالا مكانوش عاجبني كده زي الفل مروان جيه ولا لسه
فرح بصت للساعه كانت 10 وتابعت لا لسه بس جاي خلاص وبجد اتأخرنا اوي اطلعي ريحي جسمك شويه بكره يوم طويل
شهد قعدت قدامها على الكنبه وتابعت بتوتر بالله انا ماعايزه بكره ده يجي
فرح بذهول انتي عبيطه يابت ده يوم عشتي عمرك كله بتحلمي بيه
شهد نفخت بضيق وتابعت ومين قالك مش بحلم بيه بس متوتره اوي وعيني مش راضيه تغمض وهلكت نفسي اهو وبردو مش قادره انام
فرح مسكت ايديها وتابعت عندي فكره بس هتاخديها نصيحه مني ??
شهد بسرعه : الحقيني بيها ابوس ايدك
فرح بابتسامه مبدائيا مش هننكر انك طايره لان بكره فرحك على احمد وده يوم عشتي تتخيليه من وانتي بضافير بس اللي قالقك هو اللي كان قالق ياسمين وزينب بنت عمك ونور مرات اخوكي واي عروسه خلقها ربنا .. طبيعي تخافي حاجه جديده عليكي ومطلوب منك تبقي طبيعيه وتوافقي ومتتكسفيش لان ده جوزك بس انتي طبعا غصب عنك هتتوتري وهيجي في بالك حكاوي كتير سمعتيها فعلشان كده مش عارفه تنامي
شهد بدموع انا عايزة اقولك متوتره بطريقه اوفر واتذليت لياسمين تقولي اي حاجه وهي ابداا تقولي مش هينفع اخوفك هو كل راجل غير التاني فانتي وجوزك بتعرفوا شخصيتكم بينكم وبين بعض فمش شرط ليلتي تبقى زي ليلتك هي مفيش غير نور طمنتني لفكره اني هبقى مع احمد وكده
فرح بابتسامه وهما صح واختك بجد تفهم في الاصول اصل هتقولك ايه بجد ماوارد اللي حصل بينها هي وجوزها ميبقاش معاكي بالظبط او حاجه هي قابله بيها انتي لا او هي مستعده من اول يوم انتي عايزة وقتك فبجد تختلف من كل اتنين لغيرهم ومينفعش تطلع سر بيتها ده صح والدين قال كده فانتي حلك الوحيد بنسبالي تكلمي جوزك ده دلوقتي حلالك واي حاجه حقك تقوليها او هو يقولها واحمد لو طمنك يا شهد مش هتخافي
شهد لوت بوقها يمين وشمال وتابعت بدموع وتوتر احمد مين اللي يطمني اسكتي بالله عليكي ده ماهيصدق
فرح فضلت تضحك وتابعت ودي تزعلك بردو يعبيطه انه يبقى ملهوف عليكي كده
شهد بدموع اه تزعلني ومش مبسوطه خالص وبتوتر وبطني بتتقطع كل ما يبصلي ويلمح ان خلاص هبقى معاه لان ببقى فاهمه نيته ايه
احمد من وراها بستغراب لانه سمع اخر كلمه : هو مين ده يا شهد ??
شهد اتخضت وفرح فضلت تضحك وقامت وتابعت تعالى يا جوز اختي يا غالي اقعد مع مراتك وهي تقولك مين انا هقوم انا انزل
شهد بتوتر خليكي مروان لسه مجاش اتلمي
فرح بضحك لا تيته صافيه واحشاني هنزل اونسها لحد مايجي وغمزت وتابعت اتلمي انتي هاا واعملي زي ماقولتلك وابتسمت لاحمد وخرجت
فاحمد قعد قدام شهد ولاحظ دموعها وتابع بصدمه ايه ده مالك يابابا في ايه
شهد وهي بتمسح دموعها تابعت بتوتر لالا مفيش يحبيبي
احمد رفع وشها وبص لعينيها وتابع عيني في عينيك كده
شهد الدموع اتجمعت في عينيها وتابعت مفيش حاجه بجد
احمد بتنهيده طب تعدميني لو متكلمتيش
شهد شهقت وتابعت بحده بعد الشر عليك متقولش كده تاني بجد هزعل منك
احمد مسك ايديها رفعها باسها وتابع بحب طب يبقى قولي مالك
شهد بلعت ريقها بتوتر وتابعت هو احنا .. وغمضت بتوتر ونفخت وتابعت يعني اقصد اننا هنتجوز وكده
احمد بشك اممم كملي
شهد بتوتر وهي بتاخد نفسها تابعت هنعمل ايه يعني .. اصل بس انا مش فاهمه حاجه ولا عارفه حاجه ومعنديش اي خلفيه عن ان المفروض تصرفاتي تكون ازاي
احمد ابتسم لانه كان متأكد ان ده اللي موترها وتابع وهو بيحط واحده من ايديه على خدها: وانتي مين قالك انك لازم تعرفي تصرفات تعمليها وخطوات علشان اليوم يعدي ?? مبدائيا انا مدرك اني متجوز ست البنات يعني ولا واحده كل شويه مع شاب ولا بتدخل في جدال مع حد لانها بتتكسف من خيلها فمش مطلوب منك اي حاجه ولو مش عايزه حاجه تحصل مش هتحصل اصل سواء انا ولا انتي ماهي الحياه دي هنبدائها سوا وانا اجهلها زيك بالظبط بس ميزتها انها تلقائيه وبيني وبينك يعني مش كلام محفوظ من صحابي على كلام محفوظ من صحابك لان صوابع ايدينا مش زي بعض فاهدي كده وهنعرف كل حاجه سوا بس ده لو انتي عايزه
شهد ابتسمت لانه فعلا هداها جداا وطمنها اوي وتابعت وهي بتلعب في ايديها اانا بصراحه بشوف التأجيل مالوش لازمه بس بردو حاسه اني متوتره اوفر
احمد حط ايديه على ايديها وتابع بحب يبقى مفيش حاجه هتحصل خلاص
شهد بحزن بس انت كنت متحمس وفرحان مش عايزه انكد عليك في يوم زي ده
احمد بابتسامه مفيش اي نكد ولا اي حاجه منكرش انا لو عليا دلوقتي قبل بكره علشان بحبك بس بردو علشان بحبك فراحتك ورضاكي بنسبالي اهم حاجه
شهد حضنته وغمضت ودموعها نزلت وتابعت انا بحبك اوي بجد
احمد ضمها ليه اكتر ووطي راسه باس كتفها بحب وتابع وانا اكتر والله العظيم اهدي بقى خلاص كفاياكي عياط
شهد بصتله بحب وتابعت هديت بس انا مش هأجل حاجه ومتطمنه كوني معاك وعارفه مش هتضايقني ولا تخوفني منك
احمد ابتسم بحب وخدها في حضنه وتابع بحب ده بتقولي كده دلوقتي والحماس خدك علشان طمنتك انما بكره اللي هيريحك فكل الحالات هيحصل مش هتطيري يعني
شهد وهي نايمه على صدره تابعت بحب ربنا ميحرمنيش منك ابدا يارب
احمد بحب ولا منك يا ينورعيني وابتسم وتابع بالله نفسي الليل يجري
شهد بضحك اممم وانا حقيقي
وقعدوا يتكلموا شويه بعدين شهد نامت فحضنه فشالها وطلع وداها اوضتها قبل ما تيجي اسماء ونزل بيحاول ينام بس فرحته وحماسه كان مغطي ففضل سهران باصص للسقف وبيبتسم وهو بيتخيل شهد شكلها هيكون عامل ازاي ومتحمس لفرحه اوي ولفكره انها هتكون معاه خلاص
——
تاني يوم الصبح بدري البيت كان في حاله من الدوشه طالعين نازلين بيجهزوا علشان يروحوا الفندق
عند سيف وامنيه
سيف كان قاعد على السرير وحاطط الفوطه حوالين رقبته مستني امنيه تخرج وباله مشغول جدا بانها ازاي هتعرف تعيش من غيره الفتره اللي ميعرفش مدتها دي وموجوع علشان هتوحشه اوي وفضل سرحان في افكاره
امنيه بصوت عالي نسبيا: يا سييف
سيف انتبهلها واتفاجئ انها خرجت من الشاور ومخدش باله فتابع ايه يحبيبتي معاكي
امنيه بضحك معايا ايه بس انت في عالم تاني خالص وابتسمت وتابعت سرحان في ايه قولي وقعدت جنبه ورفعت الفوطه بتاعتها على صدرها شويه وتابعت عايز تتجوز عليا صح ?? قول قول متخافش انا ست بتفهم في الاصول وهقتلك بس
سيف ضحك وتابع بحب لا طبعا مقدرش وبصلها باعجاب من فوق لتحت وتابع يعني يبقى الجمال ده كله ملكي واروح اتجوز تاني ده انا ابقى راجل اهبل
امنيه ابتسمت وتابعت برفعه حاجب اصل في رجاله بيقولوا الشرع محلل اربعه
سيف شدها ليه وتابع بحب منا متجوز اربعه واحده دكتوره ومثقفه ومتحضره وواحده مجنونه وغيوره وواحده عصبيه ولسانها طويل وواحده رقه الدنيا فيها وباس شفايفها برقه وتابع بحب فانتي بالاربعه
امنيه حضنته جامد وتابعت بدموع وحب انا بموت فيك بجد
سيف حضنها اكتر كأنه عايز يشبع منها وهمس هتواحشيني اوي
امنيه سمعت همسه ومنعت دموعها وكل اللي عملته شددت من حضنه هي كمان كأنها عايزه تشبع منه وتخليه قريب منها على قد ماتقدر وهمست بصوت مليان وجع: انا مش قادره بس بحاول
سيف بصلها بحب ورجع شعرها المبلول اللي بينقط ورا ودنها وتابع بحب عارف والله وكتر الف خيرك مستحمله اسلوب حياتي اللي اتفرض عليكي
امنيه بدموع بالله عليك ماتقول كده ده كفايه اني مراتك دي بالدنيا ومافيها وانا وعد هشيل بيتك واحافظ عليه في غيابك
سيف بابتسامه واثق من ده جدا بس ابنك اهم حاجه
امنيه بحب ودموع واول حاجه طبعا ده حبيبي ده اللي طول الوقت هيفكرني بيك ويحسسني انك جنبي
سيف بحب انا جنبك وجواكي من زمان ولا نسيتي
امنيه بحب ودموع مقدرش انسى وحضنته فباس راسها بعمق وضمها ليه اكتر
وبعد شويه قام ياخد شاور ويجهز وامنيه لبست دريس بني وطرحه بيضه وطلعت فستانها من الدولاب في الكيس القماشي بتاعه واستنت سيف علشان يمشوا
——
في عربيه احمد نور وفرح وشهد كانوا معاه علشان شهد هتروح بدري وهما مرضيوش يسيبوها لحد ما الباقي يجي
نور يابت ياشهد يعني وصل ولا لسه
شهد بتوتر وصل بقاله ساعه شد بالله عليك يا احمد
احمد وهو بيتاوب هو مين ده اللي وصل ولا موصلش الفوتجرافر لسه شويه عليه جاي بعد ساعه
فرح لا هي تقصد الميكاب ارتيست بتاعها
احمد بستغراب الايه ياختي ??
نور بضحك اللي هيخليهالك مزه يعني يا احمد من ميكاب لشعر وكده
احمد بضحك اه فهمت بس بتتكلموا بصيغه المذكر ليه ايه الهبل ده على الصبح
شهد بصت لنور في المرايه ولوت بوقها بتوتر فتابعت نور بتوتر لا يحبيبي ماهو راجل فعلا
احمد وقف العربيه وصوت الفرامل علي وبص لشهد وتابع بعصبيه نعم ??? راجل ايه ده اللي جيباه يجهزك انتي اتجننتي ولا ايييه
شهد بتوتر اهدى بس علشان خاطري وفهمني انت ايه مشكلتك دلوقتي ??
احمد ضرب الدريسكيون بعصبيه وتابع هو ايه اللي ايه مشكلتي خدتي راي مين انتي قبل ماتتنيلي تعملي كدده يعني ايه راجل يفضل يلعب في وشك وشعرك انتي عاايزة تحرقييي دميي ????
فرح بخوف احمد خلاص علشان قلبك يا غالي ولا يهمك هنربيها ومش هيحصل خلاص ورفعت الفون بتوتر وايديها بتترعش وتابعت بعد ثواني الو يا نبيل ..لالا خلاص العروسه مش هتقدر هنلغي الحجز .. اه معلش حقك علياا
احمد بعصبيه هو ايه اللي معلش حقك عليااا انتي عبيطه انتي التانيه وجبتي رقمه منين ده انا هقول لمروان يطلع عين اللي خلفوكي انهاارده
فرح غمضت بتوتر وفضلت بتضرب على خدها بخفه وهي بتلوي بوقها لنور فغمزتلها تسكت وتهدى وتقفل الفون فابالفعل تابعت بتوتر طب معلش باي مضطره اقفل وقفلت فتابعت نور بهدوء يحبيبي اهدى كل الحوار انه واحد معروف حبتين فرقمه على الاكونت بتاعه انستا ولقيناه من اسيوط فقولنا نجيبه لانه شاطر بس طلما انت مش راضي خلاص خلصت
احمد بعصبيه الوسخ المنسون ده من اسيوط ليييه ان شاء الله من امتى وعندنا خرفاان احنااا ورايي ايه وزفت اييه هي دي فيهاا رايي .. ازاي اصلااا حاجات النسوان دي رجااله تعملهاا لالا انتوا حرقتوا دمي قسما بالله
شهد بتوتر هو مش اسيوطي بس فتح بيوتي سنتر كبير هناا
احمد وهو بيرجع يسوق تابع بعصبيه هششش مسمعش حسك خاالص لاخر اليوم علشان مع احتراامي لكل انواع المواالح انا مفيش حاجه في الدنيا بترفع ضغطي غيير شهددد لحد ماهتجيب اجلي
نور بحزن يعمري متقولش كده الف بعيد الشر عنك وطبطبت على كتفه وقامت باست خده وتابعت حقك على عيني مش هيجي والله خلاص اهو واللي انت عايزه يحصل غصب عنها طبعا ده انت جوزها
شهد بدموع المشكله هقول لمين دلوقتي بجدد
احمد بعد ماهدي رجع اتعصب تااني وتابع شالله ما عنك حطيتي حاجه خليكي كدده زي الفلل عادي بنسباالي انما مش تتصلي براجل وسخ وتتفقي معاه وتركبيلي انا قرون وتفاجئيني ده عند امك ده لمؤاخذه
شهد نفخت بضيق وربعت ايديها قدام صدرها وبصت للطريق جنبها بضيق فتابع احمد بعصبيه متنفخيش بدل ماقسما بالله بضهر ايدي وهنزل بقلم على خلقتك يلزقك في الازاز
نور كانت في الكرسي اللي وراه فقامت حطت ايديها الاتنين من الناحيتين عليه وحضنته وتابعت بس بس هدي نفسك ولا تزعل ولا تزعلها اللي انت عايزه قولنا هيحصل بس حرام تنكدوا على نفسكم دي ليله في العمر
احمد بحده يانور انتي مش شايفه الاستفزاز بتاعهاا طيبب ???
شهد رايحه تتكلم فنور بصتلها بحده وتابعت حقك على عيني عيله ونفسها تفرح واختارته من غير تفكير فإنك ممكن ترفض بس رفضت فخلاص خلصت وانا هكلملها رحمه اللي طلعت فرح في خطوبتها
فرح باعجاب اه والله جميله قولتلها تختارها فعلا
نور بحب هنكلمها فعلا يلا يا شوش تعالي بوسي جوزك في خده علشان احنا قاعدين وصالحيه وضحكت وتابعت بالك انتي لو مش قاعدين كنت هقولك عيشي بس انا بتكسف ياختي
فرح ضحكت وشهد بصت لنور بغيظ فضحكت نور وتابعت اخلصي يابت يلااا ده جوزك انتي عبيطه ولا ايه
شهد بحرج هو مش زعلان صح يا احمد
احمد تنهد بعمق وتابع وهو باصص للطريق بالله عليكي انا ماقادر ارغي
شهد زعلت انها زعلته ونامت على كتفه وحضنت دراعه وتابعت حقك على عيني مقصدش اعصبك
احمد بتنهيده تمام ياشهد خلاص
شهد بحزن علشان خاطري خلاص بقى ورفعت وشها باست خده ونامت على كتفه تاني وتابعت حقك عليا والله
احمد ابتسم غصب عنه ومسك ايديها رفعها باسها بحب وتابع خلاص والله محصلش حاجه
نور بضحك شوفتي البوسه بتحلها ازاي
فرح بغمز وضحك مجربه انتي
نور فضلت تضحك وتابعت شوف البت
شهد بضحك ماحقها تقول كده انا بردو شكيت فيكي
نور فضلت تضحك فتابع احمد بضحك طب اتلموا علشان دي اختي اللي بتتكلموا عليها انها بتعمل كده
كلهم فضلوا يضحكوا بشده فتباعت نور بضحك سكتنا اهو يا غالي ورفعت فونها تصحي يونس لانه قالها هينام شويه علشان كده كده مش هيطول وهو بيجهز فهيجي على معاد السيشن
——-
بعد ساعتين في الفندق شهد كانت لابسه بيجامه ستان بكم وبنطلون ولونها ابيض ومكتوب عليها بلون ابيض بيلمع ( Bride ) يعني عروسه وعملت شعرها مكواه بس لسه وحطت الميكاب واطلاله البنات اللي كانوا معاها كانت متشابهه في الالوان( بيبي بلو) مختلفه في الشكل من واحده للتانيه بس كلهم كانوا محجبين ولابسين الفستان ضيق شويه من عند الصدر وواسع لتحت امنيه لبسته ستان وزينب ستان باختلاف الديزاين وياسمين لبسته واسع من تحت شيفون ونور زيها باختلاف الديزاين معادا فرح اللي جابت دريس اوف شولدر ماسك من عند الصدر وواسع لتحت وفارده شعرها بشكل مموج وكانوا حطين ميكاب رقيق جدا
وشهد كانت واقفه الفوتجرافر بيصورها فتابعت نور بابتسامه بسم الله ما شاء الله مرات اخوياا جمرر يانااس
شهد بضحك قلب مرات اخوكي والله
فرح باعجاب مزه مزه يعني
شهد بضحك حبيبتي يا فروحه
ياسمين قامت بزين اللي بيعيط وتابعت هرضعه في الحمام يا شهد معلش
شهد وهي واقفه بطريقه معينه وبتبتسم تابعت روحي يعمري طبعا
زينب بهمس لامنيه مالك قالبه وشك ليه متخانقه مع سيف ولا ايه ??
امنيه تنهدت بعمق وتابعت لا مخنوقه علشان دمي هيتحرق بالليل وبتمنى الوقت ميجريش
زينب بحزن بالله ما تفكريني بحاول اعمل نفسي مش واخده بالي
امنيه الدموع اتجمعت في عينيها وتابعت انا تعبانه ومحتاجاه بجد بس مش بقول كده ولا ببين
زينب بوجع حقك على عيني بكره تتعودي كنت زيك وسابني حامل برده .. والله يا امنيه هنهون على بعضينا انا وانتي الاول كنت بكتم جوايا ومكنتش بقدر اتكلم معاكي بقى في موضوع سيناء ده انتي فاهمه وغمضت عينيها بتعب
فتابعت امنيه بقلق مالك يا زينب انتي كويسه
زينب ابتسمت بتعب وتابعت كويسه كويسه بس انا بقالي شويه كده مش في المود بسبب حسام بيسهرني كتير وتعبت
امنيه بحزن سلامتك ياحبيبتي
اسماء كانت معاهم ولبست نفس دريس زينب بالظبط علشان كانوا متفقين يبقوا زي بعض فتابعت لما شافتها تعبانه هاتي يا عمري حسام عنك شويه هقوم اقف بيه في البلكونه عشان عايزه اكلم زياد
زينب ابتسمت بحب واديتهولها وتابعت ربنا ميحرمنيش منك ابدا ينورعيني هتعبك
اسماء بحب متقوليش كده يا هبله ده ابني وانتي عارفه وقامت بالفعل دخلت بيه البلكونه
امنيه بابتسامه علشان انتي عمه حنينه عليا ربنا كرمك بعمه حنينه بس انا بصراحه في الاول قولت من كتر حبك في اخوكي مش هتطقيني
زينب فضلت تضحك وتبعت لالا انا مش كده بالعكس ده اللي يحبه سيف نحبه وانا حبيتك لاجل ان هو بيعشقك بجد ومن الاول خالص وانتي عارفه اني بحبك بس احنا قربنا من بعض اكتر بعد جوازك من سيف
امنيه حضنتها وتبعت والله انتي حبيبت قلبي وانا بعتبرك اكتر من اخت بجد ليا مش اخت سيف خالص
زينب بحب انا اختك فعلا ينورعيني وطبطبت على ضهرها وهي حضناها متابعه ربنا يفرحنا بيكي انتي واللي في بطنك ويقومك بالف خير يا رب
امنيه بحب اللهم امين يارب
وشهد فضلت واقفه ومديا الباب ضهرها بتكمل تصوير فاحمد خبط فقامت نور فتحت كان لابس بنطلون ابيض وقميص ابيض ولسه مجهزش وشاف شهد من ضهرها شعرها مفروض ومكوي وبتتصور فشاور لنور تسكت وبيدخل براحه
شهد وهي واقفه تابعت مين يا نور
المصور لالا خليكي معاايا انا اعملي البوكيه كده وحطي ايديك عليه
شهد بحب حاضر وبدات تعملوا فعلا ولقيت احمد حضنها من ضهرها فاتخضت وفضلت تضحك لما شافته ان هو فشالها ولف بيها وهي بتضحك وتابع وهو بينزلها وحاضنها ايه الحلاووه دي يخربيت اهلك
كلهم فضلوا يضحكوا فتابعت شهد بضحك يا احمد خضتني والله حرام عليك قلبي كان هيقف
احمد ضحك وتابع بهيام ده انا اللي قلبي هيقف .. اما لسه ملبستيش الفستان وقمر كده هعمل ايه لما تلبسيه
شهد ابتسمت بحب وحضنته فتابع المصور بضحك ايوه زي الفل كده كويس انك جيت علشان كنت هناديك فعلا اصوركم شويه قبل ما تجهزوا كاتبين صح ولا ايه ??
احمد بضحك كاتبين يا باشا طبعا عيش
شهد ضربته في صدره بخفه وتابعت بضحك اتلم
ففضل احمد يضحك وشدها ليه واتصوروا شويه
المصور بص ياعريس لفها كده بعدين خدها على دراعك ووطيه شويه كأنكم بترقصوا علشان لما تجهزوا نكملوا بانك قومتها وتبقي لابسه الفستان
شهد بضحك اه عارفاه التريند ده يلا يا احمد وبالفعل لفها بعدين خدها في حضنه ووطى بدراعه بيها شويه والمصور وقف الفيد
وشويه واحمد خرج وراح اوضته تاني وكانوا الشباب معاه وجهزوا فتابع مازن بحده ياخي يخربيت برود اهلك
احمد بضحك كنت بتصور الله
يونس وهو واقف بيعدل جاكت بدلته تابع برفعه حاجب بتتصور فين يا غالي ??
احمد بضحك وتوتر ها ولا حاجه بتصور تحت طبعا
سيف بضحك قلبي مش مرتاحله
عمر بضحك ياعم ده راح لشهد بيستفرد بيها وبيمثل قدامكم هناا الملاك البريئ
يونس برفعه حاجب قال الكلام ده يا احمد ??
احمد بضحك طب قولي انت هتقتنع ازاي وامتى انها مراتي وانا اقنعك
يونس بضحك يا ابن الكلب يعني كنت عند شهد فعلا ???
احمد بضحك لازم بجد الفوتوغرافر كان عاوزني
يونس وانت شوفتني كنت بدخل لاختك اوضتها قبل فرحنا ??
احمد بضحك يا باشا خلينا ساكتين كلها عارفه بعضيها اولا انت كتبت على نور في نفس يوم دخلتكم ثانيا انت كنت رايح جاي بتحضن في البت وبنقول اخوها الكبير وغفلتنا كلنا
كلهم فضلوا يضحكوا بشده فتابع عمر بضحك لا بعد اذنك انا والقائد مبنتغفلش كنا عارفين ان الحضن ده غرضه مش سالك
يونس بضحك يا ولاد الكلب هي الحفله هتبقى عليا انا طب انا ماشي وسايبهالكم رايح لمراتي حبيبتي اخدها وننزل نتصور
احمد بضحك اه اخلع اخلع اعمل من بنها
ونزل يونس وهو بيضحك ودقايق ولقيوا الباب بيخبط فقام مازن فتح كانت ياسمين فبصلها بحده لانها جات بس شكلها كان حلو اوي وسحرته برقتها وبساطتها بس نفض لكل ده وتابع بهمس حاد : يخرب بيت اهلك بتيجي في دور الشباب ليه انتي اتجننتي ??
ياسمين ابتسمت وتابعت حقك عليا بس انا تعبت اوي من زين بصراحه فممكن تاخده شويه معلش يا مازن حاسه ضغطي وطي واليوم لسه طويل
مازن تنهد بعمق وتابع بسم الله وشاله منها وبصلها وتابع على اختك يلا مشوفكيش هنا تاني
ياسمين بغمز وضحك عيوني بس ايه القمرر ده يا عم هتاكل الجو من احمد كده
مازن ضحك وتابع ده مفيش قمر بعدك اصلا يلا روحي دلوقتي
ياسمين بحب عيوني ومشيت ومازن دخل بزين اللي عيط فتابع بضحك لالا مااليش خلق روح لعمو سيف هيسافر فعارف انه هيوحشك
سيف بضحك ده حبيب قلب عمو ده هاتو طبعاا وشال زين وسمى
مازن بضحك بموت فيه بس ماليش خلق للعيال بصراحه
سيف بضحك اه منا عارفك انت هتقولي على خلقك وباس زين براحه في جبينه وفضل يطبطب عليه بيسكته
فابتسم عمر وتابع عقبال ابنك او بنتك يا غالي
سيف بحب تسلم يا حبيبي
——
وبعد شويه كان احمد وشهد جهزوا خلاص وطبعا احمد كان لابس بدله سودا وقميص ابيض وبيبون اسود وجزمه سودا وحاطط منديل ستان في جيب البدله ومطلعه شويه بحيث يظهر وعلى الجيب دبوس باسم شهد بلانجلش بطريقه شيك وشعره متظبط وطالع بيرفكت وفي العادي احمد مش بيربي دقنه
مازن كان واقف باصص عليه ومبتسم وفرحان بيه جدا وتابع مبااارك يا حبيب قلب اخوك
احمد ابتسم ولف حضنه وتابع الله يبارك فيك يا حبيبي بجد
مازن بضحك وغمز عايزك ترفع راسنا ها سيبك من يونس خالص هو فوق محدش هيحس بيك
احمد فضل يضحك بشده وتابع انت بتقلقني علشان انت جنبي في نفس الدور يعني
مازن فضل يضحك وتابع لا بحذرك اصلك متجوز مجنونه لما تلاقي نفسها دخلت في الجد هتقولك انت داخل ورايا الاوضه ليه واطلع براا وتصوت ونتفضح في البلد
احمد فضل يضحك وتابع لالا متقلقش مش هتحسوا بينا انا متفق معاها لو مش مهيئه خلاص
مازن بابتسامه راجل يا احمد هو ده الصح
احمد بهمس بما انها اخت ياسمين .. هي ياسمين كانت متوتره اوفر زي شهد كده ??
مازن فضل يضحك لدرجه عينيه دمعت فاحمد ضحك على ضحكه وتابع ايه ده في ايه قولت ايه يضحك
مازن بضحك انت عارف ان ياسمين كانت مهيئه اكتر مني بس اللي نكد علينا اليوم ده جودي بنت الكلاب انما تاني يوم كنا زي الفل
احمد بضحك الله اشمعنا بقي يعني انت مواجهتش الكسوف والجو ده
مازن بضحك كسوف مين ياباشا ياسمين دي انا مربيها على ايدي وبتحبني من وهي في تالته اعدادي فانت متخيل منا ما اتجوزنا كنا واخدين علي بعض ازاي
احمد حك دقنه وتابع اممم ربنا يطمنك يا غالي هي شهد بتحبني من زمان بس متعملناش كاتنين مرتبطين غير حوالي 5 شهور فايه ميمشوش ??
مازن فضل يضحك وتابع يمشوا طلما بتحبك .. وابتسم وتابع انت وشطارتك بقى متبقاش متسرع ولهفتك عليها تنسيك انها طبيعي هتكون مرعوبه
احمد تنهد بعمق وتابع خير باذن الله يلا ننزل هما راحوا فين
مازن بابتسامه سيف مع امنيه ومعاهم زين والباقي اعتقد اكيد نزلوا بس اللي لمحتهم في الجنينه سيف وامنيه وابني
احمد بحب طب يلا بينا
مازن بحب يلا ونزلوا بالفعل ووقفوا وشويه والكل اتجمع في الجنينه ودقايق وتابع المصور : يلا يا عريس لف واديها ضهرك قبل ماتيجي علشان الفريست لوك
احمد قلبه دق بعنف ونفخ بتوتر ولف بالفعل واداها ضهره
و شهد داخله الجنينه وفرح والبنات وراها شايلين ديل الفستان وبيزغرطوا واطلالتها (( عباره عن فستان باكمام شفافه عليها وورد ابيض رقيق وماسك من عند الصدر وعليه تفس الورود في المقدمه ومطرز تطريزه رقيقه ومنفوش اوي لتحت بكذا طبقه شيفون عليها نفس الورد الابيض متوزع بطريقه عشوائيه ومتباعده على الفستان وتسريحه شعرها حبت تكون جديده ومميزه فعملتها في شكل ضفيره واسعه اوووي وطويله وبين كل خصله والتانيه ورود من الخرز وفي قصه يمين وقصه شمال نازلين حوالين وشها مدينيها شكل تحفه مع الميكاب النود اللي عملته ))
يونس والباقي كانوا واقفين قدام احمد وشايفينها وراه عكس احمد اللي مديها ضهره فتابع يونس بانبهار : ايه ده ايه الحلاوه والجماال دده وسع ياالا هحضن انا الاول وزق احمد بالجنب شويه وعدا من جنبه وكلهم فضلوا يضحكووا
فايونس حضنها وهي ضحكت والدموع اتجمعت في عينيها فبصلها وتابع والدموع متجمعه في عينيه : والله العظيم ما قادر اصدق انك كبرتي خلاص وهتتجوزي وشايفك عروسه ومسك ايديها بعدها لورا شويه وبصلها من اولها لاخرها باعجاب وانهبار وتابع مشوفتش في حلاوتك بجد .. وااله العظيم اجمل عروسه في الدنيا كلها ودموعه نزلت
شهد بدموع وحب لالا والنبي مش بحبك تعيط وحضنته وكلهم زغرطوا فحضنها يونس جامد ودموعه نزلت وباس راسها بعمق وتابع بدموع فرح : ده كبرت البنوته كبرت ست الكل بحق وحقيقي بقى
شهد بدموع وحب : بس متقدرش تتركك وتفل دي تموت والله ومسحت دموعه بايديها
يونس ابتسم وتابع الف بعيد الشر عنك ينورعيني متقوليش كده وباس جبينها بعمق وبصلها وهو بجد مش قادر يصدق ان شهد كبرت وبقيت عروسه وواقفه قدامه قمر كده بعد كل العمر ده فتابع بدموع وحب لا بصي انا سبوني شويه استوعب مع نفسي وجوزك يشوف القمر ده واقف بقاله كتير كفايه
احمد بضحك ده ياريت يعني لو مش هنضايق حضرتك يا دكتور يونس
شهد ضحكت من بين دموعها وتابعت يونس علشان خاطري متعيطش بدل ما والله افضل احضنك لحد ما تسكت و متصورش واتاخر على الفرح
يونس فضل يضحك من بين دموعه وتابع لالا يعمري خلاص انا زي الفل اهو شوفي جوزك
ونور راحت وقفت جنبه وطبطبت على كتفه وتابعت بحب وابتسامه عقبال ما تشوف عيالها يا حبيبي
يونس بحب وابتسامه يارب اللهم امين بجد ينور عيوني
المصور بضحك بص يا عريس لما اقولك لف تلف الرجاله الجنب ده معاك انت والبنات ورا العروسه ولما تلف البنات تزغرطوا وانتوا هتسقفوا اتفقنا
الكل في صوت واحد اتفقنا فالمصور بص لشهد وتابع عايزه اي اضافات ???
شهد بضحك عايزاه ينبهر بص يغمى عليه من الجمال كده
المصور بضحك لاحمد : سمعت يا عريس ??
احمد بضحك اوامر طبعا انا اصلا متفق مع الرجاله هنعمل ايه
المصور بضحك طب تمام يلا هنعد 1 .. 2..3 لف ياعريس
وفعلا احمد لف والبنات فضلت تزغرط والشباب بتسقف وهو فعلا انهبر اوي بشكلها وجمالها ورجع لورا كانه هيغمى عليه وصحابه سندوه ولحقوه زي ما فهمهم فكلهم فضلوا يضحكوا وشهد اكتر واحده ضحكت ومتوقعتش رده فعله فراح حضنها جامد وهي زيه وكلهم لسه بيسقفوا والبناات بتزغرط وتابع بحب واعجاب شديد: ايه حلاوه والجمال والقمر ده كله يخرب بيت جمال اهلك
شهد فضلت تضحك وتابعت رومانسيه دي يا غالي
احمد بصلها بذهول من جمالها وتابع بحب واضح: شهد انا حقيقي حاسس اني متبنج مش عارفه ابطل ابص عليكي يانهار ازرق انا تنحت اما على الارض كده حور العين في الجنه ايه
شهد بضحك مسكت جاكته وتابعت وانت مالك بحور العين هااا اتلم كده وخليك معايا انا دلوقتي
احمد بصلها بحب وتابع بالله ما شايف غيرك انتي مش واخده بالك اني متنح بجد ??
شهد دموعها نزلت بحب وتابعت احمد انا مبسوطه
احمد حضنها وغمض عينيه وتابع واحمد الدنيا كلها مش سيعاه ده ملكه جمال الناس دلوقتي ملكي خلاص بجد
شهد حضنته اكتر وايديها حوالين رقبته وعينيها بتنزل بدموع ومبسوطه اوي وهو باس جبينها بعمق وتابع حقيقي ربنا يحميكي ويباركلي فيكي ياست البنات
شهد بحب ودموع وميحرمنيش منك يعيوني
المصور بضحك زي القمر يللا بقى خلصوا فيديوهاتكم والصور ونكمل احضان وحب شويه كده
احمد بضحك يلا معاك
المصور عارفين التريند بتاع ورده نسيت الدنيا وجريت عليه لما انتي تجري وهو يحضنك ويلف بيكي ??
شهد بابتسامه اه عارفاه بس انا عاوزه نفس الترند على اغنيه لما ناداني حب الاولاني
المصور بحب تمام مش هتفرق يلا ارجعي ورا انتي .. وانتوا معلش يشباب ورا شويه
هما كانوا بيتكلموا سوا ففعلا رجعوا وسابوهم يتصوورا براحتهم وشهد رجعت وقفت ورا
والمصور وقف وراها وتابع لما اقولك يلا تجري عليه وانت تشيلها وتلف بيها
شهد بحماس تمام
المصور 1…2 ..3 يلا
وشهد فعلا جريت والاغنيه اشتغلت في الفيد وهي بتقول (( ولما ناادااني حبييي الاولانيي .. سبت كله وجييت وجييت وفي حضنه اترميت وغنيت) ) وكانت شهد فعلا راحت لاحمد وحضنها ولف بيها فشكل الفيد كان تحفه وفضلوا يتصوروا كتير مع بعض ومع العيله ويجوا في العربيه عشان رايحين القاعه وشهد كانت ماسكه فونها وهي قاعده جنب احمد في العربيه وبتعمل تيك توك وهو مش مركز معاها بعدين لقى الكاميرا بتيجي عليه وشهد بتعمل تيك توك على اغنيه (( اديته فرصه يحبني عرفت انه … كان ناوي نتصاحب شويه وننسى بعض .. فهنا احمد بصلها بصدمه وشهد ضحكت وتابعت مع الاغنيه مكنش ناووي خير يوميها يا قلبي ليااا ..ومكنش نااوي خير من الاول معااك فبصلها بذهول وضرب كف في كف وتابع ارحمناا يا رب برحمتك خليني سااكت فضحكت شهد اكتر وتابعت مع الاغنيه بكل اتقاان : ياادوب ده كان بيرضي بس غروره بياا وحبه ليا يا قلبي كان حب امتلااك
احمد بضحك مش حب امتلاك ده حب ” عند امك ” عارفاه
شهد فضلت تضحك بشده وتابعت يااحمد متبوظليش خططي بقى يووه
احمد بضحك بقى يا بنت الكلب اتقدمتلك بطريقه كريتف وخطبتك وكتبت عليكي واتجوزتك وبترفعيلي ضغطي ومستحملك كل ده حب امتلاك !! ده حب عليه سيديهات مش امتلاك يعني اللي يسمع كل اللي انا مستحمله ده يقولي ماسكه عليك سيديهات
شهد فضلت تضحك وتابعت ماهو بصراحه انت مش سالك ماانت زيك زي كل الرجاله حبيتني علشان تتجوزني يعني بتاع مصلحتك
احمد بصلها بزهول وتابع بضحك اه وهو المفروض ان لما احبك احطك في المتحف المصري ولا ايه ؟؟ لا بس هو فعلا المفروض تتحطي معاهم عشان انتي من النوادر ده حقيقي مفيش واحده في الدنيا مخها تعبان كده
شهد بضحك احمد مبهزرش بجد مش انت متجوزني عشان عاوز تخلف ??
احمد بضحك مفروض متجوزك علشان بحبك فا عاوز اخلف منك ده طبيعي انما لو انتي معترضه ممكن ازرعك فتتاكثري عادي
شهد فضلت تضحك ونامت على كتفه وتابعت محترم يحبيبي فعلا نجرب الزراعه دي واهو نبقى مميزين عن كل الدنيا عشان الطرق المعروفه دي مش داخله دماغي
احمد بابتسامه اممم شكل كل اللي عملتوا في حياتي هيطلع عليا اه والله
وشهد فضلت تضحك وشويه ووصلوا للقاعه ونزل احمد وشهد جنبه ودخلوا القاعه والكل لما شافهم سقفوا بفرح وزغرطوا واغنيه ادخلي لعمري اشتغلت وشهد خدت نفسها بعمق واتوترت اوي من منظر الناس حواليهم وان الكل مركز معاها فاحمد بصلها وابتسم بحب وطبطب على ايديها اللي في ايديه ومشيوا لحد ما وصلوا للكوشه بتاعتهم وبدات اول اغنيه سلو وكانت اغنيه ولازم نعيش يلا قرب كمان لعمرو مصطفي
وشهد واحمد وقفوا على الاستيدج وبدات الاغنيه موسيقى شويه بعدين الكلمات (( لمستك نسيت الحياااه .. وانت اللي بحلم اعيش يوم معااه .. والليله هي البداايه وخليك معاايا ده عمري الليله دي ابتدى ..واحمد مسك ايديها الاتنين وبعدها شويه وتابعوا سوا مع الاغنيه : ولازم نعيش يلااا قرب كماااان ومسك ايديها لفهاا وهما بيكملوا : تعالي حبيبي لابعد مكااان ولفهاا لفه كماان بعدين مسك واحده من ايديها والتانيه حطها على وسطهاا وقربها ليه وتابعوا: ننسى اللي ضاع من ايدينا نعيش بس ليناا خلاص اللي جواناا باان وبعدوا شويه عن بعض وهما بيكملوا بفرحه قصااد بعض ولازم نعييش يلااا قرب كمااان وشهد فضلت تلف بفستانها وتابعوا تعالى حبيبي لابعد مكااان فاحمد راح حضنها وشالها لف بيهااا كتييير وهو فارد واحده من ايديه وشهد زيه فارده واحده من ايديها وتابعوا : ننسى اللي ضااع من ايديناا نعيش بس لينااا خلاص اللي جوانااا بااان ونزلها وهو حاضنها ورقصوا سلو عاادي وتابعوا وهما باصين لبعض: سرحت بعيونك لفيين ايوه انت جنبي وهعيشلك سنين ..وحياه قرب عليااا يعمري وعنياا نعيش الحيااه لو يوميين وشالها ولف بيها تاني وهو بيتابع ولااازم نعيش يلا قررب كمان تعالى حبيبي لابعد مكاان ننسى اللي ضااع من ايدينا نعيش بس ليناا خلاص اللي جوانا باان
والعيله كلهااا زغرطوا بفرح والشباب سققت وصفرت بتشجيع والالعاب الناريه كانت حواليهم بشكل حلو اوي والاغاني بدات تشتغل والعيله كلها كانت فرحانه معاهم ويونس كان بيرقص مع شهد وشالها بين ايديه على اغنيه لتامر حسني وتحديدا الجزء اللي بيقول (( لو عشت احلف طول حياتي كلها مش هقدر اوصف بحبك قد ايه وهو بيحركها يمين وشمال وهو شايلها واحمد بيرقص معاهم قدامه فمدها لاحمد وهي بتضحك ومبسوطه فاحمد ضحك وخدها بين ايديه شالها منه ووطي راسه يشكره وهو بيضحك وكملوا الرقصه بعدين شهد لما احمد نزلها شافت يونس واقف بيسقف وجنبه سيف وبيتكلم معاه وعينيه مدمعه وسيف بيطبطب عليه بحب
فراحت حضنته فاتفاجئ انها كانت واخده بالها منه وزعل جدا علشان ضايقها فضحك وتابع انا كويس والله
شهد بدموع لا كداب انت عيطت
يونس بضحك والله علشان مبسوط بيكي ومش مصدق انما انتي كده كده جنبي وهتفضلي حبيبتي وبنتي
شهد بدموع وحب بصتله وتابعت وانت اول حب في حياتي يا يونس وحضنته تاني فحضنها اكتر ومنع دموعه تنزل فشدته وتابعت بدموع وحب : تعالى ارقص سلو معايا بلييز
يونس بحب يخرابي ده من غير بليز اصلا ومسح دموعها ورقصوا مع بعض سلو على اغنيه الفرحه اللي انا حاسس بيها .. لا انا قادر اقولها ولا احكيهاا .. اختي حبيبتي وضي عيوني لعريسها بايدي هوديهاا .. من يوم ماوعينا على الدنيا مفارقناش بعضنا لو ثانيه .. على عيني انك تبعدي عني دمعتي مش قادر اخبيهاا وغمض عينينه ودموعه نزلت وهي زيه بتعيط بحب ومسحت دموعه وتابعت لا علشان خاطر شهد فباس جبينها وابتسم وكمل يرقص معاها سلو .. وشالها ولف بيها لما الاغنيه قالت واوعي تنسيي ان انا حضنك سرك اخووكيي .. سندك ضهررك واوعي تخاافي وهجبلك حقك لو ضااايقك… ونزلها وهو حاضنها وهي بتعيط بفرح والاغنيه تابعت واوعي تنسيي ان انا حضنك سرك اخووكي سندك ضهرك واوعي تخاافي وهجبلك حقك لو ضاايقك وفضل حاضنها وبيطبطب على ضهرها بيهديها
فاحمد ضحك وتابع ليونس بصوت مسموع علشان الاغاني كانت عاليه : مقدرش والله يا غالي
يونس ضحك وحضنه وطبطب عليه وتابع بحب واثق والله تدري ليش لان اختي انا اللي قادره فخلي بالك من نفسك مش منها
شهد فضلت تضحك من بين دموعها وتابعت اخص عليك يا يونس كده طب زعلانه منك
يونس بضحك لالا مقدرش يقلب يونس ده انتي ست البنات
نور جات وتابعت بضحك انت استأذنت مين علشان ترقص معاها كده هاا انا بغير
شهد شهقت وتابعت نعم ياختي بتغيري من ميين يااابت انتي دي ده اخويااا
نور رايحه تتكلم فيونس حط ايديه على بوقها واحمد عمل زيه فتابع يونس بضحك ايوه برافو هاخد انا المصيبه دي وامشي عيشوا بقى
وبعد شويه من الفرح طلع احمد وشهد غيروا لفستان صك شويه بس مش ضيق عليها بردو وغيرت تسريحه شعرها وفردته بشكل مموج وهو لبس جاكت ابيض بدل الاسود وجات عايده وقعدت جنب شهد وتابعت بضحك اوعاا يا واد هوينا شويه
احمد بضحك سايبهالكم خالص وقام فتابعت عايده بحب بصي انا مكان لبنى الله يرحمها دلوقتي وسيبك من احمد خالص انتي بنتي وواجبي في يوم زي ده اطمنها
شهد بحب ربنا ميحرمنيش منك ابدا يا ماما والله
عايده بحب مش عايزاكي تقلقي احمد عاقل وفاهم في الاصول ولو انتي مش مستعده مش هيجبرك وفي حاله استعدادك هتعدي والله وهتقولي ماما قالت وضحكت وتابعت هو احمد مش متربي حبتين عن مازن ااه انا عارفه ودماغه مش سالكه وهيوترك بس انا واثقه من الحب اللي شوفته في عينيه ان مشاعرك هتهمه اكتر فمش هيغصبك على حاجه
شهد بضحك عارفه والله بس هو كلمني فعلا ومش هيجبرني ده حقيقي
عايده بحب طب الحمدلله وربنا يسعدكم يابنتي ويهدي سركم وغمزت وتابعت بضحك والبسي ابيض هاا بلاش الالوان الغريبه اللي طالعه اليومين دول كملي يومك منوره وقمر كده
شهد بطنها وجعتها من التوتر وتابعت عينيا حاضر
عايده بحب تسلم عينيكي اسم الله عليكي يحرسك ربنا بجد طالعه اميره وكله بيتواصف فيكم ربنا يستر عليكم يابنتي والله
شهد بضحك يارب يحبيبتي
وبعد شويه كانت الاغاني شغاله والشباب عاملين دايره مع احمد والبنات نفس النظام وشهد بترقص معاهم ومبسوطه اووي وامنيه شافت سيف مش واقف فقامت وفضلت ترقص مع شهد وهي ماسكه ايديها وجات فرح همست بضحك لشهد: الحقي رغد ماسكه ايد جوزك وعماله تدلع وترقص قصاده
شهد بحده نعمم واتعصبت جداا بصت لقيتها فعلا بتعمل كده فاراحت بكل جنان وغيره وبعدت ايديها عنه قدام الناس وسحبت احمد وفضلت ترقص معاه والبنات مكانوش قادرين من الضحك فتابعت امنيه بضحك كوين والله العظيم واحمد فضل يضحك بشده وحط ايديه على وسطها وقربها منه وتابع بضحك مش عيب كده طيب احرجتيها
شهد بحده يخش تولع احمد بقولك ايه عدي الليله دي على خيير
احمد بضحك يابت دي اختي انتي عبيطه
شهد بحده اختك اه دي لحد دلوقتي حاطه عينيها على مازن هي مالها بجد ولا المعيوبه ولزقالي فكل الرجاله المتجوزه
احمد بضحك شهد احترمي نفسك عيب
شهد بغيره طب ممكن خلاص لان الناس هتاخد بالها
احمد باس خدها وتابع بضحك خلاص يعمري
والبنات كانوا شايفينه فسقفوا وضحكوا وشهد ضحكت واتكسفت ودفنت وشها في حضنه ففضل يضحك عليها
والفرح كان قرب يخلص فقامت شهد تحدف البوكيه ووقفت وكل البنات اللي مش متجوزه وراهاا وعدوا 1..2. 3. 4. 5. 6. 7.. 8 .9..10 بعدين شهد لفت وشاورت لفرح وادتهولها ففرح اتفاجئت ومصدقتش من فرحتها وعيطت وحضنتها على اغنيه عندي صاحبه في الزمن ده صعب تلقي منهاا وحضنتها وتابعت دي اللي واقفه سانده جنبي وعلى السر تأمنها لو زعلت حاسه بياا حتى قبل ماحكي وفي ثواني تيجي ليا تجيب معاهاا ضحكي وغنوا مع بعض صاحبه عمرري وجنبي تمللي صافي القلب ومش بتشيلي اطلبها في ثاانيه بتنزليي وبتعمل اللي يفرحنيي .. عندي صاحبه ماسكه فيا مهما بعدو عني كله يمشي بس هي في قلبي وحته مني لو في وسط ناس بلاقي المكان ناقصها وحضنتها وهي بترقص معاها وتابعت عمره حد في الغلاوه عندي ما ينافسها
فرح شددت من احتضانها وطباعه بدموع فرح انا بحبك اوي اوي اوي بجد يا رب يفرح قلبك يعمري ويسعدك في حياتك الجديده واشوف عيالك
شهد بحب ودموع وانا اكتر والله وعقبالك بقى اما تفرحيني بيكي واخلص منك
فرح بدموع وضحك يارب يعمري
وبعد شويه الكل كان بيرقص تاني وامنيه مسكت ايد شهد ورقصت قصادها باحتراف والبنات حواليها وسيف كان بيتكلم مكالمه ومش شايفها وخلص وراح عند الرجاله وبقى واقف يسقف معاهم وبيبص وراه لمحها فنظرته اتحولت تماما ومشي شويه لقدام وفضل باصص لحد ماشافته باصصلها ومنطقش ولا كلمه فاهي اترعبت واتخضت اما شافته وسابت شهد اللي فضلت تضحك على منظرها ورجعت قعدت مكانها وهي بتاخد نفسها بالعافيه ومتوتره و دقات قلبها بتعلى وهي شايفه سيف جاي ناحيتها فراح وطى راسه شويه عشان هي قاعده وبصتله برعب فتابع بهدوء مخيف : انا لو راجل ناقص كنت هزقتك دلوقتي وربيتك قدام الكل ومحدش هيغلطني ليه بقى ?? علشان قايلك متتحركيش من مكانك وانتي هزقتيني وكسرتي كلمتي بس لينا بيت يلمنا وسابها وراح وقف مع احمد تاني وهي نفخت بضيق ودموعها بصمت
وبعد شويه الفرح خلاص كان بيخلص وجات ميعاد الرقصه الاخيره احمد وشهد وقفوا على الاستيدج يرقصوا سلو وبدات الاغنيه وكل العيله حواليهم وفرحانه بيهم (( كل وعد وعدتهولك هوفيهولك متخاافيش .. كل حلم هيجي وقته وباوانه متقلقيش ومسك ايديها الاتنين وبصلها وتابع مش هقصر يوم معاكي صدقيني وحضنها وتابع اجمدي ده انا بقوى بيكي متضعفييش .. وشالها ولف بيها عند .. انتي نفسك كنتي حلم في يوم حلمته فضلت اعافر في الحياه لغايه ما طولته وانتي زي ما كنتي واقفه في ظهري سانده هتسنديني وهعمل اكتر من اللي عملته ونزلها وهو حاضنها وتابع اوعديني ان انتي تبقي زي ضلي متبعديش .. كل صعب عليا عدا. وانتي جنبي مهزنيش وشهد بصاله ودموعها بتنزل بحب وفرح فتابع احمد مع الاغنيه وهو بيمسح دموعها الوحيده اللي في حياتي تفهميني واللي بيها وليها عمري الجاي هعيش وحضانه ولف بيها تاني وتابع انتي نفسك كنت حلم في يوم حلمته فضلت اعافر في الحياه لغايه ما طولته وانتي زي ما كنتي واقفه في ضهري سانده هتسنديني وهعمل اكتر من اللي عملته وكلهم سقفوا بفرح بعدين نزلها وهو لسه حاضنها والكل فرحان بيهم وجات زينب بتعيط وتابعت لامنيه : امنيه الحقيني في مصيبه عايزه اقولك عليها
وامنيه اتخضت من شكلها جدا وتابعت بخوف مصيبه ايه ؟؟!!!
الفصل الخامس والسبعون من هنا
