رواية غموض الحب عائلة الرفاعى الفصل الخامس و السبعون بقلم لولا
امنيه اتخضت من شكلها جداا وتابعت بخوف مصيبه ايه ؟؟!!
زينب بعياط هقولك برا تعالي الدنيا وش اوي هنا
امنيه بتوتر يخربيتك قلقتيني في ايه تعالي
وراحت معاها يخرجوا برا القاعه فشافهم سيف وهما خارجين وتابع بستغراب رايحين فين دول
عمر كان جنبه وشايل حسام فتابع بستغراب مش عارف
سيف بحده لا ولا كأن في كلاب يتنيلوا يقولولهم غايرين
عمر اهدى بس وتعالى نشوفهم رايحين فين
عند امنيه وزينب
زينب كانت بتعيط فتابعت امنيه بخوف اهدي طيب وفهميني في ايه مالك حصل ايه وفضلت تبطبطب عليها
زينب بعياط انا حامل يا امنيه
امنيه اتصدمت وتابعت بضحك نهارك ازرق حامل ازاي يعني !!
زينب بعياط وبحده يابنتي متعصبنيش هو ايه اللي حامل ازاي ?? حامل زي البني ادمين ما بتحمل قوليلي اهبب ايه في المصيبه دي
امنيه حطت ايديها على جبينها وتابعت بذهول لالا مش عارفه بجد وضحكت وتابعت بس في الحالات دي بيقولوا مبرووك مش بيعيطوا
زينب بعياط وبحده تصدقي انتي بارده واقفه تضحكي وتهزري وانا اللي قولت هتساعديني
امنيه بحزن اهدي طيب انا بهزر معاكي عايزاكي تفكي اصل هتعملي ايه يعني يحبيبي ده نصيب بس انتي مفروض كنتي خدتي بالك اكتر من كده
زينب بعياط باخد بالي ومفروض كنت منتظمه رضاعه طبيعي بعدين من اول ماعمر نزل بطلت وجبت بعدها برشام
امنيه بتفكير طب حصل حاجه قبل كده ومكنتيش لسه انتظمتي على البرشام
زينب بدموع هو انا اه نسيته مرتين بس قولت عادي مش هيحصل حاجه
امنيه تنهدت بعمق وتابعت لا طبعا بيحصل عادي وتقوليلي واخده بالك .. واخده بالك ازاي بقى
زينب بعياط المهم انا مش عارفه اتصرف ازاي في المصيبه دي هو البيه هيمشيها معايا كل اجازه بحمل !! ده انا كده هبقي ولا الارنبه ده هي دي الاجازه الوحيده اللي نزلها وانا مخلفه فيهاا واديني اتنيلت حملت تاني انما قبل كده حضر معايا ولاده حسام واللي قبلها كنت حامل واللي قبلها كنت عروسه وسابني حامل
امنيه فضلت تضحك بشده وتابعت اوضتكم بتلقط اسرع من البلوتوث
زينب ضحكت من بين دموعها وتابعت شوف البت بردو
امنيه ابتسمت وتابعت مبروك يحبيبتي صدقيني اللي كرمك بالنعمه قادر يقويكي
زينب بذهول لالالا مش عايزاه مش هقدر يا امنيه وفضلت تعيط وتابعت انا خسيت وبقيت شويه لحم على عضم الواد مص جسمي ولسه مفوقتش وصوتها اترفع نسبيا وتابعت ده ابني مكملش 4 شهور يا امنيه انتي بتقوولي ايييه
امنيه بتوتر طب انا مال امي !! انا معملتش حاجه بتزعقيلي ليه يعني تهببوا المصيبه وتيجي تزعقي فيا انا ؟!!
زينب بعياط حقك عليا بس بجد عايزة حل انتي دكتوره واكيد معارفك كتير خديني عند واحده اسقط وانا والله العظيم ما هقول اي حاجه بعد ما عمر وسيف يسافروا نروح وكده كده هو هيطول في الشغل فلما يرجع اكون وقفت نزيف
امنيه بصدمه وذهول انتي بتقولي ايه !! انتي اتجننتي يا زينب !! انا مستحيل اوافقك وازاي اصلا عايزه تعملي كده من ورا جوزك !! يالهوي عليكي لالا دي شكلها هرمونات الحمل انا متخيلش ابداا ان انتي تقولي كده
زينب بعياط بالله غصب عني يا امنيه انتي مش فهماني الوضع صعب عليا جدا .. اقسم بالله مش هقدر دي مسئوليه كبيره اوي اوي بجد وانا بطولي ده انا بخاف حسام يتعب يا امنيه بقول هلف بيه مع مين اقوم اجيب عيل غيره
امنيه حضنتها وتابعت بحزن اهدي طيب وقولي يارب انما مينفعش نرفض النعمه وبعدين بذمتك ياشيخه هيهون عليكي ضناكي ؟!! ده انا لما قولت كده كنت بستفز سيف ووقت الجد جبت ورا
زينب بعياط مش هيهون بس حقيقي مش هقدر علي خلفه تاني دلوقتي لااا حقيقي وحطت ايديها على جبينها وتابعت بذهول المشكله حصل بينا حاجه بعد الحمل وطبعا منعرفش فمش واخدين بالنا وعادي مش فاهمه ازاي منزلش
امنيه ابتسمت بحزن وتابعت عادي يحبيبتي مش شرط دي اراده ربنا
عمر وسيف جم واستغربوا وقفتهم وعياط زينب فتابع عمر بخوف ايه ده مالك في ايه ???
امنيه خافت ان زينب تنفذ كلامها وتسقط من وراها فقالت تعرف عمر فتابعت مليون مبروك يا ابو حسام زوزا حامل
زينب بصتلها بتفاجئ فتابع عمر بصدمه ممزوجه بفرح بتهزري !!!
سيف فضل يضحك وتابع يخربيت اهلك هتجبيهم ورا بعض اهو بجد مليووون مبروووك يا قلب اخووكي وحضنها فهي عيطت بصمت وغمضت عينيها وطبطبت على ضهر سيف
عمر بضحك تعالى بس امسك حسام علشان احضن انا
سيف فضل يضحك وتابع وماله عد الجمايل بس وشال حسام منه
عمر ضحك بفرح وراح حضنها جامد وهو مبسوط جداا ووطي سند راسه على كتفها وهو حاضنها ودموعه نزلت وتابع بجد مش قادر اصدق اللهم لك الحمد على كرمك حقيقي احمدك واشكر فضلك يا رب وبصلها وتابع بفرح باين في عينيه ودموعه بتنزل : زينب انتي متاكده يحبيبتي ??
زينب بضيق اه حللت دم الصبح مع اسماء في المعمل اللي تحت الفندق بتاع احمد وشهد واستنيت الدكتوره اتصلت بيا وقالتلي دلوقتي والحمل لسه في اوله جداا الحمدلله
عمر استغرب طريقتها وتابع هتفرق ايه اوله من اخره مش فاهم
زينب بتنهيده ودموع تفرق كتير .. انا جوايا شويه دم مش عايزاهم فهنزلهم قبل مايبقى في روح اتحاسب عليها
سيف وعمر اتصدموا جداا فمسك عمر دراعها وتابع بعصبيه تنزلي مين ?? انتي اتجننتي ده انا اطلع عين اهلك لو فكرتي تعملي حاجه زي كده ماالك يا زينب ماتتعدلي علي المسااا في ايييه جراا لمخك حااجه ???
زينب بعصبيه ودموع ياسيدي انا اللي بيطلع عيني وانا مش عايزااه هو ايه بلعاافيه ???
عمر بعصبيه لا بمزاااجك مش بلعاافيه حصل حاجه بينا وربناا اارااد فخلاص خلصت انما شغل العبط اللي بتهري فيه ده لو اطبقت السماا على الارض مش هيحصل واللي في بطنك ميخصكيش لووحدك علشان تاخدي قرارك فيه
زينب بعياط وعصبيه يا عمررر ابوس ايديك افهمني ابنك مكملش اربع شهوور اه اللي حصل بينا بارادتي طبعاا بس معرفش هيحصل حمل
عمر بعصبيه وربنا ارااد ايه هنفكر ولا اييه وبعدين ايه اسلوبك الخراا ده وعيااطك ولا اللي مش بتحبيني وواخدك غصب مالك في ايه للدرجه دي مش طايقه عيل مني يا زينب !!!
زينب بعصبيه وعياط ياعمر متخلطش الامور انت عارف انا بحبك قد ايه بس اه مش عايزة عيال تاني دلوقتي ولو سمحت كده انا هجهض وطول مانا مش لاقيه وسيله كويسه تمنع الحمل وواثقه فيها ملكش دعوه بياا خاالص تنزل اجازه متنزلش ميخصنيش
عمر بص لسيف وتابع بعصبيه ساامع ?? سامع اختك بتقول ايه ?? علشان لما اديها قلمين يعدلوها متجيش تداافع تااني
سيف بحده بنت كلب ولا اكنك سمعت حاجه حقك عليااا انا
زينب بصت لسيف بضيق فتابع بعصبيه متخليش الواحد يتغابى عليكي بقى ايه هتحرمي الراجل من حقه كمااان مش كفايه استحمل اسلوبك الزفت وعياطك ده كمان تقوليله مش عايزة عيال منك ومش هتلمسني طول ما مش عارف ايه !! انتي مخك ضرب ولا ايه علشان افهم بس ??
امنيه بحزن يحبيبي هي مش قصدها والله هي تقصد ان مش عايزة اطفال دلوقتي علشان ابنها صغير بس خانها التعبير
سيف بحده تنقي الفاظها يا امنيه هي مش صغيره اعلمها تقول ايه وايه لا ومش كل شويه تغلط في الراجل
عمر بحده انا اللي استاهل بعيداا عن اي حاجه بقى انا اللي دلعت بزياده ده حقيقي
زينب اتنفست بعصبيه وتابعت طب ربوني من اول وجديد بعدين انا هنزله يعني هنزله علشان مترجعش تتفاجئ بس
عمر بعصبيه دي بردو بتقولي هنزله !! تنزلي مين ?? تنزلي مين يابنت الكلب يا مهزقه هو غصب عني يعني ولا ايه ورايح يمسكها سيف وقف حاجز في النص وحسام فضل يعيط معاه فامنيه جات خدته من سيف وفضلت تطبطب عليه بتحاول تهديه فتابع سيف بسرعه: بس بس عشان خاطري يعمر بس خلاص عشان خاطري وبيحاول يحجز بينهم
وزينب بتعيط فتابع عمر بعصبيه اصل عايزه تنزل مين بنت الكلب الحيوانه واللي يشوفها بمنظرها ده هيقول عليها ولا اللي حامل في الحرام
سيف بحده سيبك منها مش هتقدر تنزله حقك عليا انا دي عايزه تتربى
زينب بعياط بالله عليكم انتوا مش حاسين بيا اصلا مانا اللي طالع عين اهلي واديني ملحقتش افوق وحملت تاني وهضطر افطم حسام بدري علشان اللي في بطني وكده ابقى ظلمت ابني وظلمت نفسي بصحتي دي وظلمت اللي جاي لان مش قادره اربي اتنين وحضرتك عايش عادي ولا همك
عمري اتوجع جدا من كلامها وتابع لا في دي عندك حق شوفي لو هيريحك انك تنزليه نزليه دول حبه دم صح مالهمش لازمه
سيف غمض عينيه بوجع لانه فهم احساس عمر وتابع عمر بص يحبيبي متاخدش على زينب هي ..
عمر بمقاطعه لا لا هي مش مجنونه علشان ماخدش عليها هي بتتكلم جد وواقعيه فخلاص اصل هقول ايه
زينب بعياط وبحده : اه طلعني انا الام الشريره دلوقتي اللي عايزه تموت ابنها وانت الاب الحنين اللي مفيش منك
عمر بعصبيه هو انتي يااللي ينعل اهلك في الارض مش قولتي عايزه تتنيلي تنزليه قولت نزليه خلاص بتهري كتييير لييه
زينب رايحه تتكلم فحسام عيط بشده مع امنيه علشان عايزها وامنيه بتحاول تسكته معرفتش فتابعت بتوتر زينب معلش الواد عايزك شكله جعان
زينب بحده وعياط اهو لسه ما بدأناش وطبطبت على صدر عمر وتابعت بعياط وعصبيه اتفضل شيل عني شويه ورضعه بقى
ومشيت تدخل القاعه
عمر بذهول ارضعه !!
فسيف فضل يضحك بشده وزيه امنيه وتابع حقك ومكملش وفضل يضحك وتابع حقك عليااا والله مخها تعبان مش لسه قايلك متاخدش عليهااا
عمر بحده انت فايق تهزر يا سيف على المسا
سيف فضل يضحك وتابع اصل هقول ايه مش عارف اتجننت قسما بالله وابتسم وتابع بس حقيقي كبر دماغك ومتاخدش عليها اديك لما قولتلها نزليه اتلككت بعياط الواد وقالتلك رضعه بقى اللي هو شيل عني شويه عشان هبقى معايا اتنين فهي متقدرش تنزله ولا يهون عليها يا عمر وانت عارفها كويس
عمر بتنهيده حزينه والله تنزله ولا متنزلوش حقيقي انا مش قادر اتخانق وفيا اللي مكفيني براحتها بقى هو كده كده لسه في الاول وراح خد حسام اللي بيعيط من امنيه وفضل يطبطب عليه وتابع بس يحبيب بابا بس ينورعيني اهدي وباس خده وفضل يحاول يسكته
سيف بتنهيده حزينه وهي مش هتنزله ولا حاجه مبروك يحبيبي ومتزعلش نفسك هو شيطان ودخل بينكم وانت عارف زينب بتحبك قد ايه بس هي من حسام مبقيتش قادره وخست وتعبت اوي واحنا بردو مش بنبقى معاهم اغلبيه الوقت فا زي ماتقول شالت هم بيبي تاني انما هي بتموت فيك واكيد عايزه تخلف منك دي مفيهاش نقاش بس حقيقي الله يكون في عونها الوقت من غيرنا عليهم بيبقى صعب فاهي صح بس اسلوبها وكلامها غلط بس والله غصب عنها
عمر كان سكت حسام وحاطط ايديه على ضهره وتابع بوجع منا علشان كده بقولك تعمل اللي يريحها انا مش هاجي عليها في اي حاجه تاني يا سيف خلاص انا حقيقي معتش قادر كل خناقه بينا توريني تقصيري في حقها هي وابني
سيف حضنه وطبطب على ضهره وبصله بوجع وتابع فاهمك وانا اكتر حد فاهمك بس مينفعش تضعف كده اعتبرها هرمونات .. عصبيه زياده اي حاجه بس بجد متحطش في بالك كلامها ابوس ايدك
عمر بوجع اصل دي مش اول مره يتقالي كده احنا كل خناقه على الوضع ده
سيف ابتسم بوجع وتابع والله دي بتهري وخلاص جرب قولها نطلق كده والله تموت فيها
عمر ابتسم بوجع وتابع هي ندمتني فعلا اني اتجوزتها وبص لحسام اللي رفعله وشه ومفتح عينيه وبياكل في صباعه فشال ايديه وتابع بحب حاضر يعيوني هروح اكلك دلوقتي وبص لسيف وتنهد بعمق وتابع عارف يا سيف انا طول عمري بفهم زينب حتى من غير ماتتكلم وهي كده بس عمرها ماقدرت تفهمني في النقطه دي بالذات انا فعلا عايش عادي ولا هاممني صح
سيف بتنهيده حزينه والله متخلفه في كلامها حقك عليا راسي وعيني انت عارفها من زمان مش هقولك عليها دلوقتي بتفلت منها ساعات بس والله هبله وطيبه
عمر تنهد بوجع وتابع هتعرف ايه هي عن وجعي وانا سايبها هي وحته مني لوحدهم وماشي ومش عارف هيحصلي ايه ولاهرجع امتى حست بايه هي لما ابني عيط في حضني ومرضيش يسكت معايا لما شيلته وعايز امه علشان مستغربني ?? ساعتها حسيت بقهر عمري ماحسيته في حياتي اصل ده مش علشان طفل ووضع مؤقت وهيخلص وخلاص لاا ده انا من التجربه دي ادركت اني هفوت كتيير جداا من مراحل ابني هيعيشها مش هكون معاه فيهاا ففكره انها تحمل للمره التانيه ودماغي تشتغل في يتارا هكون جنبها ولالا ويتارا هغيب عليه اكتر من حسام ولا هبقي جنبه شويه وازاي هسيب مراتي واختي وعيالي ملهمش غيري وامشي وببقي قاعد في سينا بالي معاهم وهمي هيزيد بدل 3 يبقوا 4 بس انا مفكرتش فكل ده انا كل اللي فكرت فيه ان يااه حبيبت عمري شايله حته مني للمره التانيه بلسرعه دي ففرحت وخدتها في حضني وهي كسرتني بطريقه متخيلتهاش بس مؤخرا زينب طفت لمعه الحياه في عيني وبقيت اتوقع منها اي حاجه
امنيه بدموع وهي بردو غصب عنها يا عمر حقك عليا والله بس بجد فعلا صعبه عليها ربنا يعينها
عمر تنهد بوجع وتابع ربنا يعين الكل وانا مش رايح العب ده انا بخاطر بحياتي وبأمن حياتهم ومعيشها احلى عيشه فمش ده جزاتي يعني يا امنيه وبص لحسام وتابع بحب واضح: يقطعني يابويا كل ده سايبك جعان هروح اجبلك حالاا
سيف تنهد بعمق وتابع رايح فين متفضلش تلف هناا انا هخلي بنت الكلاب اللي جوه دي تدخل الحمام ترضعه
عمر بتنهيده لا سيبك منها دي قلبتها نكد وعياط مترضعوش بالشكل ده
امنيه انا معاك بس مش هينفع تاكله لبن صناعي يا عمر
عمر بتنهيده لا لا مش صناعي انا كنت قايل لاسماء تعمله كراويه في ببرونه وناخدها معانا احتياطي ونسينا الببرونه في العربيه فارايح اكله هناك
امنيه بابتسامه ااه تمام روح
عمر بابتسامه يلا هطلع انا وباس خد حسام ومشي بيه لبرا
فتنهدت امنيه بحزن وتابعت بجد الاتنين صعبانين عليا مش عارفه الوم مين
سيف بصلها بطرف عينيه ومردش عليها وتابع بجمود: يلا ورايا ودخل
امنيه نفخت بضيق وتابعت نكدي انت واختك ده انا وعمر لينا الجنه والله ورايحه تدخل فاقابلت واحد من صحاب احمد اسمه سامر فتابع بابتسامه ممكن سؤال من فضلك
امنيه استغربت بس كان عندها فضول تعرف عاوز ايه فتابعت: اتفضل
سامر بابتسامه هو الانسه مخطوبه ?
امنيه اتفاجئت جدا من سؤاله واتفاجئت اكتر لما لقيت سيف جيه ضربوا بالبوكس بقوه وقعه على الارض وتابع بعصبيه لا يا روح امك الانسه حامل
امنيه بخوف سيف ايه اللي انت عملته ده يانهاار اسود
سيف بعصبيه هششش مسمعش حس اهلك خاالص غوري جووه يلاا
امنيه بدموع يا سيف والله …
سيف بعصبيه انتي سمعتي انا قولت ايييه ?
فامنيه عيطت ودخلت وسامر حط ايديه على بوقه بوجع لقى في دم واتصدم من انها مراته وتابع بتوتر ووجع : انا .. انا اسف يا فندم اقسم بالله ما اعرف انها متجوزه حقك علياا
سيف بعصبيه اسف دي تصرفها عند امك انما متنفعنيش وقومه ومسكه من جاكته وضربه براسه فصرخ بوجع ورايح يكمل عليه فخرج يونس جري وتابع بخوف بس يخربيت اهلك بتعمل ايه اتجننت هتموته كدده
سيف بعصبيه اوعاا انت يا يونس علشان قسما بالله هشرب من دم اهله انهارده الوسخ واقف يعاكس مراتي ويبص عليهاا الحيووان
يونس وهو بيبعده عنه اكتر تابع حقك علياا اناا خلااص يا سيف هيموت في ايدك وربنا ..وبعدين اكيد ميعرفش امنيه خلااص سامر محترم وابن نااس
سيف بعصبيه ابن اوساخ مش ابن نااس طلماا بيحط عينيه على ست يبقي متربااش اصلاا
سامر بخوف والله العظيم ما كنت اعرف انها متجوزه انا فاكرها سنجل فكنت عايزه اخطبها يعني نيتي مش شمال والله العظيم
سيف اتعصب اكتر وتابع بعصبيه شديده: يا يووونس سبني يا يوونس ده بيقولك اخطبها ابن الكلاااب ده عاييز يشلني ويجلطنيي
يونس بص لسامر بعصبيه وتابع بحده امشي غور من قدامه علشان قسما بالله انت مستفز ولو سبته هيطلعك في صندوق
فساامر مشي بسرعه لبرا وسيف بيحاول يفلت بس يونس ماسكه جامد وتابع بعصبيه بس بقي اكبرلي يا عم مش كده
سيف بعصبيه اكبرلك ااه طب اديني كبرتلك وانت مشيته ومسبتنيش اكمل عليه متدخلش تاني بقي في اي حاجه
يونس برفعه حاجب انت تقصد ايه يالاا ??
سيف بعصبيه قصدي انت فاهمه كويس عشان بنت الجزم اللي جوه هي اللي قالتلك تطلع انت مشمتش على ضهر ايدك يعني
يونس بعصبيه يا بني ادم افهم انا طالع اعمل مكالمه فشوفتك
سيف بحده احلف بغلاوه نور واللي في بطنها كده ??
يونس غمض عينيه وتنهد بعمق وبصله وتابع سيف اعقل واكبرلي احنا رجاله مع بعض اهو متدخلش امنيه دي مراتك وكانت خايفه عليك فجات قالتلي احوش الواد من تحت ايديك اتصرفت صح ومعملتش حاجه ومتندمنيش اني صارحتك
سيف بعصبيه صارحتني مين انت جاي تستعبط علياا زيهاا بس انا عارفكم وحافظكم انتوا الاتنين عايزين تحوروا على ظابط جيش ليه عبيط اناا ولا عبيط وصبرها معاياا اللي عملالي فيها انچلينا چولي دي وكل ماتتحرك في حته يجيلها عريس
يونس فضل يضحك بشده وتابع احبسها وريح دماغك بجد علشان حواراتها كترت
سيف بحده هيحصل باذن الله ورايح يخرج لبرا فيونس مسك دراعه وتابع انا مش هنبهك تاني
سيف طبطب على ايديه وتابع مشكلتنا برا عنك خالص والله العظيم انا اصلا متخانق معاها
يونس بابتسامه طب هدي اللعب انت كام ساعه ومسافر متزعلهاش وغمز وتابع بضحك واستغل الوقت بمعني اصح
سيف بضحك سدت نفسي قسما بالله الهي يسد نفسهاا
يونس يضحك هتتفح لما تبقوا لوحدكم عادي بس انت متنكدش بس ورايح برا فين
سيف بتنهيده هكلم زينب تطلعلي عايزها في كلمتين وبيني وبينك مش قادر اكمل الفرح
يونس بستغراب ايه ده ليه كده في ايه
سيف تنهد بوجع وبص للسما بعدين بص ليونس وتابع واقفه مازن جنب احمد جات على حته واجعاني شويه
يونس غمض عينيه بوجع وتابع مش عارف مفروض اقولك ايه بس كل اللي هقولهولك انا فاهمك
سيف ابتسم بوجع وتابع اللي قاهرني اني حتي لو كنت شوفته عريس كنت هشوفه جنب حبيبتي ودموعه اتجمعت في عينيه وتابع كأن الدنيا حالفه توجعني يا بفراقه يا بكسره قلبي
يونس بوجع والله يا سيف كله قهر بس ربك اختار اللي عارفك هتقدر تستحمله واختار حسام يكمل شبابه في الجنه وعروسته من حور العين
سيف بوجع لا مش كله قهر القهر صح اللي انا عايش فيه اللي كل شويه يفكرني ان اخويا مات ودموعه نزلت وتابع القهر اني اروح اكلمه وميردش علياا زي العاده .. القهر اني احضنه وملاقيش استجابه .. القهر اني بتمني افتح قبره واخرجه دقيقه ولا ثانيه ومش عارف وولا عمره هينفع .. القهر ان واحد يجي معاك الدنيا ويشاركك كل حاجه ويمشي ويسيبك لوحدك ودموعه زادت وتابع يونس انا مكنتش باكل باكو البسكويت لوحدي كنت بقسمه معااه ..ده لما بيوحشني بفضل اقف قدام المرايا واخترع حوار واكلمه وارد على نفسي ولما اعوز احضنه بغمض واحضن نفسي وانا بحاول اقتنع انه معايا دلوقتي .. موت حسام مش هيعدي بنسبالي انا وامه واخته وابوه ورغم اني عايش وموجود جنبهم بس زينب عيطت في حضن عمر لما شافتك بترقص مع شهد .. احنا روحنا راحت ويااه وانا بلذات الحياه اطفت في عيني وحرمتني من حاجه وادتني التانيه بس كده كده كنت لازم اتقهر بس جوازه من امنيه بنسبالي اهون بكتير بس كان يعيش ويكلمني ويتصل بيا يقولي واحشتني فينك هترجع امتي عايزين نروح اسكندريه صد رد كنت اشوفه عريس جنبها ولا اشوفه في كفنه لان امنيه تتعوض اخوياا لا يا يونس مستحيل انا لحد دلوقتي مش مستوعب ولا هستوعب انه خلاص مات
يونس حضنه جامد وغمض عينيه ودموعه نزلت وفضل يطبطب عليه وسيف دموعه بتنزل بقهر وصمت في حضنه فتابع يونس بوجع حقك على عيني انا اسف لقهرك ودموعك ونبره صوتك دي بجد .. ربناا يرحمه يحبيبي ويصبرك على قد غلاوته يارب
سيف بقهر ودموع: يااارب وبص للسما وتابع يااارب
وامنيه طلعت تاني علشان تطمن فاتخضت لما لقيت سيف دموعه بتنزل لانها عارفه ده مش بسهوله يحصل فجريت عليه وتابعت بخوف ايه ده يحبيبي مالك في ايه
سيف بصلها ببعض من الحده وتابع بجمود مفيش حاجه واتفضلي خشي جوه علشان زينب طلعالي عايزها في كلمتين
يونس بوجع خليكي جنبه وانا هقول لزينب خمس دقايق وتطلع ودخل علشان يسيبهم لوحدهم
فتابعت امنيه بدموع وغلاوتي عندك تعالى وسيبك من اي خلاف وفتحت ايديها وتابعت بدموع ياسيدي نتخانق وكسر دماغي بعدين دلوقتي تعالى في حضني وقولي مالك
سيف مترددش وحضنها جامد ودموعه فضلت تنزل في حضنها فامنيه اتخضت جدا وتابعت حبيبي علشان خاطري قولي مالك في ايه
سيف همس بوجع امنيه من فضلك سبيني كده بس انا مش قادر اتكلم
امنيه بحزن حاضر يا سيف وفضلت تمشي ايديها على شعره من ورا وهي حضناه وتنهدت بعمق وتابعت حقك على عيني من كل اللي مزعلك والله
سيف خرج من حضنها ومسح دموعه وتابع متقلقيش عليا انا كويس هدخل بس انادي زينب علشان عايزها
وامنيه رايحه تتكلم بس سيف ما سابلهاش فرصه ودخل القاعه يدور بعينيه على زينب وشاف امه فتابع زينب فين ياما
نرمين بابتسامه في الحمام وجايه يحبيبي
فتنهد سيف بعمق وقعد يستناها على الترابيزه المتجمع عليها اهله وامنيه جات قعدت جنبه وهي زعلانه جدا بسبب دموعه واحمرار عينيه وبعد شويه صغيرين الكل كانوا بيلفوا حوالين احمد وشهد علشان خلاص الفرح بيخلص ودي اخر رقصه سيف قاعد بيتكلم مع جده فامنيه بصت لسيف برجاء ان يسيبها فمسك ايديها وهو قاعد وتابع بحده انا مش عايز هري كتير وجايب اخري وفيا اللي مكفيني فشدي بلاستر ومتتحركيش وعلى فكره انا هاخد زينب وهقوم وعايزك يا امنيه تتحركي شوفي هعمل فيكي ايه
امنيه بضيق مش هتنيل ريح نفسك
سيف بحده ما انا هريح هريح على الاخر بس صبرك عليا لما نروح وكان ماسك ايديها وباصص لمنصور وعمال يتكلم تاني وهي بصتله بضيق ونفخت الناحيه التانيه
—
وبعد شويه سيف كان اتكلم مع زينب وفهمها انها غلطانه في حق عمر وفهمها انه كمان حاسس بيها وبالضغوطات اللي عليها انها لازم تدعمه وتقف جنبه مش تكون سبب لوجعه وانه يشيل الهم اكتر
والفرح خلاص خلص واحمد وشهد واقفين بيسلموا بس على الناس علشان يركبوا عربيتهم ويمشوا
عند عمر في عربيته كان راكنها بعيد شويه وقاعد ماسك الببرونه وبياكل حسام اللي صحي بيعيط لتاني مره وتابع بابتسامه يخواتي يناس كل ده جوع يعني قولت هتنام للصبح تقوم تصحى تاكل تاني هي بنت الكلب دي مكانتش بتاكلك اليوم كله ولا ايه
حسام كان باصصله وساكت وحاطط ايديه على الببرونه وعمر ماسكها فعمر ابتسم وتابع ربنا يحميك ويحفظك ويديمك ليا يقلب ونورعين بابا وباس جبينه وايديه وتابع بحب سكر ياناس انا مخلف سكرر وتنهد بوجع وتابع هتوحشني وتنهد بوجع وتابع انت وماما وعمتو هتوحشوني .. صدقني يحسام بعدي عنكم غصب عني ومش بايدي ياريتني افضل جنبكم العمر كله بس انا اختارت طريق ومضطر اكمله حقك علياا يحبيبي والله حقك علياا وضمه لحضنه ودموعه نزلت بحزن
وشاف زينب بتخبط على الازاز وبصاله بحزن فداس على الزرار وتابع بجمود افتحي ومسح دموعه
زينب فتحت الباب وقعدت جنبه وتابعت بحزن ايه مجتش تاني ليه وبتعيط ليه يحبيبي
عمر بتنهيده من غير مايبصلها: لا هاجي اعمل ايه خلاص ما الفرح قرب يخلص كنت قاعد باكل الواد ومبعيطش
زينب بستغراب ماكنت تاكله جوه مفيهاش حاجه وبعدين انا شايفاك وانت بتمسح دموعك
عمر بضيق ياستي انتي هتعرفي اكتر مني !! انا قولت متنيلتش ومش عايز اشوف حد فمدخلتش تاني خلصنا بقى
زينب بدموع عمر انا اسفه
عمر بحده انتي مغلطيش علشان تعتذري وكلامك ليا ده فوقني وخلاني افكر في حاجات كتير واولهم علاقتنا اللي مؤخرا مبقيتش نافعه تاني خلاص
زينب اتوجعت من كلامه وبصتله بذهول وتابعت يعني ايه يعمر مش فاهمه
عمر بعصبيه لا انتي فاهمه كويس انا مبقتش قاادر على اسلوبك ده خلااص وكل شويه تفكريني بعجزي وقله حيلتي بعدم وجودي معاكم كاني رايح اصيف لحد ماجبت اخري منك وبقيتي وسيله للضغط عليا اكتر مش لراحتي فبجد وصلتيني لمرحله صعبه خلااص كفيااكي بقى وبما انك انتي كمان مش قاادره فهنطلق يا زينب والشقه خديها مش عايزها وفلوس الواد هتجيلك ومش هعوزه حاجه واللي في بطنك بقي انتي حره تنزليه ولا متنزليهوش انتي واللي يرضي ضميرك ونفسك كده كده انتي اللي بتربي وانا عايش عادي ولا هاممني
زينب اتصدمت جدا من كلامه واتوجعت اوي ومكانتش مصدقه ازاي عمر قال كده فدموعها نزلت بقهر وتايعت بصدمه ممزوجه بوجع عمر انت بتقول ايه ?? انت بتهزر صح ?
عمر بحده لا مبهزرش هي جابت اخرها خلاص
زينب بعصبيه ودموع: وانت مين قالك انا عايزه اطلق
عمر بعصبيه : مش لازم تقوليها بصراحه بس اسلوبك قال طبيعتك قالت احنا حياتنا مبقتش تنفع مع بعض يا زينب خلاااص حلاوه البدايات خلصت والمر اللي عايشين فيه بدا يظهر وانتي مستحملتيش وحقك انا مش هلومك فتبقي حره وتشوفي حياتك بقى مع اللي يشيل الهم مش اللي يسيبك لوحدك
زينب بعياط هستيري عمر انت بتقول ايه !! هو انت عادي بالنسبالك تطلقني بالسهوله دي !!
عمري اتوجع جدا من منظر عياطها بس مسك نفسه علشان لازم تغير من اسلوبها وتبطل توجعه بطريقتها فتابع بوجع بصوت واضح بالعافيه : مش بسهوله طبعا بس انا عايز راحتك
زينب بعياط ووجع وانت فكرك ان راحتي هتكون من غيرك ولا مع غيرك !! فكرك اني هعرف اعيش يوم واحد وانت مش جوزي ?? وعيطت اكتر وتابعت انا عمري ما حطيت في دماغي فكره الطلاق دي عشان انا ارتباطي بيك حاجه اقوى من كونها قسيمه جواز
عمر تنهد بعمق وبص للشاع من الناحيه التانيه في الشباك اللي جنبه وتابع شوفي اللي يريحك يا بنت الناس وانا هعمله
زينب مسكت دقنه ولفت وشه ليها وتابعت بعياط عمر هو انا بجد ههون عليك تطلقني !! عادي تسيب زينب كده !!
عمر بوجع عمرك ما تهوني عليا بس انت اللي وصلتينا لكده
زينب بقهر وعياط ازااي قدرت تقولها !!! ازاي قدرت تنطقها اننا ننفصل !! يعني بذمتك لو اتطلقنا وانا بقيت حره خلاص وكنت قليله اصل وعملت زي ما انت قولت وعشت حياتي هتقدر تستحمل راجل غيرك يلمسني ؟
عمر مسك دراعها جامد وتابع بعصبيه زييينب لسانك مينطقش الجمله دي تاني علشان ماقطعهولكيش انتي فااهمه
زينب حضنته وفضلت تعيط فعمر غمض عينيه بحزن فتابعت زينب بعياط هستيري : انا اسفه ياعمر والله اسفه مقصدش كل اللي انت حسيته يحبيبي بس كل اللي جيه في بالي ازاي هستحمل كل ده تاني انا حقيقي بتعب اوي فغصب عني وابنك صغير انما انت نورعيني واكيد هحب اخلف منك
عمر تنهد بوجع وطبطب على ضهرها وتابع نزليه يابابا وربنا يعوض علينا خلاص اصل حقيقي انتي اللي هتشيلي المر لوحدك
زينب بصتله بوجع وتابعت بعياط وغلاوتي عندك متبصش بالنظره دي بتموتني انا حقيقي معرفش قولتلك كده ازاي بس انا مهما اتضغطت في غيابك مقدرش اطلق منك ولا اسمي ميبقاش مربوط باسمك ده انت حبيب عمري اللي عشت اتمناه من ربنا ليل نهار وانا اللي وافقت ورضيت بالحياه دي وهفضل قد وعدي معاك وانت والله على قد ما تقدر ما بتاثرش انا اللي متخلفه في كلامي حقيقي
عمر خدها في حضنه وباس راسها وهي فضلت تعيط وتابعت حقك عليا بجد
عمر باس خدها وتابع خلاص اهدي متعيطيش حقك على عيني اني عيطك
زينب بعياط ده انت اللي حقك على عيني والله
عمر ابتسم وحط ايديه على خدها وتابع بحب لا يحبيبي انتي مغلطيش في حاجه وحقيقي كتر الف خيرك وعايزة تنزليه ننزله بس نسال شيخ الاول في الموضوع ده نقوله انه لسه في البدايه ونشوف هيقول ايه
زينب بدموع لالا انا خلاص راضيه ومش هنزله الحمدلله نعمه غيري مش لاقيها وربنا زي ماكرمني بيه هيقويني
عمر تنهد وابتسم وتابع والله يازينب انتي هتجننيني ارضيكي ازاي مش عارف
زينب بابتسامه وعينيها فيها دموع تابعت يعني بذمتك موري يسبلي حاجه غاليه زي دي وانا بدل ما احافظ عليها اموتها بايدي ?
عمر ضحك وتابع موري بردو ? ده لو موري فعلا مينفعش يسبلك خالص ميعرفش يعملها
زينب فضلت تضحك بشده فتابع عمر بضحك اضحكي اضحكي حقك ماهو انا بقيت برضع اهو وقاعد بالواد وبعدين يتقالي موري فافعلا الوضع يضحك حامل ازاي انتي بقى معرفش
زينب فضلت تضحك وتابعت لالا اخص عليك متقولش كده انا جوزي راجل وسيد الرجال وابتسمت بحزن وتابعت وحقك على عيني بجد كنت مخنوقه فدخلت وسيبتلك حسام
عمر باس جبينها وهو حاطط ايديه على خدها وتابع بحب خلاص يعمري حصل خير ولا يهمك واحد ما ياما تعبتي معاه
زينب بوجع بس كان هيهون عليك تطلقني بجد يا عمر حتى لو الامور بينا بقيت صعبه ??
عمر ابتسم بحزن وتابع كنت بعرفك اني جبت اخري من اسلوبك بصراحه انما مقدرش اطلقك .. بالله هو انا ليا غيرك ده انا بعتبرك كل اهلي حتى امي ده انا لو سبتك اتيتم يا زينب
زينب صِعب عليها اوي فعيطت وخدته في حضنها وتابعت بعياط انا اسفه والله حقك عليا بجد
عمر نيم حسام على رجله ورفع ايديه الاتنين وحضنها بكل قوته وتابع بحب بالله ما زعلان منك خلاص انتي بردو كتر الف خيرك بصراحه
زينب بصتله بحب والدموع في عينيها وسندت جبينها على جبينه وتابعت بهمس عمر
عمر بص في عينيها بحب وتابع عيون عمر
زينب بحب وهمس انت واحشتني اوي
عمر بضحك نعم وده من امتى ده انتي عيانه ولا ايه واشمعنا الحمل ده مش جاي معاكي بقرف
زينب بضحك مش عارفه بس يمكن علشان في الاول وغمضت عينيها وحضنته ولفت وشها باست رقبته فغمض عمر بتأثر وتابع لالا زينب اظبطي مش هنااا
زينب بصتله بحب وتابعت طب مانمشي
عمر بهيام وماله نمشي بس استني خلاص كلهم خارجين انتي مش سامعه الاصوات
زينب بحب ودموع هتواحشني اوي
عمر سند جبينه على جبينها وحط ايديه على خدها وتابع بوجع بالله عليكي متعصبيهاش عليا عدي الكام ساعه دول حلوين
زينب ابتسمت بحزن فمسح دموعها وتابع حقك على عيني والله
زينب ابتسمت بحزن وتابعت مش عايزاك تزعل مني هاا وقربت باسته بحب وعمر غمض وحط ايديه على ضهرها بيقربها منه اكتر وهمس مابين شفايفها مقدرش ازعل منك ده انتي نورعيني فابتسمت زينب وهو قربها اكتر وباسها بحب وسمعوا صوت حد بيخبط على الازاز فاتخضوا وبعدوا عن بعض فتابع احد الظباط بحده انزلي يحيلتها انت وهي انزلي
زينب اتصدمت ولطمت بايد واحده وتابعت بتوتر وحرج: يانهار اسود
عمر بعصبيه يانهار اسود ايه انتي التانيه هو انا شاقطك ده انا هنزل اطلع عين اهله خدي الواد
زينب شالت حسام من على رجل عمر وعمر نزل بعصبيه شديده ومسك في قميص الظابط وتابع انت بتقول ايه بقى يا روح امك
الظابط بعصبيه يا روح امي !!! ده انت هيطلع عين اهلك النهارده قسما بالله ما هتشوف النور تاني انت والكتكوته اللي معاك
عمر بعصبيه ده عند امك الكلام ده يا ررروح امك انت عبيط يالا ولا ايه دي مراتي يا زباله
الظابط بعصبيه تصدق انك عيل متربتش وانا هربيك خده يعسكري على البوكس
عمر بعصبيه ياخد مين يا حيوان انت اتهطلت في مخك على المسا ولا ايه
زينب سمعت كده خافت جدا ونزلت وتابعت بدموع ينهار اسود يا عمر ياخدوك ايه قولهم اني مراتك
عمر بعصبيه شديده : انتي ايه طلعك من العربيه غوري اتنيلي فيها متطلعيش
الظابط زق عمر بعصبيه في كتفه وتابع يلا اخلص على القسم ونبقى نشوف مراتك ولا مش مراتك هناك
عمر مسكه من قميصه وخبطه في العمود اللي وراه وتابع بعصبيه ايدك دي لو اتمدت تاني قسما بالله وغلاوه مراتي وابني هقطعهالك وهروح انا معاك بس متزعلش هناك بقى وبص لزينب وتابع بعصبيه وانتي قولت ادخلي المخرووبه فزينب عيطت وخافت جدا ودخلت العربيه تاني وعمر مشي معاه وتابع بحده في سره الله يحرقك يا زينب يوم ماربنا يهديكي عليا وتبقي رايقه من نفسك اتاخد اداب ايه ياربي الفضايح دي
عند الفرح كان احمد وشهد اتصوروا مع الناس وخلصوا سلامات وكلهم ركبوا العربيات فراحت زينب بسرعه لسيف وهي بتعيط وتابعت سيف تعالي بسرعه عايزاك
سيف بخوف ايه ده مالك في ايه
نور ويونس كانوا قريبين منها فـ نور شالت حسام علشان زينب منهاره عياط وتابعت بخوف بس بس ماالك يا زينب في ايه
زينب بعياط عمر اتقبض عليه
سيف اتصدم بشده وتابع بحده نعمم اتقبض عليه ازااي يعني انتي اتجننتي !!
امنيه بخوف يانهار اسود انتي بتقولي اييه
يونس بصدمه ايه الهبل ده مين قدر يعمل كده ولييه
زينب بحرج وعياط هو بصراحه. . ولعبت في ايديها بتوتر وتابعت اووف يعني .. ونفخت وتابعت مش عارفه اقول ايه بس ..
سيف بعصبيه يا زينب اخلصيي وقولي حصل اييه الكلام ده لو وصل للقائد فيهاا محاكمه دي مصيبه سوداا على دماغ اللي خلفوكم
زينب بعياط وحرج : هو ظابط اداب افهم انت بقي متقرفنيش
نور فضلت تضحك هي وامنيه بشده وحطت ايديها على بوقها فضحك يونس وتابع انتوا عملتوا ايه بالظبط علشان انا دماغي جابت 100 سناريو دلوقتي
زينب بحرج لالا بجد بلاش قله ادب متفكروش غلط هو باسني بس
يونس فضل يضحك وتابع لا شريفه وبنت ناس يا غاليه
سيف بصدمه في الشارع يا زينب !! واتعصب وتابع خلاص مش قادر يمسك نفسه تروحوا ام البيت ??
زينب بدموع وحرج : انا السبب بصراحه مش هو
سيف بعصبيه مش هتفرق ياختي اللي يفرق دلوقتي ان نقيب في الجيش المصري اتاااخد اداب وراح القسم انتي فاهمه جوزك هيحصله ايه لو الكلام ده وصللل علشان الدلع والمرقعه اللي انتوا فيهاا !!
زينب بعيااط والله يا سيف اهو اللي حصل متقعدش تقطمني بقى ده حلالي هو عيب
سيف ضرب كف في كف وتابع بعصبيه استغر الله العظيم يارب شوف البت البجحه اقولها ايه تقولي اييه ياستي حلالك بس مش في الشارع ايه شغل الكلاب القطط ده !!
كلهم فضلوا يضحكوا بشده فتابعت زينب بحرج والله انا اللي استاهل اني قولتلك بس ماليش غيرك فالمهم روح خرج جوزي واتلم علشان فرد في صدره اوي قدام الظابط واتعصب عليه
سيف بعصبيه ماحقه يتعصب ده الظابط فاكرك واحده شمال عمر ماشي معاها اي راجل مش هيستحمل كده على مراته وهيتعصب بس مش اي راجل هيحضن ويبوس مراته في الشارع ده انا هطلع عين اهله انهارده ابن الكلاب ومشي
يونس بقلق استني يابني جاي معااك ومشيوا
امنيه بضحك لبستي الراجل اداب يا قادره
زينب بضحك من بين دموعها اسكتي بجد يا امنيه الواحد محرج اوي ده هيجي يكسر عضمي
نور بضحك ليه ياختي هو ذنبك انتي اياك
زينب بهمس وحرج بصراحه اه انا اللي بوسته اصلا
نور فضلت تضحك هي وامنيه بشده فتابعت نور وياااقاادره يوم ماتعمليها تعمليها في الشارع والقسم مفيش خطوتين من هنا
زينب بصدمه بتهزري هو القسم قريب من هنا
نور بضحك اخر الشارع ياختي علشان كده الظباط رايحه جايه
زينب نفخت بتوتر وتابعت يارب استر بجد مش عايزه يحصله مشاكل في شغله
نور بتنهيده اهدي خير باذن الله
—-
في عربيه احمد وشهد كانوا مروحين وشهد كانت تعبت من كتر الرقص فنامت على كتف احمد واحمد مش واخد باله وبيتكلم مع مازن لانه بيسوق عربيتهم وياسمين جنبه وزين في حضنها
احمد بضحك لالا متهزرش وربنا مشي بسبب كده ??
مازن بضحك معرفش انا يونس اللي قالي انه سيف اداله علقه علشان عاكس امنيه وكان بيسالها مخطوبه ولالا فمشي بعد مايونس مسك سيف من انه يضربه بالله صعب عليا ده تلاقي وشه ورم
احمد فضل يضحك وتابع يا ابن الكلب يا سامر لما اشوف خلقتك ملقتش الا امنيه
ياسمين بضحك والمشكله سامر محترم فمستغربه ازاي عمل كده
مازن بصلها وتابع برفعه حاجب وهي الهانم عرفت منين انه محترم ??
ياسمين بضحك مالك يا مازن ما بيشوفني لما بنزل وهو مستني احمد تحت البيت فبيحط عينيه في الارض وكذا مره تحصل مش مره فاستغربت دلوقتي بصراحه لما بص لامنيه
مازن تنهد بعمق وبص للطريق وسكت ففضل احمد يضحك وتابع اسكتي يا ياسمين مش ناقصين نكد بينكم انتوا كمان
ياسمين بضحك اتخرست علشان حسيتها والله
مازن بتنهيده لا انا مستغرب انك مركزه مع صحاب احمد وعارفاه بس
ياسمين بضحك يحبيبي بيجيله كتير انما مش تركيز مالك يا مازن في ايه
مازن بضيق خلاص ياياسمين قفلي محترم مش محترم لنفسه وبالله سيف ده راجل علشان ضربه
احمد وياسمين فضلوا يضحكوا فتابع احمد بضحك دلوقتي يستاهل يعني
مازن بضحك اه يستاهل وصحي مراتك دي علشان متتفضحش في القوصيه كلها وانتوا طالعين لو شلتها نايمه
احمد بصدمه بتهزر مين اللي نايمه وبص على شهد لقاها غرقانه في النوم فتابع بذهول نهارك اسود يا شهد وانا اقول مش سامع حسها ليه
ياسمين بضحك خربتها تنطيط في الفرح ففرهدت حقها تنام
احمد بضحك وانا مين يشوف حقي اما هي تنام روح الهي يحرق دمها زي ماحرقت دمي
مازن بضحك بكره يحيوان مش هتطير خلاص
ياسمين بضحك الله يرحم .. انت بالذات تسكت خالص علشان كان علي عينك وانا بطردك من الاوضه يوم فرحنا ودمك اتحرق
احمد فضل يضحك بشده وتابع ايه ده يكبير وغمز وتابع عيب في حقك دي
مازن بضحك دي بنت كلب سيبك منها العبره في النهايه شايله ابني على ايديها اهو مش مهم تتاخر المهم لما تعود تعود بقوه
احمد فضل يضحك وتابع القدوه اقسم بالله
مازن بضحك عيب عليك بس انا رجعت في كلامي صحيها بقى علشان دمك ميتحرقش زي اخوك في يوم زي ده
احمد بضحك انا مش عارف انا عيال عز مستقصدينا ليه انتي يابت وفضل يهز فيها براحه وتابع بهمس شهد .. قومي يابابا قربنا نوصل .. انتي يابت وباس جبينها وطبطب على خدها برفق ففتحت ببطئ واتخضت وصوتت لما لقيته في وشها
فتابع مازن بخوف ايه في ايه يخربيت ابوكي
شهد حطت ايديها على صدرها اللي بيعلو ويهبط وتابعت بخوف يخربيتك يا احمد نسيت اننا اتجوزنا وبقول ايه جابه اوضتي ده وجيه في بالي انك عملت فيا حاجه غلط وبتصحيني بعدها
احمد بصلها بذهول وياسمين ومازن فضلوا يضحكوا بشده لدرجه عينيهم دمعت فتابع احمد: عملت فيكي حاجه غلط !! غلط مين ده انا دافع دم قلبي في ام الجوازه دي علشان اعمل براحتي وفي الاخر يتقالي غلط !!
شهد بخوف انت بتوترني ليه هاا مش بسهوله اتقبل انك بقيت جوزي على فكره وحطت ايديها علي باب العربيه وتابعت بص لو محترمتش نفسك هنط
احمد بضحك استني بس متنتحريش وفهميني اوضتك ايه وهبل ايه وصحيتك بعدها ايه لييه جاموسه ناايمه مش هتحسي ?
شهد بخوف يمكن حطتلي منوم هو حد بيتضمن دلوقتي ?
مازن فضل يضحك وتابع ربنا معاك يا غالي هدعيلك الليل كله ربنا ينصرك اه والله
ياسمين فضلت تضحك فتابع احمد بضحك: حلو كده بتضحيكهم علينا ? وبعدين منوم ايه اللي احطه انتي عبيطه ولا ايه مخك عمل السناريو ده كله في الثانتين دول
ياسمين بضحك بتحصل فعلا من التعب وقله النوم
احمد بضحك قله نوم ايه دي جاموسه ونامت امبارح كتير عكسي انا معرفتش انام وغمز وتابع بس متقلقيش يا مزتي انا عايزك صاحيه
شهد بدموع يارب اموت دلوقتي يارب
كلهم فضلوا يضحكوا واحمد ضرب كف في كف بذهول وتابع بضحك بت انتي هبله !! يخربيت ابوكي بجد لا يابابا بعيد الشر عنك متقوليش كده وخدها في حضنه وبقي يبوس راسها ويطبطب عليها
مازن بضحك لالا ده انت لو واكل مال يتاما مكنش هيحصل فيك كده ادي اخره الشقاوه وكلام مع البنات زمان
احمد بضحك منا بتربى دلوقي حسيت وربنا من بدري
فمازن فضل يضحك وشويه ووصلوا والعربيات وراهم بتذمر بفرح وزينب وامنيه ونور واسماء كانوا مع بعض في عربيه عمر واسماء اللي بتسوق وزينب حكتلها وكانوا قلقانين جدا واسماء عماله تعيط
فتابعت زينب بدموع بالله عليكي اهدي هيطلع ياهبله ده جوزي متخافيش
اسماء بعياط وربنا هموت من خوفي ده لو الجيش عرف هيتبهدل ويتحاكم
امنيه بتوتر خير باذن الله عايزين نسال ياسمين في الموضوع ده
نور بتوتر ايووه صح ياسمين محاميه تعالوا نسالها لما نطلع انزلوا بس
ونزلوا وكان الكل بيزغرط حوالين شهد واحمد وعايده جات ادتهم اللبن وشربوه وبعدين احمد وطى وشال شهد بين ايديه وكلهم زغرطوا بفرح وهي ابتسمتله وبصت بعينيها تدور على يونس ملقيتهوش فبصت لنور بمعنى فين فهمستلها وشاورت انه بيجيب حاجه فزعلت انها مشافتوش وهي طالعه يطمنها وتنهدت بحزن فبصلها احمد ودخل البيت وامه قدامه علشان تفتحلهم الشقه وتابع بهمس مالك في ايه
شهد بصتله بحب وتابعت مفيش يعيوني
احمد بتنهيده وهو طالع السلالم تابع شهد انتي مبسوطه ؟
شهد بدموع فرح هطير من فرحتي مش مبسوطه بس
احمد بتنهيده اومال انا ليه مش شايف كده
شهد بتفهم : علشان الحب عند الراجل 90% بيصاحبه الموضوع اللي انت عارفه عكس البنت الحب عندها 90% مشاعر عاطفيه عادي فانت لما بتشوفني مش ملهوفه عليك زي ما انت ملهوف عليا بتحس اني مش بحبك انما دي مش الحقيقه والله العظيم ده انت حب عمري
احمد ابتسم ودخل شقتهم لان امه فتحت وتابعت جبتيها صح كده ازاي
شهد بضحك عيب عليك انا اعجبك اوي
احمد باس خدها بحب وتابع لو مكنتيش عجبتيني مكنتش حبيتك واتجوزتك
شهد ابتسمتله بحب فتابعت عايده بفرح يلا يعمري هروح انا علشان احضرلكم العشا تتهنوا بعض يارب مبرووك يحبايب قلبي
احمد بحب الله يبارك فيكي يا غاليه خدي الباب في ايدك
عايده بحب من عيني يحبيبي ومش هوصيك عليها دي بنتي زيها زيك بالظبط
احمد بحب في عيني والله متخافيش
عايده بحب تسلم عينيك ينورعيني يلا هروح انا وخرجت وقفلت باب الشقه فتابع احمد بحب بقينا لوحدنا انتي مصدقه !
شهد بتوتر بحاول مركزش في الحقيقه اللي انت حطيتها في وشي دي
احمد دخل اوضتهم وتايع بتنهيده بردو يا شهد
شهد بتوتر مش بايدي والله انا متوتره اوفر
احمد مال بيها يحطها على السرير فتابعت بخوف لالا احمد انت بتعمل ايه
احمد بصلها بذهول وتابع ياشهد بحطك على السرير ياشهد في ايه ينعل اهلك في الارض صحيح
شهد بضحك انت بتشتمني يا احمد علشان قله الادب !
احمد بضحك ياست بلا قله ادب بلا زفت ده الواحد كاتب زي مش كاتب منشفاها على الاخر ومعملتش حاجه وتقولي بتعمل ايه هو اانا لسه اتنيلت
شهد بضحك طب بطل قله ادب
احمد بغمز بالله مش عايز غيرها
شهد بتوتر هي ايه دي هاا
احمد نفخ وتابع بضيق بقولك ايه نامي ورايح يخرج فتابعت لالا يا احمد حقك عليا وقامت من على السرير مسكت دراعه وتابعت هو ده كلامك ليا يعني
احمد بابتسامه خلاص يحبيبتي هو فعلا مينفعش وانتي مرعوبه كده انتي مش رايحه تهربي يعني فخلاص الايام جايه كتير
شهد بحزن لالا انهارده علشان عايزة اخلص واشيل الهم ده من على قلبي بس بالله عليك ماتوترني
احمد بذهول هم !! وضحك وتابع ده بالله عليا انا .. انا راجل مهزق اني كملت في الجوازه دي ورمى جاكته على جنب وبقى يفك زراير قميصه فشهد اتوترت ورجعت لورا شويه وتابعت انت بتعمل ايه هاا ?
احمد بابتسامه هخلصك من الهم علشان متقعديش شيلاه على قلبك
شهد بتوتر لالا خلاص رجعت في كلامي افتكر كده بقى انت قولتلي ايه امبارح
احمد بضحك مش فاكر حاجه كل يوم هو بدايه جديد فمتحاسبنيش على كلام امبارح انا شخصيتي اختلفت انهارده يستي
شهد بضحك خلاص افكرك انا قولتلي نأجل دخلتنا
احمد رمي قميصه وبقى عاري الصدر وشدها ليه وتابع رجعت في كلامي زيك بالظبط شوفتي جوز عيال واتجوزوا
شهد بصت عليه بتوتر وحرج من شكله قدامها وتابعت بالله دقات قلبي سمعاها من هنا
احمد بحب ده علشان انا احمد مش علشان انتي خايفه
شهد بابتسامه ليه وفرقت ايه ها
احمد باسها جنب شفايفها فغمضت عينيها واحمد بصلها وتابع حبيب عمرك مش انتي لسه قايله ؟
شهد بتوتر اه بس انا متوتره اوفر بجد
احمد بضحك هتهدي لسه بدري انا بوستك بس اهو
شهد بابتسامه بالله عادي موافقه لو ده طموحك انا راضيه وننام وكل يوم حاجه
احمد بضحك كل يوم حاجه ايه انا كده منا مانخلف هكون وصلت سن المعااش مينفعش يابابا الكلام ده
شهد بتوتر نهار ابوك اسود هما كتير اوي كده
احمد بضحك وغمز نبقى نعد ولو اتلغبطنا نعيد من الاول معنديش مانع
شهد بتوتر لااا وانا معنديش صحه يا غاالي
احمد فضل يضحك وتابع شهد متستعبطيش بجد اومال مين هيرقصلي
شهد بتوتر ارقص لمين يعنيا هو انت فاكر انك متجوز صافينار ولا ايه
احمد بحب بالله انتي احلى دي كلها فيك انما انا مراتي اصلي
شهد برفعه حاجب وانت عرفت منين ؟
احمد حط ايديه على وسطها وشدها عليه اكتر وتابع بضحك يابت مانتي قريبه مني اهو وباين انك مش فيك انا حاسس
شهد بحرج يخربيت اهلك اتربى واتعصبت وتابعت وبعدين انا اقصد خرا دي انت عرفت منين انها فيك شدتها عليك وحطيت ايديك عليها هي كمان ؟
احمد فضل يضحك وتابع اه ده نوع من انواع النكد يعني بس متخافيش مش هقع فيه مازن محذرني انا قولت كده يحبيبي علشان خاطر كل الرقاصات بيعملوا كده انما انا متجوز بنت ناس
شهد برفعه حاجب اممم قولتلي طب اوعا ايديك دي كده واتلم
احمد بضحك هوعاا بس ترقصي ولا هو حلو الرقص في البرنده مع نور وفي القاعه ومترقصيش لجوزك حلالك
شهد بتوتر عينيا حاضر بس مش انهارده
احمد بضحك خلاص انتي حره نخش في الموضوع علطول
شهد بتوتر لا مواضيع ايه هرقص بس هرقص وننام
احمد بضحك مفيش منه الكلام ده انا اتنازل عن الرقص مؤقتا ومش هتنازل عن الموضوع
شهد اتوترت اوي ودقات قلبها عليت وتابعت اه ياسافل ياقليل الادب وانا اللي فكرتك متربي
احمد بضحك انا متربتش طول عمري وانتي عارفه فمتمثليش
شهد بتوتر طب والله لصوت والم عليك البلد البس بقى
احمد بضحك وفكرك حد هيجي ؟ انا مش عايز اقولك هيتقاال ايه علشان وشك ميحمرش دلوقتي
شهد فهمت وتابعت بحرج شديد: يخربيت اهلك طلقني يا احمد احنا في بينا تفاوت في التربيه مش طبيعي انا بنت ناس يابابا انت بتقولي اييه
احمد فضل يضحك وتابع هو انا لسه اتجوزت اتجوز بعدين اطلق ولا انتي عايزه الناس تاكل وشي وتطلقي بنت
شهد بحرج يانهارك اسود انهارده انت شارب ايه ولا مبلبع ايه يخربيت الجرأه اللي انت فيهاا
احمد وطى باس رقبتها بحب فغمضت بتوتر وتابع بحب وهمس مراتي بقى يا شهوده خلاص بقينا واحد لازمته ايه احط في جوايا واسكت يعني
شهد بتوتر لا ازاي متحطش حاجه جواك يحبيبي
احمد بصلها بحب وتابع مش عايز جنان هاا لو لقيتي نفسك خايفه مش هكمل
شهد برعب انت هتعمل ايه ?
احمد فضل يضحك وتابع قسما بالله كل شويه تقولي كده ومبتنيلش اعمل حاجه دي حاجه بسيطه بس علشان امي هتخبط عيب منفتحش يقولوا علينا ايه
شهد بتوتر اه فكر في شكلي برافو عليك
احمد بضحك مانا حاليا بفكر في شكلك علشان هتتفهم اوي لو مفتحتش الباب احنا بنعمل ايه انما بعد كده لما ناخد الاكل فكري انتي في شكلي بقى
شهد بتوتر عادي لو حد سالك قول الحمد لله وخلاص
احمد بضحك طب وده ينفع يرضيكي اكدب في اول حياتنا الزوجيه ?
شهد شهقت وتابعت لا يحبيبي مبتغلطش خالص ربنا يحميك
احمد بضحك اه الحمدلله كله حلال اهو واخرسي بقى شويه هو بوقك ده مبيفصلش
شهد برفعه حاجب اه مش هيفضل واللي عندك اعمله و
احمد بمقاطعه عندي كتير وقرب باسها بحب وعمق وشهد غمضت عينيها بتوتر وانكشمت جدا وواحده واحده بقيت بتتفرد وهي مغمضه واطمنت نوعا ماا وثواني واحمد بعد عنها فخدت نفسها بسرعه وهي حاطه ايديها على صدرها اللي بيعلو ويهبط وتابعت يالهوي يا احمد كنت هتموتني
احمد بصلها بذهول وتابع بضحك من بوسه !! شهد هو انتي بتتكلمي جد ولا بتحبي تحرقي دمي
شهد بضحك بتكلم جد طبعا
احمد بضحك طب غوري من قدامي اتوضي وغطي شعرك وتعالي علشان نصلي وانا هتوضي برا لان انتي حرقتي دمي
شهد بضحك حاضر وراحت اتوضت ولبست حجاب فوق الفستان التاني اللي روحت بيه واحمد زيها وصلي بيها وقرا قران وداعي ان حياتهم تكون مليانه تفاهم وفرح وحط ايديه على راسها وهي بصاله وبتبتسم بحب والدموع متجمعه في عينيها وشكرت ربنا كتير في سرها انه وصلها لانها تكون مع حبيبها في بيت واحد فقام احمد وتابع بحب حرما
شهد بحب جمعا ينورعيني وقلعت الطرحه تاني فتابع احمد طب انا هاخد هدومي ورايح اخد شاور واغير ها
شهد بحب ماشي روح وانا كمان هعمل كده
وبالفعل احمد خرج بس امه خبطت فاراح فتحلها ونسي انه قالع قميصه فبصتله بذهول وتابعت طب استني كل يابويا تسند روحك
احمد استوعب بعدين فضل يضحك وتابع ياست الكل انا حران مالك في ايه مفيش حاجه والله العظيم
عايده بضحك خلاص ماشي يحبيبي الف مبروك يعمري ربنا يسعدكم
احمد بحب الله يبارك فيكي يحبيبتي
ودخلت عايده شقتها وهو قفل وراح ياخد شاور وبعد شويه خرج وهو لابس بنطلون بيتي وعاري الصدر وبينشف شعره بالفوطه ودخل اوضتهم اتفاجئ ان شهد نايمه شعرها مفرود وراها ولابسه بيجامه ربع كم وبرموده بس ضيقه عليها بالظبط وشيك اوي فتنهد بعمق وابتسم على شكلها وهي نايمه وراح قعد جنبها ومشى ايديه على شعرها بحنان ووطى باس راسها وشغل التكييف وجاب مفرش خفيف غطاها وسرح شعره ورش برفيوم وطفى النور عليها وخرج وشغل الشاشه وقعد قدامها
—
تحت في شقه الجد البنات كانوا متجمعين في البلكونه والباقي منهم اللي طلع ومنهم اللي قاعد برا
فتابعت نور بتوتر يونس بعتلي ان عمر قاعد في المكتب والظابط اللي قبض عليه حد عنده عمل حادثه فمشي وهيطول شويه ومش راضيين يدخلوهم يشوفوه في غياب الظابط وسيف مسك فيه ويونس هداه بلعافيه
اسماء بدموع اصل ازاي يمنعوا سيف يدخله ده ظاابط
امنيه بتوتر لا لا دي مينفعش الامين اللي واقف ده بيتأمر لو سيف دخل اه محدش هيقدر يتكلم بس الراجل الغلبان ده هيتجازى فجوزي غلطان مفروض يستني وميكسرش القانون خلاص اطمنا ان عمر في المكتب ولسه متكتبش ضده اي حاجه
زينب بدموع انا اعصابي تعبت هي مرات اخوكي فين كل ده
نور بدموع قالتلي نازله والله بس مازن عايز ياكل فبتحطله الاكل اهدي وهاتي الواد من على دراعك انتي بتتنفضي
زينب قعدت على الكرسي اللي في البلكونه لانها كبيره وواسعه وشايله كراسي وترابيزه وتابعت: بدموع انا السبب بالله لو اتحاكم مش هسامح نفسي
امنيه بحزن يا زينب اهدي يحبيبتي مش كده
زينب بذهول جوزي انا يتاخد اداب يا امنيه دي مصيبه
اسماء بدموع بالله عليكي ماتوتريني اكتر بقي
ودخلت ياسمين وتابعت بخوف ايه ده في ايه مالكم
زينب بحرج ودموع انا مش هتكلم قولوا انتوا
امنيه نفخت بضيق وتابعت ياستي هو ده وقته كسوف وبصت لياسمين وتابعت بصي يا بنتي زينب و
زينب بحرج هششش وطي صوت اهلك يخربيتك ابويا براا
اسماء بضيق وفيها ايه متعصبيناش هو انتي حسام ده جيباه ازاي وابوكي عارف ولالا ?
زينب بضحك بين دموعها يحيوانه مينفعش يسمع بردو ده ابويا
امنيه بضيق المهم اخرسي بصي يا ياسمين وهمست وتابعت زينب عمر باسها في عربيته تمام
ياسمين بضحك تمام مايبوس هو عيب ولا ايه
امنيه فضلت تضحك وتابعت احنا بنكلم مين دي اكتر واحده مبتتكسفش فينا
نور بضحك ماعلشان كده هي الشخص الصح اللي نساله من غير كسوف
امنيه بضحك اه والله على رايك المهم يا سمسمه في ظابط اداب شافه وخدوا على القسم فكده ايه الوضع
ياسمين بذهول وضحك اييه بتقولي ايه وحطت ايديها على بوقها وفضلت تضحك بشده وتابعت يخربيت اهلكم يا زينب هي وصلت لاداب
زينب بدموع بالله انا متربتش اني اتكلمت مايتحاكم بحترام بدل منا فضحت نفسي كده
ياسمين فضلت تضحك وتابعت لالا خلاص هقولك الحل بس معاكي بطاقتك وصوره من القسيمه ?
زينب بدموع معايا بطاقتي اه بس القسيمه ليه همشي بيها ليه اصلا وانا ايش عرفني ان انا هتمسك اداب انا وجوزي
كلهم فضلوا يضحكوا بشده فتابعت ياسمين بضحك مش قادره همووت والله الجمله مش راكبه المهم افتكري مصوراها على الفون اي حاجه
زينب بتذكر تقريبا اه صورتها عندي وبعتها لسيف علشان يوريها للقائد بتاعه يدي عمر اجازه الفرح
ياسمين ضحك طب شوفيها ياختي وهطلع اقول لمازن واخدك ونروح القسم وهنعوز القائد المباشر ليه بس الحمد لله ان هو سيف فكده يلا بينا وانا هتصرف هناك
زينب لطمت وتابعت بحرج يخرب بيت ابوكي مازن ايه ده انا قلت لاخويا وكنت هموت من الاحراج تقومي تقوليلي كمان مازن
ياسمين بضحك اخوكي الكبير برده ايه الجديد الله يرحم ايام ما كنتي بتلفي وتاخدي منه المصروف يا بت
زينب بضحك حصل انا كنت بقلبه اول بأول وهو وقف جنبي ساعه اسر وغيره وغيره وعارفه ان هو اخويا والله بس محرجه
ياسمين بضحك لا متتحرجيش ده جوزك يلا انزليلي وهطلع اجيبه وجيالك
امنيه بتوتر خير يحبيبتي باذن الله اسمعي كلامها وربك يسترها
اسماء بدموع انا هاجي معاكم
ياسمين طب يلا انجزوا
وبالفعل ياسمين قالت لمازن وجهزت وامنيه ونور قعدوا مع بعض في شقه امنيه
ونزل مازن وبص لزينب وتابع بحده حبكت يعني في العربيه
زينب بصت للارض بحرج وتابعت اهو اللي حصل بقى يووه هو كلكم عليا انا
مازن بحده انتي وهو مش انتي بس علشان ده ظابط جيش حركه زي دي تعملوا قلق هناك
زينب بدموع والله ماكنا نعرف كل ده هيحصل
مازن بتنهيده خلاص اهدي ربنا يسترها وحقك عليا يبابا متزعليش انا والله خايف عليه انما ده جوزك وحلالك
زينب بدموع مزعلتش انت صح
وركبوا عربيه مازن فتابعت ياسمين بضحك وادي الكام الساعه اللي فاضلين للراجل بدل مايقضيهم في حضن مراته قاعد مع العساكر
زينب بضحك من بين دموعها وايه الجديد ما بيقعد مع العساكر اكتر مني
ياسمين بضحك والله انتي بارده بس الساعه لسه 11 نحمد ربنا في وقت هيمشوا 5
زينب بتنهيده بالله عايزه اقولك اعصابي تعبت ومش فايقه لاي حاجه وكنت منكده معاه علشان انا طلعت حامل وحاجه زي الفل
اسماء بذهول وضحك بتهزري يعني طلعتي حامل بجد ?
زينب بضحك اه ياختي
مازن فضل يضحك وتابع يخرب بيت اهلك مبتضيعوش وقت كده
زينب بضحك انا مالي هو اللي مترباش
ياسمين بصدمه وضحك لالا بجد انا مش مصدقه طب انا اعيطلك ولا اقولك الف مبروك
زينب لا دي ولا دي تغطيني وتصوتي عليا
كلهم فضلوا يضحكوا فتابعت ياسمين بضحك لالا يعمري الف بعد الشر عنك هي صدمه بصراحه بس الله يعينك بقى
زينب بتنهيده يارب بجد
في القسم كان سيف ويونس واقفين قدام الباب
فتابع سيف بحده هو ام الظابط ده هيجي امتى علشان نفهم بس ?
الامين يافندم انا معرفش انا عندي اوامر بنفذها
سيف بعصبيه اوامر ايه وزفت ايه ده انت هيطلع عين اهلكم اللي حابسينه جوه ده ظابط جيش وكان مع مراته هو اي استعباط علشان تشتغلوا وخلاص ينعل ام دي بلد الواحد بيخاطر بنفسه علشان يحميها ودول بيرموا بلاهم على الناس علشان يشتغلوا
يونس بتنهيده اهدى ياسيف مش كده
سيف بعصبيه اصل مش كده يا يونس الراجل مفروض ياكل وينام ورانا ام سفرر
الامين اتوتر ان كلام سيف يطلع صح والظابط جيه وتابع برفعه حاجب خير عايزين مين
سيف بعصبيه عايز رئيسك المبااشر علشان اللي حصل ده مش هسامح فيه مهما حصل
الظابط فتح المكتب وتابع بضحك وهو بيقعد ليه يغالي مين انت وهو بقى ؟ اصله قال جمله شبه دي وهروح معاك بس متزعلش هناك ومش عارف ايه
سيف بعصبيه لا ماهو هيزعلك فعلاا لما تقبض على نقيب في القوات المسلحه وتتهمه بتهمه فعل فاضح في الطريق العام وهو مع مرااته تبقى فعلاا لازم تزعل
عمر بعصبيه قسما بالله ماهعيديهاله علشان المرمطه دي وانا مع مراتي ده شايفها شايله الواد اصل مأجرينه ده علشان نتقابل واقعد معاها في العربيه واحنا صحاب بقولك ايه انت ملكش كلام معاايا انا بطالب الشرطه العسكريه تيجي تكلمني
سيف بصله بصدمه لان كده العميد هيعرف وتابع بحده ممكن تخرس ومسمعش حسكك اناا قائدك المبااشر واحل مكان الشرطه العسكريه واديني بتصرف اخرس خالص
عمر بعصبيه اصل هو مالوش ان يتدخل في اي شؤون قانونيه تخصنا وانت عارف كده كويس
سيف بحده عارف وبقولك انا زفت القائد بتاعك فقانوني انا اتصرف عاادي
الظابط بضحك لا يجدع يعني انت نقيب قوات مسلحه بجد وشغالين تعملوا حوار ومصدقينه طب انا ابويا اللواء بقولك ايه سيبك من الكلام الفاضي ده يمكن فعلا مش ابنكم اضمن منين انا ? انا شوفت اتنين بيعملوا حاجه غلط مسكتش ده دوري
سيف بضحك لا ياراجل عايز تفهمني انك مش قاصد علشان خاطر تشغل القسم شويه وخلاص بس حظك بقى جات مع عمر بيه وبعدين هو اللواء عبد العزيز يبقى ابوك طب ازاي عمري ماشوفتك لما بروح هناك
الظابط اتعدل في قعدته وتابع بتوتر بتروح فين لمؤاخذه
سيف طلع بطاقته وحطها قدامه وتابع بحده سيف الرفاعي رائد في القوات المسلحه وانا قائد عمر بيه المباشر وبطلب بلادب انك تسيبه علشان قسما بالله ثانيه كمان وهتزعل فعلا
الظابط اتوتر وقام وقف وتابع نورت يا فندم بس حضرته كان بيعمل حاجه غلط ولا دي فيها تحيز ?
عمر بعصبيه تحيز مين يا ابن الكلاب بقولك مرااتي
الظابط بتوتر اه طبعا ولو مش مراتك عيش يباشا وهقطع الاجرائات القانونيه دي عادي
سيف بعصبيه لا طبعا هنثبت انها مراته وهنخرجه لان اختي اللي كانت معاه وانا مسمحش يتقال عنها كده وهقدر انك خريج جديد ومش فاهم وبتغلط
الظابط بتوتر اختك كمان وهمس بتوتر يانهار ازرق عليا وعلى سنيني السودا
والباب خبط ودخل الامين وتابع المحاميه ياسمين الرفاعي برا يا فندم جايه حاضره للمتهم
عمر بعصبيه متهم مين ? متهم مين يحيوان ورايح يضربه فمسكه سيف وتابع بعصبيه ممكن تخرس خالص ومسمعش حسك
عمر بعصبيه انت مش سامع بيقول ايه
سيف بعصبيه اصل هيقول ايه فعلا انت شايف انت واقف فين يا حضره الظابط يا محترم
عمر سكت بعصبيه والظابط تابع للامين بتوتر خليها تدخل
فدخلوا كلهم وزينب واسماء جريوا على عمر حضنوه وهما بيعيطوا فتابع بقلق بس بس مفيش حاجه اهدوا وباس راسهم وضمهم ليه
زينب بعياط حقك عليا والنبي انا اسفه
عمر ضمها ليه اكتر وباس راسها بعمق وتابع بحب بس يعبيطه اياكي تقولي كده تاني انتي معملتيش حاجه غلط
اسماء بعياط عمر يلا نمشي والنبي ابوس ايدك
عمر طبطب عليها وحضنها جامد وتابع هنمشي والله حاضر
فتابعت ياسمين بتنهيده حضرتك انا ياسمين الرفاعي محاميه وادي الكارنيه بتاعي اهو وحاضره علشان عمر بيه يخرج
الظابط بتوتر طبعا يافندم اتفضلي
ياسمين بتنهيده مبدائيا اللي حصل فيه تسرع وتهور كبير جدا من حضرتك لان مفيش قانون بينص ان لو راجل تعدي الحدود شويه مع مراته باللمس انه يتقبض عليه والحوارت دي كلها اول حاجه مفروض كنت تسال على البطايق وعموما انا مش جايه اعرف حضرتك شغلك انا جايه انبهك لبعد كده خصوصا المره دي انت جبتها في نقيب في القوات المسلحه واحد زي ده بيضحي بنص عمره علشان احنا هنا نعيش بامان ويوم ما ينزل كام يوم اجازه نمرمطه ونجيبه الاقسام علشان ناكل عيش ؟! فده مينفعش بصراحه وادي بطاقه مدام زينب ومكتوب في ضهرها انها متزوجه من عمر عزيز الهواري وبصت لعمر ومدت ايديها فخرج بطاقته واداهالها وحطتها قدامه وتابعت وادي بطاقته هو عمر عزيز الهواري ويعمل نقيب لدى القوات المسلحه اهو يعني مش بنكدب عليك وادي صوره القسيمه اللي تاكد اكتر مصداقيه جوازهم ولان الموقف ده بيتطلب تدخل عسكري طلما في ظابط جيش اتقبض عليه لاي سبباً كان فانا معايا الرائد سيف معتز الرفاعي وده القائد المباشر لعمر بيه ها ايه الوضع بقى ?
الظابط بلع ريقه بتوتر وتابع هو ايه الكتيبه اللي دخلت عليا فجاه وانا قاعد دي
عمر بعصبيه لا والله هو احنا اللي جينا ولا ايه ده قسما بالله انا
سيف بحده ومقاطعه خلاص يا عمر خلصنا خد مراتك وانزل هنكتفي بلفت نظره لبعدين
عمر اتعصب جدا بس احترم كلام سيف وخد بطاقته هو وزينب وتابع تسلميلي يا ياسمين بجد
ياسمين بابتسامه متقولش كده يا غالي احنا اخوات
سيف بتنهيده قسما بالله انا كنت قادر فعلا اعاقبك على اللي عملته بس معلش نجمه واحده ولسه فرحان بيها وبصله بحده وتابع يلا وكلهم نزلوا معاه والظابط تنهد بارتياح وحمد ربنا
يونس بضحك طب كنت قولي كنت افتحلك عربيه سيف واقعدك فيها عيش للصبح متفيمه محدش هيشوفكم بدل الفضايح
كلهم فضلوا يضحكوا فتابع سيف بضحك طب اتربوا دي اختي وانا بحاول انسى كنا هنا ليه اصلا
زينب بحرج حقيقي متربوش فعلا
عمر بضحك وانتي يابت ملاك بريئ روحي الله يحرقك يازينب يوم ماتبقي زي مابتمني اجي القسم في قضيه اداب
كلهم فضلوا يضحكوا فتابع مازن بضحك روح بس بيتك واكسب وقت قربت تسافر يلا
عمر بضحك ده طيران يلا يا زوزا
اسماء بضحك عمر انا معاكم في البيت اتلم مش لازم تعرفني الله اقعد معاكم ازاي دلوقتي ها
عمر بضحك مجتش عليكي يا قلب اخوكي مصر كلها عرفت كنا بنعمل ايه مفرقتش عن اللي هيحصل البيت
سيف بضحك يا ابني اتلم واتربى علشان مرجعكش اقعدك القاعده السودا دي جوه تاني وجودي كان مهم
عمر بضحك يا باشا كنت هتصل بالشرطه العسكريه
سيف بضحك رد عليه يا يونس علشان مشتموش
يونس فضل يضحك وتابع ده سيف كان هيولع فيك لما قولت كده جوه يا متخلف مش عاوزين نعرف القائد وانت عايز تتصل بيهم
عمر بذهول تصدق صح وجهه نظر تحترم والله
سيف بضحك ناقص انت بقى اللي تبقى محترم وكل حاجه تبقى تمام
مازن بضحك الا صحيح يا سيف هو انت عامل العربيه متفيمه ليه وغمز
سيف بضحك علشان ابوس ومحدش يشوفني هو انا عبيط زيه ولا ايه
كلهم فضلوا يضحكوا بشده فتابع عمر بضحك طب يلا الحق روح اكسب وقت انت كمان
سيف بابتسامه لا دي مفيهاش غير نكد انهارده انا وامنيه متخانقين خناقات قد كده هروح اصفي حسابي معاها عشان عايزه تتربي
يونس بتنهيده خلاص يا سيف عديها انت هتسافر
سيف بجمود لالا بعيدا خالص عن موضوع سامر هي محترمتش كلمتي في حاجه تاني فأسلوبها ده مبقاش يعجبني
زينب بحزن طب علشان خاطري انا ايا كان عملتلك ايه حقك عليا
سيف خاطرك غالي والله زوزا بس معلش متدخليش في الحوار ده عشان خاطري
ياسمين بتنهيده ربنا يهديكم يا رب يلا طيب مش هتمشوا
عمر اه يلا اهو
وبالفعل كلهم مشيوا ونور كلمت يونس طلبت منه حاجات يجيبها وهو مروح
وبعد شويه وصلوا كلهم البيت وعمر وزينب روحوا وسيف طلع شقته علطول وفتح بالمفتاح كانت نور قاعده مع امنيه وبيتكلموا فدخل سيف فلما شافهم بص في الارض وتابع غطي شعرك يا نور
فا نور مكانتش واخده بالها من وجوده وامنيه لما شافته قلبها اتقبض فابتسمت نور وتابعت شوف جيه اليوم اللي اغطي شعري فيه منك انت ورفعت الطرحه على شعرها بُصلي خلاص
بصلها سيف وابتسم وتابع كبرنا بقى وبقينا عرايس زي القمر وهنبقى امهات كمان
نور ابتسمت وتابعت بحب بس والله هتفضل زيك زي مازن واكتر… هتوحشني
وامنيه سمعت الكلمه دي وغمضت ودموعها نزلت
فسيف اتأثر جدا بالكلمه من نور وابتسم بحب وحط واحده من ايديه على خدها وباس جبينها وتابع وانتي اكتر والله العظيم اشوف وشك بخير
نور عيطت وتابعت سيف انا اسفه اني عيطت مش بحب اليوم ده وانت عارف
سيف صعبت عليه اوي فحضنها وفضل يطبطب عليها وتابع بوجع: حقك عليا ابوس ايدك اهدي وحاول يخليها تضحك وتابع يونس لو شافك بتعيطي بسببي يقتلني والله
فهمست نور بوجع انا سمعتكم انت ويونس ومازن لما اتكلمتوا اول امبارح عندنا في البيت وعيطت اكتر وتابعت وعرفت ان المهمه خطيره على حياتك وانك هتطول فيها
فسيف اتصدم انها عرفت وبص لامنيه يتاكد سمعتها ولالا
الفصل السادس والسبعون من هنا
زينب بعياط هقولك برا تعالي الدنيا وش اوي هنا
امنيه بتوتر يخربيتك قلقتيني في ايه تعالي
وراحت معاها يخرجوا برا القاعه فشافهم سيف وهما خارجين وتابع بستغراب رايحين فين دول
عمر كان جنبه وشايل حسام فتابع بستغراب مش عارف
سيف بحده لا ولا كأن في كلاب يتنيلوا يقولولهم غايرين
عمر اهدى بس وتعالى نشوفهم رايحين فين
عند امنيه وزينب
زينب كانت بتعيط فتابعت امنيه بخوف اهدي طيب وفهميني في ايه مالك حصل ايه وفضلت تبطبطب عليها
زينب بعياط انا حامل يا امنيه
امنيه اتصدمت وتابعت بضحك نهارك ازرق حامل ازاي يعني !!
زينب بعياط وبحده يابنتي متعصبنيش هو ايه اللي حامل ازاي ?? حامل زي البني ادمين ما بتحمل قوليلي اهبب ايه في المصيبه دي
امنيه حطت ايديها على جبينها وتابعت بذهول لالا مش عارفه بجد وضحكت وتابعت بس في الحالات دي بيقولوا مبرووك مش بيعيطوا
زينب بعياط وبحده تصدقي انتي بارده واقفه تضحكي وتهزري وانا اللي قولت هتساعديني
امنيه بحزن اهدي طيب انا بهزر معاكي عايزاكي تفكي اصل هتعملي ايه يعني يحبيبي ده نصيب بس انتي مفروض كنتي خدتي بالك اكتر من كده
زينب بعياط باخد بالي ومفروض كنت منتظمه رضاعه طبيعي بعدين من اول ماعمر نزل بطلت وجبت بعدها برشام
امنيه بتفكير طب حصل حاجه قبل كده ومكنتيش لسه انتظمتي على البرشام
زينب بدموع هو انا اه نسيته مرتين بس قولت عادي مش هيحصل حاجه
امنيه تنهدت بعمق وتابعت لا طبعا بيحصل عادي وتقوليلي واخده بالك .. واخده بالك ازاي بقى
زينب بعياط المهم انا مش عارفه اتصرف ازاي في المصيبه دي هو البيه هيمشيها معايا كل اجازه بحمل !! ده انا كده هبقي ولا الارنبه ده هي دي الاجازه الوحيده اللي نزلها وانا مخلفه فيهاا واديني اتنيلت حملت تاني انما قبل كده حضر معايا ولاده حسام واللي قبلها كنت حامل واللي قبلها كنت عروسه وسابني حامل
امنيه فضلت تضحك بشده وتابعت اوضتكم بتلقط اسرع من البلوتوث
زينب ضحكت من بين دموعها وتابعت شوف البت بردو
امنيه ابتسمت وتابعت مبروك يحبيبتي صدقيني اللي كرمك بالنعمه قادر يقويكي
زينب بذهول لالالا مش عايزاه مش هقدر يا امنيه وفضلت تعيط وتابعت انا خسيت وبقيت شويه لحم على عضم الواد مص جسمي ولسه مفوقتش وصوتها اترفع نسبيا وتابعت ده ابني مكملش 4 شهور يا امنيه انتي بتقوولي ايييه
امنيه بتوتر طب انا مال امي !! انا معملتش حاجه بتزعقيلي ليه يعني تهببوا المصيبه وتيجي تزعقي فيا انا ؟!!
زينب بعياط حقك عليا بس بجد عايزة حل انتي دكتوره واكيد معارفك كتير خديني عند واحده اسقط وانا والله العظيم ما هقول اي حاجه بعد ما عمر وسيف يسافروا نروح وكده كده هو هيطول في الشغل فلما يرجع اكون وقفت نزيف
امنيه بصدمه وذهول انتي بتقولي ايه !! انتي اتجننتي يا زينب !! انا مستحيل اوافقك وازاي اصلا عايزه تعملي كده من ورا جوزك !! يالهوي عليكي لالا دي شكلها هرمونات الحمل انا متخيلش ابداا ان انتي تقولي كده
زينب بعياط بالله غصب عني يا امنيه انتي مش فهماني الوضع صعب عليا جدا .. اقسم بالله مش هقدر دي مسئوليه كبيره اوي اوي بجد وانا بطولي ده انا بخاف حسام يتعب يا امنيه بقول هلف بيه مع مين اقوم اجيب عيل غيره
امنيه حضنتها وتابعت بحزن اهدي طيب وقولي يارب انما مينفعش نرفض النعمه وبعدين بذمتك ياشيخه هيهون عليكي ضناكي ؟!! ده انا لما قولت كده كنت بستفز سيف ووقت الجد جبت ورا
زينب بعياط مش هيهون بس حقيقي مش هقدر علي خلفه تاني دلوقتي لااا حقيقي وحطت ايديها على جبينها وتابعت بذهول المشكله حصل بينا حاجه بعد الحمل وطبعا منعرفش فمش واخدين بالنا وعادي مش فاهمه ازاي منزلش
امنيه ابتسمت بحزن وتابعت عادي يحبيبتي مش شرط دي اراده ربنا
عمر وسيف جم واستغربوا وقفتهم وعياط زينب فتابع عمر بخوف ايه ده مالك في ايه ???
امنيه خافت ان زينب تنفذ كلامها وتسقط من وراها فقالت تعرف عمر فتابعت مليون مبروك يا ابو حسام زوزا حامل
زينب بصتلها بتفاجئ فتابع عمر بصدمه ممزوجه بفرح بتهزري !!!
سيف فضل يضحك وتابع يخربيت اهلك هتجبيهم ورا بعض اهو بجد مليووون مبروووك يا قلب اخووكي وحضنها فهي عيطت بصمت وغمضت عينيها وطبطبت على ضهر سيف
عمر بضحك تعالى بس امسك حسام علشان احضن انا
سيف فضل يضحك وتابع وماله عد الجمايل بس وشال حسام منه
عمر ضحك بفرح وراح حضنها جامد وهو مبسوط جداا ووطي سند راسه على كتفها وهو حاضنها ودموعه نزلت وتابع بجد مش قادر اصدق اللهم لك الحمد على كرمك حقيقي احمدك واشكر فضلك يا رب وبصلها وتابع بفرح باين في عينيه ودموعه بتنزل : زينب انتي متاكده يحبيبتي ??
زينب بضيق اه حللت دم الصبح مع اسماء في المعمل اللي تحت الفندق بتاع احمد وشهد واستنيت الدكتوره اتصلت بيا وقالتلي دلوقتي والحمل لسه في اوله جداا الحمدلله
عمر استغرب طريقتها وتابع هتفرق ايه اوله من اخره مش فاهم
زينب بتنهيده ودموع تفرق كتير .. انا جوايا شويه دم مش عايزاهم فهنزلهم قبل مايبقى في روح اتحاسب عليها
سيف وعمر اتصدموا جداا فمسك عمر دراعها وتابع بعصبيه تنزلي مين ?? انتي اتجننتي ده انا اطلع عين اهلك لو فكرتي تعملي حاجه زي كده ماالك يا زينب ماتتعدلي علي المسااا في ايييه جراا لمخك حااجه ???
زينب بعصبيه ودموع ياسيدي انا اللي بيطلع عيني وانا مش عايزااه هو ايه بلعاافيه ???
عمر بعصبيه لا بمزاااجك مش بلعاافيه حصل حاجه بينا وربناا اارااد فخلاص خلصت انما شغل العبط اللي بتهري فيه ده لو اطبقت السماا على الارض مش هيحصل واللي في بطنك ميخصكيش لووحدك علشان تاخدي قرارك فيه
زينب بعياط وعصبيه يا عمررر ابوس ايديك افهمني ابنك مكملش اربع شهوور اه اللي حصل بينا بارادتي طبعاا بس معرفش هيحصل حمل
عمر بعصبيه وربنا ارااد ايه هنفكر ولا اييه وبعدين ايه اسلوبك الخراا ده وعيااطك ولا اللي مش بتحبيني وواخدك غصب مالك في ايه للدرجه دي مش طايقه عيل مني يا زينب !!!
زينب بعصبيه وعياط ياعمر متخلطش الامور انت عارف انا بحبك قد ايه بس اه مش عايزة عيال تاني دلوقتي ولو سمحت كده انا هجهض وطول مانا مش لاقيه وسيله كويسه تمنع الحمل وواثقه فيها ملكش دعوه بياا خاالص تنزل اجازه متنزلش ميخصنيش
عمر بص لسيف وتابع بعصبيه ساامع ?? سامع اختك بتقول ايه ?? علشان لما اديها قلمين يعدلوها متجيش تداافع تااني
سيف بحده بنت كلب ولا اكنك سمعت حاجه حقك عليااا انا
زينب بصت لسيف بضيق فتابع بعصبيه متخليش الواحد يتغابى عليكي بقى ايه هتحرمي الراجل من حقه كمااان مش كفايه استحمل اسلوبك الزفت وعياطك ده كمان تقوليله مش عايزة عيال منك ومش هتلمسني طول ما مش عارف ايه !! انتي مخك ضرب ولا ايه علشان افهم بس ??
امنيه بحزن يحبيبي هي مش قصدها والله هي تقصد ان مش عايزة اطفال دلوقتي علشان ابنها صغير بس خانها التعبير
سيف بحده تنقي الفاظها يا امنيه هي مش صغيره اعلمها تقول ايه وايه لا ومش كل شويه تغلط في الراجل
عمر بحده انا اللي استاهل بعيداا عن اي حاجه بقى انا اللي دلعت بزياده ده حقيقي
زينب اتنفست بعصبيه وتابعت طب ربوني من اول وجديد بعدين انا هنزله يعني هنزله علشان مترجعش تتفاجئ بس
عمر بعصبيه دي بردو بتقولي هنزله !! تنزلي مين ?? تنزلي مين يابنت الكلب يا مهزقه هو غصب عني يعني ولا ايه ورايح يمسكها سيف وقف حاجز في النص وحسام فضل يعيط معاه فامنيه جات خدته من سيف وفضلت تطبطب عليه بتحاول تهديه فتابع سيف بسرعه: بس بس عشان خاطري يعمر بس خلاص عشان خاطري وبيحاول يحجز بينهم
وزينب بتعيط فتابع عمر بعصبيه اصل عايزه تنزل مين بنت الكلب الحيوانه واللي يشوفها بمنظرها ده هيقول عليها ولا اللي حامل في الحرام
سيف بحده سيبك منها مش هتقدر تنزله حقك عليا انا دي عايزه تتربى
زينب بعياط بالله عليكم انتوا مش حاسين بيا اصلا مانا اللي طالع عين اهلي واديني ملحقتش افوق وحملت تاني وهضطر افطم حسام بدري علشان اللي في بطني وكده ابقى ظلمت ابني وظلمت نفسي بصحتي دي وظلمت اللي جاي لان مش قادره اربي اتنين وحضرتك عايش عادي ولا همك
عمري اتوجع جدا من كلامها وتابع لا في دي عندك حق شوفي لو هيريحك انك تنزليه نزليه دول حبه دم صح مالهمش لازمه
سيف غمض عينيه بوجع لانه فهم احساس عمر وتابع عمر بص يحبيبي متاخدش على زينب هي ..
عمر بمقاطعه لا لا هي مش مجنونه علشان ماخدش عليها هي بتتكلم جد وواقعيه فخلاص اصل هقول ايه
زينب بعياط وبحده : اه طلعني انا الام الشريره دلوقتي اللي عايزه تموت ابنها وانت الاب الحنين اللي مفيش منك
عمر بعصبيه هو انتي يااللي ينعل اهلك في الارض مش قولتي عايزه تتنيلي تنزليه قولت نزليه خلاص بتهري كتييير لييه
زينب رايحه تتكلم فحسام عيط بشده مع امنيه علشان عايزها وامنيه بتحاول تسكته معرفتش فتابعت بتوتر زينب معلش الواد عايزك شكله جعان
زينب بحده وعياط اهو لسه ما بدأناش وطبطبت على صدر عمر وتابعت بعياط وعصبيه اتفضل شيل عني شويه ورضعه بقى
ومشيت تدخل القاعه
عمر بذهول ارضعه !!
فسيف فضل يضحك بشده وزيه امنيه وتابع حقك ومكملش وفضل يضحك وتابع حقك عليااا والله مخها تعبان مش لسه قايلك متاخدش عليهااا
عمر بحده انت فايق تهزر يا سيف على المسا
سيف فضل يضحك وتابع اصل هقول ايه مش عارف اتجننت قسما بالله وابتسم وتابع بس حقيقي كبر دماغك ومتاخدش عليها اديك لما قولتلها نزليه اتلككت بعياط الواد وقالتلك رضعه بقى اللي هو شيل عني شويه عشان هبقى معايا اتنين فهي متقدرش تنزله ولا يهون عليها يا عمر وانت عارفها كويس
عمر بتنهيده حزينه والله تنزله ولا متنزلوش حقيقي انا مش قادر اتخانق وفيا اللي مكفيني براحتها بقى هو كده كده لسه في الاول وراح خد حسام اللي بيعيط من امنيه وفضل يطبطب عليه وتابع بس يحبيب بابا بس ينورعيني اهدي وباس خده وفضل يحاول يسكته
سيف بتنهيده حزينه وهي مش هتنزله ولا حاجه مبروك يحبيبي ومتزعلش نفسك هو شيطان ودخل بينكم وانت عارف زينب بتحبك قد ايه بس هي من حسام مبقيتش قادره وخست وتعبت اوي واحنا بردو مش بنبقى معاهم اغلبيه الوقت فا زي ماتقول شالت هم بيبي تاني انما هي بتموت فيك واكيد عايزه تخلف منك دي مفيهاش نقاش بس حقيقي الله يكون في عونها الوقت من غيرنا عليهم بيبقى صعب فاهي صح بس اسلوبها وكلامها غلط بس والله غصب عنها
عمر كان سكت حسام وحاطط ايديه على ضهره وتابع بوجع منا علشان كده بقولك تعمل اللي يريحها انا مش هاجي عليها في اي حاجه تاني يا سيف خلاص انا حقيقي معتش قادر كل خناقه بينا توريني تقصيري في حقها هي وابني
سيف حضنه وطبطب على ضهره وبصله بوجع وتابع فاهمك وانا اكتر حد فاهمك بس مينفعش تضعف كده اعتبرها هرمونات .. عصبيه زياده اي حاجه بس بجد متحطش في بالك كلامها ابوس ايدك
عمر بوجع اصل دي مش اول مره يتقالي كده احنا كل خناقه على الوضع ده
سيف ابتسم بوجع وتابع والله دي بتهري وخلاص جرب قولها نطلق كده والله تموت فيها
عمر ابتسم بوجع وتابع هي ندمتني فعلا اني اتجوزتها وبص لحسام اللي رفعله وشه ومفتح عينيه وبياكل في صباعه فشال ايديه وتابع بحب حاضر يعيوني هروح اكلك دلوقتي وبص لسيف وتنهد بعمق وتابع عارف يا سيف انا طول عمري بفهم زينب حتى من غير ماتتكلم وهي كده بس عمرها ماقدرت تفهمني في النقطه دي بالذات انا فعلا عايش عادي ولا هاممني صح
سيف بتنهيده حزينه والله متخلفه في كلامها حقك عليا راسي وعيني انت عارفها من زمان مش هقولك عليها دلوقتي بتفلت منها ساعات بس والله هبله وطيبه
عمر تنهد بوجع وتابع هتعرف ايه هي عن وجعي وانا سايبها هي وحته مني لوحدهم وماشي ومش عارف هيحصلي ايه ولاهرجع امتى حست بايه هي لما ابني عيط في حضني ومرضيش يسكت معايا لما شيلته وعايز امه علشان مستغربني ?? ساعتها حسيت بقهر عمري ماحسيته في حياتي اصل ده مش علشان طفل ووضع مؤقت وهيخلص وخلاص لاا ده انا من التجربه دي ادركت اني هفوت كتيير جداا من مراحل ابني هيعيشها مش هكون معاه فيهاا ففكره انها تحمل للمره التانيه ودماغي تشتغل في يتارا هكون جنبها ولالا ويتارا هغيب عليه اكتر من حسام ولا هبقي جنبه شويه وازاي هسيب مراتي واختي وعيالي ملهمش غيري وامشي وببقي قاعد في سينا بالي معاهم وهمي هيزيد بدل 3 يبقوا 4 بس انا مفكرتش فكل ده انا كل اللي فكرت فيه ان يااه حبيبت عمري شايله حته مني للمره التانيه بلسرعه دي ففرحت وخدتها في حضني وهي كسرتني بطريقه متخيلتهاش بس مؤخرا زينب طفت لمعه الحياه في عيني وبقيت اتوقع منها اي حاجه
امنيه بدموع وهي بردو غصب عنها يا عمر حقك عليا والله بس بجد فعلا صعبه عليها ربنا يعينها
عمر تنهد بوجع وتابع ربنا يعين الكل وانا مش رايح العب ده انا بخاطر بحياتي وبأمن حياتهم ومعيشها احلى عيشه فمش ده جزاتي يعني يا امنيه وبص لحسام وتابع بحب واضح: يقطعني يابويا كل ده سايبك جعان هروح اجبلك حالاا
سيف تنهد بعمق وتابع رايح فين متفضلش تلف هناا انا هخلي بنت الكلاب اللي جوه دي تدخل الحمام ترضعه
عمر بتنهيده لا سيبك منها دي قلبتها نكد وعياط مترضعوش بالشكل ده
امنيه انا معاك بس مش هينفع تاكله لبن صناعي يا عمر
عمر بتنهيده لا لا مش صناعي انا كنت قايل لاسماء تعمله كراويه في ببرونه وناخدها معانا احتياطي ونسينا الببرونه في العربيه فارايح اكله هناك
امنيه بابتسامه ااه تمام روح
عمر بابتسامه يلا هطلع انا وباس خد حسام ومشي بيه لبرا
فتنهدت امنيه بحزن وتابعت بجد الاتنين صعبانين عليا مش عارفه الوم مين
سيف بصلها بطرف عينيه ومردش عليها وتابع بجمود: يلا ورايا ودخل
امنيه نفخت بضيق وتابعت نكدي انت واختك ده انا وعمر لينا الجنه والله ورايحه تدخل فاقابلت واحد من صحاب احمد اسمه سامر فتابع بابتسامه ممكن سؤال من فضلك
امنيه استغربت بس كان عندها فضول تعرف عاوز ايه فتابعت: اتفضل
سامر بابتسامه هو الانسه مخطوبه ?
امنيه اتفاجئت جدا من سؤاله واتفاجئت اكتر لما لقيت سيف جيه ضربوا بالبوكس بقوه وقعه على الارض وتابع بعصبيه لا يا روح امك الانسه حامل
امنيه بخوف سيف ايه اللي انت عملته ده يانهاار اسود
سيف بعصبيه هششش مسمعش حس اهلك خاالص غوري جووه يلاا
امنيه بدموع يا سيف والله …
سيف بعصبيه انتي سمعتي انا قولت ايييه ?
فامنيه عيطت ودخلت وسامر حط ايديه على بوقه بوجع لقى في دم واتصدم من انها مراته وتابع بتوتر ووجع : انا .. انا اسف يا فندم اقسم بالله ما اعرف انها متجوزه حقك علياا
سيف بعصبيه اسف دي تصرفها عند امك انما متنفعنيش وقومه ومسكه من جاكته وضربه براسه فصرخ بوجع ورايح يكمل عليه فخرج يونس جري وتابع بخوف بس يخربيت اهلك بتعمل ايه اتجننت هتموته كدده
سيف بعصبيه اوعاا انت يا يونس علشان قسما بالله هشرب من دم اهله انهارده الوسخ واقف يعاكس مراتي ويبص عليهاا الحيووان
يونس وهو بيبعده عنه اكتر تابع حقك علياا اناا خلااص يا سيف هيموت في ايدك وربنا ..وبعدين اكيد ميعرفش امنيه خلااص سامر محترم وابن نااس
سيف بعصبيه ابن اوساخ مش ابن نااس طلماا بيحط عينيه على ست يبقي متربااش اصلاا
سامر بخوف والله العظيم ما كنت اعرف انها متجوزه انا فاكرها سنجل فكنت عايزه اخطبها يعني نيتي مش شمال والله العظيم
سيف اتعصب اكتر وتابع بعصبيه شديده: يا يووونس سبني يا يوونس ده بيقولك اخطبها ابن الكلاااب ده عاييز يشلني ويجلطنيي
يونس بص لسامر بعصبيه وتابع بحده امشي غور من قدامه علشان قسما بالله انت مستفز ولو سبته هيطلعك في صندوق
فساامر مشي بسرعه لبرا وسيف بيحاول يفلت بس يونس ماسكه جامد وتابع بعصبيه بس بقي اكبرلي يا عم مش كده
سيف بعصبيه اكبرلك ااه طب اديني كبرتلك وانت مشيته ومسبتنيش اكمل عليه متدخلش تاني بقي في اي حاجه
يونس برفعه حاجب انت تقصد ايه يالاا ??
سيف بعصبيه قصدي انت فاهمه كويس عشان بنت الجزم اللي جوه هي اللي قالتلك تطلع انت مشمتش على ضهر ايدك يعني
يونس بعصبيه يا بني ادم افهم انا طالع اعمل مكالمه فشوفتك
سيف بحده احلف بغلاوه نور واللي في بطنها كده ??
يونس غمض عينيه وتنهد بعمق وبصله وتابع سيف اعقل واكبرلي احنا رجاله مع بعض اهو متدخلش امنيه دي مراتك وكانت خايفه عليك فجات قالتلي احوش الواد من تحت ايديك اتصرفت صح ومعملتش حاجه ومتندمنيش اني صارحتك
سيف بعصبيه صارحتني مين انت جاي تستعبط علياا زيهاا بس انا عارفكم وحافظكم انتوا الاتنين عايزين تحوروا على ظابط جيش ليه عبيط اناا ولا عبيط وصبرها معاياا اللي عملالي فيها انچلينا چولي دي وكل ماتتحرك في حته يجيلها عريس
يونس فضل يضحك بشده وتابع احبسها وريح دماغك بجد علشان حواراتها كترت
سيف بحده هيحصل باذن الله ورايح يخرج لبرا فيونس مسك دراعه وتابع انا مش هنبهك تاني
سيف طبطب على ايديه وتابع مشكلتنا برا عنك خالص والله العظيم انا اصلا متخانق معاها
يونس بابتسامه طب هدي اللعب انت كام ساعه ومسافر متزعلهاش وغمز وتابع بضحك واستغل الوقت بمعني اصح
سيف بضحك سدت نفسي قسما بالله الهي يسد نفسهاا
يونس يضحك هتتفح لما تبقوا لوحدكم عادي بس انت متنكدش بس ورايح برا فين
سيف بتنهيده هكلم زينب تطلعلي عايزها في كلمتين وبيني وبينك مش قادر اكمل الفرح
يونس بستغراب ايه ده ليه كده في ايه
سيف تنهد بوجع وبص للسما بعدين بص ليونس وتابع واقفه مازن جنب احمد جات على حته واجعاني شويه
يونس غمض عينيه بوجع وتابع مش عارف مفروض اقولك ايه بس كل اللي هقولهولك انا فاهمك
سيف ابتسم بوجع وتابع اللي قاهرني اني حتي لو كنت شوفته عريس كنت هشوفه جنب حبيبتي ودموعه اتجمعت في عينيه وتابع كأن الدنيا حالفه توجعني يا بفراقه يا بكسره قلبي
يونس بوجع والله يا سيف كله قهر بس ربك اختار اللي عارفك هتقدر تستحمله واختار حسام يكمل شبابه في الجنه وعروسته من حور العين
سيف بوجع لا مش كله قهر القهر صح اللي انا عايش فيه اللي كل شويه يفكرني ان اخويا مات ودموعه نزلت وتابع القهر اني اروح اكلمه وميردش علياا زي العاده .. القهر اني احضنه وملاقيش استجابه .. القهر اني بتمني افتح قبره واخرجه دقيقه ولا ثانيه ومش عارف وولا عمره هينفع .. القهر ان واحد يجي معاك الدنيا ويشاركك كل حاجه ويمشي ويسيبك لوحدك ودموعه زادت وتابع يونس انا مكنتش باكل باكو البسكويت لوحدي كنت بقسمه معااه ..ده لما بيوحشني بفضل اقف قدام المرايا واخترع حوار واكلمه وارد على نفسي ولما اعوز احضنه بغمض واحضن نفسي وانا بحاول اقتنع انه معايا دلوقتي .. موت حسام مش هيعدي بنسبالي انا وامه واخته وابوه ورغم اني عايش وموجود جنبهم بس زينب عيطت في حضن عمر لما شافتك بترقص مع شهد .. احنا روحنا راحت ويااه وانا بلذات الحياه اطفت في عيني وحرمتني من حاجه وادتني التانيه بس كده كده كنت لازم اتقهر بس جوازه من امنيه بنسبالي اهون بكتير بس كان يعيش ويكلمني ويتصل بيا يقولي واحشتني فينك هترجع امتي عايزين نروح اسكندريه صد رد كنت اشوفه عريس جنبها ولا اشوفه في كفنه لان امنيه تتعوض اخوياا لا يا يونس مستحيل انا لحد دلوقتي مش مستوعب ولا هستوعب انه خلاص مات
يونس حضنه جامد وغمض عينيه ودموعه نزلت وفضل يطبطب عليه وسيف دموعه بتنزل بقهر وصمت في حضنه فتابع يونس بوجع حقك على عيني انا اسف لقهرك ودموعك ونبره صوتك دي بجد .. ربناا يرحمه يحبيبي ويصبرك على قد غلاوته يارب
سيف بقهر ودموع: يااارب وبص للسما وتابع يااارب
وامنيه طلعت تاني علشان تطمن فاتخضت لما لقيت سيف دموعه بتنزل لانها عارفه ده مش بسهوله يحصل فجريت عليه وتابعت بخوف ايه ده يحبيبي مالك في ايه
سيف بصلها ببعض من الحده وتابع بجمود مفيش حاجه واتفضلي خشي جوه علشان زينب طلعالي عايزها في كلمتين
يونس بوجع خليكي جنبه وانا هقول لزينب خمس دقايق وتطلع ودخل علشان يسيبهم لوحدهم
فتابعت امنيه بدموع وغلاوتي عندك تعالى وسيبك من اي خلاف وفتحت ايديها وتابعت بدموع ياسيدي نتخانق وكسر دماغي بعدين دلوقتي تعالى في حضني وقولي مالك
سيف مترددش وحضنها جامد ودموعه فضلت تنزل في حضنها فامنيه اتخضت جدا وتابعت حبيبي علشان خاطري قولي مالك في ايه
سيف همس بوجع امنيه من فضلك سبيني كده بس انا مش قادر اتكلم
امنيه بحزن حاضر يا سيف وفضلت تمشي ايديها على شعره من ورا وهي حضناه وتنهدت بعمق وتابعت حقك على عيني من كل اللي مزعلك والله
سيف خرج من حضنها ومسح دموعه وتابع متقلقيش عليا انا كويس هدخل بس انادي زينب علشان عايزها
وامنيه رايحه تتكلم بس سيف ما سابلهاش فرصه ودخل القاعه يدور بعينيه على زينب وشاف امه فتابع زينب فين ياما
نرمين بابتسامه في الحمام وجايه يحبيبي
فتنهد سيف بعمق وقعد يستناها على الترابيزه المتجمع عليها اهله وامنيه جات قعدت جنبه وهي زعلانه جدا بسبب دموعه واحمرار عينيه وبعد شويه صغيرين الكل كانوا بيلفوا حوالين احمد وشهد علشان خلاص الفرح بيخلص ودي اخر رقصه سيف قاعد بيتكلم مع جده فامنيه بصت لسيف برجاء ان يسيبها فمسك ايديها وهو قاعد وتابع بحده انا مش عايز هري كتير وجايب اخري وفيا اللي مكفيني فشدي بلاستر ومتتحركيش وعلى فكره انا هاخد زينب وهقوم وعايزك يا امنيه تتحركي شوفي هعمل فيكي ايه
امنيه بضيق مش هتنيل ريح نفسك
سيف بحده ما انا هريح هريح على الاخر بس صبرك عليا لما نروح وكان ماسك ايديها وباصص لمنصور وعمال يتكلم تاني وهي بصتله بضيق ونفخت الناحيه التانيه
—
وبعد شويه سيف كان اتكلم مع زينب وفهمها انها غلطانه في حق عمر وفهمها انه كمان حاسس بيها وبالضغوطات اللي عليها انها لازم تدعمه وتقف جنبه مش تكون سبب لوجعه وانه يشيل الهم اكتر
والفرح خلاص خلص واحمد وشهد واقفين بيسلموا بس على الناس علشان يركبوا عربيتهم ويمشوا
عند عمر في عربيته كان راكنها بعيد شويه وقاعد ماسك الببرونه وبياكل حسام اللي صحي بيعيط لتاني مره وتابع بابتسامه يخواتي يناس كل ده جوع يعني قولت هتنام للصبح تقوم تصحى تاكل تاني هي بنت الكلب دي مكانتش بتاكلك اليوم كله ولا ايه
حسام كان باصصله وساكت وحاطط ايديه على الببرونه وعمر ماسكها فعمر ابتسم وتابع ربنا يحميك ويحفظك ويديمك ليا يقلب ونورعين بابا وباس جبينه وايديه وتابع بحب سكر ياناس انا مخلف سكرر وتنهد بوجع وتابع هتوحشني وتنهد بوجع وتابع انت وماما وعمتو هتوحشوني .. صدقني يحسام بعدي عنكم غصب عني ومش بايدي ياريتني افضل جنبكم العمر كله بس انا اختارت طريق ومضطر اكمله حقك علياا يحبيبي والله حقك علياا وضمه لحضنه ودموعه نزلت بحزن
وشاف زينب بتخبط على الازاز وبصاله بحزن فداس على الزرار وتابع بجمود افتحي ومسح دموعه
زينب فتحت الباب وقعدت جنبه وتابعت بحزن ايه مجتش تاني ليه وبتعيط ليه يحبيبي
عمر بتنهيده من غير مايبصلها: لا هاجي اعمل ايه خلاص ما الفرح قرب يخلص كنت قاعد باكل الواد ومبعيطش
زينب بستغراب ماكنت تاكله جوه مفيهاش حاجه وبعدين انا شايفاك وانت بتمسح دموعك
عمر بضيق ياستي انتي هتعرفي اكتر مني !! انا قولت متنيلتش ومش عايز اشوف حد فمدخلتش تاني خلصنا بقى
زينب بدموع عمر انا اسفه
عمر بحده انتي مغلطيش علشان تعتذري وكلامك ليا ده فوقني وخلاني افكر في حاجات كتير واولهم علاقتنا اللي مؤخرا مبقيتش نافعه تاني خلاص
زينب اتوجعت من كلامه وبصتله بذهول وتابعت يعني ايه يعمر مش فاهمه
عمر بعصبيه لا انتي فاهمه كويس انا مبقتش قاادر على اسلوبك ده خلااص وكل شويه تفكريني بعجزي وقله حيلتي بعدم وجودي معاكم كاني رايح اصيف لحد ماجبت اخري منك وبقيتي وسيله للضغط عليا اكتر مش لراحتي فبجد وصلتيني لمرحله صعبه خلااص كفيااكي بقى وبما انك انتي كمان مش قاادره فهنطلق يا زينب والشقه خديها مش عايزها وفلوس الواد هتجيلك ومش هعوزه حاجه واللي في بطنك بقي انتي حره تنزليه ولا متنزليهوش انتي واللي يرضي ضميرك ونفسك كده كده انتي اللي بتربي وانا عايش عادي ولا هاممني
زينب اتصدمت جدا من كلامه واتوجعت اوي ومكانتش مصدقه ازاي عمر قال كده فدموعها نزلت بقهر وتايعت بصدمه ممزوجه بوجع عمر انت بتقول ايه ?? انت بتهزر صح ?
عمر بحده لا مبهزرش هي جابت اخرها خلاص
زينب بعصبيه ودموع: وانت مين قالك انا عايزه اطلق
عمر بعصبيه : مش لازم تقوليها بصراحه بس اسلوبك قال طبيعتك قالت احنا حياتنا مبقتش تنفع مع بعض يا زينب خلاااص حلاوه البدايات خلصت والمر اللي عايشين فيه بدا يظهر وانتي مستحملتيش وحقك انا مش هلومك فتبقي حره وتشوفي حياتك بقى مع اللي يشيل الهم مش اللي يسيبك لوحدك
زينب بعياط هستيري عمر انت بتقول ايه !! هو انت عادي بالنسبالك تطلقني بالسهوله دي !!
عمري اتوجع جدا من منظر عياطها بس مسك نفسه علشان لازم تغير من اسلوبها وتبطل توجعه بطريقتها فتابع بوجع بصوت واضح بالعافيه : مش بسهوله طبعا بس انا عايز راحتك
زينب بعياط ووجع وانت فكرك ان راحتي هتكون من غيرك ولا مع غيرك !! فكرك اني هعرف اعيش يوم واحد وانت مش جوزي ?? وعيطت اكتر وتابعت انا عمري ما حطيت في دماغي فكره الطلاق دي عشان انا ارتباطي بيك حاجه اقوى من كونها قسيمه جواز
عمر تنهد بعمق وبص للشاع من الناحيه التانيه في الشباك اللي جنبه وتابع شوفي اللي يريحك يا بنت الناس وانا هعمله
زينب مسكت دقنه ولفت وشه ليها وتابعت بعياط عمر هو انا بجد ههون عليك تطلقني !! عادي تسيب زينب كده !!
عمر بوجع عمرك ما تهوني عليا بس انت اللي وصلتينا لكده
زينب بقهر وعياط ازااي قدرت تقولها !!! ازاي قدرت تنطقها اننا ننفصل !! يعني بذمتك لو اتطلقنا وانا بقيت حره خلاص وكنت قليله اصل وعملت زي ما انت قولت وعشت حياتي هتقدر تستحمل راجل غيرك يلمسني ؟
عمر مسك دراعها جامد وتابع بعصبيه زييينب لسانك مينطقش الجمله دي تاني علشان ماقطعهولكيش انتي فااهمه
زينب حضنته وفضلت تعيط فعمر غمض عينيه بحزن فتابعت زينب بعياط هستيري : انا اسفه ياعمر والله اسفه مقصدش كل اللي انت حسيته يحبيبي بس كل اللي جيه في بالي ازاي هستحمل كل ده تاني انا حقيقي بتعب اوي فغصب عني وابنك صغير انما انت نورعيني واكيد هحب اخلف منك
عمر تنهد بوجع وطبطب على ضهرها وتابع نزليه يابابا وربنا يعوض علينا خلاص اصل حقيقي انتي اللي هتشيلي المر لوحدك
زينب بصتله بوجع وتابعت بعياط وغلاوتي عندك متبصش بالنظره دي بتموتني انا حقيقي معرفش قولتلك كده ازاي بس انا مهما اتضغطت في غيابك مقدرش اطلق منك ولا اسمي ميبقاش مربوط باسمك ده انت حبيب عمري اللي عشت اتمناه من ربنا ليل نهار وانا اللي وافقت ورضيت بالحياه دي وهفضل قد وعدي معاك وانت والله على قد ما تقدر ما بتاثرش انا اللي متخلفه في كلامي حقيقي
عمر خدها في حضنه وباس راسها وهي فضلت تعيط وتابعت حقك عليا بجد
عمر باس خدها وتابع خلاص اهدي متعيطيش حقك على عيني اني عيطك
زينب بعياط ده انت اللي حقك على عيني والله
عمر ابتسم وحط ايديه على خدها وتابع بحب لا يحبيبي انتي مغلطيش في حاجه وحقيقي كتر الف خيرك وعايزة تنزليه ننزله بس نسال شيخ الاول في الموضوع ده نقوله انه لسه في البدايه ونشوف هيقول ايه
زينب بدموع لالا انا خلاص راضيه ومش هنزله الحمدلله نعمه غيري مش لاقيها وربنا زي ماكرمني بيه هيقويني
عمر تنهد وابتسم وتابع والله يازينب انتي هتجننيني ارضيكي ازاي مش عارف
زينب بابتسامه وعينيها فيها دموع تابعت يعني بذمتك موري يسبلي حاجه غاليه زي دي وانا بدل ما احافظ عليها اموتها بايدي ?
عمر ضحك وتابع موري بردو ? ده لو موري فعلا مينفعش يسبلك خالص ميعرفش يعملها
زينب فضلت تضحك بشده فتابع عمر بضحك اضحكي اضحكي حقك ماهو انا بقيت برضع اهو وقاعد بالواد وبعدين يتقالي موري فافعلا الوضع يضحك حامل ازاي انتي بقى معرفش
زينب فضلت تضحك وتابعت لالا اخص عليك متقولش كده انا جوزي راجل وسيد الرجال وابتسمت بحزن وتابعت وحقك على عيني بجد كنت مخنوقه فدخلت وسيبتلك حسام
عمر باس جبينها وهو حاطط ايديه على خدها وتابع بحب خلاص يعمري حصل خير ولا يهمك واحد ما ياما تعبتي معاه
زينب بوجع بس كان هيهون عليك تطلقني بجد يا عمر حتى لو الامور بينا بقيت صعبه ??
عمر ابتسم بحزن وتابع كنت بعرفك اني جبت اخري من اسلوبك بصراحه انما مقدرش اطلقك .. بالله هو انا ليا غيرك ده انا بعتبرك كل اهلي حتى امي ده انا لو سبتك اتيتم يا زينب
زينب صِعب عليها اوي فعيطت وخدته في حضنها وتابعت بعياط انا اسفه والله حقك عليا بجد
عمر نيم حسام على رجله ورفع ايديه الاتنين وحضنها بكل قوته وتابع بحب بالله ما زعلان منك خلاص انتي بردو كتر الف خيرك بصراحه
زينب بصتله بحب والدموع في عينيها وسندت جبينها على جبينه وتابعت بهمس عمر
عمر بص في عينيها بحب وتابع عيون عمر
زينب بحب وهمس انت واحشتني اوي
عمر بضحك نعم وده من امتى ده انتي عيانه ولا ايه واشمعنا الحمل ده مش جاي معاكي بقرف
زينب بضحك مش عارفه بس يمكن علشان في الاول وغمضت عينيها وحضنته ولفت وشها باست رقبته فغمض عمر بتأثر وتابع لالا زينب اظبطي مش هنااا
زينب بصتله بحب وتابعت طب مانمشي
عمر بهيام وماله نمشي بس استني خلاص كلهم خارجين انتي مش سامعه الاصوات
زينب بحب ودموع هتواحشني اوي
عمر سند جبينه على جبينها وحط ايديه على خدها وتابع بوجع بالله عليكي متعصبيهاش عليا عدي الكام ساعه دول حلوين
زينب ابتسمت بحزن فمسح دموعها وتابع حقك على عيني والله
زينب ابتسمت بحزن وتابعت مش عايزاك تزعل مني هاا وقربت باسته بحب وعمر غمض وحط ايديه على ضهرها بيقربها منه اكتر وهمس مابين شفايفها مقدرش ازعل منك ده انتي نورعيني فابتسمت زينب وهو قربها اكتر وباسها بحب وسمعوا صوت حد بيخبط على الازاز فاتخضوا وبعدوا عن بعض فتابع احد الظباط بحده انزلي يحيلتها انت وهي انزلي
زينب اتصدمت ولطمت بايد واحده وتابعت بتوتر وحرج: يانهار اسود
عمر بعصبيه يانهار اسود ايه انتي التانيه هو انا شاقطك ده انا هنزل اطلع عين اهله خدي الواد
زينب شالت حسام من على رجل عمر وعمر نزل بعصبيه شديده ومسك في قميص الظابط وتابع انت بتقول ايه بقى يا روح امك
الظابط بعصبيه يا روح امي !!! ده انت هيطلع عين اهلك النهارده قسما بالله ما هتشوف النور تاني انت والكتكوته اللي معاك
عمر بعصبيه ده عند امك الكلام ده يا ررروح امك انت عبيط يالا ولا ايه دي مراتي يا زباله
الظابط بعصبيه تصدق انك عيل متربتش وانا هربيك خده يعسكري على البوكس
عمر بعصبيه ياخد مين يا حيوان انت اتهطلت في مخك على المسا ولا ايه
زينب سمعت كده خافت جدا ونزلت وتابعت بدموع ينهار اسود يا عمر ياخدوك ايه قولهم اني مراتك
عمر بعصبيه شديده : انتي ايه طلعك من العربيه غوري اتنيلي فيها متطلعيش
الظابط زق عمر بعصبيه في كتفه وتابع يلا اخلص على القسم ونبقى نشوف مراتك ولا مش مراتك هناك
عمر مسكه من قميصه وخبطه في العمود اللي وراه وتابع بعصبيه ايدك دي لو اتمدت تاني قسما بالله وغلاوه مراتي وابني هقطعهالك وهروح انا معاك بس متزعلش هناك بقى وبص لزينب وتابع بعصبيه وانتي قولت ادخلي المخرووبه فزينب عيطت وخافت جدا ودخلت العربيه تاني وعمر مشي معاه وتابع بحده في سره الله يحرقك يا زينب يوم ماربنا يهديكي عليا وتبقي رايقه من نفسك اتاخد اداب ايه ياربي الفضايح دي
عند الفرح كان احمد وشهد اتصوروا مع الناس وخلصوا سلامات وكلهم ركبوا العربيات فراحت زينب بسرعه لسيف وهي بتعيط وتابعت سيف تعالي بسرعه عايزاك
سيف بخوف ايه ده مالك في ايه
نور ويونس كانوا قريبين منها فـ نور شالت حسام علشان زينب منهاره عياط وتابعت بخوف بس بس ماالك يا زينب في ايه
زينب بعياط عمر اتقبض عليه
سيف اتصدم بشده وتابع بحده نعمم اتقبض عليه ازااي يعني انتي اتجننتي !!
امنيه بخوف يانهار اسود انتي بتقولي اييه
يونس بصدمه ايه الهبل ده مين قدر يعمل كده ولييه
زينب بحرج وعياط هو بصراحه. . ولعبت في ايديها بتوتر وتابعت اووف يعني .. ونفخت وتابعت مش عارفه اقول ايه بس ..
سيف بعصبيه يا زينب اخلصيي وقولي حصل اييه الكلام ده لو وصل للقائد فيهاا محاكمه دي مصيبه سوداا على دماغ اللي خلفوكم
زينب بعياط وحرج : هو ظابط اداب افهم انت بقي متقرفنيش
نور فضلت تضحك هي وامنيه بشده وحطت ايديها على بوقها فضحك يونس وتابع انتوا عملتوا ايه بالظبط علشان انا دماغي جابت 100 سناريو دلوقتي
زينب بحرج لالا بجد بلاش قله ادب متفكروش غلط هو باسني بس
يونس فضل يضحك وتابع لا شريفه وبنت ناس يا غاليه
سيف بصدمه في الشارع يا زينب !! واتعصب وتابع خلاص مش قادر يمسك نفسه تروحوا ام البيت ??
زينب بدموع وحرج : انا السبب بصراحه مش هو
سيف بعصبيه مش هتفرق ياختي اللي يفرق دلوقتي ان نقيب في الجيش المصري اتاااخد اداب وراح القسم انتي فاهمه جوزك هيحصله ايه لو الكلام ده وصللل علشان الدلع والمرقعه اللي انتوا فيهاا !!
زينب بعيااط والله يا سيف اهو اللي حصل متقعدش تقطمني بقى ده حلالي هو عيب
سيف ضرب كف في كف وتابع بعصبيه استغر الله العظيم يارب شوف البت البجحه اقولها ايه تقولي اييه ياستي حلالك بس مش في الشارع ايه شغل الكلاب القطط ده !!
كلهم فضلوا يضحكوا بشده فتابعت زينب بحرج والله انا اللي استاهل اني قولتلك بس ماليش غيرك فالمهم روح خرج جوزي واتلم علشان فرد في صدره اوي قدام الظابط واتعصب عليه
سيف بعصبيه ماحقه يتعصب ده الظابط فاكرك واحده شمال عمر ماشي معاها اي راجل مش هيستحمل كده على مراته وهيتعصب بس مش اي راجل هيحضن ويبوس مراته في الشارع ده انا هطلع عين اهله انهارده ابن الكلاب ومشي
يونس بقلق استني يابني جاي معااك ومشيوا
امنيه بضحك لبستي الراجل اداب يا قادره
زينب بضحك من بين دموعها اسكتي بجد يا امنيه الواحد محرج اوي ده هيجي يكسر عضمي
نور بضحك ليه ياختي هو ذنبك انتي اياك
زينب بهمس وحرج بصراحه اه انا اللي بوسته اصلا
نور فضلت تضحك هي وامنيه بشده فتابعت نور وياااقاادره يوم ماتعمليها تعمليها في الشارع والقسم مفيش خطوتين من هنا
زينب بصدمه بتهزري هو القسم قريب من هنا
نور بضحك اخر الشارع ياختي علشان كده الظباط رايحه جايه
زينب نفخت بتوتر وتابعت يارب استر بجد مش عايزه يحصله مشاكل في شغله
نور بتنهيده اهدي خير باذن الله
—-
في عربيه احمد وشهد كانوا مروحين وشهد كانت تعبت من كتر الرقص فنامت على كتف احمد واحمد مش واخد باله وبيتكلم مع مازن لانه بيسوق عربيتهم وياسمين جنبه وزين في حضنها
احمد بضحك لالا متهزرش وربنا مشي بسبب كده ??
مازن بضحك معرفش انا يونس اللي قالي انه سيف اداله علقه علشان عاكس امنيه وكان بيسالها مخطوبه ولالا فمشي بعد مايونس مسك سيف من انه يضربه بالله صعب عليا ده تلاقي وشه ورم
احمد فضل يضحك وتابع يا ابن الكلب يا سامر لما اشوف خلقتك ملقتش الا امنيه
ياسمين بضحك والمشكله سامر محترم فمستغربه ازاي عمل كده
مازن بصلها وتابع برفعه حاجب وهي الهانم عرفت منين انه محترم ??
ياسمين بضحك مالك يا مازن ما بيشوفني لما بنزل وهو مستني احمد تحت البيت فبيحط عينيه في الارض وكذا مره تحصل مش مره فاستغربت دلوقتي بصراحه لما بص لامنيه
مازن تنهد بعمق وبص للطريق وسكت ففضل احمد يضحك وتابع اسكتي يا ياسمين مش ناقصين نكد بينكم انتوا كمان
ياسمين بضحك اتخرست علشان حسيتها والله
مازن بتنهيده لا انا مستغرب انك مركزه مع صحاب احمد وعارفاه بس
ياسمين بضحك يحبيبي بيجيله كتير انما مش تركيز مالك يا مازن في ايه
مازن بضيق خلاص ياياسمين قفلي محترم مش محترم لنفسه وبالله سيف ده راجل علشان ضربه
احمد وياسمين فضلوا يضحكوا فتابع احمد بضحك دلوقتي يستاهل يعني
مازن بضحك اه يستاهل وصحي مراتك دي علشان متتفضحش في القوصيه كلها وانتوا طالعين لو شلتها نايمه
احمد بصدمه بتهزر مين اللي نايمه وبص على شهد لقاها غرقانه في النوم فتابع بذهول نهارك اسود يا شهد وانا اقول مش سامع حسها ليه
ياسمين بضحك خربتها تنطيط في الفرح ففرهدت حقها تنام
احمد بضحك وانا مين يشوف حقي اما هي تنام روح الهي يحرق دمها زي ماحرقت دمي
مازن بضحك بكره يحيوان مش هتطير خلاص
ياسمين بضحك الله يرحم .. انت بالذات تسكت خالص علشان كان علي عينك وانا بطردك من الاوضه يوم فرحنا ودمك اتحرق
احمد فضل يضحك بشده وتابع ايه ده يكبير وغمز وتابع عيب في حقك دي
مازن بضحك دي بنت كلب سيبك منها العبره في النهايه شايله ابني على ايديها اهو مش مهم تتاخر المهم لما تعود تعود بقوه
احمد فضل يضحك وتابع القدوه اقسم بالله
مازن بضحك عيب عليك بس انا رجعت في كلامي صحيها بقى علشان دمك ميتحرقش زي اخوك في يوم زي ده
احمد بضحك انا مش عارف انا عيال عز مستقصدينا ليه انتي يابت وفضل يهز فيها براحه وتابع بهمس شهد .. قومي يابابا قربنا نوصل .. انتي يابت وباس جبينها وطبطب على خدها برفق ففتحت ببطئ واتخضت وصوتت لما لقيته في وشها
فتابع مازن بخوف ايه في ايه يخربيت ابوكي
شهد حطت ايديها على صدرها اللي بيعلو ويهبط وتابعت بخوف يخربيتك يا احمد نسيت اننا اتجوزنا وبقول ايه جابه اوضتي ده وجيه في بالي انك عملت فيا حاجه غلط وبتصحيني بعدها
احمد بصلها بذهول وياسمين ومازن فضلوا يضحكوا بشده لدرجه عينيهم دمعت فتابع احمد: عملت فيكي حاجه غلط !! غلط مين ده انا دافع دم قلبي في ام الجوازه دي علشان اعمل براحتي وفي الاخر يتقالي غلط !!
شهد بخوف انت بتوترني ليه هاا مش بسهوله اتقبل انك بقيت جوزي على فكره وحطت ايديها علي باب العربيه وتابعت بص لو محترمتش نفسك هنط
احمد بضحك استني بس متنتحريش وفهميني اوضتك ايه وهبل ايه وصحيتك بعدها ايه لييه جاموسه ناايمه مش هتحسي ?
شهد بخوف يمكن حطتلي منوم هو حد بيتضمن دلوقتي ?
مازن فضل يضحك وتابع ربنا معاك يا غالي هدعيلك الليل كله ربنا ينصرك اه والله
ياسمين فضلت تضحك فتابع احمد بضحك: حلو كده بتضحيكهم علينا ? وبعدين منوم ايه اللي احطه انتي عبيطه ولا ايه مخك عمل السناريو ده كله في الثانتين دول
ياسمين بضحك بتحصل فعلا من التعب وقله النوم
احمد بضحك قله نوم ايه دي جاموسه ونامت امبارح كتير عكسي انا معرفتش انام وغمز وتابع بس متقلقيش يا مزتي انا عايزك صاحيه
شهد بدموع يارب اموت دلوقتي يارب
كلهم فضلوا يضحكوا واحمد ضرب كف في كف بذهول وتابع بضحك بت انتي هبله !! يخربيت ابوكي بجد لا يابابا بعيد الشر عنك متقوليش كده وخدها في حضنه وبقي يبوس راسها ويطبطب عليها
مازن بضحك لالا ده انت لو واكل مال يتاما مكنش هيحصل فيك كده ادي اخره الشقاوه وكلام مع البنات زمان
احمد بضحك منا بتربى دلوقي حسيت وربنا من بدري
فمازن فضل يضحك وشويه ووصلوا والعربيات وراهم بتذمر بفرح وزينب وامنيه ونور واسماء كانوا مع بعض في عربيه عمر واسماء اللي بتسوق وزينب حكتلها وكانوا قلقانين جدا واسماء عماله تعيط
فتابعت زينب بدموع بالله عليكي اهدي هيطلع ياهبله ده جوزي متخافيش
اسماء بعياط وربنا هموت من خوفي ده لو الجيش عرف هيتبهدل ويتحاكم
امنيه بتوتر خير باذن الله عايزين نسال ياسمين في الموضوع ده
نور بتوتر ايووه صح ياسمين محاميه تعالوا نسالها لما نطلع انزلوا بس
ونزلوا وكان الكل بيزغرط حوالين شهد واحمد وعايده جات ادتهم اللبن وشربوه وبعدين احمد وطى وشال شهد بين ايديه وكلهم زغرطوا بفرح وهي ابتسمتله وبصت بعينيها تدور على يونس ملقيتهوش فبصت لنور بمعنى فين فهمستلها وشاورت انه بيجيب حاجه فزعلت انها مشافتوش وهي طالعه يطمنها وتنهدت بحزن فبصلها احمد ودخل البيت وامه قدامه علشان تفتحلهم الشقه وتابع بهمس مالك في ايه
شهد بصتله بحب وتابعت مفيش يعيوني
احمد بتنهيده وهو طالع السلالم تابع شهد انتي مبسوطه ؟
شهد بدموع فرح هطير من فرحتي مش مبسوطه بس
احمد بتنهيده اومال انا ليه مش شايف كده
شهد بتفهم : علشان الحب عند الراجل 90% بيصاحبه الموضوع اللي انت عارفه عكس البنت الحب عندها 90% مشاعر عاطفيه عادي فانت لما بتشوفني مش ملهوفه عليك زي ما انت ملهوف عليا بتحس اني مش بحبك انما دي مش الحقيقه والله العظيم ده انت حب عمري
احمد ابتسم ودخل شقتهم لان امه فتحت وتابعت جبتيها صح كده ازاي
شهد بضحك عيب عليك انا اعجبك اوي
احمد باس خدها بحب وتابع لو مكنتيش عجبتيني مكنتش حبيتك واتجوزتك
شهد ابتسمتله بحب فتابعت عايده بفرح يلا يعمري هروح انا علشان احضرلكم العشا تتهنوا بعض يارب مبرووك يحبايب قلبي
احمد بحب الله يبارك فيكي يا غاليه خدي الباب في ايدك
عايده بحب من عيني يحبيبي ومش هوصيك عليها دي بنتي زيها زيك بالظبط
احمد بحب في عيني والله متخافيش
عايده بحب تسلم عينيك ينورعيني يلا هروح انا وخرجت وقفلت باب الشقه فتابع احمد بحب بقينا لوحدنا انتي مصدقه !
شهد بتوتر بحاول مركزش في الحقيقه اللي انت حطيتها في وشي دي
احمد دخل اوضتهم وتايع بتنهيده بردو يا شهد
شهد بتوتر مش بايدي والله انا متوتره اوفر
احمد مال بيها يحطها على السرير فتابعت بخوف لالا احمد انت بتعمل ايه
احمد بصلها بذهول وتابع ياشهد بحطك على السرير ياشهد في ايه ينعل اهلك في الارض صحيح
شهد بضحك انت بتشتمني يا احمد علشان قله الادب !
احمد بضحك ياست بلا قله ادب بلا زفت ده الواحد كاتب زي مش كاتب منشفاها على الاخر ومعملتش حاجه وتقولي بتعمل ايه هو اانا لسه اتنيلت
شهد بضحك طب بطل قله ادب
احمد بغمز بالله مش عايز غيرها
شهد بتوتر هي ايه دي هاا
احمد نفخ وتابع بضيق بقولك ايه نامي ورايح يخرج فتابعت لالا يا احمد حقك عليا وقامت من على السرير مسكت دراعه وتابعت هو ده كلامك ليا يعني
احمد بابتسامه خلاص يحبيبتي هو فعلا مينفعش وانتي مرعوبه كده انتي مش رايحه تهربي يعني فخلاص الايام جايه كتير
شهد بحزن لالا انهارده علشان عايزة اخلص واشيل الهم ده من على قلبي بس بالله عليك ماتوترني
احمد بذهول هم !! وضحك وتابع ده بالله عليا انا .. انا راجل مهزق اني كملت في الجوازه دي ورمى جاكته على جنب وبقى يفك زراير قميصه فشهد اتوترت ورجعت لورا شويه وتابعت انت بتعمل ايه هاا ?
احمد بابتسامه هخلصك من الهم علشان متقعديش شيلاه على قلبك
شهد بتوتر لالا خلاص رجعت في كلامي افتكر كده بقى انت قولتلي ايه امبارح
احمد بضحك مش فاكر حاجه كل يوم هو بدايه جديد فمتحاسبنيش على كلام امبارح انا شخصيتي اختلفت انهارده يستي
شهد بضحك خلاص افكرك انا قولتلي نأجل دخلتنا
احمد رمي قميصه وبقى عاري الصدر وشدها ليه وتابع رجعت في كلامي زيك بالظبط شوفتي جوز عيال واتجوزوا
شهد بصت عليه بتوتر وحرج من شكله قدامها وتابعت بالله دقات قلبي سمعاها من هنا
احمد بحب ده علشان انا احمد مش علشان انتي خايفه
شهد بابتسامه ليه وفرقت ايه ها
احمد باسها جنب شفايفها فغمضت عينيها واحمد بصلها وتابع حبيب عمرك مش انتي لسه قايله ؟
شهد بتوتر اه بس انا متوتره اوفر بجد
احمد بضحك هتهدي لسه بدري انا بوستك بس اهو
شهد بابتسامه بالله عادي موافقه لو ده طموحك انا راضيه وننام وكل يوم حاجه
احمد بضحك كل يوم حاجه ايه انا كده منا مانخلف هكون وصلت سن المعااش مينفعش يابابا الكلام ده
شهد بتوتر نهار ابوك اسود هما كتير اوي كده
احمد بضحك وغمز نبقى نعد ولو اتلغبطنا نعيد من الاول معنديش مانع
شهد بتوتر لااا وانا معنديش صحه يا غاالي
احمد فضل يضحك وتابع شهد متستعبطيش بجد اومال مين هيرقصلي
شهد بتوتر ارقص لمين يعنيا هو انت فاكر انك متجوز صافينار ولا ايه
احمد بحب بالله انتي احلى دي كلها فيك انما انا مراتي اصلي
شهد برفعه حاجب وانت عرفت منين ؟
احمد حط ايديه على وسطها وشدها عليه اكتر وتابع بضحك يابت مانتي قريبه مني اهو وباين انك مش فيك انا حاسس
شهد بحرج يخربيت اهلك اتربى واتعصبت وتابعت وبعدين انا اقصد خرا دي انت عرفت منين انها فيك شدتها عليك وحطيت ايديك عليها هي كمان ؟
احمد فضل يضحك وتابع اه ده نوع من انواع النكد يعني بس متخافيش مش هقع فيه مازن محذرني انا قولت كده يحبيبي علشان خاطر كل الرقاصات بيعملوا كده انما انا متجوز بنت ناس
شهد برفعه حاجب اممم قولتلي طب اوعا ايديك دي كده واتلم
احمد بضحك هوعاا بس ترقصي ولا هو حلو الرقص في البرنده مع نور وفي القاعه ومترقصيش لجوزك حلالك
شهد بتوتر عينيا حاضر بس مش انهارده
احمد بضحك خلاص انتي حره نخش في الموضوع علطول
شهد بتوتر لا مواضيع ايه هرقص بس هرقص وننام
احمد بضحك مفيش منه الكلام ده انا اتنازل عن الرقص مؤقتا ومش هتنازل عن الموضوع
شهد اتوترت اوي ودقات قلبها عليت وتابعت اه ياسافل ياقليل الادب وانا اللي فكرتك متربي
احمد بضحك انا متربتش طول عمري وانتي عارفه فمتمثليش
شهد بتوتر طب والله لصوت والم عليك البلد البس بقى
احمد بضحك وفكرك حد هيجي ؟ انا مش عايز اقولك هيتقاال ايه علشان وشك ميحمرش دلوقتي
شهد فهمت وتابعت بحرج شديد: يخربيت اهلك طلقني يا احمد احنا في بينا تفاوت في التربيه مش طبيعي انا بنت ناس يابابا انت بتقولي اييه
احمد فضل يضحك وتابع هو انا لسه اتجوزت اتجوز بعدين اطلق ولا انتي عايزه الناس تاكل وشي وتطلقي بنت
شهد بحرج يانهارك اسود انهارده انت شارب ايه ولا مبلبع ايه يخربيت الجرأه اللي انت فيهاا
احمد وطى باس رقبتها بحب فغمضت بتوتر وتابع بحب وهمس مراتي بقى يا شهوده خلاص بقينا واحد لازمته ايه احط في جوايا واسكت يعني
شهد بتوتر لا ازاي متحطش حاجه جواك يحبيبي
احمد بصلها بحب وتابع مش عايز جنان هاا لو لقيتي نفسك خايفه مش هكمل
شهد برعب انت هتعمل ايه ?
احمد فضل يضحك وتابع قسما بالله كل شويه تقولي كده ومبتنيلش اعمل حاجه دي حاجه بسيطه بس علشان امي هتخبط عيب منفتحش يقولوا علينا ايه
شهد بتوتر اه فكر في شكلي برافو عليك
احمد بضحك مانا حاليا بفكر في شكلك علشان هتتفهم اوي لو مفتحتش الباب احنا بنعمل ايه انما بعد كده لما ناخد الاكل فكري انتي في شكلي بقى
شهد بتوتر عادي لو حد سالك قول الحمد لله وخلاص
احمد بضحك طب وده ينفع يرضيكي اكدب في اول حياتنا الزوجيه ?
شهد شهقت وتابعت لا يحبيبي مبتغلطش خالص ربنا يحميك
احمد بضحك اه الحمدلله كله حلال اهو واخرسي بقى شويه هو بوقك ده مبيفصلش
شهد برفعه حاجب اه مش هيفضل واللي عندك اعمله و
احمد بمقاطعه عندي كتير وقرب باسها بحب وعمق وشهد غمضت عينيها بتوتر وانكشمت جدا وواحده واحده بقيت بتتفرد وهي مغمضه واطمنت نوعا ماا وثواني واحمد بعد عنها فخدت نفسها بسرعه وهي حاطه ايديها على صدرها اللي بيعلو ويهبط وتابعت يالهوي يا احمد كنت هتموتني
احمد بصلها بذهول وتابع بضحك من بوسه !! شهد هو انتي بتتكلمي جد ولا بتحبي تحرقي دمي
شهد بضحك بتكلم جد طبعا
احمد بضحك طب غوري من قدامي اتوضي وغطي شعرك وتعالي علشان نصلي وانا هتوضي برا لان انتي حرقتي دمي
شهد بضحك حاضر وراحت اتوضت ولبست حجاب فوق الفستان التاني اللي روحت بيه واحمد زيها وصلي بيها وقرا قران وداعي ان حياتهم تكون مليانه تفاهم وفرح وحط ايديه على راسها وهي بصاله وبتبتسم بحب والدموع متجمعه في عينيها وشكرت ربنا كتير في سرها انه وصلها لانها تكون مع حبيبها في بيت واحد فقام احمد وتابع بحب حرما
شهد بحب جمعا ينورعيني وقلعت الطرحه تاني فتابع احمد طب انا هاخد هدومي ورايح اخد شاور واغير ها
شهد بحب ماشي روح وانا كمان هعمل كده
وبالفعل احمد خرج بس امه خبطت فاراح فتحلها ونسي انه قالع قميصه فبصتله بذهول وتابعت طب استني كل يابويا تسند روحك
احمد استوعب بعدين فضل يضحك وتابع ياست الكل انا حران مالك في ايه مفيش حاجه والله العظيم
عايده بضحك خلاص ماشي يحبيبي الف مبروك يعمري ربنا يسعدكم
احمد بحب الله يبارك فيكي يحبيبتي
ودخلت عايده شقتها وهو قفل وراح ياخد شاور وبعد شويه خرج وهو لابس بنطلون بيتي وعاري الصدر وبينشف شعره بالفوطه ودخل اوضتهم اتفاجئ ان شهد نايمه شعرها مفرود وراها ولابسه بيجامه ربع كم وبرموده بس ضيقه عليها بالظبط وشيك اوي فتنهد بعمق وابتسم على شكلها وهي نايمه وراح قعد جنبها ومشى ايديه على شعرها بحنان ووطى باس راسها وشغل التكييف وجاب مفرش خفيف غطاها وسرح شعره ورش برفيوم وطفى النور عليها وخرج وشغل الشاشه وقعد قدامها
—
تحت في شقه الجد البنات كانوا متجمعين في البلكونه والباقي منهم اللي طلع ومنهم اللي قاعد برا
فتابعت نور بتوتر يونس بعتلي ان عمر قاعد في المكتب والظابط اللي قبض عليه حد عنده عمل حادثه فمشي وهيطول شويه ومش راضيين يدخلوهم يشوفوه في غياب الظابط وسيف مسك فيه ويونس هداه بلعافيه
اسماء بدموع اصل ازاي يمنعوا سيف يدخله ده ظاابط
امنيه بتوتر لا لا دي مينفعش الامين اللي واقف ده بيتأمر لو سيف دخل اه محدش هيقدر يتكلم بس الراجل الغلبان ده هيتجازى فجوزي غلطان مفروض يستني وميكسرش القانون خلاص اطمنا ان عمر في المكتب ولسه متكتبش ضده اي حاجه
زينب بدموع انا اعصابي تعبت هي مرات اخوكي فين كل ده
نور بدموع قالتلي نازله والله بس مازن عايز ياكل فبتحطله الاكل اهدي وهاتي الواد من على دراعك انتي بتتنفضي
زينب قعدت على الكرسي اللي في البلكونه لانها كبيره وواسعه وشايله كراسي وترابيزه وتابعت: بدموع انا السبب بالله لو اتحاكم مش هسامح نفسي
امنيه بحزن يا زينب اهدي يحبيبتي مش كده
زينب بذهول جوزي انا يتاخد اداب يا امنيه دي مصيبه
اسماء بدموع بالله عليكي ماتوتريني اكتر بقي
ودخلت ياسمين وتابعت بخوف ايه ده في ايه مالكم
زينب بحرج ودموع انا مش هتكلم قولوا انتوا
امنيه نفخت بضيق وتابعت ياستي هو ده وقته كسوف وبصت لياسمين وتابعت بصي يا بنتي زينب و
زينب بحرج هششش وطي صوت اهلك يخربيتك ابويا براا
اسماء بضيق وفيها ايه متعصبيناش هو انتي حسام ده جيباه ازاي وابوكي عارف ولالا ?
زينب بضحك بين دموعها يحيوانه مينفعش يسمع بردو ده ابويا
امنيه بضيق المهم اخرسي بصي يا ياسمين وهمست وتابعت زينب عمر باسها في عربيته تمام
ياسمين بضحك تمام مايبوس هو عيب ولا ايه
امنيه فضلت تضحك وتابعت احنا بنكلم مين دي اكتر واحده مبتتكسفش فينا
نور بضحك ماعلشان كده هي الشخص الصح اللي نساله من غير كسوف
امنيه بضحك اه والله على رايك المهم يا سمسمه في ظابط اداب شافه وخدوا على القسم فكده ايه الوضع
ياسمين بذهول وضحك اييه بتقولي ايه وحطت ايديها على بوقها وفضلت تضحك بشده وتابعت يخربيت اهلكم يا زينب هي وصلت لاداب
زينب بدموع بالله انا متربتش اني اتكلمت مايتحاكم بحترام بدل منا فضحت نفسي كده
ياسمين فضلت تضحك وتابعت لالا خلاص هقولك الحل بس معاكي بطاقتك وصوره من القسيمه ?
زينب بدموع معايا بطاقتي اه بس القسيمه ليه همشي بيها ليه اصلا وانا ايش عرفني ان انا هتمسك اداب انا وجوزي
كلهم فضلوا يضحكوا بشده فتابعت ياسمين بضحك مش قادره همووت والله الجمله مش راكبه المهم افتكري مصوراها على الفون اي حاجه
زينب بتذكر تقريبا اه صورتها عندي وبعتها لسيف علشان يوريها للقائد بتاعه يدي عمر اجازه الفرح
ياسمين ضحك طب شوفيها ياختي وهطلع اقول لمازن واخدك ونروح القسم وهنعوز القائد المباشر ليه بس الحمد لله ان هو سيف فكده يلا بينا وانا هتصرف هناك
زينب لطمت وتابعت بحرج يخرب بيت ابوكي مازن ايه ده انا قلت لاخويا وكنت هموت من الاحراج تقومي تقوليلي كمان مازن
ياسمين بضحك اخوكي الكبير برده ايه الجديد الله يرحم ايام ما كنتي بتلفي وتاخدي منه المصروف يا بت
زينب بضحك حصل انا كنت بقلبه اول بأول وهو وقف جنبي ساعه اسر وغيره وغيره وعارفه ان هو اخويا والله بس محرجه
ياسمين بضحك لا متتحرجيش ده جوزك يلا انزليلي وهطلع اجيبه وجيالك
امنيه بتوتر خير يحبيبتي باذن الله اسمعي كلامها وربك يسترها
اسماء بدموع انا هاجي معاكم
ياسمين طب يلا انجزوا
وبالفعل ياسمين قالت لمازن وجهزت وامنيه ونور قعدوا مع بعض في شقه امنيه
ونزل مازن وبص لزينب وتابع بحده حبكت يعني في العربيه
زينب بصت للارض بحرج وتابعت اهو اللي حصل بقى يووه هو كلكم عليا انا
مازن بحده انتي وهو مش انتي بس علشان ده ظابط جيش حركه زي دي تعملوا قلق هناك
زينب بدموع والله ماكنا نعرف كل ده هيحصل
مازن بتنهيده خلاص اهدي ربنا يسترها وحقك عليا يبابا متزعليش انا والله خايف عليه انما ده جوزك وحلالك
زينب بدموع مزعلتش انت صح
وركبوا عربيه مازن فتابعت ياسمين بضحك وادي الكام الساعه اللي فاضلين للراجل بدل مايقضيهم في حضن مراته قاعد مع العساكر
زينب بضحك من بين دموعها وايه الجديد ما بيقعد مع العساكر اكتر مني
ياسمين بضحك والله انتي بارده بس الساعه لسه 11 نحمد ربنا في وقت هيمشوا 5
زينب بتنهيده بالله عايزه اقولك اعصابي تعبت ومش فايقه لاي حاجه وكنت منكده معاه علشان انا طلعت حامل وحاجه زي الفل
اسماء بذهول وضحك بتهزري يعني طلعتي حامل بجد ?
زينب بضحك اه ياختي
مازن فضل يضحك وتابع يخرب بيت اهلك مبتضيعوش وقت كده
زينب بضحك انا مالي هو اللي مترباش
ياسمين بصدمه وضحك لالا بجد انا مش مصدقه طب انا اعيطلك ولا اقولك الف مبروك
زينب لا دي ولا دي تغطيني وتصوتي عليا
كلهم فضلوا يضحكوا فتابعت ياسمين بضحك لالا يعمري الف بعد الشر عنك هي صدمه بصراحه بس الله يعينك بقى
زينب بتنهيده يارب بجد
في القسم كان سيف ويونس واقفين قدام الباب
فتابع سيف بحده هو ام الظابط ده هيجي امتى علشان نفهم بس ?
الامين يافندم انا معرفش انا عندي اوامر بنفذها
سيف بعصبيه اوامر ايه وزفت ايه ده انت هيطلع عين اهلكم اللي حابسينه جوه ده ظابط جيش وكان مع مراته هو اي استعباط علشان تشتغلوا وخلاص ينعل ام دي بلد الواحد بيخاطر بنفسه علشان يحميها ودول بيرموا بلاهم على الناس علشان يشتغلوا
يونس بتنهيده اهدى ياسيف مش كده
سيف بعصبيه اصل مش كده يا يونس الراجل مفروض ياكل وينام ورانا ام سفرر
الامين اتوتر ان كلام سيف يطلع صح والظابط جيه وتابع برفعه حاجب خير عايزين مين
سيف بعصبيه عايز رئيسك المبااشر علشان اللي حصل ده مش هسامح فيه مهما حصل
الظابط فتح المكتب وتابع بضحك وهو بيقعد ليه يغالي مين انت وهو بقى ؟ اصله قال جمله شبه دي وهروح معاك بس متزعلش هناك ومش عارف ايه
سيف بعصبيه لا ماهو هيزعلك فعلاا لما تقبض على نقيب في القوات المسلحه وتتهمه بتهمه فعل فاضح في الطريق العام وهو مع مرااته تبقى فعلاا لازم تزعل
عمر بعصبيه قسما بالله ماهعيديهاله علشان المرمطه دي وانا مع مراتي ده شايفها شايله الواد اصل مأجرينه ده علشان نتقابل واقعد معاها في العربيه واحنا صحاب بقولك ايه انت ملكش كلام معاايا انا بطالب الشرطه العسكريه تيجي تكلمني
سيف بصله بصدمه لان كده العميد هيعرف وتابع بحده ممكن تخرس ومسمعش حسكك اناا قائدك المبااشر واحل مكان الشرطه العسكريه واديني بتصرف اخرس خالص
عمر بعصبيه اصل هو مالوش ان يتدخل في اي شؤون قانونيه تخصنا وانت عارف كده كويس
سيف بحده عارف وبقولك انا زفت القائد بتاعك فقانوني انا اتصرف عاادي
الظابط بضحك لا يجدع يعني انت نقيب قوات مسلحه بجد وشغالين تعملوا حوار ومصدقينه طب انا ابويا اللواء بقولك ايه سيبك من الكلام الفاضي ده يمكن فعلا مش ابنكم اضمن منين انا ? انا شوفت اتنين بيعملوا حاجه غلط مسكتش ده دوري
سيف بضحك لا ياراجل عايز تفهمني انك مش قاصد علشان خاطر تشغل القسم شويه وخلاص بس حظك بقى جات مع عمر بيه وبعدين هو اللواء عبد العزيز يبقى ابوك طب ازاي عمري ماشوفتك لما بروح هناك
الظابط اتعدل في قعدته وتابع بتوتر بتروح فين لمؤاخذه
سيف طلع بطاقته وحطها قدامه وتابع بحده سيف الرفاعي رائد في القوات المسلحه وانا قائد عمر بيه المباشر وبطلب بلادب انك تسيبه علشان قسما بالله ثانيه كمان وهتزعل فعلا
الظابط اتوتر وقام وقف وتابع نورت يا فندم بس حضرته كان بيعمل حاجه غلط ولا دي فيها تحيز ?
عمر بعصبيه تحيز مين يا ابن الكلاب بقولك مرااتي
الظابط بتوتر اه طبعا ولو مش مراتك عيش يباشا وهقطع الاجرائات القانونيه دي عادي
سيف بعصبيه لا طبعا هنثبت انها مراته وهنخرجه لان اختي اللي كانت معاه وانا مسمحش يتقال عنها كده وهقدر انك خريج جديد ومش فاهم وبتغلط
الظابط بتوتر اختك كمان وهمس بتوتر يانهار ازرق عليا وعلى سنيني السودا
والباب خبط ودخل الامين وتابع المحاميه ياسمين الرفاعي برا يا فندم جايه حاضره للمتهم
عمر بعصبيه متهم مين ? متهم مين يحيوان ورايح يضربه فمسكه سيف وتابع بعصبيه ممكن تخرس خالص ومسمعش حسك
عمر بعصبيه انت مش سامع بيقول ايه
سيف بعصبيه اصل هيقول ايه فعلا انت شايف انت واقف فين يا حضره الظابط يا محترم
عمر سكت بعصبيه والظابط تابع للامين بتوتر خليها تدخل
فدخلوا كلهم وزينب واسماء جريوا على عمر حضنوه وهما بيعيطوا فتابع بقلق بس بس مفيش حاجه اهدوا وباس راسهم وضمهم ليه
زينب بعياط حقك عليا والنبي انا اسفه
عمر ضمها ليه اكتر وباس راسها بعمق وتابع بحب بس يعبيطه اياكي تقولي كده تاني انتي معملتيش حاجه غلط
اسماء بعياط عمر يلا نمشي والنبي ابوس ايدك
عمر طبطب عليها وحضنها جامد وتابع هنمشي والله حاضر
فتابعت ياسمين بتنهيده حضرتك انا ياسمين الرفاعي محاميه وادي الكارنيه بتاعي اهو وحاضره علشان عمر بيه يخرج
الظابط بتوتر طبعا يافندم اتفضلي
ياسمين بتنهيده مبدائيا اللي حصل فيه تسرع وتهور كبير جدا من حضرتك لان مفيش قانون بينص ان لو راجل تعدي الحدود شويه مع مراته باللمس انه يتقبض عليه والحوارت دي كلها اول حاجه مفروض كنت تسال على البطايق وعموما انا مش جايه اعرف حضرتك شغلك انا جايه انبهك لبعد كده خصوصا المره دي انت جبتها في نقيب في القوات المسلحه واحد زي ده بيضحي بنص عمره علشان احنا هنا نعيش بامان ويوم ما ينزل كام يوم اجازه نمرمطه ونجيبه الاقسام علشان ناكل عيش ؟! فده مينفعش بصراحه وادي بطاقه مدام زينب ومكتوب في ضهرها انها متزوجه من عمر عزيز الهواري وبصت لعمر ومدت ايديها فخرج بطاقته واداهالها وحطتها قدامه وتابعت وادي بطاقته هو عمر عزيز الهواري ويعمل نقيب لدى القوات المسلحه اهو يعني مش بنكدب عليك وادي صوره القسيمه اللي تاكد اكتر مصداقيه جوازهم ولان الموقف ده بيتطلب تدخل عسكري طلما في ظابط جيش اتقبض عليه لاي سبباً كان فانا معايا الرائد سيف معتز الرفاعي وده القائد المباشر لعمر بيه ها ايه الوضع بقى ?
الظابط بلع ريقه بتوتر وتابع هو ايه الكتيبه اللي دخلت عليا فجاه وانا قاعد دي
عمر بعصبيه لا والله هو احنا اللي جينا ولا ايه ده قسما بالله انا
سيف بحده ومقاطعه خلاص يا عمر خلصنا خد مراتك وانزل هنكتفي بلفت نظره لبعدين
عمر اتعصب جدا بس احترم كلام سيف وخد بطاقته هو وزينب وتابع تسلميلي يا ياسمين بجد
ياسمين بابتسامه متقولش كده يا غالي احنا اخوات
سيف بتنهيده قسما بالله انا كنت قادر فعلا اعاقبك على اللي عملته بس معلش نجمه واحده ولسه فرحان بيها وبصله بحده وتابع يلا وكلهم نزلوا معاه والظابط تنهد بارتياح وحمد ربنا
يونس بضحك طب كنت قولي كنت افتحلك عربيه سيف واقعدك فيها عيش للصبح متفيمه محدش هيشوفكم بدل الفضايح
كلهم فضلوا يضحكوا فتابع سيف بضحك طب اتربوا دي اختي وانا بحاول انسى كنا هنا ليه اصلا
زينب بحرج حقيقي متربوش فعلا
عمر بضحك وانتي يابت ملاك بريئ روحي الله يحرقك يازينب يوم ماتبقي زي مابتمني اجي القسم في قضيه اداب
كلهم فضلوا يضحكوا فتابع مازن بضحك روح بس بيتك واكسب وقت قربت تسافر يلا
عمر بضحك ده طيران يلا يا زوزا
اسماء بضحك عمر انا معاكم في البيت اتلم مش لازم تعرفني الله اقعد معاكم ازاي دلوقتي ها
عمر بضحك مجتش عليكي يا قلب اخوكي مصر كلها عرفت كنا بنعمل ايه مفرقتش عن اللي هيحصل البيت
سيف بضحك يا ابني اتلم واتربى علشان مرجعكش اقعدك القاعده السودا دي جوه تاني وجودي كان مهم
عمر بضحك يا باشا كنت هتصل بالشرطه العسكريه
سيف بضحك رد عليه يا يونس علشان مشتموش
يونس فضل يضحك وتابع ده سيف كان هيولع فيك لما قولت كده جوه يا متخلف مش عاوزين نعرف القائد وانت عايز تتصل بيهم
عمر بذهول تصدق صح وجهه نظر تحترم والله
سيف بضحك ناقص انت بقى اللي تبقى محترم وكل حاجه تبقى تمام
مازن بضحك الا صحيح يا سيف هو انت عامل العربيه متفيمه ليه وغمز
سيف بضحك علشان ابوس ومحدش يشوفني هو انا عبيط زيه ولا ايه
كلهم فضلوا يضحكوا بشده فتابع عمر بضحك طب يلا الحق روح اكسب وقت انت كمان
سيف بابتسامه لا دي مفيهاش غير نكد انهارده انا وامنيه متخانقين خناقات قد كده هروح اصفي حسابي معاها عشان عايزه تتربي
يونس بتنهيده خلاص يا سيف عديها انت هتسافر
سيف بجمود لالا بعيدا خالص عن موضوع سامر هي محترمتش كلمتي في حاجه تاني فأسلوبها ده مبقاش يعجبني
زينب بحزن طب علشان خاطري انا ايا كان عملتلك ايه حقك عليا
سيف خاطرك غالي والله زوزا بس معلش متدخليش في الحوار ده عشان خاطري
ياسمين بتنهيده ربنا يهديكم يا رب يلا طيب مش هتمشوا
عمر اه يلا اهو
وبالفعل كلهم مشيوا ونور كلمت يونس طلبت منه حاجات يجيبها وهو مروح
وبعد شويه وصلوا كلهم البيت وعمر وزينب روحوا وسيف طلع شقته علطول وفتح بالمفتاح كانت نور قاعده مع امنيه وبيتكلموا فدخل سيف فلما شافهم بص في الارض وتابع غطي شعرك يا نور
فا نور مكانتش واخده بالها من وجوده وامنيه لما شافته قلبها اتقبض فابتسمت نور وتابعت شوف جيه اليوم اللي اغطي شعري فيه منك انت ورفعت الطرحه على شعرها بُصلي خلاص
بصلها سيف وابتسم وتابع كبرنا بقى وبقينا عرايس زي القمر وهنبقى امهات كمان
نور ابتسمت وتابعت بحب بس والله هتفضل زيك زي مازن واكتر… هتوحشني
وامنيه سمعت الكلمه دي وغمضت ودموعها نزلت
فسيف اتأثر جدا بالكلمه من نور وابتسم بحب وحط واحده من ايديه على خدها وباس جبينها وتابع وانتي اكتر والله العظيم اشوف وشك بخير
نور عيطت وتابعت سيف انا اسفه اني عيطت مش بحب اليوم ده وانت عارف
سيف صعبت عليه اوي فحضنها وفضل يطبطب عليها وتابع بوجع: حقك عليا ابوس ايدك اهدي وحاول يخليها تضحك وتابع يونس لو شافك بتعيطي بسببي يقتلني والله
فهمست نور بوجع انا سمعتكم انت ويونس ومازن لما اتكلمتوا اول امبارح عندنا في البيت وعيطت اكتر وتابعت وعرفت ان المهمه خطيره على حياتك وانك هتطول فيها
فسيف اتصدم انها عرفت وبص لامنيه يتاكد سمعتها ولالا
الفصل السادس والسبعون من هنا
