رواية غموض الحب عائلة الرفاعى الفصل السادس و السبعون بقلم لولا
فسيف اتصدم انها سمعت وبص على امنيه يتأكد سمعتها ولالا
فتابعت امنيه بضحك انتي بتتهامسي مع جوزي بتقولي ايه يابت انتي هاا
فتنهد سيف بارتياح وتابع بضحك مصطنع: حاجه سر بينا ملكيش دعوه انتي وخد نور على جنب وتابع بقلق: نور اهدي ابوس ايدك امنيه لو سمعت هيبقى حوار وهتفضل تعيط وانتي عارفه انها تعبانه لوحدها ومش ناقصه
نور بدموع طب بالله عليك طمني قولي هتقعد قد ايه وايه الخطر فيها علشان خاطري يا سيف
سيف بحزن يحبيبتي والله مش هقدر شغلنا حساس ومينفعش كلام فيه بس كل اللي اقدر اقولهولك ادعيلي لان انا نفسي معرفش هرجع امتى
نور بعياط والنبي خلي بالك من نفسك والنبي
سيف حضنها وغمض عينيه بوجع وتابع نور ابوس ايدك اهدي .. اهدي يحبيبتي حقك على عيني انتي حامل مينفعش كده
نور بعياط انت جبتلنا كلنا خوف وصرع من شغلك ده بجد وبعدين حقي اخاف على اخوياا دي مش بايدي وحياتك عندي
سيف بتنهيده مليانه وجع : حقك على عيني يانورعين اخوكي وباس راسها وتابع بابتسامه كبرتي وعقلتي ومبقتش عارف اضحك عليكي واهاودك زي زمان بس صدقيني انا لو بايدي اطمنك واقول حاجه كنت قولتها بس حقيقي صعب
نور بوجع ودموع ربنا يحفظك يحبيبي ويردك لينا احنا ومراتك وابنك بالف خير ياارب
سيف بتنهيده ووجع يارب يحبيبتي وباس جبينها ومسح دموعها وتابع بابتسامه خلاص فكي بقى هتنزلي ليونس معيطه كده بالله يطلع يقتلني
نور ابتسمت من بين دموعها وتابعت هنزله انا وانت ارتاح شويه قبل ماتمشي اتفقنا ؟
سيف بابتسامه اتفقنا وخلي بالك من نفسك ومن حبيب قلب عمو
نور برفعه حاجب عمو هاا وضربته في كتفه وتابعت ربنا يخليلك عمو
سيف فضل يضحك وتابع وخالو بردو ما امه وابوه زي زينب وحسام واكتر والله العظيم
نور بحب عارفه غلاوتي عندك من غير ماتتكلم كلكم مدلعينا انا وشهد
سيف بحب مانتوا الصغيرين بقى وحبه الكريز بتاعت البيت ده والله
نور بضحك حبيبي والله ربنا ميحرمناش منك ابدا يغالي
سيف بحب ولا منك يا ست البنات
نور بحب وهمس: يلا هنزل انا وغمزت وتابعت هسيبك مع المزه شويه هاا
سيف فضل يضحك وتابع كبرت نور وبقيت تغمز وتلمح كله من ابن الكلب اللي تحت ده فسد اخلاقك وعرفك حاجات اراهن مكنتيش تعرفيها غير لما اتجوزتيه
نور فضلت تضحك وتابعت ده حقيقي على فكره انا كنت محترمه وانت عارف
سيف بضحك اه منا واثق ان يونس السبب
نور فضلت تضحك وتابعت حصلل والله المهم يلا انا نازله عايز حاجه
سيف بابتسامه سلامتك يحبيبتي
ومشيت نور ونزلت بالفعل وسيف دخل الصالون تاني ملقاش امنيه فدخل اوضتهم كانت قاعده بتسرح شعرها قدام المرايا ولابسه قميص بيبي بلو حمالات قصير فلما شافته ابتسمتله في المرايا وتابعت ايه ياروحي خلصت سرك انت ونور ??
سيف اممم حواري مع نور خلص ناقص حواري معاكي
امنيه اتوترت وحاولت متبينش وقامت مشيت بخطوات بطيئه قدامه وكانت قمر وشكلها حلو جدا وسحرته بس حاول ميبينش اعجابه بيها ووصلت عنده وحطت ايديها حوالين رقبته وابتسمت وتابعت بحب سيف بطل نكد انت هتسافر بعد كام ساعه بلاش نتخانق الكام ساعه دول بليز
سيف برفعه حاجب اممم وده بقى بيسموه ايه ?? اتغدوا بيهم قبل مايتعشوا بيكوا ??
امنيه فضلت تضحك وتابعت ليه بتقول كده بس انا بتكلم جد مش انت هتمشي وتسيب منونتك حبيبتك فعايزه نقعد مع بعض بهدوء الحبه دول
سيف بنبره حاده: هو انا قولت ايه يا امنيه ??
امنيه بتوتر قولت ايه في ايه يحبيبي ??
سيف بعصبيه انا استعباااط مش عاايز
امنيه بتوتر عارفه اني غلطت بوعدك مش هتقرر تاني وغلاوتك عندي وحضنته
سيف غمض عينيه بغضب وتابع الهبل اللي بتعمليه ده مش هيخليني اكبر دمااغي من تصرفااتك اللي متعجبنيش وبتحرق دمي
امنيه بصتله بتوتر وتابعت عارفه والله بس انا فعلا عايزه اراضيك حقك عليا يا سيف
سيف بعصبيه اصرفها فين حقك علياا دي وعلى ايه ولا ايه اصلااا ?? على عدم سمعانك لكلامي وانك قومتي رقصتي والدنيا كلها كانت بتتفرج عليكي والراجل بيصور ?? وياريته رقص عاادي دي حاجه اخر مسخره وقله ادب ولا على عدم دخولك ورايا القاعه علطول زي ماقولتلك ووقفتي مع ابن الكلاب اللي عاكسك دده ?? ده غير انك دخلتي عرفتي يونس وفاكريني عبيط انتي وهو بس انا دي مش هحاسبك عليها علشاان وعدته انما الباقي ايه الوضع بقي هااا
امنيه بصتله بحزن وسكتت فتابع وهو بيمسك دراعها بعصبيه : انا لما اكون بكلمكك تردي عليااا
امنيه بدموع انا كنت فرحانه بشهد فعملت كده بتلقائيه مني والله انما مش قصدي اكسر كلامك
سيف بعصبيه هو ايه اللي مش قصدي اكسر كلامك !! هي دي بقصد من غير قصد ؟؟!! دي حاجه ملهاش اشكال يا تسمعي الكلام يا متسمعيش فلما اكون قايلك انا غاير اعمل مكالمه متتحركيش واطلع واسيبك وارجع الاقيكي بترقصي ومش بتحترمي كلامي يبقى انا راجل لمؤاخذه ومراته ممشياه ومش عامله لكلامه ب 3 جنيه اهميه ولا احترام
امنيه بعياط ياسيف متحسبهاش كده ومحدش هيقول كده الموقف عادي
سيف بعصبيه هي ملهاش رد الا كدده وبعدين عادي مين يا ام عاادي انتي بتتكلمي وخلااص انما مشوفتيش شكل جسمك كان عامل ازاي ده يعلم الله يا امنيه انا لما ارجع هطلب اشوف فيديو الفرح ولو التركيز كان عليكي هتشوفي مني وش عمرك ماشوفتيه علشان تتنيلي تكسرييي كلمتي تااني .. وبلنسبه للخرا اللي اسمه سامر ده تاني مره نكون في مكان واقولك تغوري ورايا ومتدخلش علطووول هزعلك ومش هيهمني احنا فين .. ومتقفيش مع اي حد لاي سببا كان سبيهم وامشي علشان ورحمه اخوياا انا جبت اخري منك ومن حواراتك دي
امنيه بدموع حاضر والله اسفه مش هتحصل تاني حقك عليا بقى وباست خده
سيف تنهد بعمق وتابع تمام يا امنيه سبيني دلوقتي علشان مخنوق شويه وراح قعد على السرير وحط راسه مابين ايديه
فامنيه تنهدت بحزن وراحت وطت على ركبتها قدامه لانه قاعد ورفعت وشه ليها وتابعت بدموع وغلاوتي عندك ووحياه حبك ليا ماتمشي زعلان مني مش هقدر
سيف بغيره طب قولت سبيني شويه علشان جسمي قايد نار ومش مستحمل المنظر اللي الناس شافتك فيه ده
امنيه ابتسمت بحزن وتابعت مش هقدر اكابر انا غلطانه ومعترفه والله بس مكنتش اعرف انك هتغير وتزعل كده وغلاوتك عندي
سيف بحده مفروض اني بسيبك وبمشي بالشهور يعني اقل حاجه تحسسيني ان كلامي مسموع في غيابي قبل حضوري
امنيه بحزن تتقطم رقبتي لو مبسمعش كلامك في غيابك …. والله مابيحصل اي حاجه متعجبكش ومتخليش خلافنا يحسسك اني بعمل كده عموما لاا ما انت لما منعتني انزل من الشقه منزلتش يا سيف واديك كنت برا بردو وماما اتحايلت عليا انزل معاها بس وغلاوتك عندي حتى مخطتش عتبه الباب انما الرقص ده جيه بتلقائيه البنات شادوني فقومت
سيف غمض بغضب وتابع طيب يا امنيه خلاص
امنيه ابتسمت بحب وباست خده وتابعت طب ارقصلك وتفك شويه ??
سيف بصلها بذهول وضرب كف في كف وتابع بحده يا امنيه انتي حامل اتهدي واحترمي نفسكك
امنيه فضلت تضحك وتابعت اقولك حاجه وتصدق ?? هتصدق ان شاء الله .. انا نسيت اني حامل وربنا يا سيف
سيف بصلها بحده وتابع اااه طبعا ماهو بلمسخره اللي حصلت دي لازم تكوني نسيتي انك حامل ده شويه كمان وكنتي هتسقطي
امنيه فضلت تضحك وتابعت نسيت والله اصل هو كل يوم لازم استفرغ لما مستفرغتش انهارده نسيت اني حامل
سيف بتنهيده انا مش عارف اقول ايه والله فخليني ساكت احسن علشان لو لساني فلت هتسمعي كلام زباله عمرك ماسمعتيه
امنيه بضحك وغمز المهم ارقص ولا عارف نفسك مش هتقدر تقاومني وهتمشي زعلان انك هتسيب المزه دي
سيف بضحك يابت انتي عبيطه انا بتخانق دلوقتي !!
امنيه بحب ياروحي سيب الخناق ليوم فيه وقت انت هتسافر خلاص
سيف بردو مترقصيش انتي حامل .. امنيه انا مبهرزش بجد حملك بيتلكك يا بابا
امنيه وهي بتقرب منه تابعت يعني بيتلكك على الرقص ومش بيتلكك على اللي انت حاطه في دماغك ده وغمزت
سيف فضل يضحك وتابع انا محطتش حاجه في دماغي ولا اتكلمت انتي اللي مش سالكه
امنيه بضحك لا يعمري حفظتك خلاص وعارفه نظره عينيك بتقول ايه
سيف بصلها بحب وعينيه بتلمع وباس شفايفها برقه وهمس حقيقي هتواحشيني فوق ماتتخيلي ومش عارف هعدي ايامي من غيرك ازاي
امنيه كانت هتعيط ومسكت نفسها بلعافيه وتابعت بهمس ووجع :وانت اكتر والله العظيم ودموعها نزلت غصب عنها
سيف بوجع تؤ تؤ مش عايز عياط مش انتي اللي قولتي الكام ساعه دول مش عايزه فيهم نكد
امنيه بوجع ودموع اممم
سيف تنهد بوجع وتابع خلاص اهدي بقى وهمس بحب : مفروض طلما انا معاكي تبقي رايقه وتسيبك من اي حاجه تانيه دلوقتي ولا ايه
امنيه ابتسمت من بين دموعها وهمست بحب اكيد طبعا
فقرب سيف باسها بحب وحط ايديه على ضهرها بيضمها ليه اكتر وهي بقيت تفك زراير قميصه لحد مافكيته كله ورميته وهو لسه بيبوسها وقربها منه اكتر …
وبعد شويه كان سيف ساند ضهره للسرير وامنيه في حضنه نايمه على صدره وبيمشي ايديه على شعرها وباصص قدامه بسرحان
فرفعت امنيه وشها ليه وابتسمت بحب وتابعت ايه اللي واخد عقلك ??
فاق سيف على صوتها وبصلها بعشق واضح وابتسم وتابع هو في غيرك واخد العقل والقلب يا منونتي
امنيه اتعدلت قعدت في حضنه وباسته بحب وتابعت والله بموت فيك
فحضنها سيف وباس راسها بعمق وتابع وانا اكتر والله وبصلها وتابع امنيه بالله عليكي مش عايز امشي قلقان .. ادويتك تاخديها في معادها وتاكلي كويس ومتنزليش من غير يونس او مازن لاي سبب كان
امنيه بحب حاضر يحبيبي متخافش عليا والله هقوم اخد شاور وجايلك هتنام ??
سيف تنهد بعمق وتابع لا عايز اقعد معاكي الشويه دول وهنام في الطياره
امنيه بحب وحماس تمام اتفقنا هاخد شاور واطلع اعملنا كوبايتين قهوه ونقعد
سيف بحب ماشي روحي
فوطت امنيه جابت قميصها من الارض ولبسته وقامت دخلت الحمام وسيف رجع راسه لورا وحط ايديه ورا راسه ونفخ بضيق شديد وسرح في افكاره انه ازاي هيمشي ويسيب امنيه لوحدها وخايف ومرعوب عليها اوي وقلقان من كل اللي جاي
وقام خد شاور في حمام الصالون ولبس بنطلون بيتي وكان عاري الصدر ودخل اوضتهم كانت امنيه طلعت وغيرت لبست بيجامه شورت وبدي حمالات لحد نص بطنها وواقفه تسرح شعرها فاراح حضنها من ضهرها وباس خدها وتابع بحب ايه الحلاوه دي عايزه تخليني اتحسر وكده ?
امنيه فضلت تضحك وحطت ايديها على ايديه وتابعت لا يعمري مقدرش
سيف بحب طب هعمل القهوه انا وجايلك ارتاحي انتي شويه
امنيه لفتله وتابعت بحب مش تعبانه والله متخافش عليا
سيف امنيه اسمعي الكلام كفايه اوي كده انهارده انتي اتهديتي
امنيه فضلت تضحك وتابعت اتلم انا كويسه والله
سيف بضحك طب يحبيبتي ارتاحي بردو هاوديني وانا رايح اعمل القهوه وجايلك
امنيه بحب طب هاجي معاك واقعد وانت اعمل
سيف بحب خلاص اتفقنا وخرجوا راحوا المطبخ وسيف شالها قعدها على الرخامه وبدا يعمل القهوه وامنيه بتبصله وبتبتسم وتابعت عارف يا سيف
سيف بحب ايه يعيون سيف
امنيه تنهدت بعمق وتابعت بابتسامه بحس لما بنكون سوا كده ان قلبي بيغني لورده
سيف فضل يضحك وتابع ايه الحلاوه دي ياست امنيه بس اشمعنا ورده
امنيه بحب مش عارفه بس بحسها دافيه هي واغانيها وبتعبر عن احساسي دلوقتي خصوصا اغنيه في يوم وليله علشان بتقول تابعت وهي بتغني بصوت حلو جدا : عمري ماشوفته ولا قابلته وياما ياماا سبقني طيفه .. وفي يوم لقيته .. لقيته هوو .. هو اللي كنت بتمنى اشوفه .. نسيت الدنياا وجريت علييه .. سبقني هو وفتح ايديه وابتسمت وتابعت وده حقيقي انا حبيتك قبل ما اعرفك انت كنت جوايا يا سيف
سيف كان باصصلها بحب ومبتسم باعجاب شديد وراح حط واحده من ايديه على وسطها وهي قاعده وقرب منها وباسها بحب وتابع ايه الصوت القمر ده خلينا احنا مركزين مع كلامك وصوتك الحلوين دول ونسيب القهوه تفور
امنيه ضحكت وتابعت هشربهالك لوحدك مش بحبها صايصه
سيف بضحك ايه النداله دي ده انا بعاكسك !!
امنيه بضحك لا معلش كله القهوه دي مزاج
سيف بصلها بحب وتابع قسما بالله انا بنسبالي مفيش حاجه بتعدل مزاجي غيرك
امنيه بحرج يخربيتك انت بتقول ايه !!
سيف استغربها وتابع ايه قولت ايه ؟؟
امنيه بحرج في واحد يقول لمراته كده هو انت قاعد في بيت مشبوه ولا ايه
سيف فهمها وفضل يضحك بشده وتابع يخربيت اهلك انتي فهمتي ايه يابنت الكلب انا اقصد انتي كأمنيه وجودك نفسه بيخليني مبسوط ورايق ومزاجي حلو انتي عبيطه يابت وفضل يضحك
امنيه بحرج اتلم انت وقول الفاظ واضحه الله انما انا صح علشان بشوفهم في الافلام بيقولوا للبنت اللي في الشقق دي انتي عدلتي مزاجي
سيف وهو بيصب القهوه فضل يضحك وتابع لالا انتي مش سالكه ومخك تعبان انا مقصدش كده طبعا بس الشهاده لله حتى دي بتظبطيها اه
امنيه فضلت تضحك وتابعت يا سيف اتلم بجدد
سيف بضحك سبيني متلمش الكام ساعه دول يا امنيه بالله عليكي ده انا هصوم صيام مش بيتصام في رمضان
امنيه ابتسمت بحزن وتابعت بالله مش علشان انت الراجل وانا الست بس حقيقي هتواحشني زي منا هواحشك واكتر
سيف راح نزلها من على الرخامه وخدها في حضنه وتابع بحب عارف على فكره وواثق جدا في مشاعرك ناحيتي
امنيه دموعها نزلت على صدره وهي في حضنه وهو حس وتنهد بعمق وفضل يطبطب عليها وباس راسها وتابع تاني يا امنيه ??
امنيه بقهر وعياط بالله مش قادره حاسه ان روحي هتفارقني مش عايزه الوقت يجري .. قلبي واجعني وضعيفه وتعبانه ومحتجالك اوي وفضلت تعيط وتابعت مش قصدي اضعفك او اوجعك والله العظيم بس مش قادره يا سيف والله مش قادره
سيف قلبه وجعه من شكلها ونبره صوتها جداا وخدها في حضنه جامد وفضل يطبطب عليها ويحاول يهديها وهمس بوجع هرجعلك يا امنيه والله هرجعلك
امنيه بعياط بالله عليك ماتتاخر علياا ابوس ايدك
سيف بوجع حاضر يحبيبتي والله على قد ما ااقدر متأخرش مش هتأخر وباس راسها بعمق وضمها ليه اوي وهي فضلت تعيط فتابع بحزن طب هو ده اللي اتفقنا عليه يعني يا امنيه انا كده همشي قلقان
امنيه مسحت دموعها وتابعت بوجع باين في صوتها لالا والنبي خلاص مش هعيط تاني يلا نشرب القهوه انا كويسه صدقني
سيف بتنهيده هنشربها بس المره دي بس اياكي تشربيها تاني علشان انتي حامل
امنيه بابتسامه فيها دموع: حاضر يحبيبي
سيف مسح دموعها وتابع بحب يحضرلك كل خير ينورعين حبيبك وشال الصنيه اللي عليها الكوبايتين وحط ايديه التانيه على كتفها وخرج قعدوا قدام الشاشه وشربوا القهوه فتابعت امنيه بحب تسلم ايديك حلوه اوي
وسيف رجع راسه لورا بألم وغمض عينيه وتابع الف هنا يعيوني
امنيه بستغراب ايه يعمري عايز تنام ولا ايه
سيف بألم لالا تعبان شويه
امنيه بخوف ايه ده تعبان مالك في ايه
سيف بتنهيده ضرسي واجعني اوي وبقالي فتره اكل او اشرب اي حاجه مبستحملش
امنيه بذهول ومقولتليش ليه يعني مراتك دكتوره وانت قاعد بوجعك هو في ايه يحبيبي هو حرام تتألم زي البشر ولا اييه
سيف بضحك لا طبعا مش دي الفكره بس انا معنديش وقت اني اروح اكشف ولو كنت قولتلك كنتي هتصممي اروح فانا عارف فسكت بس مش قادر بصراحه
امنيه بضيق يخرابي عليك يا سيف اتعدل وريني كده ووقفت وتابعت افتح بوقك كويس
سيف بضحك اهو هنتبدي وهتعملنا فيها دكتوره
امنيه بضحك مبهزرش بجد اخلص مش شايفه حاجه وبعدين هو انا مش دكتوره يا سيف ??
سيف بضحك دكتوره وستهم كمان يعمري انا بهزر
وفتح بوقه ففضلت امنيه تبص وتابعت بضيق ده منظر فتحه بوق ?? ياسيف افتح بوقك عدل بجد مش شايفه
سيف بضيق يا امنيه والله جايب اخري اهوو اخلصي
امنيه بضحك انت عامل نفسك كيوت ليه بجد منا خلاص ادبست فيك هي دي منظر فتحه بوق ظابط جيش
سيف بضحك ليه هي بقيت بلوظايف ولا ايه وبعدين هعمل نفسي كيوت ليه يا بنت الجزمه مش فاهم هو في راجل كيوت
امنيه فضلت تضحك وتابعت ما انت اللي فتحه بوقك ضيقه بجدد وقعدت على رجله ووشها بقى في وشه ورجليهاا الااتنين كل رجل في ناحيه جنب سيف على يمينه وشماله وتابعت افتح بس كويس ورجع راسك لورا سيكا
سيف بضحك الله انتي بتعملي ايه هو علشان تكشفي عليا تقعدي على رجلي !! ده انا كنت صح بقى لما منعتك تشتغلي والله وحط ايديه على رجلها الظاهره لانها لابسه شورت وتابع بضحك بس بالله خليكي اكشفي للصبح
امنيه فضلت تضحك وتابعت اتربى ياسيف وبطل تحرش انا قاعده براحتي علشان انت جوزي اكيد مش هقعد على رجل البيشنت يعني واوعا ايدك دي وترتني
سيف بضحك طب يحبيبي عادي كده كده هتكشفي لجوزك بس وحط ايديه على وسطها الظاهر من البدي وشدها ليه وتابع بحب وشيلت ايدي اهو ابسطي
امنيه وهي بتكشفله تابعت بضحك اممم تقوم تحطها على وسطي هو اي تلامس وخلاص هاا ??
سيف فضل يضحك وتابع يابنتي يحبيبتي والله انتي كلك قاعده عليا انتي عبيطه ولا ايه
امنيه بضيق يااسيف بطل كلام وافتح بووقك بتعصبني بجدد
سيف بضيق يا امنيه هشتمك بجد ماقولنا ده اخري انتي مستفزه ليه ???
امنيه بضحك طب يحبيبي والله كل ما احط ايدي بوقك يقفل بطل انت استفزاز
سيف بضحك هو كده اخري اتصرفي بقى وفتح بوقه
امنيه حطت صابعها عند الضرس اللي واجعه فسيف اتألم بوجع وتابع ااه يا امنيه
امنيه بحذر : اسفه اسفه حقك عليا والله افتح بس كويس علشان اشوف حلو
سيف بضيق لالا اوعي مش قادر
امنيه بحب علشان خاطري يحبيبي يلا افتح يا سيف مش بحايل ابن اختي عيب بقى ده انت ظابط جيش محترم
سيف بضحك والله انتي مهزقه
امنيه بضحك ماشي نشوف الحوار ده بعدين افتح بقى
سيف فتح بوقه فامنيه ابتسمت وتابعت سِنه كمان
سيف هز راسه ب لا فضحكت امنيه وتابعت بليز سِنه كمان وباسته بحب وتابعت يلا افتح بقى
ففضل يضحك وتابع ضعفت بصراحه وفتح بوقه على قد مايقدر
فامنيه فضلت تضحك وتابعت ااخ منك ماطبعا لازم تفتحه عدل دلوقتي عايز تتربى ياجوزي والله فسيف فضل يضحك وامنيه فضلت تكشف عليه وتابعت هنا بيوجعك ??
سيف عمل بصباعه لا
فابصت امنيه كويس وداست وتابعت طب وهنا ??
سيف عمل بايديه ان مش اوي
امنيه طب وهنا ??
سيف عمل لا
فامنيه فهمت وداست على واحد وتابعت طب وهنا ??
سيف اتألم جدا فتابعت بخوف بس بس خلاص اسفه حقك عليا يعمري والله اهدى
سيف بألم : يا امنيه حرام عليكي
امنيه بقلق بس حقك عليا يا نورعين امنيه افتح ثواني
ففتح سيف وداست على واحد تاني فتألم فتابعت بخوف بس بس والله خلصت خلاص وتنهدت بعمق وتابعت انت كده عايز واحد يتخلع وواحد يتحشي عصب يا سيف ايه العمل بقى
سيف بضحك العمل عمل ربنا يحبيبتي اوعي بقى مش خلصتي فقره الدكتوره
امنيه بضحك سيف مبهزرش وسبني افكر علشان االمصيبه ان العصب ده لازم مراحل وحضرتك مسافر انهارده بجد ربنا يساامحك جاي تعرفني دلوقتي
سيف بتنهيده خلاص لما ارجع يا امنيه
امنيه بضيق يابابا مش هيستحمل معااك والله العظيم ومش هتعرف تنام من الالم بتاعه لا وجع السنان صعب ولا يحتمل انا عايزه اقولك بسبب نقص الكالسيوم عندي سناني كانت بتدوب علشان تغذي بنت الكلبه ومش مستحمله مابالك وضعك ده
سيف برفعه حاجب وهو الكالسيوم عندك نقص ليه ??
امنيه بضحك يحبيبي قبل اجازتك لما انت نزلت والله بقيت زي الفل من كل حاجه
سيف غمض بضيق فباست امنيه جفن عينيه وتابعت فتح وبطل نكد والله بطلت اهمل في نفسي وبقيت لو فيا ايه باكل بس المشكله القرف اللي بحسه ده والله مش ببقي ليا نفس
سيف بتنهيده لا علشان خاطري تعالي على نفسك بس بمناسبه القرف انتي كنتي مش طيقاني صح ??
امنيه ضحكت بتوتر وتابعت لا طبعا يعمري يعني بذمتك انا …
سيف بمقاطعه امنيه مش عايز كدب واضح اوي انك كنتي بتتصنعي فمتخافيش وقولي عادي مش هزعل لان دي بنسبالي قيمتها اكبر لانك جيتي على نفسك علشاني رغم انك قرفانه ومش مستحمله
امنيه ابتسمت بحزن وتابعت بالله مكنتش بصدق الكلام ده بس معرفش مالي ريحتك بعد ما كانت محببه ليا وبحب انام في حضنك بقيت مش طيقاك
سيف فتح عينيه بتفاجئ وفضل يضحك وتابع يابنت الكلب يعني مكنتيش عايزه تقولي ولما قولتلك اتكلمي عادي تطحني خواطري كده وفضل يشم نفسه وتابع استني بس اشوف ايه مش عاجبك
امنيه فضلت تضحك وتابعت لالا يحبيبي انت ريحتك قمر منا قبل الحمل كنت بحبها بس المشكله فيا انا والله مش فيك متشمش انا حتي والله بقيت بقرف من البرفيوم بتاعي والصابون والشاور اقولك حاجه حتى البادي سبلاش اللي بلفراوله بطلت احطه بقيت احسه ريحه دوا تقرف
سيف فضل يضحك وتابع لاحظت انك مش حطاه فعلا وخدها في حضنه وتابع لو قرفتي قوليلي اقومك انا عارف ان الفتره دي من اصعب الفترات على اي ام من تغير حياه ومزاج متقلب وجسم مش زي الاول واكل كنا بنحبه بقينا نكرهو وروايح ملهاش وجود اصلا و
امنيه بمقاطعه لالا ثانيه واحده متكملش انا كنت مبتسمه وبضحك ورايحه اقولك لا انا مرتاحه في حضنك بس استوقفتني جمله جسم مش زي الاول دي ليه ماله جسمي ياسيف بيه ؟؟
سيف بصلها بذهول وتابع وقولت مزاج متقلب كمان اوعي تنسيها
امنيه انا مبهزرش بجد ياسيف ماله جسمي ???
سيف بضحك مالوش يعمري انتي كنتي عصايه بقيتي بطايه وزي القمر وفي الحالتين عجباني والله .. انا مقصدش حاجه وحشه بس معروف شكل الام في الحمل بيتغير فامنيه بصتله فتابع بتوضيح: بس مش للاوحش خالص بلعكس بتبقى قمر وبتولد بترجع قمر بردو
فامنيه ابتسمت وتابعت بحبك
سيف بضحك وانا اكتر يابنت المجانين
امنيه بحب طب يلا قوم الساعه 1 ننزل لمعاذ بسرعه قبل ماتمشي هو كده كده بيقعد ل 4 الفجر عادي
سيف برفعه حاجب وانتي عارفه معاذ منين هاا ??
امنيه بضحك انت حاكتلي عليه مره وهنروح يعني هنروح انا مش هسيبك تسافر كده وشنطتك محضراها فقوم نكسب وقت
سيف بتنهيده امنيه انا معنديش وقت للكلام ده بجد ولو روحت هخلع الاتنين
امنيه بتفاجئ لالا طبعا حرام عليك يحبيبي انت 27 سنه تخلعه اييه طب واحد مضطرين انما الاتنين
سيف يتنهيده انا اصلا مش فاهم عملوا كده ازاي وانا والله بحافظ عليهم ومش باكل سكريات وبغسل سناني علطول
امنيه بحب لا يحبيبي والنشويات بتسوس السنان بس بعد فتره اطول من السكريات لانها بتغذي البكتيريا اللي بتسبب التسوس والمشروبات الحامضيه زي البرتقال والليمون والاناناس وانت فظيع جدا فيهم وبتشربهم كتير ودول بيضعفوا طبقه المينا اللي على السنان وبتخليها تسوس بسرعه ممكن كمان يكون عندك مشكله في اللعاب انه قليل لانه لو طبيعي او كتير فكتره بيقتل البكتيريا المسببه لكل ده
سيف بصلها بحب وفخر وتابع بعيدا عن اي حاجه بسم الله ماشاء الله عليكي انا فخوره بيكي اوي وانك شاطره في مجالك
امنيه بضحك حبيب قلبي وحياتي وباسته
فباسها سيف بحب وتابع لا والله برافو عليكي اوي وضحك وتابع طلعتي دكتوره بحق وحقيقي
امنيه بضحك شوفت بقى يلا امشي ورا كلامي والهي تعدمني لو مسمعتش الكلام قوم نشوف معاذ
سيف بحده طب ليه تدعي على نفسك يعني ده انتي عايزة تتهزقي صح
امنيه بضحك انت عايز كده فقوم يلاا
سيف بحده والله انتي مستفزه ونزلها من على رجله وقام دخل الاوضه وهي فضلت تضحك
—–
عند يونس ونور الساعه كانت 1 ويونس كان بياخد شاور وخرج لقى نور قاعده على السرير وماسكه الورود ومبسوطه اوي وبتقربهم منها وتشمهم بفرح زي الطفله وبتتصور بفونها بيهم سيلفي فابتسم بحب وتابع بالله انتي ايه خرجك من وسط البوكيه ??
نور ضحكت وتابعت بفرح حبيبي والله .. بجد ربنا يديمك ليا وميحرمنيش منك ابداا ايه الحلاوه دي كلهاا مش عارفه اقولك ايه بس مبسوطه اوي
يونس بحب متقوليش يعمري هي جايه متاخر اصلا مش انتي طالعه الاولى على دفعتك في سنه اولى فمفروض مع الهديه كنت جبتلك ورد وانا نسيته ساعتها فعوضتهالك دلوقتي
نور ابتسمت بحب وتابعت بجد بموت فيك ومسكت فونها وتابعت هبعت للبنت اللي علي بيدج الانستا تبعت حد ياخده علشان اجففه ويفضل العمر كله
يونس فضل ينشف شعره وتابع بضحك يخرابي للدرجه دي
نور بحب اه طبعاا ده من حبيبي هو من اي حد ولا ايه
فرمى يونس الفوطه اللي بينشف بيها شعره على الكنبه وقرب منها واعتلاها وتابع بحب : بالله انتي قلب حبيبك
نور وهي حاطه ايديها على صدره وبتبعده بخفه تابعت بتوتر: ايه في ايه اتلم
يونس فضل يضحك وتابع اتلم !! وانا ايه يلمني مثلا يعني واحده زي القمر قاعده بتشعر في حبها ليا وبتقول حبيبي مشاعري انا ايه بقى حجر ??
نور بضحك يونس بالله عليك اتلم واوعى عايزه انزل صوره البوكيه استيت ولسه هناكل وموال ازرق
يونس بحده انتي متصوره بشعرك ولابسه حماله صوره ايه اللي تنزليهاا انتي عبيطه ولا ايه
نور بضحك لا يعمري متقلقش صوره البوكيه لوحده كده مع علبتين النوتيلا ومسكت فونها من جنبها ونزلتها وحطت ايموجي ♥️🫂
يونس بضحك انتي ليكي واحده بس يغاليه مصوره الاتنين ليه
نور برفعه حاجب يعني ايه مش فاهمه
يونس بضحك يعني انتي طلبتي علبه لبن جهينه علشان تعملي ايس كوفي وعلبه نوتيلا الكبيره مالك بالتانيه بقى ??
نور باستغراب ايوه يعني هو لما جوزي يجيب حاجه ويجي بيها بيتي هتبقى بتاعه مين ??
يونس بضحك بتاعه ضرتك يقلبي اللي تحتينا يعني تاكلني لو عرفت جبتلك نوتيلا وهي لا
نور شهقت وتابعت انت بتعاملني انا وشهد زي بعض يايونس !!!يومك اسود ومالوش ملامح انهاارده
يونس اتقفل من طريقتها وقام من عليها وتابع بضيق انتي قصدك ايه بالجمله دي ??
نور حست انه فهمها غلط فتابعت بتوتر مقصدش اكيد انا بهزر مالك في ايه
يونس خد نفسه وتابع بصي يا نور شهد مش زيك ولا انتي زيها .. انتي مراتي وشريكه حياتي وليكي الجزء الاكبر فيا انما شهد زيها زي اللي في بطنك بالظبط .. دي بنتي مش اختي انا اللي مربيها وانا اللي عارف عنها كل كبيره وصغيره فا زي اي اب جاب لمراته حاجه هيجبب لبنته علشان متبصش لحاجه مامتها انما عمري ما اجي عليكي او تبقي زيك زيها فكل حاجه اللي عايزك تعرفيه ان علاقتي بكل واحده منكم مختلفه عن التانيه وشهد ملهاش غيري وانتي عارفه انا عندها ايه وهي عندي ايه فمش عايز في يوم من الايام احس ان في اي مشاكل جايه من الحته دي علشان حقيقي هزعل وزعل وحش اول مره تشوفيه
نور بدموع يونس انا مقصدش كده يحبيبي انا بهزر والله ما اخواتك الاتنين مراتات اخواتي وفاهمه والله الاحساس وعارفه ان انت بنسبه لشهد الدنيا ومافيها ومعاملتكم مختلفه عكسي انا واخواتي فبهزر ان انت جايبلها زيي بس مش قصدي كده والله حقك عليا
يونس تنهد بعمق وتابع انا مش قصدي اعيطك بس بعرفك اني مش هأثر مع واحده فيكم ولا هبديها عن التانيه مراتي غير اختي معروفه بس مش عايز يحصل بينكم غيره او زعل حقيقي دي هتتعبني ومش هعرف اعمل ايه ساعتها لانه صعب جداا بنسبالي اني اروح لواحده واراضيها على حساب التانيه فانا مرتاح نفسيا لفكره اني عارف انكم بتحبوا بعض وكلها جايه بهزار ومحبه
نور بدموع ايوه والله انا بحبها ربنا يعلم دي قبل اي حاجه صاحبتي واختي
يونس بتنهيده خلاص يابابا متعيطيش اهدي حقك عليا انا مقصدش اعيطك وراح مسح دموعها وخدها في حضنه
نور بدموع لا والله حقك عليا انت اني فهمتك كده باسلوبي بس انا حقيقي مش قصدي
يونس بحب عارف انك اطيب واحن من كده والله بس فهمتك انما مش بتخانق طبعا
نور ابتسمت من بين دموعها وتابعت كله من الصوره اللي نزلتها اه والله عين وصابتنا بعدها بدققتين
يونس بضحك ماقولنا بلاش حوارت النت دي والتنزيل بس انتي اللي كل مايحصل حاجه تنزلي لحد ما بنتاخد عين بتجيبنا الارض وياريتك بتحرمي
نور بضحك همسحها والله خلاص وراحت مسكت الفون وبصت لقيت 30 شافوها فتابعت بتفاجئ يخربيتكم كل دول صاحيين ومسحتها بسرعه
فيونس ضحك وتابع ياريت نتعلم ها مش كل مره تنزلي ونتخانق وتمسحي وراح حضنها من ضهرها
نور ضحكت وتابعت حاضر والله توبنا خلاص
فيونس وطى باس رقبتها بحب وهمس واحشتيني
نور لفتله بتوتر وتابعت على عيني ياروحي والله بس انا لسه في التاني للاسف
يونس بضحك ياستي عادي متقلقيش دي سيبيها عليا وشد وسطها ليه فغمضت عينيها بقرف وتابعت بضيق يونس البرفيوم بتاعك ابوس ايدك ابعد
يونس بعد وبصلها بستغراب وتابع ماله مش فاهم واستوعب وتابع انتي قرفانه مني ??
نور هزت راسها ب اه وهي حاطه ايديها على بوقها
فتنهد يونس بعمق وتابع خلاص يانور روحي حضري الاكل على السفره تلاقيكي خلصتيه وانا جاي هغير هدومي بس ودخل الدريسنج روم
نور بحزن بالله مش قصدي ازعله بس فعلا مش قادره ونفخت بتوتر وتابعت اقوله ازاي اني كمان متنيلتش طبخت اوووف وجاتلها فكره فقعدت على السرير وحطت ايديها على بطنها
ودقايق ويونس خرج واتفاجئ بيها قاعده ماسكه بطنها على السرير فراح عندها بسرعه وتابع بقلق مالك يحبيبتي في ايه
نور بتمثيل مش قادره يونس بطني وجعاني وحاسه بخبط فمقدرتش اعمل العشا بصراحه ممكن نطلب شاورما ؟؟
يونس بصلها برفعه حاجب وتابع مين اللي بيخبط يقلبي ما هو انا لو صدقت ان الساعه 1:00 بالليل الباب بيخبط هصدق انما مصدقش ان بطنك اللي بتخبط
نور ضحكت بتوتر وتابعت اكيد مقصدش ابنك يحبيبي اقصد حاسه بخبط حاسه بوجع حاسه باي حاجه يايونس بقى بطل رخامه
يونس بضحك ومش حاسه انك بتكدبي ؟؟
نور ضحكت وتابعت لا مبكدبش هكدب ليه
يونس بضحك ثواني وجايلك هقوللك بتكدبي ليه وخرج راح المطبخ ونور اتوترت ونفخت بتوتر وتابعت يامصيبتي السودا هتطلق انهارده .. هتطللق وثواني ولقيته قدامها وتابعت بتمثيل اه يحيوان انت تاعب مامي اه مش قاادره
يونس بابتسامه وايه كمان ؟؟
نور بتمثيل يونس بالله عليك اسكت انت مش حاسس بيا ده انا بموت لدرجه مش قادره اقف على رجلي في اللحظه دي حاسه اني شايله هم على قلبي ابنك تقيل اوي بجد ااه بجد فعلا كان لازم ربنا يخلي الجنه تحت اقدامنا اه والله
يونس بابتسامه يحبيبتي يبنتي قطعتي قلبي امال في التاسع هتعملي ايه ؟؟ اشيله معاكي ؟؟ بس يخساره مش هينفع
نور ضحكت وتابعت مبهزرش بجد تعبانه
يونس بضحك اممم منا مصدقك ماهو طلما مفيش جوه حتى بطاطس محمره يبقى لازم تمثلي انك تعبانه علشان لو مش تعبانه هرنك علقه دلوقتي
نور ضحكت وتابعت بذمتك اهون عليك ؟؟
يونس بضحك للاسف لا .. بنت كلب والله اقول ايه مش عارف وعماله تمثلي وتشتغليني طب قولي متنيلتش عملت حاجه بدل الحوارت دي كلها .. المهم اخلصي عايزة حاجه تانيه مع الشاورما ؟؟
نور قامت وتابعت بحماس بص توميه كتير بقي علشان بقالي كتير مكالتهاش ونفسي فيها جداا
يونس بصلها بتفاجئ وتابع بسم الله ما شاء الله عليكي زمن المعجزات لسه منتهاش خفيتي يعني يحبيبي
نور اتفاجئت وتابعت بتوتر اه انا تعبانه على فكره ومش قادره بس الحماس خدني حبتين
يونس بضحك لا ياشيخه ؟؟ ده انتي قسما بالله عايزه علقه تظبطك عموما الحماس خدك علي الفاضي لان انا مش هجيب توميه لو اطبقت السما علي الارض
نور فضلت تضرب برجليها علي الارض وتابعت بضيق ليه بقي ان شاء الله عِند فيا وخلاص ؟؟
يونس بحده لا يا ام لسان طويل مش عِند وخلاص مش عيل صغير انا هعاند معاكي بس علشان متنفعش غلط عليكي التوميه فيها بيض ني وانتي حامل
نور نفخت بضيق وتابعت خلاص مش هاكل
يونس وهو بيرفع الفون علي ودنه تابع طب هجيب وتبقي متاكليش يا نور
وخرج يتكلم وهو بيتابع الو السلام عليكم
فنفخت نور بضيق وراحت دخلت المطبخ وطلعت علبه اللبن من التلاجه وبتدور علي المج بتاعها مش لقياه بعدين بتبص لقيته فوق فبتقف علي مشط رجليها وبتحاول تجيبه معرفتش فجابت كرسي صغير وقبل ماتطلع جيه يونس ومسك المج ونزله قدامها وتابع بتنهيده كنتي ناديني انما متقفيش علي الكرسي علشان متقعيش حملك لسه في الاول
نور برفعه حاجب والله !! بس انا اقع اتكسر عادي مش كده ؟؟
يونس بتنهيده نور انتي عايزه ايه انهارده ؟؟ علشان حقيقي جايب اخري ومش طايق نفسي
نور بشك: جايب اخرك من ايه بسبب اني قولتلك لا صح ؟؟
يونس بحده لا طبعا مش بسبب كده دي مش بلعافيه وانتي عارفاني كويس مش دي اهم حاجه عندي فمش للدرجه دي يعني
نور تنهدت بعمق وتابعت انا جيه في بالي كده علشان انا من ساعه ماحملت مقصره في حقك فكتير بصراحه مش اي راجل هيستحمل كده
يونس باس جبينها وتابع وانتي يابابا تعبانه فعلا مش بتدلعي فمفروض انا اكون فاهم بردو اللي بتمري بيه
نور ابتسمت بحب وتابعت طب ايه واخد عقلك قولي ؟؟
يونس تنهد بعمق وتابع شهد قلقان عليها اوي ومش عارف مبطلش تفكير حاسس اني اتسرعت البت صغيره يانور تفهم ايه دي ووعدتها اني هطمنها قبل ماتطلع شقتها بس موضوع عمر ده شغلني
نور بضحك يقلب نور دي تفهم عني وعنك مالك يا يونس في ايه شهد كبرت ودخلت الجامعه خلاص مين اللي صغيره
يونس تنهد بحزن وتابع انا عمري ماهشوفها كبيره هتفضل صغيره بنسبالي وحاسس ان المسئوليه دي تقيله عليها طب انتي اكبر منها بسنه وبتصعبي عليا لما بتتعبي في البيت وبشيل عنك كتير انما احمد هيسافر فا دي تعمل ايه ؟؟
نور بحب واحنا جنبها يحبيبي متخافش والله وربنا يديمك ليها حسك بالدنيا مش هتسيبها بردو عموما سواء في غياب احمد او وجوده
يونس بوجع ده اكيد بس حتى دلوقتي مش مطمن عليها خايف يجرالها حاجه
نور بضحك يا يونس في ايه يحبيبي هو انا اخويا سفاح الجيزه ماهو جوزها واللي هيحصل بينهم حاجه طبيعيه زي اي اتنين متجوزين
يونس بضحك اخوكي مش متربي يا نور واختي مش بعيد تسمع الكلمه منه من هنا يغمى عليها من هنا انا عارفها والله
نور فضلت تضحك لدرجه عينيها دمعت وتابعت مش قادره بجد والله همووت بس عادي عادي كلنا كنا بنتفاجئ بعدين بنتعود
يونس بضحك انا محترم عنه ياغاليه فمتقوليش كلنا كنا بنسمع دي
نور بضحك انت كده على اللي شوفته منك ده محترم !! يبقى الله يكون في عونك يا شهد حقيقي لان انا متوقعتكش وصدمتني مبالك باحمد اللي اصلا مشافش ربايه وفضلت تضحك
فتابع يونس بضحك بنت كلب والله مش هرد عليكي احسن
نور بضحك طب اعملي الايس كوفي لحد ما الاكل يجي واخد شاور سريع حاسه جسمي مكسر اوي معلش هتعبك يحبيبي
يونس باس خدها وتابع بحب ولا تعب ولا حاجه يعمري عيوني
نور بحب تسلم عيونك
——
عند احمد في شقته كان قاعد قدام الشاشه بيشرب قهوه وبيتفرج على فيلم اجنبي وشهد صحيت وهي بتدعك في عينيها وراحت قعدت جنبه
فاتخض وتابع بسم الله الرحمن الرحيم يخربيت اهلك اييه يحبيبتي طب كحي اعملي اي صوت
شهد وهي بتدعك في عينيها ضربته بايديها التانيه في كتفه وتابعت ايه شوفت عفريت
احمد بضحك لا طبعا يحبيبي شوفت ست البنات بس اتخضيت متوقعتش تصحي دلوقتي وانوار الشقه كلها مطفيه فمشوفتكيش
شهد بحزن احمد انا اسفه اني نمت بجد والله غصب عني
احمد خدها في حضنه وباس جبينها بعمق وتابع بحب خلاص يحبيبتي حصل خير مش هتطيري يعني
شهد بحب ربنا يطمن قلبك يعمري واتاوبت وتابعت هقوم اكمل نوم بقى
رايحه تقوم فاحمد مسك دراعها وتابع بذهول انت ايه ملتك يا بت ؟؟!!! اللي بيجري في شرايينك ده اكيد ماايه سقعه مش دم .. ايه البرود اللي في اهلك ده يخرب بيت ابوووكي على المسااا !!
شهد فضلت تضحك وتابعت منا مش هطير صح عايز ايه
احمد اعتلاها على الكنبه وتابع عايز اتجوز يعمري جبت اخري خلاص والفيلم ابن الجزمه ده كل شويه البطل يحضن ويبوس اما الواحد جاله جفاف وهو قاعد
شهد بتوتر طب ما احنا اتجوزنا يحبيبي خير في ايه
احمد بضحك شهد انا مش عايز استعباط .. قسما بالله اول مره اكتشف اني صبور كده ده مفيش عريس بيعملها في التاريخ دي انه يقعد قدام الشاشه علشان ادبيا واخلاقياا دي بتتفح بعد الفرح بشهر اقل حاجه
شهد بتوتر ادبيا واخلاقيا ايه وانت عايز تقفلها علشان المرقعه وقله الادب
احمد فضل يضحك وتابع مرقعه حلال كله عارف دلوقتي احنا مفروض بنعمل ايه وساكتين ليه بقى ؟؟
شهد بتوتر اه ليه ؟؟
احمد علشان طبيعي انما اللي مش طبيعي انك تنامي وتسيبي جوزك حبيبك صاحي
شهد بخوف يا احمد مش انت قولت اني مش هطير خلاص بقى سبني
احمد وطى باس رقبتها بحب وتابع انا اللي مبقتش قادر بصراحه ياشوش
شهد غمضت بتوتر وتابعت لالا بالله عليك وترتني
احمد رفع وشه بصلها وتابع بحده ياشهد انا عملت ايه متعصبنيش بقى
شهد بتوتر طب بص ناكل بعدين عينيا ليك نشوف عايز ايه انا جعانه بصراحه
احمد قام من عليها بضيق وتابع الاكل على السفره شوفي هتعملي ايه
فتنهدت شهد بحزن وحطت ايديها على صدرها وخدت نفسها وقامت جابت الصنيه وحطيتها في الصالون وتابعت احمد انت بتعمل ايه ؟؟
احمد نفخ الدخان في الناحيه التانيه وتابع بشرب سيجاره
شهد بتافجئ انت مش قولتلي بطلتها يا احمد
احمد بضيق قولت بتنيل لما بتخنق بس
شهد بحده اه وانت مخنوق دلوقتي يعني ؟؟
احمد بحده شهد صوتك ميعلاش علشان مروقكيش واه مخنوق ونفخ الدخان بعيد عنها
فشهد فضلت تكح وتابعت انا بتحسس من ام ريحتها وقولتلك مش بطيقها فا لو سمحت اطفيها
احمد بحده ما لو ينفع اقف في البلكونه كنت وقفت بس مش هينفع للاسف فمعلش تعالي على نفسك دققتين
شهد بستغراب ومش هينفع ليه البس تيشرتك وادخل
احمد اه دي عبيطه بقى وسابها ودخل اوضه الاطفال
فتنهدت شهد بعمق وتابعت طب يا احمد الاكل اتحط لو سمحت يلا
احمد كلي لحد ما اخلصها وجاي
فبصت شهد على الاكل وتنهدت بحزن لانها عارفه انها زعلته وركنت الحمام علي جنب وبقيت تاكل بشاميل وفراخ ودققتين واحمد جيه فشاورت جنبها وتابعت بحب تعالي يحبيبي اقعد جنبي
احمد بضيق لا لحسن تتوتري ولا حاجه ومتكمليش اكلك
شهد بتنهيده تعالى يا احمد انا كويسه متخافش
فاحمد قعد جنبها واستغرب وتابع مش بتاكلي حمام ليه
شهد بضيق لالا مش بحبه خالص استني اكلك انت منه وقطعت حته ومدت ايديها لاحمد
فضحك وتابع بذمتك انا ناقص اكل حمام وباور زياده اوديهم فين
شهد بستغراب مش فاهمه ؟؟
احمد فضل يضحك وتابع مش لازم تفهمي بس بلاش اكله مش عايز
شهد بضحك احمد في ايه بجد ماله الحمام
احمد بضحك هقولك بس بشرط تاكلي معايا
شهد بضيق وحيااتك مش بطيقه
احمد بضحك حته صغيره علشان خاطري
شهد قطمت وتابعت بضيق لالا مش بيعجبني كل انت
فاحمد كل منها و ضحك فتابعت شهد وهي بتديه حته تانيه ها ماله بقى
احمد كل منها وتابع كلي طيب وهنتكلم بعد الاكل ومد ايديه خد ورق عنب واكل شهد اللي ابتسمت بحب واكلته من الحمام
وبعد شويه كان احمد خلص اكل وشهد بتاكل ورق عنب وتابعت هاا قولي ماله الحمام بقى
احمد بضحك قربي ودنك
فشهد قربت فهمس في ودنها فوشها احمر بشده والاكل وقف في زورها وفضلت تكح فاحمد فضل يضحك بشده ويطبطب على ضهرها وجاب كوبايه المايه بسرعه واداها تشرب وهو هيموت من الضحك
فشرربت شهد وخدت نفسها وتابعت بالله عليك الكلام ده بجد يعني امك جابته علشان كده !!
احمد بضحك اه وربنا وكله عارف اصلا ده انتي اللي عبيطه
شهد بقلق اه انا اللي عبيطه فعلا دي حقيقه وضربته في كتفه وتابعت وانت بتأكلني ليه ياقليل الادب هاا
احمد بضحك وغمز علشان هترقصي يا مزتي مش عايزك تهبطي في النص
شهد بحرج ياربي انا ايه خلاني اتنيلت اتجوزت ماكنت في بيت ابويا ومرتااحه بص يحبيبي انا بنت ناس انت هناا مش في شقه مديحه الرقاصه
احمد فضل يضحك وتابع مين مديحه الرقاصه دي وبتعمل كل ده فعلا متاكده ؟؟
شهد برفعه حاجب انا بتكلم عامهً اللي تطلع من نمرتها على المرقعه هي الرقاصه انما انا بهبط بسرعه بس السؤال هناا انت عايز تتاكد ليه ؟؟
احمد بضحك هقولها تقولك بتاكل ايه وبتتغذي ازاي طبعا عيب عليكي فكرتي ايه
شهد برفعه حاجب مفكرتش يا احمد علشان لو فكرت مش هيطلع عليك صبح
احمد بضحك هتقتليني يعني ولا ايه
شهد بابتسامه برافو عليك يحبيبي المهم
احمد بحب قولي يعمري ايوه انا عايز المهم
شهد بضحك متستعجلش على رزقك قوم حط الصنيه دي جوه وانا هغير علشان كده كده هرقص بس
احمد برفعه حاجب ده عُرف مين ده ان شاء الله
شهد بضحك عرفي انا المهم اخلص بجد وروح دخل الصنيه وانا هدخل اغير
احمد بتمثيل تفاجئ: يحبيبتي ياشهد كتر الف خيرك هتغيري معقوله !! وخدها في حضنه وتابع حقيقي مش عارف اشكرك ازاي انا فكرت ان حياتي اللي جايه كلها من ميكي ماوس للفار الطباخ للعرايس الاميرات دي وبچايم بچايم بقى
شهد فضلت تضحك وتابعت لا يحبيبي بقيت عروسه وهلبس زيهم بس قولي بقى
احمد بحب وست العرايس والله وباس جبينها وحط ايديه على خدها وتابع اقولك ايه
شهد بحب امك قالتلي البس ابيض بس انا قولت اسالك انت فإيه رايك
احمد بضحك لا ابيض مين سيبك من امي بالله عيني تتعمي من فرط النور لو لبستي ابيض ده انتي بيضه لوحدك
شهد فضلت تضحك وتابعت انا قولت كده بردو طب ها ايه رايك البس ايه
احمد غمز وتابع احمر علشان يكسر البياض
شهد بضحك والله كنت واثقه انك هتختار كده علشان لونك المفضل طب خليك برا خمسه بقى
احمد بحماس خمساات مش خمسه بس مش رقص بس هاا
شهد بضحك عند عايده يا احمد عارفها ؟؟
احمد بضحك هوريكي انا دلوقتي عند مين يا بنت الجزمه استني بس
وراح يشيل الاكل وهي دخلت تغير ورطبت جسمها ورشت بادي سبلاش ولبست بيبي دول احمر حماله رفيعه جداا وقصير لقبل الركبه بكتير والضهر كله عريان وفردت شعرها بتمويجه وحطت روج احمر لايق جدا مع بشرتها البيضه وبلاشر احمر خفيف على خدودها ورشت برفيوم هادي وتابعت بتوتر قدام المرايا يانهار ازرق ده انا اعجبت بيا مبالكم المتحرش اللي متجوزاه ده وغمضت بتوتر ونفخت وتابعت المشكله ده الوحيد اللي هعرف اتنيل ارقص بيه الباقي مينفعوش للرقص فاعمل ايه ؟؟ انام صح والله اسلم حل انام بلا جواز بلا زفت على دماغي ودماغ اللي خلفوني ودموعها اتجمعت في عينيها بتوتر وتابعت لالا انا عايزه يونس وربنا هموت من خوفي
فاحمد خبط فشهد اتسرعت وتابعت بتوتر ادخل وهي بتمسح دموعها بسرعه فدخل احمد وتابع ايه يا شهد كل ده مستــ وسكت بانبهار واعجاب شديد وهو شايفها كده قدامه ونظراته كانت بتعدي عليها بجرأه من اولها لاخرها وهي واقفه متوتره اوي وهتموت وتعيط فتابع باعجاب شديد: ايه الحلاوه دي يخربيت اهلك ده البيجامه طلعت ظلماكي قسما بالله وتابع بضحك وهو بيقرب عليها شوفي يعني قلعتي البيجامه طلعت ظلماكي يمكن بقى الله واعلم ده كمان ظالمك وبيقرب عليها
فشهد شهقت بحرج ورجعت لورا وتابعت بخوف وحرج اتلم واتربى واياك تقرب هاا وبتقول ايه يخربيتك حد يقول لمراته كده !!
احمد فضل يضحك وتابع اومال هقول للناس الغريبه ولا ايه
شهد بحرج متتكلمش خالص وسيبني استرجع شجاعتي بالله مش قادره اتلم على اعصابي
احمد راح لعندها وهي بترجع لورا لحد ماخبطت في الحيط فحاوطها بايديه الاتنين وتابع بحب وهمس اهدي بهديكي مش بوترك والله
شهد بخوف لا والله محصلش انت كل ماتقرب بتوتر مش بهدى
احمد بحب كل ما ابقى قريب وتلاقي محصلش حاجه هتهدي وحط ايديه على وسطها والتانيه على خدها وتابع بحب اديني قريب منك جدا ومفيش حاجه خدي نفسك واهدي
فشهد عملت كده وبصتله فابتسم وتابع بحب مفيش حاجه اهو متخافيش والله انا عمري ماهكون سبب فزع ليكي او اذيه واكيد مش هعمل حاجه انتي مش عايزاها فحسيتي انك مضايقه قوليلي
شهد بحزن احمد حقك عليا بجد
احمد مشى ايديه على ضهرها علشان يهديها فشهد غمضت من لمسته بتوتر وتابع بابتسامه ولا اي حاجه ده طبيعي وكنت واثق هواجهه معاكي
ففتحت عينيها وكانت هديت واتعودت على ايديه نوعا ما وبصتله فتابع بحب بقيت قريب منك جدا اهو وبردو عادي ولا ايه ؟؟
شهد ابتسمت بحب وهزت راسها ب اه فتابع بحب شوفي بقى انتي عايزه ايه
شهد بضحك هرقص بس بليز
احمد بضحك ماشي اللي انتي عايزاه وكان حاطط في دماغه يهاودها وراح قعد على السرير وحط ايديه ورا راسه وشهد شغلت اغنيه” طارق الشيخ يا سيد الناس ”
ووقفت قدامه وقلبها بيدق بسرعه عندها مزيج من التوتر والكسوف وانها بردو مبسوطه علشان هي من طبيعتها بتحب الرقص بس انها ترقص قدام احمد او لاحمد مخصوص ده كان مخليها حاسه بحرج شديد وراحت شغلت الانوار الهاديه وطفت النور الرئيسي ولما بدات الاغنيه وطت الصوت ورفعت ايديها ببطء وبدات ترقص بخفه وخطواتها كانت مليانه كسوف في الاول لكن مع كل حركه كانت بتكتسب ثقه اكتر وشعرها بيتمايل مع كل خطوه واحمد قاعد عينيه بتاكل تفاصيلها باعجاب وحب ورغبه شديده بيها وهي واخدة بالها وبتحاول تتجنب نظراته بس بتتراجع قدام ابتسامته وعينيه اللي مكنتش سيباها لحظه وتابعت احمد بالله عليك متركزش اوي علشان انا قلبي هيقف من التوتر
احمد باعجاب وهيام : اعملي نفسك مش شيفاني او متبصيش عليا بس متفصليش الواحد بالله عليكي وفرد ضهره كويس وابتسم باستمتاع وهو بيبص عليها وبيحاول جاهدا انه يخفي مشاعره اللي بتطالبه بيها دلوقتي بسبب حركاتها بس عايزها تخلص براحتها
وشهد اتوترت اوي بس مرضيتش تقف وتزعله وبقيت تتجنب النظر لعينيه وبدات تتعود وبقيت ترقص باحتراف وهي بتحاول تهدي دقات قلبها وحماسها بيغطي وبيخلي خطواتها اكتر اتقان ودقه ورقه ونعومه وكانت اول مره يشوفها بلشكل الرقيق الانثوي ده عكس شهد بتاعت زمان الطفله الصغيره
ومع نهايه الاغنيه وقفت قدامه وهي بتضحك بكسوف لما شافت شكله اللي بيدل انها عجبته وبشده وعينيه اللي بتلمع فتابعت بضحك وهي حاطه ايديها على صدرها بتاخد نفسها : اظن كده براءه هاا
احمد بضحك براءه ميين وقام وقف وشدها ليه وتابع بهيام واعجاب شديد :مفيهاش براءه ده انا اصور قتيل لو وقفتي على كده بس بالله حته الحمام اللي كالتيها عملت شغل عالي ايه الطاقه والحيويه والحلاوه والقمر اللي انتي فيه ده يخربيتك تعبتي اعصابي بس حقيقي رقصك حوار وحضنها
شهد بتوتر احمد
احمد حضنها اكتر وباس رقبتها بحب وتابع بهمس عيون احمد
شهد بهمس مش هينفع يحبيبي انا مكنتش بهزر
احمد بصلها بستغراب وتابع مش هينفع على ايه مش فاهم
شهد بحرج يعني مش هينفع انا قولتلك ارقصلك علشان كده تعالى قرب اقولك حاجه وهمست في ودنه
فاحمد بصلها بصدمه وتابع الله يخربيت اهلك يا شيخه بتهزري صح ؟؟؟!!!
شهد بضحك لا للاسف مبهزرش فانا رقصت خلاص هروح اغير بقى علشان عندنا ضيوف عيب اقعد قدامهم كده
احمد بضيق ياشيخه الهي يحرق دمك زي ماحرقتي دمي محدش قالك ارقصي وانتي كده ايه تعب الاعصاب اللي مالوش لازمه ده
شهد فضلت تضحك وتابعت قولت اهو نعمل حاجه بدل ما نقطع مايه ونور
احمد بضيق روحي ياشهد روحي وتقولي بتدخن ليه ده هي ليله سودا انهارده وكلها حرقه دم مش عارف مين باصصلي فيها وطلع سيجاره وقعد على السرير وولعها ورمى الولاعه على جنب
شهد حست بالذمب وتابعت بتوتر احمد هقولك الصراحه بس متزعلش هو بصراحه مفيش حاجه بس انا متوتره فقولتلك كده
احمد اتصدم وبصلها وتابع نعم قولتي ايه ؟؟
شهد بتوتر بهزر معاك يا احمد مالك في ايه
احمد بذهول بتهزري !! هي دي حاجه فيها هزار بتستغفليني وانا مصدقك !! طب ياستي قولي مش هتنيل هسيبك ماهو مش بلعاافيه انما ليه الكدب يعني ؟؟
شهد بدموع بالله غصب عني بس التوتر مخليني بقول اي حاجه ومش متقبله الفكره خالص
احمد خد نفسه بهدوء وتابع وهو بيشرب السيجاره وبينفخ دخانها بعيد عنها : اه قولتيلي .. طب امشي يا شهد من قدامي دلوقتي امشي علشان لو اتعصبت عليكي هتزعلي وانا اصلا مش فاهم انتي بتقوليلي ليه وعايزه ايه دلوقتي
شهد بدموع عايزه اخلص من الهم ده بس بردو مش عايزه
احمد بحده ايوه يعني انا انيلك ايه دلوقتي مش فااهم ؟؟!! ده ايه ياااربي الهم ده هو انااا هحااايل بنت اختي !!
شهد بعياط طب انت بتزعقلي ليه دلوقتي بقى
احمد ضرب كف في كف وتابع بحده ياشهد الساعه بقيت 2 وانا مش فاهملك حاجه في يومك المنيل ده هاودت وضحكت وهزرنا وطمنتك ايه في ايه مش عزرائيل انااا كل ماهقربلك تخافي وتعيطي
شهد بدموع انا عايزه يونس
احمد باستغراب نعم يحبيبتي عايزة مين ؟
شهد بحده ودموع عايزه اخويا يا احمد في ايه
احمد بحده اخوكي ايه دلوقتي انتي عبيطه ولا احنا في حضانه ولا ايه الوضع ؟؟!! وبعدين مش كفايه منكده عليا كمان عايزه فضاايح مع اخوكي
شهد بدموع لا ده يونس ويونس عادي متقلقش مش هيهزر في حاجه ناديه بس انا حقيقي عايزاه
احمد بضيق والله هكملهولك واعملي اللي يريحك انا جايب اخري وخد العلبه والولاعه وخرج
فشهد عيطت بصمت وراحت لبست بيجامتها اللي كانت لبساها
—
عند يونس ونور
نور كانت نامت ومديه يونس ضهرها ويونس قاعد وسرحان فنور اتقلبت وبتفتح عينيها ببطئ لقيته صاحي فتابعت بنوم انت لسه صاحي يحبيبي
يونس طبطب عليها وتابع نامي متشغليش بالك شويه وهنام
نور قامت باست خده ففتحلها دراعه نامت في حضنه فباس راسها بعمق
فتابعت نور بنوم : بالله خاف على احمد مش شهد .. اختك دي قادره
يونس ضحك بخفه وتابع ربنا معاهم هما الاتنين
نور بنوم يارب يحبيبي ونام كفاياك
يونس بتنهيده مش عارف هنام الصبح لما اطمن عليها
نور بنوم شديد وصوتها بيوطى تدريجيا : من امتى بتسهر يعني يا يونس
يونس بابتسامه : لما تخلفي وتشوفيني وانا قاعد نفس القاعده ساعه نوران هتفهمي سهران ليه
نور ابتسمت وهي مغمضه وتابعت وافرض ياسين مش نوارن
يونس بضحك ساعتها هنام وانا مطمن علشان اكيد اسد زي ابوه ميتخافش عليه
نور ضحكت وضربته على صدره بقبضه ايديها وتابعت نفسي تتربى شويه
يونس بضحك لا موعدكيش وابتسم وتابع بس مقولتليش انك اختارتي ياسين لابننا يعني
نور بحب كنت سيبهالك مفاجاه لو طلع ولد علشان الاسم ده شبه اسمك اوي
يونس بابتسامه وهو حقيقي جميل اوي نبقى احنا يونس ونور ونجيب ياسين ونوران وكده يبقى زي الفل
نورر بضحك على الله كله بس نشوف انا حامل في ايه الاول وندعي لما نجيب التاني يبقى العكس
يونس بابتسامه نوران وشبهك باذن الله
نور بضحك لا ياسين وشبهك انت باذن الله
يونس بضحك هنشوف بس كده كده احنا شبه بعض
نور بضحك اه بس انا عايزه ولد
يونس برفعه حاجب وانا عايز بنت
نور بضحك هنشوف بقى وغمضت عينيها تنام في حضنه ويونس ابتسم وباس راسها وتابع هنشوف فعلا وفضل يطبطب عليها ودقايق وفون يونس رن برقم احمد فاتعدل بخوف بص للساعه لقاها 2 وربع ورد عليه وتابع ايه يا احمد في ايه شهد كويسه ؟؟
احمد بتنهيده كويسه اه انزل علشان عايزاك
يونس بخوف ليه مالها فيها ايه
احمد بتنهيده يا يونس قسما بالله كويسه انزل هي عايزاك معرفش
يونس بخوف حاضر نازل حالا وقفل الفون ونزل نور من حضنه براحه وباس جبينها وغطاها كويس ولبس تيشرت بيتي على البنطلون اللي كان لابسه وخد مفاتيحه ونزل واحمد كان فاتحله الباب فدخل بسرعه وقفل وتابع ايه في ايه مالها
احمد كان قاعد على الكنبه وتابع بضيق مالهاش وشوفلك حل مع اختك بقى علشان انا نفسيتي تعبت وجبت اخري وشاور على الاوضه
فيونس راح بسرعه كان الباب مفتوح ودخل شافها قاعده حاضنه رجليها وبتعيط بصمت فاتخض عليها جدا وهي لما شافته جريت تحضنه فحضنها وقعد بيها على السرير وتابع بخوف بس بس يحبيبتي مالك في ايه وفضل يطبطب عليها
شهد بدموع انا مخنوقه اوي ونفسيتي تعبانه بجد
يونس بخوف ليه حصل ايه انتي تعبانه طيب ننزل المستشفى او احمد قالك حاجه ضايقتك ?
شهد هزت راسها ب لا وتابعت بدموع هو ملمسنيش اصلا
يونس بصلها بذهول وتابع طب ليه يابابا حصل ايه وطلما كده بتعيطي ليه بلشكل ده يخرب عقلك خضتيني وحضنها وتنهد بارتياح
شهد بعياط في حضنه وشهقات: انا زعلت احمد مني .. بس والله انا .. انا مقصدش
يونس بقلق بس بس اهدي مالك وفضل يطبطب على ضهرها وتابع وهو بيحط ايديه الاتنين على وشها شهد اهدي يابابا حصل ايه فهميني طيب
شهد بدموع هو كل ما يجي يقولي حاجه بخاف وبتوتر وعمل كل حاجه تطمني وبردو رافضه بزقه وبخاف ونمت من شويه وسيبته لوحده اصلا
يونس تنهد بعمق وتابع طب اهدي طيب متخافيش وفضل يطبطب عليها وتابع طب هو عملك حاجه ضايقتك او خليتك تخافي بلطريقه دي ??
شهد هزت راسها ب لا وتابعت بدموع لا خالص والله وكويس اوي معايا وبيتكلم بهدوء وعايز يخليني اهدى بس انا مش عارفه يا يونس حقيقي مش عارفه وكدبت عليه وقولتله اني تعبانه وعملت حوارت كتير من توتري الحاجه الوحيده اللي بتوترني منه كلامه لما يبقي جريئ شويه انما غير كده لا والله كويس بس انا متوتره اوفر وكمان انت قولتلي هتطلعني هنا وتقعد دققتين معايا تطمني بس نسيتني خالص
يونس بحزن لا يعمري منستكيش مقدرش والله وحضنها وباس راسها وتابع كان في حوار ضروري بس فكنت بحله مع ابن عمك انما مقدرش انشغل عنك ده ربنا يعلم مش عارف انام من قلقي عليكي
شهد بدموع طب قولي اعمل ايه بجد انا مش عايزه ازعله وفي نفس الوقت لا يعني لا رافضه جدا
يونس بابتسامه حاضر اهدي بس وبطلي عياط ومسح دموعها وتابع احمد ده مش انتي بتحبيه ??
شهد هزت راسها ب اه بحزن وتابعت اه انت عارف انه حبيب عمري
يونس بابتسامه وهو حبيب عمرك بقى جوزك خلاص فاضل خطوه صغيره قد كده وشاور على عقله صغيره من صباعه وتابع وهتبقي مراته بجد مش مجرد حبيبك وانتي حبيبته لا صدقيني دي حاجه اسمى بكتير لما تحسي انك ملگ للشخص اللي بتحبيه وهو ليكي وبقيتوا واحد خلااص وشويه وتشيلي حته منه جواكي فا دي حاجه تخليكي تكوني عايزه ده يحصل علشان هو حبيبك مش مجرد انها حق من حقوقه كزوج .. لا هو لو هيتعامل كده كان زمانه مسامحش في حته كدبك انك تعبانه دي ولا سابك تنامي بس هو بيحبك ومقدر خوفك وراحتك عنده اهم فمفروض انتي تقدري حبه ده وتسمحيله وهو صدقيني هيتصرف انتي ملكيش دعوه
شهد بخوف بالله انت وترتني اكتر اسمحله ازاي يعني وحضنته وهي خايفه وبتترعش
يونس تنهد بعمق وطبطب عليها وتابع طب هطلع اقوله يأجل هاا
شهد بتوتر لالا بالله عليك يزعل
يونس بتنهيده طب يحبيبتي اعمل ايه مانتي متوتره بطريقه اوفر وسبتي كل كلامي ومسكتي في انك تسمحيله
شهد بدموع طب قولي نور مكانتش متوتره منك زيي كده ?
يونس بتنهيده نور محصلش بينا حاجه في الاول خالص مانتي عارفه بس بعد كده هي كانت راضيه ف اه اتوترت طبيعي بس مش كده بصراحه ومكانتش بتحبني ربع حبك لاحمد فمفروض الحب بيساعد وابتسم وتابع انتي اعملي زيها وقولي لنفسك انك مع حبيبك اللي اصلا امانك متفصل فيه وغمضي عينيكي ومتخافيش والله مفيهاش اي حاجه ووضعك احلى من نور ده احمد حبيب عمرك يعني مفروض تبقي زيك زيه
شهد بتوتر طب افرض اتوترت اكتر اعمل ايه
يونس احضنيه مش انتي بتطمني لما بتحضنيه ?
شهد هزت راسها ب اه وتابعت بحزن اه والله وبموت فيه بس هو فكر غير كده
يونس بحب انا هفهمه بس عايزك تحطي في بالك ان بعد انهارده هتبقي قدام الكل مرات احمد صح زي ما اتمنيتي عمرك كله وكونك هتبقي ملكه دي صدقيني هتفهمي قصدي بعد كده لما تحصل ومفيش حاجه هتضايقك وهو هيخاف عليكي اكتر ما هتخافي على نفسك فهدي كده وسيبيها على ربنا
شهد ابتسمت وتابعت حاضر هحاول والله
يونس باس جبينها وخدها في حضنه وفضل يطبطب عليها وابتسم وتابع قومي غيري هدومك بقى وانا رايح اشوف جوزك
شهد ابتسمت وباست خده وتابعت نام كفاياك انت مش بتسهر في العاده
يونس مسح بايديه على شعرها بحب وتابع بابتسامه متشيليش همي هنام بعد ما اطمن عليكي يلا قومي
فابتسمت شهد وقامت تلبس البيبي دول تاني في الحمام ويونس خرج وقفل باب الاوضه وراح لاحمد ولقى قدامه في الطفايه 3 سجاير وماسك الرابعه فتابع بضحك يخربيت اهلك مش كنت بطلتها
احمد بضيق البركه في اختك متجوز عيله في تالته ابتدائي حرقت دمي افرغ طاقتي في ايه يعني فبطفح سجاير
يونس فضل يضحك وتابع يمتخلف ماهي عيله صح واحده واحده كله بيجي
احمد بضيق يونس متعصبنيش هي نور عملت كده ?
يونس بضحك انا مش عايز احكيلك عن ليله دخلتنا علشان البرستيچ وكده بس عموما اي واحده طبيعيه اتخطفت من خطوبه لجواز بسرعه بتبقى كده .. شهد بتحبك بس مرعوبه من كتر ماسمعت والتلفزيونات مخلتش
احمد بضيق ياعم يونس تدي نفسها فرصه انما البت كل ما المسها تتخشب في ايه مش كده هو انا عزرائيل !!
يونس فضل يضحك وتابع حقك عليا وخد منه السيجاره وتابع كفاياك علشان صحتك ومتحرقش في دمك واانا فهمتها والله وخير باذن الله بس واحده واحده وحاول متحرجهاش ولا توترها بكلامك يعني الافضل انهارده تسكت وكلامك يبقي قليل وسيب المغازله والجو ده بعدين علشان انا عارفك متحرش
احمد فضل يضحك وتابع مبعرفش اسكت بصراحه اصل اختك بطل بجد فاالواحد خلاص
يونس مسكه من تيشرته وتابع بضحك يابني مش عايز اقلب عليك وادخل اقولها تستمر في جلطك فاسكت وشد بلاستر احسن لان فعلا انا لاحظت وانا بتكلم معاها اتوترت بس هي مش رافضه الفكره بس الكلام بيوترها اكتر
احمد بضحك خلاص مش هتكلم مفيش اجمل من الفعل كده كده
يونس غمض عينيه بغيره وتابع انا هطلع علشان ممسككش اديك عقله ترقدك في السرير شهر وتخلص يومكم اللي مش فايت ولا راضي يخلص ده وترن عليا تطمني مش هتخمدد يا احمد
احمد بضحك حاضر عيني بس ادعيلنا لحسن دي ولاده متعثره مش دخله
يونس فضل يضحك بشده وتابع والله تستاهل التربيه مش خساره فيك اللي بيحصلك وراح فتح الباب وتابع انا طالع هاا خليك متربي انهارده .. عارف انها مراتك بس كونك متربي هيطمنها شويه
احمد فضل يضحك وتابع عيني ياابو نسب حاضر وغمز وتابع نور صاحيه ولا نايمه
يونس بضحك مش هتفرق ياغالي والله النور قاطع عندنا من زمان
احمد فضل يضحك وتابع متربيه حبيبت اخوها
يونس برفعه حاجب طب حبيبت اخوها شايله ابني بلاش اوريك حبيبت اخوها بتاعتي انا ليفل تربيتها واصل لفين
احمد بضحك لااا شكراا مش عايز اشوف كفايه اللي شوفته اتكل كده علي الله وخلي نور تنحرف انا راضي
يونس بضحك لا ادعيلها انت بقى
احمد بضحك هو احنا هنفضل ندعي لبعض !! ايه ياربي الستات اللي متجوزينها دي
يونس بضحك قدر ومكتوب يا ولدي يلا انا طالع متنساش بالله عليك تطمني
احمد بحب حاضر والله وضحك وتابع انا نفسي اكلمك اطمنك والله
يونس بضحك هتكلمني باذن الله يلا ربنا معاك
احمد بضحك ومعاك يا غالي
وقفل يونس واحمد قلع تيشرته ورماه على الكنبه ورايح يدخل الاوضه افتكر كلام يونس فتابع بهمس لالا بلاش لتشوفني كده تصوت مش ناقص وراح لبس تيشرته تاني وخبط فشهد قالتله يدخل فدخل وقفل الباب فشافته اتوترت وسابت المشط اللي كانت بتسرح بيه وحاولت متبينش بس هو حس وراح مسك ايديها باسها وتابع بحب اهدي ها
شهد بحزن حقك عليا
احمد باس جبينها وتابع بحب عادي يحبيبتي انا فاهم انك طبيعي تتوتري وراح طفى الانوار الاصليه وشغل الهاديه وتابع بلنسبه للرؤيه زي الفل كده ولا ايه
شهد ضحكت وتابعت اه كده احسن
فاحمد راح وحط ايديه بهدوء على وسطها وتابع بحب وغلاوتك عندي لو لقيتك مش عايزه حاجه مش هكمل
شهد ابتسمت بحب وتابعت مش خايفه والله خلاص
احمد باسها جنب شفايفها وتابع بهمس متاكده يعني ?
شهد اتوترت شويه بس خدت نفسها وتابعت بابتسامه وهمس اه متاكده وغمضت عينيها
فقلع احمد تيشرته ورماه علي جنب ورفع ايديها الاتنين حطهم حوالين رقبته وشدها ليه اكتر وباس رقبتها برقه وهدوء فغمضت عينيها اكتر وهمست احمد
احمد بحب عيونه
شهد هزت راسها ب لا وتابعت خلاص كويسه
احمد نخليها بكره طيب ?
شهد فتحت وبصتله وتابعت بحب لا انا كويسه والله
فاحمد ابتسم وقربها منه اكتر وايديه علي ضهرها فغمضت شهد بتوتر لان ايديه لمست ضهرها الظاهر وباسها بحب وهو بيضمها ليه وهي قربته منها اكتر فا ده خلاه يتجرا وياخد خطوه اكبر وشالها بين ايديه فحطت ايديها حوالين رقبته فهمس بحب انتي كويسه ? فشهد ابتسمت بحب وتابعت بهمس اه يعمري فاحمد ابتسم وحطها على السرير برفق واعتلاها وقرب منها اكتر
وبعد شويه كانت شهد نايمه في حضن احمد واحمد بيمشي ايديه على شعرها بحنان وهمس حبيبتي انتي كويسه ?
شهد اممم متخافش
احمد اتعدل في قاعدته وتابع مالك ياشهد انتي كويسه بجد ?
شهد ابتسمت بتعب وتابعت والله كويسه يحبيبي متخافش علياا
فاحمد باس راسها بعمق وابتسم وتابع طلعتي عين اهلي ياشهد
فشهد ضحكت وتابعت اللي بيبصبر بينول ولا ايه
احمد بحب وانا بصراحه صبرت .. صبرت كتير وانتي مسك الختام
شهد ابتسمت بتعب وتابعت حقك عليا كنت بايخه اوي انهارده
احمد بضحك ده انتي كنتي سكر وباسها بحب تابع وختمتيها سكر بردو وعدلها في حضنه وباس راسها وتابع ربنا يباركلي فيكي وميحرمنيش منك ابدا يارب
شهد بحب ولا منك ينورعيني
فاحمد مسك فونه وتابع نطمن اخوكي بقى علشان مش راضي ينام غير لما يطمن عليكي
شهد بحرج احمد بالله عليك متكسفنيش قدامه
احمد بضحك انتي عبيطه ده يونس
شهد بحرج مانا مش بتكسف من يونس بس هتكسف من اللي انت ممكن تقولوا
احمد بضحك لالا متخافيش
فرد يونس بلهفه وتابع ايوه يا احمد معاك
احمد بابتسامه خلاص يحبيبي انا برن اطمنك
يونس بقلق شهد كويسه ?
احمد بصلها فخدت الفون وتابعت بحب كويسه ينورعيني متخافش
فتنهد يونس بارتياح شديد وابتسم بفرح تابع اللهم لك الحمد الف الف مليون مبرووك ينورعيني نامي بقى وارتاحي وبكره هنزلك جبتلك علبه نوتيلا زي نور بس نسيت انزلهالك معايا
شهد ابتسمت بفرح وتابعت يحبيبي ربنا يديمك ليا تعيش وتجيب بجد
يونس بحب تعيشي يحبيبي هاتي جوزك اباركله
شهد بحب امسك يااحمد
فاحمد خد الفون منها وتابع بحب ايوه يا ابو نسب معاك
يونس بحب مليون مبرووك يغالي عقبال عوضكم باذن الله
احمد بضحك حبيبي والله الفضل بعد ربنا يرجعلك
يونس فضل يضحك وتابع وعلشان بتحبك بردو بالك انت لو مش بتحبك كانت خليتك طلقتها امبارح
احمد فضل يضحك وتابع اه والله ده حقيقي
—
وبعد مرور شهرين حياه احمد وشهد كلها حب وهزار وحيويه وشهد بقيت غير الاول خالص وزين بقي عنده شهرين ونص وحسام بقي 5 شهور ونور بقيت حامل في اول الرابع وسيف وعمر كانوا سافروا بعد تصميم امنيه انها توديه للدكتور واشتغلتله هي بنفسها في عياده صاحب سيف اللي اعجب جدا بشطارتها لانها فضلت ساعتين كاملين متحركتش وخلصت حشو العصب في جلسه واحده وطلب منها تشتغل معاه بس طبعا سيف رفض ورجع معاها ولما نامت مشي علشان متشفهوش وتعيط وودع اهله بس احمد وشهد مرضيش يخبط عليهم وراح خد عمر وودع زينب وطلع علي المقابر قرا الفاتحه لاخوه وسافر سينا وبعد شهرين من التدريبات الضعيفه زي ما طلب منه حيدر يدرب الجيش المصري جيه اليوم اللي هيروح فيه مع الارهاب ويبدا مخططه الاصلي
عند امنيه كانت الساعه 8 الصبح وهي وصلت للشهر الخامس وتعبانه اوي والبيبي بيخبط في بطنها وهي بتحلم وجبينها بيتعرق وصحيت مخضوضه وهي بتصرخ باسم سيف
