رواية المجنون العاقل الفصل الثامن بقلم جمانه السعيدي
بكر...بقيت كاعد على نار اخاف اتحاكم وبعدني ماشايف اهلي يارب مااطلب منك شي غير اشوف اهلي
وضعي بلسجن حيل صعب
مااحجي وياا اي احد اخاف اكو بينهم جاسوس
والاكل حسا نعمة الله ماينوكل
واكثر شي الخوف مسيطر عليه خايف من الجاي
بلنسبه الابو بكر بدا يتحرا عن الشخصيات الي لازمه السجن والشخصيات الي ممكن يكون الها تأثير على القرارات داخل السجن
عرف كم واحد بس لازم بلاول يشوف بكر ويفهم منه شنو المشكله الي بسببها دخل للسجن
لايكون اتعدا على الحكومه لو سب او تجاوز على النظام
لان هاي شغله ثانيه
بعد ماخلصت اجازت صلاح واتواصل وياا ابو بكر
اليوم الي بي رجع للدوام ابو بكر تو اصل وياا
حتى يشوف بكر ويفهم منه
اتفقو يلتقون هناك بيومها صلاح بقه ينتضر ابو بكر
وحضرله تصريح بلدخول لان هيج اماكن خاصه للدوله محد يدخلها اله بتصريح
دخول فقط للبنايه مو للسجن
ام بكر...اروح وياك اريد اشوف ابني
ابو بكر... وين ترحين اني منو يكول يقبلون ادخل هيج مكان حساس
اروح اشوفه واطمن علي وارجع اطمنج
ام بكر...شلون كلبي انشلع بس اشوفه
فدوه بس اشوفه حتلو من بعيد ميخالف
ابو بكر...مايصير لا تلحين موزين عرفنا مكانه اسكتي وخليني اشتغل
جمانه السعيدي
وصل ابو بكر كان صلاح منتضره
دخل ابو بكر وياا صلاح وطلعو للسجن كبل
وصلو وصلاح طلب من ابن عمه يسمح ابو بكر يشوف ابنه
كعد ابو بكر بلمكتب ودزو شرطي يجيبه
بكر...من اجا الشرطي ياخذني توقعت راح يحاكموني
حتى رجليه كوه شايلاتني
من وصلت للمكتب وشفت ابوي كاعد
كلبي طار من مكانه
يابويه صار اكثر من ثمن اشهر ماشايفه
حضنته وكمت ابجي بحركه ابجي مثل النسوان
اكثر من عشر دقايق واني ابجي وهو يبجي
ابو بكر...اسكت كافي خل افتهم شصاير
شلون وصلت هنا فهمني
طبعا مدير السجن واكف برا لان ممنوع هيج زيارات
اذا اجا مسؤل على غفله يروح سته في سبعه
كل شويه يدخل راسه للغرفه ويكول استعجلوا
اني الخاطر صلاح قبلت بس ممنوع هذا الشي
ابو بكر...احجي بسرعه
بكر...بديت احجيله كلشي من يوم طلعت من البيت الحد مارجعت
ابو بكر... بسيطه كلش بسيطه ماطول مابيها تجاوز على الدوله هاي السالفه بسيطه
اني راح ادخل عالم ومعارف بلكت سجن لو محاكمه
سهله حتلو تنسجن فتره ميخالف
بكر...بابا لا تعوفني فدوه العمرك تعبت ولله تعبت
ابو بكر...شلون اعوفك اني ماصدكت لكيتك
امك تريد تموت عليك
فعلا ابو بكر بدا يدخل عالم وناس حتى فلوس شكد دفع ماخله واحد ما وسطه
بس كلهم يكولون لازم ينسجن مايصير يطلع
لان هو اتخاذل بواجبه اتجاه الوطن
راح نكتب فقد تخاذل الاسباب صحيه
بدون أن يكون متواطئ ويا اي جهه ارهابيه
لان ماكو واحد يعوف الواجب بدون سبب
جمانه السعيدي
ابو بكر دخل جهات سوو البكر تقرير بأن عنده مرض
بلسمع وعنده نوع من انواع الحساسيه
وهاي المهمه جانت صعبه علي ماكدر يعيش بلشوارع
وهو يعاني من هاي الامراض
لان هو بلبدايه رغم المرض الي يعاني منه بس قبل بهاي المهمه وابد مافكر بصحته المهم يدافع عن وطنه
بس صحته ما سمحتله يكمل
بلاضافه هواثناء ما يمثل دور المخبل تعرض للضرب بهاي المهمه وعلى اثر هذا الضرب دخل مستشفى
وحالته الصحيه والنفسيه ادهورت حيل
ممكن يدزون على المستشفى حتى ياكدون هذا الخبر
هذا التقرير دخل ضمن الملف الخاص البكر
بقو ينتضرن المحاكمه الي اتأجلت شهر ثاني بس بعدها حكمو على بكر سجن ست اشهر ثنيبن خلصن منهن
قبل المحاكحه و اربع أشهر بقن يخلصهن ويطلع
بعد محاكمه وضعه صار احسن مدير السجن كان يعامله معامله خاصه وأهله يدزوله اكل وملابس
بس امه ماكدرت اتشوفه بس ابو بين فتره وفتره يشوفه
طول فترة السجن ماكدر ينسى كل الضروف الصعبه الي مر بيها ولا كدر ينسى شهد وبيت ابو حسين
خلص الوقت المقرر بلسجن وطلع بكر
لكه ابو امه ينتضرونه برا السجن من شاف امه بعد كل هذا الوقت ماكدر يسيطر على نفسه
حاضنها ويبجي ما مصدك اخير خلص من هاي الشده
حالته تعبانه هلكد مامر بضروف صعبه علي
على اثر كلشي مر علي بدا يتعالج عند دكتور جلديه
فعلا طلعت عنده حساسيه بسبب الوصخ والنوم بلشارع
بسبب التجربه الي مر بيها وتعالج عند دكتور اسنان
لان اسانه صايره صفره حتى تعالج يم
دكتور مجاري بوليه
هنا ابو بدا يوسط ناس حتى ينقله من هذا العمل العمل ثاني
بعد عدة محاولات
وشكد واسطات
نقلو الدائره الجوازات هذا كان انسب مكان اله
والوضعه الصحي بعد كمية الازمات الي مرت علي
جمانه السعيدي
بعد ماطلع بكر من السجن بقه متراقب من قبل العناصر الامنيه
جان تحت عيون الدوله يخافون من خلال التجربه الي مرت علي يكون متواطى وياا جهه ضد الدوله
ولهذا السبب انسحب من هاي المهمه
لذالك بكر كان مايروح هيج ولا هيج من الدوام للبيت ومن البيت للدوام
خلال فترة الدوام مايحجي وياا اي احد
ولا كون صداقات جديده يسمونه المعقد
المتكبر
مايعرفون المصيبه الي مرت علي
اكيد مراح يكدر يرجع الذيج المحافظه ولا يطلب ايد شهد
لان كل خطوه محسوبه علي وهيج تصرف يخليهم يشكون بي اكثر مو بس هو هو وعائلة ابو حسين
شهد حلم مراح يتحقق ابد مادام هاي الحكومه قائمه
ولا حتى فكر يسئل عن شهد
ولا يجيبها بلطاري لا هي ولا اهلها
لان هيج شي راح يكون دمار للعائلتين
بكر كلشي مايعرف عن اخبارها بقه هذا الحب عايش بكلب بكر ومحد عرف عنه أي شي
هذا الحب المستحيل حب شاب سني البنيه شيعيه
هو ويا الدوله وهي واهلها ضد هاي الدوله
شلون راح يلتقون ماادري
احنا كلنا بداية القصه اخو بكر الجبير مزوج وطالع بيت وحده باقي اخو الثاني الأكبر منه
اهل بكر زوجو اخو الأكبر منه وحده من اقاربهم
ومر الوقت عليهم
سنه وثنيبن وهم يحاولون يقنعون بكر بلزواج لان مو زغير
وشمنتظر مثلا
بس هو رافض فكرة الزواج
امه بدت اتأثر علي نفسيا اني راح اموت اني مريضه
اريد اطمن عليك
منا لمن اقتنع بلزواج
رشحوله اخت زوجت اخو بنيه حبابه يعرفونها ويعرفون اهلها خريجة معهد
طبعا كل العراقيين موبس بكر بوقتها مستحيل يفكرون هذا النظام يروح
الكل متوقع حكم صدام راح يبقى طول العمر
هيج حكم قوي شلون راح ينزاح
اما بكر تفكيره بوقتها كان
اكيد شهد ازوجت مستحيل تكون بدون زواج الهذا الوقت
اني هم ازوج واعيش حياتي
هذا الانتضار مابي اي فايده العمر كاعد يمشي
الحد سنة الالفين وافق بكر يزوج من هاي البنيه
تقدمو اهله الها وتمت الخطبه
العرس كان حلو بشكل مو معقول لان بكر يختلف
معزته غير بكلوب اهله
بكر...مراح اكول حبيتها بس تعودت عليها البنيه مرتبه
وحبابه ماعدها نقص
بس اني ماكدرت احبها مو يعني اكرها
بس واقع حال تعودت عليها
هي واختها متفاهمات ماعدنا بلبيت اي مشاكل
جمانه السعيدي
الحياة تمشي عادي بعد سنتين وبعد عدت مراجعات
يله صار عندي طفل منها
سميته محمد على اسم ابوي كلش احبه وتعلقت بي
فعلا البزر معزته غير
اما بلنسبه الزوجتي ماكدرت احبها يعني حب حقيقي
الحب الي يوصل للكلب
ماعاملته معامله موحلوه لو قصرت وياها بشي
هي كانت حاسه اني ماعندي مشاعر حب اتجاها
بس راضيه وقانعه
اما بلنسبه الها تحبني بشكل مو معقول وتحاول كل الوقت بس ترضيني
اني طبعا مقدر هذا الشي
الحد ماسقط النظام وبغداد ازعزعت
اني بعمري ماكنت متوقع يسقط النظام كان خبر صادم بلنسبه اليه
احنا بوقتها انهزمنا يم بيت عمي بديالى بقينا فتره هناك
منا لمن بدا الوضع يرجع شويه شويه
واني رجعت الوضيفتي
اما اخوي الي كتلكم عنه يشتغل مهندس ميكانيك
كان متوضف بلتصنيع العسكري
بعد سقوط النظام وين اكو تصنيع عسكري
حتى المصانع كلها غلقوها
بقه يحاول هواي بلكت يتوضف بلدوله
بلاخير فتح ورشة تصليح سيارات جبيره وعايش منها هو واطفاله
مشت السنيين بينا واني ماصار عندي غير حمودي بعد ماصار عندي غيره
بس بعمري ما نسيت ذيج التجربه الصعبه الي مريت بيها
دوم انام واحلم بعدني عايش دور المخبل
هاي التجربه علمتني اكون حذر من الناس ومااصدك اي احد
اله بعد عدت تجارب مو تجربه وحده
شكرا لزيارتكم عالم روايات سكيرهوم
