رواية رهينة لضباط الفصل الثامن بقلم مرج البحر
ليـش وحـدي
و جاي اضوگ الشوگ رجفـة
و ليش بس إنتَ الصـدگ
والناس صدفـة
.......
طلعت من المطبخ ورحت للصاله اشوفه شنو يريد باوعت عليهم واحد واحد هو ما موجود ..
محمود.... سند صعد فوك
هزيت راسي وطلعت من الصاله وصعدت هسه هذا شيريد مني يعني ما يعرف يجي هو ويكول شنو محتاج لو اله يصعدني وينزلني....
دكيت الباب بنفاذ صبر دكه دكتين ماكو صوت رجعت دكيت ماكو ... فتحت الباب ع كيف ومديت راسي اباوع ماكو احد الغرفه صنته ...
اجيت اسد الباب وروح بس محسيت غير انفتح الباب ع عرضه وجرراني سند من ايدي وسد الباب .. خلاني ع الباب هو كدامي واكف ...
سند.... سبررررايززز شلونها المفاجأة حلوه مو
نور.... سند شتريد مني عوفنني بحالي كل ساعه مسويلك سالفه شكل انته شتريد بالضبط
سند.... اريد كلشي بيج
نور.... شنووووو لا فدوه بعد عني ليش جاي تفكر بيه بهاي الطريقه هااا ليششش تريد شي تطلبه من مروه مرتك مو مني لا تنسه احنه زواجنه بس حبر ونطبع ع الورق اكثر من هيج ما راح تشوف
سند.... انتي هم مرتي وما تفرقين عن مروه بشي ثنينجن عليجن واجبات اتجاهي ولازم تسونهن
نور.... اذا انته تدور واجبات اني ادور حقوق وين حقوقي كمره وين حفلتي مالت العرس وين زفتي وين احترامي وين كرامتي مو محسووبه علليك
لو تعرفون المره بس من جهتك بس من غير جهه عدكم عاددي.
سند... حلو والله تعرفين تحجين ما عرفتج ست نور صاير تخوفين حيل هسه انه حيل خايف من طريقة كلامج
نور.... ما طلبت منك تخااف
سند...اذا ما عاجبج تنطيني حقوقي بالتي هيه احسن هيج صدكي راح نتخارب
جان يحجي بطريقه استفزازيه كلش يحجي ويمشي ايده ع خدي وادفعها ويرجع يخليها باوعتله وضحكت ....
نور..... هههههه ضحكتني شووف هواي ناسس تستهان بناس الجاهله والي ما دارسه وانته هسه مو اول واحد بس ساعات الجهاله ويلي مادارسين احسن منك يلي دارس وتعبان ع نفسك
سند....مستويات عن مستويات تفرق يعني هسه انه مزوجج بس للخدمه شفتي الجهل مالج وين وصلج خلاج تصيرين جاهله لا قرايه ولا كتابه شلون قابلتها ع نفسج
نور... مثل ما انته قابلها ع نفسك تخاف من مره ويمي تطلع الرجوله هذا العلمته الكم القرايه والكتابه
سند.... ما خايف من مره هاي لتوضيح وررجاال غصبببن ع الجابوج ولو الجابوج جلاب لذالك صرتي منهم ما الومج هو الحب يطلع ع بذر وهسه خلصيني نزعي بسررعه لا تشلعين كلبي
نور.... بحلامك يصير الي بالك جسمي ما يطخ جسمك لو يصير الموت بيناتنه اكتل نفسسي وما اخليك تلمسسني فهمتتت
سند.... هسه نشوووف مقاومتج بكثر ثرثرتج
تقرب يمي حاوطني يرريد يبوووسني ضررربته راااشدي هووو تخبللل لزم ايدددي ولواهاا ورا ضهري وصاار يضحك يم اذاني...
سند.... تدرين شغله حلوه احبها بنسوان من يقومني اشتهيهن حيل عكس الي تبيع نفسها ما احس اكو متعه وياها
نور.... صدكني ما راح اصير لا رخيصه ولا شهوه من شهواتك ودير بالك تخطي خطوة حتمال تندم
عصررر ع ايدي حيل وكال بفحيح ... تندمين منوو ولج صددك شايفه نفسج وهذا خشمج اكسر وهسه تشوفين
شمرني ع الجربايه ونزع قميصه وشمره اجه ينام فوكي طفررت ... جان كل ضني الي حجه الي هذاك اليوم جذب ومن المستحيل هيج يصير بين المره والرجال السالفه ما تدخل بالي بس معا هذا ماشيته بسالفه حتى اعرف يجذب لو لا
وهسه الواضح الضغله طلعت صدك يعني ورطت نفسي بسالفه ما الها اول ما الها تالي نزلت من الجربايه من الجهه الثانيه وطكيتها ركضه للباب ..
سند..... ههههه عزيزتي نورايتي ماكو مهرب لازم نتمم زواجنه وانتي لازم ما تضيعين هاي الفرصه تعتبر اليله ليله عمرنه
نور..... كااافي كااافي لا تبقه تزززن بررراسي مااا اريد اسممع شيي حياااتي جحيييم بسبببك بسسبب اختتتتك انييي موو اختتك حتى ابييع نفسسي حتى لووو بالحلال هم مااا اسوويها
سند....واضح انتي تردين تنكتلين بس ما تعرفين تطلبينها بادب لذالك تسويلج بلبله حتى تنكتلين والعين ما تعله ع الحاجب تدللين
عيوونه صاارن حمررر شراين صدره برزت راحت نضري ع ايديه الي قابضها قوي ونضرته تحولت من استهزاء لغضب بلعت ريك ...
نور.... شوف اسفه مقصدي احجي هييج
سند.... لا لا ليش تعتذرين العتذار ما راح يفيدج بشي لا هسسه ولا بعدين ودخول حياة سند مو مثل خروجها
نور.... شنووو يعني هاااا شتقصدد
سند.... جحيم اهلج جان مثل الماي البارد بعز الصيف والحر وهما يقدمولج قطرت ماي بارده بس جحيمي يختلف مثل السفينه بكل موجه تترك اثر بجزاء السفينه شرايج لو نبدي هسه نضرب السفينه جزء حتى نعلمها ويه روج البحر لا تلعب والجزء الباقي غير يوم
جنت اسمع وفرك بيدي الباب مقفوله وما عندي حل غير الحمام هو يحجي واني افكر شلون اخلص من هاي الورطه عيوني تتجول ع ارجاء الغرفه ادور اي شي احمي روحي بي ...
نور.... سند كتلك اسسفه لتسوي هيج ترا مرات من ورا ضغوطاتك عليه احجي حجي ما اوزنه وعترف اني متسرعه بالكلام بدون ما افتهمه
سند.... تؤ تؤ هسه راح تصيرين الملاك البريء الي الناس ميته ع برائته هو شيطان متلبس ملاك
نور..... اني لاني ملاك ولاني شيطان اني نور وبس
سند.... صراحه تعجبني كلماتج الغير مباليه بالي كدامها سامعه بهذا الي يكسر ويداوي
نور.... اي سامع شبي
سند.... انه عكسسه اكسسر وجررح وهيين وخليي يتعذب انواع العذاب كبالي وما ارئف بحاله اخلي يداوي نفسه بنفسه لو كدر
فتحت عيوني ع وسعهن هذا يقصد راح يراوين انواع العذاب وما يهتم مشيت خطوتين ليورا هو يباوعلي بشماته ...
وصلت يم الكنتور وكفت يمه وهو اجه يتمشه صوبي ايده مخليهن ورا وضهره ونضراته كلها قسووة وع ساعه يفترسني بدون ما يرحم بيه ...
مديت ايدي ع المسدس بسررعه وخلييته ع راسي وباوعتله هو وكف بسررعه ...
نور..... لا تتتقرب واللله بس تحاول تتقربلي اكتل نفسسي وما اخليك تلمسنييي فهمتتت
سند.... جيبي السلاح بدون خبال هذا مو لعبه
نزلته من راسي وسحبت اقسااام هو انصدم حقه ينصدم .... تعلمت ع المسدس من عمي اخو ابوي يشتغل بالحشد وجان يجي يمنه وينضف بي بعيد عن جهاله وجهال عمي الثاني يخاف عليهم لو لعب بي ...
جان من يجي اكابله وكعد وسئله هذا شنو هذاك شنو هو يضحك ويجاوبني شويه شويه بديت اتعلم هو علمني شلون الزم المسدس وشلون اسحبه وشلون اخلي الطلقات وهواي امور للمسدس
صح عمي جان احن علينه من ابوي نفس بس اخذه الموت منه برمشت عين بليله وضحاها ..
جان موت عمي بنهايه عمري 18 تزمت حالتي بوكتها وصرت نطوايه ومن دخلت ال19 صرت ما اهتم لضرب ابوي ولا لمشكل
جان قبل لا يموت من يجينه يوصيني بطلي مشاكل صيري عاقله انه احب البنات العاقلات ...
جنت احبه حيل ودائما اشكيل من ابوي هو يصبر بيه ما بيده اي شي يكدر يسوي غير يهون عليه ..
مستحيل انسه هذاك اليوم الي جنت بامطبخ وامي اجت كالت عمج بصاله يريدج عفت المواعين ورحت طايره سلمت عليه ...
هو حضني جنت محسبه مثل كل مره حضنه عاديه بس جانت هاي الحضنه الاخير بيناتنه طول بحضنه قووي وكنو يودعني ... كعدني بصفه وكعد يوصيني صح متعلمه ع توصياته بس هالمره جانت اخير والي تركت الف سالفه وسالفه بالي وهو يئمني ع اكبر شي بحياتي جان هو نفسي ...
بيومها وصاني ع هواي اشياء ... بطلي مشاكل سمعي كلام امج ابوج تنجبي اخوج يكبر ويفتهم جان الي يسوي غلط اهتمي بنفسج لا تقهرين روحج حبي الحياة والله راح يفرج حياتج بيوم وغيره وغيره ....
راح وخذ كلشي وياه ضحكتي الجانت ما تطلع بس يمه عافيتي مشاكلي مجادلاتي عنادي حب الحياة التمرد ع حياة ابوي ...
تغيرت وصرت وحده ثانيه وكلها عبالها استسلمت لطغيان ابوي بس هو العكس وفيت بتوصيات عمي ونفذتهن كلهن ...
خليت المسدس ع راسي ودموعي تنزل واني اباوع ع المسدس وتذكر عمي وتعلومه الي .. فاصله عن صررخات سند هو يمنعني اسوي شي رفعت راسي وشهكت ...
نور..... انته مووو تريد تعذذذذببني انيي راح اخلصك مني بدوون ما تدخل بخطيتي
سند.... بعدي المسسدس بدون تهور التردينه يصير بعدي ولا تخربين حياتج بساعه طيش
نور.... ههههههه اخرب حياتي ليششششش هيه حياااتي شباقييي بيهاااا حتى ماااا اخررربها اذااا الناااسسس تحببب تنهششش بلحمييي واني عدله من اموووت شيسوووون
سند..... لا تتتهورين ونطيني السلاح بعدج بااول شبابج تلحكين تشوفين حياتج وتعدلين الي راح يلا نور انطيني السلاح
نور.....لتتتقرب مني اكتتل نفسسي احسسن انتته انسسان اناااني ومااا تحب بس نفسسك وتررريد تفرررض سيطررتك ع الكل وترييددد كلششي الك ولازززم محددد يحاجيك
سند.... تمام انه مو خوش انسان بس جيبي السلاح خلي اخذه ونتفاهم ع كلشي وما تطلعين اله وانتي راضيه بس جيبي السلاح لا يصير بيج شي
نور..... انتتتته واحددد جذاااب مااا تخاااف عليه انتتته تخااف ع نفسسسك تتتورط بيه لو متتت كللكم ماااا تخااافون اللله تردون المره لطاعه والخدمه وتلبيت جاااجات ولازززم هيييه ما تحجي وتفك حلكها اذا حجت معنااها جنت ع روحها
سند.... نووور جيييبي السلاح
نور.... راااح تسمممعني مثل مااا سمممعتك وتحملت حجيييك انته انسااان عددديم الرررحمه مااا عنددك انساانيه كلبك حجرررر اسوود تمششي ورررا شهواااتك
سند.... اي انه مو خوووش انسان زاني وشرب وكافر وحب كلشي يجيني ع طبق من ذهب وكره الي ترفضني وتحاول تبيع شررف براسي هيج تمام
نور.... انته اابشششع مخلوووق شفته بحياااتي شخص حقيررر وما تفكر بمشاااعر النااس همك بس نفسك وتلبياتها وتررريد الناس عبيددد الك مو هذااا الي ترريده
سند.... ايييي احبب انخدمم ماا احب اخدم احد وهاي حريه شخصيه شنو القاهرج انتي لان ما تكدرين تجبين احد يخدمج لذالك تغارين
اجيت اجاااوبه بس هو جررر المسسدس مني ولزمني من ايدي راد يضرربني راششدي دفعت ايدددده وصرررت اتلاوه اني وياااه ع المسدس هو يريد ياخذه واني اجره صوبي ...
تعلكت بالمسدس قوي اني اريد اجره هو يجر جتف ايديه وراد يجر المسسدس ما خليته جانت ايدي ع الزناد وهو يفتح بصابيعي حتى ياخذه بس اني اشد عليه ...
لحضه اشبه بخيال محسيييت غيررر صوووت الطلقه طلعت من المسدس ورن صوووتها برجاااء الغرررفه...
......
نبأ كاعده تشرح معاناتها لامي وكذا مره سئله عن نور واحنه نكتفي بالسكوت بعدها امي حجتلها وخطيه ضلت تبجي ع نور تكول اني متزووجه زواج وراوني الويل مو هيه اخذوها حتى يسترون غلطات ابوي..
نبأ اول ما تزوجت عيالها مراوينها الويل ورجلها بداية الزواج مو شي بعد ما رايدها لان فارضينها عليه ...
وجان ما متقبلها ولا رايدها بس تكول بعدين بده يحبني وحبه بس الواضح اكو لوعه جبيره قبل لا يحبها تخطتها هيه وما ذكرتها...
رغم امي حلفتها تحجيلها عن حياتها بتفصيل وامي ما لاحضة حسرة نبأ من كالت حبني وحبيته ..
بعد ما متزوجين زواج فعلي هما باقين يلحون يردون طفل وهيه حبلت من جايبه بنيه متخبلين عليها ورجلها كاضها وكاتلها والله شنو اول خلفيتي بنات...
بعدها هم حبلت وهم جابت بنيه وتكول راوني الويل مبهذليني اني وبناتي تبهذ ... ورجلها لاعب بيها طوبه علمود جايبتله بنات ...
وهسه هيه حامل وبشهرها السادس رغم ما بين عليها تكول من شهرين وهما مدلليني دلال لان عرفو حامل بولد وطايرين بيه طير ....
بقت يمنه نبا اسبوع وبعدها اجه رجلها اخذها شكد تونست وياها من راحت ضجت ... جنه كاعدين ودخل مجتبى بيده فايل ...
مجتبى.... يمممه البشااارة هلهليي
ام فاطمه..... كلوووووش
مجتبى.... ابوي طلك وهاي اوراق الطلاك وبصمي هنا حتى نفسي باقي الاجراءات
امي من كثر الفرحه بصمت وراح هو يمشي بالمعامله بدل امي وصدك ما طولت السالفه اسبوعين وتطلكت امي منه وخلصنه منه ....
امي بدت تفكر تزوج محمد بس بعد ما ترمم البيت وتخلي بي اشياء جديده جان ابوي مسوي حصار علينه بكلشي الله يسامحه ...
كاعده الف دولمه مشتهينها ودخل عليه مجتبى راح غسل واجه كعد يلف وياي بيها ...
مجتبى.... حضري روحج من الاحد الجاي تبدين ترحين لمعهد تعلمي الكتابه وقرايه حتى السنه الجايه تدرسين
فاطمه.... العبااس عليييك صدددك يعنى وخيرررا مااااجااي اصدك وخيرررا راح اعررف اقرررا وكتبب صددك الله عليك مجتبى صدك
مجتبى.... اي صدك ليش انه حجيت يوم شي وما سويته الج لو خليته بنفسج
فاطمه....اي ما خليت شي بنفسي بس هواي اشياء خليتهن بنفس نور اولهن الراحه الجسديه
مجتبى.... ما انكر جنت مئذي حيل ويه نور بس هسه تغيرت فاطمه والله لو ترجع نور راح اسوويلها كلشي بنفسسها ما احرمها من الككو الي تحبه
فاطمه.... رغم كلشي سويته وياها وهيه ما تنطي بيك كدام ابوي وتتحمل ضربه ع مودك بس انته تجازيها بشي اضرب منه
مجتبى..... اااخ ولج الندددم مااكلني جنت اشكك كتب ابووي ملات المجاالس ومن يجي اختل بضهر امي هو بس يسئل من سوه هييج هييه تطفر تكول انه جانت تتدري ببوي ما يرحمني وما تريده يكرهني
فاطمه.... اووف مجتبى صح انته ازغر واحد بينه ونور اكبر منك بس تحبك حيل لدرجه تضحي بنفسها ع مودك ومن يجي عمي يجيب الها حلويات انته تاخذهن وتتعارك وياها ع مودهن ومن يجي ابوي تبقه تبجي وتكول حجي اكبر من عمرك وتوكع براس نور المسكينه وانته تاخذ حلوياتها وتاكلهن كدامها وتقهر بيها
مجتبى.... جنت اغاار منها لان عمي يحبها من دون خلق الله ويعززها اكثر من ولده وبس يجي يسلم صاح وينها ويدللها ويوصي ابوي ما يضربها جنت طفل وهسه ندمان
ابتسمت واني اشوف ادموع تنزل صدك ندمان رغم الي صار بنور مو قليل بس تبقه طفوله عابره ..
مجتبى عمره 20 سنه ازغر من نور بسنه وبزر المعد مالتنه طالب علوم كيمائيه وهو نور جانو روسيه حيل بس نور كل هذا وتموت عليه ...
اني عمري 23 سنه هادئه ما احب اتعارك ولا اجادل احد ولا ارفض لاحد طلب ولا احب اكسر كلمة احد وخجوله وما اعرف اتصرف بمواضيع الحساسه ...
محمد اخوي 22 سنه طالب اداب منعزل وقليل الكلام وكلامه كله موزون وما يجرح احد وينقهر ع الناس اليحبهم بسرعه
كاعدين نلف دولمه ودخل محمد ابتسم واجه يلف ويانه وهو يلف كال ....
محمد.... هاي تاليتنه يا مشيبو نلف دولمه حالنه حال النسوان
فاطمه.... وشبيها يعني تنقص رجولتكم لو يطل شوك بيديكم
مجتبى.... هههههه لا نتحسس
محمد.... اي ما كتلي شفت معاهد التعلم
مجتبى.... اي شفتهن وقدمتلها ع واحد تدريسهم مضمون وجود كلفته ياخذها ويرجعها
محمد.... وانته واثق من هذا الي اسمع جود لو بس هيج جبته وخليته ياخذها
مجتبى.... لا والله اعرفه معرفت عمر ماكل وشارب عدهم وعرف امه وخوانه وابو
محمد.... اذا هيج خير ان شاء الله وانتي جهزي نفسج العصر اخذج انتي وامي لسوك تشترين ملابس وعبايه جديده وتغيرين جو
مجتبى.... اي شي بنفسج اخذي لا تهتمين بالفلوس ماشي يحلووه
ابتسمت ع حجيهم هما غسلو وراحو اني خليت الدولمه ع النار وطلعت شفت امي تصلي حاجتني ع السوك كلتلها اي كلولي محمد مجتبى وهيه خطيه فرحانه ع فرحتي ...
بعدنه كااعدين اني وامي نسوولف وندكت الباب شفت محمد طلع من اليوانيه ورا مجتبى لحكناهم اني وامي وجاانت الصدمه ...
شكرا لزيارتكم عالم روايات سكيرهوم
