رواي عذابي وقدري الفصل الثامن بقلم ارسلان جاف
روان… ..
شكد صعبه من يتهموك بشي انت ممسوي…
والمطلوب منك شنووو… تثبت برائتك…
وانت مظلوم… .
روان… بقيت الليل كله دموعي تنزل و مانشفت دمعتي…
بعد ما خابرت على تكتم واجتي وحجيتلها كلشي
كالت السالفه يمي وطلعت…
………………… ..
تكتم… طلعت من روان وعرفت السالفة كلها
جانت لعبة من حسين واخته نور بس لازم اثبت
برائتها واخلي علاء يعرف الحق وين…
وروان مظلومة… جانت ضحية لعبة منهم
رجعت للبيت ظليت الليل كله افكر بطريقة
اكشف بيها لعبتهم…
تكتم… ماكووو غير هالحل…
اروح على نور واهددها اذا ماحجت كلشي
واعرف حسين الحقير ليش هيج سوه ب روان ..
الا احجي كلشي لاهلها…
صدك والله ثاني يوم رحت لبيت نور من الصبح
صادف يوم عطله .. ماكوو دوام
فاكيد حسين ونور موجودين بالبيت كلت خلي
اتعشه بيهم قبل لا يتغدون ب روان المسكينة
وصلت لبيت نور دكيت الجرس طلعلي اخوها حسين الحقير من شفته مدي اهجم عليه واخنكه
الحقير بس ماريد اخرررب… الي جايه اسوي ..
حسين اتفضلي
تكتم…
تكتم ..بدون زحمة عليك بس اريد نور بشغله
حسين دقيقه…
فات جوه للبيت صاحلي نور واجتي ..
نور ..هلا تكتم…
هلا بيج . شلونج نور
الحمدلله .
دخلتني جوه… .وصعدنه لغرفتهه
نور شعجب جايه عليه اليوم…
تكتم ضايجه وكلت اروح اشوف صديقتي ..
هلابيج…
فكرت نور اعرفها راح تنكر ومتحجي شي
مبين عليهم حايكيها عدل هي وحسين
تكتم… نور اح اح كمت اكح جذب
نور كلاص مي…
كالت اي وطلعت…
راحت نور وتركت تلفونها كلت اخذ جهازها واخذ صورها وغصبن ماعليها اخليها تجي زحف فتحت تليفونها وكلبت بي ..
لكيت صور لنور يخجل احد يباوع عليها شبه عارية بس بالداخليات 😲
عزززه… هاي شنوو
اجتي فكره براسي طلعت تلفوني من جيبي
وكلت ماكو غير هاي الطريقة اخذت جهازها
ونقلت كل صورها لجهازي .. كملت ورجعت
تليفونها اجتي نور جابت كلاص المي ..
تكتم… شكرا اتاخرت وطلعت من بيت نور
وصلت للبيت…
جان عدهه برنامج فايبر واعرف رقمها راسلتها
عليه وكتلها نور اليوم تجبين اخوج حسين وتجين
لبيت روان لو صورج هاي ترووح لابوج
ودزيتلها وحدة من الصور…
نور… والله اني معليه هو ماخذهم من تليفوني
تكتم… تجبين حسين وتجين
نور مايقبل حسين وهو حتى منعني احجي ويه روان…
تكتم ..ماشي اني راح ادز الصور لاهلج وانتي
احجي لهم ليش دزيتهن خوش…
نور لا لا تكتم احاول اقنع حسين…
…………… ........
روان جنت اصلي صلاة المغرب وجنت لابسة
احرام الصلاة وادعي ربي يخلصني من المصيبة
وكملت دك تليفوني…
كلت اكيد هاي تكتم… فتحت خط
روان… هااا تكتم سويتي رنوو خابري علاء
وكوليلة تعال بعد نص ساعة
اتصلت بي مثل مكلتلي تكتم واجه بعد نص ساعه
قبلها اجتي تكتم صديقتي…
واجه حسين ونور واهلي ميعرفون شنو السالفه
واحد يباوع على الثاني…
تكتم… حسين ليش هيج سويت ومنين اخذت
صور روان وليش اخذتهم…
لو اروح احجي كلشي لابوك وانسويها عشاير
حسين وهو مدنك ويحجي… اني جنت احب روان
صار سنتين وكل مااحاجيها تصدني ومن عرفت
بيها مخطوبة اشتعلت بنار وردت اسوي كلشي
بس علمود خطيبها يعوفها…
بيوم جانت ناسيه جهازها بالجنطة ومن نزلت
ذكرته وانطته الي وكالت خوية خلي جهازي يمك
اخذته وهي راحت…
جان رمز مابيه .. فتحته شفت رقم مكتوب عليه
حبيبي عرفت خطيبها اخذته وخزنته بجهازي
وقررت احجيله شي من خيالي…
واخذت جهاز اختي نور ونقلت صور روان كلهـن
وسويت هذا كله… وهسه اني متندم بكد شعر راسي لان اذيت روان وهي مااذتني ابد ..
- روان اني اسمع ودموعي تنزل ..
كام عليه علاء وضربه بوكس خله الدم طلع من
حلكه وجطله بالكاع ونام فوكاه ويضربه بي بوكسات
موته من الكتل بالكوه الولد وخروا منه…
حسين تعذر من اهلي ومن علاء ..واخذ اخته نور وراحوا ..
تكتم… اني اترخص الي عليه سويته والحقيقه
بينت الكم…
ابو روان… الله يبارك بيج بنتي ماقصرتي
العفو عمي روان اختي وصديقتي…
تكتم… روان اجتي حضنتني وتبجي وتشكرت مني
تكتم ولج خبلة كافي تبجين… ابتسمت
علاء… اشكرج اختي اني من حبي وغيرتي عليها
ماشفت بعد طريقي…
روان… طلعت تكتم…
واهلي هم طلعوا بقيت بس اني وحبيبي وحدنه
اجه حضني واعتذر مني وبقينه كاعدين بالاستقبال
على التخم ومخليه راسي بحضنه…
لان بعد الي صاار دخت وماكدر اتنفس علاء
شالني وخلاني على التخم وهو مخلي راسي
بحضنه…
علاء… اسف حبيبي واعتذر بس
مدرسة بعد ماكووو اني اخاف عليج من خيالج
واغار وانتي شفتي شصار…
هزيت راسي اي ..
بعدهه اتعشينه وعلاء راح،واني صعدت لغرفتي
نمت…
ومرت الايام وبعد المشكلة الي صارت قوت علاقتي
بعلاء اكثر وصرنا اني وحبيبي واحد اقرب من الثاني…
بس تركت دراستي وراهه…
حجي اهلي صح انظلمت بس مرات رب العالمين
يعوضك بشي تشوف نفسك بيه اكثر…
وجود حبيبي نساني الدراسة ..
واعرفت بهاي الفترة ان علاء مايخابرني بالنهار
مو بسبب الشغل بس خاف مرت ابوه تسمعني
شي وتغثني لو اضوج من كلامها بقينه نتخابر بالليل بس …
مايجي للبيت يكول اخاف اهلج لو احد يسمعج حجايه
بسببي لحد ماصارت قريبة زيارة الاربعينة الناس
تمشي لكربلاء…
علاء… خابر بابا وكله عمي اريد اجي ونرووح
اني وروان مشى لكربلاء… بابا وافق بشرط
نرووح كلنه لزيارة سوه…
مو بس اني وياه ..اني فرحت…
اجه علاء الصبح وطلعنه مشايه كلنه سوه لبست بدي اسود
وبنطرون اسود وشال اسود وعبايه راس
نمشي بالطريق يومين بطريق من الحلة لكربلاء
نمشي وحدنه صح اهلي ويانه بنمشي بالطريق يومين بطريق من الحلة لكربلاء
نمشي وحدنه صح اهلي ويانه بس احنه نمشي
كدامهم لو وراهم ونسولف وهو لازم ايدي
فديته حبيبي… ..
وراهه ب 5 ايام صارت زيارة لنجف هم رحنه مشايه سوه
صادفت يوم 1/1. راس السنة
من رجعنه من النجف جنه تعبانين من المشي،
وبيومها علاء بات يمنه بالبيت…
صعدت تمددت بفراشي ونمت من التعب بالليل
دك تليفوني علاء دزلي رسالة… رنووو حياتي
تعالي…
روان علاء بيك شي…
علاء… لا مابيه شي تعالي اريد احجي،وياج اشويه
حبيبتي…
روان ..حبيبي اخاف واحد من اهلي،يكعد ويشوفنه
علاء… والله مااسوي شي بس نحجي واريد
اخليج بحضني…
هااااا علاء تكول ماسوي شي…
شبيج كلش ميبستهه عليه هي حضنه…
حرام عليج احنه بنفس البيت وانتي شارده مني
اكرص…
روان نزلت جنت لابسه تراك اسود وبي نقاط حمر
طلعنه بالطارمه اول منزلت حضني و باسني، من
شفتي وحضني بكل قوته… وكال مشتاقلج
وكال تعالي واخذني من ايدي وطلعنه كعدنه
بالطارمه على كراسي واني كعدت بصفه وخليت
راسي على جتفه وبقينه نحجي،وهو حاضني
يمه حسيت بشعور حلووو ابد ماينوصف
صرت اشوف السعاده والفرح وكلشي حلو بعيون
حبيبي بقينه نحجي لساعه 4الصبح…
روان… حياتي والله طفيت صاعده انام نعست
ماشي روحي حياتي كمت كال بس انطيني حصتي
بالاول واشر على شفته بوسيني،يله
اني خجلت كتله باي حياتي تصبح على خير
ماحسيت غير سحبني عليه من ايدي وباسني،
من شفايفي حسيت نفسي اختنكت دفعته وصعدت
ركض لغرفتي…
وتمددت بفراشي وبقيت افكر وابتسم…
الى ان نمت…
نسيت كلشي شفته بحياتي وصارت ايامي،كلها
حب وسعادة وكمت اشوف الدنيا بلون ثاني كلها
تفائل وامل…
اتفقنه اني وعلاء يكون الزواج بعد شهر قبلها
لازم نعقد بالمحكمة يله نتزوج… .
بابا جان رايد نعقد بالبداية قررنا نعقد بغداد
بيومها واجه علاء يوم الاحد واخذنه اني وماما
لبغداد علمود نبدي نمشي بمعاملة العقد وراح
نبقى بيت عمتي سهاد لان بيتها قريب على المحكمة
لبست تنورة رصاصي وستره هم نفس اللون
وقميص وردي فاتح وحذاء وجنطة وردي هم
كعدت ماما بالصدر يم علاء…
واني كعدت وره حبيبي مباشرتا… حبيبي جان
لابس بنطرون رصاصي وقميص وردي فاتح
طالع يخبل فدوووه لكلبه…
قررنه نلبس سوه بعد محد يلبس وحده
وطول الطريق هو يباوعلي بالمرايه ويغمزلي
واني ابتسم،…
وشغل اغاني كلها حب وغزل ويغني وياهه
ماما… ابني علاء رنووو امانة عندك كل الي باقي
على زواجكم شهر او اقل…
علاء… يمه رنووو بعيوني اخليهه وهي مو بعيدة
من تشتاقيلها خابريني اجيبها واجي…
وبقوا ماما وعلاء يسولفون واني صافنه
على حبيبي يخبل ربي لا تحرمني منه وادعي
ربي كون مايصير شي يخرب هلينه فرحتنا
وصلنه لبغداد واخذنه صور وانطينه معلوماتنه
وقدمنه طلب زواج…
علاء… عمه مدام انتم هنا علمود نختار غرفه النوم
وشوفو شنو ناقص وكلشي نجهزه…
للظهر بقينه بالمحكمة دخنه ..
وعلاء ..يركض يروح منا ويجي منا…
وانوب اوراق النفوس مالتي ورقه لنفوس مالته
ورقه للمستشفى…
ونفوسي الحلة ونفوس علاء بغداد…
كال اليوم مالحك ارووح باجر نرووح لبغداد
من الصبح نجيب ورقة من النفوس…
هسه عمه تعالي نتغده… دخلنه لمطعم
وطلبنه غده كباب ومقبلات وعلاء كل شويه
ويلزم ايدي ويهمسلي احبج يحلالي ..
واني خجلانه امي ويانه كاعده…
كملنه غده وصلنه علاء لبيت عمتي سهاد وراح ..
عمتي سهاد متزوجة عن حب وعدهه 2 بنات
سارة ورفل ولد واحد اسمه عبدلله ..
بصف السادس الابتدائي ورفل بصف بالاول متوسط
وسارة بصف الرابع علمي بناتها حبابات وحيل احبهم
وعمتي هم تحبنه وتحب ماما عكس عماتي الاثنين
الي يكرهونة ويكرهون ماما ماعرف ليش…
وصلنه ميتين من التعب اني وماما ..
من الطريق…
عمتي سهاد ..كالت لماما انتي تنامين يمي
ورنووو تنام يم البنات ترووح فوك ..
بدلت ملابسي وارتاحيت ونزلت كعدنه بالهول
ضحك وسوالف صار المغرب واني اتراسل ويه
حبيبي استحي اخابره كدام عمتي وماما
اجه زوج عمتي حكمت…
اهلا وسهلا نورتونا زارتنا البركه…
شلونكم ام هيثم ابو هيثم شلونه
ام هيثم… الحمد لله كلهم بخير ويسلمون عليك
حكمت الله يسلمهم…
كال يله بدلووو اني عازمكم على العشا بالزوراء
البنات كامووو يصيحون ويكمزون وصعدنه
فوك اني والبنات علمود نبدل طلعت تنورة
كامت بنت عمتي سارة تقلد عليهه وراحت
طلعتلي من الكنتور من عدهه بنطرون لون
ثلجي وقميص زيتوني وشال زيتوني
وجنطة وحذاء جوزي… وطلعنه كلنه لزوراء
بالطريق دزيت رسالة لحبيبي كتله احنه
طالعين لزوراء زوج عمتي عزمنه على العشا
علاء ..اجي ..
روان لاحبيبي وين تجي استحي من عمتي وزوجها شلون تجي
ديربالج على نفسج تره اخاف عليج خلي بالج
اذا احد باوع عليج اعمي عيونه
فدوه لكلبك حبيبي…
وصلنه لزوراء ضحك وسوالف وتونسنه وتعشينه
ورجعنا للبيت لساعة 11 بالليل
صعدنه فوك اني والبنات وبقينه كاعدين نسولف
لحد الساعة 12 اتصل حبيبي علاء…
استحي احجي كدامهن نمت وغطيت راسي
واحجي على كيف استحي من بنات عمتي
وهو يحجي واني احجي بصوت ناصي
وهو يكول فديته الخجول اني…
بقينه نحجي لساعه 2
علاء يله حبيبتي روحي نامي باجر من الصبح
لازم نرووح للحلة ونرجع لبغداد وباجر راح
تعبين ملاكي ..
روان ..اذا انت وياي ابد مااتعب لو افر العالم كله
علاء ..انتي تريدين تموتيني
اسم الله عليك… حبيبي
علاء هسه اجي
روان وين تجي لا حبيبي يله تصبح على خير
شكرا لزيارتكم عالم روايات سكيرهوم
