رواية عشقت كبريائي فهد ومليكة الجزء الثالث (لقاء الاحبة) الفصل السابع
جاء معاد وصل فهد للفيلا بس مجاش وكانت مليكه قعده ومتوتره قعدت تتصل بيه بس كان مش بيرد على التليفون وفى الاخر قفله خالص
مليكه :- بقلق ياترى يكون راح فين
عدى :- معرفش هو مشى من غير ما اشوفه بس ممكن اللى يعرف بابا فارس
مليكه :- طيب اتصل بيه بسرعه
عدى :- حاضر ومسك تليفونه واتصل على فارس وانتظر الرد
مليكه :- ها رد
عدى :- لاء هحاول تانى
مليكه :- يارب هات العواقب سليمة
عدى :- برضه بابا فارس مش بيرد
مليكه :- ليكون ابوك جراره حاجه
وفى الوقت ده دخل فريد
فريد :- السلام عليكم
مليكه وعدى :- وعليكم السلام
فريد:- فى ايه مالكم
عدى :- بابا مشى من الشركه من بدرى ومجاش لحد دلوقتى
فريد :- ما يمكن يا جماعه نزل بيشم شوية هوا علشان مخنوق من اللى حصل الصبح
مليكه :- كان رد على تليفونه لكن تليفونه اتقفل
فريد :- اهدو شويه بابا مش عيل صغير ده كبير وعارف بيعمل ايه واكيد هو راح مكان علشان يريح أعصابه شويه
مليكه :- والله مش معترضه أن هو يريح أعصابه بس حتى يطمنا عليه
عدى :- استنى بابا فارس بيتصل اهو وفتح وقال ايوه يا بابا فارس متعرفش بابا فين
فارس :- متخفش يا عدى ابوكم معايه علشان مخنوق شويه سيبوه يريح أعصابه
عدى :- مش مهم يريح أعصابه براحته بس المهم اطمنا عليه
مليكه :- شدت التليفون من ايد عدى وقالت ايوه يا فارس خلى فهد يكلمنى
فارس :- ها طيب بصى سبيه دلوقتى هو مش عايز يكلم حد
مليكه :- طيب افتح الاسبيكر
فارس :- حاضر وفتح الاسبيكر لفهد
مليكه :- فهد حقك عليا وحياة اغلى حاجه عندك سامحنى وارجع الفيلا واعمل فيا اللى انتى عايزه بس بلاش تزعل منى وتخاصمنى انا برضه مليكه حب عمرك يا فهد وخليك انت ابو قلب كبير وسامح المرادى وانا وعد منى مش هعمل كده تانى
فهد :- اخد التليفون وقفل السكه فى وش مليكه
مليكه :- بصت للتليفون بزعل وادته لعدى وقامت دخلت الاوضه بتاعتها من غير ولا كلمه
عدى :- كل ده بسببى وبسبب البنأدمه اللى اسمها روان اكبر غلطه فى حياتى
فريد :- مفيش حد مش بيغلط بس الصح اننا نتعلم من غلطنا ومنقعش فيه تانى وبالنسبه لبابا وماما هما علطول كده يزعلو من بعض يوميآ تلاته وبعد كده يتصالحو ويرجعو لبعض ولا كأن فى حاجه حصلت
عدى :- عندك حق تصبح على خير
فريد :- وانت من أهله
وطلع كل واحد فيهم على اوضه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا فى الشقه
كانت قعده وبتاكل بسكوت وبتحاول تسيطر على دموعها لكن مقدرتش ودموعها نزلت منها سابت البسكوت وقعدت وضمت رجليها على صدرها وحطت راسها على رجليها وقعدت تعيط وهى بتفتكر فى كلام يوسف ليها فى الشركه
تيلا :- بدموع يعنى جت عليه هو لما يجرحنى ما الدنيا كلها جرحانى بقيت ملطشه للكل لا عندى ضهر يحمينى ولا حيطه اتسند عليها انا واحده عايشه فى الدنيا كده وخلاص عايشه لعذبها عايشه للوجع وللدموع بس ااااااااااااه يارب تعبانه اوى من جوه اى جرح يداوه الا جرح النفس والقلوب بجد حاجه وجعها صعب عليا بس انا صبره زى ما امرتنى بشرنى بالفرحه يارب احسن خلاص مبقتش قادره استحمل زى الاول ونامت على السرير وغمضت عينيها والدموع كانت نازله منها ومش عايزه توقف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند فارس وفهد
كانو قاعدين فى كافيه وبيتكلمو مع بعض
فارس :- ليه يا فهد قفلت السكه فى وش مليكه خلاص بقى اعتذرت ليك وعرفت غلطها بلاش تسوق فيها
فهد :- لاء مش بسهوله كده لازم اعرفهم أن الله حق
فارس :- انت قلبك ايه يا عم اقسم بالله مراتك صعبت عليا من صوتها وقلقها عليك
فهد :- ومن قالك مصعبتش عليا وقلبى وجعنى عليها بس اللى حصل منهم مأثر فيا اوى يا فارس صعبه على اى راجل يحس ان هو مركون على الرف وملهوش لازمه وبالذات فى السن ده
فارس :- بوجع طيب انت مراتك بتخاف على زعلك وبتعملك الف حساب امال انا اعمل ايه اللى جومانه لاغيه وجودى نهائى ومن زمان اوى هى الكل فى الكل وانا عباره عن ضيف شرف فى البيت
فهد :- ليه طيب مع أن جومانه بتحبك وبتحترمك
فارس :- اخد نفس وقال كان الأول ومع المسؤوليات بقت هى بتتحكم فى الأمور وكل حاجه حتى اولادى بيعملو ليها اعتبار اكتر منى بقت تزعق ليا زى العيل الصغير وقدام الاولاد لحد ما كرهت القعده فى البيت بقوم امشى الصبح على الشركه واجى هنا بعد الشغل واقعد لحد ما الوقت يتأخر وارجع تكون نامت بقيت مش طايق الكلام معاها بقت حياتها كلها لنفسها ولعيالها وبس
فهد :- طيب ليه محاولتش تقعد تتكلم معاها وتفهمها ايه بيضيقك منها يمكن تغير من نفسها
فارس :- بقولك مش فاضيه ليا لما احاول اتكلم معاها تسبنى وتروح وراه بسمله او كريم مع أن الولاد كبيره بس هى بتهتم بيهم كأنهم لسه اطفال وناسيه أن انا كمان كاراجل فى السن ده بحتاجها اكتر من ولادها
فهد :- وانت ناوى تقضى حياتك على قعدت الكافيه
فارس :- مش قدامى حاجه غيره احسن ما ارجع البيت ومع حركه من اللى بتعملها ممكن ادوس على العشره واطلقها اهو مخليها مع عيالها وخلاص وانا مقضيها على الكافيه لحد ما يجى اجلى
فهد :- طيب تعال عندى الفيلا وممكن مليكه تكلمها ليك
فارس :- لاء بلاش احسن انا كده مرتاح قوم انت روح البيت لمراتك وخلى عندك دم مليكه بتحبك ومهما عملت بيبقى بحسن نيه مش قصدها حاجه وحشه مليكه مراتك بجد صعب تلاقى زيها اليومين دول
فهد :- وانت هتعمل ايه دلوقتى
فارس :- ولا حاجه هقعد زى كل يوم لحد ما الوقت يتأخر وبعدين هروح
فهد :- جومانه طيبه اوى وعبيطه على فكره يعنى ممكن تكون مش واخده بالها من اللى بتعملوا ده نبها وبلاش تضيعو اللى باقى من عمركم فى البعد والفراق
فارس :- إن شاءالله يلا تصبح على خير
فهد :- وقف وقال وانت من أهله سلام
فارس :- مع السلامه
ومشى فهد على الفيلا وقعد فارس يشرب القهوه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
وصل فهد الفيلا ودخل على اوضه وكانت مليكه قعده على السرير اول ما شافته طلعت تجرى عليه
ورمت نفسها فى حضن فهد وقالت
مليكه :- بدموع حقك عليا يا اخويه مش هعمل كده تانى بس وحيات اغلى حاجه عندك بلاش تقسى عليا تانى
فهد :- رفع وشها ليه ومسح دموعها وقال دموعك دى نقطة ضعفى لما بشوفهم قلبى بيضعف ويلين
مليكه :- يعنى خلاص سامحتنى
فهد :- قلبى اتخلق علشان يحبك ويعشقك مش علشان يقسى عليكى بحبك ولاخر نفس فيا هفضل احبك وشالها وحطها على السرير و(ماشاءالله الراجل عنده صحه تهد جبال عااااااش يا فهودى 🙈🙈🙈)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصل فارس الفيلا وكان الكل نايم والدنيا طالمه ومشى براحه وطلع السلم وراح عند باب اوضه ولسه بيمد أيده يفتح الباب
كريم :- خبط على ضهره براحه
فارس :- اتخض وقال يخربيت ابوك فى حد يعمل كده يا اخى كنت هتوقف قلبى
كريم :- سلامة قلبك الابيض يا ابو كريم
فارس :- ماشى يا اخويه ايه مصحيك لحد دلوقتى
كريم :- كنت عطشان
فارس :- ايه يا اخويه عطشان
كريم :- ايوه زى ما بقولك وقوم ايه بقى الاقى حد ماشى بيتسحب زى الحراميه اتارى انت يا حاج
فارس :- يا ابن الكلب بتقول على ابوك حرامى
كريم :- شوف ازاى يعنى زعلان من كلمة حرامى ومش زعلان من كلمة الكلب عجبت ليك يا زمن
فارس :- عايز ايه اخلص
كريم :- ايه يا عم بتروح فين كده كل يوم بعد الشركه ها وغمز ليه بعينه وقال جو جديد قول قول متخفش مش هقول لماما
فارس :- وهو اللى معاه واحده زى امك يفكر يبص على صنف الحريم تانى
كريم :- هههههههه لاء فى دى عندك حق امى تكره البشريه كلها فى صنف الحريم مش انت بس ياراجل
فارس :- يا راجل انت هتصاحبنى اوعى كده
كريم :- انت تطول تصاحبنى ده انا البنات كلها هتموت عليا فى الجامعه
فارس :- على ايه حسره
كريم :- لاء حاسب انا اسم على مسمى يعنى اسمى كريم وكريم اوى اوى فى عطفتى وحنانى مقولكش سومه الحساس بعيد عنك
فارس :- يا حونين وزقه وقعو على الأرض
كريم :- ااااااه كده كسرت الحونين ده ايه الاب ده ياربى وقام وقف وهو ماسك ضهره وقال ربنا على المفترى ومشى وهو بيعرج راح على اوضه
فارس :- بص عليه وهو ماشى وضحك وقال الولا ده مشكله طالع كله شبهى وانا صغير
وفتح باب اوضه ودخل بص على جومانه وهى نايمه وغير هدومه ونام على السرير واده ضهره لجومانه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد فى سماء الاسكندريه
لتبدء تيلا بفتح عيونها
قامت من على سريرها بصعوبه دخلت حمامها واخدت شاور واتوضت وخرجت لبست هدومها وأدت فرضها وحطت الشنطه الكورس بتاعتها ونزلت راحت العنوان اللى يوسف ادهولها بس كان لسه الميعاد بدرى وكان يوسف لسه مجاش ووقفت تستناه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
صحى يوسف متأخر من نومه بص فى الساعه لاقها متأخره قال
يوسف :- يا نهارى انا ازاى مسمعتش المنبه وراحت عليا نومه قام يجرى دخل الحمام اخد شاور فى السريع واتوضه وخرج لبس هدومه واده فرضه ونزل يجرى ركب عربيته وساق على أقصى سرعه لحد ما وصل للمكان اللى قايل عليه لتيلا ولاقها وقفه مستنياه
يوسف :- انا اسف ليكى بجد راحت عليا نومه معرفش ازاى وقفه من بدرى
تيلا :- لاء انا اللى جيت بدرى شويه ولا يهمك
يوسف :- اركبى
تيلا :- ركبت وقالت هو محدش هيجى معانا
يوسف :- لاء جاين بس فى عربية معاذ
تيلا :- تمام
يوسف :- فطرتى
تيلا :- احم ايوه شكرآ
يوسف :- لاء مفطرتيش على فكره بيبان عليكى اوى الكدب
تيلا :- لاء بجد شكرآ مليش نفس
يوسف :- شغل العربيه ومشى بيها لحد مطعم ووقف وقال انزلى
تيلا :- على فكره انا قولت لحضرتك مش عايزه
يوسف :- وانا بقولك هتنزلى معايه
تيلا :- غصب يعنى
يوسف :- ايوه يلا أنزلى
تيلا :- ربعت ايديها وقالت وانا مش نزله
يوسف :- بلاش عند
تيلا :- انا حره عايز تنزل انت انزل لكن أنا مش هتحرك من مكانى
يوسف :- براحتك وسبها ونزل راح المطعم وغاب شويه وجه وقعد وحط شنطه على رجل تيلا
تيلا :- ايه ده
يوسف :- اكل
تيلا :- قولتلك مش عايزه
يوسف :- وانا جبت خلاص وعلى فكره انا مأكلتش ومستنيكى لما تاكلى معايه
تيلا :- بصت ليه وبعدين بصت للشنطه اللى على رجليها ومدت ايديها وفتحتها وحطتها ما بينها وبين يوسف
يوسف :- فرح أن تيلا هتاكل ومد أيده وبدأو الاتنين ياكلو
تيلا :- شكرآ
يوسف :- الف هنا وشفا وبعدين قال احم تيلا امسحى بؤقك
تيلا :- اتكسفت وقالت احم ش.ش.شكرآ ومسحت بؤقها
يوسف :- امسحى تانى
تيلا :- مسحت تانى
يوسف :- مسك منديل وقرب منها ومسح ليها اللى كان على بؤقها
تيلا :- اتوترت وبعدت عنه وقالت ت.ت.تمام ا.ا انا هكمل
يوسف :- بعد عنها وقال احم م.م.ماشى وشغل العربيه تانى ومشى بيها
وطول الطريق محدش اتكلم مع التانى لحد ما وصلو المنصوره
تيلا :- هنبدأ الشغل دلوقتى
يوسف :- يستحسن فى الهدوء قبل زحمة العمال
تيلا :- تمام هوصف ليك المكان
يوسف :- تمام
تيلا :- وصفت المكان ليوسف ووصلو الشركه بس كان لسه محدش من فريق العمل وصل
يوسف :- اتصل بمعاذ وقال قدامه ساعه على الوصول قفل معاه وبص لتيلا وقال لسه قدمهم ساعه
تيلا :- طيب واحنا هنعمل ايه فى الساعه دى
يوسف :- احنا ممكن نكسب وقت معايه عدة التصوير نبدأ احنا وهما يجو براحتهم
تيلا :- هو انت اللى هتصورنى
يوسف :- امممم منفعش ولا ايه
تيلا :- ازاى مش انت مهندس
يوسف :- ولا اعرف حاجه عنها
تيلا :- ازاى
يوسف :- يعنى انا ماسك الشركه لحد ما صحبها يستلمها منى لكن انا اصلا صحفى وبعمل تحقيقات وكده
تيلا :- بصت ليه بصدمه وقالت لنفسها ده ايه الصدفه الغريبه دى اسمه يوسف وكمان صحفى زى ما كان يوسف وعدنى
يوسف :- ها روحتى فين
تيلا :- م.م.معاك
يوسف :- ايه رأيك نبدأ
تيلا :- ماشى
يوسف :- فتح شنطة العربيه وطلع شنطة هدوم واداها لتيلا وقال ادخلى البسى دول على ما احضر الكاميرا
تيلا :- م.م.ماشى ودخلت لبست الهدوم اللى يوسف اداها ليها وخرجت
يوسف :- كان حضر الكاميرا واول ما شاف تيلا انبهر بجمالها وسرح فيها
تيلا :- احم انا جاهزه
يوسف :- سرحان فيها ومردش عليها
تيلا :- استاذ يوسف استاذ يوسف
يوسف :- ها احم يلا نبدأ الشغل وبدأ يصور تيلا فى كذا منظر وبعد وقت خلصو التصوير ووصلو باقى الفريق وبدأو يشتغلو فى الإعلان والتصوير وبعد يوم طويل وشاق عليهم انتهو من الشغل وكان الوقت اتأخر
جاكلين :- لالالا اقسم بالله ما قادره اقف على رجلى ايه انتو بتنتقمو مننا ولا ايه كده كتتتتتير ياااااااااقوم عايزه انام
يوسف :- ايه راديو واتفتح أهدى شويه هنشوف فندق ننام فيه
تيلا :- على فكره مش محتاجين تروحو فندق ممكن تيجو عند ماما فى الفيلا
جاكلين :- بجد اللهى يستر عرضك يا بونيه يلا يا جماعه
يوسف :- بص بغيظ لجاكلين وقال مش عايزين نزعج مامتك
جاكلين :- طه ليه الزعل ده طه ما البونيه قالت نروح عندهم ده حتى الاحداث ماشيه فى سير الروايه
الكل بص بأستغراب لجاكلين
جاكلين :- مالكم مستغربين كده ما هو البطله تسافر مع البطل وينامو فى اوضه واحده ويعترفو لبعض بحبهم وبعدين هههههههههه تسكت شهرزاد عن الكلام الغير مباح ههههههههههههههههه
يوسف :- صبرنى يارب
تيلا :- اتفضلو معايه
يوسف :- معاذ هاتهم معاك فى العربيه وامشى ورايا
معاذ :- حاضر يا فندم
وراح يوسف ركب العربيه وركبت جنبه تيلا وراحو الفيلا عند منال ووصلو عند الفيلا ونزلت تيلا وراحت عند باب الفيلا وفتحته ورجعت تانى قعدت جنب يوسف ودخلو جوه وتيلا قفلت الباب بتاع البوابه وراحت عند باب الفيلا ورنت الجرس وفتحت ليها الخدامه
الداده :- ست تيلا منوره الدنيا كلها والله
تيلا :- اذيك يا داده ماما فين
الداده:- جوه تعالى يا حبيبتى الفيلا كانت ملهاش طعم من غيرك
جاكلين :- ليوسف ايه ده لما هى عايشه العيشه دى سايبه هنا وشغاله ليه فى اسكندرية
يوسف :- معرفش واسكتى شويه
جاكلين :- طيب متزوقش كده وراحت عند معاذ وقالت بس كده المشهد ده هيبوظ الروايه تملى البنت تكون فقيره والمدير غنى كده فى غلط فى الموضوع
معاذ :- ها نعم
جاكلين :- معاذ خليك معايا على الخط
يوسف :- ضربها على كتفها وقال اسكتى شويه بقى
تيلا :- دخلت عند امها واترمت فى حضنها وقالت واحشانى اووووووووى يا ماما اوى
منال :- قعدت تبوس فيها وتقول واحشانى اوى يا قلب ماما بس ايه المفاجئه الحلوه دى
تيلا :- كنت فى شغل هنا مع فريق عمل الشركه اللى شغاله فيها وخلصنا متأخر قولت ليهم بلاش نروح فندق ونيجى هنا
منال :- يا حبيبتى البيت كله تحت امرك وأمر صحابك
تيلا :- هههههههه مش صحابى دول اصحاب الشركه اللى شغاله فيها
يوسف :- ضحكة تيلا خطفته وسرح فيها
جاكلين :- بصت على يوسف وهو سرحان وقربت منه وقالت متركزش علشان متهيسش
يوسف :- ها
جاكلين :- هههههههههه
يوسف :- اقفلى بؤقك ده
منال :- راحت عندهم وقالت منورين يا حبايبى
يوسف :- احنا اسفين لحضرتك لو هنزعجوكى
منال :- عيب يا حبيبى تقول كده ده بيتكم ومطرحكم عن اذنكم خدو راحتكم
جاكلين :- تشكرى يا حاجه
ومشت منال وتيلا بصت ليهم وقالت
تيلا :- تعالو اخدكم للاوض بتاعتكم غيرو هدومكم يكون الاكل جهز
يوسف :- مفيش داعى تتعب نفسها
تيلا :- مفيش تعب ولا حاجه
ومشيو معاها وكل واحد دخل اوضه وكانت اوضت يوسف جنب اوضت تيلا
دخلت تيلا اوضتها وقعدت تبص عليها ودموعها نزلت منها وقالت
تيلا :- واحشتنى اوضى اوى كل حاجه بحبها فى حياتى لازم تبعد عنى وراحت مسكت العروسه بتعتها وحضنتها وقالت واحشتينى اوى اوى يا طمطم انا النهارده جايه ليكى هحكيلك حاجات كتير اوى بس بعد ما الكل ينام وحطتها على السرير وخرجت من اوضتها وفى نفس الوقت كان يوسف ماشى خبطت فيه
تيلا :- ا.ا اسفه مأخدش بالى منك
يوسف :- لاء عادى ولا يهمك
تيلا :- احم طيب اتفضل انت امشى قدامى
يوسف :- عيب انتى الاول اتفضلى
تيلا :- ش.ش.شكرآ ومشت قدامه وقعدو كلهم على السفره اكلو وبعد وقت الكل قام ودخل كل واحد اوضه علشان ينامو وتيلا خرجت تقعد فى الجنينه
قعدت تيلا فى الجنينه تفكر فى حالها وتبص للسما بس سمعت صوت رجل جايه بتبص لاقته يوسف
تيلا :- قامت وقفت وراحت عنده وقالت استاذ يوسف فى حاجه
يوسف :- لاء بس مش جاى ليا نوم علشان مغير مكان النومه بتاعتى
تيلا :- انا كده برضه لما بروح مكان جديد باخد وقت على ما اعرف انام فيه
يوسف :- تيلا ممكن اسالك سؤال
تيلا :- طبعآ اتفضل
يوسف :- انتى ملكيش اخوات
تيلا :- عينيها دمعة وسكتت شويه وقالت لاء ليه
يوسف :- علشان مش شايف حد عايش مع مامتك خالص فى الفيلا طيب وانتى بعد فرحك هتعيشى هنا معاها ولا هتعيشى فى اسكندريه
تيلا :- دمعه هربت من عينيها
يوسف :- استغرب دموع تيلا ومد أيده ومسح الدمعه اللى نازله منها وقال ايه سببها الدمعه دى
تيلا :- اوقات الدموع دى بيبقى الشئ الوحيد اللى تقدر تعبر بيها عن اللى جواك اكتر من الكلام وانا دموعى دى هى الشئ الوحيد اللى ملازمانى من صغرى ملاقتش صديق ليا فى الليالى غيرها بتبقى صديق مخلص ليك وقت ما الكل يتخلى عنك
يوسف :- بأستغراب لدرجاتى حياتك كانت صعبه مع أن انا شايف العكس شايف حالتكم الماديه كويسه جدآ وعندك كل حاجه تتمناها بنت فى سنك ومعاكى ابن عمك كاتب كتابك يعنى شايف حالك احسن من ناس كتير ليه بقى الدموع
تيلا :- سكتت شويه واخدت نفس وطلعته وقالت بحزن ياريت كل حاجه فى الدنيا دى فيلا وفلوس وحياه كريمه البعد عن اللى بتحبهم أشد الف مره من الموت بيخلى الواحد ميحسش بحلاوة الدنيا زى ما انت مفكر زمان وانا صغيره كان كل املى مدرسه كويسه واعيش جنب اللى بحبهم واشوفهم مبسوطين والدموع متعرفش طريق عيونهم لكن للاسف مش كل حاجه الواحد بيتمناها بيلاقيها وأصبحت الدموع اللى كنت مش بحب أشوفها فى عيون اغلى ما ليا بقت ملازمانى انا علطول وزى ما متأكده انها ملازمه كل حد غالى عاليا
يوسف :- مش عارف ليه حاسس أن حياتك زى حياتى بالظبط
تيلا :- مع أن شيفاك العكس
يوسف :- هههههههه نفس حكايتك عشت طفوله صعبه جدآ كنت تقريبآ مش بخرج للدنيا زى اى طفل فى سنى
تيلا :- ليه مع أن حالتك الماديه كويسه
يوسف :- علشان من الاخر مفيش جسم بيعيش من غير روح
تيلا :- مش فاهمه
يوسف :- عينه دمعة وقال بلاش اتكلم عن الماضى احسن
تيلا :- حست أن يوسف مخنوق محاولتش تضغط عليه وقالت تصبح على خير
يوسف :- وانتى من أهله
تيلا :- وهى داخله كانت هتقع بس ايد يوسف لاحقتها ووقعت فى حضنه
يوسف :- خلى بالك
تيلا :- ش.ش.شكرآ وبصت على ايد يوسف اللى مسكها وقالت ممكن بعد اذنك
يوسف :- بص على أيده وبعدها عنها وقال اه انا اسف
تيلا :- بصت على الدبله اللى فى ايده وقالت دى بتاعة البنت اللى بتحبها
يوسف :- بص على أيده وحط أيده عليها وقال ا.ا.اه
تيلا :- ربنا يخليكم لبعض
يوسف :- قولى الاول ربنا يرجعها ليا
تيلا :- افتكرت كلام جاكلين عن البنت اللي بيحبها وقالت عن اذنك ودخلت وسابته
يوسف :- بص للدبله وقال هفضل لابسها لحد ما ترجعيلى يا تيلا وتلبسينى دبلتك بأيدك
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جاكلين
كانت فى اوضتها بتعيط وصوتها عالى وكانت اوضت معاذ جنبها وسمع صوت عياط جاكلين اتخض عليها وراح فتح الباب وخبط على باب الاوضه بتاعة جاكلين
جاكلين :- مسحت دموعها وفتحت الباب وضحكة وقالت ايه يا معاذ اتغلبط فى الاوض ولا ايه
معاذ :- لاء يا جاكى بس صوت عياطك كان عالى قلقت عليكى وجيت اطمن
جاكلين :- ع.ع عياط ايه يا ابنى دى تلاقيها تهيؤات ولا حاجه
معاذ :- لاء أنا متأكد انك كنتى بتعيطى
جاكلين :- دمعه نزلت منها وقالت معاذ معلش ممكن تسبنى لوحدى
معاذ :- قرب منها ومسح الدمعه اللى نزلت منها وقال مش هسيبك ياجاكى غير لما اعرف سبب دموعك ايه انا اه اعرفك من ايام بس حاسس أن اعرفك من سنين علشان انتى بتدخلى القلب علطول
جاكلين :- ماهى دى المشكله يا معاذ انا فى نظر الناس ايه وسكتت شويه وبعدين دموعها نزلت وقالت انا عندى خمسه وعشرين سنه عمرى ما عشت الحب وجربته عمر ما جه شاب وقالى أن هو بيبحنى ولا أن هو مستعد يبيع الدنيا علشانى علطول الشباب كلها شيفانى مجرد اخت ليهم حتى يوسف عمره ما شفنى غير اخت ليه مع أن طول عمرى معاه وحتى لما كان بنت خالتى معانا كان تملى يحكيلى قد ايه هو بيحبها وبيعشقها وكان ممكن يخاصمنى علشانها ويجى يصالحنى ويقولى انتى اختى مقدرش استغنا عنك لدرجة جه عليا وقت من الأوقات كنت بكره بنت خالتى دى وكنت بسأل نفسى فيها ايه اكتر منى علشان يحبها هى وانا لاء ومع الوقت اتعود على يوسف بقى فعلا بالنسبه ليا اخ مش اكتر بس كرهى لبنت خالتى زى ما هو رغم أن فرقتنا الايام بس تملى اغير منها أن هى لقت الحب الوفى اللى مستعد يضحى بعمره علشانها وانا لاء مش عارفه العيب فيا ولا فى مين ليه محدش بيحبينى انا علطول بقراه الروايات وبعيش معاها فى الخيال وبهرب من الواقع الحقيقه انا عمرى ما هتحب يا معاذ
معاذ :- يا جاكى ربنا بيبعت كل حاجه فى وقتها يمكن ربنا مرزقيش الحب من زمان علشان شايل ليكى الاحسن والشاب اللى مستعد يضحى بعمره علشان خاطر عيونك
جاكلين :- ونعمه بالله بس الواحده مننا بتفقد الثقه فى نفسها لما تعيش عمرها كله ومفيش ولا حد يحبها بتحس بنقص فى نفسها بتحس انها نكره بالنسبه للرجاله انت عارف ضحكى وهزارى ده بدارى بيه وجع كبير فى قلبى ودمعه مستخبيه فى عيونى
معاذ :- قرب منها ومسح دموعها ومسك وشها بين ايديه وبص فى عينيها وقال بلاش دموعك دى علشان عيونك غاليه عليا وصدقينى انا بحمد ربنا أن محدش بصلك العمر ده كله علشان قلبك يكون ملكى انا وبسها فى راسها وقال تصبحى على هنا وسعاده تملى ومشى شويه وقال اه مش عايز اشوف دموع فى عيونك دى تانى مش عايز اشوف غير الضحكه اللى من القلب وربنا يقدرنى واقدر اسعدك واخليكى تثقى فى نفسك من تانى وسبها ودخل اوضه
جاكلين :- كانت وقفه مكانها مصدومه من الكلام اللى سمعته من معاذ وبعدين قالت معاذ بيحبنى انا طيب امته وازاى وبعدين نطت وقالت مش مهم المهم بيحبنى معاذ بيحبنى ودخلت وقفلت الباب وراها ووقفت على السرير وقعدت تنط عليه وتقول بيحبينى انا مش حد تانى واخيررررررآ اتحبيتى يا جاكى لولولولولولوى وهعيش قصة حب زى الروايات مبروك عليا هههههههههههه وفى الوقت ده تليفونها رن بتبص لاقته معاذ فتحت السكه وقالت ا.ا الو
معاذ :- بطلى تنطى على السرير وتعملى دوشه يا مجنونه احنا عند ناس غريبه
جاكلين :- حطت ايديها على بؤقها وبعدين قالت احم حاضر
معاذ :- على فكره بحب جنانك اوى بس لما نكون لوحدينا مع السلامه يا قلبى
جاكلين :- بصت على التليفون بصدمه وقالت ده قلى قلبى وربنا قلى لالالا شكلى بحلم وقرصت نفسها وقالت لاء بس انا صاحيه مش نايمه وقالت والله ولعبت معاكى يا جاكى وبعدين حطت ايديها على بؤقها وقالت ايه بلاش صوت اسمعى الكلام واعقلى كده الله يرضه عليكى ونزلت مشت على الأرض براحه وقالت انا لازم بعد كده اكون عاقله قصاده فى تصرفاتى لازم اتكلم بأسلوب احسن من كده ايوه لازم يعرف أن انا بنت عاقله ورشيده وبعدين سكتت شويه وضحكة وقالت ههههههههههه عاقله ورشيده ولا بكار ورشيده ههههههههه يا لهوى عليا وعلى خفة دمى عسل يا جاكى عسل وبعدين سكتت شويه وقالت نهار اسوح هو انا اتجنيت ولا ايه بكلم نفسى فى الاوضه لالالا حالتى ميتسكتش عليها الله يكون فى عونك يا معاذ منى ربنا يستر على عقلك يلا الواحد ينام وبكره يبقى يشوف مشهد اعتراف البطل للبطله بحبه تصبحى على خير يا انا وطفت النور وحضنت المخده ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا
دخلت اوضتها ونامت على سريرها وهى دموعها على خدها وبعدين قامت قعدت ومسكت عروستها وقالت
تيلا :- بدموع قلبى وجعنى اوى يا طمطم مش عارفه ليه زعلت لما عرفت عنده حبيبه طيب ما انا كمان عندى حبيب بس انتى عارفه يا طمطم بحس أن تشابه الاسم ده مش حاجه طبيعيه يعنى وانا جنبه بحس احساس غريب بحس بالامان بحس بشعور غريب بحس أن انا وقفه جنب يوسف حبيبى وابن خالتى وانا قريبه منه حسيت بحنان حضن يوسف بتاع زمان حسيت بريحته
وفى الوقت ده كان يوسف معدى ورايح اوضه بس وقف على صوت تيلا وهى بتنطق اسمه وقف يسمع كلام تيلا
تيلا :- بدموع انا واحشنى اوى اوى نفسى اترمه فى حضنه واقولو قد ايه اتعذبت بعيد عنه وأن الدنيا من غيره متسواش هو الامان والاستقرار بالنسبه ليا وجوده حياه وبعده نهاية الحياه ضحكته فرحتى ودموعه كسرتى
يوسف :- فكر أن الكلام ده لأنس جوزها مشى ودخل اوضه بس كان حاسس أن هو مضايقك أن تيلا بتقول الكلام ده لانس
تيلا :- امته ترجعلى يا يوسف وترجع ليا الحياه من تانى ارجع لتيلا زى زمان يوسف + تيلا = حياه
ونامت على السرير وعينيها راحت فى النوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تيلا فى الحلم
تيلا :- لالالا ابعد عنى متلمسنيش حرام عليك انا معملتش ليك حاجه وزقت الشخص اللى عليها وقامت تجرى وقعدت تجرى تجرى تجرى لحد ما شافت حد واقف خبطت على ضهره وقالت وهى بتنهج ودموعها نزله بالله عليك الحقنى فى واحد عايز يهجم عليا الراجل لف ليها وكان ابو السيد ضحك ليها بسنانه الصفرا وحاول يهجم عليها طلعت تجرى تانى وقبلت واحد تانى بتستنجد بيه بصلها وطلع ابوها مازن ضحك ليها ومسكها من رقبتها وحاول يخنوقها ويموتها زقته وطلعت تجرى وهى الدموع فى عينيها وبتتاخد نفسها بالعافيه وشافت شخص تانى واقف راحت عنده وبصت عليه طلع انس وحاول يهجم عليها زقته وطلعت تجرى وكانو بيجرو وراها وتصوت وتقول يا ناس حد يلحقنى وهى تجرى وهما يجرو وراها لحد ما شافت واحد واقف راحت خبطت على ضهره وقالت بصوت مبحوح وبتاخد نفسها بالعافيه ا.ا.الحقنى الشاب وهو لسه بيلف ليها كانو التلاته وصلو ليها وشدوها مدت ايديها علشان الشاب يمسكها وهما بيشدو فيها وهى تصوت وتقول سبونى الشاب بص ليها
تيلا:- يووووووووسف
وصحيت من نومها وكان يوسف قاعد بيصحى فيها
والكل واقف مستغرب
تيلا :- اول ما فتحت عينيها قالت يوسف واترمت فى حضن يوسف وكانت بتترعش
يوسف :- بص للكل بأستغراب ومد أيده وضمها وقعد يطبطب عليها
الكل :- كان مستغرب اللى بيحصل الا منال كانت تعرف بموضوع الكوابيس
تيلا :- عينيها راحت فى النوم تانى وهى فى حضن يوسف
يوسف :- حس بأنتظام نفس تيلا عرف انها نامت نزلها من حضنه وحط راسها على المخده وغطها وجه يقوم معرفش كانت تيلا ماسكه فى هدوم يوسف زى العيل الصغير حاول يشيل ايديها بس هى كانت محكمه ايديها عليه جامد
جاكلين :- بصوت واطى خليك جنبها حرام بلاش تصحيها
يوسف :- بصوت واطى ازاى مينفعش
جاكلين :- حلو المشهد ده ينفع للروايه
يوسف :- حاول يقوم يضرب جاكلين معرفش
جاكلين :- بصوت واطى ههههههههه مش هتعرف توصلى هههههههههه
يوسف :- ماشى يا جاكى الكلب
جاكلين :- تصبح على خير يا روح الروح ههههههههههههه ومشت وسابته
منال :- انا اسفه ليكم يا ابنى مش عارفه اقولك ايه بس هى علطول بتشوف كوابيس وتقوم مفزوعه كده ومتنمش تانى الا لما تحس بالامان
معاذ :- احم طيب عن اذنكم
منال :- اتفضل يا حبيبى وبصت ليوسف وقالت وانت يا ابنى لو عايز تقوم قوم وانا هقعد جنبها
يوسف :- لاء يا حاجه اتفضلى انتى وانا هفضل قاعد كده للصبح انا كده كده مكنتش عارف انام
منال :- هتتعب
يوسف :- تعبك راحه اتفضلى
منال :- ماشى يا ابنى براحتك وخرجت من الاوضه واتبقى يوسف بس مع تيلا
يوسف :- لنفسه غريبه ليه قامت وندهت على اسمى ومعنى كلام امها انها مش بتنام غير لما تحس بأمان معنى كده انها حست بالامان فى حضنى طيب ليه انا بالذات معقول تكون بتحبينى لالالا ازاى وهى متجوزه ابن عمها وبعدين انا مقدرش احبها انا قلبى فيه تيلا وبس وبعدين قال بس هى برضه اسمها تيلا مش عارف حاجه حاسس نفسى متلغبط وبعدين بص على ملامح وش تيلا لاقها بتعرق كتير وكأنها بتجرى من حاجه او خايفه من حاجه مد أيده مسح ليها العرق وملس على شعرها
تيلا :- حست براحه وملامح وشها هدت ونامت فى هدوء
يوسف :- قعد يملس على شعرها لحد ما عينيه راحت فى النوم وراسه وقعت على راس تيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اشرقت شمس صباح يوم جديد بنورها الساطع فى سماء المنصوره بدأت تيلا تفتح عيونها بس حست بتقل على راسها بتبص لفوق لاقت يوسف حاطط راسه على راسها ونايم قامت مفزوعه وقالت
تيلا :- عاااااااااااااااا ا.ا انت بتعمل ايه هنا فى الاوضه
يوسف :- اتخض وقال ا.ا.ايه فى ايه
تيلا :- وهى بتغطى نفسها ا.ا.انت بتعمل ايه هنا فى اوضى
يوسف :- بغيظ الله يحرقك يا شيخه قطعتيلى الخلف هو فى كده يعنى فجعه بليل وفجعه الصبح
تيلا :- ق.ق.قصدك ايه
يوسف :- انتى مش فكره اى حاجه من اللى حصلت بليل
تيلا :- خبطت على صدرها وقالت نهار اسود هو حصل حاجه بليل
يوسف :- ايوه وبعدين سكت وقال لاء يخربيت هتودينى فى داهيه محصلش حاجه من اللى فى دماغك دى انا قصدى أن انتى قومتى مفظوعه بليل وكلنا جينا على صوتك وانتى اترمتى فى حضنى ونمتى ولما جيت اقوم لاقتك مسكه فى هدومى معرفتش اقوم خوفت اقلقك قعد جنبك وعينى راحت فى النوم غصب عنى
تيلا :- ك.ك.كداب وانا هاجى فى حضنك ليه ها وبعدين مستحيل امسك فيك كل ده محصلش
يوسف :- حلو الميه تكدب الغطاس عندك كل اللى فى البيت موجودين يقولو ليكى اللى حصل
تيلا :- م.م.ماشى ممكن تطلع بره اوضى
يوسف :- ليه خلينا شويه تعالى تعالى كملى نومك
تيلا :- ايه اوعى كده واطلع بره الاوضه لو سمحت
يوسف :- مصلحجيه تخدينى لحم وترمينى عطم
تيلا :- انت هتهزر قوم اخلص
يوسف :- بعد كده لو لاقيتك بتموتى مش هسأل فيكى وأشوف فيكى يوم زى ما قطعتى ليا الخلف قومى يا اختى اجهزى علشان نروح نكمل الشغل ونروح قبل الليل ما يليل علينا وسبها وخرج من الاوضه
تيلا :- حطت ايديها على بؤقها وكتمت صوت ضحكتها وقامت دخلت حمامها اخدت شاور واتوضت وخرجت لبست هدومها وأدت فرضها وخرجت من الاوضه وقالت انا جاهزه
جاكلين :- عرفتى تنامى امبارح كويس فى حضن يوسف
تيلا :- اتكسفت وقالت احم ي.ي.يلا نروح الشركه
جاكلين :- وربنا بسألك حلو حضن يوسف
يوسف :- داس على رجليها وقال اتلمى شويه اللهى اشوفك واقعه فى وسط خرفان وعملين يدوسو عليكى برجليهم ويخلصونى منك يا قادر يا كريم
جاكلين :- يعععع مقرف طيب قول معيز اهو الواحد يغذى نفسه وهو تحت رجليهم بشوية لبن
معاذ :- ههههههههههههههه مشكله
يوسف :- يلا بينا مش هنخلص من أم فاروق
تيلا :- راحت جنب يوسف وقالت مين ام فاروق دى
يوسف :- دى وشاور على جاكلين
تيلا :- اسمها بجد كده اصل لحد دلوقتى معرفش اسمها
يوسف :- لنفسه طيب والله لاطلع عليكى اسم ام فاروق يا جاكى وبص لتيلا وقال اه اسمها ام فاروق وبندلعها وبنقولها روقه
تيلا :- بس غريبه اوى
يوسف :- هو ايه اللى غريبه
تيلا :- اسم ام فاروق ده اسم مركب ولا عندها عيل اسمه فاروق
يوسف :- ها ل.ل.لا ده اسم مركب
تيلا :- اه وبصت نحيت جاكلين وقالت أم فاروق روقه
جاكلين :- مردتش عليها
يوسف :- اصل هى سمعها تقيل عايزها تسمعك مسك طوبه وحدفها بيها
جاكلين :- اااااااااه مين الغبى اللى عمل كده
تيلا :- استاذ يوسف
جاكلين :- اشوف فيك يوم متبهدل زى ابطال روايات مصاصى الدماء
تيلا :- ام فاروق
جاكلين :- نعم مين دى ام فاروق
يوسف :- وهو بيكتم ضحكته قال انتى يا روقه
جاكلين :- فهمت أن ده مقلب من يوسف بصت ليه وقالت صح يا ابو سحلول
يوسف :- سحلول
جاكلين :- اه قول متتكسفش ده اسم طبيعى زى الولاده الطبيعيه كده بيجى بالحزق
يوسف :- لمى الدور يا روقه
جاكلين :- مش لما تلم نفسك انت الاول يا ابو سحلول
انس:- منورين المنصوره يا جماعه
تيلا :- طلعت تجرى تلقائى ووقفت وراه يوسف
يوسف :- استغرب حركة تيلا
انس :- منوره فيلت عمى يا بنت الم
تيلا :- قطعته قبل ما يكمل وقالت ب.ب.بنورك يا ابن عمى
انس :- بص ليوسف وقال كويس انك نورت المنصوره لو حابب تشترى الفيلا دى بتاعت عمى ماشى مش حابب فى مليون شارى للفيلا
تيلا :- بصدمه انت ملكش حق تبيع الفيلا
انس :- امال من حق مين ها حق بنت الملجأ
الكلمه دى وقعت على كل الموجودين بصدمه كبيره
منال :- انت ايه جابك هنا ربنا ينتقم منك
تيلا :- بصت على وشوش كل اللى موجودين وشافت الصدمه اللى على وشهم وقالت مالكم مصدومين كده علشان انا جايه من ملجأ ده مش ذنبى
انس :- هتشترى ولا اشوف مشترى غيرك
تيلا :- مفيش بيع فيلا
كل ده والكل واقف بيتفرج
انس :- راح عند تيلا وقال شكلك كده عايزه تعرفى مقامك وتتربى ورفع أيده وقبل ما تنزل على وش تيلا حصل .............
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
