رواية سواد القلوب الفصل السابع بقلم ام سامان
فرح
دخلت حياة جديدة ... وعائلة جديدة....مااعرفهم ولااعرف طبعهم...بس مهما جانو راح يكونون ارحم من خوالي وآمي..اي امي الجانت مثل عدوة الي ....امي الحرمتني من المدرسة ...امي الجانت تباوع وابن اخوها يتتحرش بيه ....ومن اكوللها ...تلزمني تموتني كتل...تصيح انتي التعرضين بروحج ..باوعت لروحي لابسة عباية رأس سودة...ولاحافة...كل ملابسي اسود ماجنت البس الوان..ماانزع عباتي كدامهم....
وصلنا لاوتيل....كعدت أجا وكف على رأسي...
_ تردين تحجيلي شي لوماتردين تتذكرين...
باوعتله...شاب مرتب...حنطاوي...بس تحس عيونه شايل هم الكون....
_ تسمحلي مااحجي واذا ردت أنا الاحجيلك من أكون جاهزة...
_براحتج..أهم شي آني راح اوديج لامي عندي هنا شغل من ارجع...
_ باوعتله بخوف...يعني تعوفني وحدي...لاعفية مااريد لا تعوفني وحدي..وين ماتريد أجي ويااك...
_ شوفي يبنية ... أنا حاليا عايش يم ناس حتى أنا ماامعاشرهم...شون تردين اخذج واذبج بنصهم...
_ ميهم المهم وياك ومتعوفني....
استغفر يفرك ركبته...كعدت يم رجله
_ الله يخليك لاتعوفني لحد ماتوديني لابويه...
هزيتلها براسي .....
قررت هالفترة ارجع لاهلي ....لحد مااكون نفسي يلاارجع .....
وراح ابلغ براء هم ...
٫٫٫٫٫٫٫٫٫٫٫٫٫٫٫٫٫٫٫٫٫٬٬’’’’’’’’’’٫٫٫٫٫٫٫٫٫٫٫٫٫٫٫٫٫
براء
مااعرف شبيه كارهه الغرفة من افوتلها احس بالخنكة واحس بنفس شخص وياي .....من اطلع من الغرفة احس
براحة ...واحس بنفسي خفيفة...
طلعت شفت رنا تنظف ...تذكرت هي مكملت كلامها وعن علاقتها بادهم...
تقربت منها....
_ رنا....
باوعتلي بابتسامة..
_ تعاي حبيبتي ردت اكمل شغلي واجي نكعدسوه...
كعدت ..وهي كملت تنظيف...
_ مكملتي شصار بعدين ..
باوعتلي باستفسار...
_ قصدي أدهم...
اخذت نفس...كملت تشتغل وتحجيلي...
_ جان راح يجي يخطبني ...بس قبل لايجي باسبوع همه أهلنا كلهم يعرفون أدهم يريدني بس جان لازم نحدد يوم نعقد...بهالاسبوع ..وكعت بفراش ...مااكدر لااحرك أيد ولارجل...والدكتور يكول ماكو شي احتمال حالة نفسية...يانفسية...وآنا جنت طايرة لان راح يجي حبيبي ويخطبني..
اخذت نفس...وكملت
_ استمر هالحالة البيه اسبوعين يومية يودوني لعلاج فيزياوي.. حد ماتحسنت...فرحت ...بس انكسرت ثاني يوم من عرفت أدهم ماخذ امه وخاطبتله بنت عمي مهدي انه الجان مقاطعها جم سنة المهم خطب .....لينا..الجانت صديقتي وتعرف أنا مو احبه ميته بي...
ماعرفت شسوي..وبالاخص من ابويه أجا وكلي..
_ اليوم راح تثبتين انتي بنت ابوج اولا...
_ شسوي بويه
_ تحضرين العرس وانتي مرفوعة الرأس....وتكليلهم أنتو ولاتهموني.....
_ مااكدر بويه ....سامحني....
_ تكسريني بويه...
_ لا لا بويه ماعاش اليكسرك حتى لو أنا....تدلل بويه ...راح أروح .... واباوعلهم بعين الغرب
شحجيلج حضرت العرس ...ومن واجهته تدرين شكلي...
_ عذريني بنت عمي أنا يرادلي ضهر وسند مو ارجع من الدوام وافرفر العيادات... قصده على مرضي. ..على هالكلام كدرت اتخطاه ..ولينا ولاقاطعتها ولابينت الها شي ...لليوم تتمنى اعاتبها ....ولانزلت دمعه عليهم بيومها....وراها اتقدملي رضوان ابن عمو فلاح رفضت كعد وياي وراد سبب هو جان يدري احب أدهم ...كلي راح اعوضج عن كسرة كلبج...وأنا بوكتها جنت مكسورة واريدلي شي يخليني أحب الحياة واتمسك بي والحمد لله رضوان جان كد كلمته....صدك صارلي العوض واطفالي الحمدلله..
ابتسمتلها ..
_ تحبيه..باوعتلي
_ منو ...
_ رضوان...
_ تصدكين. إذا كتلج ...احس ماحبيت كبله تصدكين إذا اكولج ماخلاني بيوم اتخيل واكول لوجنت متزوجه أدهم ياترى حياتي أحلى من هالحياة لولا
_ الحمدلله فرحتلج....زين خواتج
_ الحمدلله خواتي هم حياتهم حلوة ماعدهم مشاكل صعبة ......
تحمحم رضوان وفات
_ابتسم بوجهي...شونج بنت العم....
_ الحمدلله....أنت شونك...
_ طول ماهالقمر بحياتي أنا بخير وطاير
_ الله يخليكم لبعض ..
_ امين ..رددو عفتهم سوه وطلعت للحديقة...
راح فهد يعقد محكمة .... اتمنيت إذا البنيه زينة تكون زوجته لمدى الحياة....بلكي يكونون عوض لبعض....فات شاهين...
اتأفأفت....ودرت وجهي وأني اكعد عالكرسي....تقرب
_ عاش من شافج بنت عمي .
ابتسمت بمجاملة...
_ تعيش ابن عمي...
_ ليش حارمتني من هالوجه الحلو....
_ تلمست وجهي...
_ياحلو ابن عمي هو الخشم نفسه انا وياك ضحك بصوت عالي....
_ الوجه قابل بس خشم...عندج عيون السحرتني ...والشعر الصابغته اصفر ...والحلك اوووف
كمت لحيلي وتجتفت ...
_ برأيي ركز بزوجتك.....ماادري ليش هيج عين الزلم فارغة ...يعني ماشاءالله أحلى مني بقاطات....ليش متركز بوجهها بدل مامركز بوجهي
_ القلب ومايهوى بنت العم
حجيت بجدية
_ لوسمحت شاهين إذا صدك تحبني ابتعد مني ...آني سبق وكتلك مستحيل اثبت كلامهم ويأشرون عليه ويكلولي نفس امها باكت رجال من عائلة ....والمصيبة الاكبر زوجتك بنت عمي تعرف يعني شنو ...يعني مستحيل......
_ زوجتي انجبرت عليها
ابتسمت باستهزاء ...
_ اي صح جبروك جابوك مكتف ولبسوك القاط
_تستهزئين حضرتج.....اخذ نفس وكأل سرى جانت خطيبة صاحبي الاستشهد...تزوجتها أسد حلوك العالم....
ابتسمت باستهزاء
_ ليش عدكم اليستشهد خطيبها تنجبر تتزوج ابن عمهاا ..اممم معناها آني هم لازم أتزوج شاهر بماانو العزابي هنا
خزرني وتقدم ولزم ايدي بقوة
_ ديررري بالج حتى التفكير تفكرين بيها....انتي الي بنت عمي ...ولا مو كلمن يستشهد خطيبها تتزوج ابن عمها...بس أكو حالات ...
_ دفع ايدي ....ترى جنت اضحك على كلامك...والا شاهر أشوفه اخويه.....وبعدين شنو هالحالات
_ مو شرط تعرفيها ....لان لو تنعرف السويته ينذب بالشط....
_ شو تحجي بالالغاز شنو السويته ينذب بالشط...
_ انسي بنت عمي بس لاتنسين الكلته انتي الي
_ احلام العصر ....
_ وانتي بعدج ماتعرفين احقق كل احلامي حتى الكوابيس إذا عجبتني احققها
ماهتميت عفته....دك موبايلي فهد ..كال بالفندق ثاني يوم طلب من عمو هادي يجمع كل عمامي
ورا الغده....وكف فهد وآني مااعرف اليريده ....
_ عمي أنا راح ارجع لاهلي ....
قاطعه عمو
_ ليش احنا مو اهلك بويه
ابتسم فهد وتقرب منه
_ أنت جبيري وعمي وتاج رأسي ...بس أنا راح ابلشش بالشغل ويه ابوي ....هو عنده مكتب محاماة
قاطعته ام ادهم
_ ليش رجل امك شني
_ ولو مايخصج بس حتى أرضي فضولج....هو قاضي
عوجت حلكها ورجع كمل كلامه....سبق وهالمكتب سواه لخاطري وجمع جم محامي. ..وهسه حرجع حتى أكون نفسي
_ الله يوفقك وليدي بس لاتنسانا
_مستحيل ننساكم أنتو اهلنا عمي ...وان شاء الله نزوركم بنهاية الشهر
ودعناهم .... وطلعنا ورجعنا لحياتنا....ماجنت ناويه ارجع ويه فهد بس رنا من حجيتلها عن الدااحس بيها من افوت للغرفة كالت
_ تردين نصيحتي روحي منا قبل لاتخسرين حياتج...
خوفني كلامها وتذكرت كلام امي عن حالتها قبل وفاة ابويه....
رجعنا يم امي ....الفرحت برجعتنا...
٫٬""""""٫٬٫٫٫٫٬٫٫٫٫٫""'""""""":::::
ليالي
بعد كلامه صخنت ووكعت بالفراش وخاصة من اشوفه يتعطر ويوميه رايح لاهله....كلت خلاص سواها وراح يتزوج ...بس هو كال انتي التخطبيلي تمرضت بعدها باسبوعين من كثر ماكتمت بداخلي...بس هو خاف عباله رجعتلي الحالة مال قبل زواجنا
حار بيه وبالجهال....براء المكضيتها بجي جوعانة ....وفهد اللازم رجله ووراه وين مايروح ووين مايرجع....وهو حاير شيسوي ....آكل يجيب من بره بس الريوك يسويها...وتنظيف بس ينظف شلون ماجان...ويوكلني وينطيني علاج..ويركض عالجهال من يبجون..عرفت الله دز الي العوض.....جان مثل الاب الحقيقي اليحيرباطفاله ... حرك قميصه ابتسمت لان مايدبر بس يحاول ومامل ولاضاج .... رابع يوم يلا كدرت اوكف على حيلي ...ومع هذا ماراح لدوامه غير ساعتين ورجع بسرعة....والخوف بعيونه وهو يتابعني امشي على كيف او اشتغل ....
اجاني
_بابا ماصدكت كمتي لحيلج....روحي ارتاحي الشغل ماراكض
_ مايصير ماتشوف المطبخ كله دهن
حك رأسه
_ عذريني بس من جنت اطك البيض جان يتوصخ ...
_ لا بالعكس اشكرك درت بالك على الاطفال
خزرني
_ آني ابوهم ليالي....
من كال ليالي باوعت بعيونه اول مرة يضيف الياء ...
_ لا ماقصدت هيج....قليل الزلم يساعدون نسوانهم
_ اممم ....هسه شون صرتي
_ الحمدلله أحسن....شعجب مارحت لاهلك مثل هالاسبوعين الفات
باوعلي وابتسم
..._ اي امي لاكتلي عروس
دمعت وآنا اباوعله
_ لزم ايدي ...اوووف بعده ايدج حاره ..متأكدة صرتي زينه...جريت ايدي
_ اي الحمدلله وانت روحلهم عيب ينتظروك...
_ منو ينتظرني...
نزلت دمعتي موكلت اهلك لاكيلك عروسه
_ والعروسه قابل كاعدة ببيت اهلي حتى تنتظرني
_ أركان صدك تحجي لو تحرك بكلبي...
عكد حواجبه
_ليش حتى احرك بكلبج ليالي ...
صحت بي
_ اسمي ليال مو ليالي ...
رفع ايديه يهديني
_ ليالي اهدي مو زين عليج الصياح...نحجي بهدوء
_ شتردين ليالي ....
_ مااريد شي ....هذا هو كفيت ووفيت صرت اب لجهالي ومن حقك تعيش حياتك ويه التحبها...
دفعته بهدوء ورحت لغرفة الأطفال ...فهد يلاعب براء ...كعدت يمهم بجيت وآنا محتركة....مااكول حبيته مثل ماحبيت ضياء بس احتل جزء من كلبي ...احترك بداخلي لان وحدة ثانية حتشاركني بي....يمكن هاي عقابي لان آنا هم شاركت وحدة بزوجها ..ماكو صوت ..طلعت شفته مبدل ومعطر
باوعتله بدموع...
باوعلي ببرود...
_ يلا أنا أروح لاهلي...محتاجة شي...
ماجاوبته درت وجهي....وفتت للمطبخ..
تحمحم
_ ماكلتي محتاجة شي
_ إذا احتاج شي عندي لسان واحجي...
_ تمام...
طلع ..ذبيت الغطا مال الجدرية..رفعت رأسي للسقف...اخذ نفس احبس دموعي ما أريد تنزل دموعي...
حسيت بايدين على خصري...فزيت وانداريت شفته هو يباوعلي بابتسامة .
_ ششتتسسوي اركاان
_ شمسوي حاضن زوجتي الحلوة
_ زوجتك؟
_ عندج شك..
_ وعروستك
شالني ...ايديه التفت على رقبته
_ انتي عروستي...
دخل بيه لغرفته وطلع ماادري شسوه دخل وقفل الباب على الماضي وفتح باب الحاضر والمستقبل...
بعد ساعتين نايمه على صدره باوعتله مغمض عيونه ومبتسم...
ضربته على صدره على كيف فتح عيونه يباوعلي
_ أركان ...تريد تتزوج..
ابتسم وخرب شعري ..
روحي يم الجهال وباليل نكعد ونسولف الي كاتمته بداخلج..
بعد ماسبحت هو جان يم الجهال طلعت أنا هو فات. الحمام... حضرتلهم العشاء ...بعد مانظفت البيت ....تعبت وهلكت ....بعده الخوف بداخلي عبالي تقربلي حتى يخليني أروح واخطبله واوافق....
بالليل نومت أنا فهد وهو براء حيل متعلق بيها .
كام لحيله من نامو جر ايدي وباسها كنت وياه وكعدنا على جربايتي ..
_ احجي الكاتمته ليالي اركان....
سئلته...
_ ليش هسه اخذتني ...
_ لان حسيت تريديني ..
نزلت دمعتي ...عرفت لان شافني ابجي عليه ..راد يسكتني....
_ مو الي ببالج ليالي ..
باوعتله بحيره..جرني قوي وكعت بحضنه...
_ مو لان شفقت عليج...ماكو عروسة أصلا ...جان كله فلم مني حتى اعرف ترديني اولا...
_ مافهمت ..يعني مجنت ناوي تتزوج
وخر شعري من وجهي ...
_ قبل سنوات ...عيوني راحت على بنية ....مااكول حبيتها من اول لحظة...بس بمرور الايام حبيتها بس للأسف عرفت تحب ....حاولت أنساها...وراها وكع الشخص التحبه بمشكلة...وساعدته وصرنا اصدقاء..ووكته ساعدته يتزوج حبيبته الي أصلا اني جنت احبها بس لخاطره ولخاطر سعادتهم كتمت هالحب بداخلي...اخذ نفس وكمل...صار يحجيلي عن اهله وعن مشاكلكم... وصرت أساعده يحل مشاكلكم...الله يشهد أبد مافكرت بيج كحبيبة جنت دائما مخلي بين عيوني أنتي زوجة اخوي...جان دائما يحس راح يعوفكم بنص الطريق ..ويحلفني اهتم بيكم إذا يصير له شي...ومن مات ردت انفذ وصيته وخطبتج... من رفضتي ماردت اجبرج.. بس حالتج ومن عرفنا منو وصلج لهالحالة اخوج هو راد أتزوجج وابعدج منهم ..
باوعتله..
_ منو سبب حالتي أركان...
_ للأسف ماادري شلون التمو العقارب قصدي زوجة ابوج ومرت ضياء....وسوولج سحر..شهكت ممصدكة.
_ اي سناء مدري منطيتها ملابسج مدري شنو وهي موديتها لسحار وسوولج سحر حتى توكعين بالفراش وتكرهين ضياء...الحمدلله سناء اخوانج طيحو حظها بس ابوج ماصدكهم وطردهم ...
فتحت عيوني مصدومة
_ يعني ابويه هو الطردهم ماطلعوا برضاهم...
_ اي وبالكوه كدرنا نعالج هالسحر...اما هالفلم السويته...بس حتى اعرف كدرت أكون جزء منج وترديني مثل مااريدج...
باوعتله مصدومة بكل هالحقائق
_ يعني تحبني أنت..
قرب وجهه مني
_ عندج شك ...
حضني بقوة...حسيت يريد يدخلني بين ضلوعه....
_ اي ليالي ...أنتي حبيبتي ...انتي الحلمت بيها...
صرت من مشكلة اخاف يتزوج عليه صرت بمشكلة زوجات اخوانه واطفالهم الممتقبلين اطفالي ودوم يتعاركون وياهم....واركان واكع بيني وبينهم......بس ام سيروان وعمتي وعمي جانو يحبوني على حب ابنهم...
"""""""''''"'"'''''''''''''''
براء
اتواصل ويه رنا انصدمت من كالت شاهين طلك سرى...والمشكلة عادي حتى ابوها متقبل الطلاق بصمت ..حتى رضوان كايل حقه اختي غلطت وتتحمل غلطها...
ياترى شنو سبب هالزواج ..اوووف انسي براء..حتى لوطلك وقبلت بي...مراح يكولون ماتفاهمو راح يذبوها براسي...
توضيت ولبست الحجاب ورحت ويه فهد وزرنا سيروان...أنطاني فهد مجال اضل وياه وحدي...
_ شتاكيتلك صديقي ..اووف ماادري من وين ابدي واسولفلك الصار ويايه....آني حبيت سيروان ..بس للأسف اختاريت الشخص الغلط...مااكدر انساه...وبنفس الوقت مستحيل نكون سوه ...مااعرف شنو الحل ....مااكدر أكول لوانت موجود جان انطيتيني الحل...لان أعرف مستحيل جنت تخليني أروح لغيرك...وياريت لو ضليت وياي جان هسه تزوجنا وتحقق احلامك....واجيبلك ولد يشبهك. وبنيه تشبهني مثل ماجنت تحلم...حضنت الكبر وكأنما احضنه إله...حسيت بضل عليه عبالي فهد فتحت عيوني وشفته رزگار...كنت لحيلي سلمت عليه وودعت سيروان ...
وصلت للسيارة باوعتله عيونه عليه...
عفناه ورجعنا للبيت أول مافتنا ماما اجت بسرعة ..
_ يمه مدري شبيها مريتك...ركضنا لغرفة فهد كاعدة بالزاوية....أول ماشافت فهد ركضتله وذبت روحها بحضنه...وهو حضنها حيل ..
_ اخوك يتحرش بيه. ..
فتحت عيوني مصدومة وماما شهكت مامصدكة...
تقربت ماما
_ شتحجين بنتي..
_ والله والله مااجذب ...لمس جتفي وهو يضحك..سالوه ..
فهد باوعلنا
_ عوفونا لوحدنا وآنسو السمعتو...
ماما رادت تحجي بس من شافت حالتها عرفت هي متمثل ياترى بشنو ماره هالبنت...
"""""""""''
فهد
كعدي فرح...واحجيلي الصار
_ والله جنت أساعد خالة بالمطبخ...وهو فات ..صار يتشاقة ولمس جتفي...طلعت ركض و الله اني ماسويت شي آني ماعرضت بروحي فهد أنت مصدكني مو ...
لزمت ايدها قوي ..
_ فرح من المتحرش بيج عد خالج ..رجعت تخصني قوي ...هواية تحرش بيه ..واذا احجي يتهموني آني الاعرض بروحي...أنت أنت شفت ملابسي أكو وحدة تعرض بروحها بعباية سودة ..جاوبني ...كامت لحيلها نزعت تيشيرتها...ضهرها كله مكان ضرب وجوي...فتحت عيوني مصدوم من الوجع العاشته هالبنيه
_ احجي انضرب وانذل ويتهموني الي ...باوع أنت مصدك مو مصدك اخوك تحرش بس و الله انا مالي ذنب...
لزمت ايدها..
_ فرح اخواني مو مثل الزبايل العشتي يمهم...صدكيني همه من أول دقيقة شافوج حسبوج مثل اختهم براء...
_ يعني ...يعني ماتحرش
باوعتلها مامصدك تفكيرها...
ابتسمت لها...
_ هسه روحي نامي حتى عقلج يرتاح.
_ يعني مصدكني ومراح تضربني
_ لا يروحي شون اضربج...يلا روحي تمددي ونامي ضليت أمسد على راسها لحد مانامت...
طلعت شاد كاعد ويهز برجله..وآني تهدي بي
وبراء واياد حايرين ...
أول ماحسو بيه اجاني شاد بسرعة
_ صدكني فهد ....صدكني جذاب مامتحرش قاطعته
_ هي مو جذابة شاد باوعلي مامصدك عباله اتهمه...جريت رأسه وحضنته..
_ مو قصدي أنت متحرش ...كعدو احجيلكم ليش تهمتك...
_ راح اودي فرح لدكتورنفسي....
انتظرو اكمل...
_ للأسف فرح متعرض لتحرش اكثر من مرة من ابن خالها ...ومن جانت تحجي يضربوها ويجووها ويطلعوها جذابة لو هي العارضه روحها...حاربوها نفسيا وجسديا وهي تخاف من اي شاب يتقرب الها او يتشاقه وياها الاريده منكم تحسبوها ماموجودة لاتحاجوها ولاتتقربولها لحد مااشوفلها دكتور ونعرف شلون نتصرف وياها
