رواية سواد القلوب الفصل الثامن 8 بقلم ام سامان

فرح

جنت نايمة واحس بلمسات على رجلي .....أهز براسي ......وأريد اصيح....بس صوتي ميطلع...فتحت عيوني واشوف نظراته المقرفة .....باوعت عالباب أريد اصيح باعلى صوت وحتى يسمعني فهد..... تمادت لمساته.... صحت باعلى صوت ....

_ فهههه‍د....فهد دخيلك الحكني.......

اشتغل الضوه.....فات فهد وبنية يمكن كال اسمها براء اخته واعتقد ابوه...يباوعولي بخوف فتحتله ايدي....اجاني ركض 

_ شبيج فرح شكو.......

_ كااابوس فهد كاابوس فدوة احميني منهم...

_ احميج بروووحي ... راح اخذ حقج .....انداريت عليهم 

_ خلاص عوفونا وحدنا....

عافوني وياها

_ فروحه..احجيلي عن ابوج....

_ ابويه...اكره ابويه

عكدت حواجبي 

_ ليش ....

_ لان عافني بيد الوحوش ....

مااحب ابويه ولااريده ..

مااريد احد انقذني منهم فهد

 ...لاتخليهم يأذوني...مااريد احد

...أريد حياة مابيها ناس سيئة 

_ اششش خلاص كلبي نامي 

_ لا لا خلاص ماانام من أنام أنت تعوفني ويجون يلزموني

اخذت نفس .....

تمددت بصفها ...وجريت راسها لحضني

_ لزمت حجابها انزعه لزمت ايدي

_ لا لا لاتنزعه

_ شششش آني هنا مااعوفج

_ ماااشي ...

نزعتها شعرها مكصوص بشكل مخربط ...بلعت صدمتي ورديت احاجيها باسلوبك مااخوفها

_ فروحه شنو هالشعر الحلو ..منو كاصلج ياها

شهكت وحضنتني أقوى

_ امي ...

فتحت عيوني مصدوم العم جمعة جان يكول ماكو مثلها بحنيتها وطيبتها 

_ ليش؟؟

_ تكولي انتي ماتستاهلين شعر حلو ..من كتلها فايز يتحرش بيه اخر مرة ضربتني وجرتني من حجابي لما وكع وكصتلي شعري ..أنا شنو ذنبي

_ استغفرت ضليت اقرى عليها ايات ....لحد مانامت ...

٫٫٫٫٫٫٫“"""'“""“"""“""""""""

براء

كاعدين كلنا وبابا يحاجي شاد واياد يبتعدون منها....

_ مثل ماكتلكم بابا مبينه من خوفها هالابنيه ماره شغلات صعبه على الابنيه ....الاريده منكم من تتواجد بمكان تعوفون المكان وتطلعون خوش بابا

ردوله باي وعافونا

باوعلي بابا

_ شكو بابا 

_ ادبسز ليش ماتجين لحضن ابوج

ضحكت وركضت حضنته

_ باباتي

_ هههه يروح ابوج .......احجيلي شلون صرتي 

_ بابا أريد احجيلك شي بس توعدني مااكول لاحد وبالذات ماما

باوعلي بخوف 

_ احجي بابا خوفتيني

_يمكن ذيج الشيطانه جانت مخليه سحر بغرفتي هناك

_ شنوووو ...شلون عرفتي

حجيتله المريت بي 

جرني لحضنه بخوف

_ الحمدلله عدت على خير ...بعد مااخليكم توصلون لهناك

_ مااعرف بس بابا حيرني كلام رنا بنت عمو هادي...

_على شنو

_ كالت أدهم جان مقاطع امه جم سنة بين يوم وليلة صارو حبايب ..

_ مهما جان امه باباا

_ مو كالت امه جانت مسويه مصيبة عمامي انصدمو من رجع وياها ونسى السوته

_وشنو هالشي الجبير

_ مااعرف بابا كالت بس جنا نعرف مقاطع امه لان مسويه مصيبة

_ يلا الله كريم ...صدك اليوم زرتو كبرسيروان 

اخذت نفس 

_ اي بابا نزلت دموعي شتاكيتله بابا.....

_ هو بمكان أحسن ...خاتون وعمج زعلانين يكولون ماتجينا

_حقهم ان شاء الله باجر اروحلهم.....يلا أروح اشوف خنده عدها واجبات ...

_ صدك الفصعون سالم وينه

_ نام التنبل ورا ماكمل واجباته...

_ورا ماتكمل خنده خلتجيني مشتاكتلها اليوم من الصبح ماشفتها

_ ترى أغار ابو فهودي ...

_ لاتغارين انتي اميرتي الجبيرة

_ اتشاقه حبيبي يلا من رخصتك بابا

بالليل نايمة ....دك موبايلي من الماسنجر

_ باوعت شفته شاهين

_ هلا شاهين صايرشي....

_ مشتاكلج

_ اخذت نفس ...آني شكلت اخر مرة شاهين

_ انتي كلتي وآنا كلت ...

_ شاهين

_ عيونه

ابتسمت ....بس مابينتله

_ كافي لو سمحت ..راح أسد الخط مو من طلكتها يعني خلاص راح اوافق بيك أنسى ابن عمي....تصبح على خير

_ بروئه ؟؟

_ استغفرت وجاوبته نعم

_ احبببج. ...

بلعت ريكي اخذت نفس ...

_ شاهين لو سمحت ...مااريد اقلل من احترامك واحظرك ...فدوة آني حيل احترمك...

_ براء اريدج....

_ وآني مستحيل اوافق

_ انتي ملاحظة شغلة ...

_شنو ...

_ كلما نحجي متكولين مااريدك او رافضتيني لسبب كرهج او حبج لخطيبج المستشهد ...رفضج بس لان متزوج ..

نزلت دمعتي 

_ شتريد شاهين تريد أكولك أحبك...اي شاهين أحبك بس مستحيل اتزوجك ...تكلي مااحب خطيبي الله يرحمه ..سيروان كل حياتي هو جان صديقي واخويه ...بس من كلي أحبج ماكدرت ارففضه واكسر كلبه ...

لان شي غالي آني ولاشي بدون سيروان...

_ يعني ماحبيتي كزوج...

_ ماكدرت لان جنت أشوفه مثل فهد....بس هو حبني ...وآني مثل ماكتلك ماكدرت ارفضه ...جان حيل يحبني تعرف شغلة ..جان يغار حيل ومن عرف أدور عليكم جان شايل هم من يطلعلي ولد عم شلون راح يتحمل احاجيكم...جنت اضحك على تفكيره...تالي مالحك يتعرف عليكم...اي حبيتك من اول ماشفتك بس خدعتني من ماكتلي متزوج مجان تعلقت بيك....كله منك ....

_ براء قاطعته 

_ انسااني شاهين آني مااقبل أتزوج راح اضل على ذكريات سيروان ...

سديت الخط انفتح الباب ..بابا يباوعلي بحيرة تقرب بعد ماسد الباب

_ شنو هذا السمعته براء

_ ششنو بابا

_ شنو يعني جنتي ناويه تتزوجين سيروان بس حتى لاتكسرين كلبه

_ شهكت وذبيت روحي بحضنه..بابا ماكدرت اكسره....وخرني احجيلي بابا ....ماحجيتله عن كلامه عني يم رزكار بس كتله جنت احبه كله وصديق بس هو عباله احبه كحبيب 

_ شلون يصير بابا . .الزواج مولعبة ..وهسه نجي على شاهين .بابا شاهين مو متزوج

_ لا بابا طلك زوجته...

_ يعني إذا تقدملج..

قاطعته 

_ لا بابا مستحيل لو بعد سنين إذا قبلت بي راح يذكروني بماما ويكولون خربت بيته...قصتنا آني وشاهين انتهت قبل لاتبدي 

_بابا إذا تحبي طز بكلام الناس ..

هزيت رأسي لا بابا ....

_ مستحيل بابا ...بلكي من يأيس مني يرد زوجته مهما كان سرى بنت عمي حرام ادخل بينهم

اخذ نفس

_ براحتج باباتي ....يلا تصبحين على خير 

_ وأنت بخير حبيبي... 

مايجي من كلبي احظره...دخلت لحسابه اباوع لصوره ...مسحت دموعي طلعت ودخلت لصفحة سيروان....مخلي صور خطوبتنا ...الزي الكردي الأسود ..عيونه التضحك...ابتسامته الشاكه حلكه...بست صورته...الله يرحمك يروحي.....ماادري يمته غفيت

::'''''""""""""":::

فهد 

نار وتاكل بروحي....مالكيت غيره دكيت عليه...اخذت رقمه من شاهين....

_ جاوبني مبين جان نايم...

_ راح اجي أريد نلتقي....

_فهد؟؟...

_ اي أنسى بس اليوم احنا اعداء ...اليوم أريد تكون اخوي...

_ تمام راح اتانيك...

بدلت بسرعة اخذت سيارة أياد أحسن من سيارة براء ....

بعد ساعات وصلت وانطاني عنوان نلتقي هناك ...يمكن الأكثر راح يكول شلون كدرت توثق بي ...أنا ماثاق بي بس ماكو غيره...رتبته راح تساعدني ........

تقربت منه 

_ هلا ....هزلي براسه اي ...

_ أريد مساعدتك ...

_ شنو الخلاك تفكر بيه ...

نسيت شسويت باختك....

_ لاماناسي وراح ارجع حقنا ....بس مجبور ماكو غيرك...

عكد حواجبه

_ صايرلكم شي ..قصدي أنت اوبراء

باوعتله بحيره هالانسان ماادري يكرهنا يجينا

_ لا ...براء بخير ....أريد اذب واحد ورا الشمس

_ ابتسم بهدوء ...

على حد علمي أنت رجل قانون وأنا نفس الشي ...مو حرام

قاطعته 

_ هو مونظيف لدرجة يصير عليه حرام وهالسوالف

_ شمسويلك وهيج محروك

_ اذى شخص يخصني ...

_ زوجتك؟؟

هزيت براسي اي

_ أريدله جم سنة بالسجن بس قبلها اربببيه

_ شنو شغلته

_ ماادري شيشتغل بس الاعرفه واحد ابن حرام ..

_ امممم تمام انطيني عنوانه أنا أدور وراه

_ أدهم...راح اثق بيك بس بهالسالفة لاتخذلني 

_ سبق وخذللت اختك

_ هاي موسالفة فلوس هاي سالفة تخص بنية بريئة 

 صفن بكلامي

_ هز براسه اي ....أنت روح لبيت عمي وانتظر مني تلفون...

وصلت وكاعد ويه رضوان وشاهين... بالليل خابرني أدهم ترخصت وطلعت بسرعة ..ماجنت ادري بطلعتي خوفت ولد عمي واجو ورايه ركض...وصلت مكان فارغ مابي غير هياكل.....وأدهم منتظر كدام واحد من هالهياكل...

_ هو جوه...طلع حركتك بي ماله داعي نلفقله تهمه...

أنطاني لثام...لبسته ودخلت عليه الحيوان يباوع داير مدايره وشويه ويغمى عليه من الخوف

_ هلا و الله بفايز...

_ منو أنت ؟؟

_ أنا عملك الأسود ياابن الحرام...

_ أنا مااامممسوي شي ...

لطمته على حلكه

_ هنااا مااريد اسمعلك صوت ...هنا أريد كلمااضربك تتذكر اعمالك القذرة المسويها بحياتك الجايفة

ضليت اضرب بي وهو يصيح جنه حرمه...سمعت واحد صاح ابن العم 

_راجعلك ياجلللب

طلعت انصدمت بوجود رضوان وشاهين

_ شجابكم...

_ له له ياابن العم ....تريد الوليمه بس الك...

_ هسه هو عايل بيه أنتو شكو

باوع شاهين للبقية وكال

_ شفت شلون ينكرنا...ماحبيتها منك....انطيني هاللثام احركه ...

انطيته ياه....

كعدنا احنا يم السيارة ....رضوان طلع كمشة حب ووزعها علينا...أدهم ابتسمله وهو هم بس علاقتهم فاترة ونسمع صياحه...طلع شاهين ...صفك رضوان واخذ منه اللثام..باوعت لادهم باوعلي ورفع جتفه بمعنى معليه آني ...وراه أدهم ورا مادخلت شفته منتهي رجعت طلعت 

_ هسه هالجنازة شمبقين بي اليه ..

_ديلا لاتصير نحس ابن العم...

رجعنا بعد ماذبيناه براس الشارع بمكان مابي كاميرات.....

تشكرت من أدهم ...ثاني يوم الصبح ودعتهم ورجعت البيت....

براء اجتني

_ من البارحة قافلة على روحها وماتقبل تفتح ومماكله من البارحة

رحتلها ادك بالباب من كتلها أنا فهد..فتحت وحضنتني بقوة

_ همزين اجيت متت خوف

حالتها تخوف ...

لازم اوديها دكتور ...

لكيت عنوان دكتورة زينة ..لان مبينه مستحيل تقبل بدكتور ...أول جلسة جانت ثاني يوم الحجز ....شكد حاولت اخليها تلبس غير عباية ماقبلت الا اسود...عفتها براحتها....

ورا مافاتت بساعة يلا طلعت....السكرتيرة كالت الدكتورة منتظرتك جوه...كمت لزمت ايدي بقوة ....

اشرتلي وحدك ..

_ فروحة انتظري هنا ...شويه واجي ...

_ لالاوياك....

_ فروحه ازعل منج أبقي هنا شويه واجي وهالابنيه تريد تتعرف عليج ...دمعت بس خافت من كتلها ازعل منج..

عافت ايدي بخوف وهممست

_ لا لالتزعل هياتني عفت ايدك..وانتظرك هنا ...

ابتسمت لها..اطمنها دخلت 

_ تفضل أستاذ...نحجي عن حالة مريضتك ...

كعدت وسئلت..

_ شتقربلك...

_ زوجتي ...

_ احجيلي عنها..حجيتلها مختصر الاعرفه...وكتلها

_ ماتتقبل غيري دكتوره ...

_ هو زين ومو زين...زين انطت فرصة الك والموزين هي إذا ضلت هيج راح تنهوس بيك...

_ والحل دكتورة...

_ الأهم من هاي لازم نحاول نشتت انتباهها لايصير بيها ثنائي القطب...

_ شلون يعني ...

_ يعني تكون شخصية تكون عدائية اوتأذي روحها ... اكثر المريضين بهللنوع مروو بنفس المرت بيها فرح...

_ وشلون نبعدها....

_ راح نبدي بطرق علاج مكثف ....مدام تقبلتك بس أنت ..أنت اهم عنصر بعلاجها ..

_ دكتورة ماتتقبل حتى وجود اخواني حجيتلها موقفها من شاد اتشاقه وياها....

_ خلي يعاملوها عادي بس لايبقون وياها وحدهم افتهمت قصدي ...

_ تمام دكتورة ....انطيتها حسابي الفيس حتى تتواصل عن علاجها هناك..

طلعت كبل اجتني ولزمت ايدي وهي ترجف ابتسمتلها

_ يلا كلبي ...نطلع..

رجعنا للبيت وحجيتلهم كلام الدكتورة ...تواصلت ويه صديق الي اسئل عن عم جمعة...كلي انحكم 3سنوات 

_ مو على أساس اقل ....

_ مدير المطعم اتهمه بايك منه فلوس ....وهو ماعنده هالمبلغ..

_ تمام تشكرت منه....

اووف ..كل يوم سالفتج تتعقد فرح..

رحت لبراء صار هوايه مامسولفين...دكيت الباب ودخلت ...ابتسمت من شافتني

_ فوت حبيبي....

ضلينا نحجي ونسولف ونضحك....ماحسينا غير فاتت بتهجم وبدون ماتدك الباب خزرت براء وكالتلي

_ ليش عايفني وحدي وكاعد هنا. .. ضجت من تصرفها بس ادري مو بوعيها...مديتلها ايدي

_ لاشحدي اعوف فروحة ...تعاي اكعدي ويانه

_ لا لا نروح لغرفتنا...مااحب هاي مااحبها تريد تاخذك مني ...

حجت براء تمثل الحزن

_ ليش تكرهيني فروحة..وآني أحبج

_ لاتاخذين فهد ماعندي غير عندج اخوان غيره وخري منه...

كمت لحيلي وحضنتها....

_ فروحه..هاي اختي ...وتريد تصير اختج...انتي مو تريديني اضل وياج هزت براسها اي...

_ معناها لازم تسمعين كلامي ...صح

_ اخاف تاخذك مني

_ لا تخافين كلبي محد ياخذني منج 

_ وعد..

_ وعد وهسه تعاي نسولف ويه بروئه...ضلينا قريب الساعة نسولف ونحجي ذكرياتنا كالت براء

_ أول مرة رزگار ياذيني بالكلام جان عمري 10سنوات كلي بلا اصل واهل..نزلت دموعي ...وآني اصيح بي واكول عندي اهل عندي بابا أركان..وهو كلي أركان عمي مو ابوج...واجا سيروان طيح حظه..مسح دموعي وكأل

_ خلي يولي انتي بنت عمي أركان وشحده اليكول غير شي ...

ومنها صرنا اصدقاء ...وبيومها فهد ضرب رزكار وماما عاقبته وبابا من درا راح لبيت اخوه وطيح حظ رزكار

_ سئلت بارتباك منوو هذوله

_ ابتسمتلها قصدج سيروان ورزكار

هزت براسها اي 

_ رزكار ابن اخو بابا أركان اليصير زوج ماما بس هو ربانا آني وفهد واحنا نصيحله بابا لان ابونا ميت واحنا صغار باوعت الفهد بحزن ابتسملها...

_ اما سيروان جان صديقنا المقرب وابن اخت بابا واخذت نفس وخطيبي....

_ جان؟؟

_اي للأسف استشهد وعافنا...

_ اسفة..

_ لا لا لتعتذرين ....اسفة خربت الاجواء

حجه فهد

_ ولي على أساس آني ناسي سيروان...سيروان جان صديقي الوحيد الله يرحمه ..

من طلعو رجعت فرح

_ اسفة براء ضوجتج...

_ اممم اسامحج بس بشرط...تباوعلي بفضول مديتلها ايدي نصير اصدقاء

ابتسمت ومدلي ايدها تصافحنا وطلعت...

طلعت صورته ....

_ تدري كل ماافكر بيك قبل لاانام تجيني بالحلم...اليوم زرت امك...حيل متغيرة سيروان ضعفانة ومشتاقتلك...وابوك هم تحسه كبران حيل ...هديت حيلهم سيروو...اخوك ضايع بدونك وخواتك مكسورات ...حيل انقهرت بحالتهم...فراكك ماذيهم ياصديقي....احس ابوك يدورك بعيوني .....ويباوع لكل ركن تحسه يدور عليك....ماادري شسوي واطلعهم من حالتهم...لو أنت موجود جان كتلي شتصرف ...مااعرف شسوي ادري بهالتصرفات ديأذونك بالكبر ....بس شلون أساعدهم ماادري....

غفيت كعدت على رنة موبايلي ...باوعت شاهين...

استغفرت وسويته صامت...

ثاني يوم كعدت وصلني صوته...ضربت وجهي راشدي خفيف ..

_ أكيد تحلمين شيجيبه..بدلت ولبست تراكسود والفوكاه طويل لركبتي ...نزلت جوه شافني وابتسم..

_ هلا بيك ابن عمي نورتنا

_ بنوركم بنت عمي ...

_ يلا من رخصتكم..أروح احجز بفندق حجه بابا

_ عيب بويه فندق شنو واحنا وين رحنا ..

_ لازحمة عمي خاف ماتاخذون راحتكم...

_ أنت ابن عم ولدي ....يعني مثل ابن اخوي

_ الي الشرف عم...

بعد اجبار من بابا وافق...

بالليل طلعت للحديقة انجريت الحوش الخلفي 

عرفته هو من عطره القوي ...آني بطبعي ادخل من اشم عطر قوي وراسي يأذيني انضرب ظهري بالحايط..

_ ليش ماتردين على مكالماتي ..ضليت أدفع بي مايندفع ....

_ بكيفي مااحب احجي وياك..

_ لااا جرحتي مشاعري ..

_ اووف شرايد شاهين ...

_ كم مرة كلت اريددددججج

#يتبع....

صار ساعتين انشر وماينشر

شكراصدكني فهد ....صدكني جذاب مامتحرش قاطعته

_ هي مو جذابة شاد باوعلي مامصدك عباله اتهمه...جريت رأسه وحضنته..

_ مو قصدي أنت متحرش ...كعدو احجيلكم ليش تهمتك...

_ راح اودي فرح لدكتورنفسي....

انتظرو اكمل...

_ للأسف فرح متعرض لتحرش اكثر من مرة من ابن خالها ...ومن جانت تحجي يضربوها ويجووها ويطلعوها جذابة لو هي العارضه روحها...حاربوها نفسيا وجسديا وهي تخاف من اي شاب يتقرب الها او يتشاقه وياها الاريده منكم تحسبوها ماموجودة لاتحاجوها ولاتتقربولها لحد مااشوفلها دكتور ونعرف شلون نتصرف وياها

 لزيارتكم عالم روايات سكيرهوم