رواية ازهار والوحش الفصل السابع بقلم جمانه السعيدي
ازهار....منا للاربعين واني كل يوم ابجي لمن راسي يوجعني يله ابطل
عمتي ساكته مدري شعجب
مدري موت ابنها هد حيلها
دزيت صوره الوسام بملابسه العسكريه بيد احمد حتى يكبرها
خليتها بلغرفه
حتى اكعد كل يوم اصابح بوجها
حتى من اضوج احجي ويااا
حتى يبقى عيونه علينا اني وبناته
من طلعنا الأربعين عمتي بدت تمشي بمعاملة الراتب هي واحمد من خلال المعامله كالت تجين وياي
يردونج توقعين لان انتي اللج نص الراتب
اني شمعرفني بلنويا وهم ماجنت بوضع يسمحلي ادقق
قابل هي وين راح تودي الراتب
جهالي يبقون احفادها قابل راح تقصر وياهم
اكيد معزتهم من معزة وسام
خصوصا وهي تغيرت بعد موت وسام ومالها شغل بيه
اكيد حست بلذنب اتجاهي اني والجهال
رحت وياها والمحامي كان محضر الاوراق كلها
كنت بيومها اريد بس ارجع للبيت لان ابني بقه يم الجوارين
انطاني الاوراق كال وقعي على الراتب
كدام الشهود ذوله كان اكو ثنيين واكفين مااعرفهم
المحامي...الراتب راح يكون باسم عمتج لان هي صاحبت البيت وهي الجبيره من بعد ابنها
انتي وجهالج راح تكونون تحت وصايتها
اني حتى مادققت بلكلام اريد الاوراق تمشي بسرعه
حتى الراتب يطلع
وقعت كال هاي هي انشاء الله الاشياء الصعبه خلصت
تكدرين ترحين
اني وعمتي رجعنا للبيت واحمد بقا حتى يكمل باقي الجراءات
جمانه السعيدي
ست اشهر يله طلع الراتب
مابقى احد ما تقرضنا منه اني بعت ذهبي حتى امشي اموري البنات متعودات على فلوس واكل وملابس
ابوهن ابد ماكان مقصر وياهن بقن عندي بس كلاده زغيره لا بستها وتراجي ناعمات جابهن وسام اليه هديه
والحلقه بايدي والباقيات بعتهن علمود جهالي
منا لمن طلع الراتب بلشافعات
هنا عمتي لزمت الراتب وهي الي صارت مسيطره
مالنا بلبيت اني وبناتي غير الاكل والشرب
كلما اطلب منها فلوس تكول جاي اسدد بلفلوس الي تقرضناهن على الراتب
اسكت واصبر نفسي واكول هسه يخلص الدين
ويرجع وضعنا مثل قبل
منا لمن دارت سنة وسام الله يرحمه
رحنا للمقبره ورجعنا
بعدها بكم يوم
عمتي...ماتاخذين الجهال وترحين بيت اخوج
تغيرون جوو شويه صار هواي ما طالعين انتي والجهال
اطلعي شوفي بشر غيري جو
حتى البنات صايرات شحالهن
ازهار...فرحت بكلام عمتي همزين كامت تفكر بينا
اكيد تعتبر نفسها مسؤله عنا
ومادام هذا الوقت كله هي ساكته وماكو مشاكل
اكيد رب العالمين هداها علينا
بعد جهال ابنها قابل تعوفهم
بدلت للجهال واخذتهم ورحت البيت اهلي
على فكره بيت اهلي اخواني ثنيينهم عايشين بي
بس شنو كل واحد اله قسم من البيت
يعني ماقاسمين البيت
بس كل واحد اله غرفه زوجت اخوي الجبير تطبخ بلمطبخ
والزغير زوجته تطبخ جوه الدرج تنضيف البيت كل يوم على وحده
اليوم الي عليها البيت تنضفه كله من البدايه للنهايه
ماعدا المطبخ وغرفة الثانيه مالها شغل بيهن
كل وحده تنضف غرفتها ومطبخها
فوك اكو غرفتين كاعدين جهالهم بيهن يقرون وينامون فوك
رحت الاهلي الصراحه رحبو بيه لان اني من يوم استشهاد وسام ما واصله بيت اهلي
كل وحده طبخت شكل وكالن اليله عزيمه كلنا ننجمع العائلتين ناكل سوا فرحانيبن بيه اني وجهالي
علاوي ابني توه يمشي يمشي خطوتين اتلاثه ويوكع
بليل ماقبلو اخواني ارجع كالو باتي عدنا وباجر ورا الضهر تتغدين ونرجع لعيالج
أنطوني كل واحد ٢٥ الف بقينا نسولف شويه غيرت جو عدهم
نمنا بيت اهلي الصبح اني كعدت وياهن
ساعدتهن بلتنضيف اجمعنا وقت الغده كل وحده جابت غداها وكعدنا تغدينا سوا
جمانه السعيدي
للعصر سلمت عليهن وأخذت جهالي ورجعت البيت عيالي
وصلت للبيت اشو غراض مكومه بابنا
اخشاب وجنط مالابس وحتى اجياس زباله متروس ملابسه وشغلات اشكال من ضمنهن حجلة علاوي
استغربت ليش حجلة علاوي بلشارع
وصلت للباب دكيته ونور سحبت حجلة اخوها
نور...ماما ذني ملابسنا بجيس الزباله
ازهار. ملابسنا باوعت زين هاي غرفتي مالت النوم
اخشابها مفتوحه ومخليها بصف الحايط
دكيت الباب حيل عمتي من ورا الباب
عمتي.. منو
ازهار...اني عمه افتحي الباب
عمتي...ذني غراضج اخذيهن وروحي بعد مالج مكان بيتي
ازهار...عمه شكاعد تكولين
عمتي.. مثل ما سمعتي
اني عندي ولد مامزوج اريد ازوجه والبيت مايكفي
ذني ملابسج وغرفتج روحي بيت اهلج
بعد مالج مكان بيتنا
ازهار.. عمه انعلي الشيطان ترا ذوله احفادج وهذا بيت ابوهم اله بي حصه
ليش تشردينهم خلي بكلبج رحمه
عمتي...روحي منا بعد ماادخلين هذا البيت
البيت باسمي وراح احوله باسم احمد مالج شي يمي
حتى الراتب انتي تنازلت عنه
صار باسمي روحي منا يله
ازهار...يمتى تنازلت عنه ياا بيش اعيش ذوله المساكين
منيين اصرف عليهم
عمتي...مشكلتج اني بعد مااستقبلكم بيتي
اريد ازوج ابني روحي منا
ازهار.. عمه فدوه اروحلج افتحي الباب وين انروح منو يتحملنا الخاطر وسام افتحي الباب
الله يخليج اشتغل خدامه جوه رجليج بس افتحي الباب
ووين نروح
عمتي.. وين ماترحون روحو مالي شغل بيكم
ازهار...تعبت من الحجي وياها كعدت على الرصيف بالباب وكمت ابجي
ياربي وين نروح اني وجهالي
شفت وسام شفت امك طردت جهالك بلشارع
شمرت غراصنا بلشارع
تعال وشوف حالي منو اليه ووين نروح اني وجهالك
حتى الراتب قشمرتني وحولته باسمها
كعدت اكثر من ساعه ابجي بلشارع ولا كسرت كلبها ولا فتحت الباب
ماخذه الثلاجه والبلازمه وشامره الغرفه والملابس
بلشارع مو عجوز شيطانه
معقوله عيون وسام ماوكفن كدامها
ولاكالت جهاله وين يرحون
مليت من الكعده اجرت تكسي جبت ملابسنا واجيت الببت اهلي
بس دخلت وشافني نسوان اخوتي
الوجوه اتكدرت كعدت وكمت ابجي واحجي على عمتي
راسا زوجت اخوي الجبيراتصلت على زوجها
حتى يجي
شويه واجا اسعد
اسعد.. هااا شكو
ازهار...رجعت للبيت وعمتي ماقبلت ادخل تكول اريد ازوج ابني وماعندي مكان
حتى غرفة النوم شامرتها بلشارع
اهييي اهييي وين اروح اني وجهالي
اسعد ...هي بكيفها شلون تطردج
راح اسعد العمتي حتى يحجي عليها
اسعد...كسرت الباب محد فتحلي بقيت انتضر اكثر من ساعه ورجعت ادك بلباب جمانه السعيدي
ام وسام.. منو
اسعد...اني ليش طارده ازهار هي وجهاله بلشارع
ام وسام...بكيفي هذا بيتي باسمي وماريدها بيتي
ولا تحاول تتقرب علينا مره ثانيه ذني غراضها تاخذهن وتمشي
اسعد...ذوله احفادج وين يرحون مثلا
ام وسام...مشكلتهم وين مايريدون يرحون خل يرحون
اسعد...أما انتي فعلا عجوز البين احفادج احفادج
ام وسام...يله لا اتصل على الشرطه واخليهم يشيلونك
رجع اسعد متعجب منها يكول معقوله هاي ام وسام
مو مره شيطانه
اخواني مابقى واحد من اقارب وسام مادزو عليها
ابد قافله اني مارجع للبيت
وفوكاها تهدد اذا قربنا منها تشتكي علينا
اسعد حتى سئل بلمحكمه اذا يصير ارفع عليها دعوه
علمود الراتب
بس المحامي اكد مالي اي شي يمها
اخواني باعو الغرفه وانطوني فلوسها المشكله بيت اهلي زغير ما يوسعنا كلنا
انام اني وجهالي بلهول
نسوان اخوتي مايقبلن انام بلصاله خاف الجهال يدمرون الغراض
المعامله تغيرت وياي ١٨٠ درجه
لا اخواني ولا زوجاتهم يردوني
شغل البيت كله عليه تنضيف الببت كله عليه
واخواني يتعاركون على لكمتي كل واحد يكول شنو اصرف على اربع نفرات اني ميلي
بليل يكعد ابني الزغير يبجي
الصبح بس ضرب مايضربوني شنو ابنج يبجي اريد انام ناخذ راحتنا
عسها بختج وحضج يعمتي
كل ساعه اعاتب وسام ليش عافني وراح
بعت اخر شي حلقتي والتراجي الي لابستهن حتى اجهز بتي للمدرسه
نور استحقت مدرسه السنه
بيوم بليل ابني صخن وكام يبجي انطيته علاج
سويت كمادات مايفيد
مصخن ويبجي
اباوع للبيبان بلكت واحد منهم يفتح الباب ويكول ناخذها للمستشفى
ابد عبالك الغرف بيها موته مو بشر
بقيت للصبح كاعده
بس فتحوالباب الصبح بمكان كلمة صباح الخير
هجنو عليه ثنيبنهم همه ونسوانهم
.. شلون بينا ما انام ماناخذ راحتنا بيتنا
ليش رجعتي علينا جان كعدتي بيتج وسكتي
مانام اليل كله ابنج ينبح
ماناخذ راحتنا شلون
ازهار.. مصخن ويبجي قابل أسد حلكه
اسعد...حضري الجهال ناخذهم نشمرهم على بيبتهم
هي تحير بيهم غير جهالهم
احنا شنو ابتلينا بيهم
الببت زغير وهي عايشه ومرتاحه واحنا حسره علينا نتحرك بلبيت
ازهار.. يااايمه جهالي تحجون صدك ولله ماانطيهم البيبتهم
لو اطلع اكعد بلشارع اني وياهم
ولا اعوفهم
شكرا لزيارتكم عالم روايات سكيرهوم
