رواية ازهار والوحش الفصل الثامن بقلم جمانه السعيدي
ازهار...عشت اتعس ايام بحياتي بيت اهلي
كلهم مايردوني رغم اني كاعده بيت ابوي موبيت واحد منهم
النوب جهالهم يضربون جهالي
رغم جهال اخواني كبار مو نفس عمر جهالي
بس يسمعون الأهل حاقدين ويحقدون الحقدهم
كل شويه ضاربين بناتي لو ياخذون اقلامهن
لو هذا ابن اخوي شاد كوره وكورهن
ياخذ لعبهم يشككهن بلسجينه لو يكسرهن
المشكله مااكدر احجي كلها تهجم عليه يردون ياكلوني اكل
ياربي شكد بعد راح اتحمل تعبت من هذا الوضع
مااكدر اكل براحتي ومااكدر أمد ايدي على اي شي
كل وحده خاله ثلاجتها بغرفتها
من غير الحجي الي اسمعه أشكال واللوان
مافاتت ليله اذا ما شبعت بجي قبل لا انام
حتلو افكر اطلع ادور شغل جهالي شلون منو يبقى يمهم
محد يريدهم
اخواني متخبلين مني
جمانه السعيدي
اسعد...اني متعود كل يوم بليل نلتقي اني وكريم الوحش ونكعد نسولف
كريم...ولله البيت صار ما ينحمل من يوم رجعت ازهار للبيت هي وجهالها
كريم...ليش تكول هيج
اسعد....البيت زغير يعني اني عندي اربعه واني وزوجتي
وهي وجهالها اربعه وبيت اخوي سبعه
البيت هوسه
بعدين اني ليش اتحمل مسؤليتها هي وجهالها
ترا اربعه يعني عائله
منيلي اصرف عليهم واخوي أمجد حالته الماديه صعبه
يله عنده بوسطية عطور منيين يجيب
والمدارس ماخذتلها صفحه
كريم الوحش....زين هي مو عدها راتب زوجها الشهيد
اسعد...هاي عجوزه مو مره غلبت الشيطان
أتصور اخذتها على اساس تمشي بمعاملة الراتب
هاي ازهار حشاك ثوله كلشي ما تعرف هي كبل من المدرسه للعرس عمرها ١٨ وزوجت
ولا طالعه ولاداخله ولاتعرف اي شي
اخذتها علمود معاملة الراتب لان هما عايشين على هذا الراتب ماعدهم مصدر رزق ثاني يعيشون منه
مخليتها موقعه تنازل عن وصاية الجهال البيبيتهم
وراجع متنازله عن الراتب الها
لا عبتلها لعبه مضبوطه
لعبه على ازهار هاي فقيره موقعه وما تعرف
طبعا هيج شي بلقانون مايجوز اله الام تتزوج
وتتنازل عن حضانة الجهال
بس العجوز هي والمحامي لا بعينها صح
كريم...ليش ماتشتكي عليهم
اسعد...اني سئلت يراد محامي شاطر يمشي بهاي القضيه
المحامي يريد توكيل لان اني مااكدر اعوف شغلي وامشي ويا
عندي عائله ومااكدر اعوف شغلي
المحامي على الاقل يريد ٣ مليون حتى يمشي بلقضيه
منيين اجيبله هيج مبلغ
لازم يرفع دعوه و يطعن بلقرار ويثبت ازهار مامزوجه
يعني شغل هواي
وحتلو ربحنا القضيه هي الها نص الراتب النص الثاني الامه واخو لان ماعدهم مصدر رزق
يعني يجوز يطلعلها ٦٠٠ الف
كريم....هاي شني من مره غير احفاده شلون تلعب هيج لعبه وهي تعرف ازهار لا حول ولا قوه
مافكرت شلون راح يعيشون
جمانه السعيدي
اسعد ..اكلك مصيبه ولله اني كرهت البيت
لا اكدر اسكت هاي نسوانا متخبلات منها ومن جهالها
ولا اكدر اطلعها وحدها
لازم ادفع ايجار ومعيشه منيين اجيبلها
ولا عندي فلوس للمحامي حتى يمشي بقضيتها ويطلع راتبها
قبل يومين كتلها خل ناخذ الجهال نشمرهم على أهلهم هم يحيرون بيهم
وهي تخبلت شلون تاخذ جهالي مني
اكعد بلشارع اني وياهم
ولله مصيبه مالها حل
حتى لوردنا انزوجها منو يقبل بيها ويااها ٣ اطفال
منو يتكفل بيها
وبس ارجع للبيت كبت العيطه ومشاكل ما تنتهي
وهذا ابنها زغير بليل يكعد يبجي
حتى مانكدر انام براحتنا
ولله مااعرف شنو الحل تعبت اني تعبت من هاي المشكله
صارلها شهر بيتنا
مو شهر عبالك سنه كمت من ادخل للبيت اكل واطلع كبل
اشرد من الهوسه
اني لو اموري الماديه زينه جان اجرتلها بيت
وخلصت من هاي الهوسه
ذاك اليوم حجيت مجرد حجايه كلت لو واحد يشوفلها مكان
تسكن بي ويخلص من هاي الهوسه
وزوجتي كبت عليه
تريد تسكنها بيت تحجي صدك واني وجهالي مكسرين تكسر هنا
خوب البيت النا ليش الها
تروح ترفع دعوه على عيالها وترجع الراتب وتولي هي وجهالها
ليش انت تحير بيها
اسعد...سكتت أمري لله مااكدر اتنفس
زوجتي عدها حق يعني اني وعائلتي مكسر تكسر
واروح ااجرلها بيت
الوضع متكهرب فد مره مرات افكر انهزم من البيت
واخلص
صار سنه من مات زوجها مرتاحين حتى ماتجي علينا
بس هلعجوز خربت كلشي
كريم الوحش ....اذا اطلب ايدها تنطونيها
اسعد...التفتت علي مستغرب من طلبه تحجي صدك
كريم...طبعا احجي صدك انت تعرف اني مزوج بس بلاسم
وانتم ناس اصل وفصل
اذا تقبل بيه اني مستعد ازوجها اسكنها بيت وحدها
واصرف عليها وعلى جهالها
بس عندي شرط
اسعد...شنو هذا الشرط
كريم...تكعد كبالي وتكول اني موافقه مو مثل زينه
بليلة العرس عرفت هي رافضه هذا الزواج
اسعد...بس هاي بسيطه يعني انت مستعد تتحملها هي وجهالها
كريم....بعمري مراح انقص عليها شي واذا بيوم اجت تشتكي مني الك حق تعاتبني
بس بلبدايه زواجنا يكون بلسر فتره على عقد الشيخ
وبس وانا اتفقنا اني وياها اعقد عقد محكمه
اسعد...تمام ولله انت راح تسوي عليه فضل كل عمري مراح انسى
راح تخلصني من مشكله متعبتني حيل
جمانه السعيدي
كريم....افتح وياها الموضوع وشوف ردها شنو اذا وافقت
اني ماعندي اي مشكله
اسعد ...اكيد توافق ليش ترفض
كريم...خير انشاء الله
اسعد رجع للبيت طاير من الفرح
لان هو يعرف كريم زين ويعرف اخلاقه
كريم اذا كال كلمه راح يكون كد هاي الكلمه
اسعد..بس دخل للبيت صاح ازهار ازهار تعاي
بسرعه
ازهار...خير شكووو
اسعد...اني لكيت حل الهاي المشكله
ازهار... اي ولله اذا اكو حل اوافق اني هم مااريد ازيد الحمل عليكم
اسعد...صديقي اليوم طلب ايدج للزواج
ازهار...طبعا لا اني مستحيل ازوج بعد وسام
اسعد...هذا خوش ولد محترم وهو تعهد بجهالج
ازهار....ابد مراح ازوج مستحيل اجيب احد يتحكم بجهالي
لو اطلع اكعد بلشارع اجدي واعيشهم
ماازوج شلون تقبل اني ازوج
اسعد...اسمعي مو بكيفج غصبا عليج فهمتي لو لا
اني كتلج اني اتكفل بهذا الولد
على ضمانتي
تزوجين وتخلصينا من هاي اامشكله
الولد حالته الماديه جدا ميسور واموره تمام
مزوج بس عنده خلاف ويا زوجته تكدرين تكولين مامزوج
ازهار....ماازوج لو تذبحني ماازوج
على بختك تريد اجيب واحد يعذب جهالي
اسعد...بعصبيه مو كتلج اني اتكفل بي هذا انسان محترم
ازهار...لا مااريد ازوج فوك بناتي ذني بنيات شلون اجيب
واحد غريب وادخله عليهن
لو تكطعني مااقبل بهاي الزواجه ابد
اسعد تقبلين غصبا ماعليج فهمتي لو لا
ازهار...رحت حضنت جهالي وكمت ابجي عليهم
وين اروح بيهم اخواني يردون بس يخلصون مني باي طريقه
حتلو يشمروني للجلاب ماعدهم مانع
شلون ازوج بعد وسام
شلون روحي تتقبل واحد ثاني
شراح اكول البناتي من يكبرن
ياربي عينك عليه لا تتخلى عني انت تعرف الي بكلبي
اني بعمري مااذيت احد
ليش كاعد اتاذى هيج
اسعد بقا منتضر امجد حتى يعقدون اجتماع
يتفقون بي شلون يقنعون ازهار توافق بكريم الوحش
هسه هي ماشايفته ورافضه هاي الزواجه
شلون لوشافته يمكن تتخبل بلزايد عليهم
بس لازم اكو طريقه حتى تقتنع تزوج كريم
لان هاي الزواجه راح تحل كل مشاكلهم
شكرا لزيارتكم عالم روايات سكيرهوم
