رواية مريم الفصل السابع بقلم جمانه السعيدي
ضاج الحجي بليلته كلش واني ما اكدر ادخل ابد لان همه مهما يكون ولده
صحيح اني زوجته بس ماصار هواي من دخلت حياته
مريم حجي اسبح بماي بارد وانت تصير احسن
دخل للحمام سبح وطلع
مريم حجي تروح تقيس ضغطك مره ثانيه اني خايفه عليك
حجي حسن لا لاتخافين صرت احسن
مريم زين ليش مااجيبلي جهاز ضغط واتعلم علي واني اقيس ضغطك
حجي حسن ما يحتاج انتي بس ابقي يمي وخليني اسمع صوتج الحلووو واشوف هلوجه الملائكي
واني اصير زين
سحبني الحضنه وشبكني حيل
اول مره احس اني ما خايفه منه من حضني حسيت بامان
وراحه نفسيه
بليلته حاول يتقربلي بس ماكدر
حاول اكثر من مره بس بدون فايده
انزعج حيل وتوتر
طلع برا الغرفه وطلع جكاره وكام يدخن
اني رحت ورا لكيته كاعد بلحديقه على الكرسي ويدخن
اجيت من ورا وحضنته
جمانه السعيدي
مريم لا اضوج حجي عاديه كلش
اليوم انت تعبان ومالك خلك العمر كله كدامنا
حجي حسن وين العمر ياعيون حجي حسن التفت وسحب راسي وباسني بخدي
مريم انت بعيني شاب واحلى شاب شافته عيوني
واني وياك راح نعيش سووو الاخر العمر
حجي حسن يعني انتي ما متندمه على هاي الزواجه
انتي ازغر مني بهواي
من اباوع عليج اكووول اني ضلمته وياي حيل
سحبني وكعدني بحضنه
مريم انت قسمتي ونصيبي ولاتكول ضلمتج وياي
اني صحيح جنت عايشه بيت ابوي
بس عايشه خدامه ال سميه
ومآ اكدر اختار اي شي ولا اكدر احجي ولا ياخذون رائي باي شغله
ابوي مسكين يروح بطريقه ويرجع بطريقه
من يرجع ينام كبل من التعب
وحتى انت اني ما اختاريتك هي طمعت بلمليون وقنعت ابوي
وفلوس مهري هي اخذتهن واشترتلي شي بسيط
شفت كل أنواع الضلم وياهاااا
ومآ اكدر احجي ابد جمانه السعيدي
من اجيت يمك رغم فارق العمر بينا بس اني حاسه بلامان
حاستك تخاف عليه
مدللني تحاول ترضيني بكل طريقه
اني مستحيل اعوفك حجي
واذا الله يهديك تنطي للولد حصصهم من الاملاك
واني وياك نبقى بهذا البيت كلش كافي علينا
ايجار المحلات والمشتمل تعيشنه احلى عيشه
اني كلش خفت منهم اليوم
واخاف عليك هم تعرف الضغط يسوي جلطه
اني ماليه احد غيرك
انطيهم كلشي يردون حتى يبتعدون عن حياتنه
ويخلونه نعيش بسلام
حجي حسن وين راح سجاد خل يسمع هذا الكلام
ولله اني مخلي ابالي انطيهم كلشي املكه
بس صدمني حيل تصرفهم وياي
مريم ميخالف حجي لاتقيس عقلهم ويه عقلك
انت عندك تجارب اكثر منهم
بعدهم ازغار وعاميه عيونهم الماده حيل
حجي حسن ولله كلامج ذهب
مريم كمت من حضنه وكتله يلله خل انروح انام
حجي حسن والشخير
مريم حتلو تشخر ميخالف اني اليله انام بحضنك
رجعنا للغرفه ونمت بحضنه للصبح
بس بيني وبينكم نص ساعه يله غفيت
ثاني يوم كعدني وهو يبوس بيه كال يله كومي بسرعه
مريم خير شكوووو
حجي حسن اليوم انروح نعقد صاركم يوم المحامي كمل كل الاجرائات واليوم بس نوقع ونرجع
لا انروح نتغدا بلمطعم اني عازمج
بدلت لبست نفنوف طويل وحجاب ومكياج خفيف
وطلعنا بسيارة الحجي
بس وصلنا عرفني على المحامي صديقه رجال بكد عمره
وقعنا كدام القاضي وطلعنا
رحنا افترينا واشترينا شويه غراض وبعدين اتغدينا
ورجعنا للبيت
بليل رجع حاول يقربلي بس ماكدر
نام واني نمت اني بلنسبه اليه هذا الموضوع مومهم
بس هو جان يحز بنفسه
جان يحس بنقص
ثاني يوم راح للسوك الصبح والعصر طلع شويه ورجع جايب بيده شريط حبوب
اخذ حبايه ورا العشى
اني سبحت وبدلت لبست تراك اسود عندي كلش حلو
وخليت مكياج خفيف
كاعد امشط بشعري جان اشوف الحجي
صرخ الحكيلي
شمرت المشط وركضت لكيته
طايح ويتنفس بصعوبه واني صرخت حجي
حجي حاجيني فدوووه العينك
يمه الرجال صار ازرك ومايحجي لازم راسه ويصرخ
ما اجا ابالي غير عبدلله المضمد
اني صحيح ما شايفته ابد ولاحاجيه وياااا
بس ماكو كدامي غيره جمانه السعيدي
الرجال راح يروح مني شلون بيه
ركضت للباب هو العياده مالته بصف بابنا كلش
ركضت واني بدون حجاب ولا رداء
فقدت عقلي كلت راح يموت الحجي شلون بيه
فتحت الباب وصحت عبدلله الحكلي
عبدلله الحجي راح يروح مني
عبدلله فدووه بسرعه
الحجي طلع بالع حبايه منشط وهاي الحبايه ممنوعه على أهل الضغط ممكن تسبب موتهم
عبدلله كاعد بلعياده مكنك ومآ اسمع غير صوت طالع من بيت حجي حسن عبدلله الحكلي
طفرت شفت ابنيه شابه واكفه وتصرخ الحكلي الحجي راح يروح مني
عبدلله شبي الحجي
ركضت كدامي رغم صعوبة الموقف بس عرفت هاي زوجته
سبحان الخالق
تركض وتصيح تعال شوفه
دخلت وراها اركض
كعدت وحضنت الحجي وشعرها مبلل نازل على وجها
حضنته وكامت تبجي
اني بس شفته ارتبكت رجعت جبت جهاز الضغط
هي خالته بحضنها وتصرخ حجي حاجيني فدووه شبيك
جبت جهاز الضغط وقست ضغطه شفته معلك فد مره
اكو ابره ننزل الضغط بسرعه
نستخدمها للحالات الطاره خليتها بلمغذي الحلووو الي ينزل الضغط
علكتله المغذي
اباوع على زوجته حاله يكسر الخاطر
تبجي وحاضنته حيل مثل الي متمسك بشي عزيز ويخاف يفقده
من بدا المغذي يشتغل شويه صار احسن شافني وصاح عبدلله راسي راسي راح ينفجر
عبدلله مابيك شي حجي انشاء الله راح تصير زين
حجي حسن كلبي كلبي يدك بسرعه راح اموت
عبدلله لاتكول هيج حجي خوفتني عليك
مريم حجي اهي اهي شبيك فدوه لاتعوفني ابد
عبدلله كومي سويله عصير ليمون واذا عدكم موز حاولي اجيبين موزه وتوكلينه
بس من يخلص المغذي
عبدلله نزلت الحجي من حضنها وكامت
واني كلت استغفر الله أعوذ بلله من الشيطان الرجيم
ولله جمالها يحجي الاخرس
ولله عندا حظ حجي حسن هاي وين لكاها
بقيت كاعد يم الحجي
شويه ورجعت لابسه رداء اسود وحجاب ياربي عود لابسه اسود
انهجم بيت الأسود يموووت عليها
جابت العصير وجابت موز بماعون
خلت قصبه بلعصير
ورجعت خلت راس الحجي بحضنها وكامت تبجي
عبدلله من البجي وجها صار احمر
كتلها انتي ليش تبجين
اني كتلها هيج وهي انفجرت من البجي بلزايد
الحجي مد ايده ولزم ايدها وكالها اسكتي مابيه شي
اني كتلها راح ارجع للعياده لان بقت مفتوحه
نص ساعه وارجع علي مره ثانيه
اشوف المغذي واذا صار شي بس صيحيني
لو خابريني من جهاز الحجي
جمانه السعيدي
طلعت من يمها وصورتها انطبعت ابالي
اني عبدلله مواليد ٩٠ طولي ١٨٠ جسمي حلووو
وحيد اهلي مزوج صار اربع سنوات وماعندي اطفال
مزوج بت عمي مها
انسانه فقيره وحبابه
مخلصه اعداديه يتيمه عائلتهم بس بنات هنا اربع بنات ومها اكبر وحده بيهن
تحبني بشكل مو معقول
وعمرها ما خالفتلي امر ابد
شكد راجعنا علمود الاطفال بس رب العالمين ما قاسملنا
الحمد لله على كل حال
صار فتره ازوج الحجي صحيح اني سمعت ازوج وحده زغيره وحلوه بس ما متوقعها هلكد حلوه
من تركض كدامي وهي لابسه التراك والشعر مبلل
عبالك مهره اصيله تركض كدامي
رغم خوفي على الحجي لان ضغطه جان صاعد حيل ووضعه مو تمام
بس ما كدرت اتحكم بعيوني كل شويه يرحن عليها
استغفر الله ربي واتوب اليه
هي مزوجه واني مزوج
وهذا الكلام كله حرام عليه
حسيتها هواي على الحجي وحده مثل هاي تاخذ شاب يتمتع بجمالها ليل ونهار
جمانه السعيدي
نص ساعه وخابرتني من تليفون الحجي
مريم الووو عبدلله
...اني عرفته هي اي عبدلله
...المغذي خلص ممكن تجي تشوفه
....اي جاي
الباب باقي مفتوح دخلت لكيته بعدها كاعده والحجي بحضنها
فتحت المغذي من ايده وكتله خليها الكانونه يجوز نحتاجها بعد
قست ضغط الحجي لكيته نازل درجتين
انطيته حبايه بندول لان يشكي من راسه
مريم شكرا خويه تعبناك ويانه
عبدلله لاتكولين هيج انتي ما تعرفين معزت الحجي عدنا
حجي اني راح اروح واذا احتاجيتني باي وقت بس اتصل عليه حتلو نص اليل هم اجيك
حجي حسن بارك الله بيك وليدي ما قصرت
