رواية حرب الارحام الفصل السابع بقلم جمانه السعيدي
زينب...من طلعنا من الجامعه اني وروان
زينب...تاخذيني للصيدليه
روان...نرجع للبيت نتغدا ونرتاح ونروح للصيدليه
حتى يكون خالي موجود
زينب...تمام
رجعنا للبيت تغدينا وغيرنا ملابسنا وطلعنا للصيدليه
لكينا خالها بعده ما واصل
بس اكو واحد لازم الصيدليه
اسمه عماد معاون صيدلي مو دكتور صيدلي
روان...شلونك ابو زهراء
عماد...هله عمو انتي شلونج
روان...خالي وين
عماد...على جيه تفضلو ادخلو جوه
دخلنا جوا بالصيدلية وكعدنا ننتضر تقريبا نص ساعه واجا خال روان
تقريبا عمره ٣٥ سنه
دكتور صيدلاني طويل ضخم شكله أنيق مرتب
روان...هلو خالو شلونك
بلال...هلو خالو انتي شلونج
روان...الحمد لله اقدملك دكتوره زينب يعني تكدر تكول بعد سنتين وتصير دكتوره
بس من المتفوقات
زبنب.. اهلا وسهلا
بلال....هلو خالو راح اكولج خالو مثل روان
زينب....اليه الشرف تكون خالي ولو انت زغير على هاي الكلمه
بلال... اي هيج الحماس يصعد فول
شكرا هسه اعلمج الشغل هااا ترا انتي بمرحلة اختبار
يعني ماكو اي مجاملات
زينب...طبعا اكيد اني مستعده
بلال...يله هسه عماد راح يشتغل كدامج وشوفي شغلنا
والأسعار مذكوره على علب الادويه
اكو ادويه داخل الثلاجه وأبر انسولين وابر مقوي
زينب.. تمام
بقت روان وياي حتى تشجعني أاول يوم على العمل
وبلال موجود
بس اكو مشكله وحده الصيدليه شويه بعيده
لازم الكا سكن أقرب على الصيدليه
لان شغل الصيدليه يخلص بليل والطريق بعيد
حتى خط ماكو بليل
بس لازم اتمسك بلشغل حتى اكدر اصرف على نفسي
بعد المغرب بشويه
بلال...يله بنات تكدرن ترجعون للبيت
روان....اي ولله اني تعبانه
بلال....زينب الدوام كل يوم للساعه ١١ بليل يله يخلص
مستعده تبقين هيج وكت
زينب....اي مستعده
روان....خالو اذا تكدر تخليه تطلع قبل هذا الوكت
لان الطريق شويه بعيد
بلال...ليش هي وين ساكنه
روان....ساكنه بيتنا لان اهلها مسافرين
وهي ماكدرت تسافر وياهم بسبب الجامعه
بلال....تمام اذا ماعدنا شغل تطلع من وكت واذا عدنا شغل
لا تتأخر واني ارجعها للبيت
زينب...لا انشاء الله راح ادور سكن قريب على الصيدليه
وأسكن هنا
هم اجرت السياره تفرق عليه
بلال...انشاء الله خير
روان....مع السلامه
بلال...اوصلكم
روان...لا بعد وقت نرجع وحدنا
رجعنا للبيت اني وروان سبحنا وتعشينا وكبل نمنا
ثاني يوم رجعنا للبيت تغدينا روان نامت
واني غيرت ملابسي وكبل للصيدليه مالكيت بلال
بس عماد بدينا شغل اني وياااا
اكثر شي اخاف من ارجع بليل لان الطريق طويل
اخاف اصعد تكسي وحدي
بس هاي الشغله موضوجتني حيل
اجا بلال الساعه بلخمسه
شكله كلش حلو ومرتب شخصيه
بلال...السلام عليكم شلون الشغل
زينب..عليكم السلام تمام كلشي تمام
وقت العشى بلال طلبنا عشى لفات اكلنا داخل الصيدليه
وعدهم غلايه خدرنا جاي
الساعه ١١ قفلنا الصيدليه
بقيت واكفه واتلفت
بلال....هاااا
زينب...لا هيج
بلال....تعاي اوصلج الطريق بعيد عليج
زينب...لا شكرا حتلو اروح مشي مراح اتعبك وياي
بلال...ادري قابل راح اشيلج على راسي
جمانه السعيدي
بطريقي انزلج واطلع البيتي
زينب...صعدت واني كلش محرجه منه ابد ماأحب اكلف احد طول الطريق ساكتين واني مبعده نفسي
ومتشنجه حيل
هو عبالك اني ماصاعده ويااا عبالك بغير عالم
اتصل علي ابنه حجا ويااا شويه
نزلني بلباب وراح
وصلت لكيت رونه منتضرتني بس دخلت جابتلي عشى
زينب.. اكلت
روان.. شنو اكلتي
زينب.. لفه كص وببسي
روان...يمعوده من المغرب لسه اكيد جعتي تعاي ناكل اني وياج اني على واهسج راح اتعشى مره ثانيه
كعدنا ناكل
زينب.. اكو مشكله واريد حل
روان...الله يستر مشكله من اول يوم عمل خاف خالو زعلج
زينب....انتي وكل واحد من طرفج بلسم للروح
اكلج انتم عشيرتك كلها هيج ناس طيبه وعدها غيره وشهامه
روان....هههه اي
زينب.. خلاص اني راح اصير من هاي العشيره الطيبه
روان...اهلا وسهلا كولي شنو المشكله
زينب...من اروح للصيدليه نهار والشغله سهله
اصعد بلخط مرتين واوصل بس من ارجع الدنيا ليل
وماكو خط واخاف اصعد تكسي وحدي
شلون بلله بهاي السالفه
اليوم خالج وصلني جزاه الله خير
روان...ماتزوجين خالي ونفض المشكله
زينب....ياا خالج مامزوج اليوم اتصل بابنه كدامي يمكن اسمه عبدلله
روان...منفصل قبل سنتين وعبدالله عايش وياا امه
زينب...ليش منفصل شو حلو وشخصيه
روان...مشاكل هو وياها من يوم ازوجو لليوم الي انفصلو بي
بيها طبع مو حلو تنقل كل زغيره وجبيره بيت اهلها
واهلها يدخلون بكلشي
عدها اخ فدنوب ماعنده اخلاق
كل شويه جاي كاعد بلبيت ويشرط
اصوري اذا رادو يشترون ثلاجه زوجته تتصل على اهلها
شلونه الثلاجه اجيبها ابيض لو سلفر
باب لو بابين ما طلعت دكتوره صيدلانيه
كلما يزعلها اهلها يهدون علي شلون تحجي وياا الدكتوره
واذا دكتوره هو هم دكتور والف وحده تتمنى
زينب....يااا ولله خطيه طبعا اكبر غلط ادخل اهلها بمشاكلهم العائليه هاي عود دكتوره شخلت للبنات الي لا تقرأ ولا تكتب
روان.. امها يوميه تتصل عشرين مره شكلتو
منو اجاكم وين طلعتو لا تطبخين هيج اطبخي هيج
لعبت نفسه فد مره منها
وهي كلمه والثانيه وكالت اهلي تعبو عليه اهلي صرفو عليه مع انو يحلف يكول مااعرف راتبها وين تخلي
كل المصرف عليه وهدايه اهلها كلها عليه
اي شي تريد تاخذ فلوسه مني
خالي عصبي لا تشوفينه هيج كام طلكها
وهسه عايش وحده بيت شكبره
جمانه السعيدي
زينب...احنا عفنا المشكله وجلبنا بخالج
روان.. اي صدك شنو المشكله نسيت
زينب...شلون ارجع خوما خالج كل يوم يوصلنني
اصلا زحمه واني ماا ريد احد يحجي عليه
روان...ليش زحمه شكو بيها
زبنب...ابطل من الشغل شنو يوميه يوصلني لا مااقبل
روان...باجر اخلي بابا يشوف احد يعرفه وثقه
يجيبج بليل
المشكله ابوي ينام من وكت جان هو جابج للبيت
زينب...يااا ولله عيب شنو ابوج ابتلى بيه خوما ابتلى
اريد سايق
روان....اي باجر احجي وياا بابا
زينب...كون رجال جبير اذا ولد شاب مااصعد ويااا
روان...اشوفلج خمسيني جاد ولج هم الشياب يخوفون
زينب...روان لا تخوفيني اكثر مااني خايفه الله عليج
روان...نامي وباجر نلكه حل
زينب.. اي ولله تعبانه حيل
خل اكوم اغسل وانام واحمد ربي الف مره اتعرفت عليكم
للك الحمد كما ينبغي أن تحمد يالله
جمانه السعيدي
ثاني يوم اتاخرنا بلدوام طلعت من الجامعه كبل للصيدليه
وصلت لكيت عماد توه واصل
بلال من اني بديت اداوم وياهم بلصيدليه
يجي بلخمسه لو بلاربعه ونص يرجع من الدوام ينام ويرتاح
ويجي للصيدليه على كيفه
اريد اعترف بشي 🙈🙈🙈
كلام روان عن بلال خلاني اركز ويااا اكثر
يعني كل شويه تصير عيني علي اخطف نضره سريعه
بس بدون مايحس
طبعا هو إنسان قمة بلاخلاق عبالك متربي عشر مرات
محترم بشكل كلمه زايده ماعنده
حتى مجامله مايجامل شكد محترم
هذا الشي خلاني انشد اله اكثر بس ابد ما حسسته بهذا الشي اني اشتغل وبس
طلعت من الصيدليه راسا مشيت حتى لا يكول اوصلج
مااريد انحرج اكثر
مشيت مسافه وبقيت واكفه كل شويه واحد يدك هورن
تكسي ااشرله لا
جمانه السعيدي
الحد مااجت سياره قديمه شلون تمشي مااعرف
التكسي القديمه الحمره والبيضه كلش تعبانه
بيها رجال جبير
شكله بي رحمه
وكفته صعدت بلسياره ريحة البانزين اطير الراس
بس ميخالف فتحت شباك السياره
الرجال مشغل قرآن كلبي اطمن اكثر وصلني حتى ماأخذ مني كروه هواي
اجيت انزل
زبنب...عمو
...اي عمو كولي
...تكدر تجي كل يوم توصلني انت مبين محترم
اني اشتغل بصيدليه وتعرف الوقت متاخر مااكدر ارجع وحدي
....عمو اليوم اني اجيت منا بلصدفه
مااكدر اوعدج بس احاول اذا اذكرت اجيج
لان سيارتي تعطل اكثر ما تشتغل ماعندي فلوس اغيرها
ومستعز بيها اطلع اشتغل بيها ساعه على باب الله
زينب...انطيني رقم تليفونك حتى اتصل عليك
...هااا خوش سالفه اذا فارغ اجيج
زينب...لا عمو فدوه تعال رجعني للبيت
...ماعندج اخ اب يجي ياخذج
زينب...لا ماكووو
...تمام احاول افرغ نفسي واجيج
نزلت فرحانه احس رب العالمين جاي يسهل عليه
حياتي جنت متوقعه بس اطلع من ببت عمي اموت
اضيع اثاري اني جنت ضايعه بيتهم
الحمد لله خلصت منهم
استمريت بلشغل شهر كامل الحمد لله الصيدليه شغلها خير من الله سمعت بلال الطيبه ومصداقيته بلتعامل
تخلي الزباين يجون من كل مكان
واكو كم واحد فقراء يجون ياخذون علاج بلاش
كلما يفوت وقت اكثر يزيد إعجابي بلال اكثر لان جاي اكتشف الجانب الايجابي بشخصيته
استلمت اول راتب
كنت طايره من الفرح ما مصدكه نفسي
اشتريت ثوب وعطر لام روان وكلبيه وعطر الابو روان
وجنطه الروان
طبعا همه ماقبلو يكلون جمعي فلوسج لا اطشرين
بس اني لو انطيهم عيوني مقصره وياهم
احن عليه من بيت عمي
شكد سئلت على مشتمل او شقه بس مالكيت
الاشياء الي لكيتها غاليه مااكدر ااجر بهيج مبالغ
إيجارها اكثر من راتبي كله
بس اني كمت مااتواجد بيت روان بس بليل
ارجع انام والصبح ابدل واطلع
الضهر اطلع من الجامعه للصيدليه كبل
زحمه أثقل عليهم ولو همه ابد ماجاي يشتكون مني
بلعكس ابو روان كلما يستلم الراتب يدزلي فلوس بيد روان بس اني ماأخذ منه
خير من رب العالمين يدزلي هيج ناس طيبه
شكرا لزيارتكم عالم روايات سكيرهوم
