رواية رهينة لضباط الفصل التاسع بقلم مرج البحر
الوكت وزع فرح ضم حصه
للما جاي واني كبال عينه يكلي خلصنه...
......
وكفنه بالباب كلنه مصدومين هاي شجابها سد الباب بوجها محمد رجعت دكت الباب وصوت بجيها عالي وهيه تناشق ...
امي بعدت محمد وفتحت الباب وكلتلها تفضلي هيه وجهه احمر من البجي دخلت ومحمد ومجتبى تاففو كعدنه كلنه بالصاله ...
محمد.... احجي خلصينه شنو جابج هنا وشنو تردين ترا لو ما امي دخلتج ولخاطرها والله ما اخليج تعتبين باب البيت
حميده.... ابووكم كسرني وما لكيت احد التجء اله غيركم اهلي اذا اروح الهم يطردووني من باب البييت وبالخص سند يدفني اني وابني وحنه عدلين
مجتبى.... وان شاء الله يسوي اكثر من هيج لو بمكانه طلقه براسسج وبراسس الي رحتي وياه ونهيكم من الوجود قليلين الشرف والاخلاق
حميده....ام محمد اني جايه طالبتج تسترين عليه وتخليني عندج ع ما اجيب وبعدها انطيكم الطفل وروح ما طالبه منكم بس الستر
مجتبى.... عكب شنو جايه تدورين الستر لو تردين جان سترتي روحج قبل لا تفكرين تسوين هاي السلافه الطايح حضها
محمد.... كافي مجتبى خلي نسسمع سالفتها وبعدها نشوف شنو نسوي
ام فاطمه.... انتي عمرج بكد بناتي والسترج وامانج موجودات بس شنو يضمن انتي ما دازج حيدر
حميده.... وروح طفلي البين احشائي ما دازني حيدر حيدر غدرني وباكني وشرد بليله ضلمه
محمد.... شنو بااكج؟؟ سولفينه السالفه خل نفتهم راسنه من رجلينه
حميده... كال عنده شغل بغير محافظه ولليل ويرجع انتضرت لليل ما اجه اتصلت عليه مغلق حيل غلقلت عليه بقيت للصبح انتضره ما اجه للعصر اندك الباب ركضت للباب طلع صاحب الشقه الي مجرينها منه وكال حيدر سدد كعدتكم مالت الشهر وطلب مني اعزل الشقه
صارت تنااشق خطيه كسررت خاطري وامي تبجي ع بجيها مجتبى صار يروح ويرجع من العصبيه ومحمد ع هدوء بس عيونه صار حمر ...
مجتبى.... كمل وشنو صار بعدها طردوج لو شنو؟
حميده.... طلب مني صاحب الشقه افرقها اله لاكي مجرين جديدين توسلت بي يخليني ما قبل ونطاني مهله لصبح لميت اغراضي ودورت ع ذهبي وكم ورقه انطتني ياهن امي ادبر بيهن اموري هم ماخذهن وخلاني ع الحديده سااعدووني وين اروح
ام فاطمه.... اللله يطلع حووبت هالنااس بيك وين تروووح من ررربك بااجر شتكل الربك ع هاي السوواي السوويتها
حميده....ترا الطفله البطني ما الها ذنب بعملت امها وابوها
ام فاطمه.... بيج بنيه
حميده.... اي بيه بنيه وبنهايه الشهر الرابع راح ادخل بخامس طلبتج يا ام محمد بس اجيب وروح سترو عليه
ام فاطمه... ع كيفج يا يمه هذا بيتج وحسبينه اهلج والبنيه بتنه ما نفرط بيها
محمد ومجتبى طلعو وامي اخذت حميده وياها واني كضيتها اتصفن كل الي سوته بينه عملت حميده بس امي استغبلتها اني لو جنت مكانها باب بيتي ما خليها تعتبه ...
مر اليوم ورجع محمد ومجتبى وكلو شارد وبايك كم بيت من المنطقه الهما بيها والناس مشتكيه عليه وجا يطلبون بحكمه ...
امي ما هتمت وحلفت تخلي حميده يمها وحالها حال بتها وخواني ما كدرو يحجون كلمه من بعد كلمة امي وسكتوو وامي بدت تعتني بحميده ومدللتها دلال وشنو تشتهي يوصللها ...
خواني جانو بالبدايه متضايقين من وجود حميده بس بعدين تعلمو ع وجودها بيناتنه وابوي فص ملح وذاب ...
بدينه كل فتره نعدل جزء من البيت لحد ما شويه شويه صار احلى وامي صارت تحوم ع محمد تريد تزوجه هو يتحج ساعه بالدراسه ساعه بالمسؤولية وساعه يكول بعدني زغير ع الزواج....
اخر شي جزع من امي وقبل وامي تكول تريد تدوله ع مره ... بعدنه ما كلنه راح نرتاح من مشاكل ابوي رجعت المشاكل تنزل ع روسنه وصار الباب ما يسكت من كثر الناس ...
نفسس كل يوم نايمه ويندك الباب فركت عيوني ونزلت وجانت حميده وامي متلازمات وكفت واني ارجف من اسممع صوووت يرررعد رعددد ومحمد يحجي وياه ومجتبى واكف ع صفحه ....
جان يصرررخ صرررخه فزززني من مكااني يمممه شنووو هاااي دخل محمد وجهه احمر ومجتبى ما يختلف عنه صاااح بيه محمد ....
محمد.... خلييي حجاااب ع راسسسج
......
واحد صافن ع الثاني صووت الطلقه ررجت رجه بمساامع الغررفه شلي لجم ايددي رفعت راسي اباوع ع ايدي تصبب دممم بسس ما احسس بيها تووجعني ..
دخلووو خوووان سند يتراكضوون ويصيحوون ع سند الي جانت عيونه بعيوني ..
سحنت روحي كلش وحس طاقتي بدت ترراجع تدريجياً غمضت عيوني بههدوء بعد ما ادري شنو صاار ...
كعدت ع حجي موشوش بس ما افتهم شي عدلت كعدتي اريد اشوف منو هنا جاان تلجم ايدي صررخت من قوووة الوجععع....
نور..... ااااااااااخ يممممممممه
سند.... اسم الله شبيج غيرر ايدددرين باالج لازم ما تلجميييها
نور.... جاي تاذيني وين اني
سند.... من غبائج وعنادج وراسج اليابس هنا صررنه كتلج ياا بابا السلاح مو لعبه بسس شفهمج
نور.... لتصيح عليه
سند.... استغفرالله مااا اصيح بسس بطلي عناااد
نور.... وشوكت معانده اني اشو انته تحجي وحدك
سند.... اي صح احجي وحدي تدرررين لووو الطلقه دااااخله لكلللبج شفيييدني عنااادج وعنااادي شفيييدنه جااان خسررررتج تفتهمين شنووو معناات اخسرررج
نور.... اصلان تتمناااها من اللله اموت وريحك
خله اصبعه ع شفااايفي وحجه بعصبيه مكتومه هو كوه ضاقط ع نفسه ما يجرم بيه...
سند.... اشششش صوتج ما اسمعه اليكول هسه انه الضربتج حتى اموتج
نور..... ترا ايدي توجعني ما بيه اتعارك وياااك
سند.... شلووون راح اطيح حضج فوك ما هو طايح لا انتي مريضه مرتاح من السانج ولا انتي صاحيه مرتاح شووكت ارتاااح منه
نور.... بس من اموت ترررتاح
سند..... لا اكووو طريقه اقرررب
بعدني محاجيه خله شفته ع شفتي بسرررعه وصاار يبووس اني بقيت جامده بمكاااني ما تحرركت بعد من يمي وابتسم ...
سند.... الحمدلله ع سلامتج روحيتي خوفتيني عليج هواي بس اللحمدالله ربي ماضيع دعواتي
ما حجيت اي شي بدون وعي تلمسست شفايفي بهدوء وناسيه هو واكف كدامي فززيت ع صفنتي ع ضحكاته...
سند..... شفتبي شلون السكوت حلو والحلى منه طبكت شفايفج بين شفايفي الطعم كرزز ع رمان
نور.... منووووو كلك تبوووسني هااا تراا انته واحدد مااا تستتتحي شلون هيج بستني منو سمحلك هااا
سند.... حلالي وهسه لا تكثرين حجي اروح اصيح الدكتور واجي خلي يشوفج حتى نررجع للبيت
راح هو واني رجعت سررحت وفكر بالبوسه وشلون صارت مشاعري متلخبطه وشعور غريب دك كلبي وقشعر جسمي ...
دخل الدكتور وفحصني وكمل وكال تكدرون تطلعون الي فهمته الطلقه شاخطه بس طرف متني وشويه متعمق لذالك مخيطينه ٢٨ اخياط ...
طلعتنه وسند حسيته شخص ثاني يتعامل وياي بحذر خاف يلجمني صعدنه بالسيارة وتوجهنه للبيت وحنه بطريق كال ....
سند.... الي صار بالغرفه يبقه بيني وبينج وبين حياطين الغرفه اذا طلع ما تلومين اله نفسج وانه كلت الهم جاي انضف بالمسدس وطلعت الطلقه بالغلط غير هذا الحجي ما تزودين ولا تقصين
نور.... فوك شينك كووات عينك فوك ما انته متهجم عليه وحاولت تعتدي عليه فوكاها جاي تهددني
سند.... خليني محترمج لان مريضه جان والله راويتج النبي عربي
نور..... كلش خوفتني والله بس ارجع افضحك فضيحه لا صارت ولا دارت وحجي المروه شلون ردت تعتدي بيه وكلها غلط عليج وسبج وسب اهلج بسيطه
كض ابريك بسرررعه طخ جتفي بحافة الجامه غير شاقت روحي هو ضغط ع ايدي السليمه وجرني عليه
سند.... قسسماً باللله لو فكييتي حلكج بحجايه لو لفقتي حجايه ساعتها افرغ المسدس براسج وخلص منج ومن لساانج مو بنيه مصيييبه وكعت ع راسي
غلست عنه وحتاريت بيدي كامت توجعني هو حس عليه متوجع صفط السيارة ع جهه ونزل اجه للباب مالتي فتحه وصار يتفحص ايدي
سند..... اخخخ يا انتي كون هسه ما مريضه جان كتلتج كتله بسسس اخخخ اجت الاصابه بالوقت الغلط
نور.... عود خلي تطيب وراويني مراجلك
سند.... اراويج مراجلي اخليج تصيحين الويل بس طيبي وبيناتنه الايام
ما جاوبت ودرت وجهي خجلانه فاهمه حجيه فهم قصدي بغير قصد .... بعدت ايده عن متني بس هو خزرني سكت مالي خلك اتجادل وياه شافها ...
سند.... هذا الجسم كله وجمال الوجه وانوثه بالحجي ماكو خلفله ع جسمج جان هسه كلها عبالها متزوج زلمه وينام بصفي
فتحت عيوني مصدومه من كلامه فوك صدمتي جملها من باسني بشفتي بسررعه وبعد وسد الباب وياه ...
صعد وعدل كعدته هو مبتسم دردت وجهي متضايقه هذا وين يريد يوصل بتصرفاته شنو يريد يبين...
واني اعرف كلش زين دربنه مزدود وهو ما ينطي بمروه واني لو نطيته فرصه راح اضيع نفسي وانقهر ع الخالي بلاش ...
وصلنه لللبيت ونزلنه هو نزل واجه يتمشه بصفي دخلنه للبيت جانت عمتي ومروه كاعدات اني بقيت واكفه بس سلمت محد منهن ردت السلام ... مشيت للمخزن اريد ادخل وصاااح سند ...
سند.... منا وجاي غررفتج فوك حاالج حال الكل ما كو فرق بينج وبين مرة ثنينجن نسواني
لا هيج هواي عليه صدمه تتبع صدمه معقوله اليوم الصدمات العالمي ... بقيت مصدومه وفاتحه حلكي من الصدمه هو اجه مشااني ع كيف وصعدني الدرج تحت انضار امه ومرته ...
دخلني لغرفه حلوه ومعده وبيها سرير ابو النفر وميز ومرايه وكم غرضه وكنتور ابو طلاكتين...
هو عافني وطلع اني بتسمت ع الغرفه وع كيفي وكعدت ع الجربايه ونتجيت ع التأج ... بعدني كاعده ودخل سند بيده صينه بيها اكل خلاها كدامي ...
سند..... يلا تعاي اكلي خلي يرجع الدم الخسرتي
نور.... ترا انته اليوم تصرفاتك عجيبه
سند.... انه العجب كله تعاي اكلي
نور.... ما جاي اشاقه
سند.... تعاي اكلي هسه وبعدين نحجي ادري بيج تستحين راح اخلي وانتي اكلي ع كيفج
عافني وطلع مديت ايدي ع الاكل وكمت اكل جنت جوعانه والاكل يشهي خلصت ونتجيت اندك الباب صحت تفضل ....
دخل سند بيده كلاص عصير خلاه يمي وخذ الصيني وطلع يااربي دخيلك هذا الرجال يمكن مصخن اليوم لو احد ضاربه ع راسه مخلي يفقد تصرفاته ..
بقه العصير مكانه واني غمضت عيوني غفيت واني كاعده ... كعدت لكيت نفسي نايمه عدل ومتغطايه ..
عدلت كعدتي ونزلت رجليه من الجربايه وكمت ايدي لجمتني عضييت ع شفتي قووي الالم ما يستحمل ..
تمشيت فتحت الباب وطلعت وصلت لدرج اريد انززل وجاااني صوووته ...
سند..... ع وييين خاتووون
نور.... اريد انزل جوه مليت من الغرفه
سند.... ارجع الغرفتج ما تصيرلج الحركه استحملي هالكم يوم ع ما نشيل الخياط وبعدها نزلي براحتج
نور..... اي بس مليت بالغرفه
سند.... تعاي دخلي بدون عناد ترا ما بيه حيل عنادج
مشيت وياه واني ضايجه دخلني وكعدني ع الجربايه وطلع تلفون وشمره بصفي وراد يطلع صحت...
نور.... شنو هذااا
سند.... مو ضاربج الملل تسلي بي
نور.... ها بس هذا شمسه يعني هذا
سند.... شبيج كمتي تجرين خيط وخيط
نور.... ما اعرف لتلفون ف اخذه ما اريد
سند.... تتشاقين؟
نور.... والله ما اعرف
سند.... يااا بويه الي عندي فااهيه الله يساعدني عليها تعاي اعلمج امري لله
نور.... خاف تحتاجه
سند.... لا ما احتاجه هذا قديم عندي
هزيت راسي هو كعد يشرحلي ع السريع شي فتهمته وشي لا ... علمني شلون احجي حتى اطلع الي اريد من خلال الكلام لان ماعرف اكتب ...
راح هو واني لزمت تلفون ما اعرف شنو اطلع بقيت افكر بعدها حجيت مسلسلات طلعلي شكثر دخلت ع وحده منها وبديت اباوع خذاني الواهس واني اشوف وندمجت حيل وياه متناسيه روحي ...
ما ادري يمته غافلني النوم ونمت كعدت الغرفه ضلمه عدلت كعدتي وكمت شغلت الضوه ورحت للحمام داخل الغرفه ....
مرت الايام تجر نفسها وهاي راح اسبوع واني معتكفه ع نفسي بالغرفه لا شايفه احد ولا احد يشوفني ...
وجان سند بس هو يطب ويطلع واني اخذني الواهس ع التلفون وشويه شويه صرت اسهر عليه بدون. ما احس ع نفسي وكم مره يدخل سند يلكاني سهرانه ياخذ التلفون وثاني يوم اكعد الكه ع الميز
اليوم يشيلون الزرارات رحنه اني وسند وسند طلب اله دكتورة تشيل الخياط ما قبل دكتور ما عرفت ليش ...
طلعنه من المستشفى بعد ما شالو الخياطات صعدت بسيارة وحركت ايدي براحه احس وخيرا اتحررت...
نور..... اي وخيرررا صررت حره احس جنت محكومه وهسه كلولي افراج
سند.... هههههه اليوم الفراج راح يخليج تتمني السجن خل نوصل ويصير خير
نور..... شنو شنو شترريد تسووي اللله افضحك بين الناس وكلهم يريد يعتدي عليه دير بالك تفكر
سند.... هههههه حلو انتي بالج يم ذيج السالفه لا انه قصدي ع الطبخ والتنضيف وين راح بالج
فشلللني فد خجلت منه درت وجهي عنه هو يضحك ابتسمت ع الجفصه الجفصها محسيت غير كال ...
سند.... فديت الابتسامه اي راوينه سنونج حلوه لا
ما جاوبته هو هم تحمحم وسكت كملنه دربنه دخلنه بشارع الي يودي للبيت بعد مسافه ونوصل لبيت وكف السيارة ....
سند.... شوفي نور لازم تعرفين شغلتين مهمات اولهن انتي مرتي وكلشي راح يصير منج او اي تصرف غلط راح يحجون عليه
نور..... ليش منو حاجي عليك من ورا اشو متجنبه الكل خير صاير شي
سند.... اي صاير باجر دوران سنة ابوي الله يرحمه الي اريده منج تتجنبين خالاتي ونسوان عمامي ما تختلطين بيهم نهائياً ما اريد مشاكل واذا صارت مشكله انتي تتحملين النتيجه
نور.... واني شعليه بيهم حتى اتحمل نتيجة مشاكلهم
سند.... اذا جان الج دخل بسالفه تتحملين النتيجه بس اذا ما الج دخل لا هيج تختلف السالفه
نور.... يعني بالمختصر شنو تريد مني
سند.... حلكج ما تفتحينه وتجادلين خل الوقت يمر ع خير ع ما يرحون وهو يوم واحد ما راح يضر بيج
نور.... تمام رغم حجيك ما اخذت منه لا حق ولا باطل بس راح اسكت مو خوفن منك لا خوفن منهم مني
سند..... ههههه شهالثقه الزايده
نور.... بعدك ما شايف شي
وصلنه للبيت ونزلت ودخلت للبيت وصعدت فوك بدلت ونزلت اسوي الغده اسبوع كامل محد فكرت تطبخ كله يجيبون جاهز بس هسه عليمن الجاهز خدامتهم رجعت ... تذمررت وكمت اطلع بالحتياجات ملات الغده ...
مر اليوم ومروه بس تخوز بيه وكل ما تمشي تذبلي حجايه شكل ساعه تهدد ساعه تكلي راح اكتلج وخلص منج ..
وبكل مره اتجاهلها مالي خلك لمشاكل وياها ... خلصت بسرعه وصعدت طايره ع التلفون فتحته وكعدت اشوف مسلسل ...
مر الوقت وما ادري بيش الساعه ودخل سند شافني بعدني كاعده جر التلفون وطفه الفيديو وخله بجيبه..
سند.... يلا ع نوم مو كلت بطلي سهر ترا اخذ التلفون
نور.... لا لا راح انام بعد ما اسهر
طلع هو واني منت وكعدت الصبح وهوسس البيت يروش بالناس يهو الي اتعده من يمه اسلم عليه ما يرد عليه مهتميت الواضح اليوم من بدايته ...
دخلت للمطبخ شاافتني مروه صاحت بصوت عالي متقصده تسمع الكل ...
مروه.... هاي اجت الخدامه مالتنه يلا حضري الضيافه لضيوفنه كومن خالاتي نتضرها بالصاله
جاوبتها وحده.... صدك شكلها شكل خدامه شوف لبسها عبالك من ذني المجاديه الي يوميه تجدي بتقاطع
جاوبته وحده من الكاعدات.... اي هيه هاي اشكول الخدم قابل مثل بناتنه يكولان الزين عندنه والشين حوالينه ....
ما جاوبت بس تعصبت حيل هااي اهانه بحق نفسي واذا اسسكت معناها قابل ع روحي انهان بس تذكرت حجي سند ...
جاي اشتغل واني ساكته فتحت الماي حتى انكع التمن اشو انمدت ايد وسدت الماي درت وجهي متعصبه ...
باوعت وحده واكف ع يميني وحده ع يسار ومعاني وجهن مستهزءات هدءت نفسي وشلت معجنت التمن وجيت امششي بسس محسيت غيررر ....
شكرا لزيارتكم عالم روايات سكيرهوم
