رواية ازهار والوحش الفصل التاسع بقلم جمانه السعيدي
ازهار...اجتمعو اخواني حتى يخططون شلون راح يخلوني اقبل بهاي الزواجه
اجتني نور تركض
نور...ماما سمعت خالو اسعد يكول نزوج ازهار للوحش
ازهار...وحش
نور...اي ولله اني سمعتهم ماما شنو وحش هذا الي يطلع بأفلام كارتون
ازهار...لا ماما ايجوز سمعتي غلط
نور... لا ماسمعت غلط هما كالو وحش
ازهار..مااخذت بكلام نور ابد كلت هاي طفله وسمعت بلغلط
لان اني حتى ماسئلت العريس منو لو شنو اسمه
اني رافضه هاي الفكره من الأساس ومستحيل اقبل ازوج
معقوله بعد وسام ازوج واحد ثاني
مستحيل هذا الشي يصير اني بعدني الحد هاي اللحظه
احب وسام ومااكدر انسى ابد
هلكد ماضايجه من كلام خواني
طلعت التليفون حتى ادز رساله الوسام
ازهار...وسام شلونك صار كم يوم مادازتلك رساله
بس لو تشوف وضعي شلون عايشه بجحيم
اليوم اخواني جايبلي عريس بس حتى يخلصون مني
اتخيل اني ازوج من بعدك
ماكو واحد يحلى بعيني من بعدك
بس اني ابد مامرتاحه اني وجهالي نام بلهول
واخواني وزوجاتهم كلهم مايردوني
اريد اشكيلك من عمتي هي سبب هاي المشكله لو مبقيتنا
بلبيت وماطاردتنا مجان صار هذا حالنا هسه
حتلو تريد ازوج احمد جان اجت هي تنام ويانا بغرفتنا وفرغت الغرفه الثانيه الاحمد
بس هي ابد ماخلت خاطر الك
خلتني اني والجهال نتوسل حتى نلكه مكان انام بي
دير بالك اسامحها امك سوت شي حتى اليهود ما سوته
صار اكثر من شهر احنا بيت اهلي
ابد مافكرت تجي تشوف الجهال وتطمن عليهم
ادعيلنا رب العالمين يسهل أمرنا ويصلح حالنا
ترا اني حيل تعبت من يوم عفتني لليوم واني تعبانه
جمانه السعيدي
ازهار...نمت ثاني يوم اجاني امجد
امجد...ازهار ليش ماتوافقين
ازهار...على شنو
امجد...على الزواج من كريم
ازهار...لا خويه لا كريم ولا رحيم اني ماازوج
مستحيل اجيب الجهال واحد يتحكم بيهم
امجد...بس هذا الولد يختلف احنا نضمنه
ازهار...هذا بس حجي ماكو واحد تكدر اضمنه بهاي الدنيا
انتم اخواني جنتو شحلاتكم ماكو احن منكم
وهسه تردون بس تخلصون مني
امجد....انتي عاجبج وضعج هذا احنا زلم مجاي نكدر نتحمل هاي المسؤليه
شلون راح تعيشين انتي وياج ٣ اطفال
لا عندج شهاده ولا عندج وضيفه ولا سكن
أقبلي بهذا الزواج حتى تكدرين تعيشين انتي وجهالج
كريم راح يخليكم بيت وحدكم
ازهار...واني شمعرفني يطلع خوش ادمي ايجوز يدمر حياتي اني عندي بنات ارحموني الله يرحمكم
شوفولي سكن حتلو بسيط اي شي حتلو غرفه
واني اطلع من بيتكم اشتغل اي شي اعيش
مااريد ازوج هي كوه ترا الزواج مو بلغضب
امجد.. هذا اخر كلام عندج
ازهار....اي فكرت زواجي شيلوها من دماغكم
اني ماازوج هي كوه
جمانه السعيدي
امجد...اذا مااخليج تندمين على هذا الحجي مااسمي امجد
عليمن تحجين هيج وانتي فكر
حتى الرجال موتي والعجوز طردتج بعد عليمن
تحجين بالعالي
ازهار...سكتت كلت بكلبي اذا اخواني هيج يحجون وياي
ليش اعتب على عمتي
اخواني يردون يخلصون مني اني وجهالي
ثاني يوم العصر دخلو ثنيبنهم لزموني ودخلوني بغرفة اسعد وقفلو الباب عليه
جهالي كلهم بقو برا
ازهار.. افتحو الباب ليش حابسني طلعوني اريد جهالي
اسمع اسعد يصيح
اسعد ...تعال امجد خل نلزم جهالها وناخذهم نشمرهم على
اهلهم الضاهر ازهار ما تتفاهم بلكلام
ازهار. اسمع بناتي يصرخن وابني فرفح
كسرت الباب تكسر
ازهار.. افتحو الباب ولله اذا قربتو من جهالي اشتكي عليكم
اسعد...غير اذا تكدرين اطلعين عود اشتكي علينا
لزمو نور وهي كامت تعيط
نور...ماما ماما الحكي عليه ماما
سراب..تركض وتصيح ماما تعاي اطلعي خالو يريد يلزمني
ابني فرفح من البجي اسمع امجد يزمخ بي اس اسكت
وهو خاف ورجع يبجي بصوت اعلى
نور...عوفني عوفني مااروح وياك عوفني ايدي توجعني
اسعد...تعالو الزموهم الحد ماروح اجيب تكسي واجي
جهالي يعيطون
واني كسرت الباب تكسر افتحو الباب افتحو الباب الله لايرضا عليكم ابني راح يموت
افتحو الباب ولكم يتامى حرام عليكم
افتحو الباب
امجد...مالك شغل بيها روح جيب سياره وتعال بسرعه
اسعد...اي هسه ارجع لا تعوفوهم جمانه السعيدي
ازهار...حسيت راح اخسر جهالي اخاف يشمروهم بمكان وماالكاهم بعد
ابني صوتي انبح من البجي فرفح كلما يبجي امجد يزمخ بي يبجي بلزايد وسراب كامت تصرخ اخ بطني توجعني عوفني
ازهار...ماكان كدامي غير استسلم
كمت ادك بلباب وأصيح موافقه موافقه بس عوفي جهالي
افتحو الباب ابني راح يموت
افتحو الباب فدوه ولله موافقه موافقه ازوج
فدوه اروحلكم ابني راح يموت افتحو الباب
امجد...مو افتح الباب وترجعين بكلامج قسما اذا طلعتي اجذبين علينا
هلمره اخذهم اشمرهم بالجزيره لا انتي ولا اي احد يعرف مكانهم فهمتي لو لا
ازهار...بس افتح الباب فدوه ابني ابني راح يموت من البجي
فتحو الباب ركضت حضنت ابني اريده يطمن ويسكت
حاضني ويبجي هلكد ماخايف
وبناتي كل وحده حاضنتني من جهه
كعدت بلكاع وخليت ابني بحضني
اريده يسكت ماكو هلكد ماخايف من العياط
ازهار...نور روحي جيبي مي ولج كلبه راح يوكف مفرفح
جابتلي نور مي شربته وغسلت وجها
هذا كله ونسوان اخوتي هنا ووولدهن وبناتهم واكفين يتفرجون علينا
ولا وحده كالت هذا الطفل شنو ذنبه ليش هيج خوفتو
مااكول بس ربي ياخذ حقي منكم
ساعه ابني حاضني ويناشغ وبناتي لازماتني مايقبلن يعوفني
ا
رجع اسعد جايب سياره وجاي
امجد...ماكو داعي وافقت بليل اتصل على كريم
خل يجي ويجيب ويا الشيخ
اسعد.. اي هسه راح اتصل علي
ازهار....كلش خفت على ابني اخذته للحمام اغسله
مايقبل ينزل من حضني حتى اغسله لازمني من ركبتي
ويناشغ كوه غسلتله
رجعت كعدت ماادري شسوي ووين اروح
جان طلعت من البيت بس وين اروح الدنيا مغرب
لو بس اني جان رحت اي مكان
بس ذوله الجهال شنو ذنبهم ووين اروح بيهم بهليل
جابو العشى خلو كدامنا اني وجهالي ماعون بتيته وماعون طماطه تكلا وكرصتين خبز
وكلت الجهال اريدهم يشبعون اني مو مهم
ابني حتى مايقبل ياكل هلكد ماخايف كوه وكلته
كالو اجا الولد العريس
يكول اسمع منها موافقه لو لا
لبست رداء اسود وحجاب اسود اني حتى لا حافه
ولا مسويه كلشي نسيت الحفافه والمكياج
راحن وياا وسام
دخلت عليهم شايله ابني وبناتي لازماتني وحده منا ووحده منا
كعدت كبالهم
اخواني والعريس والشيخ
اسعد...كريم يريد يسئلج سؤال قبل العقد
ازهار...رفعت راسي يمه هذا شنو يااا هو هذا العريس
اذكرت نور من كالت ماما يردون يزوجونج للوحش
هذا صدك وحش
كريم....اني طلبت ايدج من اخوانج واريد اسمع انتي موافقه لو لا هاي اني كدامج
من حقج ترفضين
راسا اسعد خنزر عليه يهددني ممنوع اترفضين
ازهار...موافقه بس عندي شرط
كريم...شنو هذا الشرط
ازهار....جهالي أخذهم وياي مااطلع من هذا البيت اذا موجهالي وياي
كريم...موافق شوفو المهر شكد الي تطلبو واني موافق علي
اسعد...مراح نختلف على المهر اي شي يعجبك
كريم...نمشي على المهر الي الناس ماشيه علي
اسعد...انت ابن اصول وتعرف اتقدر
كريم.. نعقد هسه واريد منكم مهله كم يوم على ما أجهزلها بيتها هي وجهالها
جمانه السعيدي
اسعد...براحتك
كريم...نعقد هسه وباجر ادزلها المهر
امجد..متفقين
ازهار...نار اشتعلت بجسمي مو كلمة نعم نطقتها
لا عبالك حكم اعدام
بعد العقد طلعت اخذت جهالي وصعدت فوك بغرفة جهال اخوي
بجيت لمن الله كالي بس
اني وجهالي نبجي كلنا
معقوله من بعد وسام هذا نصيبي
وسام الي من اول ابتسامه سلمت روحي وكلبي اله
هذا زوجي
هذا صدك وحش تمددت اني وجهالي بلكاع
شسوي اني لا حول ولا قوه
جهالي هلكد مابجو اليوم راسا نامو على الكاع
بس اني مجاي اكدر انام رغم راسي يوجعني حيل
كمت جبت تليفون
اني من احجي وياا وسام ارتاح
وسام. اسفه ولله غصبا ماعليه يردون ياخذون جهالك مني
علي جان مات من البجي والخوف
ناس ماكو بكلبهم رحمه
حبيبي لا تزعل عليه كلشي ضدي
الناس والوكت والاهل كلهم ضدي
اني قبلت بس حتى احمي جهالي
سامحني ابد لا تزعل عليه
انت الي ساكن بكلبي محد غيرك لو شكد ما تغيب
ماكو غيرك حبيب اليه
ازهار...ثاني يوم دزلي كريم المهر خمسه مليون
ضميتهن لان اني مقرره لاانزع الاسود ولا اغير شي بشكلي اني مجبوره على هاي الزواجه
حتى احمي جهالي
شكرا لزيارتكم عالم روايات سكيرهوم
