رواي عذابي وقدري الفصل التاسع بقلم ارسلان جاف
روان… وانت بالف خير يعمري احبك ..باي
سديته ونمت …
كعدت ب7 طبيت للحمام سبحت وطلعت اجهز نفسي لبست بنطرون وقميص طويل لون اسود
اتفقنه اني وعلاء نلبس اسود وجنطه وحذاء لون ابيض وهو لحزام والحذاء والساعه بيض
بدلت وكملت وخليت مكياج خفيق وكحل وايلاينر اسود برز لون عيوني ولفيت الشال
مشجر ابيض وبي ورد اسود ونزلت اندكت الباب
عرفت علاء اجه ..دزلي رسالة يله حبيبتي اني
اجيت طلعي علمود نروح…
روان… حبيبي بس دقيقه اصيح لماما
روان ماما ماما يله…
ماما… يله اجيت اجيت بس البس عباتي
اجتي ماما وطلعنه وصعدنه بالسيارة
روان صباح الخير…
اول مصعدت باوعلي علاء وكال الي يصبح
بوجهج شيريد من الله بعد ..خجلت
وصارت خدودي حمر… والطريق كله هو يغني
وفرحان ويباوعلي بالمرايه اكلني اكل بنظراته
ويعض بشفته لو يغمزلي…
لحد ماوصلنه للحلة ورحنه لدائرة النفوس
ماما تعبت من الطريق كنالها كعدي هنا
كعدناهه على الكرسي واحنه نرووح
رحنه اني وحبيبي علاء وهو لزم ايدي حيل مثل
طفله وابوهه يخاف عليها لا تضيع هيج جان حالي
ويه علاء
جان خايف عليه ونظراته كلها حب وحنيه
حسيت بالامان وياه…
انطيناهم الكتاب الي من المحكمة اخذوا وكالوا
انتظروا دقايق… كعدنه اني وحبيبي ننتظر
بعد مرور وقت صاحوا اسمي… روان عبد المحسن
كمت رحت عليه انطاني ظرف ابيض مغلق ومختوم
كال هاي ..اخذته وطلعنه بعدهه طبينه للمطعم
تريكنه لان طلعنه بلا ريوك…
واني من حبيبي علاء موجود اخجل اكل بلكوه اكلت شويه ..كملنه وطلعنه من المطعم
ورجعنه لبغداد…
طلعنه للنفوس كبل واخذ علاء صورة قيد مالته
هم ورحنه للمستشفى وسحبو مني دم
ومن علاء…
اني كلش اخاف من كالوا نسحب دم جنت خايفه
علاء كال راح يسحبون بطل دم…
روان من سمعت هيج اصفريت
صاحونه دخلنه للغرفه كعدنه اجه لولد يسحب
مني دم بالاول خفت باوعت على علاء عرفني خايفه
اجه يمي رفعت ردان القميص وحضر الابره الي
يسحب بيها دم اني شفتها حسيت نفسي راح يغمئ
عليه اجه علاء لزمني من ايدي وهو كاعد يمي
اجه يسحب غمضت عيوني بخوف
حسيت بجكه الابره وبعدهه كلي هاهيه فتحت
عيوني شفته مخلص وساحب بالسرنجه شويه دم
باوعت على علاء…
وهو يباوعلي وحاصرته الضحكه…
كمت وكعد مكاني علاء وهم سحبوا منه دم وطلعنه
وعلاء خررربان ضحك عليه…
واني مصدكه بطل دم وكل شويه…
علاء… شيسوون بطل هو شويه لتحليل
روان واني شمدريني قابل مزوجه قبل…
علاء… غير اموتج… انتي حلالي الي وبس
بعد مسحبوا منه دم كالوا تجون باجر طلعنه
الساعه 2 الظهر خلص دووام ورجعنه لبيت عمتي
وصلنه علاء فتنه اني وماما…
السلام عليكم
سلمت وكبل فتت للحمام سبحت طلعت وكتلهم
اريد انام ميته تعب من الفره نمت .مكعدت للمغرب
على صوت تليفوني حبيبي يتصل…
روان… الووو
علاء ا لوووو … شلونج حبي
الحمد لله حياتي
انت شلونك… الحمد لله حبيبتي
شبي صوتج…
روان من رجعت نمت هسه كعدت من النوم
علاء… اووويلي لو اني المخده
ههههه ضحكت على سوالفه ..
حبيبتي اسالي امج عادي نطلع اني وياج لان ضايج
شويه…
روان… بس بنت عمتي ويانه… .كال ميخالف
نزلت كلت لماما وبقيت اتوسل بيها بلكوة يله
اقتنعت وقبلت نطلع صعدنه بدلنا وخليت مكياج
اني وسارة بنت عمتي لبست قميص ماروني طويل
وشال ماروني وبنطرون جينز وحذاء وجنطه سود
دقايق وسمعت جرس الباب اندك نزلت طلعنه
علاء وصعدت ليكدام وياه و سارة كعدت ليوره
وبقينه نفتر السيارة .. ونزلنه اتعشينه بالمطعم
- علاء كال تروحون نزور…
روان ..اي والله ياريت ..كال يله كمنه ورحنه للزيارة
الامام موسى الكاظم عليه السلام … وصلنه
واكفين يم تفتيش قبل لاندخل للامام ..
سارة بنت عمتي ..ولج شلون مانلبس عباية
اني اكره هذني الي ينطوهن بالامام
عبالك لابسه عباية اختي الزغيره مشلتحات ..
روان…ضحكت وكتلها
- ولج هسه نشتري حجاب مال صلاه
ونطب بيهه نزور اشتري اثنين واحد الج واحد الي
اني هم جسمي يكزبر منهن… اشترينه ولبسناهن
وطبينا نزور… زرنا واحس روحي ارتاحت
وحمل ونشال من قلبي وبقيت اندعي ربي يوفقنه اني وعلاء ودموعي نزلت وبجيت وكعدنه بالحضره
شويه كملنه وطلعنه اني وسارة …
لكينه علاء واكف ينتظرنه ذبينه حجاب الصلاه
وخليناهم بعلاكه…
علاء… اوكفوا هنا هسه اجي…
روان .. حبيبي وين تروووح كافي رجعنا للبيت
اتاخرنا واخاف ماما تحجي عليه…
بس دقيقه حبيبتي ناخذ كرزات وحلاوه للبيت
ويانه راح اشويه واجه وبيده علاكتين وحده انطاهه الي اخذتها منه ورجعنا للبيت
من وصلنه سارة نزلت ركض ودخلت للبيت
ردت انزل لزمني علاء من ايدي وجرني عليه
صار قريب عليه وكال مو حرام عليج وطبع
على شفايفي بوسه وبعدهه كال يله طبي جوه
اخاف احد يشوفج…
نزلت من السيارة وطبيت للبيت واني ميته خوف
ماما… لاكتني هااا ماما رنووو اشو تاخرتوا
مو كلتي شويه نفتر ونرجع ..
روان… هاااا مووو علاء اخذنه نزور…
كعدنه اني وسارة نحجي لماما وعمتي شلون طلعنه وزرنا
بعدهه صعدت فوك بدلت ملابسي واتمددت بفراشي ارتاح هستوني دك تلفوني خابرني علاء
بقيت احجي وياه الى ان نمت…
كعدتني ماما الصبح… رنووو يالله ماما كوومي
كافي نووم الولد صارله ساعة ينتظر فتحت عيوني
ليش بيش ساعه هسه…
ماما ..ب 8ونص كمزت مااخذتني النومه
طبيت سبحت وبدلت ونزلت ركض…
روان… صباح الخير…
جنت ماادري علاء وياهم بالصاله نزلت بلا حجاب
وسمعت صوت… كلي صباح العسل
هذا الصوت سامعته… التفتت علاء كاعد شفته
دنكت وطلعت كبل ركض …
ماما صاحتلي صعدت لفيت شال وماما صاحتلي صعدت لفيت شال وخليت مكياج
كالوا يله وطلعنه رحنه للمستشفى
علاء ..حبيبتي صح النوم يعروس ليش لهسه نايمة
لان البارحة تعبت حبيبي
اني هم تعبت بس التعب وياج راحة ..احبج
جنه كاعدين ننتظر نتيجه فحص الدم وصاحوا
باسمائنا ..روان عبد المحسن وعلاء كريم…
وانطونه نتيجه التحليل طلع دمي O+ودم
علاء AB+ اخذناهه ورحنه للمحكمة اشويه
انتظرنه واخذ المعاملة حبيبي وكمل الرسم
وماعرف شنووو دقايق وصاحوا اسمائنا
دخلنه يم القاضي عقدنه وانطونه العقد
وطلعنه وماما تهلهل وجان يكول هسه انتي مرتي
اكبر واحد مايكدر يحاجيني لو اخذج واسافر
طلعنه من المحكمة واحنه فرحانين
ماما كلتله باجر نررجع لبيتنا للحلة…
علاء ..لا يمه باجر نرووح نختار الاخشاب والغراض
لان كل الي بقى على زواجنا اسبوعين بس،
ومالحك اكمل واريد رنووو تختار وياي كلشي
ماما… كلتله ان شاء الله… ربي يسعدكم
رجعنه لبيت عمتي اول مطبيت اشتغلت الهلاهل
وطشوا الجكليت عليه واني ضعت بملابسي من
الخجل وعمتي حيل فرحانه بيه… والبنات
صعدت سبحت ولبست دشداشه لون وردي وخليت
حجاب على راسي ونزلت لان زوج عمتي موجود
اتغديت وساعدت بنات وصعدت فوك اني وسارة
نمنا ماكعدت لساعة 10 بالليل نزلنا اني وياهه
ماتعشينه سوينه اكل واكلنه شبعنه نووم كعدنه
اني وياهه نلعب لعبة اسئلة عامة واجوبة…
بقينه جوه مصعدنه فوك لساعه ب12 بلليل
اول مدخلت لغرفه دك تلفوني شفته حبيبي جاوبته
وبقينه نحجي مثل كل يوم…
علاء ..كال حبيبتي باجر نرووح نشوف الاخشاب
والغراض البقية وتجون لبيتنا معزومين على الغده
وعلمود تشوفين الغرفة مالتج ونتفق اني وياج
شلون نرتبها…
روان ..ماشي حبيبي ان شاء الله…
علاء ..حياتي بس خلي اكلج شي شتحجي مرت
ابويه ماعليج بيها ولا تنغثين منها ..
روان ..ان شاء الله…
يله حبيبتي تصبحين على خير
وانت بالف خير حبيبي ..
- باي
- باي
وانسد الخط،بقيت اني افكر بكلامه ليش حجه
هيج علاء شبيها مرت ابوة وشراح تحجي وليش انغث منها بقيت افكر الى ان نمت…
روان… .
- كعدت الصبح سبحت وصليت ودعيت رب العالمين
يكون وياي بكل خطوة اخطيها وبقيت كاعده
صارت الساعة 9نزلت جوه لكيت ماما بعدهه
بفراشها نايمة رحت نمت بحضنها…
- مااعرف ليش اكوو شعور غريب بداخلي ابد ماكدرت افسره شنوو…
الساعة ب10 اجه علاء كال يله نطلع غداكم يمنه
بالبيت صعدت بدلت ونزلت وطلعنه اني وماما
والطريق كله صافنه على كلامه مال البارحه
اول ماوصلنه لبيتهم… نزلت ماما… اندار عليه
علاء… وكلي مرت ابوية ماعليج بيها اعتبريها
ماموجوده ولا تنغثين منها…
- هنا اني اتاكدت اكووو شي،…
اول مادخلنه لبيتهم اول ماطب الاستقبال جبير
وصالة وغرفتين ومطبخ وصحيات وغرفتي فوك
بالطابق الثاني…
اول ماطبينه شفت اثنين من خوات علاء اخواته
من امه وابوة مامتزوجات…
وحده شفتها شايله الصونده وتغسل بالطرمة
والثانية واكفه على التنور تخبز…
كال هذني خواتي انوار ونبراس…
روان.. اهلا وسهلا.. اجني سلمن عليه اني وماما
ورجعن كل وحده على شغلها…
اول ما طبينه للاستقبال شفت وحده كاعده لابسه تراك نيلي وكاعده حاطه رجل على رجل وتباوع صفح باوعتلها زين هاي مرت ابوة وبناتها 4 كاعدات يمها
هذني الاربعه لابسات وكاشخات على سنكت
عشره وكاعدات على التخم عبالك ملكات
كال هاي امي وهذني خواتي الزغار
(رنا وريام وروعة ورنين )
روان ..اهلا وسهلا ..
جاوبن من وراه خشمهن هيه هاي مرتك الي خابص
الدنيا بيها… هاي المايعه تصير ام بيت
روح بابا روح ..
- اني دمعت عيوني وضجت وعلاء انتبه وكال
تعالي نصعد نشوف غرفتنا صعدنه اني وياه وماما
ومرت ابوة تفر بيدهه وتعوج بحلكها معاجبها
وطك بعلجها ابد ماارتاحيت الها…
علاء كال شوفي ويانه بالبيت…
ابوي يجي مرات مودائما موجود بالبيت ..
اما اخواني 5 … عندي واحد متزوج وكاعد ويانه
هو وزوجته وعنده 4 جهال…
واخوي الثاني خاطبين اله وحده ونتزوج سوه اني وياه وعندي 3 اخوان بعدهم ممتزوجين ..
بعدنه جاي نسولف وصعدت اخته انوار كالت
نزلوا اتغدوا انفرشت السفره… نزلنا ومرت ابوه
وبناتها كاعدات ونزلت مرت اخوه هي وجهالها وسلمت
عبالك مو من اهل البيت من نحط الاكل طلعوا
واجوي اخوته…
نمدت السفره وكعدوا على الاكل وجان تصيح مرت ابوه اني فزيت من صيحتها وكعدت لكمه من ايدي
وتصيح وينج انوار خرره هذا هم اكل
اجتي انوار… هاااا
كالتلها وجعا شنو هالاكل… شيلي مااريد وكامت تحجي عليها…
وطلعت ودمعتها بعينها خطيه وهي كعدت على
التخم وتلعب بتلفون… .والي موجودين محد حاجاهه الكل ساكتين…
علاء ..طلع من الاستقبال راح وره انوار لان بعد
ماحجت عليها مرت ابوهه وطلعت بعد مااجتي تاكل اني بعد مصارت الهوسه ماكلت نفضت ايدي
وكتلهم اريد اغسل ايدي جان مرت ابوة تكول
هذاك المطبخ وروحي غسلي لو تريدين خدم دليج
كتلها لامشكوره مايحتاج ورحت للمطبخ
لكيت انوار تبجي وعلاء مخليها بحضنه وتبجي
وتكله علاء مبينه روان مسكينه وفقيره لخاطري
لا تظلمها وتجيبها هنا ولك علاء اني كارهه روحي
عبالك سهلة واني صايره خدامة لمرت ابوك
وبناتها لشوكت…
اني انصدمت وظليت واكفه بمكاني…
شكرا لزيارتكم عالم روايات سكيرهوم
