رواية بنت الكهوجي الفصل الثامن بقلم احمد
گلتلو من عصبت عليك گعدتني فورا وضحك ضحكة اخذ عقلي بيها گال روحي سوي الريوگ لا اگوم املص اذاناتج
ابتسمتلو وحطيت اصبعي على عيوني ( بمعني من عيوني ) ورحت سويت الريوگ ومن تريگ وراح رجعت للكتاب مال القصص
قبل ما اقرا القصة اجت عيني عالقران وكلش استصغرت نفسي انو عايفة القران ودا اقرا قصص ما الها معنى فتركتو وقريت قران
مر ذاك اليوم بدون احداث تذكر بالليل بابا جان نعسان وما لعبنا بلعبة تركيب الصور واجلناها لثاني يوم علمود نكملها ما يعوفني عالنص وينام
ثاني يوم بعد الغدا خابرو على بابا لان اجوهم ناس وبدل ملابسو وراح واني ماجان عندي شي مهم فنمت للعصر
وبما انو بابا راح الضهر فما بقى لليل من راحو الناس العصر رجع للبيت ويعتبر بذاك اليوم خلص وقتو بس بعد العشى هم خابروه
بس هالمرة خابرو معتصم وگلو اجونا ضيوف ومحتاجينك گالو بابا تمام وبدون اي تردد او انزعاج بدل ملابسو وتحظر علمود يروح
ادم : عود اقفلي باب الغرفة عليج ولا تفتحيه اذا مااكون اني موجود
ياقوت : ليش
- احسن لان الدنيا ليل واني بعيد عنج فلا قدر الله يصير شي واني مو هنا
- إن شاء الله ماكو شي
- إن شاء الله .. يلا مع السلامة
- مع السلامة الله وياك
من طلع قفلت الباب وگعدت اضرب صفنات وماعرف شنو اسوي بوقت هالفراغ غاب بابا تقريبا نص ساعة ورجع ومن دگ الباب فتحتو الو
ادم : حظري نفسج
- شكو
- احتمال راح نرحل منا
- باستغراب .. شكو بابا فهمني شصاير
- مو صاير شي بس هالعجي هذا معتصم فلا تصرلو جارة ولا ينعدل ويتصرف مثل الزلم
- شبيه صخيم
دا احجي وياه واندگ الباب گال روحي لغير مكان ورحت للترك وسمعت بابا گال تفضل شيخنا ورحت لشباك الغرفة مثل ذيج المرة
- شنو من حبل
- عندي دشداشة ما احتاجها گصيتها وسويت بيها حبل وشديت جهة بالشباك والجهة الثانية ماكو شي اشدها بيه
- تمام اني اسويه
من خلصنا غدا اخذت المواعين واني افكر بوضعنا من صدگ وصلنا لدرجة تحت الافلاس فوگ ما بيتنا فارغ ما بيه ربع وبابا مديون هالمبلغ
ما اخفيكم ذيج الفترة وبالاخص لان بعمر المراهقة جنت احلم اصير مثل باقي البنات عندنا ملابس وفساتين من كل الموديلات والالوان
وعندي مكياج من كل الماركات بس من اشوف بابا شگد يكافح ويتعب علمود رزقو اكره حتى نفسي لان افكر بنفسي وما افكر بيه
من خلصت المواعين جان بابا داگ بسمار ومثبت الحبل بيه وصرت اغسل الملابس مالاتنا واشرهن بالبيتونة ولان صيف بسرعة ينشفن
مرت الايام ماكو اي شي جديد ومعتصم مدا يگدر يسوي اي شي ويا بابا لان بابا ما يخليلو مجال وبنفس الوقت ابو دائما موجود
وبابا يگول مدخلني بيه الي يهمني ان الشيخ والي يجون عالمضيف كلهم زينين ويحترموني فما يهمني هذا الخايس خيولي
وصحيح بابا حاليا ما عندو فلوس يروح للسوگ بس الشيخ گالو ايمتى ما تريد تروح بس انطيني خبر علمود احط واحد من الولد بمكانك وروح
البيت جنت دائما مهتمة بنظافتو والبزازين الي موسخات الترك ما شفتهن نهائيا ولا اكو وسخ الهن فيمكن ما يخلوهن يطلعن بعد
قبل رمضان بيوم نظفت البيت وختمت القران علمود ابدا بالختمة البعدها ببداية رمضان وبالليل نمنا بوقت علمود نگعد للسحور
وقتت المنبه مال تيلفون بابا قبل الاذان بساعة ونص تقريبا ومن دگ فورا گعدت وگلت لبابا كمل نومتك من اكمل السحور اگعدك
جنت مجهزة شوية من دجاجة (لان دجاجة كلش هواي علينا واحنا ثنين) وحاطتها بخلطة التتبيلة علمود فورا اطبخها
حطيتها بجيس شوي وحطيتها بالطاوة وجهزت التمن وتقريبا قبل الاذان بساعة الا ربع جان كلشي جاهز واخذت الصينية للغرفة
گعدت بابا وراح غسل وجهو وايديه واجى گال اي والله عاشت ايدج اول يوم برمضان يرادلو تغذية زينة علمود ما نجوع
ياقوت : بالعافية مقدما
- الله يعافيج
- باجر تروح للمضيف
- لا اتفقنا اني والشيخ انو يتبدل نظام شغلي برمضان
- يعني تشتغل بالليل وتبقى هنا بالنهار
- اي
- زين ايمتى ترجع بالليل
- هي هنا المشكلة
- ليش عود
- هم برمضان متعودين ما ينامون بالليل لحد ما يصلون الفجر وبعدها ينامون واني لازم بعد الفطور اروحلهم وابقى وياهم للسحور
- ادري هم يسهرون انت شنو ذنبك
- لا تنسين انو بالنهار ما اروحلهم فحقهم علي ولازم ابقى وياهم واعوض غياب النهار بالليل
- واني شلون ابقى لحالي
- انتي من اطلع منا اقفلي البيت ونامي علمود من ارجع من المضيف اگعدج تتسحرين ونصلي الفجر وننام
- شنو هالشغل الي كل يوم تطلع بيه شغلة صفح وكل ما نگول تسهلت يصعب بعد اكثر
- ليش من ايمتى طريق الحلال سهل
- اني اشوفو سهل لناس وناس
- شوفي الشيطان دائما يحاول يبين للانسان ان طريق الحلال صعب وطريق الحرام سهل علمود الانسان يوگع بالحرام
بس واجبنا كمسلمين ونخاف ربنا انو نتحمل ونكافح بكل قوة وما ننجرف ويا الحرام مهما كان مغري وسهل انو نحصلو
وبالنسبة لغير ناس اكو منهم ربنا يكافأهم على ايمانهم ونيتهم الزينة ومساعدتهم للناس ويفتحلهم كل ابواب الرزق
واكو ناس يرزقهم علمود يزدادون طغيان وتزداد ذنوبهم لان ما حمدو ربنا على نعمتو واكو بعضهم يجمعون فلوسهم بالحرام
احنا صحيح فقراء بس الف حمد وشكر لله انو لا جمعنا فلوس من حرام ولا ربنا رزقنا لاننا طغينا فهذا يعتبر كنز مو فقر
فاحنا شنو الي لازم نسويه لازم نؤمن ان هذا رزقنا بالدنيا وراح يعوضنا ربنا بالاخرة بس لازم نرضي ربنا علمود يرضينا بالاخرة
ياقوت : جنت صافنة على كلام بابا واني مبهورة بطريقة شرحو رغم انو ما واصل لمستوى عالي بالدراسة بس شرحو كلش حلو
جان عندو معلومات حتى اني الدارسة وعلى اساس مثقفة ماعندي مثل معلوماتو وشرحلي الموضوع بكل بساطة وسلاسة
- ها شو صافنة
- ماكو شي
- صدگ ترا معتصم مو شايفج
- شعرفج
- لان سمعتو يحجي ويا صاحبو عن وحدة وجان يقصدها من گال شايفها
- الله يريح گلبك مثل ما ريحت گلبي بس ليش اجى عند بيتنا علمود يحجي
- والله ماعرف .. يلا بوية غسلي المواعين علمود تنامين
- تمام
